Oʻzbekiston Respublikasi Hukumati bilan Ukraina Hukumati oʻrtasida 1994-yil 29-dekabrda tuzilgan erkin savdo toʻgʻrisidagi Bitimga erkin savdo rejimidan istisnolar haqida

18.04.1997

Oʻzbekiston Respublikasi Hukumati bilan Ukraina Hukumati oʻrtasida 1994-yil 29-dekabrda tuzilgan erkin savdo toʻgʻrisidagi Bitimga erkin savdo rejimidan istisnolar haqida

Bayonnoma

Oʻzbekiston Respublikasi Hukumati va Ukraina Hukumati, keyingi oʻrinlarda “Tomonlar”, deb ataladi,

Oʻzbekiston Respublikasi Hukumati bilan Ukraina Hukumati oʻrtasida erkin savdo toʻgʻrisida 1994-yil 29-dekabrda tuzilgan Bitimning (keyingi oʻrinlarda Bitim deb ataladi) 1-moddasiga muvofiq,

quyidagilar toʻgʻrisida ahdlashdilar:

1-modda

Bitimning 4-moddasiga asosan tashqi iqtisodiy aloqalar sohasida davlat yoʻli bilan tartibga solishning xalqaro amaliyotda umumiy qabul qilingan chora-tadbirlarini bir tomonlama tartibda qoʻllashga boʻlgan huquqiga toʻsqinlik qilmay, Tomonlar ushbu Protokolga 1 va 2-ilovalarda koʻrsatilgan tovarlar nomenklaturasi boʻyicha erkin savdo rejimidan istisnolarni belgilaydilar.

2-modda

Ushbu Protokolga 1 va 2-ilovalarda koʻrsatilgan tovarlarga nisbatan Tomonlar bir-birlariga ekvivalent kuchga ega boʻlgan boj poshlinalari, soliqlar va yigʻimlarni qoʻllash masalasida erkin savdo rejimini hamda ushbu tovarlar eksporti va/yoki importiga miqdoriy cheklashlar masalasida eng koʻp qulaylik rejimini beradilar.

1 va 2-ilovalar rus tilidagi matnda berilgan.

Ushbu Protokol Bitimning ajralmas qismi hisoblanadi va buning uchun barcha zarur davlat ichki ish tartiblari bajarilgandan keyin kuchga kiradi. Ushbu Protokol Bitimning 1-moddasida nazarda tutilgan yangi protokol tuzilgungacha boʻlgan davr davomida amal qiladi.

Oʻzbekiston Respublikasi Hukumati bilan Ukraina Hukumati oʻrtasida erkin savdo toʻgʻrisida 1994-yil 29-dekabrda tuzilgan Bitimga erkin savdo rejimidan istisnolar toʻgʻrisida 1995-yil 18-fevraldagi Protokol ushbu Protokol kuchga kirgandan keyin amal qilishdan toʻxtatiladi.

Kiyev shahrida 1997-yil 18-aprelda oʻzbek, ukrain va rus tillarida ikki asl nusxada tuzildi, barcha matnlar bir xil kuchga ega. Ushbu Protokolning qoidalarini talqin qilishda rus tilidagi matn ustuvor kuchga ega boʻladi.

(imzolar)