Oʻzbekiston Respublikasi Oliy Majlisi Senati qoʻmitalarining 2011-yilga moʻljallangan tadbirlar rejasi toʻgʻrisida (146-II-son)

30.12.2010

Oʻzbekicton Respublikasi Oliy Majlisi Senati Kengashining

qarori

Oʻzbekiston Respublikasi Oliy Majlisi Senatining Kengashi qaror qiladi:

Oʻzbekiston Respublikasi Oliy Majlisi Senati qoʻmitalarining 2011-yilga moʻljallangan tadbirlar rejasi tasdiqlansin (ilova qilinadi).

Oʻzbekiston Respublikasi Oliy Majlisi Senatining Raisi I. SOBIROV

Toshkent sh.,

2010-yil 30-dekabr,

146-II-son

Oʻzbekiston Respublikasi Oliy Majlisi Senati qoʻmitalarining 2011-yilga moʻljallangan tadbirlar

REJASI

Yilning birinchi choragi

“Kichik va oilaviy biznesni hamda innovatsiyalarni ragʻbatlantirish yoʻllari” mavzuida seminarlar (Buxoro va Toshkent viloyatlarida, 2010-yil 31-martdagi mahalliy Kengashlar Harakat dasturining 1.3-bandiga muvofiq).

Budjet va iqtisodiy islohotlar masalalari qoʻmitasi

“Sud mustaqilligini taʼminlash va jinoyat protsessida oʻzaro tortishuv prinsipini kuchaytirish masalalari” mavzuida davra suhbati (Senatning Mudofaa va xavfsizlik masalalari qoʻmitasi bilan birgalikda, Senatning 2010-yil 3-dekabrdagi Harakat dasturining 2.1.1-bandiga muvofiq).

Qonunchilik va sud-huquq masalalari qoʻmitasi

“Aholini favqulodda vaziyatlardan muhofaza qilishning dolzarb masalalari” mavzuida seminar.

Mudofaa va xavfsizlik masalalari qoʻmitasi

“Umumjahon madaniy va tabiiy boyliklarini saqlash toʻgʻrisidagi YUNESKO konvensiyasi (Parij, 1972-yil 23-noyabr) va ushbu soha uchun kadrlarni tayyorlash masalalari” mavzuida ilmiy-amaliy konferensiya.

Tashqi siyosat masalalari qoʻmitasi

“Davlat hokimiyati va boshqaruvi organlari faoliyatida oshkoralikni taʼminlashda ommaviy axborot vositalarining roli” mavzuida davra suhbati (Senatning Tashqi siyosat masalalari qoʻmitasi va Senatning matbuot xizmati bilan birgalikda, Senatning 2010-yil 3-dekabrdagi Harakat dasturining 3.1.2-bandiga muvofiq).

Fan, taʼlim, madaniyat va sport masalalari qoʻmitasi

“Ekologik taʼlim va aholi bilimini oshirish tizimi: amaliyot va samara” mavzuida konferensiya.

Agrar, suv xoʻjaligi masalalari va ekologiya qoʻmitasi

Yilning ikkinchi choragi

Namangan va Fargʻona viloyatlarida “Kredit byurolari faoliyati va kredit axboroti almashuvi toʻgʻrisida”gi, “Garov reyestri toʻgʻrisida”gi, “Investitsiya va pay fondlari toʻgʻrisida”gi, “Innovatsiyalar va iqtisodiyotni modernizatsiya qilish toʻgʻrisida”gi qonun hujjatlarini qabul qilish va amalga oshirish sohasidagi xalqaro tajriba: ijobiy jihatlar va milliy qonunchiligimizni uygʻunlashtirish masalalari” mavzuida davra suhbatlari (Senatning Tashqi siyosat masalalari qoʻmitasi bilan birgalikda, Senatning 2010-yil 3-dekabrdagi Harakat dasturining 6.1.5-bandiga, 2010-yil 31-martdagi mahalliy Kengashlar Harakat dasturining 1.3-bandiga, 2010-yil 31-martdagi mahalliy Kengashlar Harakat dasturiga qoʻshimchaning 2.5-bandiga muvofiq).

Budjet va iqtisodiy islohotlar masalalari qoʻmitasi

“Xabeas korpus” institutining qoʻllanish doirasini kengaytirish” mavzuida konferensiya (Senatning Mudofaa va xavfsizlik masalalari qoʻmitasi bilan birgalikda, Senatning 2010-yil 3-dekabrdagi Harakat dasturining 2.1.1-bandiga muvofiq).

Qonunchilik va sud-huquq masalalari qoʻmitasi

“Mahalliy davlat hokimiyati organlari va fuqarolik jamiyati institutlarining fuqarolarni harbiy xizmatga tayyorlashdagi oʻzaro hamkorligi: amaliyot va istiqbol” mavzuida davra suhbati (Senatning 2010-yil 7-maydagi Harakat dasturining 3.1.3-bandiga muvofiq).

Mudofaa va xavfsizlik masalalari qoʻmitasi

“Huquq ijodkorligi va huquqni qoʻllash amaliyoti sohasida yagona davlat siyosatini olib borishda adliya organlarining roli. Xalqaro tajriba va amaliyot” mavzuida davra suhbati (Senatning Qonunchilik va sud-huquq masalalari qoʻmitasi bilan birgalikda, Senatning 2010-yil 3-dekabrdagi Harakat dasturining 2.2.1-bandiga muvofiq).

Tashqi siyosat masalalari qoʻmitasi

“Aholining yuksak huquqiy madaniyatini shakllantirish — fuqarolik jamiyati rivojining muhim omili” mavzuida konferensiya (Senatning Qonunchilik va sud-huquq masalalari qoʻmitasi bilan birgalikda, Senatning 2010-yil 3-dekabrdagi Harakat dasturining 2.3.1-bandiga muvofiq).

Fan, taʼlim, madaniyat va sport masalalari qoʻmitasi

“Fermer xoʻjaliklarining samaradorligini oshirish va yerlarni maqbullashtirish masalalari” mavzuida seminar (Qashqadaryo viloyatida, 2010-yil 31-martdagi mahalliy Kengashlar Harakat dasturining 1.3-bandiga muvofiq).

Agrar, suv xoʻjaligi masalalari va ekologiya qoʻmitasi

Yilning uchinchi choragi

“Xususiy mulkni muhofaza qilishning huquqiy kafolatlari” mavzuida davra suhbati (Qoraqalpogʻiston Respublikasida, Senatning Agrar, suv xoʻjaligi masalalari va ekologiya qoʻmitasi bilan birgalikda, Senatning 2010-yil 3-dekabrdagi Harakat dasturining 6.1.1-bandiga, 2010-yil 31-martdagi mahalliy Kengashlar Harakat dasturining 1.3-bandiga muvofiq).

Budjet va iqtisodiy islohotlar masalalari qoʻmitasi

“Maʼmuriy javobgarlik toʻgʻrisidagi qonun hujjatlarini takomillashtirish masalalari” mavzuida davra suhbati (Senatning 2010-yil 3-dekabrdagi Harakat dasturining 2.1.1-bandiga muvofiq).

Qonunchilik va sud-huquq masalalari qoʻmitasi

“Yoʻl harakati xavfsizligini taʼminlash: muammolar va ularni hal etish yoʻllari” mavzuida konferensiya.

Mudofaa va xavfsizlik masalalari qoʻmitasi

“Xorazm viloyatida xalqaro turizm infratuzilmasini takomillashtirish yoʻllari” mavzuida seminar (“Oʻzbekturizm” milliy kompaniyasi bilan birgalikda, 2010-yil 31-martdagi mahalliy Kengashlar Harakat dasturining 1.3-bandiga muvofiq).

Tashqi siyosat masalalari qoʻmitasi

“Sogʻliqni saqlash, atrof-muhitni muhofaza qilishga doir va ijtimoiy yoʻnalishdagi boshqa davlat dasturlarini amalga oshirishda nodavlat notijorat tashkilotlar ishtirokining oʻziga xos jihatlari” mavzuida seminar (Senatning Agrar, suv xoʻjaligi masalalari va ekologiya qoʻmitasi bilan birgalikda, Senatning 2010-yil 3-dekabrdagi Harakat dasturining 5.2.1-bandiga muvofiq).

Fan, taʼlim, madaniyat va sport masalalari qoʻmitasi

“Orolboʻyi mintaqasining buguni va kelajagi: muammolar va ularni hal etish yoʻllari” mavzuida davra suhbati (Qoraqalpogʻiston Respublikasida, 2010-yil 31-martdagi mahalliy Kengashlar Harakat dasturining 1.3-bandiga muvofiq).

Agrar, suv xoʻjaligi masalalari va ekologiya qoʻmitasi

Yilning toʻrtinchi choragi

“Moliya-bank sohasiga xususiy kapitalni jalb qilish choralari va yoʻllari: qonunchilik va amaliyot” mavzuida ilmiy-amaliy konferensiya.

“Mahalliy hokimiyat vakillik organlariga saylov oʻtkazish amaliyotini demokratlashtirish” mavzuida seminar (Senatning mahalliy hokimiyat vakillik organlari faoliyatini kuchaytirishga koʻmaklashuvchi komissiyasi bilan birgalikda, Senatning 2010-yil 3-dekabrdagi Harakat dasturining 4.1.1-bandiga, 2010-yil 31-martdagi mahalliy Kengashlar Harakat dasturining 1.3-bandiga muvofiq).

“Tezkor-qidiruv tadbirlarini oʻtkazishda qonuniylikka rioya etish — inson huquqlari va erkinliklari kafolati” mavzuida seminar (Senatning Qonunchilik va sud-huquq masalalari qoʻmitasi bilan birgalikda, Senatning 2010-yil 3-dekabrdagi Harakat dasturining 2.1.1-bandiga muvofiq).

Mudofaa va xavfsizlik masalalari qoʻmitasi

“Kichik biznes va xususiy tadbirkorlik vakillari xalqaro bozorga chiqishining huquqiy va institutsional muammolari” mavzuida davra suhbati (Oʻzbekiston Respublikasi Tashqi iqtisodiy aloqalar, investitsiyalar va savdo vazirligi hamda Oʻzbekiston Savdo-sanoat palatasi bilan birgalikda).

Tashqi siyosat masalalari qoʻmitasi

“Aholi bandligini taʼminlash — davlat siyosatining ustuvor yoʻnalishi” mavzuida davra suhbati (Senatning 2010-yil 3-dekabrdagi Harakat dasturining 6.1.7-bandiga muvofiq).

Fan, taʼlim, madaniyat va sport masalalari qoʻmitasi

“Atrof-muhitni muhofaza qilish: muammolar va ularni hal etish yoʻllari” mavzuida davra suhbati (Senatning Budjet va iqtisodiy islohotlar masalalari qoʻmitasi bilan birgalikda, Senatning 2010-yil 3-dekabrdagi Harakat dasturining 6.1.1-bandiga muvofiq).

Agrar, suv xoʻjaligi masalalari va ekologiya qoʻmitasi

Izohlar: ushbu rejaga zaruratga qarab ayrim oʻzgartish va qoʻshimchalar kiritilishi mumkin.

Senatning 2010-yil 7-maydagi Harakat dasturi — Oʻzbekiston Respublikasi Prezidenti I. Karimovning 2010-yil 26-yanvardagi Oʻzbekiston Respublikasi Oliy Majlisi Senatining birinchi majlisidagi, 2010-yil 27-yanvardagi Oʻzbekiston Respublikasi Oliy Majlisi Qonunchilik palatasi va Senatining qoʻshma majlisidagi “Mamlakatimizni modernizatsiya qilish va kuchli fuqarolik jamiyati barpo etish — ustuvor maqsadimizdir” nomli maʼruzalarining asosiy qoida va xulosalarini roʻyobga chiqarish yuzasidan Oʻzbekiston Respublikasi Oliy Majlisi Senatining Harakat dasturi (Oʻzbekiston Respublikasi Oliy Majlisi Senatining 2010-yil 7-maydagi 42-II-sonli qarori bilan tasdiqlangan).

Senatning 2010-yil 3-dekabrdagi Harakat dasturi — Oʻzbekiston Respublikasi Prezidenti I.A. Karimovning Oʻzbekiston Respublikasi Oliy Majlisi Qonunchilik palatasi va Senatining 2010-yil 12-noyabrda oʻtkazilgan qoʻshma majlisidagi “Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” mavzuidagi maʼruzasining asosiy qoidalari va xulosalarini amalga oshirish yuzasidan Oʻzbekiston Respublikasi Oliy Majlisi Senatining 2010-yilga va keyingi yillarga moʻljallangan Harakat dasturi (Oʻzbekiston Respublikasi Oliy Majlisi Senatining 2010-yil 3-dekabrdagi 116-II-sonli qarori bilan tasdiqlangan).

2010-yil 31-martdagi mahalliy Kengashlar Harakat dasturi — Mahalliy hokimiyat vakillik organlari faoliyatini kuchaytirishga doir 2010 — 2014-yillarga moʻljallangan Harakat dasturi (Oʻzbekiston Respublikasi Oliy Majlisi Senati Kengashining 2010-yil 31-martdagi 30-II-sonli qarori bilan tasdiqlangan).