“Xorazm viloyatining Urganch shahri va Urganch tumani chegaralarini oʻzgartirish toʻgʻrisida”gi Oʻzbekiston Respublikasi Oliy Majlisi Qonunchilik palatasining Qarori haqida (902-II-son)

06.05.2014

Oʻzbekiston Respublikasi Oliy Majlisi Qonunchilik palatasining

qarori

Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasining 2013-yil 20-martda qabul qilingan “Xorazm viloyatining Urganch shahri va Urganch tumani chegaralarini oʻzgartirish toʻgʻrisida”gi 639-II-sonli Qarori oʻz kuchini yoʻqotgan deb topilsin.

2. Oʻzbekiston Respublikasi Vazirlar Mahkamasi tomonidan 2013-yil 20-fevralda kiritilgan “Urganch shahrining chegarasini tasdiqlash toʻgʻrisida”gi Oʻzbekiston Respublikasi Oliy Majlisi Qonunchilik palatasining qarori loyihasi qaytarilsin.

3. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri D. TOSHMUHAMEDOVA

Toshkent sh.,

2014-yil 6-may.

902-II-son