Oʻzbekiston Respublikasi Oliy Majlisi Qonunchilik palatasining Oʻzbekiston Respublikasi Prezidenti I.A. Karimovning Oʻzbekiston Respublikasi Vazirlar Mahkamasining 2008-yilda mamlakatni ijtimoiy-iqtisodiy rivojlantirish yakunlari va 2009-yilga moʻljallangan iqtisodiy dasturning eng muhim ustuvor yoʻnalishlariga bagʻishlangan majlisidagi maʼruzasidan kelib chiqadigan vazifalari toʻgʻrisida (960-I-son)
13.02.2009
Oʻzbekiston Respublikasi Oliy Majlisi Qonunchilik palatasi Kengashining
qarori
Oʻzbekiston Respublikasi Prezidenti I.A. Karimovning Oʻzbekiston Respublikasi Vazirlar Mahkamasining majlisidagi 2008-yilda mamlakatimizda erishilgan yutuqlar chuqur va batafsil tahlil qilingan, iqtisodiyotni barqaror rivojlantirishning 2009-yilga moʻljallangan eng muhim ustuvor yoʻnalishlari belgilab berilgan “Mamlakatimizni modernizatsiya qilish va yangilashni izchil davom ettirish — davr talabi” deb nomlangan maʼruzasini muhokama etib, Oʻzbekiston Respublikasi Oliy Majlisi Qonunchilik palatasining Kengashi qaror qiladi:
1. Oʻzbekiston Respublikasi Prezidenti I.A. Karimovning Oʻzbekiston Respublikasi Vazirlar Mahkamasining 2009-yil 13-fevralda boʻlib oʻtgan majlisidagi maʼruzasida bayon etilgan qoidalar va xulosalar qoʻllab-quvvatlansin.
Taʼkidlansinki, 2008-yilda mamlakatni ijtimoiy-iqtisodiy rivojlantirish yakunlari iqtisodiy oʻsishning yuqori, barqaror va muvozanatlashgan surʼatlari hamda makroiqtisodiy barqarorlik tendensiyalari mustahkamlanayotganligidan, iqtisodiyotni tubdan oʻzgartirish va modernizatsiya qilish, aholining bandligi va farovonligi darajasini oshirish boʻyicha uzoq muddatli vazifalarni hal etishda ijobiy siljishlar taʼminlanayotganligidan asosli tarzda dalolat beradi.
2. Oʻzbekiston Respublikasi Oliy Majlisi Qonunchilik palatasining qoʻmitalari Oʻzbekiston Respublikasi Prezidenti tomonidan Oʻzbekiston Respublikasi Vazirlar Mahkamasining 2008-yilda mamlakatni ijtimoiy-iqtisodiy rivojlantirish yakunlari va 2009-yilga moʻljallangan iqtisodiy dasturning eng muhim ustuvor yoʻnalishlariga bagʻishlangan majlisidagi maʼruzasida belgilab berilgan xulosalar, maqsadlar va vazifalarni oʻz qonunchilik hamda nazorat-tahlil faoliyatining samaradorligini yanada oshirish uchun asos sifatida qabul qilsinlar.
3. Oʻzbekiston Respublikasi Prezidentining maʼruzasidan kelib chiqadigan vazifalarni Oʻzbekiston Respublikasi Oliy Majlisining Qonunchilik palatasida amalga oshirish va Oʻzbekiston Respublikasi Oliy Majlisi Qonunchilik palatasining birinchi navbatdagi tadbirlari toʻgʻrisida takliflar tayyorlash maqsadida ilovaga muvofiq tarkibda Ishchi guruhi tuzilsin.
Ishchi guruhining ishini muvofiqlashtirish Oʻzbekiston Respublikasi Oliy Majlisi Qonunchilik palatasi Spikerining oʻrinbosari X.N. Doʻstmuhamedov zimmasiga yuklatilsin.
Ishchi guruhiga oʻz tarkibida alohida yoʻnalishlar boʻyicha kichik guruhlar tuzish hamda hujjatlar loyihalarini ishlab chiqish uchun oʻz ishiga mutaxassislar va ekspertlarni jalb etish huquqi berilsin.
Ishchi guruhining umumlashtirilgan takliflari Oʻzbekiston Respublikasi Oliy Majlisi Qonunchilik palatasi Kengashining koʻrib chiqishi uchun kiritilsin.
4. Siyosiy partiyalar fraksiyalariga jamiyat va davlat hayotining dolzarb masalalarini tayyorlash hamda palata muhokamasiga kiritish boʻyicha oʻz ishlarini kuchaytirish tavsiya qilinsin.
5. Oʻzbekiston Respublikasi Oliy Majlisi Qonunchilik palatasining deputatlari saylovchilar bilan uchrashuvlarda mamlakatimizda erishilgan ijtimoiy-iqtisodiy yutuqlarning ahamiyatini, jahon moliyaviy-iqtisodiy inqirozi davrida Oʻzbekiston rahbariyati tanlagan rivojlanish strategiyasi toʻgʻriligini va mamlakatimizda qabul qilingan inqirozga qarshi dasturning samarali ekanligini atroflicha tushuntirsinlar.
6. Ushbu qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining oʻrinbosarlari X.N. Doʻstmuhamedov, A.A. Rustamov, I. Saifnazarov va A.X. Shodmonov zimmasiga yuklatilsin.
Oʻzbekiston Respublikasi Oliy Majlisi Qonunchilik palatasining Spikeri D. TOShMUHAMEDOVA
Toshkent sh.,
2009-yil 13-fevral,
960-I-son
Oʻzbekiston Respublikasi Oliy Majlisi Qonunchilik palatasi Kengashining 2009-yil 13-fevraldagi 960-I-sonli qaroriga ILOVA
Oʻzbekiston Respublikasi Oliy Majlisi Qonunchilik palatasining Oʻzbekiston Respublikasi Prezidenti I.A. Karimovning Oʻzbekiston Respublikasi Vazirlar Mahkamasining 2008-yilda mamlakatni ijtimoiy-iqtisodiy rivojlantirish yakunlari va 2009-yilga moʻljallangan iqtisodiy dasturning eng muhim ustuvor yoʻnalishlariga bagʻishlangan majlisidagi maʼruzasida bayon etilgan qoidalardan kelib chiqadigan birinchi navbatdagi tadbirlari toʻgʻrisida takliflar tayyorlash boʻyicha ishchi guruhining
TARKIBI
1. Vafoyev U.N. — Agrar, suv xoʻjaligi masalalari va ekologiya qoʻmitasi raisining oʻrinbosari (Ishchi guruhi rahbari) 2. Abdunazarov A.B. — Sanoat, qurilish va savdo masalalari qoʻmitasi raisining oʻrinbosari 3. Ahmadjonov N. — Budjet va iqtisodiy islohotlar qoʻmitasi aʼzosi 4. Alimov N.H. — Fan, taʼlim, madaniyat va sport masalalari qoʻmitasi aʼzosi 5. Jalmenov U.A. — Xalqaro ishlar va parlamentlararo aloqalar qoʻmitasi aʼzosi 6. Karimov N.H. — Mudofaa va xavfsizlik masalalari qoʻmitasi aʼzosi 7. Rajabov F.Z. — Qonunchilik va sud-huquq masalalari qoʻmitasi aʼzosi 8. Sidiqov N.Gʻ. — Sanoat, qurilish va savdo masalalari qoʻmitasi aʼzosi 9. Ubaydullayev Z.S. — Xalqaro ishlar va parlamentlararo aloqalar qoʻmitasi aʼzosi 10. Yusupov E.J. — Fan, taʼlim, madaniyat va sport masalalari qoʻmitasi aʼzosi 11. Irkaxodjayev A.K. — Qonunchilik palatasi Devoni rahbari 12. Rustamov B.M. — Qonunchilik palatasi Devoni Qoʻmitalar bilan ishlash boʻlimi mudiri 13. Yoʻldoshev A.A. — Qonunchilik palatasi Devoni Yuridik boʻlimi mudiri 14. Abdurahmonov F.A. — Ќonunchilik palatasi Devoni Xalqaro aloqalar boʻlimi mudiri 15. Islombekov U.I. — Qonunchilik palatasi Devoni Matbuot kotibi 16. Joʻrayeva S.A. — Qonunchilik palatasi Devoni Matbuot va tarjima boʻlimi mudiri