Budjet tizimi budjetlari daromadlarining kassa ijrosi toʻgʻrisidagi yoʻriqnomani tasdiqlash haqida (2771-son)
30.03.2016
Oʻzbekiston Respublikasi Moliya vazirligi Oʻzbekiston Respublikasi Davlat soliq qoʻmitasi Oʻzbekiston Respublikasi Davlat bojxona qoʻmitasining
Qarori
[Oʻzbekiston Respublikasi Adliya vazirligi tomonidan 2016-yil 30-martda 2771-son bilan davlat roʻyxatidan oʻtkazilgan]
Oʻzbekiston Respublikasining Budjet, Soliq va Bojxona kodekslari hamda Oʻzbekiston Respublikasi Prezidentining 2007-yil 28-fevraldagi PQ-594-son “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi qaroriga muvofiq Oʻzbekiston Respublikasi Moliya vazirligi, Davlat soliq qoʻmitasi va Davlat bojxona qoʻmitasi qaror qiladi:
1. Budjet tizimi budjetlari daromadlarining kassa ijrosi toʻgʻrisidagi yoʻriqnoma ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Moliya vaziri R. AZIMOV
Toshkent sh.,
2016-yil 24-mart,
20-son
Davlat soliq qoʻmitasi raisi B. PARPIYEV
Toshkent sh.,
2016-yil 24-mart,
2016-14-son
Davlat bojxona qoʻmitasi raisi Z. DUSANOV
Toshkent sh.,
2016-yil 24-mart,
01-02/8-10-son
Oʻzbekiston Respublikasi Moliya vazirligi, Davlat soliq qoʻmitasi va Davlat bojxona qoʻmitasining 2016-yil 24-martdagi 20, 2016-14, 01-02/8-10-sonli qaroriga ILOVA
Budjet tizimi budjetlari daromadlarining kassa ijrosi toʻgʻrisidagi
YOʻRIQNOMA
Ushbu Yoʻriqnoma Oʻzbekiston Respublikasining Budjet, Soliq va Bojxona kodekslari hamda Oʻzbekiston Respublikasi Prezidentining 2007-yil 28-fevraldagi PQ-594-sonli “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi qaroriga muvofiq budjet tizimi budjetlari daromadlarining kassa ijrosi tartibini belgilaydi.
1-bob. Umumiy qoidalar
1. Ushbu Yoʻriqnomada quyidagi asosiy tushunchalar qoʻllaniladi:
bojxona boji, soliqlar va yigʻimlarni undirish boʻyicha vakolatli organlar — qonunchilik hujjatlariga muvofiq bojxona boji, soliqlar, yigʻimlar, maʼmuriy jarimalar va moliyaviy sanksiyalarni (bundan buyon matnda toʻlovlar deb yuritiladi) undirilishini amalga oshiruvchi organlar;
ortiqcha toʻlangan soliq summasi (penya, jarima) — soliqning (penyaning, jarimaning) toʻlangan summasi bilan haqiqatda toʻlanishi lozim boʻlgan summasi oʻrtasidagi ijobiy farq. Soliqning (penyaning, jarimaning) ortiqcha toʻlangan summasi u ilgari hisobga olingan va (yoki) soliq toʻlovchiga qaytarilgan summalarni, shuningdek soliq boʻyicha kelgusi toʻlovlar hisobiga oʻtkaziladigan summalarni hisobga olgan holda uni hisob-kitob qilish sanasida aniqlanadi;
ortiqcha undirilgan soliq summasi — davlat soliq xizmati organining gʻayriqonuniy xatti-harakatlari natijasida ortiqcha toʻlangan soliq summasi;
xatolik bilan toʻlangan soliq (penya, jarima) summasi — soliq (penya, jarima) summasini toʻlagan shaxsni va (yoki) ushbu toʻlovning maqsadini qatʼiy aniqlash imkoniyatini bermaydigan toʻlov chogʻida xatolikka yoʻl qoʻyilgan soliq (penya, jarima) summasi. Qaysi soliqqa (penyaga, jarimaga) nisbatan uni toʻlagan shaxs soliq toʻlovchi deb hisoblanmaydigan shaxsdan yoki toʻlanishi lozim boʻlgan budjetdan boshqa budjetga kelib tushgan soliq (penya, jarima) summasi ham xatolik bilan toʻlangan deb eʼtirof etiladi;
Yagona gʻazna hisobvaragʻi (bundan buyon matnda YAGʻH deb yuritiladi) — Oʻzbekiston Respublikasi Iqtisodiyot va moliya vazirligi (bundan buyon matnda Iqtisodiyot va moliya vazirligi deb yuritiladi) tomonidan boshqariladigan, budjet tizimi budjetlarining daromadlari va boshqa tushumlari kiritiladigan hamda xarajatlari toʻlanadigan, Oʻzbekiston Respublikasi Markaziy bankida (bundan buyon matnda Markaziy bank deb yuritiladi) ochilgan maxsus bank hisobvaragʻi;
Oʻzbekiston Respublikasi Iqtisodiyot va moliya vazirligining axborot tizimi (bundan buyon matnda “OʻRIMV” AT deb yuritiladi) — budjet tizimi budjetlarining budjet jarayonini kompleks avtomatlashtirish, shu jumladan budjet tizimi budjetlari ijrosi bilan bogʻliq operatsiyalarni aks ettirish uchun moʻljallangan axborot tizimi;
daromadlar boʻyicha shaxsiy gʻazna hisobvaraqlari — budjet tizimi budjetlari daromadlarining gʻazna ijrosi jarayonida tegishli budjetlar daromadlarining tasdiqlangan miqdori, daromadlarning kassa tushumlari hajmi va tegishli budjetlarga va budjetlardan daromadlar turi va manbasi boʻyicha amalga oshirilgan qaytarish (hisobga olish) summalari boʻyicha maʼlumotlarni aks ettirish uchun moʻljallangan analitik hisob registrlari.
“UzASBO” DM — budjet tashkilotlari tomonidan budjet hisobi va hisobotining yuritilishini kompleks avtomatlashtirish uchun moʻljallangan dasturiy majmua.
2. Budjet tizimi budjetlari daromadlarining kassa ijrosi “OʻRIMV” ATda YAGʻHni qoʻllagan holda amalga oshiriladi.
3. Jismoniy va mulkchilik shaklidan qatʼi nazar, yuridik shaxslardan milliy valyutadagi toʻlovlar Oʻzbekiston Respublikasi banklari tomonidan qabul qilinadi va YAGʻHga oʻtkaziladi.
4. Budjet tizimi budjetlariga toʻlovlar tushumi boʻyicha operatsiyalar hisobini yuritish va keyinchalik ularni budjet tizimi budjetlari oʻrtasida taqsimlash uchun Iqtisodiyot va moliya vazirligi tomonidan “OʻRIMV” ATda har bir tuman, shahar uchun har bir toʻlov turi boʻyicha bojxona boji, soliqlar va yigʻimlarni undirish boʻyicha vakolatli organlar kesimida daromadlar boʻyicha shaxsiy gʻazna hisobvaraqlari ochiladi. Bunda daromadlar boʻyicha shaxsiy gʻazna hisobvaragʻiga oʻtkazilgan toʻlovlar, ushbu Yoʻriqnomaning 1-ilovasiga muvofiq Toʻlovlar turi tasnifidagi 08201 — 08203, 08301 — 08303 toʻlov kodlari bilan koʻrsatilgan toʻlovlardan tashqari, budjet tizimi budjetlari oʻrtasida taqsimlanguniga qadar budjet tizimi budjetlariga toʻlovlar kontingenti (bundan buyon matnda toʻlovlar kontingenti deb yuritiladi) hisoblanadi.
5. Budjet tizimi budjetlariga toʻlovlar toʻlovchilar tomonidan har bir toʻlov turi boʻyicha alohida toʻlov hujjatlari bilan toʻlanadi va tegishli daromadlar turlari boʻyicha tegishli shaxsiy gʻazna hisobvaraqlarida aks ettirilgan holda toʻliq YAGʻHga oʻtkaziladi.
6. Daromadlar boʻyicha shaxsiy gʻazna hisobvaraqlari “OʻRIMV” ATda ochilgan kundan boshlab, shuningdek kelgusida ularga oʻzgartirishlar kiritilgan hollarda hududiy iqtisodiyot va moliya organlari bir ish kuni mobaynida bojxona boji, soliqlar va yigʻimlarni undirish boʻyicha vakolatli organlarga bu haqda xabar beradi.
“OʻRIMV” AT bilan bojxona boji, soliqlar va yigʻimlarni undirish boʻyicha vakolatli organlar va Markaziy bank axborot tizimlari oʻrtasida idoralararo oʻzaro axborot almashinuvi yoʻlga qoʻyilganida daromadlar boʻyicha ochilgan shaxsiy gʻazna hisobvaraqlar va kelgusida ularning oʻzgarishi toʻgʻrisidagi maʼlumot (bundan buyon matnda daromadlar boʻyicha SHGʻH maʼlumotnomasi deb yuritiladi) “OʻRIMV” ATdan bojxona boji, soliqlar va yigʻimlarni undirish boʻyicha vakolatli organlar va Markaziy bank axborot tizimlariga avtomatik tarzda beriladi.
7. Banklar Markaziy bankning axborot tizimi orqali olingan daromadlar boʻyicha SHGʻH maʼlumotnomasi maʼlumotidan budjet tizimi budjetlari daromadlariga jismoniy va yuridik shaxslardan toʻlovlarni qabul qilishda foydalanadilar.
8. Bojxona boji, soliqlar va yigʻimlarni undirish boʻyicha vakolatli organlar toʻlovchilar eʼtiboriga hududiy iqtisodiyot va moliya organlaridan olingan maʼlumotni va unga kelgusi oʻzgarishlarni yetkazadi.
9. Kelib tushayotgan toʻlovlar Markaziy bankdan YAGʻHga toʻlovlar summasi kiritilganligi toʻgʻrisidagi maʼlumot kelib tushganidan soʻng “OʻRIMV” AT orqali avtomatik rejimda taqsimlanadi.
2-bob. Toʻlovlardan budjet tizimi budjetlariga ajratmalar meʼyorlari
10. Toʻlovlardan budjet tizimi budjetlariga ajratmalar meʼyorlari qonunchilik hujjatlariga muvofiq oʻrnatiladi.
11. Toʻlovlardan Oʻzbekiston Respublikasi respublika budjetiga, Qoraqalpogʻiston Respublikasi respublika budjetiga, viloyatlar va Toshkent shahri mahalliy budjetlariga, shuningdek, davlat maqsadli jamgʻarmalari (bundan buyon matnda DMJ deb yuritiladi) budjetlariga ajratmalar meʼyorlarining miqdorlari ular oʻrnatilganidan soʻng 3 ish kuni mobaynida Iqtisodiyot va moliya vazirligi tomonidan Qoraqalpogʻiston Respublikasi Vazirlar Kengashiga, viloyatlar va Toshkent shahri hokimliklariga, Qoraqalpogʻiston Respublikasi Iqtisodiyot va moliya vazirligiga, viloyatlar va Toshkent shahri hokimliklarining iqtisodiyot va moliya boshqarmalariga, Iqtisodiyot va moliya vazirligi huzuridagi Gʻaznachilik xizmati qoʻmitasiga, Qoraqalpogʻiston Respublikasi, viloyatlar va Toshkent shahri gʻaznachilik xizmati boshqarmalariga yetkaziladi.
12. Toʻlovlardan Qoraqalpogʻiston Respublikasi, viloyatlar va Toshkent shahrining tumanlar va shaharlar mahalliy budjetlariga oʻrnatilgan ajratmalar meʼyorlarining miqdorlari Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahri iqtisodiyot va moliya boshqarmalari tomonidan tegishli tuman va shahar hokimliklariga, tuman va shahar hokimliklari iqtisodiyot va moliya boʻlimlariga, tuman va shaharlar boʻyicha gʻaznachilik xizmati boʻlimlariga yetkaziladi.
13. Toʻlovlardan Oʻzbekiston Respublikasi respublika budjeti va DMJ budjetlariga ajratmalar meʼyorlari “OʻRIMV” ATga Iqtisodiyot va moliya vazirligi huzuridagi Gʻaznachilik xizmati qoʻmitasining vakolatli xodimlari tomonidan kiritiladi.
14. Toʻlovlardan Qoraqalpogʻiston Respublikasi respublika budjeti, viloyatlar viloyat budjetlari va Toshkent shahrining shahar budjeti, tumanlar va shaharlar mahalliy budjetlariga ajratmalar meʼyorlari “OʻRIMV” ATga mos ravishda Qoraqalpogʻiston Respublikasi, viloyatlar va Toshkent shahri boʻyicha gʻaznachilik xizmati boshqarmalarining vakolatli xodimlari tomonidan kiritiladi.
15. Moliya yili mobaynida oʻrnatilgan meʼyorlar oʻzgarsa yoki yangidan kiritilgan boshqa toʻlovlar boʻyicha ajratmalar meʼyori oʻrnatilsa, yangidan oʻrnatilgan ajratmalar meʼyorlari miqdorlari ular oʻrnatilganidan soʻng 3 ish kuni mobaynida ushbu Yoʻriqnomaning 11 va 12-bandlarida oʻrnatilgan tartibda tegishli manfaatdor organlarga yetkaziladi. Bunda yangidan oʻrnatilgan ajratmalar meʼyorlarining amal qilish sanasining boshlanishi majburiy tartibda koʻrsatiladi.
16. Toʻlovlardan budjet tizimi budjetlariga aniqlashtirilgan ajratmalar meʼyorlari ushbu Yoʻriqnomaning 13 va 14-bandlarida belgilangan tartibda “OʻRIMV” ATga kiritiladi.
3-bob. Toʻlovlar kontingentini “OʻRIMV” ATda aks ettirish orqali YAGʻHga kiritish va ortiqcha toʻlangan yoki undirilgan toʻlovlarni qaytarish
1-§. Toʻlovlar kontingentini YAGʻHga oʻtkazish, ularni “OʻRIMV” ATning “Tushumlarni boshqarish” modulida aks ettirish
17. Budjet tizimi budjetlari daromadlariga jismoniy (yuridik shaxs maqomiga ega boʻlmagan yakka tartibdagi tadbirkorlar va dehqon xoʻjaliklari) va yuridik shaxslar tomonidan toʻlanadigan toʻlovlar ushbu Yoʻriqnomaning 2-ilovasiga muvofiq shakldagi toʻlov topshiriqnomasiga asosan YAGʻHga oʻtkaziladi.
Sud va (yoki) davlat soliq xizmati organining qarorlariga asosan majburiy ijro byurosi tomonidan undirilgan soliq va yigʻimlar ushbu Yoʻriqnomaning 21-ilovasiga muvofiq shakldagi toʻlov topshiriqnomasiga asosan YAGʻHga oʻtkaziladi.
18. Toʻlovni amalga oshirish uchun toʻlov topshiriqnomasida toʻlovchi tomonidan:
“Daromad shaxsiy gʻazna hisobvaragʻi” grafasida – tegishli daromad shaxsiy gʻazna hisobvaragʻi;
“Toʻlov maqsadi” grafasida — ushbu Yoʻriqnomaning 1-ilovasiga muvofiq toʻlov turining kodi va toʻlov maqsadi koʻrsatiladi.
Bunda toʻlov maqsadida birinchi navbatda toʻlov turining kodi koʻrsatiladi.
19. Bank xodimlari toʻlovni amalga oshirish uchun toʻlovchilar tomonidan taqdim etilgan toʻlov topshiriqnomalarini qabul qilganlaridan soʻng, “Daromad shaxsiy gʻazna hisobvaragʻi” grafasida koʻrsatilgan daromadlar boʻyicha shaxsiy gʻazna hisobvaragʻi raqamini budjetga oʻtkazilayotgan toʻlovga muvofiqligini va toʻgʻriligini, “Toʻlov maqsadi” grafasida esa ushbu Yoʻriqnomaning 1-ilovasiga muvofiq koʻrsatilgan toʻlov turi kodining muvofiqligini tekshiradilar.
20. Toʻlovchilarning bank hisob raqamlaridan YAGʻHga kelib tushgan toʻlovlar kontingenti summalari “OʻRIMV” ATda tegishli daromadlar boʻyicha shaxsiy gʻazna hisobvaraqlarida, shuningdek “OʻRIMV” ATning “Tushumlarni boshqarish” modulida yuritiladigan Toʻlovlar kontingentini hisobga olish kitobida aks ettiriladi.
21. Bojxona toʻlovlari, ularni bojxona organlarining “OʻRIMV” ATda ochilgan depozit shaxsiy gʻazna hisobvaraqlarida aks ettirgan holda ushbu Yoʻriqnomaning 3-ilovasiga muvofiq shakldagi toʻlov topshiriqnomasiga asosan YAGʻHga oʻtkaziladi.
22. Bojxona toʻlovlarini bojxona organlarining depozit shaxsiy gʻazna hisobvaraqlaridan daromadlar boʻyicha tegishli shaxsiy gʻazna hisobvaragʻiga oʻtkazilishi bojxona organlari tomonidan ushbu Yoʻriqnomaning 4-ilovasiga muvofiq shakldagi tegishli gʻaznachilik xizmati boʻlimlariga taqdim etiladigan gʻazna memorial orderlariga asosan amalga oshiriladi.
23. “OʻRIMV” ATda daromadlar boʻyicha shaxsiy gʻazna hisobvaraqlarida va Toʻlovlar kontingentini hisobga olish kitobida kelib tushayotgan toʻlovlar kontingentining hisobi quyidagi talablarga rioya etgan holda yuritiladi:
kelib tushayotgan mablagʻlarni toʻlov turlari boʻyicha majburiy tartibda aks etish va guruhlash;
banklar tomonidan toʻlovchilarning bank hisob raqamlaridan YAGʻHga oʻtkazib berilayotgan har bir summani kelib tushish sanasini majburiy tartibda koʻrsatish;
har bir toʻlov turini hududiy belgisi va bojxona boji, soliqlar va yigʻimlarni undirish boʻyicha vakolatli organlar boʻyicha majburiy tartibda guruhlash;
kelib tushgan toʻlovlarni kunlar, oylar, choraklar va birinchi yarim yil, toʻqqiz oylik va yillik ortib boruvchi yakun bilan majburiy tartibda hisobini yuritish.
24. Daromadlar boʻyicha shaxsiy gʻazna hisobvaraqlari kelib tushgan toʻlovlar kontingentini tasdiqlangan meʼyorlarga muvofiq budjet tizimining tegishli budjetlari oʻrtasida amaliyot kuni mobaynida har soatda taqsimlash yoʻli bilan “nol” holatiga keltiriladi. Zarurat tugʻilganda kelib tushgan toʻlovlar kontingentini budjet tizimining tegishli budjetlari oʻrtasida taqsimlash real vaqt rejimida amalga oshirilishi mumkin.
25. Toʻlovlar kontingentini hisobga olish kitobi har bir moliya yili uchun alohida yuritiladi.
26. Maʼlum bir sabablarga koʻra tavsiflanishi va tegishli budjetga kiritilishi imkoniyati yoʻq boʻlgan toʻlovlar tushumi summalari, aniqlanmagan tushumlar sifatida idensifikatsiya qilinadi va YAGʻHga qaysi bank hisob raqamlaridan oʻtkazib berilgan boʻlsa, shu bank hisob raqamlariga gʻaznachilik xizmati boʻlimlari tomonidan 3 ish kuni mobaynida qaytariladi.
27. Aniqlanmagan tushumlar Toʻlovlar kontingentini hisobga olish kitobida hududiy mansubligi boʻyicha, yaʼni YAGʻHga mablagʻ oʻtkazilgan hisob raqami bankining joylashgan joyi koʻrsatilgan holda aks ettiriladi.
28. Budjet tashkilotlari tomonidan budjet va budjetdan tashqari mablagʻlari hamda budjet mablagʻlari oluvchilar tomonidan budjet mablagʻlari hisobidan toʻlanadigan toʻlovlar tegishli daromadlar boʻyicha shaxsiy gʻazna hisobvaraqlariga ushbu Yoʻriqnomaning 4-ilovasiga muvofiq shakldagi gʻazna memorial orderiga asosan oʻtkazib beriladi.
Bunda, budjet tashkilotlari va budjet mablagʻlari oluvchilarga toʻlovlarni toʻlashning ushbu Yoʻriqnomaning 18-bandida nazarda tutilgan tartibi qoʻllaniladi.
29. YAGʻHga toʻlovlar toʻgʻrisidagi maʼlumot Iqtisodiyot va moliya vazirligi tomonidan har kuni elektron shaklda “OʻRIMV” ATdan bojxona boji, soliqlar va yigʻimlarni undirish boʻyicha vakolatli organlarning axborot tizimlariga taqdim etiladi.
30. Toʻlovlar jismoniy shaxs tomonidan:
naqd pul mablagʻlari orqali amalga oshirilganida mablagʻlar toʻlovi ushbu Yoʻriqnomaning 5-ilovasiga muvofiq shakldagi toʻlov hujjatini rasmiylashtirish yoʻli bilan amalga oshiriladi. Toʻlov hujjati uch qismdan, eʼlon, kvitansiya va kirim orderidan iborat. Kirim orderi bank kuni hujjatlariga tikiladi, kvitansiya toʻlovni toʻlab bergan jismoniy shaxsga beriladi, eʼlon esa tegishli tuman (shahar) davlat soliq xizmati organi xodimlariga taqdim etiladi;
bank kartasi orqali amalga oshirilganida mablagʻlar toʻlovi ushbu Yoʻriqnomaning 6-ilovasiga muvofiq shakldagi toʻlov hujjatini rasmiylashtirish yoʻli bilan amalga oshiriladi;
oʻzining omonat hisobvaragʻidan tegishli daromad boʻyicha shaxsiy gʻazna hisobvaragʻiga amalga oshirilganida mablagʻlarni oʻtkazish Oʻzbekiston Respublikasida naqd pulsiz hisob-kitoblar toʻgʻrisidagi nizomga (roʻyxat raqami 3229, 2020-yil 13-aprel) muvofiq amalga oshiriladi. Bunda koʻrsatilgan toʻlov summasi bank tomonidan memorial order orqali, unda tegishli daromad turi boʻyicha shaxsiy gʻazna hisobvaragʻini koʻrsatgan holda YAGʻHga oʻtkaziladi.
2-§. Toʻlovlar summalarini qaytarish yoki hisobga olish
31. Toʻlovlar summalarini qaytarish yoki hisobga olish mazkur toʻlovlar ortiqcha, shu jumladan notoʻgʻri toʻlanganida bojxona boji, soliqlar va yigʻimlarni undirish boʻyicha vakolatli organlar tomonidan Oʻzbekiston Respublikasining Soliq va Bojxona kodekslarida hamda toʻlovlar summalarini qaytarish yoki hisobga olish masalalarini tartibga soluvchi boshqa normativ-huquqiy hujjatlarda belgilangan tartibda amalga oshiriladi. Agar yuqoridagi normativ-huquqiy hujjatlarda mazkur paragrafda nazarda tutilganidan boshqacha qoidalar belgilangan boʻlsa, ushbu normativ-huquqiy hujjatlar qoidalari qoʻllaniladi.
311. Davlat xizmatlari markazlari orqali xizmatlardan foydalanishda jismoniy va yuridik shaxslar tomonidan ortiqcha toʻlangan toʻlovlar, shuningdek, davlat xizmatini tezlashtirilgan tartibda koʻrsatish uchun qoʻshimcha toʻlangan yigʻimlar summasi (tezlashtirilgan tartibda koʻrsatilmagan taqdirda) Oʻzbekiston Respublikasi Adliya vazirligining (bundan buyon matnda Adliya vazirligi deb yuritiladi) Davlat xizmatlarini rivojlantirish jamgʻarmasi mablagʻlari hisobidan bir ish kuni ichida qaytariladi.
Bunda qaytarib berilgan mablagʻlar Adliya vazirligi tomonidan tegishli davlat xizmati uchun ochilgan daromad shaxsiy gʻazna hisobvaragʻidan joriy tushumlar hisobidan regress tartibida undirib olinadi. Mablagʻlarni undirib olish mazkur paragrafda belgilangan tartibda amalga oshiriladi.
312. Davlat xizmatlari markazlari, “Litsenziya” axborot tizimi hamda Yagona interaktiv davlat xizmatlari portali (bundan buyon matnda YIDXP deb yuritiladi) orqali koʻrsatilayotgan davlat xizmatlari qonunchilik hujjatlarida belgilangan muddatidan uch ish kunidan ortiq vaqtga kechiktirilganda, ariza beruvchilarning murojaatlariga asosan, xizmatdan foydalanish uchun toʻlangan davlat bojlari, yigʻimlar va boshqa har qanday toʻlovlarning 50 foizi ularga bir ish kunida Adliya vazirligining Davlat xizmatlarini rivojlantirish jamgʻarmasi mablagʻlari hisobidan qaytariladi.
Ariza beruvchiga qaytarilgan toʻlovlar Adliya vazirligi tomonidan davlat xizmatini koʻrsatish muddatini kechiktirgan davlat organi va tashkilotining budjetdan tashqari va boshqa mablagʻlari hisobidan (muddat bir nechta davlat organi va tashkiloti tomonidan kechiktirilganda davlat bojlari, yigʻimlar va boshqa har qanday toʻlovlarning ularga oʻtkazilgan ulushlaridan kelib chiqib hisoblangan miqdorlarda) yoki tegishli davlat xizmati uchun ochilgan daromad shaxsiy gʻazna hisobvaragʻiga joriy tushumlarning davlat organi va tashkilotiga tegishli qismi hisobidan soʻzsiz (akseptsiz) tartibda undiriladi.
Adliya vazirligi tomonidan pul mablagʻlarini qaytarish toʻgʻrisida qoʻyilgan talabnomadagi mablagʻni qaytarish uchun yetarli mablagʻi boʻlmaganda, vakolatli organning budjetdan tashqari va boshqa jamgʻarmasiga mablagʻ kelib tushganda birinchi navbatda soʻzsiz (akseptsiz) tartibda yechib olinadi.
Mablagʻlarni soʻzsiz (akseptsiz) tartibda undirish:
shaxsiy gʻazna hisobvaraqlaridan “OʻRIMV” ATda shakllantirilgan elektron toʻlov hujjatlari orqali;
vakolatli davlat organi va tashkilotlarining tijorat banklaridagi hisobvaraqlaridan Adliya vazirligi tomonidan qoʻyiladigan akseptsiz toʻlov talabnomalari orqali amalga oshiriladi.
32. Toʻlovlar jismoniy shaxs tomonidan naqd pul mablagʻlari orqali amalga oshirilganida qaytarish jismoniy shaxsning “20206-jismoniy shaxslarning talab qilib olinguncha depozitlari” hisobvaragʻiga, bank kartasi orqali amalga oshirilganida esa jismoniy shaxsning “231XX-jismoniy shaxslarning plastik kartalariga oʻtkazilishi lozim boʻlgan pul mablagʻlari boʻyicha tranzit hisobvaraqlari” hisobvaragʻiga amalga oshiriladi.
33. Oʻzbekiston Respublikasi Soliq kodeksining 104 va 105-moddalariga muvofiq soliq toʻlovchi tomonidan ariza taqdim etilishi zarur boʻlganda:
ortiqcha toʻlangan yoki undirilgan soliqlar summalarini hisobga olish toʻgʻrisidagi ariza mazkur Yoʻriqnomaning 7-ilovasidagi shaklga muvofiq taqdim etiladi;
ortiqcha toʻlangan yoki undirilgan soliqlar summalarini qaytarish toʻgʻrisidagi ariza mazkur Yoʻriqnomaning 8-ilovasidagi shaklga muvofiq taqdim etiladi;
Xatolik bilan toʻlangan soliq summalari, shuningdek penyalar va (yoki) jarimalar soliq toʻlovchiga uning yoxud bankning yoki Iqtisodiyot va moliya vazirligi huzuridagi Gʻaznachilik xizmati qoʻmitasining yozma murojaati asosida, agar xatolik ular tomonidan yoʻl qoʻyilgan boʻlsa, qaytariladi.
331. Muayyan maʼmuriy-hududiy birlik hududidagi davlat soliq xizmati organida hisobi yuritilayotgan soliq majburiyati boʻyicha ortiqcha toʻlangan soliqlar va yigʻimlar, boshqa maʼmuriy-hududiy birlik hududidagi davlat soliq xizmati organida hisobi yuritilayotgan soliq majburiyatini bajarish hisobiga hisobga olish mumkin emas.
332. Oʻzbekiston Respublikasi Soliq kodeksining 104 va 105-moddalariga muvofiq ortiqcha toʻlangan (ortiqcha undirilgan) yoki xatolik bilan toʻlangan soliq (penya, jarima) summalarini qaytarish yoki hisobga olish uchun davlat soliq xizmati organi axborot tizimida mablagʻlarni qaytarish yoki hisobga olish toʻgʻrisida elektron topshiriqnoma tayyorlaydi va elektron raqamli imzo bilan tasdiqlash orqali “OʻRIMV” ATga elektron tarzda yuboradi. Elektron topshiriqnoma tuzishning imkoniyati mavjud boʻlmagan hollarda, topshiriqnomalar davlat soliq xizmati organining yozma murojaatiga asosan tegishli gʻaznachilik xizmati boʻlimlariga qogʻoz shaklida yuborilishi mumkin.
Ortiqcha toʻlangan (ortiqcha undirilgan) yoki xatolik bilan toʻlangan soliq (penya, jarima) summalarini hisobga olish summasi bazaviy hisoblash miqdorining 20 barobaridan oshmagan hollarda, elektron topshiriqnomalar davlat soliq xizmati organlarining axborot tizimi orqali avtomatik shakllantirilishi va elektron raqamli imzo bilan tasdiqlanmasdan “OʻRIMV” ATga elektron tarzda yuborilishi mumkin hamda ushbu topshiriqnomalar “OʻRIMV” ATda inson omilisiz avtomatik ravishda maʼqullanadi va ijroga qabul qilinadi.
Elektron topshiriqnomada quyidagilar majburiy tarzda koʻrsatiladi:
topshiriqnoma raqami;
topshiriqnoma taqdim etuvchi davlat soliq xizmati organining nomi;
toʻlovchi yuridik shaxsning — nomi, STIR yoki toʻlovchi jismoniy shaxsning — F.I.O., STIR (JSHSHIR);
Tadbirkorlik subyektining barqarorlik reytingi toifasi;
ortiqcha toʻlangan soliq yoki toʻlov turi;
summasi;
toʻlovchining mablagʻlarni qaytarish toʻgʻrisidagi arizasiga havola qilingan holda, qaytarish yoki hisobga olishning aniq sabablari;
daromad shaxsiy gʻazna hisobvaragʻi;
oluvchining bank rekvizitlari;
elektron raqamli imzo bilan tasdiqlagan masʼul shaxs toʻgʻrisidagi maʼlumotlar.
Ortiqcha toʻlangan yoki ortiqcha undirilgan soliq summalarini qaytarish yoki hisobga olish toʻgʻrisidagi davlat soliq xizmati organining qarori ushbu Yoʻriqnomaning 10-ilovasiga muvofiq shaklda davlat soliq xizmati organi tomonidan soliq toʻlovchining tegishli arizasi olingan kundan eʼtiboran yoki agar birgalikda oʻzaro solishtirish oʻtkazilgan boʻlsa, davlat soliq xizmati organi soliq toʻlovchi bilan u toʻlagan soliqlarning birgalikdagi oʻzaro solishtirish dalolatnomasini imzolagan kundan eʼtiboran oʻn kun ichida rasmiylashtiriladi.
Ortiqcha toʻlangan yoki ortiqcha undirilgan soliq summalarini qaytarish yoki hisobga olish soliq toʻlovchining qaytarish yoki hisobga olish rekvizitlari toʻliq koʻrsatilgan arizasi hamda soliqlar va yigʻimlarni undirish boʻyicha vakolatli organning mazkur Yoʻriqnoma bilan belgilangan shakldagi qaroriga asosan mazkur vakolatli organ tomonidan tegishli gʻaznachilik xizmati boʻlimiga ushbu Yoʻriqnomaning 11-ilovasiga muvofiq shakldagi topshiriqnoma taqdim qilish yoʻli bilan amalga oshiriladi.
333. Davlat soliq xizmati organi axborot tizimidan “OʻRIMV” ATga elektron tarzda yuborilgan mablagʻlarni qaytarish yoki hisobga olish toʻgʻrisida elektron topshiriqnoma bir ish kuni mobaynida “OʻRIMV” ATda inson omilisiz avtomatik ravishda maʼqullanadi va ijroga qabul qilinadi.
334. Tuman (shahar) gʻaznachilik xizmati boʻlimlarida ortiqcha toʻlangan yoki ortiqcha undirilgan soliq summalarini qaytarish yoki hisobga olish uchun ijroga qabul qilingan topshiriqnomalar mazkur topshiriqnomani taqdim etgan vakolatli organning murojaatiga asosan qaytarilishi mumkin.
34. Soliqlardan tashqari ortiqcha toʻlangan summalarni qaytarish yoki hisobga olish toʻlovchining qaytarish yoki hisobga olish rekvizitlari toʻliq koʻrsatilgan arizasi hamda ushbu toʻlovlarni undirish boʻyicha vakolatli organning ushbu Yoʻriqnomaning 9-ilovasiga muvofiq shakldagi topshiriqnomasiga asosan mazkur vakolatli organ tomonidan tegishli gʻaznachilik xizmati boʻlimiga topshiriqnoma taqdim qilish yoʻli bilan amalga oshiriladi.
Bunda “UzASBO” DMga ulangan soliqlardan tashqari toʻlovlarni undirish boʻyicha vakolatli organlar mablagʻlarni qaytarish yoki hisobga olish uchun topshiriqnomani elektron raqamli imzo bilan imzolagan holda elektron ravishda “OʻRIMV” ATga yuborishlari mumkin hamda mazkur topshiriqnoma bir ish kuni mobaynida “OʻRIMV” ATda inson omilisiz avtomatik tarzda maʼqullanadi va ijroga qabul qilinadi.
Elektron topshiriqnomada quyidagilar albatta koʻrsatiladi:
topshiriqnoma raqami;
topshiriqnoma taqdim etuvchi organ nomi;
toʻlovchi yuridik shaxsning — nomi, STIR raqami yoki toʻlovchi jismoniy shaxsning — F.I.O., STIR (JSHSHIR);
ortiqcha toʻlangan toʻlov nomi;
summasi;
toʻlovchining mablagʻlarni qaytarish toʻgʻrisidagi arizasiga havola qilingan holda, qaytarish yoki hisobga olishning aniq sabablari;
daromad shaxsiy gʻazna hisobvaragʻi;
oluvchining bank rekvizitlari;
elektron raqamli imzo bilan tasdiqlagan masʼul shaxs toʻgʻrisidagi maʼlumotlar.
341. Soliqlardan tashqari ortiqcha toʻlovlar boʻyicha mablagʻlarni boshqa toʻlov turiga hisobga olish (oʻtkazish) faqat soliqlardan tashqari toʻlovlarni undirish boʻyicha vakolatli organ tomonidan undiriladigan toʻlovlar oʻrtasidagina amalga oshirilishi mumkin.
342. Maʼmuriy, iqtisodiy va fuqarolik ishlari boʻyicha sudlarning jismoniy va yuridik shaxslar tomonidan ortiqcha toʻlangan davlat bojini qaytarish boʻyicha sud qarori (ajrimi, buyrugʻi) mavjud boʻlganda, vakolatli organ tomonidan topshiriqnoma elektron raqamli imzo bilan imzolagan holda, elektron ravishda “OʻRIMV” ATga yuboriladi hamda mazkur topshiriqnoma bir ish kuni mobaynida “OʻRIMV” ATda inson omilisiz avtomatik tarzda maʼqullanadi va ijroga qabul qilinadi.
Elektron topshiriqnoma tuzishning imkoniyati mavjud boʻlmagan hollarda, topshiriqnomalar yoki sud qarori (ajrimi, buyrugʻi) vakolatli organning yozma murojaatiga asosan tegishli gʻaznachilik xizmati boʻlimlariga qogʻoz shaklida yuborilishi mumkin.
Bunda, gʻaznachilik xizmati boʻlimlari topshiriqnoma yoki sud qarori (ajrimi, buyrugʻi) qogʻoz shaklida taqdim qilinganidan soʻng, bir ish kuni mobaynida ushbu hujjatlarda koʻrsatilgan toʻlovchining rekvizitlari va summalarni “OʻRIMV” ATdagi maʼlumotlar bilan solishtiradilar. Barcha maʼlumotlar oʻzaro muvofiq boʻlganida taqdim etilgan topshiriqnoma yoki sud qarori (ajrimi, buyrugʻi) mablagʻlarni ularda koʻrsatilgan daromad shaxsiy gʻazna hisobvaragʻidan joriy tushumlar hisobidan qaytarish yoki hisobga olish uchun tegishli gʻaznachilik xizmati boʻlimlari tomonidan ijroga qabul qilinadi.
343. Davlat xizmatlari markazlari orqali xizmatlardan foydalanishda jismoniy va yuridik shaxslar tomonidan ortiqcha toʻlangan toʻlovlar, shuningdek, davlat xizmatini tezlashtirilgan tartibda koʻrsatish uchun qoʻshimcha toʻlangan yigʻimlar summasini (tezlashtirilgan tartibda koʻrsatilmagan taqdirda) qaytarish yuzasidan taqdim etilgan topshiriqnoma, mablagʻlarni dastlab Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻidan bir ish kuni ichida toʻlovchiga qaytarish, soʻng qaytarilgan mablagʻni regress tartibida topshiriqnomada koʻrsatilgan daromad shaxsiy gʻazna hisobvaragʻidan joriy tushumlar hisobidan Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga tiklash uchun tegishli gʻaznachilik xizmati boʻlimlari tomonidan ijroga qabul qilinadi.
35. Qaytarish yoki hisobga olish bank kuni davomida daromadlar boʻyicha tegishli shaxsiy gʻazna hisobvaragʻiga kelib tushgan toʻlovlar kontingenti summasi doirasida amalga oshiriladi. Bank kuni davomida daromadlar boʻyicha tegishli shaxsiy gʻazna hisobvaragʻiga kelib tushgan toʻlovlar summasi yetmaganda qaytarish yoki hisobga olish keyingi bank kunining tushumlari hisobidan amalga oshiriladi.
36. Ortiqcha toʻlangan bojxona toʻlovlarining qaytarilishi bojxona toʻgʻrisidagi qonunchilik hujjatlarida belgilangan tartibda amalga oshiriladi.
37. Agar 5 ish kuni mobaynida joriy tushumlarning yetishmasligi yoki mavjud boʻlmaganligi sababli qaytarish yoki hisobga olish imkoniyati boʻlmasa, ortiqcha toʻlangan yoki undirilgan mablagʻni qaytarish yoki hisobga olish tegishli budjetning shaxsiy gʻazna hisobvaragʻidan amalga oshirilishi mumkin.
Bunda, Tadbirkorlik subyektlarining barqarorlik reytingidagi “A” va undan yuqori toifadagi tadbirkorlik subyektlariga soliqlar boʻyicha (qoʻshilgan qiymat soligʻi bundan mustasno) mavjud ortiqcha toʻlov summasini qaytarish uch kun muddatda amalga oshiriladi.
Davlat xizmatlari markazlari orqali xizmatlardan foydalanishda jismoniy va yuridik shaxslar tomonidan ortiqcha toʻlangan toʻlovlarni, davlat xizmatini tezlashtirilgan tartibda koʻrsatish uchun qoʻshimcha toʻlangan yigʻimlarni (tezlashtirilgan tartibda koʻrsatilmagan taqdirda), shuningdek, Davlat xizmatlari markazlari, “Litsenziya” axborot tizimi hamda YIDXP orqali koʻrsatilayotgan davlat xizmatlari qonunchilik hujjatlarida belgilangan muddatidan uch ish kunidan ortiq vaqtga kechiktirilganda, xizmatdan foydalanish uchun toʻlangan davlat bojlari, yigʻimlar va boshqa har qanday toʻlovlarning 50 foizini qaytarishga mazkur bandning birinchi xatboshisida belgilangan muddat tatbiq etilmaydi.
371. Mazkur Yoʻriqnomaning 37-bandida belgilangan muddat oʻtganidan soʻng mablagʻni qaytarish yoki hisobga olish toʻgʻrisidagi elektron topshiriqnomani ijro etish “OʻRIMV” ATda avtomatik tarzda toʻxtatiladi va qaytarish yoki hisobga olish boʻyicha toʻlov hujjati shakllantirildi.
Bunda toʻlov hujjati tegishli daromad turi uchun qaytarish yoki hisobga olish toʻgʻrisidagi topshiriqnomalar tasdiqlangan davridagi belgilangan ajratmalar meʼyoriga mutanosib ravishda xar bir budjet uchun alohida shakllantiriladi.
372. Tegishli budjet mablagʻlaridan mablagʻlarni qaytarish yoki hisobga olish boʻyicha toʻlov hujjati “OʻRIMV” ATda inson omilisiz avtomatik tarzda maʼqullanadi va tasdiqlanadi.
373. Toʻlov hujjati tasdiqlanganidan soʻng “OʻRIMV” ATda avtomatik tarzda mablagʻlar tegishli budjetdan mavjud qoldiqlar doirasida qaytariladi.
374. Qaytarilgan va hisobga olingan mablagʻlar toʻgʻrisidagi maʼlumotlarni bojxona boji, soliqlar va yigʻimlarni undirish boʻyicha vakolatli organlar gʻaznachilik xizmati boʻlimlaridan oladi.
Bunda Oʻzbekiston Respublikasi Iqtisodiyot va moliya vazirligi va bojxona boji, soliqlar va yigʻimlarni undirish boʻyicha vakolatli organlar oʻrtasida elektron maʼlumot almashish tartibi mavjud boʻlganida maʼlumotlar bojxona boji, soliqlar va yigʻimlarni undirish boʻyicha vakolatli organlarga “OʻRIMV” ATdan elektron hujjat koʻrinishida yuboriladi va qogʻoz koʻrinishida taqdim etilmaydi.
375. Soliqlardan tashqari ortiqcha toʻlangan summalarini qaytarish mazkur Yoʻriqnomaning 37-bandiga muvofiq tegishli budjetning shaxsiy gʻazna hisobvaragʻidan amalga oshirilganida mablagʻning bojxona boji, soliqlar va yigʻimlarni undirish boʻyicha vakolatli organlarning tegishli jamgʻarmasiga oʻtkazilgan qismi mazkur jamgʻarmadan qaytariladi.
376. Agar 5 ish kun mobaynida mablagʻlar ortiqcha kelib tushgan daromad shaxsiy gʻazna hisobvaragʻiga joriy tushumlar kelib tushishi kutilmayotgan boʻlsa (asoslangan holda) soliqlar va yigʻimlarni undirish boʻyicha vakolatli organlar tomonidan taqdim etilgan topshiriqnomalar ijrosi istisno tariqasida, bir ish kuni mobaynida tegishli budjet mablagʻlari hisobidan amalga oshirilishi mumkin.
Bunda mablagʻlar mazkur Yoʻriqnomaning 371, 372 va 373-bandlarida belgilangan tartibda qaytariladi.
38. Ortiqcha toʻlangan yoki undirilgan va xatolik bilan toʻlangan toʻlovlarni tegishli budjetning shaxsiy gʻazna hisobvaragʻidan qaytarish yoki hisobga olishda qaytarilgan yoki hisobga olingan summalar xarajatlarda aks ettirilmaydi, Oʻzbekiston Respublikasi Davlat budjeti yoki DMJ daromadlari ortiqcha yoki notoʻgʻri toʻlangan (undirilgan) daromad turi boʻyicha qaytarish yoki hisobga olish summasiga kamaytiriladi.
39. Budjet tashkilotlarining joriy moliya yilida budjet yoki budjetdan tashqari mablagʻlari hisobiga toʻlangan toʻlovlari summasi budjet tashkilotining toʻlov amalga oshirilgan shaxsiy gʻazna hisobvaragʻiga qaytariladi. Bunda budjet tashkilotining tegishli shaxsiy gʻazna hisobvaragʻida joriy moliya yilining kassa xarajatlarining tiklanishi boʻyicha operatsiya aks ettiriladi.
40. Agar budjet tashkiloti tomonidan oʻtgan moliya yilida budjet mablagʻlari hisobiga toʻlangan toʻlov summasi qaytarilayotgan boʻlsa, u holda mablagʻlar budjetdan tashqari mablagʻlar boʻyicha (4004 mablagʻlar manbasi bilan) shaxsiy gʻazna hisobvaragʻiga, kelgusida qaytarilgan toʻlov summasini tegishli daromad shaxsiy gʻazna hisobvaragʻiga oʻtkazish hamda tushgan toʻlov summasini tegishli budjet daromadiga taqsimlash orqali qaytariladi.
41. Agar budjet tashkiloti tomonidan oʻtgan moliya yilida budjetdan tashqari mablagʻlar hisobiga toʻlangan toʻlov summasi qaytarilayotgan boʻlsa, u holda mablagʻlar budjet tashkilotining tegishli budjetdan tashqari shaxsiy gʻazna hisobvaragʻiga qaytariladi. Bunday holatda, qaytarilgan toʻlov summasi budjet tashkilotining joriy yildagi budjetdan tashqari jamgʻarmasi tushumi manbasi sifatida aks ettiriladi, budjet tashkilotining oʻtgan moliya yilidagi kassa xarajatlari esa tiklanmaydi.
42. Toʻlovchilarga toʻlovlar qaytarilganligi yoki hisobga olinganligini tasdiqlovchi toʻlov topshiriqnomasi, gʻazna memorial orderi va boshqa toʻlov hujjatlari har kuni elektron tarzda “OʻRIMV” ATdan bojxona boji, soliqlar va yigʻimlarni undirish boʻyicha vakolatli organlarning tegishli axborot tizimlariga taqdim etiladi.
3-§. Muddatida qaytarilmagan ortiqcha toʻlangan yoki ortiqcha undirilgan soliq summasiga foiz hisoblash va toʻlab berish tartibi
421. Ortiqcha toʻlangan soliq summasini soliq toʻlovchiga qaytarish Oʻzbekiston Respublikasining Soliq kodeksida belgilangan muddat buzilgan holda amalga oshirilsa, belgilangan muddatda qaytarilmagan summa uchun soliq toʻlovchiga qaytarish muddati buzilgan har bir kalendar kun uchun foizlar hisoblanadi.
422. Ortiqcha undirilgan soliq summasiga foizlar soliq toʻlovchi undan soliq ortiqcha undirilgani fakti oʻziga maʼlum boʻlgan kundan yoki sudning qarori qonuniy kuchga kirgan kundan eʼtiboran oʻttiz kun ichida murojaat etgan taqdirda hisoblanadi.
Foizlar undirilgan kundan keyingi kundan eʼtiboran haqiqiy hisobga olingan (qaytarilgan) kunga qadar hisoblanadi.
423. Foiz stavkasi Oʻzbekiston Respublikasi Markaziy bankining shu davrda amalda boʻlgan qayta moliyalashtirish stavkasiga teng etib qabul qilinadi.
424. Quyidagi hollarda foizlar hisoblanmaydi:
soliq toʻlovchining ortiqcha toʻlangan yoki undirilgan soliq summasini qaytarish toʻgʻrisida mazkur Yoʻriqnomaning 8-ilovasiga muvofiq shakldagi arizasi mavjud boʻlmaganda;
soliq toʻlovchi tomonidan undan soliq ortiqcha undirilganligi fakti oʻziga maʼlum boʻlgan kundan yoki sudning qarori qonuniy kuchga kirgan kundan eʼtiboran oʻttiz kun ichida murojaat kelib tushmasa;
ortiqcha toʻlangan yoki ortiqcha undirilgan soliq summasini hisobga olishni (qaytarishni) rad etish toʻgʻrisida davlat soliq xizmati organining qarori qabul qilinganda;
kameral soliq tekshiruvida soliq toʻlovchi tomonidan tegishli hujjatlar taqdim etilmaganligi oqibatida qoʻshimcha soliqlar hisoblanib undirib olinganda;
ortiqcha toʻlangan soliq summasi qoʻshilgan qiymat soligʻidan manfiy va nol darajali stavka boʻyicha hisobotlar natijasida hosil boʻlganda;
xatolik bilan toʻlangan soliq (penya, jarima) summasiga.
425. Muddatida qaytarilmagan ortiqcha toʻlangan yoki ortiqcha undirilgan soliq summasi soliq toʻlovchiga toʻliq qaytarilgan kundan eʼtiboran 3 kun ichida qaytarish muddati buzilgan summaga nisbatan foizlar hisoblash va toʻlab berish toʻgʻrisida mazkur Yoʻriqnomaning 12-ilovasiga muvofiq davlat soliq xizmati organining qarori qabul qilinadi.
426. Foizlarni hisoblash mazkur Yoʻriqnomaning 13-ilovasiga muvofiq amalga oshiriladi.
427. Soliqning ortiqcha toʻlangan summalarini hamda hisoblangan foizlarini hisobga olish yoki qaytarish milliy valyutada amalga oshiriladi.
428. Foizlar hisoblash va toʻlab berish toʻgʻrisida davlat soliq xizmati organining qarori qabul qilingan kundan eʼtiboran 2 ish kuni ichida tegishli budjetdan soliq toʻlovchining bank hisob raqamiga toʻlab beriladi. Bunda:
Oʻzbekiston Respublikasining respublika budjetiga oʻtkazilgan soliqlar boʻyicha — Oʻzbekiston Respublikasining respublika budjeti hisobidan;
Qoraqalpogʻiston Respublikasi respublika budjeti, viloyatlar va Toshkent shahri mahalliy budjetlari, tuman va shaharlar budjetlariga oʻtkazilgan soliqlar boʻyicha — tegishli mahalliy budjetlar hisobidan;
budjet tizimi budjetlari oʻrtasida taqsimlangan soliqlar boʻyicha — tegishli budjetlar hisobidan ularga ajratmalar meʼyoriga mutanosib ravishda amalga oshiriladi.
429. Agar hisoblangan foizlarni soliq toʻlovchiga toʻlab berish mobaynida soliq toʻlovchining shaxsiy hisobvaraqalarida qarzdorliklar yuzaga kelgan taqdirda, foizlarni toʻlab berish vaqtincha toʻxtatiladi.
4210. Hisoblangan foizlar summasi soliq toʻlovchining yozma arizasiga asosan soliq turlari boʻyicha soliq qarzlariga yoki kelgusi davr soliq toʻlovlari uchun hisobga olinishi mumkin.
4211. Hisoblangan va toʻlangan foizlarning hisobi soliq toʻlovchining shaxsiy hisobvaraqlari orqali yuritiladi.
4-bob. Oʻzbekiston Respublikasi Davlat budjeti va DMJ budjetlariga kelib tushgan toʻlovlardan ajratmalarni hisobga olish kitobini yuritish
43. Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjeti, Toshkent shahrining shahar budjeti, tuman va shahar budjetlari, DMJ budjetlariga ajratma qilingan toʻlovlar hisobini yuritish uchun “OʻRIMV” ATning “Daromadlarni boshqarish” modulida har yili Toʻlovlardan ajratmalarni hisobga olish kitobi yuritiladi.
44. Toʻlovlardan ajratmalarni hisobga olish kitobi Davlat budjeti hamda DMJ budjetlari tarkibiga kiruvchi har bir budjet uchun alohida ochiladi va yuritiladi.
45. Toʻlovlardan ajratmalarni hisobga olish kitobida toʻlovlar hisobi Oʻzbekiston Respublikasi Davlat budjeti daromadlarining budjet tasnifiga muvofiq yuritiladi.
46. Toʻlovlardan ajratmalarni hisobga olish kitobida YAGʻHga kelib tushgan, Toʻlovlar kontingentini hisobga olish kitobida aks ettirilgan, budjet tizimining tegishli budjetiga taalluqliligini aniqlash va budjet tizimi budjetlari oʻrtasida taqsimlash tartib-taomillaridan oʻtgan, shuningdek Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjeti, Toshkent shahrining shahar budjeti, tuman va shahar budjetlari, DMJ budjetlari shaxsiy gʻazna hisobvaraqlarida aks ettirilgan toʻlovlar summasi aks ettiriladi.
47. Toʻlovlardan ajratmalarni hisobga olish kitoblarida kelib tushgan toʻlovlarning hisobi toʻlovlar turi va budjet tizimi budjetlarining shaxsiy gʻazna hisobvaraqlariga oʻtkazilgan sanalari boʻyicha yuritiladi.
5-bob. Oʻzbekiston Respublikasi Davlat budjeti va DMJ budjetlarining daromad qismi ijrosi toʻgʻrisidagi hisobotlarni tuzish va hisobini yuritish
1-§. Toʻlovlar kontingenti tushumi hisobini yuritish va Oʻzbekiston Respublikasi Davlat budjeti va DMJ budjetlariga toʻlovlar kontingenti prognozining ijrosi toʻgʻrisidagi hisobotlarni tuzish
48. Toʻlovlar kontingentini hisobga olish kitobida jamlanadigan maʼlumotlar asosida “OʻRIMV” ATda:
tumanlar va shaharlar boʻyicha, shuningdek soliq toʻlovchilar kesimida Oʻzbekiston Respublikasi Davlat budjeti va DMJ budjetlariga toʻlovlar kontingenti tushumi toʻgʻrisida tezkor maʼlumot;
Oʻzbekiston Respublikasi, Qoraqalpogʻiston Respublikasi, viloyatlar va Toshkent shahri boʻyicha, shuningdek soliq toʻlovchilar kesimida toʻlovlar kontingenti tushumi toʻgʻrisida tezkor jamlanma maʼlumot;
Oʻzbekiston Respublikasi, Qoraqalpogʻiston Respublikasi, viloyatlar, Toshkent shahri, tumanlar va shaharlar boʻyicha Oʻzbekiston Respublikasi Davlat budjeti va DMJ budjetlariga toʻlovlar kontingenti tushumi toʻgʻrisida hisobot shakllantiriladi.
2-§. Daromadlar tushumi hisobini yuritish va Oʻzbekiston Respublikasi Davlat budjeti va DMJ budjetlari daromadlari ijrosi toʻgʻrisidagi hisobotlarni tuzish
54. “OʻRIMV” ATda:
Oʻzbekiston Respublikasi respublika budjetiga daromadlar tushumi toʻgʻrisida tezkor maʼlumot;
Qoraqalpogʻiston Respublikasi respublika budjeti, viloyatlarning viloyat budjeti, Toshkent shahrining shahar budjetiga daromadlar tushumi toʻgʻrisida tezkor maʼlumot;
tumanlar va shaharlar budjetlariga daromadlar tushumi toʻgʻrisida tezkor maʼlumot;
DMJ budjetlariga daromadlar tushumi toʻgʻrisida tezkor maʼlumot;
Qoraqalpogʻiston Respublikasi respublika budjeti, viloyatlarning viloyat budjeti, Toshkent shahrining shahar budjetiga daromadlar tushumi toʻgʻrisida jamlanma maʼlumot;
Oʻzbekiston Respublikasi Davlat budjetiga daromadlar tushumi toʻgʻrisida jamlanma maʼlumot;
Oʻzbekiston Respublikasi Davlat budjeti va DMJ budjetlariga daromadlar tushumi toʻgʻrisida jamlanma maʼlumot.
55. Ushbu Yoʻriqnomaning 54-bandida koʻrsatilgan maʼlumot asosida “OʻRIMV” ATda budjet tizimining tegishli budjetlariga daromadlar tushumi toʻgʻrisidagi hisobot shakllantiriladi.
56. Daromadlar tushumi toʻgʻrisidagi hisobot toʻlovlar turlari kesimida:
tumanlar va shaharlar budjetlari;
Qoraqalpogʻiston Respublikasi respublika budjeti, viloyatlarning viloyat budjeti, Toshkent shahrining shahar budjeti;
Oʻzbekiston Respublikasi respublika budjeti;
DMJ budjetlari boʻyicha shakllantiriladi.
57. Daromadlar tushumi toʻgʻrisidagi jamlanma hisobot toʻlovlar turlari kesimida:
Qoraqalpogʻiston Respublikasi respublika budjeti, viloyatlarning viloyat budjeti, Toshkent shahrining shahar budjeti;
Oʻzbekiston Respublikasi Davlat budjeti;
Oʻzbekiston Respublikasi Davlat budjeti va DMJ budjetlari boʻyicha shakllantiriladi.
6-bob. Toʻlovlar kontingenti tushishi va ulardan budjet tizimi budjetlariga ajratmalar ustidan nazorat, shuningdek yoʻl qoʻyilgan xatolarni toʻgʻrilash
1-§. Toʻlovlar kontingenti tushishi va ulardan budjet tizimi budjetlariga ajratmalar ustidan nazorat yuritish
58. Toʻlovlar kontingenti tushumi, shuningdek ulardan tegishli budjetlarga ushlanmalar toʻgʻrisidagi hisobot maʼlumotlarining ishonchliligi va bir xilligini taʼminlash maqsadida iqtisodiyot va moliya organlari, gʻaznachilik xizmati boʻlimlari, davlat soliq xizmati organlari, bojxona organlari oʻrtasida toʻlovlar kontingenti tushumi, shuningdek ulardan budjet tizimining tegishli budjetlariga ajratmalar toʻgʻrisidagi hisobot maʼlumotlarining majburiy ravishda taqqoslanishi oʻtkaziladi.
59. YAGʻHga toʻlovlar kontingenti kelib tushishi va budjet tizimi budjetlari oʻrtasida toʻlovlarni taqsimlash jarayoni ustidan nazorat gʻaznachilik xizmati boʻlimlari va hududiy iqtisodiyot va moliya organlari tomonidan amalga oshiriladi.
60. Kelib tushayotgan toʻlovlar kontingentini “OʻRIMV” ATda tegishli tuman, shahar xududiy kodlari bilan ochilgan daromadlar boʻyicha tegishli shaxsiy gʻazna hisobvaraqlarida aks ettirish, toʻlovlardan ajratmalar meʼyorlariga majburiy tartibda amal qilinishini taʼminlash, shuningdek kelib tushgan, qaytarilgan, hisobga olingan toʻlovlar toʻgʻrisidagi maʼlumotlarning ishonchliligi va birxilliligini taʼminlash, yoʻl qoʻyilgan kamchiliklarni aniqlash va ularni toʻgʻrilash boʻyicha choralar koʻrish nazoratning vazifasi hisoblanadi.
2-§. Yoʻl qoʻyilgan xatolarni toʻgʻrilash
62. YAGʻHga pul mablagʻlarini oʻtkazishda, shuningdek toʻlangan toʻlovlar summasidan budjet tizimi budjetlariga ajratishda yoʻl qoʻyilgan xatolar toʻgʻrilanishi shart.
63. Banklar tomonidan yoʻl qoʻyilgan xatolar banklar tomonidan gʻaznachilik xizmati boʻlimlari hamda bojxona boji, soliqlar va yigʻimlarni undirish boʻyicha vakolatli organlar bilan kelishilgan holda toʻgʻrilanadi.
64. Iqtisodiyot va moliya organlari tomonidan yoʻl qoʻyilgan xatolar iqtisodiyot va moliya organlari tomonidan gʻaznachilik xizmati boʻlimlari hamda bojxona boji, soliqlar va yigʻimlarni undirish boʻyicha vakolatli organlar bilan kelishilgan holda toʻgʻrilanadi.
65. Gʻaznachilik xizmati boʻlimlari tomonidan yoʻl qoʻyilgan xatolar gʻaznachilik xizmati boʻlimlari tomonidan iqtisodiyot va moliya organlari hamda bojxona boji, soliqlar va yigʻimlarni undirish boʻyicha vakolatli organlar bilan kelishilgan holda toʻgʻrilanadi.
651. Soliqlardan tashqari budjet tizimi budjetlariga ajratmalar meʼyorlari boʻyicha tegishli normativ-huquqiy hujjatlarga oʻzgartirish va qoʻshimchalar kiritilganda yangidan belgilangan ajratmalar meʼyorlari ushbu Yoʻriqnomaning 13 va 14-bandlarida belgilangan tartibda “OʻRIMV” ATga kiritilguniga qadar budjet tizimi budjetlariga amalga oshirilgan ajratmalar summasi boʻyicha yuzaga kelgan tafovut Iqtisodiyot va moliya vazirligi huzuridagi Gʻaznachilik xizmati qoʻmitasi tomonidan daromad turlari kesimida ortiqcha oʻtkazilgan summalarni budjet tizimi budjetlarining shaxsiy gʻazna hisobvaraqlaridan qayta hisob-kitob qilinadi va toʻgʻrilanadi.
7-bob. Yakuniy qoidalar
66. Ushbu Yoʻriqnoma talablari buzilishida aybdor boʻlgan shaxslar qonunchilik hujjatlariga muvofiq javob beradi.
67. Ushbu Yoʻriqnoma Oʻzbekiston Respublikasi Markaziy banki bilan kelishilgan.
Markaziy bank raisi F. MULLAJONOV
2016-yil 24-mart
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 1-ILOVA
Toʻlovlar turlari
TASNIFI
T/rToʻlov turiNomiTarkibiBudjetga toʻlovlar boʻyicha1.08101Soliqlar va yigʻimlar boʻyicha oldindan toʻlovSoliq boʻyicha majburiyatni muddatdan oldin ijrosi2.08102Hisob-kitobga muvofiq soliqlar va yigʻimlar Soliq hisoboti boʻyicha vujudga kelgan soliq majburiyati ijrosi, shuningdek yigʻimlar, maʼmuriy jarimalar va moliyaviy sanksiyalar3.08103Qayta hisoblashga asosan soliqlar va yigʻimlar toʻloviAniqlangan soliq hisoboti boʻyicha vujudga kelgan soliq majburiyati ijrosi4.08104Kameral tekshiruvga asosan soliqlar va yigʻimlar toʻlovi Kameral tekshiruv natijasida vujudga kelgan soliq majburiyati ijrosi5.08105Soliq tekshiruvi natijasida qoʻshimcha hisoblangan soliqlar toʻloviSoliq tekshiruvi natijasida vujudga kelgan soliq majburiyati ijrosi6.08106Huquqni muhofaza qiluvchi organlarning depozit hisob raqamlariga oʻtkazib berilgan qoʻshimcha hisoblangan soliqlar toʻloviTegishli huquqni muhofaza qiluvchi organlarning depozit hisob raqamlariga oʻtkazib berilgan qoʻshimcha hisoblangan soliq summasi hisobidan soliq majburiyati ijrosi7.08107Oʻzbekiston Respublikasi Bosh prokuraturasi huzurida Majburiy ijro byurosi tomonidan undirib olinadigan soliq toʻlovlari Oʻzbekiston Respublikasi Bosh prokuraturasi huzurida Majburiy ijro byurosi tomonidan undirib olingan soliq summasi hisobidan soliq boʻyicha majburiyatlari ijrosi 8.08108PenyalarSoliq toʻlovlari muddatlarini buzganligi uchun hisoblangan penya boʻyicha soliq majburiyatlari ijrosiBir martalik hisobga olish uchun budjetga toʻlovlar9.08201Bir martalik hisobga olish uchun budjetga asosiy toʻlov10.08202Bir martalik hisobga olish uchun budjetga toʻlov boʻyicha penya11.08203Bir martalik hisobga olish uchun budjetga toʻlov boʻyicha moliyaviy sanksiyaXoʻjalik yurituvchi subyektlar oʻrtasida bir martalik hisobga olish uchun budjetga toʻlovlar12.08301Xoʻjalik yurituvchi subyektlar oʻrtasida bir martalik hisobga olish uchun budjetga asosiy toʻlov13.08302Xoʻjalik yurituvchi subyektlar oʻrtasida bir martalik hisobga olish uchun budjetga toʻlov boʻyicha penya14.08303Xoʻjalik yurituvchi subyektlar oʻrtasida bir martalik hisobga olish uchun budjetga toʻlov boʻyicha moliyaviy sanksiya
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 2-ILOVA
(2-ilovaning matni Oʻzbekiston Respublikasi Iqtisodiyot va moliya vazirligining 2024-yil 8-oktabrdagi 180-son hamda Vazirlar Mahkamasi huzuridagi Soliq qoʻmitasining 2024-yil 25-sentabrdagi 2024-19-sonli qarori (roʻyxat raqami 2771-5, 11.11.2024-y.) tahririda — Qonunchilik maʼlumotlari milliy bazasi, 15.11.2024-y., 10/24/2771-5/0922-son)
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 21-ILOVA
(21-ilovaning matni Oʻzbekiston Respublikasi Iqtisodiyot va moliya vazirligining 2024-yil 8-oktabrdagi 180-son hamda Vazirlar Mahkamasi huzuridagi Soliq qoʻmitasining 2024-yil 25-sentabrdagi 2024-19-sonli qarori (roʻyxat raqami 2771-5, 11.11.2024-y.) tahririda — Qonunchilik maʼlumotlari milliy bazasi, 15.11.2024-y., 10/24/2771-5/0922-son)
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 3-ILOVA
(3-ilovaning matni Oʻzbekiston Respublikasi Iqtisodiyot va moliya vazirligining 2024-yil 8-oktabrdagi 180-son hamda Vazirlar Mahkamasi huzuridagi Soliq qoʻmitasining 2024-yil 25-sentabrdagi 2024-19-sonli qarori (roʻyxat raqami 2771-5, 11.11.2024-y.) tahririda — Qonunchilik maʼlumotlari milliy bazasi, 15.11.2024-y., 10/24/2771-5/0922-son)
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 4-ILOVA
(4-ilovaning matni Oʻzbekiston Respublikasi Iqtisodiyot va moliya vazirligining 2024-yil 8-oktabrdagi 180-son hamda Vazirlar Mahkamasi huzuridagi Soliq qoʻmitasining 2024-yil 25-sentabrdagi 2024-19-sonli qarori (roʻyxat raqami 2771-5, 11.11.2024-y.) tahririda — Qonunchilik maʼlumotlari milliy bazasi, 15.11.2024-y., 10/24/2771-5/0922-son)
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 5-ILOVA
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 6-ILOVA
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 7-ILOVA
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 8-ILOVA
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 9-ILOVA
(9-ilova Oʻzbekiston Respublikasi Iqtisodiyot va moliya vazirligining 2024-yil 8-oktabrdagi 180-son hamda Vazirlar Mahkamasi huzuridagi Soliq qoʻmitasining 2024-yil 25-sentabrdagi 2024-19-sonli qarori (roʻyxat raqami 2771-5, 11.11.2024-y.) tahririda — Qonunchilik maʼlumotlari milliy bazasi, 15.11.2024-y., 10/24/2771-5/0922-son)
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 10-ILOVA
(10-ilova Oʻzbekiston Respublikasi Iqtisodiyot va moliya vazirligining 2024-yil 8-oktabrdagi 180-son hamda Vazirlar Mahkamasi huzuridagi Soliq qoʻmitasining 2024-yil 25-sentabrdagi 2024-19-sonli qarori (roʻyxat raqami 2771-5, 11.11.2024-y.) tahririda — Qonunchilik maʼlumotlari milliy bazasi, 15.11.2024-y., 10/24/2771-5/0922-son)
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 11-ILOVA
(11-ilova Oʻzbekiston Respublikasi Moliya vazirligining 2021-yil 18-iyundagi 35-son, Davlat soliq qoʻmitasining 2021-yil 12-iyundagi 2021-26-son va Davlat bojxona qoʻmitasining 2021-yil 9-iyundagi 01-02/8-32-sonli qaroriga (roʻyxat raqami 2771-3, 26.06.2021-y.) asosan kiritilgan — Qonunchilik maʼlumotlari milliy bazasi, 26.06.2021-y., 10/21/2771-3/0611-son)
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 12-ILOVA
(12-ilova Oʻzbekiston Respublikasi Iqtisodiyot va moliya vazirligining 2024-yil 8-oktabrdagi 180-son hamda Vazirlar Mahkamasi huzuridagi Soliq qoʻmitasining 2024-yil 25-sentabrdagi 2024-19-sonli qarori (roʻyxat raqami 2771-5, 11.11.2024-y.) tahririda — Qonunchilik maʼlumotlari milliy bazasi, 15.11.2024-y., 10/24/2771-5/0922-son)
Budjet tizimi budjetlari daromadlarining kassa ijrosi toʻgʻrisidagi yoʻriqnomaga 13-ILOVA
Muddatida qaytarilmagan ortiqcha toʻlangan yoki undirilgan soliq summasiga foizlar hisoblash
tartibi
1. Muddatida qaytarilmagan ortiqcha toʻlangan soliq summasiga foizlar quyidagi formula asosida hisoblanadi:
Toʻlanadigan foiz summasi =
Bunda:
n — qaytarilishi talab qilingan ortiqcha toʻlangan soliqning qaytarish muddati kechiktirilgan kunlar soni;
i — qaytarilishi talab qilingan ortiqcha toʻlangan soliqning qaytarish muddatidan keyingi kunlarning tartib raqami;
Qi — i-kundagi qaytarilishi talab qilingan ortiqcha toʻlangan soliqning qaytarilmagan qismi;
MBQMSi — i-kundagi Oʻzbekiston Respublikasi Markaziy bankining qayta moliyalashtirish stavkasi, foizda.
2. Muddatida qaytarilmagan ortiqcha undirilgan soliq summasiga foizlar quyidagi formula asosida hisoblanadi:
Toʻlanadigan foiz summasi =
Bunda:
n — qaytarilishi talab qilingan ortiqcha undirilgan soliqning qaytarish muddati kechiktirilgan kunlar soni;
i — qaytarilishi talab qilingan ortiqcha undirilgan soliqning qaytarish muddatidan keyingi kunlarning tartib raqami;
OUi — i-kundagi qaytarilishi talab qilingan ortiqcha undirilgan soliqning qaytarilmagan qismi;
MBQMSi — i-kundagi Oʻzbekiston Respublikasi Markaziy bankining qayta moliyalashtirish stavkasi, foizda.