Toshkent shahar Sobir Rahimov tumanining nomini oʻzgartirish toʻgʻrisida (133-II-son)

04.12.2010

Oʻzbekiston Respublikasi Oliy Majlisi Senatining

Qarori

“Oʻzbekiston Respublikasida maʼmuriy-hududiy tuzilish, toponimik obyektlarga nom berish va ularning nomlarini oʻzgartirish masalalarini hal etish tartibi toʻgʻrisida”gi Oʻzbekiston Respublikasi Qonunining 15-moddasiga muvofiq Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi Qonunchilik palatasining “Toshkent shahar Sobir Rahimov tumanining nomini oʻzgartirish toʻgʻrisida”gi 2010-yil 3-noyabrdagi 182-II-sonli qarori maʼlumot uchun qabul qilinsin.

2. Toshkent shahar hokimining iltimosnomasi qanoatlantirilsin — Toshkent shahar Sobir Rahimov tumanining nomi Olmazor deb oʻzgartirilsin.

3. Ushbu qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi I. SOBIROV

Toshkent sh.,

2010-yil 4-dekabr,

133-II-son