Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomni tasdiqlash haqida (2760-son)

05.02.2016

Oʻzbekiston Respublikasi Davlat soliq qoʻmitasi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2016-yil 5-fevralda 2760-son bilan davlat roʻyxatidan oʻtkazilgan]

Oʻzbekiston Respublikasi Soliq kodeksining 336 va 341-moddalariga muvofiq Oʻzbekiston Respublikasi Davlat soliq qoʻmitasi va Moliya vazirligi qaror qiladi:

1. Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizom ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran kuchga kiradi.

Davlat soliq qoʻmitasi raisi B. PARPIYEV

Toshkent sh.,

2015-yil 31-dekabr,

2015-36-son

Moliya vaziri R. AZIMOV

Toshkent sh.,

2015-yil 31-dekabr,

113-son

Oʻzbekiston Respublikasi Davlat soliq qoʻmitasi va Moliya vazirligining 2015-yil 31-dekabrdagi 2015-36, 113-son qaroriga ILOVA

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi

NIZOM

Mazkur Nizom Oʻzbekiston Respublikasi Soliq kodeksining 336 va 341-moddalari hamda Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasiga muvofiq davlat bojini undiradigan davlat organlari va tashkilotlari tomonidan davlat boji boʻyicha tushumlarni hisobga olish tartibini belgilaydi.

1-bob. Umumiy qoidalar

1. Mazkur Nizom Oʻzbekiston Respublikasi diplomatik vakolatxonalari va konsullik muassasalari tomonidan chet elda undiriladigan konsullik yigʻimlariga tatbiq etilmaydi.

Qonun hujjatlariga muvofiq faoliyatning ayrim turlarini litsenziyalash boʻyicha komissiyaning ishchi organi funksiyasi alohida organga yuklatilgan boʻlsa, davlat boji boʻyicha tushumlarni hisobga olish shu ishchi organ tomonidan amalga oshiriladi.

2. Davlat bojini undiruvchi davlat organlari va tashkilotlari (bundan buyon matnda vakolatli organlar deb yuritiladi) davlat bojining toʻgʻri hisoblab chiqarilishini va toʻliq undirib olinishini taʼminlaydilar, shuningdek Oʻzbekiston Respublikasining Davlat budjetiga va vakolatli organlarning budjetdan tashqari jamgʻarmalariga oʻz vaqtida oʻtkazilishi ustidan nazoratni amalga oshiradilar.

2-bob. Davlat boji tushumlarining hisobini yuritish

3. Vakolatli organlar davlat boji tushumlarining hisobini elektron koʻrinishdagi davlat boji tushumlarini hisobga olish kitoblarida davlat boji va chet el valyutasi turlari boʻyicha alohida yuritadilar.

4. Davlat boji tushumlarini hisobga olish kitoblari har kuni ish kuni oxirigacha ularni yuritish yuklatilgan xodim tomonidan toʻldiriladi. Davlat bojining har bir tushumi alohida satrga kiritiladi. Davlat boji tushumlarini hisobga olish kitoblari tegishli hisobot yili yakunlangandan keyin besh yil saqlanadi.

5. Vakolatli organlar davlat boji tushumlarining hisobini milliy valyutada — mazkur Nizomning 1-ilovasiga muvofiq Milliy valyutadagi davlat boji tushumlarini hisobga olish kitobida, chet el valyutasida — mazkur Nizomning 2-ilovasiga muvofiq Chet el valyutasidagi davlat boji tushumlarini hisobga olish kitobida yuritadilar, bundan mazkur Nizomning 6-bandida koʻrsatilgan holatlar mustasno.

6. Avtomobil transportida yoʻlovchilarni va yuklarni shaharda, shahar atrofida, shaharlararo va xalqaro yoʻnalishlar boʻyicha tashish faoliyatini amalga oshirishni litsenziyalash yuzasidan davlat boji tushumlarini hisobga olish mazkur Nizomning 3-ilovasiga muvofiq shaklda yuritiladi.

Sudlar davlat boji tushumlarining hisobini milliy valyutada — mazkur Nizomning 4-ilovasiga muvofiq Sudga murojaat qilinganda milliy valyutada toʻlangan davlat boji tushumlarini hisobga olish kitobida, chet el valyutasida — mazkur Nizomning 5-ilovasiga muvofiq Sudga murojaat qilinganda chet el valyutasida toʻlangan davlat boji tushumlarini hisobga olish kitobida yuritadilar.

7. Davlat boji tushumlarini hisobga olish kitoblariga yozuvlar quyidagi tasdiqlovchi hujjatlar asosida kiritiladi:

davlat boji naqd pulda yoki bank plastik kartalaridan foydalangan holda toʻlanganda — bank tomonidan toʻlovchiga beriladigan belgilangan shakldagi kvitansiya yoki toʻlovni amalga oshirgan mansabdor shaxs yoxud vakolatli organning kassasi tomonidan toʻlovchiga beriladigan mazkur Nizomning 6-ilovasiga muvofiq shakldagi kvitansiya;

davlat boji naqd pulsiz shaklda toʻlanganda — bankning toʻlov ijro etilganligi toʻgʻrisidagi belgisi boʻlgan toʻlov topshiriqnomasi;

davlat boji chet el valyutasida naqd pulli va naqd pulsiz shaklda yoki bank plastik kartalaridan foydalangan holda toʻlanganda — vakolatli organlarning valyuta hisobvaragʻiga belgilangan tartibda kirim qilingan yoki kelib tushganligini tasdiqlovchi bank hujjati.

3-bob. Solishtirma dalolatnoma tuzish

8. Vakolatli organlar (Qoraqalpogʻiston Respublikasi fuqarolik va jinoyat ishlari boʻyicha oliy sudlari, fuqarolik va jinoyat ishlari boʻyicha viloyat va Toshkent shahar sudlari, fuqarolik ishlari boʻyicha tumanlararo, tuman (shahar) sudlari, jinoyat ishlari boʻyicha tuman (shahar) sudlaridan tashqari) davlat boji tushumlarini hisobga olish kitoblariga kiritilgan yozuvlar asosida ularga xizmat koʻrsatuvchi tijorat banklari filiallari va oʻzlari joylashgan yerdagi davlat soliq xizmati organlari bilan davlat boji tushumlarini solishtiradilar. Solishtirish hisobot yilidan keyingi oyning 10-sanasidan kechiktirmasdan bir yilda bir marta amalga oshiriladi. Solishtirish natijasi boʻyicha uch nusxada mazkur Nizomning 7 va 8-ilovalariga muvofiq shaklda solishtirma dalolatnoma tuziladi. Solishtirma dalolatnomaning birinchi nusxasi vakolatli organga, ikkinchi nusxasi — xizmat koʻrsatuvchi tijorat banki filialiga, uchinchi nusxasi — vakolatli organ joylashgan yerdagi davlat soliq xizmati organiga taqdim etiladi. Vakolatli organlar, davlat soliq xizmati organlari va xizmat koʻrsatuvchi tijorat banki filiallari solishtirma dalolatnomaga oʻzlarida mavjud boʻlgan maʼlumotlarni kiritadilar. Solishtirma dalolatnomaga unda aniqlangan tafovutlar boʻyicha izohlar ilova qilinishi mumkin.

Qoraqalpogʻiston Respublikasi fuqarolik va jinoyat ishlari boʻyicha oliy sudlari, fuqarolik va jinoyat ishlari boʻyicha viloyat va Toshkent shahar sudlari, fuqarolik ishlari boʻyicha tumanlararo, tuman (shahar) sudlari, jinoyat ishlari boʻyicha tuman (shahar) sudlari davlat boji tushumlarini hisobga olish kitoblarida koʻrsatilgan maʼlumotlarni davlat soliq xizmati organlariga mazkur bandning birinchi xatboshisida belgilangan muddatda taqdim etadilar. Davlat soliq xizmati organlari sudlar tomonidan taqdim etilgan maʼlumotlar asosida tegishli sudlar boʻyicha davlat boji tushumlarini xizmat koʻrsatuvchi tijorat banklari filiallari bilan solishtiradilar.

4-bob. Yakuniy qoidalar

9. Mazkur Nizom talablarining buzilishida aybdor boʻlgan shaxslar qonun hujjatlarida belgilangan tartibda javobgarlikka tortiladilar.

10. Mazkur Nizom talablariga rioya etilishi ustidan nazorat davlat soliq xizmati organlari tomonidan qonun hujjatlariga muvofiq amalga oshiriladi.

11. Ushbu Nizom Oʻzbekiston Respublikasi Oliy sudi, Oliy xoʻjalik sudi, Qishloq va suv xoʻjaligi vazirligi, Sogʻliqni saqlash vazirligi, Madaniyat va sport ishlari vazirligi, Ichki ishlar vazirligi, Tashqi ishlar vazirligi, Adliya vazirligi, Axborot texnologiyalari va kommunikatsiyalarini rivojlantirish vazirligi, Xususiylashtirish, monopoliyadan chiqarish va raqobatni rivojlantirish davlat qoʻmitasi, Davlat bojxona qoʻmitasi, Davlat arxitektura va qurilish qoʻmitasi, Yer resurslari, geodeziya, kartografiya va davlat kadastri boʻyicha davlat qoʻmitasi, Markaziy banki, Oʻzbekiston Matbuot va axborot agentligi, Oʻzbekiston avtomobil va daryo transporti agentligi, Oʻzbekiston Respublikasining Intellektual mulk agentligi, Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita, Davlat test markazi, Oʻzbekiston neft mahsulotlari va gazdan foydalanishni nazorat qilish davlat inspeksiyasi, Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi, Parvozlar xavfsizligini nazorat qilish davlat inspeksiyasi, Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi, “Oʻzbekkino” Milliy agentligi va “Oʻzbekturizm” Milliy kompaniyasi bilan kelishilgan.

Oliy sud raisi Sh. GAZIYEV

2015-yil 17-dekabr

Oliy xoʻjalik sudi raisi K. KAMILOV

2015-yil 14-dekabr

Qishloq va suv xoʻjaligi vaziri Sh. TEShAYEV

2015-yil 18-dekabr

Sogʻliqni saqlash vaziri A. ALIMOV

2015-yil 15-dekabr

Madaniyat va sport ishlari vaziri B. AXMEDOV

2015-yil 16-dekabr

Ichki ishlar vaziri A. AXMEDBAYEV

2015-yil 22-dekabr

Tashqi ishlar vaziri A. KOMILOV

2015-yil 21-dekabr

Adliya vaziri M. IKRAMOV

2015-yil 21-dekabr

Axborot texnologiyalari va kommunikatsiyalarini rivojlantirish vaziri X. MIRZAXIDOV

2015-yil 4-dekabr

Xususiylashtirish, monopoliyadan chiqarish va raqobatni rivojlantirish davlat qoʻmitasi raisi D. XIDOYATOV

2015-yil 15-dekabr

Davlat bojxona qoʻmitasi raisi Z. DUSANOV

2015-yil 28-dekabr

Davlat arxitektura va qurilish qoʻmitasi raisi B. ZOKIROV

2015-yil 18-dekabr

Yer resurslari, geodeziya, kartografiya va davlat kadastri boʻyicha davlat qoʻmitasi raisi S. ARABOV

2015-yil 21-dekabr

Markaziy bank raisi F. MULLAJONOV

2015-yil 4-dekabr

Oʻzbekiston Matbuot va axborot agentligi bosh direktori A. YUNUSOV

2015-yil 16-dekabr

Oʻzbekiston avtomobil va daryo transporti agentligi boshligʻi V. ISMAILOV

2015-yil 11-dekabr

Intellektual mulk agentligi bosh direktori oʻrinbosari M. BOBOJANOV

2015-yil 17-dekabr

Vazirlar Mahkamasi huzuridagi Din ishlari boʻyicha qoʻmita raisi O. YUSUPOV

2015-yil 17-dekabr

Vazirlar Mahkamasi huzuridagi Davlat test markazi direktori J. ISMAILOV

2015-yil 11-dekabr

Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasi boshligʻi L. AKBARXODJAYEV

2015-yil 24-dekabr

Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal -maishiy sektorda ishlarning bexatar olib borilishini nazorat qilish davlat inspeksiyasi boshligʻi B. GULYAMOV

2015-yil 21-dekabr

Parvozlar xavfsizligini nazorat qilish davlat inspeksiyasi boshligʻi T. ULJAYEV

2015-yil 9-dekabr

Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi boshligʻi R. IKRAMOV

2015-yil 18-dekabr

“Oʻzbekkino” Milliy agentligi bosh direktori v.v.b. A. UMAROV

2015-yil 14-dekabr

“Oʻzbekturizm” Milliy kompaniyasi raisi F. RIZAYEV

2015-yil 10-dekabr

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomga 1-ILOVA

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomga 2-ILOVA

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomga 3-ILOVA

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomga 4-ILOVA

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomga 5-ILOVA

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomga 6-ILOVA

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomga 7-ILOVA

Davlat bojini undiradigan davlat organlari va tashkilotlari tomonidan davlat boji tushumlarini hisobga olish tartibi toʻgʻrisidagi nizomga 8-ILOVA

(Oʻzbekiston Respublikasi qonun hujjatlari toʻplami, 2016-y., 5-son, 50-modda)