Eksport-import operatsiyalarini amalga oshirishda davlat bojxona xizmati organlariga taqdim etiladigan hujjatlar roʻyxatiga qoʻshimcha kiritish toʻgʻrisida (95-son)

29.03.2016

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Zamonaviy texnologiyalarni joriy etish asosida toʻqimachilik korxonalarini texnik va texnologik jihatdan qayta jihozlashga doir qoʻshimcha chora-tadbirlar toʻgʻrisida” 2016-yil 4-fevraldagi PQ-2485-son qarorining 2-bandiga muvofiq Vazirlar Mahkamasi qaror qiladi:

1. Vazirlar Mahkamasining 2015-yil 20-iyuldagi 197-son qarori (Oʻzbekiston Respublikasi QT, 2015-y., 7-son, 61-modda) bilan tasdiqlangan Eksport-import operatsiyalarini amalga oshirishda davlat bojxona xizmati organlariga taqdim etiladigan hujjatlar roʻyxatining II boʻlimiga quyidagi mazmundagi 5-band qoʻshilsin:

“5. Toʻqimachilik asbob-uskunalarining asosiy turlarini (TIF TN boʻyicha kodlari 8445, 8446, 8447) yetkazib berishga shartnomalar (kontraktlar) boʻyicha ularning zamonaviy texnologik talablarga va jahon narxlari darajasiga muvofiqligi yuzasidan Oʻzbekiston Respublikasi Vazirlar Mahkamasi huzuridagi Yangidan quriladigan va rekonstruksiya qilinadigan ishlab chiqarish quvvatlari loyihalarining texnik-iqtisodiy asoslanishini, texnika va texnologiyalarni ekspertizadan oʻtkazib baholash agentligining xulosasi”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 29-mart,

95-son