Oʻzbekiston avtomobil va daryo transporti agentligi faoliyatini takomillashtirishga doir qoʻshimcha chora-tadbirlar toʻgʻrisida (2-son)

05.01.2016

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining 2015-yil 4-avgustdagi PQ-2384-son qarorini bajarish yuzasidan, shuningdek avtomobil transportini safarbarlik vaziyatiga tayyorlashni yanada takomillashtirish maqsadida Vazirlar Mahkamasi qaror qiladi:

1. Oʻzbekiston avtomobil va daryo transporti agentligi markaziy apparatining yangilangan tuzilmasi 1-ilovaga muvofiq tasdiqlansin.

2. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 5-yanvar,

2-son

Vazirlar Mahkamasining 2016-yil 5-yanvardagi 2-son qaroriga 1-ILOVA

Oʻzbekiston avtomobil va daryo transporti agentligining markaziy apparati

TUZILMASI

Vazirlar Mahkamasining 2016-yil 5-yanvardagi 2-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar

1. Vazirlar Mahkamasining “Oʻzbekiston avtomobil va daryo transporti agentligi faoliyatini yanada takomillashtirish chora-tadbirlari toʻgʻrisida” 2004-yil 10-martdagi 118-son qarorida (Oʻzbekiston Respublikasi QT, 2004-y., 3-son, 27-modda):

3-bandning birinchi xatboshidagi “35 nafar” va “25 nafar” soʻzlari tegishli ravishda “37 nafar” va “27 nafar” soʻzlari bilan almashtirilsin;

1-ilovadagi “Oʻzbekiston avtomobilchisi” gazetasi tahririyati” bloki chiqarib tashlansin;

3-ilovaning 2-bandidagi “Oʻzbekiston avtomobilchisi” gazetasi tahririyati” soʻzlari chiqarib tashlansin;

2. Vazirlar Mahkamasining “Vazirlar Mahkamasining “Oʻzbekiston avtomobil va daryo transporti agentligi faoliyatini yanada takomillashtirish chora-tadbirlari toʻgʻrisida” 2004-yil 10-martdagi 118-son qaroriga oʻzgartirish va qoʻshimchalar kiritish haqida (Oʻzbekiston Respublikasi Prezidentining 2011-yil 8-sentabrdagi PQ-1615-son qarori)” 2011-yil 6-dekabrdagi 318-son qarorining 1-bandi va qarorga 1-ilova (Oʻzbekiston Respublikasi QT, 2011-y., 12-son, 93-modda) oʻz kuchini yoʻqotgan deb hisoblansin.