Vazirlar Mahkamasining “Oʻzbekiston Respublikasi Oliy va oʻrta maxsus taʼlim vazirligi huzurida Taʼlim muassasalarida elektron taʼlimni joriy etish markazini tashkil etish toʻgʻrisida” 2012-yil 25-iyuldagi 228-son qaroriga qoʻshimcha va oʻzgartirishlar kiritish toʻgʻrisida (4-son)
06.01.2016
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Oʻzbekiston Respublikasining Milliy axborot-kommunikatsiya tizimini yanada rivojlantirish chora-tadbirlari toʻgʻrisida” 2013-yil 27-iyundagi PQ-1989-son qarorini bajarish yuzasidan, oliy taʼlim muassasalarida “Elektron taʼlim” milliy tarmogʻi faoliyatini takomillashtirish va boshqarish, shuningdek axborot-kommunikatsiya texnologiyalarini yanada faol joriy etish maqsadida Vazirlar Mahkamasi qaror qiladi:
1. Vazirlar Mahkamasining “Oʻzbekiston Respublikasi Oliy va oʻrta maxsus taʼlim vazirligi huzurida Taʼlim muassasalarida elektron taʼlimni joriy etish markazini tashkil etish toʻgʻrisida” 2012-yil 25-iyuldagi 228-son qaroriga ilovaga muvofiq qoʻshimcha va oʻzgartirishlar kiritilsin.
2. Oʻzbekiston Respublikasi Oliy va oʻrta maxsus taʼlim vazirligi manfaatdor vazirliklar va idoralar bilan birgalikda bir oy muddatda oʻz normativ-huquqiy hujjatlarini ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.Y. Xodiyev zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 6-yanvar,
4-son
Vazirlar Mahkamasining 2016-yil 6-yanvardagi 4-son qaroriga ILOVA
Vazirlar Mahkamasining “Oʻzbekiston Respublikasi Oliy va oʻrta maxsus taʼlim vazirligi huzurida Taʼlim muassasalarida elektron taʼlimni joriy etish markazini tashkil etish toʻgʻrisida” 2012-yil 25-iyuldagi 228-son qaroriga kiritilayotgan qoʻshimcha va oʻzgartirishlar
1. 2-bandga quyidagi mazmundagi xatboshilar qoʻshilsin:
“Taʼlim” axborot tizimlari majmuasining oliy taʼlim qismini ishlab chiqish, joriy etish va qoʻllab-quvvatlash;
Oʻzbekiston Respublikasi Oliy va oʻrta maxsus taʼlim vazirligining rasmiy veb-saytini takomillashtirish”.
2. 5-bandning uchinchi xatboshi quyidagi tahrirda bayon qilinsin:
“Markazni Oʻzbekiston Respublikasi Oliy va oʻrta maxsus taʼlim vazirligi huzuridagi Oliy taʼlim tizimi pedagog va rahbar kadrlarini qayta tayyorlash va ularning malakasini oshirishni tashkil etish bosh ilmiy-metodik markazining Toshkent shahri, Olmazor tumani, Ziyo koʻchasi, 3-uy manzilidagi binosiga ijara toʻlovisiz joylashtirsin”.
3. Ilovaning matni quyidagi tahrirda bayon qilinsin: