Oʻzbekiston Respublikasining Bojxona kodeksini tasdiqlash toʻgʻrisida (O‘RQ-400-son)

20.01.2016

Oʻzbekiston Respublikasining Qonuni

Qonunchilik palatasi tomonidan 2015-yil 17-noyabrda qabul qilingan Senat tomonidan 2015-yil 3-dekabrda maʼqullangan

1-modda. Oʻzbekiston Respublikasining Bojxona kodeksi tasdiqlansin.

2-modda. Oʻzbekiston Respublikasi Vazirlar Mahkamasi 2016 va 2017-yillar mobaynida:

Oʻzbekiston Respublikasi Bojxona kodeksi normalarining amal qilishi va samaradorligi muntazam ravishda hamda har tomonlama monitoring va tahlil qilinishini taʼminlasin;

zarur boʻlgan hollarda, Oʻzbekiston Respublikasi Bojxona kodeksining ayrim normalarini yanada takomillashtirishga qaratilgan takliflarni belgilangan tartibda kiritsin.

3-modda. Ushbu Qonun rasmiy eʼlon qilingan kundan eʼtiboran uch oy oʻtgach kuchga kiradi.

Oʻzbekiston Respublikasining Prezidenti I. KARIMOV

Toshkent sh.,

2016-yil 20-yanvar,

OʻRQ-400-son