Toshkent viloyatining Yangiyoʻl shahri va Yangiyoʻl tumani hududlarini birlashtirish hamda Yangiyoʻl shahrini tuman boʻysunuvidagi shaharlar turkumiga kiritish toʻgʻrisida (136-II-son)

04.12.2010

Oʻzbekiston Respublikasi Oliy Majlisi Senatining

Qarori

“Oʻzbekiston Respublikasida maʼmuriy-hududiy tuzilish, toponimik obyektlarga nom berish va ularning nomlarini oʻzgartirish masalalarini hal etish tartibi toʻgʻrisida”gi Oʻzbekiston Respublikasi Qonunining 2, 5, 9 va 11-moddalariga muvofiq Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi Qonunchilik palatasining “Toshkent viloyatining Yangiyoʻl shahri va Yangiyoʻl tumani hududlarini birlashtirish hamda Yangiyoʻl shahrini tuman boʻysunuvidagi shaharlar turkumiga kiritish toʻgʻrisida”gi 2010-yil 19-noyabrdagi 199-II-sonli qarori maʼlumot uchun qabul qilinsin.

2. Oʻzbekiston Respublikasi Vazirlar Mahkamasining taklifi maʼqullansin — Toshkent viloyatining Yangiyoʻl shahri va Yangiyoʻl tumani hududlari birlashtirilsin hamda Yangiyoʻl shahri tuman boʻysunuvidagi shaharlar turkumiga kiritilsin.

3. Toshkent viloyati tarkibida Yangiyoʻl shahri va Yangiyoʻl tumani negizida umumiy maydoni 43 148 gektar boʻlgan Yangiyoʻl tumani tuzilsin hamda uning tarkibiga Yangiyoʻl shahri, Gulbahor qoʻrgʻoni, A. Ortiqov nomli, “Navbahor”, “Niyozbosh”, U. Musayev nomli, “Xalqobod”, “Shoʻralisoy”, “Eski Qovunchi” va “Qoʻshyogʻoch” qishloq fuqarolar yigʻinlari kiritilsin.

Yangiyoʻl shahri Yangiyoʻl tumanining maʼmuriy markazi etib belgilansin.

4. Toshkent viloyati Yangiyoʻl tumanining chegarasi Oʻzbekiston Respublikasi Vazirlar Mahkamasi tomonidan taqdim etilgan chizma shaklga muvofiq tasdiqlansin.

5. Belgilab qoʻyilsinki, Yangiyoʻl shahridagi saylov okruglaridan saylangan xalq deputatlari Yangiyoʻl shahar Kengashining deputatlari xalq deputatlari Yangiyoʻl tuman Kengashi deputatlari hisoblanadi.

6. Oʻzbekiston Respublikasi Vazirlar Mahkamasi ushbu qarorni bajarishga doir kompleks chora-tadbirlarning amalga oshirilishini taʼminlasin.

7. Ushbu qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi I. SOBIROV

Toshkent sh.,

2010-yil 4-dekabr,

136-II-son