Keksalarni sogʻlomlashtirish va ularning boʻsh vaqtlarini mazmunli tashkil etish boʻyicha nodavlat pansionatlari tomonidan koʻrsatiladigan xizmatlarning namunaviy roʻyxatini tasdiqlash toʻgʻrisida (2777-son)

12.04.2016

Oʻzbekiston Respublikasi Sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2016-yil 12-aprelda 2777-son bilan davlat roʻyxatidan oʻtkazilgan]

Oʻzbekiston Respublikasi Prezidentining 2016-yil 24-fevraldagi PQ-2499-son “Aholining hojatmand qatlamlariga tibbiy-ijtimoiy yordam koʻrsatish tizimini takomillashtirish boʻyicha tashkiliy chora-tadbirlar toʻgʻrisida”gi qarori hamda Oʻzbekiston Respublikasi Vazirlar Mahkamasining 2015-yil 9-iyuldagi 186-son “Keksalarni sogʻlomlashtirish va ularning boʻsh vaqtlarini mazmunli tashkil etish boʻyicha nodavlat pansionati toʻgʻrisidagi nizomni tasdiqlash haqida”gi qaroriga muvofiq buyuraman:

1. Keksalarni sogʻlomlashtirish va ularning boʻsh vaqtlarini mazmunli tashkil etish boʻyicha nodavlat pansionatlari tomonidan koʻrsatiladigan xizmatlarning namunaviy roʻyxati ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran uch oy oʻtgach kuchga kiradi.

Vazir A. ALIMOV

Toshkent sh.,

2016-yil 4-aprel,

49-son

Oʻzbekiston Respublikasi sogʻliqni saqlash vazirining 2016-yil 4-apreldagi 49-son buyrugʻiga ILOVA

Keksalarni sogʻlomlashtirish va ularning boʻsh vaqtlarini mazmunli tashkil etish boʻyicha nodavlat pansionatida koʻrsatiladigan xizmatlarning

NAMUNAVIY ROʻYXATI

1. Umumiy vrachlik amaliyoti ixtisosligi boʻyicha profilaktika, diagnostika qilish, maslahat berish va davolash. 2. Tez tibbiy yordam ixtisosligi boʻyicha profilaktika, diagnostika qilish, maslahat berish va davolash. 3. Ginekologiya ixtisosligi boʻyicha profilaktika, diagnostika qilish, maslahat berish va konservativ davolash. 4. Endokrinologiya ixtisosligi boʻyicha profilaktika, diagnostika qilish, maslahat berish va konservativ davolash. 5. Ichki kasalliklar (terapiya) ixtisosligi boʻyicha profilaktika, diagnostika qilish, maslahat berish va konservativ davolash. 6. Allergologiya va immunologiya ixtisosligi boʻyicha profilaktika, diagnostika qilish, maslahat berish va konservativ davolash. 7. Gastroenterologiya ixtisosligi boʻyicha profilaktika, diagnostika qilish, maslahat berish va konservativ davolash. 8. Diyetologiya ixtisosligi boʻyicha profilaktika, diagnostika qilish, maslahat berish va konservativ davolash. 9. Kurortologiya ixtisosligi boʻyicha profilaktika, diagnostika qilish, maslahat berish va konservativ davolash. 10. Fizioterapiya ixtisosligi boʻyicha profilaktika qilish va davolash. 11. Davolash fizkulturasi va sport tibbiyoti ixtisosligi boʻyicha profilaktika, diagnostika qilish, maslahat berish va konservativ davolash. 12. Nefrologiya ixtisosligi boʻyicha profilaktika, diagnostika qilish, maslahat berish va konservativ davolash. 13. Pulmonologiya ixtisosligi boʻyicha profilaktika, diagnostika qilish, maslahat berish va konservativ davolash. 14. Revmatologiya ixtisosligi boʻyicha profilaktika, diagnostika qilish, maslahat berish va konservativ davolash. 15. Funksional diagnostika ixtisosligi boʻyicha profilaktika va diagnostika qilish. 16. Otorinolaringologiya ixtisosligi boʻyicha profilaktika, diagnostika qilish, maslahat berish va davolash (LOR organlarning murakkab tugʻma nuqsonlarini bartaraf etishga oid operatsiyalardan tashqari). 17. Surdologiya-otorinolaringologiya ixtisosligi boʻyicha profilaktika, diagnostika qilish, maslahat berish va konservativ davolash. 18. Kardiologiya ixtisosligi boʻyicha profilaktika, diagnostika qilish, maslahat berish va konservativ davolash (intervension kardiologiyadan tashqari). 19. Oftalmologiya ixtisosligi boʻyicha profilaktika, diagnostika qilish, maslahat berish va davolash. 20. Dermatovenerologiya ixtisosligi boʻyicha profilaktika, diagnostika qilish, maslahat berish va konservativ davolash (faqat dermatologiya boʻyicha xizmatlar). 21. Tibbiy kosmetologiya ixtisosligi boʻyicha profilaktika, diagnostika qilish, maslahat berish va konservativ davolash. 22. Nevrologiya ixtisosligi boʻyicha profilaktika, diagnostika qilish, maslahat berish va konservativ davolash. 23. Narkologiya ixtisosligi boʻyicha profilaktika, diagnostika qilish, maslahat berish va konservativ davolash. 24. Psixoterapiya ixtisosligi boʻyicha profilaktika, diagnostika qilish, maslahat berish va davolash. 25. Umumiy xirurgiya ixtisosligi boʻyicha kichik ambulatoriya xirurgiyasi yoʻnalishida profilaktika, diagnostika qilish, maslahat berish va davolash. 26. Koloproktologiya ixtisosligi boʻyicha profilaktika, diagnostika qilish, maslahat berish, konservativ va kichik operativ davolash. 27. Diagnostik va davolash endoskopiyasi boʻyicha profilaktika, diagnostika qilish va davolash. 28. Gematologiya ixtisosligi boʻyicha profilaktika, diagnostika qilish va maslahat berish. 29. Urologiya ixtisosligi boʻyicha profilaktika, diagnostika qilish, maslahat berish, konservativ va kichik operativ davolash. 30. Seksopatologiya ixtisosligi boʻyicha profilaktika, diagnostika qilish, maslahat berish va konservativ davolash. 31. Tibbiy radiologiya ixtisosligi boʻyicha profilaktika, diagnostika qilish. 32. Rentgenologiya ixtisosligi boʻyicha profilaktika va diagnostika qilish. 33. Ultratovush diagnostikasi ixtisosligi boʻyicha profilaktika va diagnostika qilish. 34. Reabilitologiya ixtisosligi boʻyicha diagnostika qilish, maslahat berish va konservativ davolash. 35. Ortopediya ixtisosligi boʻyicha profilaktika, diagnostika qilish, maslahat berish va konservativ davolash. 36. Oilaviy tibbiyot ixtisosligi boʻyicha profilaktika, diagnostika qilish, maslahat berish va konservativ davolash. 37. Tibbiy genetika ixtisosligi boʻyicha profilaktika, diagnostika qilish, maslahat berish va konservativ davolash. 38. Klinik diagnostik laboratoriya ixtisosligi boʻyicha profilaktika va diagnostika qilish. 39. Umumiy stomatologiya ixtisosligi boʻyicha profilaktika, diagnostika qilish, maslahat berish va davolash. 40. Terapevtik stomatologiya ixtisosligi boʻyicha profilaktika, diagnostika qilish, maslahat berish va davolash. 41. Xirurgik stomatologiya ixtisosligi boʻyicha profilaktika, diagnostika qilish, maslahat berish va davolash. 42. Ortopedik stomatologiya ixtisosligi boʻyicha profilaktika, diagnostika qilish, maslahat berish va davolash. 43. Ortodontiya ixtisosligi boʻyicha profilaktika, diagnostika qilish, maslahat berish va davolash.

Izoh: Keksalarni sogʻlomlashtirish va ularning boʻsh vaqtlarini mazmunli tashkil etish boʻyicha nodavlat pansionati mazkur Namunaviy roʻyxatga kiritilmagan, qonunchilik hujjatlari bilan taqiqlanmagan boshqa xizmatlarni ham koʻrsatishga haqli.

Mazkur Namunaviy roʻyxatga kiritilgan tibbiy xizmatlarni hamda amalga oshirilishi uchun litsenziya talab etiladigan boshqa xizmatlarni koʻrsatish tegishli faoliyat uchun litsenziya olgan holda amalga oshiriladi.

Mazkur Namunaviy roʻyxat Oʻzbekiston Respublikasi Savdo-sanoat palatasi bilan kelishilgan.

Savdo-sanoat palatasi raisi A. SHAYXOV

2016-yil 31-mart