Oʻzbekiston Respublikasi Prezidenti I. Karimovning “Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish Konsepsiyasi” mavzuidagi maʼruzasi yuzasidan (186-II-son)

12.11.2010

Oʻzbekiston Respublikasi Oliy Majlisi Qonunchilik Palatasi va Senatining

Qoʻshma qarori

Oʻzbekiston Respublikasi Prezidenti I. Karimovning “Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish Konsepsiyasi” mavzuidagi maʼruzasini tinglab, Oʻzbekiston Respublikasi Oliy Majlisi Qonunchilik palatasi va Senati qaror qiladilar:

1. Oʻzbekiston Respublikasi Prezidenti I. Karimovning maʼruzasida bayon etilgan Oʻzbekistonda demokratik islohotlarni yanada chuqurlashtirish va fuqarolik jamiyatini rivojlantirish masalalarining mamlakatimizni demokratik yangilash va modernizatsiya qilish yoʻlidan bosqichma-bosqich ilgarilab borishda hal qiluvchi omil sifatida oʻz vaqtida bildirilgan va muhim masalalar ekani taʼkidlansin.

2. Oʻzbekiston Respublikasi Oliy Majlisi har ikkala palatasi Kengashlariga Maʼruzaning asosiy mazmunini Oʻzbekiston Respublikasi Oliy Majlisi Qonunchilik palatasi va Senatining yalpi majlislarida muhokama etishga tayyorlashni topshirishni maqsadga muvofiq deb topilsin.

Oʻzbekiston Respublikasi Oliy Majlisi Qonunchilik palatasining Spikeri D. TOShMUHAMEDOVA

Toshkent sh.,

2010-yil 12-noyabr,

186-II-son

Oʻzbekiston Respublikasi Oliy Majlisi Senatining Raisi I. SOBIROV

Toshkent sh.,

2010-yil 12-noyabr,

107-II-son