Bojxona yuk deklaratsiyasini toʻldirish tartibi toʻgʻrisidagi yoʻriqnomani tasdiqlash haqida (2773-son)

06.04.2016

Oʻzbekiston Respublikasi Davlat bojxona qoʻmitasining

Qarori

[Oʻzbekiston Respublikasi Adliya vazirligi tomonidan 2016-yil 6-aprelda roʻyxatdan oʻtkazildi, roʻyxat raqami 2773]

Oʻzbekiston Respublikasi Bojxona kodeksi, “Davlat bojxona xizmati toʻgʻrisida”gi Qonuni hamda Vazirlar Mahkamasining 2014-yil 31-dekabrdagi 376-son “Tovarlarni bojxonada elektron shaklda deklaratsiyalash tartibi toʻgʻrisidagi nizomni tasdiqlash haqida”gi qaroriga muvofiq Oʻzbekiston Respublikasi Davlat bojxona qoʻmitasi qaror qiladi:

1. Bojxona yuk deklaratsiyasini toʻldirish tartibi toʻgʻrisidagi yoʻriqnoma ilovaga muvofiq tasdiqlansin.

2. Mazkur qaror 2016-yil 21-apreldan kuchga kiradi.

Rais Z. DUSANOV

Toshkent sh.,

2016-yil 29-fevral,

01-02/15-07-son

Oʻzbekiston Respublikasi Davlat bojxona qoʻmitasining 2016-yil 29-fevraldagi 01-02/15-07-son qaroriga ILOVA

Bojxona yuk deklaratsiyasini toʻldirish tartibi toʻgʻrisidagi

YOʻRIQNOMA

Mazkur Yoʻriqnoma Oʻzbekiston Respublikasining Bojxona kodeksi, “Davlat bojxona xizmati toʻgʻrisida”gi Qonuni, Oʻzbekiston Respublikasi Prezidentining 2012-yil 18-iyuldagi PF-4455-son “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2018-yil 31-iyuldagi 605-son “Tovarlarni bojxonada elektron shaklda deklaratsiyalash tartibini yanada takomillashtirish toʻgʻrisida”gi qaroriga muvofiq bojxona yuk deklaratsiyasini (bundan buyon matnda BYD deb yuritiladi) toʻldirish tartibini belgilaydi.

1-bob. Umumiy qoidalar

1. Mazkur Yoʻriqnomada quyidagi asosiy tushunchalardan foydalaniladi:

joʻnatuvchi — tovarlarni oʻz nomidan tashish uchun tashuvchiga taqdim etuvchi va u haqidagi maʼlumotlar transport hujjatlarida koʻrsatilgan shaxs;

moliyaviy tartibga solish uchun javobgar shaxs — tashqi savdo kontraktini (shartnomasi, kelishuvini) tuzgan va u boʻyicha hisob-kitoblarni amalga oshirishga masʼul shaxs;

deklaratsiyalovchi shaxs — bojxona organlariga BYDni oʻz nomidan taqdim etayotgan deklarant yoki deklarantning yoxud deklarant bilan shartnoma tuzgan bojxona brokerining shtat birligida boʻlgan BYDni toʻldirish, imzolash va bojxona organlariga deklarant nomidan taqdim etishga vakolatli bojxona rasmiylashtiruvi boʻyicha mutaxassis;

elektron BYD — deklaratsiyalovchi shaxsning elektron raqamli imzosi (bundan buyon matnda ERI deb yuritiladi) bilan tasdiqlangan, “Tovarlarni elektron deklaratsiyalash” avtomatlashtirilgan axborot tizimi (bundan boʻyon matnda TEDAAT deb yuritiladi) vositasida taqdim etilgan elektron shakldagi BYD yoki qogʻoz shakldagi BYDning elektron tashuvchida taqdim etilgan elektron nusxasi;

qabul qiluvchi — yuk tashishni amalga oshirayotgan tashuvchi taqdim etishi lozim boʻlgan, tovarlarni oʻz nomidan qabul qilib oluvchi va u haqidagi maʼlumotlar transport hujjatlarida koʻrsatilgan shaxs, tovarlarning bojxona rejimi oʻzgargan hollarda esa — BYD taqdim qilinayotgan vaqtda bojxona rasmiylashtiruvidan soʻng deklaratsiyalanayotgan tovarlarni bojxona organlaridan oʻz tasarrufiga olish vakolatiga ega boʻlgan shaxs.

2. BYDni qoʻllagan holda tovarlarni deklaratsiyalash bojxona maqsadlari uchun zarur boʻlgan maʼlumotlarni elektron shaklda TEDAATga kiritish orqali yoki qonunchilik hujjatlarida belgilangan holatlarda A4 formatdagi varaqlarda qogʻoz shakldagi BYDni qoʻllagan holda amalga oshiriladi.

BYD qogʻoz shaklda taqdim etilganda deklaratsiyalovchi shaxs bojxona organlariga oʻzining ERIsi bilan tasdiqlangan BYDning elektron nusxasini ham taqdim etadi.

3. Elektron BYD bojxona organlariga belgilangan format va tuzilishga muvofiq taqdim etilishi lozim.

4. Quyidagilar bitta BYDda deklaratsiyalanishi mumkin:

1) bitta bitimga muvofiq yoki bunday bitim tuzmasdan bitta joʻnatuvchining manzilidan bitta oluvchining manziliga bitta transport hujjati bilan (bundan bir nechta temir yoʻl va avtotransport vositasida olib oʻtilayotgan (olib oʻtilgan) tovarlar mustasno) olib oʻtilayotgan (olib oʻtilgan) va bir xil bojxona rejimiga joylashtirilayotgan tovarlar;

2) temir yoʻl va avtotransport vositasida bir nechta transport hujjati bilan olib oʻtilayotganda (olib oʻtilganda):

temir yoʻl transportida olib chiqilayotgan tovarlar boʻyicha — bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bitta temir yoʻl transportida bir vaqtda joʻnatiladigan va bir xil bojxona rejimiga joylashtirilayotgan tovarlar;

temir yoʻl transportida olib kirilayotgan tovarlar boʻyicha — bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bitta temir yoʻl transporti tarkibida Oʻzbekiston Respublikasi hududiga bir vaqtda olib kirilgan va bir xil bojxona rejimiga joylashtirilayotgan tovarlar;

avtotransport vositasida olib chiqilayotgan tovarlar boʻyicha — bitta bitimga muvofiq yoki bunday bitim tuzmasdan bitta joʻnatuvchining manzilidan bitta oluvchining manziliga bitta chegara bojxona posti orqali olib chiqiladigan va bir vaqtda bitta bojxona postiga taqdim etgan holda bir xil bojxona rejimiga joylashtirilayotgan bir nom, tur, markadagi, Oʻzbekiston Respublikasi Tashqi iqtisodiy faoliyat tovarlar nomenklaturasiga (bundan boʻyon matnda TIF TN deb yuritiladi) asosan bitta oʻn raqamli kod bilan tasniflanuvchi tovarlar;

avtotransport vositasida olib kirilgan (olib kirilayotgan) tovarlar boʻyicha — bitta bitimga muvofiq yoki bunday bitim tuzmasdan bitta joʻnatuvchining manzilidan bitta oluvchining manziliga bitta chegara bojxona posti orqali bir kunda olib kirilgan (olib kiriladigan) va bitta bojxona postiga taqdim etgan holda bir xil bojxona rejimiga joylashtirilayotgan bir nom, tur, markadagi, TIF TNga asosan bitta oʻn raqamli kod bilan tasniflanuvchi tovarlar;

TIF TNni talqin etishning 2a asosiy qoidasiga muvofiq yigʻilmagan yoki ajratilgan tovarning tarkibiy qismlari deb hisoblanadigan va TIF TNning yigʻilgan yoki tugallangan tovarga mos keluvchi pozitsiyasida tasniflanadigan tovarlar, agar bunday tovarlar bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bir turdagi transport vositasida olib kirilgan va bojxona hududiga kirib kelish joyida ayni bitta bojxona organiga taqdim etilgan boʻlsa. Bunda, tovarlar olib kirilib avval boshqa bojxona rejimiga joylashtirilmagan boʻlsa, BYD Oʻzbekiston Respublikasi Bojxona kodeksining 261-moddasida koʻzda tutilgan muddatlar doirasida taqdim etilishi lozim;

3) bitta pochta yuk xati bilan olib oʻtilayotgan yoxud bojxona chegarasi orqali oʻtayotgan jismoniy shaxsning qoʻl yukida va bagajida olib oʻtilayotgan tovar yoki uning bir qismi.

Agar tovarlar turli bojxona rejimlariga joylashtirilayotgan boʻlsa, u holda toʻldiriladigan BYDlar soni bojxona rejimlari soniga muvofiq boʻlishi lozim.

5. Deklarant bitta bojxona organiga taqdim etilayotgan, mazkur Yoʻriqnomaning 4-bandida koʻrsatilgan talablarga javob beradigan tovarlarni bir nechta BYD bilan deklaratsiyalashi mumkin, TIF TNni talqin etishning 2a asosiy qoidasiga muvofiq yigʻilmagan yoki ajratilgan tovarning tarkibiy qismlari deb hisoblanadigan va TIF TNning yigʻilgan yoki tugallangan tovarga mos keluvchi pozitsiyasida tasniflanadigan tovarlar bundan mustasno.

6. Bitta BYDda koʻpi bilan 100 ta nomdagi tovarlar toʻgʻrisidagi maʼlumotlar bayon etilishi mumkin.

7. Bir nom, tur, markadagi, TIF TNga asosan bitta oʻn raqamli kod bilan tasniflanuvchi, bir mamlakatdan yoki bir iqtisodiy ittifoq hududidan (agar tovarning aniq kelib chiqish mamlakatini aniqlash imkoni boʻlmasa) kelib chiqqan yoxud kelib chiqish mamlakati nomaʼlum boʻlgan, boj-tariflarini tartibga solish, taqiq va cheklovlarning bir xil shartlari qoʻllaniladigan tovarlar bitta tovar sifatida deklaratsiyalanadi.

8. Olib kirilib, erkin muomalaga chiqarish (import) bojxona rejimiga joylashtirilayotgan hamda bir xil TIF TN kodlari bilan tasniflanayotgan, lekin turli nom, tovar belgilari, marka, model, texnik tavsifga ega boʻlgan, oʻz ehtiyoji uchun moʻljallanmagan isteʼmol tovarlari (TIF TNning 4901, 4902, 4908 — 4911 tovar pozitsiyalari bilan tasniflanuvchi tovarlar bundan mustasno) turli tovarlar sifatida alohida deklaratsiyalanadi.

Farmatsevtika mahsulotlarini (TIF TNning 30 guruhi) va tibbiy maqsadlar uchun moʻljallangan mahsulotlarni (TIF TNning 9018 tovar pozitsiyasi) kelgusida realizatsiya qilish uchun “erkin muomalaga chiqarish (import)” bojxona rejimida olib kiruvchi tashkilotlar ularni BYDda deklaratsiyalashda majburiy tartibda savdo nomlarini, xalqaro patentlanmagan nomlarini, modellarini, texnik tavsiflarini, dori-darmonlarni chiqarish shakllarini, dozasini, konsentratsiyasini, qadoqdagi miqdorini, qadoqlar sonini, ishlab chiqaruvchisini va ishlab chiqarilgan davlatni koʻrsatadilar. Bunda, agar bitta BYDda yuqorida koʻrsatilgan parametrlardan, hattoki bittasi boʻyicha farq qiluvchi tovarlar rasmiylashtirilayotgan boʻlsa, u holda ular turli xil tovarlar sifatida alohida deklaratsiyalanadi.

9. BYD oʻzbek yoki rus tilida tushunarli toʻldirilgan boʻlishi lozim.

BYDda oʻchirishlar va boʻyashlar boʻlmasligi kerak. Tushunarsiz toʻldirilgan BYDlar bojxona organlari tomonidan rasmiylashtirish uchun qabul qilinmaydi.

10. BYDga mazkur Yoʻriqnomada koʻzda tutilmagan maʼlumotni kiritilishiga yoʻl qoʻyilmaydi.

11. Tovarning kuzatuv hujjatlarida shaxslar, tovarlar, transport vositalari nomlanishlari va boshqa maʼlumotlarning lotin yoki boshqa (arab, xitoy va h.k.) alifbolar harflarida yozilganligi holatlari uchrasa, u holda bunday maʼlumotlar BYDda lotin alifbosi harflari bilan, kirill alifbosidagi nomlanishlar kirill alifbosi harflari bilan yoziladi.

Masalan:

shaxsning nomi — “Central global cargo Gmbh”, “Xinjiang zhongtai chemical Co., LTD”, “Magnitogorskiy metallurgicheskiy kombinat”, Kupriyanov Igor Mixaylovich;

avtotransport vositasi nomi — texnik vosita pasporti yoki rasmiy spravochniklarga muvofiq — “Toyota land cruiser”, “BMW 523i”, “MAN”, “KAMAZ”, “MAZ”;

tovar nomi — “Mars”, “Adidas”, “Alyonka”, “Russkoye pole”.

12. Qogʻoz shakldagi BYD taqdim etilgandan soʻng bojxona organi xodimi BYDning toʻgʻri toʻldirilganligini, bojxona rasmiylashtiruvi uchun zarur hujjatlar mavjudligining dastlabki tekshiruvini amalga oshiradi.

Dastlabki tekshiruv natijasida kamchiliklar aniqlansa ushbu kamchiliklarni bartaraf etish maqsadida bojxona organi xodimi bu haqida deklaratsiyalovchi shaxsni xabardor qiladi.

Deklaratsiyalanayotgan tovarlarga nisbatan qonunchilik hujjatlarida mavjud bojxona toʻlovlarini toʻlash boʻyicha imtiyozlar va preferensiyalardan foydalanilmaganligi hamda ushbu imtiyozlar va preferensiyalar toʻgʻrisidagi maʼlumotlarning BYDni tegishli grafalarida aks ettirilmaganligi ham kamchilik hisoblanadi.

BYDning dastlabki tekshiruvi natijasida kamchiliklar aniqlanmasa, bojxona organi xodimi BYDni rasmiylashtirish uchun qabul qiladi.

Bojxona organi tomonidan BYDning qabul qilinganligini rasmiylashtirish u topshirilgan kunda, roʻyxatdan oʻtkazish orqali amalga oshiriladi. Bojxona organi BYDni mazkur Yoʻriqnomaning 90-bandiga muvofiq tartibda uning 7-grafasini toʻldirish orqali roʻyxatga oladi.

13. BYDning rasmiylashtirilishi mazkur Yoʻriqnomaning 90-bandida belgilangan tartibda BYDning “D” grafasini toʻldirilishi bilan yakunlanadi.

14. Bojxona rasmiylashtiruvi va bojxona nazorati yakunlangandan soʻng Oʻzbekiston Respublikasi Bojxona kodeksining 184-moddasi uchinchi qismida koʻrsatilgan muddat davomida quyida koʻrsatilgan hujjatlarning saqlanishi taʼminlanadi:

deklarant tomonidan — BYD hamda BYDni rasmiylashtirish uchun asos boʻlgan hujjatlar;

bojxona brokeri tomonidan — elektron BYD hamda BYDni rasmiylashtirish uchun asos boʻlgan elektron hujjatlar, BYD qogʻoz shaklda rasmiylashtirilgan holatlarda esa qogʻoz shakldagi BYDning ikkinchi nusxasi va BYDni rasmiylashtirish uchun asos boʻlgan hujjatlarning nusxalari;

bojxona organlari tomonidan — elektron BYD hamda BYDni rasmiylashtirish uchun asos boʻlgan elektron hujjatlar, BYD qogʻoz shaklda rasmiylashtirilgan holatlarda esa qogʻoz shakldagi BYDning birinchi nusxasi va BYDni rasmiylashtirish uchun asos boʻlgan hujjatlarning nusxalari.

2-bob. Elektron shaklda deklaratsiyalashning oʻziga xos xususiyatlari

15. Elektron shaklda deklaratsiyalashda barcha maʼlumotlar elektron BYDning tegishli grafalarida yoki ushbu grafa uchun ajratilgan detallashtirilgan jadvallarda toʻliq koʻrsatiladi va BYDning boshqa grafalariga, qoʻshimcha ilova qilinadigan varaqlarga yoki boshqa shu kabi havolalar qilinishiga yoʻl qoʻyilmaydi.

16. Elektron shaklda deklaratsiyalashda bojxona organlari BYDni qogʻozga chop etmaydilar va qogʻozdagi BYD nusxalarini imzo va muhr bilan tasdiqlab bermaydilar, Oʻzbekiston Respublikasining xalqaro shartnomalarida koʻzda tutilgan holatlar bundan mustasno.

Oʻzbekiston Respublikasining xalqaro shartnomalariga muvofiq BYD qogʻozga chop etilganda bojxona organining vakolatli xodimi elektron BYDdagi maʼlumotlar aks ettirilgan har bir varaqqa tegishli shtamp qoʻyadi, uni oʻz imzosi va shaxsiy raqamli muhri (agar bojxona organi xodimiga shaxsiy raqamli muhr biriktirilmagan boʻlsa, bojxona organining muhri) bilan tasdiqlaydi, qogʻozning yuqori oʻng burchagini esa “Nusxa” yozuvi bilan belgilaydi.

3-bob. Qogʻoz shaklda deklaratsiyalashning oʻziga xos xususiyatlari

17. Qogʻoz shaklda deklaratsiyalashda BYD mazkur Yoʻriqnomaning 1-ilovasiga muvofiq BYDning asosiy varagʻi, bir nechta tovarlarni deklaratsiyalashda esa mazkur Yoʻriqnomaning 2-ilovasiga muvofiq BYDning qoʻshimcha varagʻidan iborat boʻladi.

BYDning asosiy varagʻida bitta tovar toʻgʻrisida, bitta qoʻshimcha varagʻida esa uchta tovar toʻgʻrisida maʼlumotlar koʻrsatilishi mumkin (bir vaqtning oʻzida asosiy varaqqa 33 tadan koʻp boʻlmagan qoʻshimcha varaqlar ilova qilinishi mumkin).

Agar mazkur Yoʻriqnomada qoʻshimcha varaqlarning alohida grafalari uchun toʻldirishning oʻziga xos xususiyatlari belgilanmagan boʻlsa, BYD qoʻshimcha varaqlaridagi grafalarni toʻldirish tartibi BYD asosiy varagʻidagi mos grafalarni toʻldirish tartibiga muvofiq amalga oshiriladi.

Agar BYDning qoʻshimcha varagʻida bitta yoki ikkita tovar deklaratsiyalanayotgan boʻlsa, qoʻshimcha varaqning toʻldirilmagan qismidagi 31-grafaga diagonal chiziq tortiladi.

18. BYD qogʻoz shaklda taqdim etilganda, BYDning biror bir grafasida bayon etilayotgan maʼlumotlarni (korxona nomi, vagon, konteyner raqamlari va h. k.) koʻrsatish uchun joy yetarli boʻlmasa, ushbu maʼlumotlar BYDning orqa tomonida yoki qoʻshimcha ilova qilinadigan, BYDning ajralmas qismi boʻlgan A4 formatdagi varaqlarda koʻrsatilishi mumkin. Bunday yozuv deklaratsiyalovchi shaxs tomonidan imzolanadi tegishli grafada esa “BYDning orqa tomoniga qarang” yoki “qoʻshimcha varaqqa qarang” yozuvi qayd etiladi.

Bunda BYDning asosiy va qoʻshimcha varaqlarining orqa qismida yoki qoʻshimcha ilova qilinadigan varaqlarda grafa raqami va deklaratsiyalanayotgan tovarning tartib raqami (agar maʼlumotlar aniq bir tovarga taalluqli boʻlsa) koʻrsatiladi va mazkur Yoʻriqnomaning 4 — 19-boblarida belgilangan tartibda ushbu grafada bayon etiladigan maʼlumotlar koʻrsatiladi.

Har bir ilova qilinadigan qoʻshimcha varaqning yuqori oʻng burchagida “__________ sonli BYDga ____ varaqda qoʻshimcha”, deklaratsiyalanayotgan tovarning tartib raqami “____-sonli tovar” tarzida hamda har bir tovar boʻyicha grafa raqami koʻrsatiladi.

19. Qogʻoz shaklda deklaratsiyalashda BYD bojxona organlariga toʻrt nusxada taqdim etiladi. Ushbu nusxalar quyidagicha taqsimlanadi:

birinchi nusxa — bojxona organlari ish yigʻma jildlarida qoladi;

ikkinchi nusxa — bojxona brokeri uchun;

uchinchi va toʻrtinchi nusxalar — deklarant uchun.

4-bob. Eksport bojxona rejimiga joylashtirilayotgan tovarlarga BYDni toʻldirish

20. Eksport bojxona rejimiga joylashtirishda tovarlar bojxona organlariga mazkur Yoʻriqnomaning 21 va 22-bandlariga muvofiq toʻldirilgan BYDni taqdim etish orqali deklaratsiyalanadi.

21. Deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 42, 43, 44, 45, 46, 47, 48, 49, 50, 54, “S”.

22. Deklaratsiyalovchi shaxs tomonidan grafalarning toʻldirilishi:

1) 1-grafa. “Deklaratsiya turi”.

Grafaning birinchi boʻlmasida tovarlarni olib oʻtish yoʻnalishi koʻrsatiladi — “EK”.

Grafaning ikkinchi boʻlmasida mazkur Yoʻriqnomaning 3-ilovasida keltirilgan Bojxona rejimlari tasniflagichiga muvofiq bojxona rejimining ikki raqamli kodi koʻrsatiladi.

Grafaning uchinchi boʻlmasi toʻldirilmaydi.

2) 2-grafa. “Eksportchi/yukni joʻnatuvchi”.

Grafada tovarlarni joʻnatuvchisi va eksportchisi haqidagi maʼlumotlar koʻrsatiladi.

Agar tovarlarni eksportchisi ham, joʻnatuvchisi ham bir shaxs boʻlsa:

jismoniy shaxs uchun — uning familiyasi, ismi, otasining ismi va doimiy yashash manzili hamda telefon raqami haqidagi maʼlumotlar koʻrsatiladi.

Masalan:

“Kabirov Abdukarim Soliyevich

Samarqand viloyati, Samarqand shah., Sherdor koʻch., 6-uy, 8-xonadon, telefon:

8-366-999-99-99

yuridik shaxs uchun — uning qisqacha nomi va joylashgan yeri (yuridik manzili), telefon raqami hamda elektron pochta manzili (mavjud boʻlsa) koʻrsatiladi.

Masalan:

“Trans group” MCHJ

Toshkent shah., Yunusobod tumani, Uch terak koʻch., 3-uy, 19-xonadon, telefon: +99871-999-99-99, elektron pochta: [email protected]”.

Agar eksportchi va yukni joʻnatuvchi nomidan yuridik shaxsning tarkibiy tuzilmasi qatnashayotgan boʻlsa, tarkibiy tuzilmaning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa), shuningdek yuridik shaxs toʻgʻrisida yuqorida qayd etilgan maʼlumotlar koʻrsatiladi.

Masalan:

“Vodiy-Fargʼona” MCHJ

Fargʻona viloyati, Fargʻona shah., Sanoat koʻch., 2-uy, telefon: 8-373-999-99-99, elektron pochta: [email protected]

“Vodiy” MCHJning filiali

Andijon viloyati, Andijon shah., Bobur koʻchasi, 597-uy, telefon: 8-374-999-99-99, elektron pochta: [email protected]”.

Agar eksportchi va yukni joʻnatuvchi turli shaxslar boʻlsa, xususan joʻnatuvchi tovarni eksportchining topshirigʻiga asosan joʻnatayotgan yoki shunga oʻxshash boshqa holatlarda grafada avval joʻnatuvchining qisqacha nomi, joylashgan yeri (yuridik manzili) va telefon raqami, soʻngra eksportchining (tovarni yetkazib berish toʻgʻrisida topshiriq bergan shaxsning) qisqacha nomi va joylashgan yeri (yuridik manzili) koʻrsatiladi.

Masalan:

“Gʼuncha” MCHJ

Toshkent viloyati, Yangiyoʻl tumani, Samarqand koʻch., 19-uy, telefon: +998XX-XXX-XX-XX

“Oʼztadbirkoreksport” AJ topshirigʻiga asosan, Toshkent shah., Mirobod tumani, Oʻzbekiston koʻch., 1-uy.

BYDning 9-grafasida eksportchi toʻgʻrisida maʼlumot koʻrsatiladigan boʻlsa, mazkur grafada joʻnatuvchidan keyin eksportchi haqidagi maʼlumotlar koʻrsatilishi talab etilmaydi.

Grafaning yuqori oʻng burchagida “№” belgisidan soʻng, agar yukni joʻnatuvchi:

jismoniy shaxs — rezidentlar boʻlsa — “00000001” kodi;

jismoniy shaxs — norezidentlar boʻlsa — “00000002” kodi;

ustav kapitalida davlat ulushi boʻlgan tashkilot boʻlsa — “00000003” kodi;

xorijiy davlatlarning diplomatik va konsullik muassasalari boʻlsa “99999999” kodi;

xalqaro hukumatlararo tashkilotlarning vakolatxonalari, xorijiy davlatlar hukumat tashkilotlarining iqtisodiy, texnik hamkorlik, gumanitar yordam koʻrsatish boʻyicha vakolatxonalari, doimiy muassasalar boʻlsa “88888888” kodi koʻrsatiladi;

mazkur kichik bandning yigirma oltinchi — oʻttizinchi xatboshilarida koʻrsatilmagan shaxslar boʻlsa, maʼlumot koʻrsatilmaydi.

Grafaning pastki qismida “№” belgisidan soʻng yukni joʻnatuvchining STIRi (jismoniy shaxs boʻlsa, unga tegishli jismoniy shaxsning shaxsiy identifikatsiya raqami (bundan buyon matnda JSHSHIR deb yuritiladi), joʻnatuvchi nomidan uning tarkibiy tuzilmasi ishtirok etayotgan holatlarda tarkibiy tuzilmaning STIRi, soʻngra “/” belgisidan keyin yuridik manzili (jismoniy shaxsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi. STIR yoki JSHSHIRga ega boʻlmagan shaxslar tomonidan olib oʻtilayotgan tovarlarni deklaratsiyalashda “999999999” kodi koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda ushbu grafa toʻldirilmaydi;

3) 3-grafa. “Qoʻshimcha varaqlar”.

Grafaning birinchi boʻlmasida varaqning tartib raqami, ikkinchi boʻlmasida taqdim etilayotgan BYD varaqlarining umumiy soni (asosiy va qoʻshimcha varaqlari yigʻindisi) koʻrsatiladi.

Masalan, agar BYD ikkita qoʻshimcha varaqlarga ega boʻlsa BYDning asosiy varagʻida “1/3”; birinchi qoʻshimcha varagʻida “2/3”; ikkinchi qoʻshimcha varagʻida “3/3” koʻrsatiladi. Agar BYD qoʻshimcha varaqlarga ega boʻlmasa “1/1” koʻrsatiladi.

Tovarlar elektron shaklda deklaratsiyalanganda grafada, elektron BYD qogʻozga chop etilgandagi kabi varaqning tartib raqami va BYD varaqlarining umumiy soni mazkur kichik bandda belgilangan tartibda koʻrsatiladi;

4) 5-grafa. “Tovarlar nomlarining umumiy soni”.

Grafada BYDning 31-grafalarida koʻrsatilgan tovarlar nomlarining umumiy soni yoziladi. Bu son BYDning toʻldirilgan 31-grafalari soniga muvofiq boʻlishi lozim;

5) 7-grafa. “BYDning roʻyxat raqami”.

Grafada mazkur Yoʻriqnomaning 4-ilovasida keltirilgan Bojxona postlari tasniflagichiga muvofiq BYD taqdim etiladigan bojxona postining beshta raqamli kodi koʻrsatiladi;

6) 8-grafa. “Importchi/yukni qabul qiluvchi”.

Grafada transport hujjatlarida tovarlarni qabul qiluvchi sifatida koʻrsatilgan shaxs toʻgʻrisidagi maʼlumotlar qayd etiladi.

Grafada quyidagilar koʻrsatiladi:

yukni qabul qiluvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili (mazkur Yoʻriqnomaning 5-ilovasida keltirilgan Dunyo mamlakatlari tasniflagichiga muvofiq mamlakatning qisqa nomi va manzili);

yukni qabul qiluvchi yuridik shaxs boʻlsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va manzili).

Masalan:

“Alibayev Nuridin Kamalovich

Qozogʻiston, Almati sh., Suyunbay shoh koʻchasi, 450-uy”

yoki ““Ros-Torg” MCHJ

Rossiya, Ivanovo sh., Smirnov koʻch., 62-uy”.

Agar yukni qabul qiluvchi tovarni boshqa shaxsning topshirigʻiga koʻra qabul qilayotgan boʻlsa yoki shunga oʻxshash boshqa holatlarda grafada avval yukni qabul qiluvchining qisqacha nomi va joylashgan yeri (yuridik manzili), soʻngra tovarni qabul qilib olish toʻgʻrisida topshiriq bergan shaxsning qisqacha nomi va joylashgan yeri (yuridik manzili) koʻrsatiladi.

Masalan:

“Ros-Torg” MCHJ

Rossiya, Ximki shah., Karlov koʻch., 362-uy

“Faraon” MCHJ topshirigʻiga asosan

Rossiya, Moskva shah., Bolshaya polyanka koʻch., 563”.

Elektron BYDda qabul qiluvchi, tovarni qabul qilib olish toʻgʻrisida topshiriq bergan shaxs (BYDning 9-grafasidagi shaxs bilan tashqi savdo kontraktini (shartnomasini, kelishuvini) tuzgan shaxs) va tovarning kuzatuv hujjatlarida koʻrsatilgan boshqa shaxslar haqidagi maʼlumotlarning har biri alohida ajratilgan maydonchada koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda ushbu grafa toʻldirilmaydi;

7) 9-grafa. “Moliyaviy tartibga solish uchun javobgar shaxs”.

Grafada tashqi savdo kontrakti (shartnomasi, kelishuvini) tuzgan va ushbu kontrakt (shartnoma, kelishuv) boʻyicha hisob-kitoblarni amalga oshirish uchun javobgar boʻlgan yuridik shaxsning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) yoki jismoniy shaxsning familiyasi, ismi, otasining ismi, yashash manzili hamda telefon raqami toʻgʻrisidagi maʼlumotlar koʻrsatiladi.

Grafaning yuqori qismida “№” belgisidan soʻng, agar shaxslar:

jismoniy shaxs — rezidentlar boʻlsa — “00000001” kodi;

jismoniy shaxs — norezidentlar boʻlsa — “00000002” kodi;

ustav kapitalida davlat ulushi boʻlgan tashkilot boʻlsa — “00000003” kodi;

xorijiy davlatlarning diplomatik va konsullik muassasalari boʻlsa “99999999” kodi;

xalqaro hukumatlararo tashkilotlarning vakolatxonalari, xorijiy davlatlar hukumat tashkilotlarining iqtisodiy, texnik hamkorlik, gumanitar yordam koʻrsatish boʻyicha vakolatxonalari, doimiy muassasalar boʻlsa “88888888” kodi koʻrsatiladi;

mazkur kichik bandning toʻrtinchi — sakkizinchi xatboshilarida koʻrsatilmagan shaxslar boʻlsa, maʼlumot koʻrsatilmaydi.

Grafaning pastki qismida “№” belgisidan soʻng moliyaviy tartibga solish uchun javobgar shaxsning STIRi (jismoniy shaxs boʻlsa, JSHSHIRi), soʻngra “/” belgisidan keyin uning yuridik manzili (jismoniy shaxsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi. STIR yoki JSHSHIRga ega boʻlmagan shaxslar tomonidan olib oʻtilayotgan tovarlarni deklaratsiyalashda “999999999” kodi koʻrsatiladi.

Tovarlar begʻaraz (toʻlovsiz) asosdagi bitimlar boʻyicha olib oʻtilganda grafa toʻldirilmaydi;

8) 11-grafa. “Savdo qilinayotgan mamlakat”.

Grafaning chap boʻlmasida savdo qilinayotgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

BYDning 9-grafasida koʻrsatilgan shaxs bilan tashqi savdo kontraktini (shartnomasini, kelishuvini) tuzgan shaxs roʻyxatga olingan yoki doimiy yashaydigan, mazkur kontraktga (shartnomaga, kelishuvga) muvofiq tovarlar Oʻzbekiston Respublikasi bojxona chegarasi orqali olib oʻtilayotgan yoki uning ijrosi yuzasidan tovarlarning bojxona rejimi oʻzgartirilayotgan mamlakat savdo qilinayotgan mamlakat hisoblanadi.

Tovarlarning bojxona chegarasi orqali olib oʻtilishi yoki ularning bojxona rejimining oʻzgarishi tashqi savdo kontrakti (shartnomasi, kelishuvi) ijrosi boʻyicha amalga oshirilmayotgan boʻlsa, Dunyo mamlakatlari tasniflagichiga muvofiq mamlakatning raqamli kodi tovarning kuzatuv hujjatlari asosida koʻrsatiladi;

Mamlakat yoki hudud Yuridik va jismoniy shaxslar tomonidan valyuta operatsiyalari amalga oshirilishining asoslanganligi yuzasidan monitoring olib borish tartibi toʻgʻrisidagi nizom (roʻyxat raqami 2467, 2013-yil 12-iyun) bilan tasdiqlangan Imtiyozli soliq rejimi beriladigan va (yoki) moliyaviy operatsiyalar amalga oshirilganda oshkor etish va axborot berish nazarda tutilmaydigan davlat va hududlar (offshor hududlar) roʻyxatiga kiritilgan boʻlsa, grafaning oʻng boʻlmasida “1” kodi koʻrsatiladi. Agar mamlakat yoki hudud mazkur xatboshida nazarda tutilgan Roʻyxatga kiritilgan boʻlmasa, grafaning oʻng boʻlmasida “2” kodi koʻrsatiladi.

9) 12-grafa. “Umumiy bojxona qiymati”.

Grafada, raqamli kodi BYDning 22-grafasida koʻrsatilgan valyutada, deklaratsiyalanayotgan tovarlarning umumiy bojxona qiymati koʻrsatiladi. Tovarlarning umumiy bojxona qiymatini BYDning 45-grafalaridagi tovarlarning bojxona qiymatlari yigʻindisi tashkil qiladi;

10) 13-grafa.

Grafada Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi AQSH dollarining Oʻzbekiston Respublikasi milliy valyutasiga nisbatan kursi koʻrsatiladi;

11) 14-grafa. “Deklarant/bojxona brokeri”.

Grafada BYDni toʻldirgan va bojxona organlariga taqdim etayotgan bojxona brokeri yoki deklarant yuridik shaxs boʻlganda, uning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) koʻrsatiladi;

Agar deklarant jismoniy shaxs boʻlsa, grafada ushbu jismoniy shaxsning familiyasi, ismi va otasining ismi, uning yashash manzili, telefon raqami va elektron pochta manzili (mavjud boʻlsa) koʻrsatiladi.

Grafaning yuqori qismida “№” belgisidan soʻng ushbu bojxona brokeri yoki deklarantni STIRi (jismoniy shaxs boʻlsa, JSHSHIRi) koʻrsatiladi;

12) 17-grafa. “Kelib tushadigan mamlakat”.

Grafada tovarlar kelib tushadigan mamlakatning Dunyo mamlakatlari tasniflagichiga muvofiq qisqa nomi koʻrsatiladi.

Tovarlar kelib tushadigan mamlakat — tovarlar yetkazib berilishi lozim boʻlgan soʻnggi mamlakat;

13) 17a-grafa. “Kelib tushadigan mamlakat kodi”.

Grafada tovarlar kelib tushadigan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

14) 18-grafa. “Joʻnatish/yetkazib berish vaqtidagi transport vositasi”.

Grafada Oʻzbekiston Respublikasi bojxona chegarasidagi oʻtkazish punktiga yetkazib berish uchun tovarlar yuklangan transport vositalari bilan bogʻliq maʼlumotlar koʻrsatiladi.

Grafaning chap boʻlmasida transport vositalari soni yoziladi, soʻngra bitta boʻsh joy (probel) qoldirilib, mazkur Yoʻriqnomaning 6-ilovasida keltirilgan Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda bojxona chegarasidagi oʻtkazish punktiga yetkazib berish uchun tovarlar yuklanayotgan transport vositasi toʻgʻrisidagi, tovar bojxona chegarasini kesib oʻtgunga qadar qayta yuklanadigan holatlarda esa tovarlarni qayta yuklash joyigacha yetkazib beradigan transport vositasi toʻgʻrisidagi maʼlumotlar koʻrsatiladi (dengiz yoki daryo kemasi nomi, havo kemasining reys raqami, temir yoʻl vagoni raqami, yoʻl transport vositasining roʻyxat raqami va shu kabi maʼlumotlar).

Masalan:

1 AVTO: A987SA;

2 JD: 63453546; 97893994.

Agar tovarlar avtotransport vositalari sostavi bilan olib oʻtilayotgan boʻlsa, transport vositasining roʻyxat raqamidan soʻng “/” ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Masalan:

1 AVTO: A987SA/ K118DS.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tashishda avtotransport vositalari sostavidan foydalanilgan boʻlsa, ushbu transport vositalarni (pritseplarni, yarim pritseplarni va h.k.) harakatga keltiruvchi avtotransport vositasi roʻyxatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) qoldirilib, “BYDning orqa tomoniga qarang” havolasi yoziladi (qogʻoz shakldagi BYDda), grafaning oʻng boʻlmasidan “999” kodi qoʻyiladi. Qogʻoz shakldagi BYDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYDda bunday havola qilinmaydi va barcha maʼlumotlar elektron BYDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: “TRUBOPROVOD”, “LEP”;

Grafada qoʻshimcha ravishda transport vositasi va undagi tovar bilan bogʻliq quyidagi maʼlumotlar (elektron BYDda alohida ajratilgan maydonlarda) koʻrsatiladi:

transport vositasidagi tovarning kilogrammdagi “brutto” ogʻirligi;

avtotransport vositasi turining ikki raqamli kodi, avtotransport vositasining VIN raqami, tashuv tugallanadigan mamlakatning Dunyo mamlakatlari tasniflagichiga muvofiq raqamli kodi;

tovarlarni tashuvchisi toʻgʻrisidagi maʼlumotlar (tashuvchi jismoniy shaxs boʻlsa — uning familiyasi, ismi, otasining ismi, JSHSHIRi, pasport seriyasi va raqami; tashuvchi yuridik shaxs boʻlsa — uning nomi, STIRi), avtotransport vositasi haydovchisining familiyasi, ismi, otasining ismi, JSHSHIRi, pasport seriyasi va raqami. Agar tovarlarning tashuvchisi yoki avtotransport vositasining xaydovchisi STIR yoki JSHSHIRga ega boʻlmagan norezident boʻlsa, u holda shaxsning STIR yoki JSHSHIRi qayd etiladigan joyda “99999999999999” kodi koʻrsatiladi.

Avtotransport vositasi turining ikki raqamli kodi quyidagi tartibda koʻrsatiladi:

“10” — yengil avtomobil (haydovchi oʻrnini hisobga olmaganda 8 tadan koʻp boʻlmagan oʻrindiqqa ega boʻlgan);

“21” — yuk avtomobil (yuk koʻtarish qobiliyati 10 tonnagacha boʻlgan);

“22” — yuk avtomobil (yuk koʻtarish qobiliyati 10 tonnadan 20 tonnagacha boʻlgan);

“23” — yuk avtomobil (yuk koʻtarish qobiliyati 20 tonnadan ortiq boʻlgan);

“31” — avtobus (haydovchi oʻrnini hisoblamaganda 12 tagacha oʻrindiqqa ega boʻlgan);

“32” — avtobus (haydovchi oʻrnini hisoblamaganda 13 tadan 30 tagacha oʻrindiqqa ega boʻlgan);

“33” — avtobus (haydovchi oʻrnini hisoblamaganda 30 tadan ortiq oʻrindiqqa ega boʻlgan);

“40” — mikroavtobus;

“50” — traktor;

“60” — mototransport;

“70” — maxsus transport;

15) 19-grafa. “Konteyner”.

Grafada quyidagilar koʻrsatiladi:

“0” — agar tovarlar konteynerda olib oʻtilmayotgan boʻlsa;

“1” — agar tovarlar konteynerda olib oʻtilayotgan yoki tovar sifatida konteyner rasmiylashtirilayotgan boʻlsa.

16) 20-grafa. “Yetkazib berish shartlari”.

Grafada tashqi savdo bitimi asosida tovarlarni yetkazib berish shartlari toʻgʻrisidagi maʼlumotlar koʻrsatiladi. Tovarlar begʻaraz asosda olib oʻtilayotganda tovarlarni yetkazib berish shartlari tovarning kuzatuv hujjatlari asosida koʻrsatiladi.

Grafaning birinchi boʻlmasida mazkur Yoʻriqnomaning 7-ilovasida keltirilgan Yetkazib berish shartlari tasniflagichiga muvofiq yetkazib berish shartining raqamli kodi koʻrsatiladi.

Grafaning ikkinchi boʻlmasida Yetkazib berish shartlari tasniflagichiga muvofiq geografik punkt koʻrsatilgan holda yetkazib berish shartining harfli kodi qayd etiladi.

Grafaning uchinchi boʻlmasida tashqi savdo kontrakti (shartnomasi, kelishuvi) shartlariga muvofiq BYD asosida eksport qilinayotgan tovarlar uchun qoʻllaniladigan hisob-kitoblar shaklining ikki raqamli kodi, soʻngra “/” belgisidan keyin tovarlarni joʻnatish shaklining ikki raqamli kodi koʻrsatiladi (elektron BYDda har bir kod alohida ajratilgan maydonda koʻrsatiladi).

Eksport qilinayotgan tovarlar uchun hisob-kitoblar shaklining ikki raqamli kodi quyidagi tartibda koʻrsatiladi:

“10” — oldindan toʻlov;

“20” — akkreditiv;

“30” — bank kafolati;

“40” — eksport kontraktlarini siyosiy va tijorat xavflaridan sugʻurtalash polisi;

“50” — eksport fakti boʻyicha;

“60” — konsignatsiya boʻyicha;

“70” — barter operatsiyasi;

“80” — begʻaraz (toʻlovsiz) asosda yetkazib berish.

Hisob-kitoblarning aralash shakllari qoʻllangan hollarda grafada mutlaq ifodada ustunlikka ega boʻlgan hisob-kitob shakli koʻrsatiladi.

Tovarlarni joʻnatish shaklining ikki raqamli kodi quyidagi tartibda koʻrsatiladi:

“01” — tovar toʻgʻridan-toʻgʻri shartnoma (bitim, kelishuv) tuzuvchi shaxs manziliga joʻnatilayotgan boʻlsa;

“02” — tovar toʻgʻridan-toʻgʻri shartnoma (bitim, kelishuv) tuzuvchi shaxs manziliga joʻnatilmayotgan hollarda;

18) 22-grafa. “Valyuta va tovarlarning umumiy faktura qiymati”.

Grafaning chap boʻlmasida mazkur Yoʻriqnomaning 8-ilovasida keltirilgan Valyutalar tasniflagichiga muvofiq tashqi savdo kontrakti (shartnomasi, kelishuvi) valyutasining raqamli kodi koʻrsatiladi.

Tashqi savdo kontrakti (shartnomasi, kelishuvi) valyutasi deganda yetkazib berilayotgan tovar tashqi savdo kontraktiga (shartnomasiga, kelishuviga) muvofiq baholangan valyuta tushuniladi. Agar tovar tashqi savdo kontrakti (shartnomasi, kelishuvi) ijrosi boʻyicha olib oʻtilmayotgan boʻlsa, valyuta kodi tovarning kuzatuv hujjatlari asosida koʻrsatiladi.

Grafaning oʻng boʻlmasida raqamlarda deklaratsiyalanayotgan tovarlar turkumining umumiy faktura qiymati koʻrsatiladi. Umumiy faktura qiymatini BYDning 42-grafalaridagi tovarlarning faktura qiymatlari yigʻindisi tashkil qiladi;

19) 23-grafa. “Valyuta kursi”.

Grafada raqamli kodi BYDning 22-grafasida koʻrsatilgan valyutaning Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi Oʻzbekiston Respublikasi milliy valyutasiga nisbatan kursi koʻrsatiladi.

Masalan:

agar 1 Rossiya rubli = 63,41 soʻm boʻlsa, grafada “1/63,41” koʻrsatiladi;

agar 10 Yapon yenasi = 220,09 soʻm boʻlsa, grafada “10/220,09” koʻrsatiladi;

agar valyuta kontrakti Oʻzbekiston Respublikasi milliy valyutasi boʻlsa grafada “1/1” koʻrsatiladi;

20) 24-grafa. “Bitim xususiyati”.

Grafaning chap boʻlmasida mazkur Yoʻriqnomaning 9-ilovasida keltirilgan Bitim xususiyatlari tasniflagichiga muvofiq bitim xususiyatining kodi koʻrsatiladi.

Grafaning oʻng boʻlmasida Valyutalar tasniflagichiga muvofiq yetkazib berilayotgan tovar uchun kontragent bilan hisob-kitob valyutasining raqamli kodi koʻrsatiladi.

Hisob-kitob valyutasi deganda BYDni 9-grafasida koʻrsatilgan shaxsning tashqi savdo kontrakti (shartnomasi, kelishuvi) boʻyicha hisob-kitob amalga oshirilgan yoki amalga oshiriladigan valyuta, tashqi savdo kontrakti (shartnomasi, kelishuvi) mavjud boʻlmagan holatlarda tovarning kuzatuv hujjatlarida koʻrsatilgan valyuta tushuniladi;

21) 25-grafa. “Chegaradagi transport turi”.

Grafada Transport turlari tasniflagichiga muvofiq tovarlar amalda Oʻzbekiston Respublikasi bojxona chegarasi orqali olib oʻtiladigan transport vositasi turining kodi koʻrsatiladi.

22) 26-grafa. “Mamlakat ichkarisidagi transport turi”.

Grafada Transport turlari tasniflagichiga muvofiq 18-grafada koʻrsatilgan transport vositasi turining kodi koʻrsatiladi;

23) 28-grafa. “Moliya va bank maʼlumotlari”.

Grafada bojxona toʻlovlarini toʻlovchi shaxsning STIRi (jismoniy shaxs boʻlsa, JSHSHIRi), bojxona toʻlovlari Oʻzbekiston Respublikasi norezidenti tomonidan toʻlanganda bojxona brokeri yoki deklarantning STIRi (jismoniy shaxs boʻlsa, JSHSHIRi) koʻrsatiladi.

24) 29-grafa. “Chegaradagi bojxona”.

Grafada Bojxona postlari tasniflagichiga muvofiq tovarlar Oʻzbekiston Respublikasidan olib chiqiladigan bojxona postining kodi va nomi koʻrsatiladi.

Elektr uzatish liniyalari yoki quvur transporti orqali olib oʻtiladigan tovarlarni deklaratsiyalashda nazoratni olib boruvchi postning kodi va nomi koʻrsatiladi;

25) 30-grafa. “Tovarlar turgan joy”.

Grafada BYDni taqdim etish vaqtida tovarlar turgan joy haqidagi maʼlumotlar koʻrsatiladi:

agar tovarlar bojxona ombori yoki erkin omborda, yoxud boj olinmaydigan savdo doʻkoni maqomiga ega boʻlgan joylarda turgan boʻlsa — bojxona ombori yoki erkin omborni, yoxud boj olinmaydigan savdo doʻkonini taʼsis etish uchun berilgan litsenziya raqami va sanasi;

agar tovarlar bojxona ombori maqomiga ega boʻlmagan joylarda turgan boʻlsa — tovar turgan joyning pochta manzili (pochta indeksini koʻrsatmagan holda);

agar tovarlar temir yoʻl stansiyasida turgan boʻlsa — temir yoʻl stansiyasining nomi.

Elektron BYDda alohida maydonchada tovar turgan joyning yuridik manzili boʻyicha mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq tuman (shahar) kodi koʻrsatiladi.

Elektr uzatish liniyalari yoki quvur transporti orqali olib oʻtilayotgan tovarlarni deklaratsiyalashda grafa toʻldirilmaydi;

26) 31-grafa. “Yuk joylari va tovar tavsifi”. “Markirovka va miqdor — konteynerlar raqami — tovar tavsifi”.

Grafada deklaratsiyalanayotgan tovar haqida maʼlumot koʻrsatiladi. Tovar haqidagi maʼlumotlar TIF TN asosida tasniflash qoidalariga muvofiq deklaratsiyalanayotgan tovarlarni muayyan oʻn raqamli podsubpozitsiyada aniq tasniflash imkonini berishi lozim. Maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 raqami ostida quyidagilar koʻrsatiladi:

tovarning nomi (savdo, tijorat yoki boshqa anʼanaviy nomi), tovar belgilari, markalari, modellari, artikullari, navlari, standartlari va boshqa texnik va tijorat tavsiflari (milliy standartlar, texnik reglamentlar hamda standartlar va h.k.) toʻgʻrisidagi maʼlumotlar, shuningdek deklaratsiyalanayotgan tovarning miqdoriy va sifat tarkibi toʻgʻrisidagi maʼlumotlar. Elektron BYDda tovarning markasi va brendining nomi alohida ajratilgan maydonchada ham koʻrsatiladi (tovar markasi yoki brendining nomi mavjud boʻlmagan hollarda “markasiz”, “brendsiz” deb koʻrsatiladi);

agar bojxona toʻlovlarini hisoblash hamda undirish va (yoki) iqtisodiy siyosat choralarini (taqiqlar, cheklovlar va h.k.) qoʻllash uchun zarur boʻlsa, tovarning asosiy va qoʻshimcha oʻlchov birliklaridan farq qiluvchi oʻlchov birliklaridagi tavsifi va koʻrsatkichlari toʻgʻrisidagi maʼlumotlar (miqdori va shartli belgisi), shuningdek tovar ishlab chiqarilgan (tayyorlangan) sana koʻrsatiladi.

Deklaratsiyalanayotgan tovarlarni tovar pozitsiyasining TIF TNda keltirilgan umumiy nomlanishi bilan koʻrsatilishiga yoʻl qoʻyilmaydi.

2 raqami ostida quyidagilar koʻrsatiladi:

oʻramga ega boʻlgan tovarlar uchun — tovar egallagan yuk joylarining umumiy soni, tovar oʻrami turi va oʻramlar miqdori. Agar ushbu grafada deklaratsiyalanayotgan tovarlar yuk joylarining hammasini egallamasa grafada “qutining bir qismi” va shunga oʻxshash yozuvlar yoziladi. Bunda oʻram deganda tovarlarni oʻrash, himoyalash, joylashtirish va mustahkamlash yoki ajratish uchun moʻljallangan har qanday buyum va materiallar tushuniladi, uyum holda olib oʻtiladigan oʻrash materiallari (somon, qogʻoz, shisha tola, qipiq va shu kabilar) bundan mustasno;

sochilgan, uyumlangan, quyilgan holatda oʻramsiz olib oʻtiladigan tovarlar uchun quyidagi kodlardan biri qayd etiladi:

“01” — sochilgan holda;

“02” — uyumlangan holda;

“03” — quyilgan holda.

Elektr uzatish liniyalari yoki quvur transporti orqali tashiladigan tovarlarni deklaratsiyalashda 2 raqami ostida maʼlumotlar toʻldirilmaydi.

3 raqami ostida konteynerda tashiladigan tovar uchun yoki tovar sifatida konteyner rasmiylashtirilayotgan holatlarda — orasiga vergul qoʻyilib konteyner raqamlari koʻrsatiladi. Agar deklaratsiyalanayotgan tovarlar konteynerni toʻliq egallamagan boʻlsa konteyner raqamidan soʻng: “bir qismi” soʻzlari yoziladi. Elektron BYDda konteyner raqamlari alohida maydonchada har biri alohida koʻrsatiladi.

4 raqami ostida aksiz markalari bilan markalangan tovarlar uchun — har bir seriya boʻyicha aksiz markalari seriyalari, raqamlari va miqdori koʻrsatiladi.

Elektron BYDda tovarga oid maʼlumotlar elektron BYDning formati va tuzilishiga asosan alohida ajratilgan maydonchada ham koʻrsatiladi.

Aksiz markalarining raqamlari ketma-ket kelayotgan boʻlsa, ular toʻgʻrisidagi maʼlumotlar tegishli oraliqdagi birinchi va oxirgi raqam oʻrtasida chiziqcha “-” ajratuvchisini qoʻyish orqali yoziladi.

5 raqami ostida quvur transporti, elektr uzatish liniyalari orqali olib oʻtilayotgan tovarlarni deklaratsiyalashda quyidagi yozuvlar yoziladi: “XX.XX.XXXX dan XX.XX.XXXX gacha boʻlgan oraliqda yetkazib berish”. Bu yerda raqamli belgilar bilan tovarlarni yetkazib berish boshlangan “kun, oy, yil” va tugallangan “kun, oy, yil” koʻrsatiladi.

Grafaning pastki chap burchagida alohida ajratilgan maydonchada deklaratsiyalanayotgan tovarni ishlab chiqargan (tayyorlagan, yetishtirgan) shaxsning STIRi (jismoniy shaxs boʻlsa, JSHSHIRi), soʻngra “/” belgisidan keyin yuridik manzili (jismoniy shaxsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi.

Bunda, TIF TN kodlari 07, 08, 0904, 1008, 1202, 1207409000, 2008191900 boʻlgan tovarlarni rasmiylashtiruvida fitosanitar sertifikatida koʻrsatilgan mahsulot yetishtirilgan tuman (shahar) kodi koʻrsatiladi. Agar fitosanitar sertifikatida ikki yoki undan ortiq tuman (shahar) koʻrsatilgan boʻlsa, har bir hududga tegishli tovarlar alohida tovar sifatida yoziladi.

Agar mazkur tovarning ishlab chiqaruvchisi nomaʼlum yoki tovar bir nechta shaxs tomonidan ishlab chiqarilgan (tayyorlangan, yetishtirilgan) boʻlsa, joʻnatuvchining STIRi (jismoniy shaxs boʻlsa, JSHSHIRi) va hudud kodi koʻrsatiladi.

Grafaning pastki oʻng burchagida alohida ajratilgan joyda tovarlarning qoʻshimcha oʻlchov birligidagi miqdori va oʻlchov birligining TIF TNga muvofiq shartli belgilanishi koʻrsatiladi (qoʻshimcha oʻlchov birligining kodi 41-grafada aks ettiriladi). Elektron BYDda oʻlchov birligining shartli belgilanishi koʻrsatilmasdan, faqatgina tovarlarning qoʻshimcha oʻlchov birligidagi miqdori yoziladi.

Tovarlarning qoʻshimcha oʻlchov birligidagi miqdori verguldan keyingi ikkinchi belgigacha aniqlikda koʻrsatiladi.

Agar qoʻshimcha oʻlchov birligidagi tovar miqdori “0,01” dan kam boʻlsa grafada tovarning qoʻshimcha oʻlchov birligidagi miqdori verguldan keyingi oltinchi belgigacha aniqlikda koʻrsatiladi.

Faqatgina asosiy oʻlchov birligi “kg” qoʻllanilgan holatlarda — grafaning pastki oʻng burchagi toʻldirilmaydi.

27) 32-grafa. “Tovar №”.

Grafada 31-grafada deklaratsiyalanayotgan tovarning tartib raqami koʻrsatiladi.

Bitta nomdagi tovar deklaratsiyalanayotgan boʻlsa, grafada “1” raqami koʻrsatiladi;

28) 33-grafa. “Tovar kodi”.

Grafaning chap qismida 31-grafada deklaratsiyalanayotgan tovarning TIF TNga muvofiq oʻnta raqamli kodi koʻrsatiladi. Ushbu kod boʻsh joysiz (probelsiz) va boshqa ajratuvchi belgilarsiz yoziladi;

29) 34-grafa. “Kelib chiqish mamlakati kodi”.

Grafaning chap boʻlmasida 31-grafada deklaratsiyalanayotgan tovarni kelib chiqish mamlakatining Dunyo mamlakatlari tasniflagichiga muvofiq raqamli kodi koʻrsatiladi.

Agar bojxona rasmiylashtiruvi vaqtida kelib chiqish mamlakati nomaʼlum boʻlsa, “000” kodi qoʻyiladi.

Agar tovarni kelib chiqish sertifikatida Yevropa ittifoqining aniq mamlakati koʻrsatilmay, tovarning kelib chiqish mamlakati sifatida Yevropa ittifoqi koʻrsatilgan boʻlsa, lotin harflari bilan ikki harfdan iborat “EU” kodi qoʻyiladi;

30) 35-grafa. “Brutto vazn (kg)”.

Grafada BYDning 31-grafasida deklaratsiyalanayotgan tovarning kilogrammdagi “brutto” ogʻirligi koʻrsatiladi. “Brutto” ogʻirlik deganda tovarning umumiy ogʻirligi, shu jumladan tovar muomalaga kiritilgunga qadar holatini oʻzgarmasligini taʼminlab turish uchun zarur boʻlgan uning barcha turdagi oʻramlari (konteyner va boshqa transport uskunalari bundan mustasno) bilan birgalikdagi ogʻirligi tushuniladi.

Brutto vazn matematik qoidalarga koʻra verguldan keyingi uchinchi raqamgacha yaxlitlanadi.

Agar tovarning umumiy ogʻirligi bir kilogrammdan kam boʻlsa, brutto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, brutto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning umumiy ogʻirligi koʻrsatiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

32) 37-grafa. “Protsedura”.

Grafada tovarlarni Oʻzbekiston Respublikasi bojxona chegarasi orqali olib oʻtish protsedurasining yetti belgili kodi koʻrsatiladi. Ushbu kod quyidagi uchta tarkibiy qismlardan iborat:

birinchi ikkita raqam — Bojxona rejimlari tasniflagichiga muvofiq bayon etilayotgan bojxona rejimi kodi;

keyingi ikkita raqam — Bojxona rejimlari tasniflagichiga muvofiq avvalgi bojxona rejimi kodi. Agar avvalgi bojxona rejimi mavjud boʻlmasa “00” koʻrsatiladi;

oxirgi uchta raqam — mazkur Yoʻriqnomaning 11-ilovasida keltirilgan Tovarlarni olib oʻtish xususiyatlari tasniflagichiga muvofiq deklaratsiyalanayotgan tovarlarni olib oʻtish xususiyati kodi;

33) 38-grafa. “Netto vazn (kg)”.

Grafada deklaratsiyalanayotgan tovarning kilogrammdagi “netto” ogʻirligi koʻrsatiladi.

Qadoqlangan holatda olib oʻtilayotgan tovar uchun:

deklaratsiyalanayotgan tovarning faqat birlamchi qadogʻini hisobga olgan holdagi ogʻirligi, agar tovarlar, isteʼmol xususiyatlaridan kelib chiqqan holda, shunday qadoqda chakana savdoga chiqarilsa va (yoki) tovarni sotishda uning saqlanishini taʼminlaydigan birlamchi qadoqni tovarning isteʼmol xususiyatlarini buzmagan holda tovarni isteʼmol qilgunga qadar tovardan ajratib boʻlmaydigan (masalan, bankadagi kofe va h.k.) boʻlsa;

boshqa holatlarda deklaratsiyalanayotgan tovarning hech qanday qadoqsiz ogʻirligi.

Qadoqsiz (sochilgan, quyilgan, uyum holda) olib oʻtiladigan tovar uchun tovarning umumiy ogʻirligi koʻrsatiladi.

Netto vazn matematik qoidalarga koʻra verguldan keyingi uch belgigacha yaxlitlanadi.

Agar tovarning umumiy ogʻirligi bir kilogrammdan kam boʻlsa, netto vazn verguldan keyingi uch belgigacha aniqlikda koʻrsatiladi.

Agar tovarning ogʻirligi bir grammdan kam boʻlsa, netto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning BYDni 35-grafasida koʻrsatilgan ogʻirligi qayd etiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

34) 39-grafa. “Kvota”.

Miqdoriy cheklovlar belgilangan tovarlarni deklaratsiyalashda toʻldiriladi.

Grafada olingan litsenziyaga muvofiq oʻlchov birligida ajratilgan kvotaning qoldigʻi koʻrsatiladi. Kvotaning qoldigʻini aniqlashda deklaratsiyalanayotgan tovar turkumi hisobga olinmaydi.

Masalan:

litsenziya boʻyicha ajratilgan kvota — 10000 kub. m; deklaratsiyalanayotgan tovarning birinchi turkumi — 4000 kub. m. 39-grafada — “10000 kub. m” koʻrsatiladi.

Mazkur litsenziya boʻyicha ajratilgan kvota hisobidan keyingi tovarlar turkumini rasmiylashtirishda 39-grafada kvota qoldigʻi — “6000 kub. m” koʻrsatiladi;

35) 40-grafa. “Umumiy deklaratsiya/avvalgi hujjat”.

Tovarlar bayon etilayotgan bojxona rejimidan avval boshqa bojxona rejimiga joylashtirilgan boʻlsa, grafada tovarlarni avvalgi bojxona rejimiga joylashtirish uchun asos boʻlgan BYD haqida quyidagi maʼlumotlar koʻrsatiladi:

avvalgi hujjatning kodi — ushbu holatda “GTD”;

avvalgi BYDning roʻyxat raqami;

ushbu tovarning avvalgi BYDning 32-grafasidagi tartib raqami;

avvalgi BYDning 32-grafasida koʻrsatilgan tovarning, rasmiylashtirilayotgan brutto vazni (kilogrammda);

avvalgi BYDning 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

GTD 14010/31.03.2012/0353761 — 2 — 5980 kg — 5900 kg — 250,2 m3.

Agar deklaratsiyalanayotgan tovar avval bir nechta tovar turkumlariga boʻlingan holda bir nechta BYDlar bilan rasmiylashtirilgan boʻlsa, avvalgi rasmiylashtirilgan har bir BYD toʻgʻrisidagi maʼlumotlar alohida yangi qatordan yuqorida qayd etilgan tartibda koʻrsatiladi;

36) 41-grafa. “Qoʻshimcha oʻlchov birligi”.

Grafada TIF TNda keltirilgan “Oʻlchov birliklari jadvali”ga muvofiq 31-grafaning pastki oʻng boʻlmasida koʻrsatilgan tovar miqdorining qoʻshimcha oʻlchov birligi kodi koʻrsatiladi.

Agar mazkur tovar uchun TIF TNga muvofiq faqat asosiy oʻlchov birligi (kg) qoʻllanilsa, grafa toʻldirilmaydi;

37) 42-grafa. “Tovarning faktura qiymati”.

Grafada 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) shartlariga muvofiq haqiqatda toʻlangan yoki toʻlanishi lozim boʻlgan yoxud tovarlarni muqobil yetkazib berish bilan qoplanadigan faktura qiymati tashqi savdo kontrakti (shartnomasi, kelishuvi) valyutasida koʻrsatiladi.

Tovarlarni begʻaraz (toʻlovsiz) yetkazib berish asosida eksport qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning faktura qiymati tovarning kuzatuv hujjatlari asosida koʻrsatiladi.

Naqd valyutani deklaratsiyalashda grafada olib oʻtilayotgan valyutaning summasi, nominal qiymatga ega qimmatli qogʻozlarni deklaratsiyalashda esa — qimmatli qogʻozlarning nominal qiymati koʻrsatiladi.

Faktura qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

38) 43-grafa.

Grafada quyidagilar koʻrsatiladi:

“0” — agar yukni joʻnatuvchi oʻzi ishlab chiqarmagan mahsulotni eksport qilayotgan boʻlsa;

“1” — agar yukni joʻnatuvchi oʻzi ishlab chiqargan mahsulotni eksport qilayotgan boʻlsa;

39) 44-grafa. “Qoʻshimcha maʼlumotlar/taqdim etilayotgan hujjatlar”.

Grafada BYDning 31-grafasida koʻrsatilgan har bir tovar haqida bayon etilgan maʼlumotlarni tasdiqlovchi, BYDni toʻldirishga asos boʻlgan hujjatlar toʻgʻrisidagi maʼlumotlar koʻrsatiladi.

Har bir hujjat toʻgʻrisidagi maʼlumotlar mazkur Yoʻriqnomaning 12-ilovasidagi Bojxona yuk deklaratsiyasini toʻldirishda foydalaniladigan hujjatlar va maʼlumotlar turlari tasniflagichiga muvofiq hujjatning tartib raqami va harfli kodini qoʻygan holda koʻrsatiladi (rekvizitlarning har biri yangi satrdan boshlanadi):

a) litsenziyalanadigan tovarlar uchun litsenziya roʻyxat raqami va berilgan sanasi hamda uning amal qilish muddati.

Masalan:

101 LITSENZIYA № 998344400002, 26.11.2015-y. Amal qilish muddati — 31.12.2015-y.;

b) transport va tijorat hujjatlarining raqami (roʻyxat raqami).

Masalan:

205 AVIA № 259-12586814, 18.11.2015-y.;

220 INV № 987, 15.11.2015-y.;

v) tovarning bojxona rasmiylashtiruvi amalga oshirilayotgan kontrakt (shartnoma, kelishuv) raqami va sanasi, shuningdek tovarlarni norezident tashuvchining transport xizmatidan foydalangan holda tashish boʻyicha tuzilgan kontrakt (shartnoma, kelishuv) raqami, sanasi hamda uning Tashqi savdo operatsiyalari yagona elektron axborot tizimidagi identifikatsiya raqami.

Masalan:

301 KNT № EKS-654, 13.09.2015-y.;

g) normativ-huquqiy hujjatlarda nazarda tutilgan holatlarda, boshqa vakolatli organlar tomonidan taqdim etiladigan ruxsatnomalar, xulosalar va boshqa hujjatlarning (sertifikatlar, guvohnomalar va h.k.) roʻyxat raqami va berilgan sanasi.

Masalan:

417 SST № UZ.SMT.01.065.1783700, 15.10.2015-y.;

419 FTSS № 431771, 04.11.2015-y.;

d) tashqi savdo kontrakti (shartnomasi, kelishuvi) vakolatli organlarda roʻyxatdan oʻtgan raqami va roʻyxatga olingan sanasi. Tovarlar yakka tartibdagi tadbirkorlar tomonidan deklaratsiyalangan holatlarda yakka tartibdagi tadbirkorning eksport-import operatsiyalarini amalga oshirish huquqi bilan davlat roʻyxatidan oʻtganligi toʻgʻrisidagi guvohnoma raqami va sanasi.

Masalan:

501 regMIVT № 96200126, 15.04.2014-y.;

502 SvIPBYUL № 010176/198, 04.08.2015-y.;

e) “6” raqamidan soʻng mazkur Yoʻriqnomaning 13-ilovasida keltirilgan Bojxona toʻlovlari tasniflagichiga muvofiq bojxona toʻlovi turining kodi, soʻngra mazkur Yoʻriqnomaning 14-ilovasida keltirilgan Bojxona toʻlovlarini toʻlash boʻyicha imtiyozlar mavjudligini tasdiqlovchi va BYDning 44-grafasidagi maʼlumotlarni bayon etishda qoʻllaniladigan normativ-huquqiy hujjatlar tasniflagichiga muvofiq bojxona toʻlovlaridan ozod etishga asos boʻladigan normativ-huquqiy hujjat toʻgʻrisidagi maʼlumotlar.

Bojxona toʻlovlaridan ozod etish koʻzda tutilmagan yoki bojxona toʻlovlari stavkalari belgilanmagan holatlarda grafaning mazkur qismi toʻldirilmaydi.

Masalan:

610 12-160400299010;

j) tovarning kelib chiqish mamlakati sertifikati roʻyxat raqami va sanasi.

Masalan:

702 SPTEK № UZKZ50209586, 20.11.2015-y.;

z) bojxona rasmiylashtiruvida zarur boʻlgan boshqa hujjatlar va maʼlumotlar (bojxona toʻlovlarini kechiktirib toʻlash, vositachilik (garov va h.k.) bitimi, bojxona qonunchilik hujjatlari buzilganligi yuzasidan jarima solish toʻgʻrisidagi qaror raqami va sanasi (jarima solish toʻgʻrisidagi qaror boʻlmaydigan hollarda shakl-2 raqami va sanasi) va qonunchilik hujjatlarida belgilangan boshqa hujjatlar va maʼlumotlar);

40) 45-grafa. “Bojxona qiymati”.

Grafaning oʻng boʻlmasida 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) valyutasidagi bojxona qiymati koʻrsatiladi.

Tovarlarni begʻaraz (toʻlovsiz) yetkazib berish asosida eksport qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning bojxona qiymati tovarning kuzatuv hujjatlarida koʻrsatilgan valyutada keltiriladi.

Bojxona qiymati Oʻzbekiston Respublikasi Bojxona kodeksi talablariga muvofiq aniqlanadi.

Bojxona qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

41) 46-grafa. “Statistik qiymat”.

Grafada, 45-grafada keltirilgan bojxona qiymati asosida hisoblangan, matematik qoidalarga koʻra verguldan soʻng uch belgigacha aniqlikda yaxlitlangan, tovarning ming AQSH dollaridagi qiymati koʻrsatiladi.

Statistik qiymatni hisoblashda BYD bojxona rasmiylashtiruvi uchun qabul qilingan kunda amalda boʻlgan Oʻzbekiston Respublikasi Markaziy banki tomonidan belgilangan kurs qoʻllaniladi;

42) 47-grafa. “Bojxona toʻlovlarining hisobi”.

Bojxona toʻlovlari summalarini hisoblash BYDning 31-grafalarida bayon etilgan har bir tovar uchun bojxona toʻlovlari turlari boʻyicha alohida amalga oshiriladi. Bundan bojxona rasmiylashtiruvi uchun bojxona yigʻimlari mustasno boʻlib, ular doim BYD asosiy varagʻining 47-grafasida (elektron BYDda 32-grafada 1 tartib raqami ostidagi tovarning 47-grafasida) koʻrsatiladi.

“Toʻlov turi” ustunida Bojxona toʻlovlari tasniflagichiga muvofiq bojxona toʻlovi turining kodi koʻrsatiladi.

“Hisoblash asosi” ustunida bojxona toʻlovini hisoblashning asosi koʻrsatiladi.

Hisoblash asosi Oʻzbekiston Respublikasi milliy valyutasida koʻrsatiladi. Quyidagi holatlar bundan mustasno:

agar qonunchilik hujjatlari bilan hisoblash uchun asos xorijiy valyutada belgilangan boʻlsa, yoxud bojxona yigʻimlari xorijiy valyutada undirilishi koʻzda tutilgan boʻlsa (masalan, erkin bojxona zonalari va erkin omborlar hududlarida bojxona yigʻimlarini undirishda) hisoblash uchun asos Valyutalar tasniflagichiga muvofiq valyutaning harfli kodini qoʻygan holda xorijiy valyutada keltiriladi;

agar qonunchilik hujjatlarida hisoblash uchun asos pul birliklarida emas, balki boshqa oʻlchov birliklarida (masalan, maʼlum vaqt oraligʻi (soat), maʼlum bir hujjatlarni berganlik uchun, BYDning asosiy va qoʻshimcha varaqlari uchun va h.k.) belgilangan boʻlsa, u holda tegishlicha miqdor (1, 2 va h.k.) va oʻlchov birligi (soat, dona, asosiy varaq, qoʻshimcha varaq va h.k.) koʻrsatiladi.

Hisoblash uchun asos Oʻzbekiston Respublikasi milliy valyutasida aniqlanganda, tovarning 12 va 45-grafalaridagi qiymatlarini Oʻzbekiston Respublikasi milliy valyutasida qayta hisoblash BYD bojxona rasmiylashtiruvi uchun qabul qilingan kundagi Oʻzbekiston Respublikasi Markaziy banki kursi boʻyicha amalga oshiriladi.

“Stavka” ustunida bojxona toʻlovi summasini hisoblashda qoʻllaniladigan bojxona toʻlovlarining belgilangan stavkasi miqdori koʻrsatiladi.

“Summa” ustunida bojxona toʻlovining Oʻzbekiston Respublikasi milliy valyutasida hisoblangan summasi koʻrsatiladi. Agar qonunchilik hujjatlarida bojxona toʻlovining xorijiy valyutada undirilishi belgilangan boʻlsa, bojxona toʻlovining hisoblangan summasi Valyutalar tasniflagichiga muvofiq valyutaning harfli kodi qoʻyilgan holda tegishli xorijiy valyutada koʻrsatiladi.

“TU” ustunida toʻlov usulining ikki belgili harfli kodi koʻrsatiladi:

“BN” — bank orqali naqd pulsiz hisob-kitob;

“KT” — bojxona toʻlovlari summasini naqd pul bilan toʻlash;

“UN” — bojxona toʻlovlarini shartli hisoblash;

“OP” — bojxona toʻlovlarini kechiktirib toʻlash imkoniyati taqdim etilgan;

“RP” — bojxona toʻlovlarini boʻlib-boʻlib toʻlash imkoniyati taqdim etilgan;

“VZ” — qoʻshilgan qiymat soligʻini bojxona va soliq organlari oʻrtasida oʻzaro hisobga olish orqali toʻlash imkoniyati taqdim etilgan;

“OO” — toʻlov amalga oshirilmaydi.

Qonunchilik hujjatlariga muvofiq deklaratsiyalanayotgan tovarlar uchun stavka belgilanmagan yoki nol stavka belgilangan, yoxud bayon etilayotgan bojxona rejimi shartlariga koʻra ushbu turdagi bojxona toʻlovini toʻlash majburiyati vujudga kelmaydigan bojxona toʻlovi toʻgʻrisidagi maʼlumotlar grafaga kiritilmaydi;

43) 48-grafa. “Toʻlovlarni kechiktirish”.

Bojxona toʻlovlarini kechiktirib toʻlash imkoniyati taqdim etilganda, grafada bunday toʻlovlarni toʻlashning soʻnggi muddati bojxona toʻlovlari turlari kesimida quyidagi sxema boʻyicha koʻrsatiladi:

XX.KK.OO.YYYY, bunda:

XX — Bojxona toʻlovlari tasniflagichiga muvofiq bojxona toʻlovi turining kodi;

KK — kun;

OO — oy;

YYYY — yil;

Agar kechiktirib toʻlash imkoniyati taqdim etilgan bojxona toʻlovlarining turlari bir nechta boʻlsa, har bir maʼlumot alohida yangi qatorda koʻrsatiladi;

Bojxona toʻlovlarini boʻlib-boʻlib toʻlash imkoniyati taqdim etilganda, grafada bunday toʻlovlarni toʻlash muddatlari, bojxona toʻlovlari turlari va toʻlov summalari kesimida quyidagi sxema boʻyicha koʻrsatiladi:

TR.XX.KK.OO.YYYY.SUMMA;

Masalan:

300 000 000.00 soʻm miqdoridagi bojxona bojini boʻlib-boʻlib toʻlash imkoniyati 3 oyga taqdim etilganda va toʻlov sharti boʻyicha dastlabki toʻlanadigan bojxona boji iyun oyidan boshlansa, boʻlib toʻlash oyining tartib raqami, bojxona toʻlovi turi, boʻlib toʻlash muddati, har bir oy uchun boʻlib toʻlash summasi quyidagi tartibda koʻrsatiladi:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.

bunda:

TR — boʻlib-boʻlib toʻlanadigan bojxona toʻlovlari turini toʻlash oyining tartib raqami;

XX — Bojxona toʻlovlari tasniflagichiga muvofiq bojxona toʻlovi turining kodi;

KK — kun;

OO — oy;

YYYY — yil;

SUMMA — boʻlib-boʻlib toʻlash muddatlari boʻyicha toʻlov summasi;

Agar boʻlib-boʻlib toʻlash imkoniyati taqdim etilgan bojxona toʻlovlarining turlari yoki muddatlari bir nechta boʻlsa, har bir maʼlumot alohida yangi qatorda koʻrsatiladi.

44) 49-grafa. “Ombor nomi”.

Agar tovarlar ilgari bojxona ombori yoki erkin omborda saqlashni nazarda tutuvchi bojxona rejimlariga joylashtirilgan boʻlsa, grafada bojxona ombori yoki erkin omborni taʼsis etish uchun berilgan litsenziya raqami va sanasi koʻrsatiladi.

Agar tovarlar bojxona ombori maqomiga ega boʻlmagan joylarga joylashtirilgan boʻlsa grafa toʻldirilmaydi;

45) 50-grafa. “Ishonch bildirgan shaxs”.

Grafada quyidagi mazmundagi yozuv yoziladi:

Taqdim etilgan hujjatlar va maʼlumotlar uchun javobgar ......” deb yozilgandan soʻng BYDni toʻldirishga asos boʻlib xizmat qiluvchi taqdim etilgan hujjatlar va maʼlumotlarga javobgar hisoblangan shaxsning familiyasi, ismi, otasining ismi, lavozimi, telefon raqami (mavjud boʻlsa) va JSHSHIRi (elektron BYDda alohida maydonda) koʻrsatiladi (qogʻoz shakldagi BYDda uning shaxsiy imzosi qoʻyiladi).

Taqdim etilgan hujjatlar va maʼlumotlar uchun javobgar shaxs JSHSHIRi mavjud boʻlmagan norezident boʻlsa, u holda shaxsning JSHSHIRi qayd etiladigan joyda “99999999999999” kodi koʻrsatiladi.

Taqdim etilgan hujjatlar va maʼlumotlar uchun javobgar etib deklarant yoki u ishonch bildirgan shaxs belgilanadi.

Agar taqdim etilgan hujjatlar va maʼlumotlar uchun javobgar deklarant ishonch bildirgan shaxs boʻlsa, uning vakolatlarini tasdiqlovchi hujjatning (shartnomaning, ishonchnomaning) raqami, sanasi va amal qilish muddati koʻrsatiladi.

46) 54-grafa. “Joy va sana”.

Grafada 14-grafada koʻrsatilgan shaxs nomidan BYDni taqdim etayotgan deklaratsiyalovchi shaxs haqida quyidagi maʼlumotlar koʻrsatiladi maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 — BYD toʻldirilgan joy;

2 — deklaratsiyalovchi shaxsning familiyasi, ismi va otasining ismi, shuningdek elektron pochta manzili (mavjud boʻlsa);

3 — deklaratsiyalovchi shaxsning telefon raqami;

4 — agar tovarlarni deklaratsiyalash bojxona brokeri tomonidan amalga oshirilayotgan boʻlsa, bojxona brokeri va topshirigʻiga asosan BYD taqdim etilayotgan shaxs oʻrtasidagi bitim raqami va sanasi koʻrsatiladi;

5 — deklaratsiyalovchi shaxs tomonidan BYDga berilgan raqam quyidagi tartibda koʻrsatiladi:

99999999999999/99.99.9999/999999, bunda:

1-element — deklaratsiyalovchi shaxsning JSHSHIRi;

2-element — BYD toʻldirilgan sana;

3-element — deklaratsiyalovchi shaxs tomonidan BYDga berilgan tartib raqami (joriy yilda oʻsish tartibida, yil yakunlangach raqamlash yangidan boshlanadi).

Deklaratsiyalovchi shaxs tomonidan BYDga berilgan raqam qaytarilmasligi lozim.

BYDda bayon etilgan maʼlumotlarning haqqoniyligi elektron BYDda deklaratsiyalovchi shaxsning ERIsi, qogʻoz shakldagi BYDda deklaratsiyalovchi shaxsning imzosi bilan tasdiqlanadi.

Qogʻoz shakldagi BYDda bunday tasdiqlash har bir qoʻshimcha varaqning “S” grafasida ham amalga oshiriladi.

48) “S” grafa.

Grafada 1 raqami ostida tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami koʻrsatiladi.

5-bob. Tovarlarni erkin muomalaga chiqarish (import) bojxona rejimiga joylashtirishda BYDni toʻldirish

23. Erkin muomalaga chiqarish (import) bojxona rejimiga joylashtirishda tovarlar bojxona organlariga mazkur Yoʻriqnomaning 24 va 25-bandlariga muvofiq toʻldirilgan BYDni taqdim etish orqali deklaratsiyalanadi.

24. Deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 42, 43, 44, 45, 46, 47, 48, 49, 50, 54, “S”.

25. Deklaratsiyalovchi shaxs tomonidan grafalarning toʻldirilishi:

1) 1-grafa. “Deklaratsiya turi”.

Grafaning birinchi boʻlmasida tovarlarni olib oʻtish yoʻnalishi koʻrsatiladi — “IM”.

Grafaning ikkinchi boʻlmasida Bojxona rejimlari tasniflagichiga muvofiq bojxona rejimining ikki raqamli kodi koʻrsatiladi.

Grafaning uchinchi boʻlmasi toʻldirilmaydi.

2) 2-grafa. “Eksportchi/yukni joʻnatuvchi”.

Grafada transport hujjatlarida tovarlarni joʻnatuvchi sifatida koʻrsatilgan shaxs toʻgʻrisidagi maʼlumotlar qayd etiladi.

Grafada quyidagilar koʻrsatiladi:

yukni joʻnatuvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili (Dunyo mamlakatlari tasniflagichiga muvofiq mamlakatning qisqa nomi va manzili);

yukni joʻnatuvchi yuridik shaxs boʻlsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va manzili).

Masalan:

“Alibayev Nuridin Kamalovich

Qozogʻiston, Almati sh., Suyunbay shoh koʻchasi, 450-uy”

yoki “Ros-Torg” MCHJ

Rossiya, Ivanovo sh., Smirnov koʻch., 62-uy”.

Agar yukni joʻnatuvchi tovarni boshqa shaxsning topshirigʻiga koʻra joʻnatayotgan boʻlsa yoki shunga oʻxshash boshqa holatlarda grafada avval yukni joʻnatuvchining qisqacha nomi va joylashgan yeri (yuridik manzili), soʻngra tovarni joʻnatish toʻgʻrisida topshiriq bergan shaxsning qisqacha nomi va joylashgan yeri (yuridik manzili) koʻrsatiladi.

Masalan:

“Ros-Torg” MCHJ

Rossiya, Ximki shah., Karlov koʻch., 362-uy

“Faraon” MCHJ topshirigʻiga asosan

Rossiya, Moskva shah., Bolshaya polyanka koʻch., 563”.

Elektron BYDda joʻnatuvchi, tovarni joʻnatish toʻgʻrisida topshiriq bergan shaxs (BYDning 9-grafasida koʻrsatilgan shaxs bilan tashqi savdo kontraktini (shartnomasini, kelishuvini) tuzgan shaxs) va tovarning kuzatuv hujjatlarida koʻrsatilgan boshqa shaxslar haqidagi maʼlumotlarning har biri alohida ajratilgan maydonchada koʻrsatiladi.

Tovarlar soddalashtirilgan yoʻlak yoki vakolatli iqtisodiy operatorlarni oʻzaro tan olish boʻyicha xalqaro bitimlar bilan bogʻliq boʻlgan hollarda deklarantning xohishiga koʻra grafaning pastki qismida “№” belgisidan soʻng yukni joʻnatuvchining STIRi yoki maxsus identifikatsiya raqami koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda grafa toʻldirilmaydi;

3) 3-grafa. “Qoʻshimcha varaqlar”.

Grafaning birinchi boʻlmasida varaqning tartib raqami, ikkinchi boʻlmasida taqdim etilayotgan BYD varaqlarining umumiy soni (asosiy va qoʻshimcha varaqlari yigʻindisi) koʻrsatiladi.

Masalan, agar BYD ikkita qoʻshimcha varaqlarga ega boʻlsa BYDning asosiy varagʻida “1/3”; birinchi qoʻshimcha varagʻida “2/3”; ikkinchi qoʻshimcha varagʻida “3/3” koʻrsatiladi. Agar BYD qoʻshimcha varaqlarga ega boʻlmasa “1/1” koʻrsatiladi.

Tovarlar elektron shaklda deklaratsiyalanganda grafada, elektron BYD qogʻozga chop etilgandagi kabi varaqning tartib raqami va BYD varaqlarining umumiy soni mazkur kichik bandda belgilangan tartibda koʻrsatiladi;

4) 5-grafa. “Tovarlar nomlarining umumiy soni”.

Grafada BYDning 31-grafalarida koʻrsatilgan tovarlar nomlarining umumiy soni yoziladi. Bu son BYDning toʻldirilgan 31-grafalari soniga muvofiq boʻlishi lozim;

5) 7-grafa. “BYDning roʻyxat raqami”.

Grafada Bojxona postlari tasniflagichiga muvofiq BYD taqdim etiladigan bojxona postining beshta raqamli kodi koʻrsatiladi;

6) 8-grafa. “Importchi/yukni qabul qiluvchi”.

Grafada tovarlarni qabul qiluvchisi va importchisi haqidagi maʼlumotlar koʻrsatiladi;

Agar tovarlarni importchisi ham, qabul qiluvchisi ham bir shaxs boʻlsa:

jismoniy shaxs uchun — uning familiyasi, ismi, otasining ismi va doimiy yashash manzili hamda telefon raqami haqidagi maʼlumotlar koʻrsatiladi.

Masalan:

“Kabirov Abdukarim Soliyevich

Samarqand viloyati, Samarqand shah., Sherdor koʻch., 6-uy, 8-xonadon, telefon: 8-366-999-99-99

yuridik shaxs uchun — uning qisqacha nomi va joylashgan yeri (yuridik manzili), telefon raqami hamda elektron pochta manzili (mavjud boʻlsa) koʻrsatiladi.

Masalan:

“Trans group” MCHJ

Toshkent shah., Yunusobod tumani, Uch terak koʻch., 3-uy, 19-xonadon, telefon: +99871-999-99-99, elektron pochta: [email protected]”.

Agar importchi va yukni qabul qiluvchi nomidan yuridik shaxsning tarkibiy tuzilmasi qatnashayotgan boʻlsa, tarkibiy tuzilmaning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa), shuningdek yuridik shaxs toʻgʻrisida yuqorida qayd etilgan maʼlumotlar koʻrsatiladi.

Masalan:

“Vodiy-Fargʼona” MCHJ

Fargʻona viloyati, Fargʻona shah., Sanoat koʻch., 2-uy, telefon: 8-373-999-99-99, elektron pochta: [email protected]

“Vodiy” MCHJning filiali

Andijon viloyati, Andijon shah., Bobur koʻchasi, 597-uy, telefon: 8-374-999-99-99, elektron pochta: [email protected]”.

Agar importchi va yukni qabul qiluvchi turli shaxslar boʻlsa, xususan qabul qiluvchi tovarni importchining topshirigʻiga asosan qabul qilib olayotgan yoxud shunga oʻxshash boshqa holatlarda grafada avval qabul qiluvchining qisqacha nomi, joylashgan yeri (yuridik manzili) va telefon raqami, soʻngra importchining (tovarni qabul qilib olish toʻgʻrisida topshiriq bergan shaxsning) qisqacha nomi va joylashgan yeri (yuridik manzili) koʻrsatiladi.

Masalan:

“Xolis” MCHJ

Toshkent viloyati, Chinoz tumani, Oʻqituvchilar koʻch., 17-uy, telefon: +998XX-XXX-XX-XX

“Taʼminot” AJ topshirigʻiga asosan, Toshkent shah., Shayxontohur tumani, A. Xodjayev koʻch., 310-uy.

BYDning 9-grafasida importchi toʻgʻrisida maʼlumot koʻrsatiladigan boʻlsa, mazkur grafada qabul qiluvchidan keyin importchi xaqidagi maʼlumotlar koʻrsatilishi talab etilmaydi.

Grafaning yuqori oʻng burchagida “№” belgisidan soʻng agar yukni qabul qiluvchilar:

jismoniy shaxs — rezidentlar boʻlsa — “00000001” kodi;

jismoniy shaxs — norezidentlar boʻlsa — “00000002” kodi;

ustav kapitalida davlat ulushi boʻlgan tashkilot boʻlsa — “00000003” kodi;

xorijiy davlatlarning diplomatik va konsullik muassasalari boʻlsa “99999999” kodi;

xalqaro hukumatlararo tashkilotlarning vakolatxonalari, xorijiy davlatlar hukumat tashkilotlarining iqtisodiy, texnik hamkorlik, gumanitar yordam koʻrsatish boʻyicha vakolatxonalari, doimiy muassasalar boʻlsa “88888888” kodi koʻrsatiladi;

mazkur kichik bandning yigirma toʻrtinchi — yigirma sakkizinchi xatboshilarida koʻrsatilmagan shaxslar boʻlsa, maʼlumot koʻrsatilmaydi.

Grafaning pastki qismida “№” belgisidan soʻng yukni qabul qiluvchining STIRi, yukni qabul qiluvchi nomidan uning tarkibiy tuzilmasi ishtirok etayotgan holatlarda tarkibiy tuzilmaning STIRi (jismoniy shaxs boʻlsa, JSHSHIRi), soʻngra “/” belgisidan keyin yuridik manzili (jismoniy shaxsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi. STIR yoki JSHSHIRga ega boʻlmagan shaxslar tomonidan olib oʻtilayotgan tovarlarni deklaratsiyalashda “999999999” kodi koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda grafa toʻldirilmaydi;

7) 9-grafa. “Moliyaviy tartibga solish uchun javobgar shaxs”.

Grafada tashqi savdo kontrakti (shartnomasi, kelishuvini) tuzgan va ushbu kontrakt (shartnoma, kelishuv) boʻyicha hisob-kitoblarni amalga oshirish uchun javobgar boʻlgan yuridik shaxsning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) yoki jismoniy shaxsning familiyasi, ismi, otasining ismi, yashash manzili hamda telefon raqami toʻgʻrisidagi maʼlumotlar koʻrsatiladi.

Grafaning yuqori qismida “№” belgisidan soʻng, agar shaxslar:

jismoniy shaxs — rezidentlar boʻlsa — “00000001” kodi;

jismoniy shaxs — norezidentlar boʻlsa — “00000002” kodi;

ustav kapitalida davlat ulushi boʻlgan tashkilot boʻlsa — “00000003” kodi;

xorijiy davlatlarning diplomatik va konsullik muassasalari boʻlsa “99999999” kodi;

xalqaro hukumatlararo tashkilotlarning vakolatxonalari, xorijiy davlatlar hukumat tashkilotlarining iqtisodiy, texnik hamkorlik, gumanitar yordam koʻrsatish boʻyicha vakolatxonalari, doimiy muassasalar boʻlsa “88888888” kodi koʻrsatiladi;

mazkur kichik bandning toʻrtinchi — sakkizinchi xatboshilarida koʻrsatilmagan shaxslar boʻlsa, maʼlumot koʻrsatilmaydi.

Grafaning pastki qismida “№” belgisidan soʻng moliyaviy tartibga solish uchun javobgar shaxsning STIRi (jismoniy shaxs boʻlsa, JSHSHIRi), soʻngra “/” belgisidan keyin uning yuridik manzili (jismoniy shaxsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi. STIR yoki JSHSHIRga ega boʻlmagan shaxslar tomonidan olib oʻtilayotgan tovarlarni deklaratsiyalashda “999999999” kodi koʻrsatiladi.

Tovarlar begʻaraz (toʻlovsiz) asosdagi bitimlar boʻyicha olib oʻtilganda grafa toʻldirilmaydi;

8) 11-grafa. “Savdo qilinayotgan mamlakat”.

Grafaning chap boʻlmasida savdo qilinayotgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

BYDning 9-grafasida koʻrsatilgan shaxs bilan tashqi savdo kontraktini (shartnomasini, kelishuvini) tuzgan shaxs roʻyxatga olingan yoki doimiy yashaydigan, mazkur kontraktga (shartnomaga, kelishuvga) muvofiq tovarlar Oʻzbekiston Respublikasi bojxona chegarasi orqali olib oʻtilayotgan yoki uning ijrosi yuzasidan tovarlarning bojxona rejimi oʻzgartirilayotgan mamlakat savdo qilinayotgan mamlakat hisoblanadi.

Tovarlarning bojxona chegarasi orqali olib oʻtilishi yoki ularning bojxona rejimining oʻzgarishi tashqi savdo kontrakti (shartnomasi, kelishuvi) ijrosi boʻyicha amalga oshirilmayotgan boʻlsa, Dunyo mamlakatlari tasniflagichiga muvofiq mamlakatning raqamli kodi tovarning kuzatuv hujjatlari asosida koʻrsatiladi;

Mamlakat yoki hudud Yuridik va jismoniy shaxslar tomonidan valyuta operatsiyalari amalga oshirilishining asoslanganligi yuzasidan monitoring olib borish tartibi toʻgʻrisidagi nizom (roʻyxat raqami 2467, 2013-yil 12-iyun) bilan tasdiqlangan Imtiyozli soliq rejimi beriladigan va (yoki) moliyaviy operatsiyalar amalga oshirilganda oshkor etish va axborot berish nazarda tutilmaydigan davlat va hududlar (offshor hududlar) roʻyxatiga kiritilgan boʻlsa, grafaning oʻng boʻlmasida “1” kodi koʻrsatiladi. Agar mamlakat yoki hudud mazkur xatboshida nazarda tutilgan Roʻyxatga kiritilgan boʻlmasa, grafaning oʻng boʻlmasida “2” kodi koʻrsatiladi.

9) 12-grafa. “Umumiy bojxona qiymati”.

Grafada, raqamli kodi BYDning 22-grafasida koʻrsatilgan valyutada, deklaratsiyalanayotgan tovarlarning umumiy bojxona qiymati koʻrsatiladi. Tovarlarning umumiy bojxona qiymatini BYDning 45-grafalaridagi tovarlarning bojxona qiymatlari yigʻindisi tashkil qiladi;

10) 13-grafa.

Grafada Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi AQSH dollarining Oʻzbekiston Respublikasi milliy valyutasiga nisbatan kursi koʻrsatiladi;

11) 14-grafa. “Deklarant/bojxona brokeri”.

Grafada BYDni toʻldirgan va bojxona organlariga taqdim etayotgan bojxona brokeri yoki deklarant yuridik shaxs boʻlsa, uning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) koʻrsatiladi.

Agar deklarant jismoniy shaxs boʻlsa, grafada ushbu jismoniy shaxsning familiyasi, ismi va otasining ismi, uning yashash manzili, telefon raqami va elektron pochta manzili (mavjud boʻlsa) koʻrsatiladi;

Grafaning yuqori qismida “№” belgisidan soʻng ushbu bojxona brokeri yoki deklarantning STIRi (jismoniy shaxs boʻlsa, JSHSHIRi) koʻrsatiladi;

12) 15-grafa. “Joʻnatuvchi mamlakat”.

Grafada tovarlar joʻnatilgan mamlakatning Dunyo mamlakatlari tasniflagichiga muvofiq qisqa nomi koʻrsatiladi.

Tovarlar joʻnatilgan mamlakat — tovarlar, oraliq mamlakatlarda ushbu tovarlarning yuridik maqomini oʻzgartiruvchi hech qanday tijorat bitimlari yoki boshqa operatsiyalar amalga oshirilmagan holda, Oʻzbekiston Respublikasiga joʻnatilgan mamlakatdir.

Joʻnatuvchi mamlakat tovarlarni xalqaro tashish boshlanishiga asos boʻlgan transport hujjatlarida keltirilgan maʼlumotlar asosida aniqlanadi.

Agar xalqaro tashuv bir nechta transport hujjatlari asosida amalga oshirilgan boʻlsa, grafada BYDda bayon etilayotgan tovarlar BYDning 8-grafasida koʻrsatilgan yukni qabul qiluvchi manziliga yetkazib berish uchun qabul qilingan birinchi mamlakatning qisqa nomi koʻrsatiladi;

13) 15a-grafa. “Joʻnatuvchi mamlakat kodi”.

Grafada tovarlar joʻnatilgan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

14) 18-grafa. “Joʻnatish/yetkazib berish vaqtidagi transport vositasi”.

Grafada bojxona rejimiga joylashtirish uchun bojxona organiga taqdim etilayotgan tovarlarni Oʻzbekiston Respublikasi bojxona hududi boʻylab tashigan transport vositasi toʻgʻrisidagi maʼlumotlar koʻrsatiladi.

Grafaning chap boʻlmasida transport vositalari soni yoziladi, soʻngra bitta boʻsh joy (probel) qoldirilib, Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda transport vositasi toʻgʻrisidagi maʼlumotlar koʻrsatiladi (dengiz yoki daryo kemasi nomi, havo kemasining reys raqami, temir yoʻl vagoni raqami, yoʻl transport vositasi roʻyxat raqami va shu kabi maʼlumotlar).

Masalan:

4 AVTO: A987SA; S654DA; B587NM; K967LV.

Agar tovarlar avtotransport vositalari sostavi bilan tashilgan boʻlsa, transport vositasi roʻyxat raqamidan soʻng “/” ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Masalan:

2 AVTO: A987SA/K118DS; S654DA/P312LK.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tashishda avtotransport vositalari sostavidan foydalanilgan boʻlsa, ushbu transport vositalarini (pritseplarni, yarim pritseplarni va h.k.) harakatga keltirgan avtotransport vositasi roʻyxatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) tashlanib, “BYDning orqa tomoniga qarang” havolasi yoziladi (qogʻoz shakldagi BYDda), grafaning oʻng boʻlmasidan “999” kodi qoʻyiladi. Qogʻoz shakldagi BYDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYDda bunday havola qilinmaydi va barcha maʼlumotlar elektron BYDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: “TRUBOPROVOD”, “LEP”;

15) 19-grafa. “Konteyner”.

Grafada quyidagilar koʻrsatiladi:

“0” — agar tovarlar konteynerda olib oʻtilmayotgan boʻlsa;

“1” — agar tovarlar konteynerda olib oʻtilayotgan yoki tovar sifatida konteyner rasmiylashtirilayotgan boʻlsa;

16) 20-grafa. “Yetkazib berish shartlari”.

Grafada tashqi savdo bitimi asosida tovarlarni yetkazib berish shartlari toʻgʻrisidagi maʼlumotlar koʻrsatiladi. Tovarlar begʻaraz asosda olib oʻtilayotganda tovarlarni yetkazib berish shartlari tovarning kuzatuv hujjatlari asosida koʻrsatiladi.

Grafaning birinchi boʻlmasida Yetkazib berish shartlari tasniflagichiga muvofiq yetkazib berish shartining raqamli kodi koʻrsatiladi.

Grafaning ikkinchi boʻlmasida Yetkazib berish shartlari tasniflagichiga muvofiq geografik punkt koʻrsatilgan holda yetkazib berish shartining harfli kodi qayd etiladi.

Grafaning uchinchi boʻlmasida tashqi savdo kontrakti (shartnomasi, kelishuvi) shartlariga muvofiq BYD asosida import qilinayotgan tovarlar uchun qoʻllaniladigan hisob-kitoblar shaklining ikki raqamli kodi, soʻngra “/” belgisidan keyin tovarlarni joʻnatish shaklining ikki raqamli kodi koʻrsatiladi (elektron BYDda har bir kod alohida ajratilgan maydonda koʻrsatiladi).

Import qilinayotgan tovarlar uchun hisob-kitoblar shaklining ikki raqamli kodi quyidagi tartibda koʻrsatiladi:

“10” — oldindan toʻlov;

“20” —akkreditiv;

“30” — bank kafolati;

“40” — inkasso;

“50” — import fakti boʻyicha;

“60” — konsignatsiya boʻyicha;

“70” — barter operatsiyasi;

“80” —begʻaraz (toʻlovsiz) asosda yetkazib berish.

Hisob-kitoblarning aralash shakllari qoʻllangan hollarda grafada mutlaq ifodada ustunlikka ega boʻlgan hisob-kitob shakli koʻrsatiladi.

Tovarlarni joʻnatish shaklining ikki raqamli kodi quyidagi tartibda koʻrsatiladi:

“01” — tovar toʻgʻridan-toʻgʻri shartnoma (bitim, kelishuv) tuzuvchi shaxs tomonidan joʻnatilayotgan boʻlsa;

“02” — tovar toʻgʻridan-toʻgʻri shartnoma (bitim, kelishuv) tuzuvchi shaxs tomonidan joʻnatilmayotgan hollarda;

17) 21-grafa. “Chegaradagi transport vositasi”.

Grafada tovarlar amalda Oʻzbekiston Respublikasi bojxona chegarasidan olib oʻtilgan transport vositalari toʻgʻrisidagi maʼlumotlar koʻrsatiladi.

Grafaning chap boʻlmasida transport vositalari soni yoziladi, soʻngra bitta boʻsh joy qoldirilib, Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda tovarlar bojxona hududiga olib kirilgan transport vositasi toʻgʻrisidagi maʼlumotlar koʻrsatiladi (dengiz yoki daryo kemasi nomi, havo kemasining reys raqami, temir yoʻl vagoni raqami, yoʻl transport vositasi roʻyxat raqami va shu kabi maʼlumotlar).

Masalan:

4 AVTO: A987SA; S654DA; B587NM; K967LV.

Agar tovarlar avtotransport vositalari sostavi bilan tashilayotgan boʻlsa, transport vositasi roʻyxat raqamidan soʻng “/” ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Masalan:

2 AVTO: A987SA/K118DS; S654DA/P312LK.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tashishda avtotransport vositalari sostavidan foydalanilgan boʻlsa, ushbu transport vositalarini (pritseplarni, yarim pritseplarni va h.k.) harakatga keltiruvchi avtotransport vositasi roʻyxatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) tashlanib, “BYD orqa tomoniga qarang” havolasi yoziladi (qogʻoz shakldagi BYDda), grafaning oʻng boʻlmasida “999” kodi qoʻyiladi. Qogʻoz shakldagi BYDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYDda bunday havola qilinmaydi va barcha maʼlumotlar elektron BYDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: “TRUBOPROVOD”, “LEP”.

Tovarlar ilgari Oʻzbekiston Respublikasi bojxona chegarasi orqali olib oʻtilmagan boʻlsa grafa toʻldirilmaydi;

18) 22-grafa. “Valyuta va tovarlarning umumiy faktura qiymati”.

Grafaning chap boʻlmasida Valyutalar tasniflagichiga muvofiq tashqi savdo kontrakti (shartnomasi, kelishuvi) valyutasining raqamli kodi koʻrsatiladi.

Tashqi savdo kontrakti (shartnomasi, kelishuvi) valyutasi deganda yetkazib berilayotgan tovar tashqi savdo kontraktiga (shartnomasiga, kelishuviga) muvofiq baholangan valyuta tushuniladi. Agar tovar tashqi savdo kontrakti (shartnomasi, kelishuvi) ijrosi boʻyicha olib oʻtilmayotgan boʻlsa, valyuta kodi tovarning kuzatuv hujjatlari asosida koʻrsatiladi.

Grafaning oʻng boʻlmasida raqamlarda deklaratsiyalanayotgan tovarlar turkumining umumiy faktura qiymati koʻrsatiladi. Umumiy faktura qiymatini BYDning 42-grafalaridagi tovarlarning faktura qiymatlari yigʻindisi tashkil qiladi;

19) 23-grafa. “Valyuta kursi”.

Grafada raqamli kodi BYDning 22-grafasida koʻrsatilgan valyutaning Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi Oʻzbekiston Respublikasi milliy valyutasiga nisbatan kursi koʻrsatiladi.

Masalan:

agar 1 Rossiya rubli = 63,41 soʻm boʻlsa, grafada “1/63,41” koʻrsatiladi;

agar 10 Yapon yenasi = 220,09 soʻm boʻlsa, grafada “10/220,09” koʻrsatiladi;

agar valyuta kontrakti Oʻzbekiston Respublikasi milliy valyutasi boʻlsa grafada “1/1” koʻrsatiladi;

20) 24-grafa. “Bitim xususiyati”.

Grafaning chap boʻlmasida Bitim xususiyatlari tasniflagichiga muvofiq bitim xususiyatining kodi koʻrsatiladi.

Grafaning oʻng boʻlmasida Valyutalar tasniflagichiga muvofiq yetkazib berilayotgan tovar uchun kontragent bilan hisob-kitob valyutasining raqamli kodi koʻrsatiladi.

Hisob-kitob valyutasi deganda BYDni 9-grafasida koʻrsatilgan shaxsning tashqi savdo kontrakti (shartnomasi, kelishuvi) boʻyicha hisob-kitob amalga oshirilgan yoki amalga oshiriladigan valyuta, tashqi savdo kontrakti (shartnomasi, kelishuvi) mavjud boʻlmagan holatlarda tovarning kuzatuv hujjatlarida koʻrsatilgan valyuta tushuniladi;

21) 25-grafa. “Chegaradagi transport turi”.

Grafada Transport turlari tasniflagichiga muvofiq 21-grafada koʻrsatilgan transport vositasi turining kodi koʻrsatiladi.

Tovarlar ilgari Oʻzbekiston Respublikasi bojxona chegarasi orqali olib oʻtilmagan boʻlsa grafa toʻldirilmaydi;

22) 26-grafa. “Mamlakat ichkarisidagi transport turi”.

Grafada Transport turlari tasniflagichiga muvofiq 18-grafada koʻrsatilgan transport vositasi turining kodi koʻrsatiladi;

23) 28-grafa. “Moliya va bank maʼlumotlari”.

Grafada bojxona toʻlovlarini toʻlovchi shaxsning STIRi (jismoniy shaxs boʻlsa JSHSHIRi), bojxona toʻlovlari Oʻzbekiston Respublikasi norezidenti tomonidan toʻlanganda bojxona brokeri yoki deklarantning STIRi (jismoniy shaxs boʻlsa JSHSHIRi) koʻrsatiladi.

24) 29-grafa. “Chegaradagi bojxona”.

Grafada Bojxona postlari tasniflagichiga muvofiq tovarlar Oʻzbekiston Respublikasiga olib kirilgan bojxona postining kodi va nomi koʻrsatiladi.

Elektr uzatish liniyalari yoki quvur transporti orqali olib oʻtiladigan tovarlarni deklaratsiyalashda nazoratni olib boruvchi postning kodi va nomi koʻrsatiladi.

Tovarlar ilgari Oʻzbekiston Respublikasi bojxona chegarasi orqali olib oʻtilmagan boʻlsa grafa toʻldirilmaydi;

25) 30-grafa. “Tovarlar turgan joy”.

Grafada BYDni taqdim etish vaqtida tovarlar turgan joy haqidagi maʼlumotlar koʻrsatiladi:

agar tovarlar bojxona ombori yoki erkin omborda, yoxud boj olinmaydigan savdo doʻkoni maqomiga ega boʻlgan joylarda turgan boʻlsa — bojxona ombori yoki erkin omborni, yoxud boj olinmaydigan savdo doʻkonini taʼsis etish uchun berilgan litsenziya raqami va sanasi;

agar tovarlar bojxona ombori maqomiga ega boʻlmagan joylarda turgan boʻlsa — tovar turgan joyning pochta manzili (pochta indeksini koʻrsatmagan holda);

agar tovarlar temir yoʻl stansiyasida turgan boʻlsa — temir yoʻl stansiyasining nomi.

Elektron BYDda alohida maydonchada tovar turgan joyning yuridik manzili boʻyicha mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq tuman (shahar) kodi koʻrsatiladi.

Elektr uzatish liniyalari yoki quvur transporti orqali olib oʻtilayotgan tovarlarni deklaratsiyalashda grafa toʻldirilmaydi;

26) 31-grafa. “Yuk joylari va tovar tavsifi”. “Markirovka va miqdor — konteynerlar raqami — tovar tavsifi”.

Grafada deklaratsiyalanayotgan tovar haqida maʼlumot koʻrsatiladi. Tovar haqidagi maʼlumotlar TIF TN asosida tasniflash qoidalariga muvofiq deklaratsiyalanayotgan tovarlarni muayyan oʻn raqamli podsubpozitsiyada aniq tasniflash imkonini berishi lozim. Maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 raqami ostida quyidagilar koʻrsatiladi:

tovarning nomi (savdo, tijorat yoki boshqa anʼanaviy nomi), tovar belgilari, markalari, modellari, artikullari, navlari, standartlari va boshqa texnik va tijorat tavsiflari (milliy standartlar, texnik reglamentlar hamda standartlar va h.k.) toʻgʻrisidagi maʼlumotlar, shuningdek deklaratsiyalanayotgan tovarning miqdoriy va sifat tarkibi toʻgʻrisidagi maʼlumotlar. Oʻzbekiston Respublikasi Vazirlar Mahkamasining 2015-yil 9-apreldagi 86-son “Respublikada sotiladigan maishiy elektr priborlarini, yangidan quriladigan binolar va inshootlarni energetika jihatidan majburiy markirovkalash va sertifikatlash tizimini joriy etish chora-tadbirlari toʻgʻrisida”gi qarori ilovasida koʻrsatilgan tovarlar uchun energiya samaradorligi klassi toʻgʻrisidagi maʼlumot koʻrsatiladi.

elektron BYDda tovarning markasi va brendining nomi, energiya samaradorligi klassi toʻgʻrisidagi maʼlumot alohida ajratilgan maydonchada ham koʻrsatiladi (tovar markasi yoki brendining nomi mavjud boʻlmagan hollarda “markasiz”, “brendsiz” deb koʻrsatiladi);

agar bojxona toʻlovlarini hisoblash hamda undirish va (yoki) iqtisodiy siyosat choralarini (taqiqlar, cheklovlar va h.k.) qoʻllash uchun zarur boʻlsa, tovarning asosiy va qoʻshimcha oʻlchov birliklaridan farq qiluvchi oʻlchov birliklaridagi tavsifi va koʻrsatkichlari toʻgʻrisidagi maʼlumotlar (miqdori va shartli belgisi), shuningdek tovar ishlab chiqarilgan (tayyorlangan) sana koʻrsatiladi.

Deklaratsiyalanayotgan tovarlarni tovar pozitsiyasining TIF TNda keltirilgan umumiy nomlanishi bilan koʻrsatilishiga yoʻl qoʻyilmaydi.

2 raqami ostida quyidagilar koʻrsatiladi:

oʻramga ega boʻlgan tovar uchun — tovar egallagan yuk joylarining umumiy soni, tovar oʻrami turi va oʻramlar miqdori. Agar ushbu grafada deklaratsiyalanayotgan tovar yuk joylarining hammasini egallamasa grafada “qutining bir qismi” va shunga oʻxshash yozuvlar yoziladi. Bunda oʻram deganda tovarlarni oʻrash, himoyalash, joylashtirish va mustahkamlash yoki ajratish uchun moʻljallangan har qanday buyum va materiallar tushuniladi, uyum holda olib oʻtiladigan oʻrash materiallari (somon, qogʻoz, shisha tola, qipiq va shu kabilar) bundan mustasno;

sochilgan, uyumlangan, quyilgan holatda oʻramsiz olib oʻtiladigan tovarlar uchun quyidagi kodlardan biri qayd etiladi:

“01” — sochilgan holda;

“02” — uyumlangan holda;

“03” — quyilgan holda.

Elektr uzatish liniyalari yoki quvur transporti orqali tashiladigan tovarlarni deklaratsiyalashda 2 raqami ostida maʼlumotlar toʻldirilmaydi.

3 raqami ostida konteynerlarda tashiladigan tovar uchun yoki tovar sifatida konteyner rasmiylashtirilayotgan holatlarda — orasiga vergul qoʻyilib konteyner raqamlari koʻrsatiladi. Agar deklaratsiyalanayotgan tovarlar konteynerni toʻliq egallamagan boʻlsa konteyner raqamidan soʻng: “bir qismi” soʻzlari yoziladi. Elektron BYDda konteynerlar raqamlari alohida maydonchada har biri alohida koʻrsatiladi.

Agar konteyner yuk egasi mulki sifatida qoladigan boʻlsa konteyner raqamidan soʻng qavs ichida (elektron BYDda alohida maydonda) “Yuk egasi mulki” soʻzlari yoziladi.

4 raqami ostida aksiz markalari bilan markalangan tovarlar uchun — har bir seriya boʻyicha aksiz markalar seriyalari, raqamlari va miqdori koʻrsatiladi.

Ketma-ketlikda kelayotgan aksiz markalarining raqamlari toʻgʻrisidagi maʼlumotlar tegishli oraliqdagi birinchi va oxirgi raqam oʻrtasida chiziqcha “-” ajratuvchisini qoʻyish orqali yoziladi.

5 raqami ostida quvur transporti, elektr uzatish liniyalari orqali olib oʻtilayotgan tovarlarni deklaratsiyalashda quyidagi yozuvlar yoziladi: “XX.XX.XXXX dan XX.XX.XXXX gacha boʻlgan oraliqda yetkazib berish”. Bu yerda raqamli belgilar bilan tovarlarni yetkazib berish boshlangan “kun, oy, yil” va tugallangan “kun, oy, yil” koʻrsatiladi.

6 raqami ostida (elektron BYDda alohida aniqlashtirilgan jadvalda) tovarlarning agregatsiyalangan import kodi koʻrsatiladi.

7 raqam ostida oziq ovqat mahsulotlari va dori vositalarining yaroqlilik (foydalanish) muddati koʻrsatiladi. Elektron BYDda ushbu maʼlumotlar alohida ajratilgan maydonchada koʻrsatiladi;

8 raqami ostida quyidagi kodlar koʻrsatiladi:

“101” — agar tovarlar Oʻzbekiston Respublikasi Prezidentining qarori bilan tasdiqlangan Investitsiya dasturiga kiritilgan toʻgʻridan-toʻgʻri xorijiy investitsiyalar ishtirokida amalga oshirilayotgan investitsiya loyihalari doirasida olib kirilayotgan boʻlsa;

“102” — agar tovarlar Oʻzbekiston Respublikasi Prezidentining qarori bilan tasdiqlangan Investitsiya dasturiga kiritilgan Oʻzbekiston Respublikasi davlat kafolati ostida jalb qilingan xalqaro moliya tashkilotlari kredit mablagʻlari hisobidan amalga oshirilayotgan investitsiya loyihalari doirasida olib kirilayotgan boʻlsa;

“103” — agar tovarlar Oʻzbekiston Respublikasi Prezidenti qarori bilan tasdiqlangan Investitsiya dasturiga kiritilgan mazkur kichik bandning yigirmanchi va yigirma birinchi xatboshilarida nazarda tutilmagan investitsiya loyihalari doirasida olib kirilayotgan boʻlsa;

“201” — agar Hukumat va viloyat hokimlari qarorlari bilan tasdiqlangan hududlarni rivojlantirish boʻyicha toʻgʻridan-toʻgʻri xorijiy investitsiyalar ishtirokida amalga oshirilayotgan investitsiya loyihalari doirasida olib kirilayotgan boʻlsa;

“202” — agar Hukumat va viloyat hokimlari qarorlari bilan tasdiqlangan hududlarni rivojlantirish boʻyicha mahalliy banklarning kredit mablagʻlari hisobidan amalga oshirilayotgan investitsiya loyihalari doirasida olib kirilayotgan boʻlsa;

“203” — agar Hukumat va viloyat hokimlari qarorlari bilan tasdiqlangan hududlarni rivojlantirish boʻyicha amalga oshirilayotgan mazkur kichik bandning yigirma uchinchi va yigirma toʻrtinchi xatboshilarida nazarda tutilmagan investitsiya loyihalari doirasida olib kirilayotgan boʻlsa;

“301” — agar tovarlar mazkur kichik bandning yigirmanchi — yigirma beshinchi xatboshilarida nazarda tutilmagan investitsiya dasturi loyihasi doirasida olib kirilayotgan boʻlsa;

“000” — agar tovarlar investitsiya dasturi loyihasiga aloqador boʻlmasa.

9 raqami ostida TIF TNning 8401 — 8414 (8414 20 200 0, 8414 20 800 0, 8414 51 000 0 dan tashqari), 8415 (8415 10 100 0, 8415 10 900 0 dan tashqari), 8416 — 8418 (8418 10 — 8418 50 dan tashqari), 8419 — 8422 (8422 11 000 0 dan tashqari), 8423 (8423 10 100 0 dan tashqari), 8424 — 8450 (8450 11 — 8450 19 dan tashqari), 8451, 8452 (8452 10 dan tashqari), 8453 — 8466, 8474 — 8480, 8486, 8501 — 8504, 8514, 8515, 8526, 8530, 8531, 8537, 8538, 8543, 9006 — 9008, 9010 — 9016, 9018 (9018 31 100 1, 9018 31 100 9, 9018 31 900 1, 9018 31 900 9, 9018 32 100 0, 9018 32 900 0, 9018 39 000 0, 9018 49 100 0, 9018 49 900 0, 9018 90 500 1 dan tashqari), 9019, 9020, 9022 — 9024, 9027, 9030 — 9033 tovar pozitsiyalari bilan tasniflanuvchi texnologik asbob-uskunalarning qaysi soha uchun olib kirilayotganligi mazkur Yoʻriqnomaning 16-ilovasida keltirilgan Asosiy sohalar tasniflagichiga muvofiq uchta raqamdan iborat kodi koʻrsatiladi. Agar tovar olib kirilayotgan soha Asosiy sohalar tasniflagichida belgilanmagan boʻlsa “000” koʻrsatiladi.

10 raqami ostida mazkur kichik bandning yigirma yettinchi xatboshisida nazarda tutilgan texnologik asbob-uskunalarning ishlab chiqarilgan yili, soʻngra “/” belgisidan keyin texnik tasnifi koʻrsatiladi.

11 raqami ostida quyidagi kodlar koʻrsatiladi:

“01” — import qilinayotgan tovar davlat xaridlari doirasida boʻlsa;

“02” — import qilinayotgan tovar davlat xaridlari doirasida boʻlmasa.

Tovarlarning bir qismi davlat xaridlariga aloqador boʻlmagan hollarda ular alohida tovar sifatida deklaratsiyalanadi.

Elektron BYDda tovarga oid maʼlumotlar BYDning formati va tuzilishidan kelib chiqib, alohida ajratilgan maydonchada ham koʻrsatiladi.

Grafaning pastki chap burchagida alohida ajratilgan maydonchada deklaratsiyalanayotgan tovarni isteʼmol qiluvchi shaxsning STIRi (jismoniy shaxs boʻlsa, JSHSHIRi), soʻngra “/” belgisidan keyin yuridik manzili (jismoniy shaxsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi.

Agar mazkur tovarning isteʼmolchisi nomaʼlum yoki isteʼmolchilar bir nechta boʻlsa, ushbu tovarni qabul qilayotgan shaxsning STIRi (jismoniy shaxs boʻlsa, JSHSHIRi) va tuman (shahar) kodi koʻrsatiladi.

Grafaning pastki oʻng burchagida alohida ajratilgan joyda tovarlarning qoʻshimcha oʻlchov birligidagi miqdori va oʻlchov birligining TIF TNga muvofiq shartli belgilanishi koʻrsatiladi (qoʻshimcha oʻlchov birligining kodi 41-grafada aks ettiriladi). Elektron BYDda oʻlchov birligining shartli belgilanishi koʻrsatilmasdan, faqatgina tovarlarning qoʻshimcha oʻlchov birligidagi miqdori yoziladi.

Tovarlarning qoʻshimcha oʻlchov birligidagi miqdori verguldan keyingi ikkinchi belgigacha aniqlikda koʻrsatiladi.

Agar qoʻshimcha oʻlchov birligidagi tovar miqdori “0,01” dan kam boʻlsa grafada tovarning qoʻshimcha oʻlchov birligidagi miqdori verguldan keyingi oltinchi belgigacha aniqlikda koʻrsatiladi.

Faqatgina asosiy oʻlchov birligi “kg” qoʻllanilgan holatlarda — grafaning pastki oʻng burchagi toʻldirilmaydi.

27) 32-grafa. “Tovar №”.

Grafada 31-grafada deklaratsiyalanayotgan tovarning tartib raqami koʻrsatiladi.

Bitta nomdagi tovar deklaratsiyalanayotgan boʻlsa, grafada “1” raqami koʻrsatiladi;

28) 33-grafa. “Tovar kodi”.

Grafaning chap qismida 31-grafada deklaratsiyalanayotgan tovarlarning TIF TNga muvofiq oʻnta raqamli kodi koʻrsatiladi. Ushbu kod boʻsh joysiz (probelsiz) va boshqa ajratuvchi belgilarsiz yoziladi;

29) 34-grafa. “Kelib chiqish mamlakati kodi”.

Grafaning chap boʻlmasida 31-grafada deklaratsiyalanayotgan tovarni kelib chiqish mamlakatining Dunyo mamlakatlari tasniflagichiga muvofiq raqamli kodi koʻrsatiladi.

Agar bojxona rasmiylashtiruvi vaqtida kelib chiqish mamlakati nomaʼlum boʻlsa, “000” kodi qoʻyiladi.

Agar tovarni kelib chiqish sertifikatida Yevropa ittifoqining aniq mamlakati koʻrsatilmagan boʻlib, tovarning kelib chiqish mamlakati sifatida Yevropa ittifoqi koʻrsatilgan boʻlsa, lotin harflari bilan ikki harfdan iborat “EU” kodi qoʻyiladi;

30) 35-grafa. “Brutto vazn (kg)”.

Grafada BYDning 31-grafasida deklaratsiyalanayotgan tovarning kilogrammdagi “brutto” ogʻirligi koʻrsatiladi. “Brutto” ogʻirlik deganda tovarning umumiy ogʻirligi, shu jumladan, tovar muomalaga kiritilgunga qadar holatini oʻzgarmasligini taʼminlab turish uchun zarur boʻlgan uning barcha turdagi oʻramlari (konteyner va boshqa transport uskunalari bundan mustasno) bilan birgalikdagi ogʻirligi tushuniladi.

Brutto vazn matematik qoidalarga koʻra verguldan keyingi uchinchi raqamgacha yaxlitlanadi.

Agar tovarning umumiy ogʻirligi bir kilogrammdan kam boʻlsa, brutto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, brutto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning umumiy ogʻirligi koʻrsatiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

32) 37-grafa. “Protsedura”.

Grafada tovarlarni Oʻzbekiston Respublikasi bojxona chegarasi orqali olib oʻtish protsedurasining yetti belgili kodi koʻrsatiladi. Ushbu kod quyidagi uchta tarkibiy qismlardan iborat:

birinchi ikkita raqam — Bojxona rejimlari tasniflagichiga muvofiq bayon etilayotgan bojxona rejimi kodi;

keyingi ikkita raqam — Bojxona rejimlari tasniflagichiga muvofiq avvalgi bojxona rejimi kodi (bundan bojxona tranziti bojxona rejimi mustasno). Agar avvalgi bojxona rejimi mavjud boʻlmasa yoki tovar avval faqat bojxona tranziti bojxona rejimiga rasmiylashtirilgan boʻlsa “00” koʻrsatiladi;

oxirgi uchta raqam — Tovarlarni olib oʻtish xususiyatlari tasniflagichiga muvofiq deklaratsiyalanayotgan tovarlarni olib oʻtish xususiyati kodi;

33) 38-grafa. “Netto vazn (kg)”.

Grafada deklaratsiyalanayotgan tovarning kilogrammdagi “netto” ogʻirligi koʻrsatiladi.

Qadoqlangan holatda olib oʻtilayotgan tovar uchun:

deklaratsiyalanayotgan tovarning faqat birlamchi qadogʻini hisobga olgan holdagi ogʻirligi, agar tovarlar, isteʼmol xususiyatlaridan kelib chiqqan holda, shunday qadoqda chakana savdoga chiqarilsa va (yoki) tovarni sotishda uning saqlanishini taʼminlaydigan birlamchi qadoqni tovarning isteʼmol xususiyatlarini buzmagan holda tovarni isteʼmol qilgunga qadar tovardan ajratib boʻlmaydigan (masalan, bankadagi kofe va h.k.) boʻlsa;

boshqa holatlarda deklaratsiyalanayotgan tovarning hech qanday qadoqsiz ogʻirligi.

Qadoqsiz (sochilgan, quyilgan, uyum holda) olib oʻtiladigan tovar uchun tovarning umumiy ogʻirligi koʻrsatiladi.

Netto vazn matematik qoidalarga koʻra verguldan keyingi uch belgigacha yaxlitlanadi.

Agar tovarning umumiy vazni bir kilogrammdan kam boʻlsa, netto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, netto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning BYDni 35-grafasida koʻrsatilgan ogʻirligi qayd etiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

34) 39-grafa. “Kvota”.

Miqdoriy cheklovlar belgilangan tovarlarni deklaratsiyalashda toʻldiriladi.

Grafada olingan litsenziyaga muvofiq oʻlchov birligida ajratilgan kvotaning qoldigʻi koʻrsatiladi. Kvotaning qoldigʻini aniqlashda deklaratsiyalanayotgan tovarlar hisobga olinmaydi.

Masalan:

litsenziya boʻyicha ajratilgan kvota — 10000 kub. m; deklaratsiyalanayotgan tovarning birinchi turkumi — 4000 kub. m. 39-grafada — “10000 kub. m” koʻrsatiladi.

Mazkur litsenziya boʻyicha ajratilgan kvota hisobidan keyingi tovarlar turkumini rasmiylashtirishda 39-grafada kvota qoldigʻi — “6000 kub. m” koʻrsatiladi;

35) 40-grafa. “Umumiy deklaratsiya/avvalgi hujjat”.

Tovarlar bayon etilayotgan bojxona rejimidan avval boshqa bojxona rejimiga BYD taqdim etish orqali joylashtirilgan boʻlsa, grafada tovarlarni avvalgi bojxona rejimiga joylashtirish uchun asos boʻlgan BYD haqida quyidagi maʼlumotlar koʻrsatiladi:

avvalgi hujjatning kodi — ushbu holatda “GTD”;

avvalgi BYDning roʻyxat raqami;

ushbu tovarning avvalgi BYDning 32-grafasidagi tartib raqami;

avvalgi BYDning 32-grafasida koʻrsatilgan tovarning, rasmiylashtirilayotgan brutto vazni (kilogrammda);

avvalgi BYDning 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

GTD 14010/31.03.2012/0353761 — 2 — 5980 kg — 5900 kg — 250,2 m3.

Agar deklaratsiyalanayotgan tovar avval bir nechta tovar turkumlariga boʻlingan holda bir nechta BYDlar bilan rasmiylashtirilgan boʻlsa, avvalgi rasmiylashtirilgan har bir BYD toʻgʻrisidagi maʼlumotlar alohida yangi qatordan yuqorida qayd etilgan tartibda koʻrsatiladi.

Agar tovarlar bayon etilayotgan bojxona rejimidan avval bojxona tranziti bojxona rejimiga joylashtirish uchun tranzit deklaratsiyasi taqdim etilgan boʻlsa, grafada tovarlarni bojxona tranziti bojxona rejimiga joylashtirish uchun asos boʻlgan tranzit deklaratsiyasi haqida quyidagi maʼlumotlar koʻrsatiladi:

avvalgi hujjatning kodi — ushbu holatda “TD”;

tranzit deklaratsiyasining roʻyxat raqami;

ushbu tovarning tranzit deklaratsiyasining 32-grafasidagi tartib raqami;

tranzit deklaratsiyasining 32-grafasida koʻrsatilgan tovarning, rasmiylashtirilayotgan brutto vazni (kilogrammda);

tranzit deklaratsiyasining 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

TD 06010/01.03.2022/0003761 — 3 — 7980 kg — 7900 kg — 350,2 m3.

Agar deklaratsiyalanayotgan tovar avval bir nechta tovar turkumlariga boʻlingan holda bir nechta tranzit deklaratsiyalari bilan rasmiylashtirilgan boʻlsa, avvalgi rasmiylashtirilgan har bir tranzit deklaratsiyalari toʻgʻrisidagi maʼlumotlar alohida yangi qatordan yuqorida qayd etilgan tartibda koʻrsatiladi.

Agar tovarlarga nisbatan avval BYD yoki tranzit deklaratsiyasi taqdim etilmagan boʻlsa, grafada tovarlarni bojxona rasmiylashtiruvini amalga oshirish uchun ichki bojxona organiga yetkazib berish uchun asos boʻlgan yetkazib berishni nazorat qilish hujjatlari (yukni yetkazib berishni nazorat qilish kitobchasi, MDP kitobchasi) haqidagi quyidagi maʼlumotlar koʻrsatiladi:

yetkazib berishni nazorat qilish hujjatining kodi: yukni yetkazib berishni nazorat qilish kitobchasi uchun — KKDG, MDP kitobchasi uchun — MDP;

yetkazib berishni nazorat qilish toʻgʻrisidagi hujjat raqami (99999/99.99.9999/IM999999 — post kodi/sana/yukni yetkazib berishni nazorat qilish kitobchasi raqami, 99999/99.99.9999/ZX99999999 — post kodi/sana/MDP kitobchasi raqami). Bunda, yukni yetkazib berishni nazorat qilish kitobchasi raqamidagi harflar kirill alifbosi harflarida, MDP kitobchasi raqamidagi harflar esa lotin alifbosida yozilishi shart;

yetkazib berishni nazorat qilish toʻgʻrisidagi hujjatda koʻrsatilgan tovarning, rasmiylashtirilayotgan brutto vazni (kilogrammda).

Masalan:

KKDG 06006/31.03.2012/IM003761 — 15000 kg;

MDP 27002/01.01.2014/XY00156239 — 19456 kg.

Agar tovar bir nechta yetkazib berishni nazorat qilish toʻgʻrisidagi hujjatlardan rasmiylashtirilayotgan boʻlsa, har bir maʼlumot alohida yangi qatordan yuqorida qayd etilgan tartibda koʻrsatiladi;

Agar tovar bojxona rejimiga joylashtirilmasdan transport vositasi sifatida “Avtotransport vositasini qaytarib olib chiqish toʻgʻrisida majburiyatnoma” (bundan buyon ushbu bandda majburiyatnoma deb yuritiladi) rasmiylashtirilgan holda olib kirilgan boʻlsa, grafada majburiyatnoma haqida quyidagi maʼlumotlar koʻrsatiladi:

avvalgi hujjatning kodi — ushbu holatda “MB”;

majburiyatnomaning roʻyxat raqami (99999/99.99.9999/MB99999999999 — post kodi/sana/majburiyatnomaning tartib raqami). Bunda, majburiyatnomaning tartib raqamidagi harflar lotin alifbosida yoziladi;

36) 41-grafa. “Qoʻshimcha oʻlchov birligi”.

Grafada TIF TNda keltirilgan “Oʻlchov birliklari jadvali”ga muvofiq 31-grafaning pastki oʻng boʻlmasida koʻrsatilgan tovar miqdorining qoʻshimcha oʻlchov birligi kodi koʻrsatiladi.

Agar mazkur tovar uchun TIF TNga muvofiq faqat asosiy oʻlchov birligi (kg) qoʻllanilsa, grafa toʻldirilmaydi;

37) 42-grafa. “Tovarning faktura qiymati”.

Grafada 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) shartlariga muvofiq haqiqatda toʻlangan yoki toʻlanishi lozim boʻlgan yoxud tovarlarni muqobil yetkazib berish bilan qoplanadigan faktura qiymati tashqi savdo kontrakti (shartnomasi, kelishuvi) valyutasida koʻrsatiladi.

Tovarlarni begʻaraz (toʻlovsiz) yetkazib berish asosida import qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning faktura qiymati tovarning kuzatuv hujjatlari asosida koʻrsatiladi.

Naqd valyutani deklaratsiyalashda grafada olib oʻtilayotgan valyutaning summasi, nominal qiymatga ega qimmatli qogʻozlarni deklaratsiyalashda esa — qimmatli qogʻozlarning nominal qiymati koʻrsatiladi.

Faktura qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

38) 43-grafa.

Grafada quyidagilar koʻrsatiladi:

“0” — agar yukni qabul qiluvchi oʻz ehtiyoji uchun moʻljallanmagan mahsulotni olib kirayotgan boʻlsa;

“1” — agar yukni qabul qiluvchi oʻz ehtiyoji uchun moʻljallangan mahsulotni olib kirayotgan boʻlsa;

39) 44-grafa. “Qoʻshimcha maʼlumotlar/taqdim etilayotgan hujjatlar”.

Grafada BYDning 31-grafasida koʻrsatilgan har bir tovar haqida bayon etilgan maʼlumotlarni tasdiqlovchi, BYDni toʻldirishga asos boʻlgan hujjatlar toʻgʻrisidagi maʼlumotlar koʻrsatiladi.

Har bir hujjat toʻgʻrisidagi maʼlumotlar Bojxona yuk deklaratsiyasini toʻldirishda foydalaniladigan hujjatlar va maʼlumotlar turlari tasniflagichiga muvofiq hujjatning tartib raqami va harfli kodini qoʻygan holda koʻrsatiladi (rekvizitlarning har biri yangi satrdan boshlanadi):

a) litsenziyalanadigan tovarlar uchun litsenziya roʻyxat raqami va berilgan sanasi hamda uning amal qilish muddati.

Masalan:

101 LITSENZIYA № 998344400002, 26.11.2015-y. Amal qilish muddati — 31.12.2015-y.;

b) transport va tijorat hujjatlarining raqami (roʻyxat raqami).

Masalan:

205 AVIA № 259-12586814, 18.11.2015-y.;

220 INV № 987, 15.11.2015-y.;

v) tovarning bojxona rasmiylashtiruvi amalga oshirilayotgan kontrakt (shartnoma, kelishuv) raqami va sanasi, shuningdek tovarlarni norezident tashuvchining transport xizmatidan foydalangan holda tashish boʻyicha tuzilgan kontrakt (shartnoma, kelishuv) raqami, sanasi hamda uning Tashqi savdo operatsiyalari yagona elektron axborot tizimidagi identifikatsiya raqami.

Masalan:

301 KNT № EKS-654, 13.09.2015-y.;

g) normativ-huquqiy hujjatlarda nazarda tutilgan holatlarda, boshqa vakolatli organlar tomonidan taqdim etiladigan ruxsatnomalar, xulosalar va boshqa hujjatlarning (sertifikatlar, guvohnomalar va h.k.) roʻyxat raqami va berilgan sanasi.

Masalan:

417 SST № UZ.SMT.01.065.1783700, 15.10.2015-y.;

419 FTSS № 431771, 04.11.2015-y.;

d) tashqi savdo kontrakti (shartnomasi, kelishuvi) vakolatli organlarda roʻyxatdan oʻtgan raqami va roʻyxatga olingan sanasi. Tovarlar yakka tartibdagi tadbirkorlar tomonidan deklaratsiyalangan holatlarda yakka tartibdagi tadbirkorning eksport-import operatsiyalarini amalga oshirish huquqi bilan davlat roʻyxatidan oʻtganligi toʻgʻrisidagi guvohnoma raqami va sanasi.

Masalan:

501 reg MIVT № 96200126, 15.04.2014-y.;

502 SvIPBYUL № 010176/198, 04.08.2015-y.;

e) “6” raqamidan soʻng Bojxona toʻlovlari tasniflagichiga muvofiq bojxona toʻlovi turining kodi, soʻngra Bojxona toʻlovlarini toʻlash boʻyicha imtiyozlar mavjudligini tasdiqlovchi va BYDning 44-grafasidagi maʼlumotlarni bayon etishda qoʻllaniladigan normativ-huquqiy hujjatlar tasniflagichiga muvofiq bojxona toʻlovlaridan ozod etishga asos boʻladigan normativ-huquqiy hujjat toʻgʻrisidagi maʼlumotlar.

Bojxona toʻlovlaridan ozod etish koʻzda tutilmagan yoki bojxona toʻlovlari stavkalari belgilanmagan holatlarda grafaning mazkur qismi toʻldirilmaydi.

Masalan:

620 15-142120030000;

(Prezidentning 04.02.2014-yildagi PQ-2120-son qarori 3-bandi);

629 15-142120030000;

(Prezidentning 04.02.2014-yildagi PQ-2120-son qarori 3-bandi);

629 11-190599246060;

(Soliq kodeksining 246-moddasi 6-bandi);

620 10-130001010000;

(2011-yil 18-oktabrdagi erkin savdo zonasini tashkil etish toʻgʻrisidagi shartnomani uning taraflari va Oʻzbekiston Respublikasi oʻrtasida qoʻllash toʻgʻrisidagi bayonnoma /31.05.2013-y);

620 10-940001010000;

(Erkin savdo zonasini tashkil etish toʻgʻrisidagi bitim/15.04.1994-y);

j) tovarning kelib chiqish mamlakati sertifikati roʻyxat raqami va sanasi.

Masalan:

701 SPTIM № KZUZ50209586, 20.11.2015-y.;

z) bojxona rasmiylashtiruvida zarur boʻlgan boshqa hujjatlar va maʼlumotlar (bojxona toʻlovlarini kechiktirib toʻlash, vositachilik (garov va h.k.) bitimi, bojxona qonunchilik hujjatlari buzilganligi yuzasidan jarima solish toʻgʻrisidagi qaror raqami va sanasi (jarima solish toʻgʻrisidagi qaror boʻlmaydigan hollarda shakl-2 raqami va sanasi), xorijiy mamlakatning eksport bojxona deklaratsiyasi va qonunchilik hujjatlarida belgilangan boshqa hujjatlar va maʼlumotlar);

40) 45-grafa. “Bojxona qiymati”.

Grafaning oʻng boʻlmasida 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) valyutasidagi bojxona qiymati koʻrsatiladi.

Tovarlarni begʻaraz (toʻlovsiz) yetkazib berish asosida import qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning bojxona qiymati tovarning kuzatuv hujjatlarida koʻrsatilgan valyutada keltiriladi.

Bojxona qiymati Oʻzbekiston Respublikasi Bojxona kodeksida belgilangan tovarlarning bojxona qiymatini aniqlash usullariga muvofiq hisoblanadi.

Bojxona qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

41) 46-grafa. “Statistik qiymat”.

Grafada tovarning ming AQSH dollaridagi statistik qiymati koʻrsatiladi. Statistik qiymat tovarning 42-grafada koʻrsatilgan faktura qiymati asosida hisoblanadi va “CIP (CIF) — Oʻzbekiston chegarasi” yetkazib berish shartidagi narxga keltiriladi.

Statistik qiymat matematik qoidalarga koʻra verguldan soʻng uch belgigacha aniqlikda yaxlitlanadi.

Statistik qiymatini hisoblashda Oʻzbekiston Respublikasi Markaziy banki tomonidan belgilangan, BYD bojxona rasmiylashtiruvi uchun qabul qilingan kunda amalda boʻlgan kursdan foydalaniladi;

42) 47-grafa. “Bojxona toʻlovlarining hisobi”.

Bojxona toʻlovlari summalarini hisoblash BYDning 31-grafalarida bayon etilgan har bir tovar uchun bojxona toʻlovlari turlari boʻyicha alohida amalga oshiriladi. Bundan bojxona rasmiylashtiruvi uchun bojxona yigʻimlari mustasno boʻlib, ular doim BYD asosiy varagʻining 47-grafasida (elektron BYDda 32-grafada 1 tartib raqami ostidagi tovarning 47-grafasida) koʻrsatiladi.

“Toʻlov turi” ustunida Bojxona toʻlovlari tasniflagichiga muvofiq bojxona toʻlovi turining kodi koʻrsatiladi.

“Hisoblash asosi” ustunida bojxona toʻlovini hisoblashning asosi koʻrsatiladi.

Hisoblash asosi Oʻzbekiston Respublikasi milliy valyutasida koʻrsatiladi. Quyidagi holatlar bundan mustasno:

agar qonunchilik hujjatlari bilan hisoblash uchun asos xorijiy valyutada belgilangan boʻlsa, yoxud bojxona yigʻimlari xorijiy valyutada undirilishi koʻzda tutilgan boʻlsa (masalan, erkin bojxona zonalari va erkin omborlar hududlarida bojxona yigʻimlarini undirishda) hisoblash uchun asos Valyutalar tasniflagichiga muvofiq valyutaning harfli kodini qoʻygan holda xorijiy valyutada keltiriladi;

agar qonunchilik hujjatlarida hisoblash uchun asos pul birliklarida emas, balki boshqa oʻlchov birliklarida (masalan, maʼlum vaqt oraligʻi (soat), maʼlum bir hujjatlarni berganlik uchun, BYDning asosiy va qoʻshimcha varaqlari uchun va h.k.) belgilangan boʻlsa, u holda tegishlicha miqdor (1, 2 va h.k.) va oʻlchov birligi (soat, dona, asosiy varaq, qoʻshimcha varaq va h.k.) koʻrsatiladi.

Hisoblash uchun asos Oʻzbekiston Respublikasi milliy valyutasida aniqlanganda, tovarning 12 va 45-grafalardagi qiymatlarini Oʻzbekiston Respublikasi milliy valyutasida qayta hisoblash BYD bojxona rasmiylashtiruvi uchun qabul qilingan kundagi Oʻzbekiston Respublikasi Markaziy banki kursi boʻyicha amalga oshiriladi.

“Stavka” ustunida bojxona toʻlovi summasini hisoblashda qoʻllaniladigan bojxona toʻlovlarining belgilangan stavkasi miqdori koʻrsatiladi.

“Summa” ustunida bojxona toʻlovining Oʻzbekiston Respublikasi milliy valyutasida hisoblangan summasi koʻrsatiladi. Agar qonunchilik hujjatlariga muvofiq bojxona toʻlovining xorijiy valyutada undirilishi belgilangan boʻlsa, bojxona toʻlovining hisoblangan summasi Valyutalar tasniflagichiga muvofiq valyutaning harfli kodi qoʻyilgan holda tegishli xorijiy valyutada koʻrsatiladi.

“TU” ustunida toʻlov usulining ikki belgili harfli kodi koʻrsatiladi:

“BN” — bank orqali naqd pulsiz hisob-kitob;

“KT” — bojxona toʻlovlari summasini naqd pul bilan toʻlash;

“UN” — bojxona toʻlovlarini shartli hisoblash;

“OP” — bojxona toʻlovlarini kechiktirib toʻlash imkoniyati taqdim etilgan;

“RP” — bojxona toʻlovlarini boʻlib-boʻlib toʻlash imkoniyati taqdim etilgan;

“PP” — davriy bojxona yuk deklaratsiyasi doirasida rasmiylashtirilgan tovarlarning har bir turkumi boʻyicha alohida bojxona boji va soliqlarni toʻlash;

“VZ” — qoʻshilgan qiymat soligʻini bojxona va soliq organlari oʻrtasida oʻzaro hisobga olish orqali toʻlash imkoniyati taqdim etilgan;

“OO” — toʻlov amalga oshirilmaydi.

Qonunchilik hujjatlariga muvofiq deklaratsiyalanayotgan tovarlar uchun stavka belgilanmagan yoki nol stavka belgilangan, yoxud bayon etilayotgan bojxona rejimi shartlariga koʻra ushbu turdagi bojxona toʻlovini toʻlash majburiyati vujudga kelmaydigan bojxona toʻlovi toʻgʻrisidagi maʼlumotlar grafaga kiritilmaydi;

43) 48-grafa. “Toʻlovlarni kechiktirish”.

Bojxona toʻlovlarini kechiktirib toʻlash imkoniyati taqdim etilganda, grafada bunday toʻlovlarni toʻlashning soʻnggi muddati bojxona toʻlovlari turlari kesimida quyidagi sxema boʻyicha koʻrsatiladi:

XX.KK.OO.YYYY

bunda:

XX — Bojxona toʻlovlari tasniflagichiga muvofiq bojxona toʻlovi turining kodi;

KK — kun;

OO — oy;

YYYY — yil;

Agar kechiktirib toʻlash imkoniyati taqdim etilgan bojxona toʻlovlarining turlari bir nechta boʻlsa, har bir maʼlumot alohida yangi qatorda koʻrsatiladi.

Bojxona toʻlovlarini boʻlib-boʻlib toʻlash imkoniyati taqdim etilganda, grafada bunday toʻlovlarni toʻlash muddatlari, bojxona toʻlovlari turlari va toʻlov summalari kesimida quyidagi sxema boʻyicha koʻrsatiladi:

TR.XX.KK.OO.YYYY.SUMMA

Masalan:

300 000 000.00 soʻm miqdoridagi bojxona bojini boʻlib-boʻlib toʻlash imkoniyati 3 oyga taqdim etilganda va toʻlov sharti boʻyicha dastlabki toʻlanadigan bojxona boji iyun oyidan boshlansa, boʻlib toʻlash oyi tartib raqami, bojxona toʻlovi turi, boʻlib toʻlash muddati, har bir oy uchun boʻlib toʻlash summasi quyidagi tartibda koʻrsatiladi:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.

bunda:

TR — boʻlib-boʻlib toʻlanadigan bojxona toʻlovlari turini toʻlash oyining tartib raqami;

XX — Bojxona toʻlovlari tasniflagichiga muvofiq bojxona toʻlovi turining kodi;

KK — kun;

OO — oy;

YYYY — yil;

SUMMA — boʻlib-boʻlib toʻlash muddatlari boʻyicha toʻlov summasi;

Agar boʻlib-boʻlib toʻlash imkoniyati taqdim etilgan bojxona toʻlovlarining turlari yoki muddatlari bir nechta boʻlsa, har bir maʼlumot alohida yangi qatorda koʻrsatiladi.

44) 49-grafa. “Ombor nomi”.

Agar tovarlar ilgari bojxona ombori yoki erkin omborda saqlashni nazarda tutuvchi bojxona rejimlariga joylashtirilgan boʻlsa, grafada bojxona ombori yoki erkin omborni taʼsis etish uchun berilgan litsenziya raqami va sanasi koʻrsatiladi.

Agar tovarlar bojxona ombori maqomiga ega boʻlmagan joylarga joylashtirilgan boʻlsa grafa toʻldirilmaydi;

45) 50-grafa. “Ishonch bildirgan shaxs”.

Grafada quyidagi mazmundagi yozuv yoziladi:

Taqdim etilgan hujjatlar va maʼlumotlar uchun javobgar ......” deb yozilgandan soʻng BYDni toʻldirishga asos boʻlib xizmat qiluvchi taqdim etilgan hujjatlar va maʼlumotlarga javobgar hisoblangan shaxsning familiyasi, ismi, otasining ismi, lavozimi, telefon raqami (mavjud boʻlsa) va JSHSHIRi (elektron BYDda alohida maydonda) koʻrsatiladi (qogʻoz shakldagi BYDda uning shaxsiy imzosi qoʻyiladi).

Taqdim etilgan hujjatlar va maʼlumotlar uchun javobgar shaxs JSHSHIRi mavjud boʻlmagan norezident boʻlsa, u holda shaxsning JSHSHIRi qayd etiladigan joyda “99999999999999” kodi koʻrsatiladi.

Taqdim etilgan hujjatlar va maʼlumotlar uchun javobgar etib deklarant yoki u ishonch bildirgan shaxs belgilanadi.

Agar taqdim etilgan hujjatlar va maʼlumotlar uchun javobgar deklarant ishonch bildirgan shaxs boʻlsa, uning vakolatlarini tasdiqlovchi hujjatning (shartnomaning, ishonchnomaning) raqami, sanasi va amal qilish muddati koʻrsatiladi.

46) 54-grafa. “Joy va sana”.

Grafada 14-grafada koʻrsatilgan shaxs nomidan BYDni taqdim etayotgan deklaratsiyalovchi shaxs haqida quyidagi maʼlumotlar koʻrsatiladi maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 — BYD toʻldirilgan joy;

2 — deklaratsiyalovchi shaxsning familiyasi, ismi va otasining ismi, shuningdek elektron pochta manzili (mavjud boʻlsa);

3 — deklaratsiyalovchi shaxsning telefon raqami;

4 — agar tovarlarni deklaratsiyalash bojxona brokeri tomonidan amalga oshirilayotgan boʻlsa, bojxona brokeri va topshirigʻiga asosan BYD taqdim etilayotgan shaxs oʻrtasidagi bitim raqami va sanasi koʻrsatiladi;

5 — deklaratsiyalovchi shaxs tomonidan BYDga berilgan raqam quyidagi tartibda koʻrsatiladi:

99999999999999/99.99.9999/999999, bunda:

1-element — deklaratsiyalovchi shaxsning JSHSHIRi;

2-element — BYD toʻldirilgan sana;

3-element — deklaratsiyalovchi shaxs tomonidan BYDga berilgan tartib raqami (joriy yilda oʻsish tartibida, yil yakunlangach raqamlash yangidan boshlanadi).

Deklaratsiyalovchi shaxs tomonidan BYDga berilgan raqam qaytarilmasligi lozim.

BYDda bayon etilgan maʼlumotlarning haqqoniyligi elektron BYDda deklaratsiyalovchi shaxsning ERIsi, qogʻoz shakldagi BYDda deklaratsiyalovchi shaxsning imzosi bilan tasdiqlanadi.

Qogʻoz shakldagi BYDda bunday tasdiqlash har bir qoʻshimcha varaqning “S” grafasida ham amalga oshiriladi.

48) “S” grafa.

Grafada quyidagilar koʻrsatiladi (maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi):

1 — tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami;

2 — tovarlar Oʻzbekiston Respublikasi hududiga olib kirilgan sana. Olib kirilgan sana Oʻzbekiston Respublikasi chegarasidan oʻtish punktidagi chegara bojxona postida tovarning kuzatuv hujjatlariga qoʻyiladigan shtamp sanasi boʻyicha aniqlanadi.

6-bob. Tovarlarni reeksport bojxona rejimiga joylashtirishda BYDni toʻldirish

26. Tovarlarni reeksport bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 49, 50, 54, “S”.

27. BYDning 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 35, 37, 38, 41, 42, 44, 45, 46, 47, 49, 50, 54 grafalari mazkur Yoʻriqnomaning 22-bandiga muvofiq toʻldiriladi.

28. BYDning 40 va “S” grafalarini toʻldirilishi quyidagi oʻziga xos xususiyatlarga ega:

1) 40-grafa. “Umumiy deklaratsiya/avvalgi hujjat”.

Grafada mazkur Yoʻriqnomaning 22-bandida belgilangan tartibda tovarlarni avvalgi bojxona rejimiga joylashtirish uchun asos boʻlgan BYD toʻgʻrisidagi maʼlumotlar koʻrsatiladi.

Agar tovarlarni avvalgi bojxona rejimiga joylashtirish uchun tranzit deklaratsiyasi rasmiylashtirilgan boʻlsa, tranzit deklaratsiyasi haqida quyidagi maʼlumotlar koʻrsatiladi:

avvalgi hujjatning kodi — ushbu holatda “TD”;

tranzit deklaratsiyasining roʻyxat raqami;

ushbu tovarning tranzit deklaratsiyasining 32-grafasidagi tartib raqami;

tranzit deklaratsiyasining 32-grafasida koʻrsatilgan tovarning, rasmiylashtirilayotgan brutto vazni (kilogrammda);

tranzit deklaratsiyasining 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

TD 06010/01.03.2022/0003761 — 3 — 7980 kg — 7900 kg — 350,2 m3;

Agar tovarlarni ichki bojxona organiga yetkazib berish uchun yukni yetkazib berishni nazorat qilish kitobchasi yoki MDP kitobchasi rasmiylashtirilgan boʻlsa, quyidagi maʼlumotlar koʻrsatiladi:

yetkazib berishni nazorat qilish hujjatining kodi: yukni yetkazib berishni nazorat qilish kitobchasi uchun — KKDG, MDP kitobchasi uchun — MDP;

tovarni bojxona nazorati ostida yetkazib berish ustidan nazorat hujjat raqami (99999/99.99.9999/IM999999 — post kodi/sana/yukni yetkazib berishni nazorat qilish kitobchasi raqami, 99999/99.99.9999/ZX99999999 — post kodi/sana/MDP kitobchasi raqami). Bunda, yukni yetkazib berishni nazorat qilish kitobchasi raqamidagi harflar kirill alifbosi harflarida, MDP kitobchasi raqamidagi harflar esa lotin alifbosida yozilishi shart;

yetkazib berishni nazorat qilish toʻgʻrisidagi hujjatda koʻrsatilgan tovarning, rasmiylashtirilayotgan brutto vazni (kilogrammda).

Masalan:

KKDG 06006/31.03.2012/IM003761 — 15000 kg;

MDP 27002/01.01.2014/XY00156239 — 19456 kg.

Agar tovar bir nechta yetkazib berishni nazorat qilish toʻgʻrisidagi hujjatlardan rasmiylashtirilayotgan boʻlsa, har bir maʼlumot alohida yangi qatordan yuqorida qayd etilgan tartibda koʻrsatiladi.

Tovarlarda ichki bojxona organiga yetkazib berish uchun asos boʻladigan tovarni bojxona nazorati ostida yetkazib berish ustidan nazorat hujjatlari mavjud boʻlmagan hollarda grafada qoʻshimcha ravishda ushbu hujjat haqida maʼlumot koʻrsatilishi talab etilmaydi;

2) “C” grafa.

Grafada quyidagilar koʻrsatiladi (maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi):

1 — tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami (bundan olib chiqilayotgan tovarlar tashqi savdo kontrakti (shartnomasi, kelishuvi) ijrosiga bogʻliq boʻlmagan hollar mustasno);

2 — tovarlarni erkin muomalaga chiqarish (import) yoki bojxona hududida qayta ishlash bojxona rejimlariga rasmiylashtirishda BYD roʻyxatga olingan sana. Agar, Oʻzbekiston Respublikasi hududiga olib kirilganda, tovar erkin muomalaga chiqarish (import) yoki bojxona hududida qayta ishlash bojxona rejimlariga joylashtirilmagan boʻlsa, tovarni boshqa tegishli bojxona rejimiga joylashtirishda rasmiylashtirilgan BYD roʻyxatga olingan sana koʻrsatiladi.

7-bob. Tovarlarni reimport bojxona rejimiga joylashtirishda BYDni toʻldirish

29. Tovarlarni reimport bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 49, 50, 54, “S”.

30. BYDning 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 41, 42, 44, 45, 46, 47, 49, 50, 54 grafalari mazkur Yoʻriqnomaning 25-bandiga muvofiq toʻldiriladi.

31. BYDning 40 va “C” grafalarining toʻldirilishi quyidagi oʻziga xos xususiyatlarga ega:

1) 40-grafa. “Umumiy deklaratsiya/avvalgi hujjat”.

Grafada mazkur Yoʻriqnomaning 25-bandida belgilangan tartibda tovarlarni Oʻzbekiston Respublikasi bojxona hududidan olib chiqishga asos boʻlgan BYD toʻgʻrisidagi maʼlumotlar koʻrsatiladi;

Grafada qoʻshimcha ravishda tovarlarni bojxona rasmiylashtiruvini amalga oshirish uchun ichki bojxona organiga yetkazib berish uchun asos boʻlgan yetkazib berishni nazorat qilish hujjatlari (yukni yetkazib berishni nazorat qilish kitobchasi, MDP kitobchasi, tranzit deklaratsiyasi) haqidagi quyidagi maʼlumotlar koʻrsatiladi:

tovarlarni ichki bojxona organiga yetkazib berish uchun yukni yetkazib berishni nazorat qilish kitobchasi yoki MDP kitobchasi rasmiylashtirilgan boʻlsa, quyidagi maʼlumotlar koʻrsatiladi:

yetkazib berishni nazorat qilish hujjatining kodi: yukni yetkazib berishni nazorat qilish kitobchasi uchun — KKDG, MDP kitobchasi uchun — MDP;

yetkazib berishni nazorat qilish toʻgʻrisidagi hujjat raqami (99999/99.99.9999/IM999999 — post kodi/sana/yukni yetkazib berishni nazorat qilish kitobchasi raqami, 99999/99.99.9999/ZX99999999 — post kodi/sana/MDP kitobchasi raqami). Bunda, yukni yetkazib berishni nazorat qilish kitobchasi raqamidagi harflar kirill alifbosi harflarida, MDP kitobchasi raqamidagi harflar esa lotin alifbosida yozilishi shart;

yetkazib berishni nazorat qilish toʻgʻrisidagi hujjatda koʻrsatilgan tovarning, rasmiylashtirilayotgan brutto vazni (kilogrammda).

Masalan:

KKDG 06006/31.03.2012/IM003761 — 15000 kg;

MDP 27002/01.01.2014/XY00156239 — 19456 kg.

tovarlarni ichki bojxona organiga yetkazib berish uchun tranzit deklaratsiyasi rasmiylashtirilgan boʻlsa, tranzit deklaratsiyasi haqidagi quyidagi maʼlumotlar koʻrsatiladi:

avvalgi hujjatning kodi — ushbu holatda “TD”;

tranzit deklaratsiyasining roʻyxat raqami;

ushbu tovarning tranzit deklaratsiyasining 32-grafasidagi tartib raqami;

tranzit deklaratsiyasining 32-grafasida koʻrsatilgan tovarning, rasmiylashtirilayotgan brutto vazni (kilogrammda);

tranzit deklaratsiyasining 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

TD 06010/01.03.2022/0003761 — 3 — 7980 kg — 7900 kg — 350,2 m3.

Agar tovar bir nechta yetkazib berishni nazorat qilish toʻgʻrisidagi hujjatlardan rasmiylashtirilayotgan boʻlsa, har bir maʼlumot alohida yangi qatordan yuqorida qayd etilgan tartibda koʻrsatiladi.

Tovarlarda ichki bojxona organiga yetkazib berish uchun asos boʻladigan yetkazib berishni nazorat qilish hujjatlari mavjud boʻlmagan hollarda grafada qoʻshimcha ravishda ushbu hujjat haqida maʼlumot koʻrsatilishi talab etilmaydi;

3) “C” grafa.

Grafada quyidagilar koʻrsatiladi (maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi):

1 — ijrosi boʻyicha tovar Oʻzbekiston Respublikasi bojxona hududidan olib chiqilgan tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami;

2 — tovarlar Oʻzbekiston Respublikasi hududiga olib kirilgan sana. Olib kirilgan sana Oʻzbekiston Respublikasi chegarasidan oʻtish punktidagi chegara bojxona postida tovarning kuzatuv hujjatlariga qoʻyiladigan shtamp sanasi boʻyicha aniqlanadi.

8-bob. Tovarlarni vaqtinchalik olib kirish bojxona rejimiga joylashtirishda va ilgari vaqtinchalik olib kirish bojxona rejimiga joylashtirilgan tovarlarni qaytarib olib chiqishda BYDni toʻldirish

§-1. Tovarlarni vaqtinchalik olib kirish bojxona rejimiga joylashtirishda BYDni toʻldirish

32. Tovarlarni vaqtinchalik olib kirish bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 44, 45, 46, 47, 49, 50, 54, “S”.

33. BYDning 1, 2, 3, 5, 7 (post kodi), 8, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 45, 46, 49, 54, “S” grafalari mazkur Yoʻriqnomaning 25-bandiga muvofiq toʻldiriladi.

34. BYDning 9, 44, 47 va 50-grafalarining toʻldirilishi quyidagi oʻziga xos xususiyatlarga ega:

1) 9-grafa. “Moliyaviy tartibga solish uchun javobgar shaxs”.

Grafada tovarlarni olib oʻtayotganshaxs toʻgʻrisidagi maʼlumotlar koʻrsatiladi. Grafa mazkur Yoʻriqnomaning 25-bandiga belgilangan tartib asosida toʻldiriladi;

3) 44-grafa. “Qoʻshimcha maʼlumotlar/taqdim etilayotgan hujjatlar”.

Grafa mazkur Yoʻriqnomaning 25-bandida belgilangan 44-grafani toʻldirish tartibiga muvofiq, quyidagi oʻziga xos xususiyatlarni inobatga olgan holda toʻldiriladi:

303 tartib raqami ostida ijaraga olingan tovarlar vaqtinchalik olib kirilganda BYDda ijara shartnomasi toʻgʻrisidagi maʼlumotlar (raqami, tuzilgan sanasi va amal qilish muddati) koʻrsatiladi;

4) 47-grafa. “Bojxona toʻlovlarining hisobi”.

Grafa mazkur Yoʻriqnomaning 25-bandida belgilangan 47-grafani toʻldirish tartibiga muvofiq, quyidagi oʻziga xos xususiyatlarni inobatga olgan holda toʻldiriladi:

bojxona bojlari va soliqlar summasini hisoblab chiqishda “TU” (toʻlov usuli) grafasining beshinchi ustunida “UN” (bojxona toʻlovlarining shartli hisoblanishi) harfli kodi qoʻyiladi;

5) 50-grafa. “Ishonch bildirgan shaxs”.

Grafa mazkur Yoʻriqnomaning 25-bandida belgilangan 50-grafani toʻldirish tartibiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda vaqtinchalik olib kirish bojxona rejimiga qoʻyilgan tovarlar qaytarib olib chiqib ketilishi yoxud boshqa bojxona rejimiga oʻtkazilishi kerak boʻlgan muddat quyidagi shaklda koʻrsatiladi: “20____” “_____” “_______________” gacha tovarlarni qaytarib olib chiqib ketish yoxud boshqa bojxona rejimiga oʻtkazish majburiyatini olaman”.

§-2. Avval vaqtinchalik olib kirish bojxona rejimiga joylashtirilgan tovarlarni qaytarib olib chiqib ketishda BYDni toʻldirish

35. Avval vaqtinchalik olib kirish bojxona rejimiga joylashtirilgan tovarlarni qaytarib olib chiqib ketish reeksport bojxona rejimiga muvofiq amalga oshiriladi. Bunda deklaratsiyalovchi shaxs tomonidan BYD grafalari mazkur Yoʻriqnomaning 6-bobida belgilangan tartibda toʻldiriladi.

9-bob. Tovarlarni vaqtinchalik olib chiqish bojxona rejimiga joylashtirishda va ilgari vaqtinchalik olib chiqish bojxona rejimiga joylashtirilgan tovarlarni qaytarib olib kirishda BYDni toʻldirish

§-1. Tovarlarni vaqtinchalik olib chiqish bojxona rejimiga joylashtirishda BYDni toʻldirish

36. Tovarlarni vaqtinchalik olib chiqish bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 44, 45, 46, 47, 49, 50, 54, “S”.

37. BYDning 1, 2, 3, 5, 7 (post kodi), 8, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 38, 40, 41, 42, 43, 45, 46, 49, 54, “S” grafalari mazkur Yoʻriqnomaning 22-bandiga muvofiq toʻldiriladi.

38. BYDning 9, 44, 47 va 50-grafalarining toʻldirilishi quyidagi oʻziga xos xususiyatlarga ega:

1) 9-grafa. “Moliyaviy tartibga solish uchun javobgar shaxs”.

Grafada tovarlarni olib oʻtayotgan shaxs toʻgʻrisidagi maʼlumotlar koʻrsatiladi. Grafa mazkur Yoʻriqnomaning 22-bandida belgilangan tartibda toʻldiriladi;

3) 44-grafa. “Qoʻshimcha maʼlumotlar/taqdim etilayotgan hujjatlar”.

Grafa mazkur Yoʻriqnomaning 22-bandida belgilangan 44-grafani toʻldirish tartibiga muvofiq, quyidagi oʻziga xos xususiyatlarni inobatga olgan holda toʻldiriladi:

303 tartib raqami ostida ijaraga olingan tovarlar vaqtinchalik olib chiqilganda BYDda ijara shartnomasi toʻgʻrisidagi maʼlumotlar (raqami, tuzilgan sanasi va amal qilish muddati) koʻrsatiladi;

4) 47-grafa. “Bojxona toʻlovlarining hisobi”.

Bojxona bojlari va soliqlar summasini hisoblab chiqishda “TU” (toʻlov usuli) grafasining beshinchi ustunida “UN” (bojxona toʻlovlarining shartli hisoblanishi) harfli kodi qoʻyiladi;

5) 50-grafa. “Ishonch bildirgan shaxs”.

Grafa mazkur Yoʻriqnomaning 22-bandida belgilangan 50-grafani toʻldirish tartibiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda vaqtinchalik olib chiqish bojxona rejimiga qoʻyilgan tovarlar qaytarib olib kirilishi yoxud boshqa bojxona rejimiga oʻtkazilishi kerak boʻlgan muddat quyidagi shaklda koʻrsatiladi: “20____” “_____” “______________” gacha tovarlarni qaytarib olib kirish yoxud boshqa bojxona rejimiga oʻtkazish majburiyatini olaman”.

§-2. Avval vaqtinchalik olib chiqish bojxona rejimiga joylashtirilgan tovarlarni qaytarib olib kirishda BYDni toʻldirish

39. Avval vaqtinchalik olib chiqish bojxona rejimiga joylashtirilgan tovarlarni qaytarib olib kirish reimport bojxona rejimiga muvofiq amalga oshiriladi. Bunda deklaratsiyalovchi shaxs tomonidan BYD grafalari mazkur Yoʻriqnomaning 7-bobida belgilangan tartibda toʻldiriladi.

10-bob. Tovarlarni vaqtinchalik saqlash bojxona rejimiga joylashtirishda BYDni toʻldirish

40. Tovarlarni vaqtinchalik saqlash bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 13, 14, 15, 15a, 18, 19, 21, 22, 23, 25, 26, 28, 29, 30, 31, 32, 33, 35, 37, 38, 40, 41, 42, 44, 46, 47, 49, 50, 54, “S”.

41. BYDning 1, 2, 3, 5, 7 (post kodi), 8, 13, 14, 15, 15a, 18, 19, 21, 22, 23, 25, 26, 28, 29, 30, 31, 32, 33, 35, 37, 38, 40, 41, 42, 47, 54 grafalari mazkur Yoʻriqnomaning 25-bandiga muvofiq toʻldiriladi.

42. BYDning 44, 46, 49, 50 va “S” grafalarining toʻldirilishi quyidagi oʻziga xos xususiyatlarga ega:

1) 44-grafa. “Qoʻshimcha maʼlumotlar/taqdim etilayotgan hujjatlar”.

Grafada, mazkur Yoʻriqnomaning 25-bandida belgilangan 44-grafani toʻldirish tartibiga muvofiq, quyidagilar koʻrsatiladi (maʼlumotlarning har biri yangi satrdan boshlanadi):

tovarning kuzatuv hujjatlarining raqamlari (roʻyxat raqamlari);

tovarlarni bojxona omboriga joylashtirayotgan shaxs bilan ombor egasi oʻrtasidagi bitim raqami va sanasi;

bojxona rasmiylashtiruvi uchun zarur boʻlgan boshqa hujjatlar va maʼlumotlar (bojxona toʻgʻrisidagi qonunchilik hujjatlari buzilganligi toʻgʻrisidagi bayonnomalar va qonunchilik hujjatlarida nazarda tutilgan boshqa hujjatlar);

905 tartib raqami ostida tovarlarni vaqtinchalik saqlash bojxona rejimida saqlanishi sabablariga oid quyidagi kodlardan biri koʻrsatiladi:

“001” — agar tovarning saqlanish sababi tegishli sertifikat olish bilan bogʻliq boʻlsa;

“002” — agar tovarning saqlanish sababi tegishli ruxsatnoma va litsenziya olish bilan bogʻliq boʻlsa;

“003” — agar tovarning saqlanish sababi bojxona toʻlovlari boʻyicha imtiyoz olish bilan bogʻliq boʻlsa;

“004” — agar tovarning saqlanish sababi tegishli shartnoma bilan bogʻliq boʻlsa;

“005” — agar tovarning saqlanish sababi moliyaviy mablagʻ yoʻqligi bilan bogʻliq boʻlsa;

“006” — agar tovarning saqlanish sababi keyinchalik tovarni Oʻzbekiston Respublikasi hududidan qaytarib olib chiqib ketilishi kutilayotganligi bilan bogʻliq boʻlsa;

“007” — agar tovarning saqlanish sababi tovarni boshqa shaxsga oʻtkazilishi kutilayotganligi bilan bogʻliq boʻlsa;

“008” — agar tovarning saqlanish sababi tovarga nisbatan taqiq qoʻyilganligi bilan bogʻliq boʻlsa;

2) 46-grafa. “Statistik qiymat”.

Grafada tovarning statistik qiymati koʻrsatiladi. Statistik qiymat sifatida 42-grafada koʻrsatilgan va ming AQSH dollariga keltirilgan tovarning faktura qiymati qabul qilinadi.

Statistik qiymat matematik qoidalarga koʻra verguldan soʻng uch belgigacha aniqlikda yaxlitlanadi.

Statistik qiymatini hisoblashda Oʻzbekiston Respublikasi Markaziy banki tomonidan belgilangan, BYD bojxona rasmiylashtiruvi uchun qabul qilingan kunda amalda boʻlgan kursdan foydalaniladi;

3) 49-grafa. “Ombor nomi”.

Grafada bojxona omborini taʼsis etish uchun berilgan litsenziya raqami va sanasi koʻrsatiladi;

4) 50-grafa. “Ishonch bildirgan shaxs”.

Grafa mazkur Yoʻriqnomaning 25-bandida belgilangan 50-grafani toʻldirish tartibiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda quyidagi mazmundagi yozuv koʻrsatiladi: “Tovarlarni XX.XX.XXXX ga qadar boshqa bojxona rejimiga joylashtirish uchun bojxona organlariga murojaat qilish majburiyatini olaman”, bunda XX.XX.XXXX tegishlicha kun, oy va yilni anglatadi;

5) “S” grafa.

Grafada 2 raqami ostida tovarlar Oʻzbekiston Respublikasi hududiga olib kirilgan sana koʻrsatiladi. Olib kirilgan sana Oʻzbekiston Respublikasi chegarasidan oʻtish punktidagi chegara bojxona postida tovarning kuzatuv hujjatlariga qoʻyiladigan shtamp sanasi boʻyicha aniqlanadi.

11-bob. Tovarlarni bojxona ombori rejimiga joylashtirishda BYDni toʻldirish

43. Tovarlarni bojxona ombori bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 17, 17a, 18, 19, 21, 22, 23, 24, 25, 26, 28, 29, 30, 31, 32, 33, 35, 37, 38, 40, 41, 42, 44, 45, 46, 47, 49, 50, 54 va “S”.

44. BYDning 1, 2, 3, 5, 7 (post kodi), 8, 12, 13, 14, 15, 15a, 17, 17a, 18, 19, 21, 22, 23, 25, 26, 28, 29, 30, 31, 32, 33, 35, 37, 38, 40, 41, 42, 47, 54 grafalari tovarlarni olib chiqishda mazkur Yoʻriqnomaning 22-bandiga, olib kirishda — 25-bandiga muvofiq toʻldiriladi.

45. BYDning 9, 11, 24, 44, 45, 46, 49, 50 va “S” grafalarini toʻldirilishi quyidagi oʻziga xos xususiyatlarga ega:

1) 9-grafa. “Moliyaviy tartibga solish uchun javobgar shaxs”.

Grafada tashqi savdo kontrakti (shartnomasi, kelishuvi)ni tuzgan va ushbu kontrakt (shartnoma, kelishuv) boʻyicha hisob-kitoblarni amalga oshirish uchun javobgar boʻlgan yuridik yoki jismoniy shaxs toʻgʻrisidagi maʼlumotlar koʻrsatiladi. Grafa mazkur Yoʻriqnomaning 25-bandida belgilangan tartib asosida toʻldiriladi.

Ushbu grafa tovarlarni “erkin muomalaga chiqarish (import)” bojxona rejimiga rasmiylashtirmasdan keyinchalik tashqi savdo kontrakti asosida xorijga sotish nazarda tutilgan hollarda toʻldiriladi;

11) 11-grafa. “Savdo qilinayotgan mamlakat”.

Grafaning chap boʻlmasida savdo qilinayotgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

BYDning 9-grafasida koʻrsatilgan shaxs bilan tashqi savdo kontraktini (shartnomasini, kelishuvini) tuzgan shaxs roʻyxatga olingan yoki doimiy yashaydigan, mazkur kontraktga (shartnomaga, kelishuvga) muvofiq tovarlar Oʻzbekiston Respublikasi bojxona chegarasi orqali olib oʻtilayotgan yoki uning ijrosi yuzasidan tovarlarning bojxona rejimi oʻzgartirilayotgan mamlakat savdo qilinayotgan mamlakat hisoblanadi.

Mamlakat yoki hudud Yuridik va jismoniy shaxslar tomonidan valyuta operatsiyalari amalga oshirilishining asoslanganligi yuzasidan monitoring olib borish tartibi toʻgʻrisidagi nizomning (roʻyxat raqami 2467, 2013-yil 12-iyun) 1-ilovasida keltirilgan Imtiyozli soliq rejimi beriladigan va (yoki) moliyaviy operatsiyalar amalga oshirilganda oshkor etish va axborot berish nazarda tutilmaydigan davlat va hududlar (offshor hududlar) roʻyxatga kiritilgan boʻlsa, grafaning oʻng boʻlmasida “1” kodi koʻrsatiladi. Agar mamlakat yoki hudud mazkur xatboshida nazarda tutilgan Roʻyxatga kiritilgan boʻlmasa, grafaning oʻng boʻlmasida “2” kodi koʻrsatiladi.

Ushbu grafa tovarlarni “erkin muomalaga chiqarish (import)” bojxona rejimiga rasmiylashtirmasdan keyinchalik tashqi savdo kontrakti asosida xorijga sotish nazarda tutilgan hollarda toʻldiriladi;

12) 24-grafa. “Bitim xususiyati”.

Grafaning chap boʻlmasida mazkur Yoʻriqnomaning 9-ilovasida keltirilgan Bitim xususiyatlari tasniflagichiga muvofiq bitim xususiyatining kodi koʻrsatiladi.

Grafaning oʻng boʻlmasida Valyutalar tasniflagichiga muvofiq yetkazib berilayotgan tovar uchun kontragent bilan hisob-kitob valyutasining raqamli kodi koʻrsatiladi.

Hisob-kitob valyutasi deganda BYDni 9-grafasida koʻrsatilgan shaxsning tashqi savdo kontrakti (shartnomasi, kelishuvi) boʻyicha hisob-kitob amalga oshirilgan yoki amalga oshiriladigan valyuta, tashqi savdo kontrakti (shartnomasi, kelishuvi) mavjud boʻlmagan holatlarda tovarning kuzatuv hujjatlarida koʻrsatilgan valyuta tushuniladi.

Ushbu grafa tovarlarni “erkin muomalaga chiqarish (import)” bojxona rejimiga rasmiylashtirmasdan keyinchalik tashqi savdo kontrakti asosida xorijga sotish nazarda tutilgan hollarda toʻldiriladi;

13) 44-grafa. “Qoʻshimcha maʼlumotlar/taqdim etilayotgan hujjatlar”.

Grafa tovarlarni olib chiqishda mazkur Yoʻriqnomaning 22-bandida, olib kirishda — 25-bandida belgilangan tartibda toʻldiriladi.

Grafada quyidagilar koʻrsatiladi (maʼlumotlarning har biri yangi satrdan boshlanadi):

tovarning kuzatuv hujjatlarining raqamlari (roʻyxat raqamlari);

tovarlarni bojxona omboriga joylashtirayotgan shaxs bilan bojxona ombori egasi oʻrtasidagi bitim raqami va sanasi;

bojxona rasmiylashtiruvi uchun zarur boʻlgan boshqa hujjatlar va maʼlumotlar (bojxona toʻgʻrisidagi qonun hujjatlari buzilganligi toʻgʻrisidagi bayonnomalar, tovarlarni bojxona ombori maqomiga ega boʻlmagan binolar va (yoki) ochiq maydonlarga joylashtirilganda vakolatli shaxsning arizasi va bojxona toʻlovlari toʻlanishi taʼminlanishini tasdiqlovchi hujjat nomi, raqami, sanasi, summasi va qonunchilik hujjatlarida nazarda tutilgan boshqa hujjatlar);

905 tartib raqami ostida tovarni bojxona ombori bojxona rejimi ostida saqlanishi sabablariga oid quyidagi kodlardan biri koʻrsatiladi:

“001” — agar tovarning saqlanish sababi tegishli sertifikat olish bilan bogʻliq boʻlsa;

“002” — agar tovarning saqlanish sababi tegishli ruxsatnoma va litsenziya olish bilan bogʻliq boʻlsa;

“003” — agar tovarning saqlanish sababi bojxona toʻlovlari boʻyicha imtiyoz olish bilan bogʻliq boʻlsa;

“004” — agar tovarning saqlanish sababi tegishli shartnoma bilan bogʻliq boʻlsa;

“005” — agar tovarning saqlanish sababi moliyaviy mablagʻ yoʻqligi bilan bogʻliq boʻlsa;

“006” — agar tovarning saqlanish sababi keyinchalik tovarni Oʻzbekiston Respublikasi hududidan qaytarib olib chiqib ketilishi kutilayotganligi bilan bogʻliq boʻlsa;

“007” — agar tovarning saqlanish sababi tovarni boshqa shaxsga oʻtkazilishi kutilayotganligi bilan bogʻliq boʻlsa;

“008” — agar tovarning saqlanish sababi tovarga nisbatan taqiq qoʻyilganligi bilan bogʻliq boʻlsa;

2) 45-grafa. “Bojxona qiymati”.

Grafada tovarning tashqi savdo kontrakti (shartnomasi, kelishuvi) valyutasidagi bojxona qiymati koʻrsatiladi. Tashqi savdo kontrakti (shartnomasi, kelishuvi) boʻlmagan holatlarda tovarning bojxona qiymati tovarning kuzatuv hujjatlarida koʻrsatilgan valyutada keltiriladi.

Bojxona qiymati sifatida 42-grafada koʻrsatilgan tovarning faktura qiymati qabul qilinadi;

3) 46-grafa. “Statistik qiymat”.

Grafada tovarning statistik qiymati koʻrsatiladi. Statistik qiymat sifatida 42-grafada koʻrsatilgan va ming AQSH dollariga keltirilgan tovarning faktura qiymati qabul qilinadi.

Statistik qiymat matematik qoidalarga koʻra verguldan soʻng uch belgigacha aniqlikda yaxlitlanadi.

Statistik qiymatini hisoblashda Oʻzbekiston Respublikasi Markaziy banki tomonidan belgilangan, BYD bojxona rasmiylashtiruvi uchun qabul qilingan kunda amalda boʻlgan kursdan foydalaniladi;

4) 49-grafa. “Ombor nomi”.

Grafada bojxona omborini taʼsis etish uchun berilgan litsenziya raqami va sanasi koʻrsatiladi.

Agar tovarlar bojxona ombori maqomiga ega boʻlmagan joylarga joylashtirilayotgan boʻlsa ushbu grafa toʻldirilmaydi;

5) 50-grafa. “Ishonch bildirgan shaxs”.

Grafa tovarlarni olib chiqishda mazkur Yoʻriqnomaning 22-bandiga, olib kirishda 25-bandiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda quyidagi mazmundagi yozuv koʻrsatiladi: “Tovarlarni XX.XX.XXXXga qadar boshqa bojxona rejimiga joylashtirish uchun bojxona organlariga murojaat qilish majburiyatini olaman”, bunda XX.XX.XXXX tegishlicha kun, oy va yilni anglatadi;

6) “S” grafa.

Grafada quyidagilar koʻrsatiladi:

tovarlarni “erkin muomalaga chiqarish (import)” bojxona rejimiga rasmiylashtirmasdan keyinchalik tashqi savdo kontrakti asosida xorijga sotish nazarda tutilgan hollarda, 1 raqami ostida tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami;

2 raqami ostida tovarlar Oʻzbekiston Respublikasi hududiga olib kirilgan sana koʻrsatiladi. Olib kirilgan sana Oʻzbekiston Respublikasi chegarasidan oʻtish punktidagi chegara bojxona postida tovarning kuzatuv hujjatlariga qoʻyiladigan shtamp sanasi boʻyicha aniqlanadi.

12-bob. Tovarlarni erkin bojxona zonasi bojxona rejimiga joylashtirishda BYDni toʻldirish

§-1. Oʻzbekiston tovarlarini erkin bojxona zonasi bojxona rejimiga joylashtirishda BYDni toʻldirish

46. Oʻzbekiston tovarlarini erkin bojxona zonasi bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 22, 23, 24, 26, 28, 29, 30, 31, 32, 33, 34, 35, 37, 38, 40, 41, 42, 43, 44, 45, 46, 47, 48, 49, 50, 54, “S”.

47. BYDning 2, 3, 5, 7 (post kodi), 9, 11, 12, 13, 14, 18, 19, 20, 22, 23, 24, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 48, 49, 50, 54, “S” grafalari mazkur Yoʻriqnomaning 22-bandiga, 8-grafa esa 25-bandiga muvofiq toʻldiriladi.

48. BYDning 1, 17, 17a va 43-grafalarining toʻldirilishi quyidagi oʻziga xos xususiyatlarga ega:

1) 1-grafa. “Deklaratsiya turi”.

Grafaning birinchi boʻlmasida tovarni olib oʻtish yoʻnalishi koʻrsatiladi — “EK”.

Grafaning ikkinchi boʻlmasida Erkin bojxona zonasi bojxona rejimining ikki raqamli kodi koʻrsatiladi — “71”.

2) 17-grafa. “Kelib tushadigan mamlakat”.

Grafada “Oʻzbekiston” yozuvi koʻrsatiladi;

3) 17a-grafa. “Kelib tushadigan mamlakat kodi”.

Grafada Dunyo mamlakatlari tasniflagichiga muvofiq Oʻzbekiston Respublikasining raqamli kodi koʻrsatiladi;

4) 43-grafa.

Grafada quyidagilar koʻrsatiladi:

“0” — agar 8-grafada koʻrsatilgan yukni qabul qiluvchi tomonidan oʻz ehtiyoji uchun moʻljallanmagan tovar deklaratsiyalanayotgan boʻlsa;

“1” — agar 8-grafada koʻrsatilgan yukni qabul qiluvchi tomonidan oʻz ehtiyoji uchun moʻljallangan tovar deklaratsiyalanayotgan boʻlsa.

§-2. Chet el tovarlarini erkin bojxona zonasi bojxona rejimiga joylashtirishda BYDni toʻldirish

49. Chet el tovarlarini erkin bojxona zonasi bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 44, 45, 46, 47, 48, 49, 50, 54, “S”.

50. BYDning 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 48, 49, 50, 54, “S” grafalari mazkur Yoʻriqnomaning 25-bandiga muvofiq toʻldiriladi.

51. BYDning 1, 43-grafalarini toʻldirish quyidagi oʻziga xos xususiyatlarga ega:

1) 1-grafa. “Deklaratsiya turi”.

Grafaning birinchi boʻlmasida tovarlarni olib oʻtish yoʻnalishi koʻrsatiladi — “IM”.

Grafaning ikkinchi boʻlmasida erkin bojxona zonasi bojxona rejimining ikki raqamli kodi koʻrsatiladi — “71”.

2) 43-grafa.

Grafada quyidagilar koʻrsatiladi:

“0” — agar 8-grafada koʻrsatilgan yukni qabul qiluvchi tomonidan oʻz ehtiyoji uchun moʻljallanmagan tovar deklaratsiyalanayotgan boʻlsa;

“1” — agar 8-grafada koʻrsatilgan yukni qabul qiluvchi tomonidan oʻz ehtiyoji uchun moʻljallangan tovar deklaratsiyalanayotgan boʻlsa.

§-3. Avval erkin bojxona zonasi bojxona rejimiga joylashtirilgan tovarlarni Oʻzbekiston Respublikasi hududidan tashqariga olib chiqishda BYDni toʻldirish

52. Avval erkin bojxona zonasi bojxona rejimiga joylashtirilgan tovarlarni Oʻzbekiston Respublikasi hududidan tashqariga olib chiqish quyidagi tartibda amalga oshiriladi:

chet el tovarlarini olib chiqish — reeksport bojxona rejimida, mazkur Yoʻriqnomaning 6-bobiga muvofiq toʻldirilgan BYDni taqdim etgan holda;

Oʻzbekiston tovarlarni olib chiqish — eksport bojxona rejimida, mazkur Yoʻriqnomaning 4-bobiga muvofiq toʻldirilgan BYDni taqdim etgan holda.

§-4. Avval erkin bojxona zonasi bojxona rejimiga joylashtirilgan tovarlarni Oʻzbekiston Respublikasi bojxona hududiga olib kirishda BYDni toʻldirish

53. Avval erkin bojxona zonasi bojxona rejimiga joylashtirilgan Oʻzbekiston tovarlarini Oʻzbekiston Respublikasi bojxona hududiga oʻzgarmagan holda olib kirish reimport bojxona rejimida, mazkur Yoʻriqnomaning 7-bobiga muvofiq toʻldirilgan BYDni taqdim etgan holda amalga oshiriladi.

54. Avval erkin bojxona zonasi bojxona rejimiga joylashtirilgan chet el tovarlarini oʻzgarmagan holda hamda erkin bojxona zonasi hududida ishlab chiqarilgan tovarlarni Oʻzbekiston Respublikasi bojxona hududiga olib kirish deklarant tomonidan tanlangan bojxona rejimida, mazkur Yoʻriqnomaga muvofiq toʻldirilgan BYDni taqdim etgan holda amalga oshiriladi.

55. Avval erkin bojxona zonasi bojxona rejimiga joylashtirilgan tovarlarni Oʻzbekiston Respublikasi bojxona hududiga olib kirishda BYDning 2, 15, 15a-grafalarining toʻldirilishi quyidagi oʻziga xos xususiyatlarga ega:

1) 2-grafa. “Eksportchi/yukni joʻnatuvchi”.

Grafada mazkur Yoʻrqnomaning 22-bandiga muvofiq tovarni joʻnatayotgan shaxs (erkin bojxona zonasi rezidenti) toʻgʻrisidagi maʼlumotlar koʻrsatiladi;

2) 15-grafa. “Joʻnatuvchi mamlakat”.

Grafada joʻnatuvchi mamlakat sifatida “Oʻzbekiston” koʻrsatiladi.

3) 15a-grafa. “Joʻnatuvchi mamlakat kodi”.

Grafada Dunyo mamlakatlari tasniflagichiga muvofiq Oʻzbekiston Respublikasining raqamli kodi koʻrsatiladi.

13-bob. Erkin ombor bojxona rejimiga joylashtirilayotgan tovarlarni rasmiylashtirishda BYDni toʻldirish

§-1. Oʻzbekiston tovarlarini erkin ombor bojxona rejimiga rasmiylashtirishda BYDni toʻldirish

57. Oʻzbekiston tovarlarini erkin ombor bojxona rejimiga rasmiylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi) 8, 9, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 35, 37, 38, 39, 40, 41, 42, 43, 44, 45, 46, 47, 49, 50, 54, “S”.

58. BYDning 1, 2, 3, 5, 7 (post kodi) 8, 11, 12, 13, 14, 18, 19, 20, 22, 23, 24, 25, 26, 28, 29, 30, 31, 32, 33, 35, 37, 38, 39, 40, 41, 42, 43, 46, 47, 49, 54, “S” grafalari mazkur Yoʻriqnomaning 22-bandiga muvofiq toʻldiriladi.

59. BYDning 9, 17, 17a, 44, 45, 50-grafalarining toʻldirilishi quyidagi oʻziga xos xususiyatlarga ega:

1) 9-grafa. “Moliyaviy tartibga solish uchun javobgar shaxs”.

Grafada, mazkur Yoʻriqnomaning 22-bandida belgilangan tartibda, tovarlarni erkin omborga joylashtirgan shaxs toʻgʻrisidagi maʼlumotlar koʻrsatiladi;

2) 17-grafa. “Kelib tushadigan mamlakat”.

Grafada “Oʻzbekiston” yozuvi koʻrsatiladi.

3) 17a-grafa. “Kelib tushadigan mamlakat kodi”.

Grafada Dunyo mamlakatlari tasniflagichiga muvofiq Oʻzbekiston Respublikasining raqamli kodi koʻrsatiladi.

4) 44-grafa. “Qoʻshimcha maʼlumotlar/taqdim etilayotgan hujjatlar”.

Grafa mazkur Yoʻriqnomaning 22-bandiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda, 810 tartib raqami ostida, tovarlarni erkin omborga joylashtirayotgan shaxs va erkin ombor egasi oʻrtasidagi bitim raqami va sanasi koʻrsatiladi;

5) 45-grafa. “Bojxona qiymati”.

Grafada mazkur Yoʻriqnomaning 22-bandiga muvofiq tovarlarning bojxona qiymati tashqi savdo kontrakti (shartnomasi, kelishuvi) valyutasida koʻrsatiladi. Tashqi savdo kontrakti (shartnomasi, kelishuvi) boʻlmagan holatlarda tovarning bojxona qiymati tovarning kuzatuv hujjatlarida koʻrsatilgan valyutada keltiriladi.

Bojxona qiymati BYDni taqdim etish vaqtida mutaxassisda mavjud hujjatlar va maʼlumotlar asosida aniqlanadi.

BYDni taqdim etish vaqtida tovarning bojxona qiymatini aniqlash uchun zarur hujjatlar va maʼlumotlar mavjud boʻlmasa, bojxona qiymati sifatida 42-grafada koʻrsatilgan tovarning faktura qiymati qabul qilinadi;

6) 50-grafa. “Ishonch bildirgan shaxs”.

Grafa mazkur Yoʻriqnomaning 22-bandiga muvofiq quyidagi xususiyatlarni inobatga olgan holda toʻldiriladi.

Erkin ombor bojxona rejimiga joylashtirilayotgan va Oʻzbekiston Respublikasi hududidan tashqariga eksport bojxona rejimida olib chiqib ketishga moʻljallangan tovarlarini rasmiylashtirishda ushbu grafaga kiritiladigan maʼlumotlarga qoʻshimcha ravishda tovarlar erkin ombordan olib chiqib ketilishi lozim boʻlgan sana ham koʻrsatiladi.

§-2. Erkin ombor bojxona rejimiga joylashtiriladigan chet el tovarlarni rasmiylashtirishda BYDni toʻldirish

60. Oʻzbekiston Respublikasi hududi tashqarisidan olib kirilib, erkin ombor bojxona rejimiga joylashtiriladigan tovarlarni rasmiylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 44, 45, 46, 47, 49, 50, 54, “S”.

61. BYDning 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 47, 50, 54, “S” grafalari mazkur Yoʻriqnomaning 25-bandiga muvofiq toʻldiriladi.

62. BYDning 44, 45, 46 va 49-grafalarining toʻldirilishi quyidagi oʻziga xos xususiyatlarga ega:

1) 44-grafa. “Qoʻshimcha maʼlumotlar/taqdim etilayotgan hujjatlar”.

Grafa mazkur Yoʻriqnomaning 25-bandiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda, 810 tartib raqami ostida, tovarlarni erkin omborga joylashtirayotgan shaxs va erkin ombor egasi oʻrtasidagi bitim raqami va sanasi koʻrsatiladi;

2) 45-grafa. “Bojxona qiymati”.

Grafada mazkur Yoʻriqnomaning 25-bandiga muvofiq tovarlarning bojxona qiymati tashqi savdo kontrakti (shartnomasi, kelishuvi) valyutasida koʻrsatiladi. Tashqi savdo kontrakti (shartnomasi, kelishuvi) boʻlmagan holatlarda tovarning bojxona qiymati tovarning kuzatuv hujjatlarida koʻrsatilgan valyutada keltiriladi.

Bojxona qiymati BYDni taqdim etish vaqtida mutaxassisda mavjud hujjatlar va maʼlumotlar asosida aniqlanadi.

BYDni taqdim etish vaqtida tovarning bojxona qiymatini aniqlash uchun zarur hujjatlar va maʼlumotlar mavjud boʻlmasa, bojxona qiymati sifatida tovarning 42-grafada koʻrsatilgan faktura qiymati qabul qilinadi;

3) 46-grafa. “Statistik qiymat”.

Grafada, mazkur Yoʻriqnomaning 25-bandiga muvofiq, BYDni taqdim etish vaqtida deklaratsiyalovchi shaxs ixtiyorida mavjud hujjatlar va maʼlumotlar asosida tovarning statistik qiymati koʻrsatiladi.

BYDni taqdim etish vaqtida tovarning statistik qiymatini aniqlash uchun zarur hujjatlar va maʼlumotlar mavjud boʻlmasa, statistik qiymat sifatida 42-grafada koʻrsatilgan va ming AQSH dollariga keltirilgan tovarning faktura qiymati qabul qilinadi.

Statistik qiymat matematik qoidalarga koʻra verguldan soʻng uch belgigacha aniqlikda yaxlitlanadi.

Statistik qiymatni hisoblashda Oʻzbekiston Respublikasi Markaziy banki tomonidan belgilangan, BYD bojxona rasmiylashtiruvi uchun qabul qilingan kunda amalda boʻlgan kursdan foydalaniladi;

4) 49-grafa. “Ombor nomi”.

Grafada erkin omborni taʼsis etish uchun berilgan litsenziya raqami va sanasi koʻrsatiladi.

§-3. Erkin ombordan Oʻzbekiston Respublikasi hududidan tashqariga olib chiqilayotgan tovarlarni rasmiylashtirishda BYDni toʻldirish

63. Erkin ombordan Oʻzbekiston Respublikasi hududidan tashqariga olib chiqiladigan tovarlarni rasmiylashtirish quyidagicha amalga oshiriladi:

chet el tovarlarini olib chiqish — reeksport bojxona rejimida, mazkur Yoʻriqnomaning 6-bobiga muvofiq toʻldirilgan BYDni taqdim etgan holda;

Oʻzbekiston tovarlarni olib chiqish — eksport bojxona rejimida, mazkur Yoʻriqnomaning 4-bobiga muvofiq toʻldirilgan BYDni taqdim etgan holda.

§-4. Erkin ombordan Oʻzbekiston Respublikasi bojxona hududiga olib kirilayotgan tovarlarni rasmiylashtirishda BYDni toʻldirish§

64. Erkin ombordan Oʻzbekiston Respublikasi bojxona hududiga olib kirilayotgan tovarlarni rasmiylashtirish quyidagicha amalga oshiriladi:

chet el tovarlarini olib kirish — erkin muomalaga chiqarish (import) bojxona rejimida, mazkur Yoʻriqnomaning 5-bobiga muvofiq toʻldirilgan BYDni taqdim etgan holda;

Oʻzbekiston tovarlarini olib kirish — reimport bojxona rejimida, mazkur Yoʻriqnomaning 7-bobiga muvofiq toʻldirilgan BYDni taqdim etgan holda.

641. Bojxona hududida qayta ishlash bojxona rejimida qayta ishlanib, erkin omborga joylashtirilgan tovarlar keyingi qayta ishlash maqsadida “bojxona hududida qayta ishlash” bojxona rejimiga joylashtiriladi.

65. Bunda Oʻzbekiston tovarlarini reimport bojxona rejimiga muvofiq olib kirishda BYDning 15 va 15a-grafalarining toʻldirilishi quyidagi oʻziga xos xususiyatlarga ega:

1) 15-grafa. “Joʻnatuvchi mamlakat”.

Mazkur grafada “Oʻzbekiston” koʻrsatiladi.

2) 15a-grafa. “Joʻnatuvchi mamlakat kodi”.

Grafada Dunyo mamlakatlari tasniflagichiga muvofiq Oʻzbekiston Respublikasining raqamli kodi koʻrsatiladi.

14-bob. Boj olinmaydigan savdo bojxona rejimiga joylashtirilayotgan tovarlarni deklaratsiyalashda BYDni toʻldirish

66. Oʻzbekiston Respublikasi bojxona hududiga olib kirilgan yoki ushbu hududga olib kirilib boshqa bojxona rejimiga joylashtirilgan (erkin muomalaga chiqarish (import) bojxona rejimi bundan mustasno) tovarlarni boj olinmaydigan savdo bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 49, 50, 54, “S”.

Bunda BYDning 1, 3, 5, 7 (post kodi), 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 50, 54, “S” grafalari mazkur Yoʻriqnomaning 25-bandiga muvofiq toʻldiriladi.

67. Oʻzbekiston tovarlarini boj olinmaydigan savdo bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 11, 12, 13, 14, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 49, 50, 54.

sBunda BYDning 1, 3, 5, 7 (post kodi), 11, 12, 13, 14, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 50, 54 mazkur Yoʻriqnomaning 22-bandiga muvofiq toʻldiriladi.

68. BYDning 2, 8, 49-grafalarining toʻldirilishi quyidagi oʻziga xos xususiyatlarga ega:

1) 2-grafa. “Eksportchi/yukni joʻnatuvchi”.

Oʻzbekiston Respublikasi bojxona hududiga olib kirilgan yoki ushbu hududga olib kirilib boshqa bojxona rejimiga joylashtirilgan (erkin muomalaga chiqarish (import) bojxona rejimi bundan mustasno) tovarlar boʻyicha ushbu grafa mazkur Yoʻriqnomaning 25-bandiga muvofiq toʻldiriladi.

Oʻzbekiston tovarlarini boj olinmaydigan savdo bojxona rejimiga joylashtirishda grafada mazkur Yoʻriqnomaning 22-bandida belgilangan tartibda tovarlarni boj olinmaydigan savdo doʻkoni egasiga yetkazib bergan shaxs toʻgʻrisidagi maʼlumotlar koʻrsatiladi;

2) 8-grafa. “Importchi/yukni qabul qiluvchi”.

Ushbu grafada mazkur Yoʻriqnomaning 25-bandida belgilangan tartibda boj olinmaydigan savdo doʻkoni egasi toʻgʻrisidagi maʼlumotlar koʻrsatiladi;

3) 49-grafa. “Ombor nomi”.

Mazkur grafada boj olinmaydigan savdo doʻkoni faoliyatini amalga oshirish uchun litsenziya raqami va sanasi koʻrsatiladi.

15-bob. Tovarlarni bojxona hududidan tashqarida qayta ishlashda va tovarlarni qayta ishlashdan soʻng qaytarib olib kirishda BYDni toʻldirish

§-1. Tovarlarni bojxona hududidan tashqarida qayta ishlashda BYDni toʻldirish

69. Tovarlarni bojxona hududidan tashqarida qayta ishlash bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 42, 43, 44, 45, 46, 47, 48, 49, 50, 54, “S”.

70. BYDning 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 43, 44, 46, 47, 48, 49, 54 va “S” grafalari mazkur Yoʻriqnomaning 22-bandiga muvofiq toʻldiriladi.

71. BYDning 42, 45, 50-grafalarining toʻldirilishi quyidagi oʻziga xos xususiyatlarga ega:

1) 42-grafa. “Tovarning faktura qiymati”.

Grafada tashqi savdo kontrakti (shartnomasi, kelishuvi) valyutasida 31-grafada deklaratsiyalanayotgan tovarni qayta ishlash boʻyicha xizmatlar qiymati koʻrsatiladi.

Begʻaraz asosda qayta ishlashda grafada “0” koʻrsatiladi.

Tovarni qayta ishlash boʻyicha xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

3) 45-grafa. “Bojxona qiymati”.

Grafaning oʻng boʻlmasida tashqi savdo kontrakti (shartnomasi, kelishuvi) valyutasida 31-grafada deklaratsiyalanayotgan tovarning bojxona qiymati koʻrsatiladi. Bojxona qiymati Oʻzbekiston Respublikasi Bojxona kodeksida belgilangan tovarlarning bojxona qiymatini aniqlash usullariga muvofiq hisoblanadi.

Bojxona qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

5) 50-grafa. “Ishonch bildirgan shaxs”.

Grafa mazkur Yoʻriqnomaning 22-bandiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda quyidagi mazmundagi yozuv amalga oshiriladi: “Tovarni qayta ishlash muddati yakunlangach uni boshqa bojxona rejimiga joylashtirish uchun XX.XX.XXXX ga qadar bojxona organlariga murojaat qilish majburiyatini olaman”, bu yerda XX.XX.XXXX tegishlicha kun, oy va yilni anglatadi.

§-2. Tovarlarni bojxona hududidan tashqarida qayta ishlagandan soʻng qaytarib olib kirishda BYDni toʻldirish

72. Bojxona hududidan tashqarida qayta ishlash bojxona rejimidan soʻng qayta ishlash mahsulotlarini hamda bojxona hududidan tashqarida qayta ishlash uchun olib chiqilgan tovarlarning chiqindilarini qaytarib olib kirish erkin muomalaga chiqarish (import) bojxona rejimida mazkur Yoʻriqnomaning 5-bobi talablariga muvofiq, mazkur Yoʻriqnomaning 73-bandida koʻrsatilgan alohida grafalarni toʻldirishning oʻziga xos xususiyatlarini inobatga olgan holda toʻldirilgan BYDni taqdim etish orqali amalga oshiriladi.

73. BYDning 40, 42, 45, 46 va 47-grafalarining toʻldirilishi quyidagi oʻziga xos xususiyatlarga ega:

1) 40-grafa. “Umumiy deklaratsiya/avvalgi hujjat”.

Grafada mazkur Yoʻriqnomaning 25-bandida belgilangan tartibda tovarlar bayon etilayotgan bojxona rejimidan avval boshqa bojxona rejimiga joylashtirishga asos boʻlgan BYD toʻgʻrisidagi maʼlumotlar koʻrsatiladi.

Grafada qoʻshimcha ravishda tovarlarni bojxona rasmiylashtiruvini amalga oshirish uchun ichki bojxona organiga yetkazib berish uchun asos boʻlgan yetkazib berishni nazorat qilish hujjatlari (yukni yetkazib berishni nazorat qilish kitobchasi, MDP kitobchasi, tranzit deklaratsiyasi) haqidagi quyidagi maʼlumotlar koʻrsatiladi:

tovarlarni ichki bojxona organiga yetkazib berish uchun yukni yetkazib berishni nazorat qilish kitobchasi yoki MDP kitobchasi rasmiylashtirilgan boʻlsa, quyidagi maʼlumotlar koʻrsatiladi:

yetkazib berishni nazorat qilish hujjatining kodi: yukni yetkazib berishni nazorat qilish kitobchasi uchun — KKDG, MDP kitobchasi uchun — MDP;

yetkazib berishni nazorat qilish toʻgʻrisidagi hujjat raqami (99999/99.99.9999/IM999999 — post kodi/sana/yukni yetkazib berishni nazorat qilish kitobchasi raqami, 99999/99.99.9999/ZX99999999 — post kodi/sana/MDP kitobchasi raqami). Bunda, yukni yetkazib berishni nazorat qilish kitobchasi raqamidagi harflar kirill alifbosi harflarida, MDP kitobchasi raqamidagi harflar esa lotin alifbosida yozilishi shart;

yetkazib berishni nazorat qilish toʻgʻrisidagi hujjatda koʻrsatilgan tovarning, rasmiylashtirilayotgan brutto vazni (kilogrammda).

Masalan:

KKDG 06006/31.03.2012/IM003761 — 15000 kg;

MDP 27002/01.01.2014/XY00156239 — 19456 kg.

tovarlarni ichki bojxona organiga yetkazib berish uchun tranzit deklaratsiyasi rasmiylashtirilgan boʻlsa, tranzit deklaratsiyasi haqidagi quyidagi maʼlumotlar koʻrsatiladi:

avvalgi hujjatning kodi — ushbu holatda “TD”;

avvalgi tranzit deklaratsiyasining roʻyxat raqami;

ushbu tovarning avvalgi tranzit deklaratsiyasining 32-grafasidagi tartib raqami;

avvalgi tranzit deklaratsiyasining 32-grafasida koʻrsatilgan tovarning, rasmiylashtirilayotgan brutto vazni (kilogrammda);

avvalgi tranzit deklaratsiyasining 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

TD 06010/01.03.2022/0003761 — 3 — 7980 kg — 7900 kg — 350,2 m3.

Agar tovar bir nechta yetkazib berishni nazorat qilish toʻgʻrisidagi hujjatlardan rasmiylashtirilayotgan boʻlsa, har bir maʼlumot alohida yangi qatordan yuqorida qayd etilgan tartibda koʻrsatiladi.

Tovarlarda ichki bojxona organiga yetkazib berish uchun asos boʻladigan yetkazib berishni nazorat qilish hujjatlari mavjud boʻlmagan hollarda grafada qoʻshimcha ravishda ushbu hujjat haqida maʼlumot koʻrsatilishi talab etilmaydi;

11) 42-grafa. “Tovarning faktura qiymati”.

Grafada tashqi savdo kontrakti (shartnomasi, kelishuvi) valyutasida deklaratsiyalanayotgan tovarni qayta ishlash boʻyicha xizmatlar qiymati koʻrsatiladi.

Begʻaraz asosda qayta ishlashda grafada “0” koʻrsatiladi.

Tovarni qayta ishlash boʻyicha xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

2) 45-grafa. “Bojxona qiymati”.

Grafaning oʻng boʻlmasida 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) valyutasidagi bojxona qiymati koʻrsatiladi.

Qayta ishlash mahsulotlarini olib kirishda bojxona qiymati tarkibida qayta ishlash boʻyicha operatsiyalar qiymati ham hisobga olinadi.

Bojxona qiymati Oʻzbekiston Respublikasi Bojxona kodeksida belgilangan tovarlarning bojxona qiymatini aniqlash usullariga muvofiq hisoblanadi.

Bojxona qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

3) 46-grafa. “Statistik qiymat”.

Grafada 45-grafada keltirilgan bojxona qiymati asosida hisoblangan tovarlarning statistik qiymati ming AQSH dollarida koʻrsatiladi. Statistik qiymat matematik qoidalarga koʻra verguldan keyingi uch belgigacha aniqlikda yaxlitlanadi.

Statistik qiymatni hisoblashda BYD bojxona rasmiylashtiruvi uchun qabul qilingan kunda amalda boʻlgan Oʻzbekiston Respublikasi Markaziy banki tomonidan belgilangan kurs qoʻllaniladi;

4) 47-grafa. “Bojxona toʻlovlarining hisobi”.

Grafa mazkur Yoʻriqnomaning 25-bandiga muvofiq toʻldiriladi.

Shu bilan birga, qayta ishlash mahsulotlari boʻyicha bojxona rasmiylashtiruvi uchun yigʻimning hisoblash asosi, qayta ishlash boʻyicha operatsiyalar qiymatini inobatga olgan holda, qayta ishlash mahsulotlarining bojxona qiymatidan hisoblanadi.

Boshqa bojxona toʻlovlari qonunchilik hujjatlarida belgilangan tartibda hisoblanadi va undiriladi.

74. Bojxona hududidan tashqarida qayta ishlash uchun olib chiqilgan tovarni hamda bojxona hududidan tashqarida qayta ishlash uchun olib chiqilgan tovarning qoldiqlarini qaytarib olib kirish reimport bojxona rejimida mazkur Yoʻriqnomaning 7-bobi talablariga muvofiq, mazkur Yoʻriqnomaning 75-bandida koʻrsatilgan alohida grafalarni toʻldirishning oʻziga xos xususiyatlarini inobatga olgan holda toʻldirilgan BYDni taqdim etish orqali amalga oshiriladi.

75. BYDning 42, 45, 46 va 47-grafalarining toʻldirilishi quyidagi oʻziga xos xususiyatlarga ega:

1) 42-grafa. “Tovarning faktura qiymati”.

Grafada tashqi savdo kontrakti (shartnomasi, kelishuvi) valyutasida 31-grafada deklaratsiyalanayotgan tovarni qayta ishlash boʻyicha xizmatlar qiymati koʻrsatiladi.

Begʻaraz asosda qayta ishlashda grafada “0” koʻrsatiladi.

Tovarni qayta ishlash boʻyicha xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

2) 45-grafa. “Bojxona qiymati”.

Grafaning oʻng boʻlmasida tashqi savdo kontrakti (shartnomasi, kelishuvi) valyutasida 31-grafada deklaratsiyalanayotgan tovarning bojxona qiymati koʻrsatiladi. Bojxona qiymati Oʻzbekiston Respublikasi Bojxona kodeksida belgilangan tovarlarning bojxona qiymatini aniqlash usullariga muvofiq hisoblanadi.

Bojxona qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

3) 46-grafa. “Statistik qiymat”.

Grafada 45-grafada keltirilgan bojxona qiymati asosida hisoblangan tovarlarning statistik qiymati ming AQSH dollarida koʻrsatiladi. Statistik qiymat matematik qoidalarga koʻra verguldan keyingi uch belgigacha aniqlikda yaxlitlanadi.

Statistik qiymatni hisoblashda BYD bojxona rasmiylashtiruvi uchun qabul qilingan kunda amalda boʻlgan Oʻzbekiston Respublikasi Markaziy banki tomonidan belgilangan kurs qoʻllaniladi;

4) 47-grafa. “Bojxona toʻlovlarining hisobi”.

Grafa mazkur Yoʻriqnomaning 25-bandiga muvofiq toʻldiriladi.

Shu bilan birga, bojxona rasmiylashtiruvi uchun yigʻimning hisoblash asosi tovarning bojxona qiymatidan hisoblanadi.

Boshqa bojxona toʻlovlari qonunchilik hujjatlarida belgilangan tartibda hisoblanadi va undiriladi.

16-bob. Tovarlarni bojxona hududida qayta ishlashda va qayta ishlashdan soʻng qaytarib olib chiqib ketishda hamda erkin muomalaga chiqarishda BYDni toʻldirish

§-1. Tovarlarni bojxona hududida qayta ishlashda BYDni toʻldirish

76. Deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 42, 44, 45, 46, 47, 48, 49, 50, 54, “S”.

77. BYDning 1, 2, 3, 5, 7 (post kodi), 8, 9, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 44, 47, 48, 49, 54, “S” grafalari mazkur Yoʻriqnomaning 25-bandiga muvofiq toʻldiriladi.

78. BYDning 42, 45, 46, 50-grafalarining toʻldirilishi quyidagi oʻziga xos xususiyatlarga ega:

1) 42-grafa. “Tovarning faktura qiymati”.

Grafada eksport kontrakti boʻyicha 31-grafada deklaratsiyalanayotgan tovarni qayta ishlash boʻyicha xizmat qiymati koʻrsatiladi.

Begʻaraz asosda qayta ishlashda grafada “0” koʻrsatiladi.

Import kontrakti asosida qayta ishlash uchun olib kirilgan tovarlarni deklaratsiyalashda tovarning qiymati koʻrsatiladi.

Tovarlar va xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

2) 45-grafa. “Bojxona qiymati”.

Grafaning oʻng boʻlmasida 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) valyutasidagi bojxona qiymati koʻrsatiladi. Bojxona qiymati Oʻzbekiston Respublikasi Bojxona kodeksida belgilangan tovarlarning bojxona qiymatini aniqlash usullariga muvofiq hisoblanadi.

Bojxona qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

3) 46-grafa. “Statistik qiymat”.

Grafada 45-grafada keltirilgan bojxona qiymati asosida hisoblangan tovarlarning statistik qiymati ming AQSH dollarida koʻrsatiladi. Statistik qiymat matematik qoidalarga koʻra verguldan keyingi uch belgigacha aniqlikda yaxlitlanadi.

Statistik qiymatni hisoblashda BYD bojxona rasmiylashtiruvi uchun qabul qilingan kunda amalda boʻlgan Oʻzbekiston Respublikasi Markaziy banki tomonidan belgilangan kurs qoʻllaniladi;

4) 50-grafa. “Ishonch bildirgan shaxs”.

Grafa mazkur Yoʻriqnomaning 25-bandiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda quyidagi mazmundagi yozuv amalga oshiriladi: “Tovarni qayta ishlash muddati yakunlangach uni boshqa bojxona rejimiga joylashtirish uchun bojxona organlariga murojaat qilish majburiyatini olaman”.

§-2. Tovarlarni bojxona hududida qayta ishlashdan soʻng qaytarib olib chiqib ketishda BYDni toʻldirish

79. Bojxona hududida qayta ishlash bojxona rejimidan soʻng Oʻzbekiston tovari (Oʻzbekistonda ishlab chiqarilgan tovar) maqomiga ega boʻlgan qayta ishlash mahsulotlarini olib chiqib ketish eksport bojxona rejimiga muvofiq, boshqa hollarda qayta ishlash mahsulotlarini, bojxona hududida qayta ishlash uchun olib kirilgan tovar, tovarning chiqindilari va qoldiqlarini qaytarib olib chiqib ketish reeksport bojxona rejimiga muvofiq amalga oshiriladi.

80. Bunda deklaratsiyalovchi shaxs tomonidan bojxona organlariga mazkur Yoʻriqnomaning 6-bobi talablariga muvofiq, mazkur Yoʻriqnomaning 81-bandida koʻrsatilgan alohida grafalarni toʻldirishning oʻziga xos xususiyatlarini inobatga olgan holda, toʻldirilgan BYD taqdim etiladi.

81. BYDning 42, 45 va 47-grafalarining toʻldirilishi quyidagi oʻziga xos xususiyatlarga ega:

1) 42-grafa. “Tovarning faktura qiymati”.

Grafada eksport kontrakti boʻyicha 31-grafada deklaratsiyalanayotgan tovarni qayta ishlash boʻyicha xizmat qiymati koʻrsatiladi.

Begʻaraz asosda qayta ishlashda grafada “0” koʻrsatiladi.

Import kontrakti asosida qayta ishlangan tovarlarni eksporti kontrakti asosida olib chiqishda tovar qiymati koʻrsatiladi.

Tovarlar va xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

2) 45-grafa. “Bojxona qiymati”.

Grafaning oʻng boʻlmasida 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) valyutasidagi bojxona qiymati koʻrsatiladi.

Qayta ishlash mahsulotlarini olib chiqib ketishda bojxona qiymati tarkibida qayta ishlash boʻyicha operatsiyalar qiymati ham hisobga olinadi.

Bojxona qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

3) 47-grafa. “Bojxona toʻlovlarining hisobi”.

Grafa mazkur Yoʻriqnomaning 22-bandiga muvofiq toʻldiriladi.

Shu bilan birga, qayta ishlash mahsulotlari boʻyicha bojxona rasmiylashtiruvi uchun yigʻimning hisoblash asosi, qayta ishlash uchun operatsiyalar qiymatini inobatga olgan holda, qayta ishlash mahsulotlarining bojxona qiymatidan hisoblanadi.

Boshqa bojxona toʻlovlari qonunchilik hujjatlarida belgilangan tartibda hisoblanadi va undiriladi.

§-3. Tovarlarni bojxona hududida qayta ishlashdan soʻng erkin muomalaga chiqarishda BYDni toʻldirish

811. Bojxona hududida qayta ishlash bojxona rejimiga olib kirilgan tovarning qayta ishlash mahsulotlarini yoki uning qoldiqlarini, shuningdek tovarni qayta ishlash chiqindilarini (bundan buyon matnda qayta ishlash mahsuloti deb yuritiladi) erkin muomalaga chiqarish (import) bojxona rejimiga joylashtirish mazkur Yoʻriqnomaning 5-bobi talablariga muvofiq hamda 812-bandida koʻrsatilgan alohida grafalarni toʻldirishning oʻziga xos xususiyatlarini inobatga olgan holda toʻldirilgan BYDni taqdim etish orqali amalga oshiriladi.

812. BYDning 40, 42 va S grafalarining toʻldirilishi quyidagi oʻziga xos xususiyatlarga ega:

1) 40-grafa. “Umumiy deklaratsiya/avvalgi hujjat”.

Qayta ishlash mahsulotini erkin muomalaga chiqarishda grafada qayta ishlash uchun olib kirilgan xomashyo va materiallarni bojxona hududida qayta ishlash bojxona rejimiga joylashtirish uchun asos boʻlgan BYD haqida quyidagi maʼlumotlar koʻrsatiladi:

avvalgi hujjatning kodi — ushbu holatda “GTD”;

avvalgi BYDning roʻyxat raqami;

qayta ishlash mahsuloti uchun olib kelingan xomashyo va materiallar boʻyicha avvalgi BYDning 32-grafasidagi tartib raqami;

avvalgi BYDning 32-grafasida koʻrsatilgan qayta ishlash mahsuloti uchun xomashyo va materiallarning ishlatilgan brutto vazni (kilogrammda);

avvalgi BYDning 32-grafasida koʻrsatilgan qayta ishlash mahsuloti uchun xomashyo va materiallarning ishlatilgan netto vazni (kilogrammda);

qayta ishlash mahsuloti uchun olib kelingan xomashyo va materiallarning qoʻshimcha oʻlchov birligidagi miqdori (agar mavjud boʻlsa);

olib kelingan xomashyo va materiallar qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan: GTD 14010/31.03.2025/0353761 — 2 — 5980 kg — 5900 kg — 250,2 m3.

Agar deklaratsiyalanayotgan qayta ishlash mahsuloti bir nechta turkumlarda olib kelingan xomashyo va materiallar hisobidan tayyorlangan boʻlib, ushbu turkumlar turli BYDlar bilan rasmiylashtirilgan boʻlsa, har bir avvalgi BYD boʻyicha maʼlumotlar mazkur grafada yuqorida belgilangan tartibda alohida qatorlarda koʻrsatiladi.

2) 42-grafa. “Tovarning faktura qiymati”.

Grafada BYDning 31-grafasida deklaratsiyalanayotgan qayta ishlash mahsulotining qiymati koʻrsatiladi. Faktura qiymati matematik qoidalarga koʻra verguldan soʻng ikki belgigacha aniqlikda yaxlitlanadi.

3) “S” grafa.

Grafada quyidagilar koʻrsatiladi (maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi):

1 — xorijiy buyurtmachining talabi boʻyicha olib kelingan tovarlar doirasida amalga oshirilgan qayta ishlash operatsiyalaridan soʻng hosil boʻlgan mahsulotlarni erkin muomalaga chiqarish (import) bojxona rejimiga rasmiylashtirishda qayta ishlash mahsulotlari doirasida tuzilgan yangi tashqi savdo kontraktining (shartnomasi, kelishuvi) Tashqi savdo operatsiyalari yagona elektron axborot tizimidagi identifikatsiya raqami.

Bunda xorijiy buyurtmachi mavjud boʻlmagan holda tashqi savdo kontrakti (shartnomasi, kelishuvi) boʻyicha olib kelingan tovarlar doirasida amalga oshirilgan qayta ishlash operatsiyalaridan soʻng hosil boʻlgan mahsulotlarni erkin muomalaga chiqarish (import) bojxona rejimiga rasmiylashtirishda qayta ishlash uchun olib kelingan xomashyo va materiallar boʻyicha tuzilgan dastlabki tashqi savdo kontraktining (shartnomasi, kelishuvi) Tashqi savdo operatsiyalari yagona elektron axborot tizimidagi identifikatsiya raqami koʻrsatiladi;

2 — tovarlar Oʻzbekiston Respublikasi hududiga olib kirilgan sana. Olib kirilgan sana Oʻzbekiston Respublikasi chegarasidan oʻtish punktidagi chegara bojxona postida tovarning kuzatuv hujjatlariga qoʻyiladigan shtamp sanasi boʻyicha aniqlanadi.

17-bob. Tovarlarni davlat foydasiga voz kechish bojxona rejimiga joylashtirishda BYDni toʻldirish

82. Oʻzbekiston Respublikasi bojxona hududiga olib kirilgan yoki ushbu hududga olib kirilib, boshqa bojxona rejimiga joylashtirilgan tovarlarni davlat foydasiga voz kechish bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 49, 50, 54, “S”.

Bunda BYDning 1, 2, 3, 5, 7 (post kodi), 8, 11, 12, 13, 14, 15, 15a, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 45, 46, 49, 50, 54, “S” grafalari mazkur Yoʻriqnomaning 25-bandiga muvofiq toʻldiriladi.

83. Oʻzbekiston Respublikasi bojxona hududidan olib chiqib ketilayotgan tovarlarni davlat foydasiga voz kechish bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 11, 12, 13, 14, 18, 19, 20, 22, 23, 24, 26, 29, 30, 31, 32, 33, 34, 35, 37, 38, 40, 41, 42, 44, 45, 46, 49, 50, 54, “S”.

Bunda BYDning 1, 2, 3, 5, 7 (post kodi), 8, 11, 12, 13, 14, 18, 19, 20, 22, 23, 24, 26, 30, 31, 32, 33, 34, 35, 37, 38, 40, 41, 42, 45, 46, 49, 50, 54, “C” grafalari mazkur Yoʻriqnomaning 22-bandiga muvofiq toʻldiriladi.

84. BYDning 44-grafasini toʻldirilishi quyidagi oʻziga xos xususiyatlarga ega:

44-grafa. “Qoʻshimcha maʼlumotlar/taqdim etilayotgan hujjatlar”.

Oʻzbekiston Respublikasi bojxona hududiga olib kirilgan yoki ushbu hududga olib kirilib, boshqa bojxona rejimiga joylashtirilgan tovarlar boʻyicha grafa mazkur Yoʻriqnomaning 25-bandiga muvofiq toʻldiriladi.

Oʻzbekiston Respublikasi bojxona hududidan olib chiqib ketilayotgan tovarlarni davlat foydasiga voz kechish bojxona rejimiga joylashtirishda grafa mazkur Yoʻriqnomaning 22-bandiga muvofiq toʻldiriladi.

Grafada qoʻshimcha ravishda, 817 tartib raqami ostida davlat foydasiga voz kechish bojxona rejimiga joylashtirilgan tovarlarni topshirish dalolatnomasi raqami va sanasi koʻrsatiladi.

18-bob. Tovarlarni yoʻq qilish bojxona rejimiga joylashtirishda BYDni toʻldirish

85. Tovarlarni yoʻq qilish bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 12, 13, 14, 15, 15a, 18, 19, 21, 22, 23, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 49, 54, “S”.

Bunda BYDning 1, 2, 3, 5, 7 (post kodi), 8, 9, 12, 13, 14, 15, 15a, 18, 19, 21, 22, 23, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 49, 54, “S” grafalari mazkur Yoʻriqnomaning 25-bandiga muvofiq toʻldiriladi.

86. BYDning 44-grafasini toʻldirilishi quyidagi oʻziga xos xususiyatlarga ega:

Grafa mazkur Yoʻriqnomaning 25-bandiga muvofiq toʻldiriladi.

Grafada qoʻshimcha ravishda, 818 tartib raqami ostida yoʻq qilish bojxona rejimiga joylashtirilgan tovarlarni topshirish dalolatnomasi raqami va sanasi koʻrsatiladi.

19-bob. Tovarlarni bojxona tranziti bojxona rejimiga joylashtirishda BYDni toʻldirish

87. Tovarlarni bojxona tranziti bojxona rejimiga joylashtirishda deklaratsiyalovchi shaxs tomonidan BYDning quyidagi grafalari toʻldiriladi: 1, 2, 3, 5, 7 (post kodi), 8, 9, 13, 14, 15, 15a, 17, 17a, 18, 19, 21, 22, 23, 25, 26, 28, 29, 31, 32, 33, 35, 37, 38, 40, 41, 42, 44, 46, 47, 50, 51, 54.

88. Deklaratsiyalovchi shaxs tomonidan grafalarning toʻldirilishi:

1) 1-grafa. “Deklaratsiya turi”.

Grafaning birinchi boʻlmasida bojxona tranziti operatsiyasining qisqa nomi koʻrsatiladi — “TR”.

Grafaning ikkinchi boʻlmasida Bojxona rejimlari tasniflagichiga muvofiq bojxona rejimining ikki raqamli kodi koʻrsatiladi.

2) 2-grafa. “Eksportchi/yukni joʻnatuvchi”.

Grafada transport hujjatlariga asosan bojxona tranziti rejimiga joylashtirilayotgan tovarlarni joʻnatuvchi shaxs toʻgʻrisidagi maʼlumotlar qayd etiladi.

Grafada quyidagilar koʻrsatiladi:

yukni joʻnatuvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili (Dunyo mamlakatlari tasniflagichiga muvofiq mamlakatning qisqa nomi va manzili);

yukni joʻnatuvchi yuridik shaxs boʻlsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va manzili).

Masalan:

“Alibayev Nuridin Kamalovich

Qozogʻiston, Almati sh., Suyunbay shoh koʻchasi, 450-uy”

yoki “Ros-Torg” MCHJ

Rossiya, Ivanovo sh., Smirnov koʻch., 62-uy”.

Agar yukni joʻnatuvchi tovarni boshqa shaxsning topshirigʻiga koʻra joʻnatayotgan boʻlsa yoki shunga oʻxshash boshqa holatlarda grafada avval yukni joʻnatuvchining qisqacha nomi va joylashgan yeri (yuridik manzili), soʻngra tovarni joʻnatish toʻgʻrisida topshiriq bergan shaxsning qisqacha nomi va joylashgan yeri (yuridik manzili) koʻrsatiladi.

Masalan:

“Ros-Torg” MCHJ

Rossiya, Ximki shah., Karlov koʻch., 362-uy

“Faraon” MCHJ topshirigʻiga asosan

Rossiya, Moskva shah., Bolshaya polyanka koʻch., 563”.

Tovarlarni qogʻoz shaklda deklaratsiyalashda qoʻshimcha varaqlarda grafa toʻldirilmaydi;

3) 3-grafa. “Qoʻshimcha varaqlar”.

Grafaning birinchi boʻlmasida varaqning tartib raqami, ikkinchi boʻlmasida taqdim etilayotgan BYD varaqlarining umumiy soni (asosiy va qoʻshimcha varaqlari yigʻindisi) koʻrsatiladi.

Masalan, agar BYD ikkita qoʻshimcha varaqlarga ega boʻlsa BYDning asosiy varagʻida “1/3”; birinchi qoʻshimcha varagʻida “2/3”; ikkinchi qoʻshimcha varagʻida “3/3” koʻrsatiladi. Agar BYD qoʻshimcha varaqlarga ega boʻlmasa “1/1” koʻrsatiladi.

Tovarlar elektron shaklda deklaratsiyalanganda grafada, elektron BYD qogʻozga chop etilgandagi kabi varaqning tartib raqami va BYD varaqlarining umumiy soni mazkur kichik bandda belgilangan tartibda koʻrsatiladi;

4) 5-grafa. “Tovarlar nomlarining umumiy soni”.

Grafada BYDning 31-grafalarida koʻrsatilgan tovarlar nomlarining umumiy soni yoziladi. Bu son BYDning toʻldirilgan 31-grafalari soniga muvofiq boʻlishi lozim;

5) 7-grafa. “BYDning roʻyxat raqami”.

Grafada Bojxona postlari tasniflagichiga muvofiq BYD taqdim etiladigan bojxona postining beshta raqamli kodi koʻrsatiladi;

6) 8-grafa. “Importchi/yukni qabul qiluvchi”.

Grafada transport hujjatlariga asosan bojxona tranziti rejimiga joylashtirilayotgan tovarlarni qabul qiluvchi shaxs toʻgʻrisidagi maʼlumotlar qayd etiladi.

Grafada quyidagilar koʻrsatiladi:

yukni qabul qiluvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili (Dunyo mamlakatlari tasniflagichiga muvofiq mamlakatning qisqa nomi va manzili);

yukni qabul qiluvchi yuridik shaxs boʻlsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va manzili).

Masalan:

“Mamedov Kurban Bekirovich

Turkmaniston, Ashxobod sh., Marv koʻchasi, 30-uy”

yoki “Persepolis” LTD

Eron, Texron sh., Sepaxon koʻch., 45-uy”.

Agar yukni qabul qiluvchi tovarni boshqa shaxsning topshirigʻiga koʻra qabul qilib olayotgan boʻlsa yoki shunga oʻxshash boshqa holatlarda grafada avval yukni qabul qiluvchining qisqacha nomi va joylashgan yeri (yuridik manzili), soʻngra tovarni qabul qilib olish toʻgʻrisida topshiriq bergan shaxsning qisqacha nomi va joylashgan yeri (yuridik manzili) koʻrsatiladi.

Masalan:

“Persepolis” LTD

Eron, Texron sh., Sepaxon koʻch., 45-uy

“Traktorsozi” INC topshirigʻiga asosan

Eron, Texron sh., Firdavsiy koʻch., 93”.

Tovarlarni qogʻoz shaklda deklaratsiyalashda qoʻshimcha varaqlarda grafa toʻldirilmaydi;

7) Grafa 9. “Moliyaviy tartibga solish uchun javobgar shaxs”.

Grafada tovarlarni tashuvchisi toʻgʻrisidagi maʼlumotlar koʻrsatiladi. Tashuvchi deganda tranzit tovarlarini tashish boʻyicha bitim tuzgan, ushbu tovarlarni joʻnatuvchi bojxona organidan tovarlar kelib tushadigan bojxona organigacha olib borish majburiyatini olgan shaxs tushuniladi.

Grafada quyidagilar koʻrsatiladi:

tashuvchi jismoniy shaxs boʻlsa — uning familiyasi, ismi va otasining ismi, yashash manzili (Dunyo mamlakatlari tasniflagichiga muvofiq mamlakatning qisqa nomi va manzili), telefon raqami va shaxsini tasdiqlovchi hujjat toʻgʻrisidagi maʼlumotlar;

tashuvchi yuridik shaxs boʻlsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va yuridik manzili), telefon raqami;

8) 13-grafa.

Grafada Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi AQSH dollarining Oʻzbekiston Respublikasi milliy valyutasiga nisbatan kursi koʻrsatiladi;

9) 14-grafa. “Deklarant/bojxona brokeri”.

Grafada BYDni toʻldirgan va bojxona organlariga taqdim etayotgan bojxona brokeri yoki deklarantning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) koʻrsatiladi;

Grafaning yuqori qismida “№” belgisidan soʻng ushbu bojxona brokeri yoki deklarantning STIRi (jismoniy shaxs boʻlsa, JSHSHIRi) koʻrsatiladi;

10) 15-grafa. “Joʻnatuvchi mamlakat”.

Grafada tovar joʻnatilgan mamlakatning Dunyo mamlakatlari tasniflagichiga muvofiq qisqa nomi koʻrsatiladi;

11) 15a-grafa. “Joʻnatuvchi mamlakat kodi”.

Grafada tovar joʻnatilgan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

12) 17-grafa. “Kelib tushadigan mamlakat”.

Grafada tovar kelib tushadigan mamlakatning Dunyo mamlakatlari tasniflagichiga muvofiq qisqa nomi koʻrsatiladi;

13) 17a-grafa. “Kelib tushadigan mamlakat kodi”.

Grafada tovar kelib tushadigan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

14) 18-grafa. “Joʻnatish/yetkazib berish vaqtidagi transport vositasi”.

Grafada joʻnatuvchi bojxona organidan tovar kelib tushadigan bojxona organiga tranzit tovarlarini tashish amalga oshirilayotgan transport vositasi haqidagi maʼlumotlar koʻrsatiladi.

Grafaning chap boʻlmasida transport vositalari miqdori yoziladi, soʻngra bitta boʻsh joy (probel) tashlab Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda transport vositasi toʻgʻrisidagi maʼlumotlar koʻrsatiladi (dengiz yoki daryo kemasi nomi, havo kemasining reys raqami, temir yoʻl vagoni raqami, yoʻl transport vositasi roʻyxat raqami va shu kabi maʼlumotlar).

Masalan:

4 AVTO: A987SA; S654DA; B587NM; K967LV.

Agar tovarlar avtotransport vositalari sostavi bilan olib oʻtilayotgan boʻlsa, transport vositasi roʻyxat raqamidan soʻng “/” ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Masalan:

2 AVTO: A987SA/K118DS; S654DA/P312LK.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tovarlarni tashishda avtotransport vositalari sostavidan foydalanilgan boʻlsa, ushbu transport vositalarini (pritseplarni, yarim pritseplarni va h.k.) harakatga keltirgan avtotransport vositasi roʻyxatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) tashlanib “BYD orqa tomoniga qarang” (qogʻoz shakldagi BYDda) havolasi yoziladi, grafaning oʻng boʻlmasidan “999” kodi qoʻyiladi. Qogʻoz shakldagi BYDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYDda bunday havolaga yoʻl qoʻyilmaydi va barcha maʼlumotlar elektron BYDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: “TRUBOPROVOD”, “LEP”;

15) 19-grafa. “Konteyner”.

Grafada quyidagilar koʻrsatiladi:

“0” — agar tovarlar konteynerda olib oʻtilmayotgan boʻlsa;

“1” — agar tovarlar konteynerda olib oʻtilayotgan yoki tovar sifatida konteyner rasmiylashtirilayotgan boʻlsa.

16) 21-grafa. “Chegaradagi transport vositasi”.

Grafada tranzit tovarlari kelib tushadigan bojxona organi orqali Oʻzbekiston Respublikasi bojxona hududidan olib chiqib ketilayotgan transport vositalari haqidagi maʼlumotlar mazkur bandning 14-kichik bandiga muvofiq koʻrsatiladi.

Tovar Oʻzbekiston Respublikasiga olib kirilgan transport vositasining oʻzida olib chiqib ketiladigan boʻlsa “18-grafaga qarang” havolasi yoziladi.

Elektron BYDda bunday havola qilinishiga yoʻl qoʻyilmaydi va barcha maʼlumotlar elektron BYDning oʻzida toʻliq koʻrsatiladi.

Grafa deklarantda tovarlar bojxona hududidan olib chiqib ketiladigan transport vositasi toʻgʻrisida maʼlumot mavjud boʻlmaganda (tovarlar bojxona nazorati ostida qayta yuklanadigan holatlarda) toʻldirilmaydi;

17) 22-grafa. “Valyuta va tovarlarning umumiy faktura qiymati”.

Grafaning chap boʻlmasida Valyutalar tasniflagichiga muvofiq tovar baholangan valyutaning raqamli kodi koʻrsatiladi.

Grafaning oʻng boʻlmasida raqamlarda deklaratsiyalanayotgan tovarlar turkumining umumiy baholangan summasi koʻrsatiladi.

Deklaratsiyalanayotgan tovarlar turkumining umumiy baholangan summasi BYDning 42-grafalaridagi qiymatlar yigʻindisidan tashkil topadi;

18) 23-grafa. “Valyuta kursi”.

Grafada raqamli kodi BYDning 22-grafasida koʻrsatilgan valyutaning Oʻzbekiston Respublikasi Markaziy banki tomonidan belgilangan, BYD bojxona rasmiylashtiruviga qabul qilingan kundagi Oʻzbekiston Respublikasi milliy valyutasiga nisbatan kursi koʻrsatiladi.

Masalan:

agar 1 Rossiya rubli = 63,41 soʻm boʻlsa, grafada “1/63,41” koʻrsatiladi;

agar 10 Yapon yenasi = 220,09 soʻm boʻlsa, grafada “10/220,09” koʻrsatiladi;

agar valyuta kontrakti Oʻzbekiston Respublikasi milliy valyutasi boʻlsa grafada “1/1” koʻrsatiladi;

19) 25-grafa. “Chegaradagi transport turi”.

Grafada Transport turlari tasniflagichiga muvofiq tovarlar amalda Oʻzbekiston Respublikasi bojxona chegarasi orqali olib oʻtiladigan transport vositasi turining kodi koʻrsatiladi;

20) 26-grafa. “Mamlakat ichkarisidagi transport turi”.

Grafada Transport turlari tasniflagichiga muvofiq 18-grafada koʻrsatilgan transport vositasi turining kodi koʻrsatiladi;

21) 28-grafa. “Moliya va bank maʼlumotlari”.

Tranzit tovarlari bojxona brokeri yoki tashuvchining vakili boʻlmagan ekspeditor shaxs tomonidan deklaratsiyalanganda toʻldiriladi.

Grafada deklarant yoki bojxona brokerining soʻmdagi hisobvaraqasi ochilgan bank muassasasi toʻgʻrisidagi maʼlumotlar koʻrsatiladi, bunda rekvizitlarning har biri yangi satrdan boshlanadi va ulardan har birining oldiga tartib raqami qoʻyiladi:

1 — deklarant yoki bojxona brokerining STIRi (jismoniy shaxs boʻlsa, JSHSHIRi)/bank STIRi;

2 — bankning toʻliq nomi;

3 — bankning pochta manzili;

4 — deklarant yoki bojxona brokerining Oʻzbekiston Respublikasi milliy valyutasidagi hisobvaraqasi raqami/bank MFOsi;

5 — deklarant yoki bojxona brokerining xorijiy valyutadagi hisobvaraqasi raqami/bank MFOsi (bojxona toʻlovlari xorijiy valyutada toʻlangan holatlarda);

22) 29-grafa. “Chegaradagi bojxona”.

Grafada Bojxona postlari tasniflagichiga muvofiq tovarlar Oʻzbekiston Respublikasiga olib kiriladigan bojxona posti kodi va nomi koʻrsatiladi;

23) 31-grafa. “Yuk joylari va tovar tavsifi”. “Markirovka va miqdor — konteynerlar raqami — tovar tavsifi”.

Grafada deklaratsiyalanayotgan tovar haqida maʼlumot koʻrsatiladi. Maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 — tovar tavsifi hamda tovarning kuzatuv hujjatlariga muvofiq deklaratsiyalanayotgan tovarning miqdor va sifat tarkibi toʻgʻrisidagi maʼlumotlar;

2 — oʻramga ega boʻlgan tovar uchun — tovar egallagan yuk joylarining umumiy soni, tovar oʻrami turi va oʻramlar miqdori. Agar ushbu grafada deklaratsiyalanayotgan tovar yuk joylarining hammasini egallamasa grafada “qutining bir qismi” va shunga oʻxshash yozuvlar yoziladi. Bunda oʻram deganda tovarlarni oʻrash, himoyalash, joylashtirish va mustahkamlash yoki ajratish uchun moʻljallangan har qanday buyum va materiallar tushuniladi, uyum holda olib oʻtiladigan oʻrash materiallari (somon, qogʻoz, shisha tola, qipiq va shu kabilar) bundan mustasno. Sochilgan, uyumlangan, quyilgan holatda oʻramsiz olib oʻtiladigan tovarlar uchun tegishlicha “sochilgan holda”, “uyum holida”, “quyilgan holda” kabi yozuvlar koʻrsatiladi.

Elektr uzatish liniyalari yoki quvur transporti orqali tashiladigan tovarlarni deklaratsiyalashda 2 raqami ostida maʼlumotlar toʻldirilmaydi.

3 — konteynerda tashiladigan tovar uchun yoki tovar sifatida konteyner olib oʻtilayotgan holatlarda — orasiga vergul qoʻyilib konteyner raqamlari yoziladi. Elektron BYDda konteyner raqamlari alohida maydonchada har biri alohida koʻrsatiladi.

5 — quvur transporti, elektr uzatish liniyalari orqali olib oʻtilayotgan tovarlarni deklaratsiyalashda quyidagi yozuvlar yoziladi: “XX.XX.XXXX dan XX.XX.XXXX gacha boʻlgan oraliqda yetkazib berish”. Bu yerda raqamli belgilar bilan tovarlarni yetkazib berish boshlangan “kun, oy, yil” va tugallangan “kun, oy, yil” koʻrsatiladi.

Grafaning pastki oʻng burchagida alohida ajratilgan joyda tovarlarning qoʻshimcha oʻlchov birligidagi miqdori va oʻlchov birligining TIF TNga muvofiq shartli belgilanishi koʻrsatiladi (qoʻshimcha oʻlchov birligining kodi 41-grafada aks ettiriladi). Elektron BYDda oʻlchov birligining shartli belgilanishi koʻrsatilmasdan, faqatgina tovarlarning qoʻshimcha oʻlchov birligidagi miqdori yoziladi.

Tovarlarning qoʻshimcha oʻlchov birligidagi miqdori verguldan keyingi ikkinchi belgigacha aniqlikda koʻrsatiladi.

Agar qoʻshimcha oʻlchov birligidagi tovar miqdori “0,01” dan kam boʻlsa grafada tovarning qoʻshimcha oʻlchov birligidagi miqdori verguldan keyingi oltinchi belgigacha aniqlikda koʻrsatiladi.

Faqatgina asosiy oʻlchov birligi “kg” qoʻllanilgan holatlarda — grafaning pastki oʻng burchagi toʻldirilmaydi;

24) 32-grafa. “Tovar №”.

Grafada 31-grafada deklaratsiyalanayotgan tovarning tartib raqami koʻrsatiladi.

Bitta nomdagi tovar deklaratsiyalanayotgan boʻlsa, grafada “1” raqami koʻrsatiladi;

25) 33-grafa. “Tovar kodi”.

Grafaning chap qismida 31-grafada deklaratsiyalanayotgan tovarlarning TIF TNga muvofiq oʻnta raqamli kodi koʻrsatiladi. Ushbu kod boʻsh joysiz (probelsiz) va boshqa ajratuvchi belgilarsiz yoziladi;

26) 35-grafa. “Brutto vazn (kg)”.

Grafada BYDning 31-grafasida deklaratsiyalanayotgan tovarning kilogrammdagi “brutto” ogʻirligi koʻrsatiladi. “Brutto” ogʻirlik deganda tovarning umumiy ogʻirligi, shu jumladan tovar muomalaga kiritilgunga qadar holatini oʻzgarmasligini taʼminlab turish uchun zarur boʻlgan uning barcha turdagi oʻramlari (konteyner va boshqa transport uskunalari bundan mustasno) bilan birgalikdagi umumiy ogʻirligi tushuniladi.

Brutto vazn matematik qoidalarga koʻra verguldan keyingi uchinchi raqamgacha yaxlitlanadi.

Agar tovarning umumiy ogʻirligi bir kilogrammdan kam boʻlsa, netto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, tovar vazni verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning umumiy ogʻirligi koʻrsatiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

27) 37-grafa. “Protsedura”.

Grafada tovarlarni Oʻzbekiston Respublikasi bojxona chegarasi orqali olib oʻtish protsedurasining yetti belgili kodi koʻrsatiladi. Ushbu kod quyidagi uchta tarkibiy qismlardan iborat:

birinchi ikkita raqam — Bojxona rejimlari tasniflagichiga muvofiq bayon etilayotgan bojxona rejimi kodi;

keyingi ikkita raqam — Bojxona rejimlari tasniflagichiga muvofiq avvalgi bojxona rejimi kodi. Agar avvalgi bojxona rejimi mavjud boʻlmasa “00” koʻrsatiladi;

oxirgi uchta raqam — mazkur Yoʻriqnomaning 11-ilovasida keltirilgan Tovarlarni olib oʻtish xususiyatlari tasniflagichiga muvofiq deklaratsiyalanayotgan tovarlarni olib oʻtish xususiyati kodi;

28) 38-grafa. “Netto vazn (kg)”.

Grafada deklaratsiyalanayotgan tovarning kilogrammdagi “netto” ogʻirligi koʻrsatiladi.

Qadoqlangan holatda olib oʻtilayotgan tovar uchun:

deklaratsiyalanayotgan tovarning faqat birlamchi qadogʻini hisobga olgan holdagi ogʻirligi, agar tovarlar, isteʼmol xususiyatlaridan kelib chiqqan holda, shunday qadoqda chakana savdoga chiqarilsa va (yoki) tovarni sotishda uning saqlanishini taʼminlaydigan birlamchi qadoqni tovarning isteʼmol xususiyatlarini buzmagan holda tovarni isteʼmol qilgunga qadar tovardan ajratib boʻlmaydigan (masalan, bankadagi kofe va h.k.) boʻlsa;

boshqa holatlarda deklaratsiyalanayotgan tovarning hech qanday qadoqsiz ogʻirligi.

Qadoqsiz (sochilgan, quyilgan, uyum holida) olib oʻtiladigan tovar uchun — tovarning umumiy ogʻirligi.

Tovarning netto ogʻirligi matematik qoidalariga koʻra verguldan keyingi uchta belgigacha yaxlitlanadi.

Agar tovarning umumiy ogʻirligi bir kilogrammdan kam boʻlsa, netto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, tovar vazni verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning BYDni 35-grafasida koʻrsatilgan ogʻirligi qayd etiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

29) 40-grafa. “Umumiy deklaratsiya/avvalgi hujjat”.

Yangi BYD rasmiylashtirilgan holatlarda toʻldiriladi (tashuvchi oʻzgarganda yoki tovarlar turkumi qayta shakllantirilganda).

Grafada quyidagilar koʻrsatiladi:

avvalgi hujjatning kodi — ushbu holatda “BYD”;

avvalgi BYDning roʻyxat raqami;

ushbu tovarning avvalgi BYD 32-grafasidagi tartib raqami;

avvalgi BYDning 32-grafasida koʻrsatilgan tovarning, rasmiylashtirilayotgan brutto vazni (kilogrammda);

avvalgi BYDning 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

https://neolex.uz/uz/laws/law-2924953