Oʻzbekiston Respublikasi Vazirlar Mahkamasining “davriy matbuotni tarqatuvchi korxonalarni qoʻllab-quvvatlash chora-tadbirlari toʻgʻrisida” 2000-yil 13-apreldagi 143-son qaroriga oʻzgartirish kiritish haqida (284-son)

07.08.2002

Oʻzbekiston Respublikasi Vazirlar Mahkamasining

qarori

Davriy matbuotni maxsus avtotransport bilan tashish tashkil etilishi munosabati bilan, uni aholiga oʻz vaqtida yetkazish va tashishni tezlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “Davriy matbuotni tarqatuvchi korxonalarni qoʻllab-quvvatlash chora-tadbirlari toʻgʻrisida” 2000-yil 13-apreldagi 143-son qarorining 2-bandidagi “aviatsiya va temir yoʻlda” soʻzlari “aviatsiya, temir yoʻlda va maxsus avtotransportda” soʻzlari bilan almashtirilsin.

2. Belgilansinki, 2002-yilda davriy matbuotni maxsus avtotransportda tashish bilan bogʻliq xarajatlarning 50 foizini qoplash xarajatlari Davlat budjetidan “Matbuot tarqatuvchi” aksiyadorlik kompaniyasiga ushbu maqsadlar uchun ajratiladigan mablagʻlar limitini koʻpaytirmasdan Davlat budjetining 2002-yilga tasdiqlangan koʻrsatkichlari doirasida amalga oshiriladi.

Oʻzbekiston Respublikasining Bosh vaziri Oʻ. SULTONOV

Toshkent sh.,

2002-yil 7-avgust,

284-son