Tayyor mahsulotlar, butlovchi buyumlar va materiallar ishlab chiqarishni mahalliylashtirish dasturlariga tuzatishlar kiritish toʻgʻrisida (38-son)

12.02.2016

Oʻzbekiston Respublikasi Vazirlar Mahkamasining

Qarori

Mahalliy xomashyo resurslarini qayta ishlash negizida mahalliylashtirish darajasini chuqurlashtirish va tarmoqlararo sanoat kooperatsiyasini kengaytirishga, import oʻrnini bosishni va ichki bozorni toʻldirishni taʼminlashga, valyuta mablagʻlarini tejash va ulardan oqilona foydalanishga yoʻnaltirilgan loyihalarni qoʻllab-quvvatlash maqsadida Vazirlar Mahkamasi qaror qiladi:

1. Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturi amalga oshirilishini taʼminlash boʻyicha Maxsus idoralararo komissiyaning Oʻzbekiston Respublikasi Prezidentining 2014-yil 4-fevraldagi PQ-2120-son qarori bilan tasdiqlangan 2014 — 2016-yillarda tayyor mahsulotlar, butlovchi buyumlar va materiallar ishlab chiqarishni mahalliylashtirish dasturidan hamda Oʻzbekiston Respublikasi Prezidentining 2015-yil 11-fevraldagi PQ-2298-son qarori bilan tasdiqlangan 2015 — 2019-yillarda tayyor mahsulotlar, butlovchi buyumlar va materiallar ishlab chiqarishni mahalliylashtirish dasturidan mahalliylashtirishning bildirilgan darajasi bajarilmaganligi, mahalliy xomashyo resurslarini chuqur qayta ishlash va import oʻrnini bosish taʼminlanmaganligi, shuningdek ichki bozorning boshqa korxonalar tomonidan ishlab chiqarilayotgan oʻxshash mahsulotlar bilan toʻldirilmaganligi munosabati bilan mahalliylashtirish loyihalarini ilovaga muvofiq roʻyxatdan chiqarish toʻgʻrisidagi takliflari qabul qilinsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 12-fevral.

38-son

Vazirlar Mahkamasining 2016-yil 12-fevraldagi 38-son qaroriga ILOVA

Tayyor mahsulotlar, butlovchi buyumlar va materiallar ishlab chiqarishni mahalliylashtirish dasturlaridan chiqariladigan mahalliylashtirish loyihalari

ROʻYXATI