Tuman iqtisodiyoti tarmoqlari va ijtimoiy sohalarini 2015/2016-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida (381-son)

11.11.2015

Jizzax viloyati Yangiobod tumani hokimining

Qarori

Oʻzbekiston Respublikasi Prezidentining 2015-yil 7-iyuldagi “Respublika iqtisodiyoti tarmoqlari va ijtimoiy sohalarini 2015/2016-yillar kuz-qish davrida barqaror ishlashga kompleks tayyorlashni taʼminlash chora-tadbirlari toʻgʻrisida”gi PQ — 2367-son qarori va viloyat hokimining 2015-yil 29-avgustdagi 240-son qarori ijrosini taʼminlash hamda tumanda iqtisodiyot tarmoqlari va ijtimoiy sohalarini 2015/2016-yillar kuz-qish davrida barqaror ishlashga oʻz vaqtida va sifatli tayyorlash maqsadida, Oʻzbekiston Respublikasining “Mahalliy davlat hokimiyati toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) 6-moddasiga asosan qaror qilaman:

1. Oʻzbekiston Respublikasi Prezidentining 2015-yil 7-iyuldagi PQ — 2367-son qarori va viloyat hokimining 2015-yil 29-avgustdagi 240-son qarori ijro uchun qabul qilinsin.

2. Maʼlumot uchun qabul qilinsinki, tuman hokimining oʻrinbosarlari rahbarligida quyidagi yoʻnalishlar boʻyicha ishchi guruhlari tuzildi:

koʻp xonadonli uy-joy fondini kuz-qish mavsumiga tayyorlash, umumiy foydalanish hududlarini tartibga keltirish, mahallalar hududida sanitariya holatini taʼminlash, obodonlashtirish ishlarini tashkil etish va asosiy turdagi yoqilgʻi-energetika resurslarini oʻz vaqtida yetarli miqdorda yetkazib berish, elektr energiya va tabiiy gaz taʼminoti obyektlarida kuz-qish mavsumiga tayyorgarlik ishlarini tashkil etish boʻyicha ishchi guruhi (A. Eshpoʻlatov);

ijtimoiy soha obyektlarini kuz-qish mavsumida barqaror ishlashga tayyorlash, talab darajasidagi sanitariya holatini taʼminlash va obodonlashtirish ishlarini tashkil etish boʻyicha ishchi guruhi (D. Mamadazimov).

2015/2016-yillar kuz-qish davrida iqtisodiyot tarmoqlari, ijtimoiy soha obyektlari va uy-joy fondini barqaror faoliyat yuritishga tayyorlash uchun har bir ishchi guruhining aniq vazifalari belgilandi.

3. Quyidagilar:

tuman iqtisodiyoti tarmoqlarini 2015/2016-yillar kuz-qish davrida barqaror ishlashga tayyorlashni taʼminlash boʻyicha chora-tadbirlar 1-ilovaga muvofiq;

asosiy muhandislik kommunikatsiyalari va texnologik uskunalarni, shuningdek ijtimoiy soha obyektlarini hududlar boʻyicha 2015/2016-yillar kuz-qish davrida barqaror ishlashga tayyorlash hamda mukammal va joriy taʼmirlash topshiriqlari 2, 3 va 4-ilovalarga muvofiq;

2015/2016-yillar kuz-qish davri uchun koʻmir, mazut va texnik tuz jamgʻarish, shuningdek suyultirilgan gaz yetkazib berish boʻyicha topshiriqlar 5-ilovaga muvofiq;

tuman iqtisodiyoti tarmoqlarini 2015/2016-yillar kuz-qish davrida barqaror ishlashga tayyorlashni muvofiqlashtirish boʻyicha tuman komissiyasi tarkibi 6-ilovaga muvofiq tasdiqlansin.

4. Tuman komissiyasi:

kommunal soha tashkilotlari, qozonxonalar, koʻp xonadonli turar-joy binolari, taʼlim muassasalari, sogʻliqni saqlash muassasalari hamda boshqa ijtimoiy soha obyektlarini 2015/2016-yillar kuz-qish davrida barqaror ishlashga tayyorlash boʻyicha joylardagi ishlarning ahvolini tanqidiy oʻrganib chiqsin;

oʻrganib chiqish natijalari boʻyicha ushbu qaror bilan tasdiqlangan tadbirlarni amalga oshirish borasidagi tashkiliy chora-tadbirlar kompleksini, shuningdek tuman iqtisodiyoti tarmoqlari va ijtimoiy soha muassasalarini 2015/2016-yillar kuz-qish davrida barqaror ishlashga tayyorlash va taʼminlash boʻyicha topshiriqlarni oʻz vaqtida amalga oshirsin.

5. Tuman hokimining oʻrinbosarlari, davlat va xoʻjalik boshqaruvi organlari, shuningdek boshqa tashkilotlar rahbarlari zimmasiga 2015/2016-yillar kuz-qish davrida iqtisodiyot tarmoqlarining barqaror faoliyat yuritishini taʼminlashga yoʻnaltirilgan tadbirlar va ishlarning oʻz vaqtida va sifatli bajarilishi yuzasidan shaxsiy masʼuliyat yuklansin.

6. Tuman ishchi guruhi (A. Eshpoʻlatov, D. Mamadazimov) qishloq va mahalla fuqarolari yigʻinlari raislari bilan hamkorlikda aholi xonadonlariga koʻmir yoqilgʻisi va oʻtin bilan ishlaydigan qozonlarni oʻrnatish boʻyicha tushuntirish ishlarini olib borsin.

7. Tijorat banklari rahbarlariga – uy-joy fondini kuz-qish mavsumiga tayyorlash uchun kredit mablagʻlarini ajratish, ajratilgan kredit mablagʻlarining maqsadli ishlatilishi boʻyicha monitoring olib borish, hududlarga biriktirilgan bank xodimlari tomonidan joylarda aniqlangan kamchiliklarni bartaraf etishda amaliy yordam berish tavsiya etilsin.

8. Ushbu qaror rasmiy eʼlon qilingan kundan eʼtiboran kuchga kiradi.

9. Mazkur qarorning ijrosini nazorat qilish tuman hokimining oʻrinbosarlari A. Eshpoʻlatov va D. Mamadazimov zimmasiga yuklansin.

Hokim A. QOʻLDOShOV

Yangiobod sh.,

2015-yil 11-noyabr,

381-son

Tuman hokimining 2015-yil 11-noyabrdagi 381-sonli qaroriga 1-ILOVA

Tuman iqtisodiyoti tarmoqlarini 2015-2016-yillar kuz-qish davrida barqaror ishlashga tayyorlash boʻyicha

ChORA-TADBIRLAR

T/r Tadbirlar nomi Ijro muddati Ijro uchun masʼullar I. Iqtisodiyot tarmoqlarini 2015-2016-yillar kuz-qish davrida barqaror ishlashga tayyorlash boʻyicha tashkiliy tadbirlar 1. Tumandagi aholi punktlari, kommunal xoʻjaligi korxonalari, ishlab chiqarish va xizmat koʻrsatuvchi tashkilotlar, ijtimoiy soha muassasalarini, qozonxonalar va muhandislik tarmoqlarini taʼmirlashni amalga oshirgan holda 2015-2016-yillar kuz-qish mavsumiga uzluksiz ishlashini taʼminlash; Aholini suyultirilgan gaz (ovqat tayyorlash uchun), koʻmir (mazkur qarorning 5-ilovasi) hamda uzoq va borish qiyin boʻlgan aholi punktlarida yashovchi aholini muqobil ichimlik suvi (tashib keltiriladigan suvni qoʻshgan holda) manbalari bilan uzluksiz taʼmirlash boʻyicha (amalga oshiriladigan ishlar, bajarilishiga masʼullar, bajarish muddatlarini aniqlagan holda) chora-tadbirlar ishlab chiqish va tasdiqlatish. 10 kun muddatda Tuman hududidagi korxona va tashkilotlar 2. Oʻtgan isitish mavsumida yoʻl qoʻyilgan kamchiliklarni bartaraf etilishini taʼminlagan holda aholi va ijtimoiy soha obyektlarini elektr energiyasi, tabiiy gaz bilan kafolatli taʼminlash boʻyicha chora-tadbir ishlab chiqish. 10 kun muddatda “Yangiobodtumangaz” filiali (A.Nurmatov), “Yangiobod tuman elektr tarmoqlari korxonasi” (J.Isroilov) 3. 2015-2016-yillar kuz-qish davri uchun iqtisodiyot tarmoqlari va ijtimoiy soha obyektlarini tayyorlash bilan bogʻliq boʻlgan suyultirilgan gaz, koʻmir va koʻmir briketi va boshqa yuklarni uzluksiz tashib yetkazib berilishi boʻyicha chora-tadbir ishlab chiqish. 10 kun muddatda “Yangiobodtumangaz” filiali (A.Nurmatov), “Yangiobod tuman elektr tarmoqlari korxonasi” (J.Isroilov) “Jizzax hududiy koʻmir yetkazuvchi” UK Dashtabod filiali 4. Kuz-qish mavsumi davrida tabiiy gaz yetib borishi qiyin boʻlgan aholi punktlari roʻyxatini aniqlash va shu asosda ushbu hududlardagi aholi va ijtimoiy soha obyektlariga belgilangan resurs va taqsimot asosida (mazkur qarorning 5-ilovasi) koʻmir yetkazib berish grafigini tasdiqlash. 10 kun muddatda “Yangiobodtumangaz” filiali (A.Nurmatov), “Jizzax hududiy koʻmir yetkazuvchi” UK Dashtabod filiali 5. Aholi isteʼmolchilariga oyma-oy suyultirilgan gaz yetkazib berish boʻyicha grafiklar ishlab chiqish va tasdiqlatish. 10 kun muddatda “Yangiobodtumangaz” filiali (A.Nurmatov) 6. Aholini suyultirilgan gaz bilan taʼminlash boʻyicha infratuzilmani rivojlantirish. 2015-yil 1-oktabrga qadar “Yangiobodtumangaz” filiali (A.Nurmatov),) 7. Kuz-qish mavsumida energiya isteʼmolining maksimal kuchlanishli soatlari boʻyicha elektr energiyasi taʼminotini barqarorlashtirish boʻyicha chora-tadbirlar ishlab chiqish. 2015-yil 15-noyabrga qadar “Yangiobod tuman elektr tarmoqlari korxonasi” (J.Isroilov) 8. 2015-2016-yillar kuz-qish davrida elektr va tabiiy gaz tarmogʻidan oʻchirilmaydigan toifalangan va oʻta muhim obyektlar roʻyxatini ishlab chiqish va tasdiqlatish. 2015-yil 15-noyabrga qadar “Yangiobodtumangaz” filiali (A.Nurmatov), “Yangiobod tuman elektr tarmoqlari korxonasi” (J.Isroilov) 9. 2015-2016-yillar kuz-qish mavsumining keskin sovuq kunlari tabiiy gaz isteʼmoli qisqartiriladigan ulgurji isteʼmolchilar roʻyxatini ishlab chiqish va tasdiqlatish. 10 kun muddatda “Yangiobodtumangaz” filiali (A.Nurmatov) 10. Oʻtgan isitish davrida tabiiy gaz yetkazib berishda uzilishlar qayd etilgan aholi punktlarining roʻyxatini tuzish, chegaralarini aniqlash. 10 kun muddatda “Yangiobodtumangaz” filiali (A.Nurmatov), tuman xalq taʼlimi muassasalari faoliyatini metodik taʼminlash va tashkil etish boʻlimi (V.Xasanov), tuman tibbiyot birlashmasi (X.Sadiyev), Yangiobod agroiqtisodiyot kasb-hunar kolleji (U.Bekmurotov), Qishloq xoʻjaligi va xizmat koʻrsatish kasb-hunar kolleji (B.Ergashev) 11. Tabiiy gaz bilan kafolatli taʼminlanadigan hududlardagi isteʼmolchilarni tabiiy gaz taʼminotini yaxshilash va manzilli ishlatish uchun suyultirilgan gaz taʼminotiga oʻtkazilgan hududlardagi gaz tarmoqlari va gaz taqsimlash shaxobchalari (GTSh)ni kesib olish (demontaj) boʻyicha tuman hokimining qarorini tayyorlash. 10 kun muddatda “Yangiobodtumangaz” filiali (A.Nurmatov) II. 2015-2016-yillar kuz-qish davrida yoqilgʻi-energetika kompleksini barqaror ishlashini taʼminlash boʻyicha amalga oshiriladigan tadbirlar 12. Gaz yetkazib berish balans koʻrsatkichlarini hisobga olib ulgurji isteʼmolchilar va tuman aholisiga 2015-yil noyabr 2016-yil aprel oylari boʻyicha oyma-oy kelishilgan tabiiy gaz yetkazib berish jadvallari ishlab chiqish. 10 kun muddatda “Yangiobodtumangaz” filiali (A.Nurmatov) 13. Tabiiy gaz tanqisligi kutilayotgan aholi punktlarining tasdiqlangan roʻyxatiga asosan mazkur aholi punktlaridagi isteʼmolchilarning manzilli roʻyxatiga koʻra oyma-oy suyultirilgan gaz hajmlari ajratish va yetkazib berish. 2016-yil 1-martga qadar “Yangiobodtumangaz” filiali (A.Nurmatov) 14. Kuz-qish mavsumida qozonxonalarning uzluksiz ishlashini taʼminlash maqsadida tashkilotlar tomonidan (mazkur qarorning 5-ilovasiga muvofiq) zarur xajmlardagi suyuq va qattiq yoqilgʻi zaxirasini tashkil qilish. 2015-yil 15-noyabrga qadar “Yangiobodtumangaz” filiali (A.Nurmatov), “Jizzax hududiy koʻmir yetkazuvchi” UK (Shodiyev), korxona va tashkilotlar 15. Hududlardagi elektr tarmoqlarini mukammal taʼmirlanishini taʼminlash. 2015-yil 20-noyabrgacha “Yangiobod tuman elektr tarmoqlari korxonasi” (J.Isroilov) 16. Mavjud isitish qozonlari koʻmirga moslashtirilgan ijtimoiy soha obyektlarini va tabiiy gaz tanqisligi kutilayotgan hududlardagi ijtimoiy soha obyektlaridagi qozonlarni yangisiga almashtirish, qoʻshimcha koʻmir yoqilgʻisi bilan taʼminlash boʻyicha oyma-oy grafik ishlab chiqqan holda idoralararo manzilli dastur ishlab chiqish hamda belgilangan muddatda bajarilishini taʼminlash. 10 kun muddatda Tuman hokimligi iqtisodiyot boʻlimi (S.Poʻlatov), tuman moliya boʻlimi ( B.Normatov), tuman xalq taʼlimi muassasalari faoliyatini metodik taʼminlash va tashkil etish boʻlimi (V.Xasanov), tuman tibbiyot birlashmasi (X.Sadiyev), Yangiobod agroiqtisodiyot kasb-hunar kolleji (U.Bekmurotov), Qishloq xoʻjaligi va xizmat koʻrsatish kasb-hunar kolleji (B.Ergashev) 17. Hududlarda aholini suyultirilgan gaz va koʻmir yoqilgʻisi bilan taʼminlash masalalarini ommaviy axborot vositalari orqali yoritish va aholi oʻrtasida tushuntirish ishlarini faol olib borish. Har oyda, 10 sanasigacha “Yangiobod tongi” gazetasi (X.Xolboyev), QFY va MFY ra�slari III. 2015-2016-yillar kuz-qish davrida koʻp xonadonli uy-joy fondini barqaror faoliyatini taʼminlash boʻyicha amalga oshiriladigan tadbirlar 18. Tumandagi obodonlashtirish boshqarmasiga qarashli koʻcha va yoʻllarda qish mavsumida muzlik boʻlmasligining oldini olish uchun zarur boʻladigan material-texnik resurslar va jihozlar tayyorlash boʻyicha chora-tadbirlarni ishlab chiqish. 10 kun muddatda Tuman obodonlashtirish boshqarmasi (U.Barakayev) 19. Koʻp xonadonli uy-joy fondini texnik foydalanish meʼyorlari va qoidalariga koʻra uy-joy fondini texnik soz holatda saqlash: koʻp xonadonli u�lardagi qurilma va jixozlarning sozligi, yongʻin xavfsizligi hamda sanitar-texnik qoidalariga rioya qilinishi; koʻp xonadonli uy-joylarni muntazam koʻrikdan oʻtkazish va joriy taʼmirlash, nosozliklarni bartaraf etish va uy ichidagi jihozlardagi sodir boʻlishi mumkin boʻlgan avariyalarni bartaraf etish boʻyicha tashkiliy choralarni. Tasdiqlangan tarmoq jadvaliga koʻra Tuman obodonlashtirish boshqarmasi (U.Barakayev), tuman moliya boʻlimi ( B.Normatov), tuman davlat soliq inspeksiyasi (I.Musurmonov), tuman sanitariya epidemiologiya nazorat markazi (B.Shermatov), biriktirilgan korxona va tashkilotlar, ATB “Qishloqqurilishbank” Yangiobod filiali (U.Barakayev) 20. Tumandagi koʻp xonadonli uy-joylarda taʼmirlash ishlarini amalga oshirish uchun tijorat banklarining maqsadli va imtiyozli kredit mablagʻlarini ajratish choralarini ishlab chiqish. Shuningdek koʻp xonadonli uy-joy fondining tom qismini mukammal va joriy taʼmirlanishini taʼminlash. Koʻp xonadonli uylarni qish davrida foydalanish uchun rejalashtirilgan ish xajmlarini bajarish, yertoʻla va tom cherdaklarini tekshirishni tashkil qilish, muhandislik tarmoqlarining joylashuvi, yertoʻla va kirish eshiklarining yopilishini taʼminlash. 2015-yil 20-noyabrga qadar Tuman hokimligi iqtisodiyot boʻlimi (S.Poʻlatov), tuman moliya boʻlimi ( B.Normatov), biriktirilgan korxona va tashkilotlar, ATB “Qishloqqurilishbank” Yangiobod filiali (U.Barakayev) 21. Koʻp xonadonli uylar, bino va inshootlarning holatini yongʻin xavfsizligi texnik meʼyorlari asosida koʻrikdan oʻtkazish. 2015-yil 15-noyabrgacha Tuman IIB Yongʻin xavfsizligi guruhi (A.Xolmurodov), korxona va tashkilotlar IV. Aholi va isteʼmolchilarning issiqlik energiyasi bilan uzluksiz taʼminlash boʻyicha amalga oshiriladigan tadbirlar 22. Qozonxonalarni mukammal va joriy taʼmirlash (zarur hollarda eskirgan va iqtisodiy samarasiz qozonlarni almashtirish), bunda qozonlarning sertifikati mavjudligi va kuz-qish mavsumiga tayyorligi toʻgʻrisida dalolatnomalar mavjudligiga eʼtibor qaratish. 2015-yil 15-noyabrga qadar “Yangiobodtumangaz” filiali (A.Nurmatov), korxona va tashkilotlar 23. Nazorat qiluvchi organlar faoliyatini muvofiqlashtirish Kengashi bilan oldindan kelishilmagan holda tashkilotlardagi qozon jihozlarini foydalanishning texnik talablariga javob berish boʻyicha koʻrikdan oʻtkazish va talabga javob bermaydigan qozonlarni uzish ishlarini amalga oshirish. 10 kun muddatda “Yangiobodtumangaz” filiali (A.Nurmatov) 24. Mukammal va joriy taʼmirlanadigan qozonlar va issiqlik tarmoqlari, issiqlik tarmoqlarini izolatsiya qilish manzilli roʻyxatini “Sanoatgeokontexnazorat”, “Oʻzdavenergonazorat”, “Oʻzdavneftegazinspeksiya” viloyat boʻlimlariga taqdim qilinishini taʼminlash. 10 kun muddatda “Yangiobodtumangaz” filiali (A.Nurmatov), “Yangiobod tuman elektr tarmoqlari korxonasi” (J.Isroilov) V. Ijtimoiy soha obyektlarini kuz-qish davrida barqaror ishlashi boʻyicha amalga oshiriladigan tadbirlar 25. Ijtimoiy soha obyektlaridagi bino inshootlarda muhandislik tarmoqlari, shu jumladan xojatxonalarning sanitariya-gigiyena meʼyorlari talablariga javob berishi, qishloq joylardagi ijtimoiy tarmoqlarni zaruriy qurilish materiallari (ruberoid, bitum, shifer, oyna va boshqa) bilan korxonalarning smeta xarajatlarida belgilangan mablagʻlar hisobidan taʼmirlash boʻyicha zaruriy choralar koʻrish. 10 kun muddatda, soʻngra doimiy Tuman xalq taʼlimi muassasalari faoliyatini metodik taʼminlash va tashkil etish boʻlimi (V.Xasanov), tuman tibbiyot birlashmasi (X.Sadiyev), Yangiobod agroiqtisodiyot kasb hunar kolleji (U.Bekmurotov), Qishloq xoʻjaligi va xizmat koʻrsatish kasb hunar kolleji (B.Ergashev) VI. Tadbirlarning amalga oshirilishi monitoringi 26. Iqtisodiyot sohalarini 2015-2016-yillar kuz-qish davrida barqaror ishlashini taʼminlash boʻyicha belgilangan tadbirlarning bajarilishi, tayyorgarlik ishlarining borishini hududiy komissiyalar tomonidan muhokama qilish. Xar oyda Tuman hokimligi kapital qurilish, kommunikatsiyalar, kommunal xoʻjalik va obodonlashtirish masalalari majmui 27. Obyektlarni 2015-2016-yillar kuz-qish davrida barqaror ishlashini taʼminlash boʻyicha amalga oshirilayotgan ishlarni koʻrib chiqish va tuman komissiyasiga axborotlar taqdim etib borish. Har 10 kunda Tegishli korxona va tashkilotlar 28. Tuman iqtisodiyoti tarmoqlarini 2015-2016-yillar kuz-qish mavsumi davrida barqaror ishlashi bilan bogʻliq masalalarni ommaviy axborot vositalarida keng yoritib borish. Doimiy “Yangiobod tongi” gazetasi

Tuman hokimining 2015-yil 11-noyabrdagi 381-sonli qaroriga 2-ILOVA

Yangiobod tumani boʻyicha asosiy muhandislik kommunikatsiyalari va texnologik uskunalarni 2015-2016-yillar kuz-qish davrida barqaror ishlashga tayyorlash va mukammal taʼmirlash boʻyicha

TOPShIRIQ

T/r Tuman nomi Mukammal taʼmirlash Koʻp qavatli uy-joylar (dona) Qozonxonalar (dona) Qozonlar (dona) Issiqlik tarmoqlari (km) Ichimlik suvi tarmoqlari (km) Gaz tarmoqlari (km) Elektr tarmoqlari (km) Transformator podstansiyasi (dona) Jami tuman boʻyicha 1,0 7,0 1. Yangiobod tumani - - - - - - 1,0 7,0

Tuman hokimining 2015-yil 11-noyabrdagi 381-sonli qaroriga 3-ILOVA

Yangiobod tumani boʻyicha asosiy muhandislik kommunikatsiyalari va texnologik uskunalarni 2015-2016-yillar kuz-qish davrida barqaror ishlashga tayyorlash va joriy taʼmirlash boʻyicha

TOPShIRIQ

T/r Tuman nomi Joriy taʼmirlash Koʻp qavatli uy-joylar (dona) Qozonxonalar (dona) Qozonlar (dona) Issiqlik tarmoqlari (km) Issiqlik tarmoqlarini izolatsiya qilish (km) Ichimlik suvi tarmoqlari (km) Gaz taqsimlash punktlarini taftishdan oʻtkazish (dona) Elektr tarmoqlari (km) Transformator podstansiyasi (dona) Jami tuman boʻyicha 1,0 144,0 137,0 75,0 1. Yangiobod tumani - - - - - 1,0 144 137,0 75

Tuman hokimining 2015-yil 11-noyabrdagi 381-sonli qaroriga 4-ILOVA

Ijtimoiy soha obyektlarini hududlar boʻyicha 2015-2016-yillar kuz-qish davrida barqaror ishlashga tayyorlash hamda mukammal va joriy taʼmirlash boʻyicha

TOPShIRIQ

T/r Tuman nomi Mukammal taʼmirlash Joriy taʼmirlash Umum taʼlim maktablari (dona) Bolalar uyi va maxsus maktab internatlari (dona) Bolalar bogʻchalari (dona) Kasalxona va qishloq vrachlik punktlari (dona) Internat uylari “Muruvvat” va “Saxovat” reabilitatsiya markazi, sanatoriya, urush va mehnat faxriylari dam olish muassasalari (dona) Umum taʼlim maktablari (dona) Maktablardagi oynalarni almashtirish (kv.m.) Bolalar uyi va maxsus maktab internatlari (dona) Bolalar bogʻchalari (dona) Kasalxona va qishloq vrachlik punktlari (dona) Internat uylari “Muruvvat” va “Saxovat” reabilitatsiya markazi, sanatoriya, urush va mehnat faxriylari dam olish muassasalari (dona) Jami tuman boʻyicha - - - - - 2,0 110,0 - 1,0 1,0 - 1. Yangiobod tumani - - - - - 2 110,0 - 1 1 -

Tuman hokimining 2015-yil 11-noyabrdagi 381-sonli qaroriga 5-ILOVA

2015-2016-yillar kuz-qish davri uchun koʻmir, mazut va texnik tuz jamgʻarish, shuningdek suyultirilgan gazni hududlar boʻyicha yetkazib berish yuzasidan

TOPShIRIQ

T/r Tuman nomi Koʻmir (ming tonna) Aholiga suyultirilgan gaz yetkazib berish (tonna) Issiqlik ishlab chiqarish korxonalariga mazut yetkazib berish (ming tonna) Texnik tuz (tonna) Jami Koʻmir mahsulotini budjet tashkilotlariga “Hududiy koʻmir yetkazuvchi” UK orqali taʼminlash shu jumladan: Aholiga koʻmir mahsulotini “Hududiy koʻmir yetkazuvchi” UK orqali taʼminlash shu jumladan: Koʻmirni birja orqali olish “Qishloq qurilish invest” IK Xalq taʼlimi Sogʻliqni saqlash Kasb-hunar Koʻmirni yuklash Koʻmir briketi Jami tuman boʻyicha 1288,000 - 580,000 87,000 - 621,000 - - - - 138,0 - 5,00 1. Yangiobod tumani 1288,000 - 580,000 87,000 - 621,000 - - - - 138,0 - 5,0

Tuman hokimining 2015-yil 11-noyabrdagi 381-sonli qaroriga 6-ILOVA

Tuman iqtisodiyoti tarmoqlarini 2015-2016-yillar kuz-qish davrida barqaror ishlashga tayyorlashni muvofiqlashtirish boʻyicha tuman komissiyasi

TARKIBI

1. A. Qoʻldoshov Tuman hokimi, komissiya raisi 2. A. Eshpoʻlatov Tuman hokimining birinchi oʻrinbosari, komissiya raisining oʻrinbosari 3. D. Mamadazimov Tuman hokimining oʻrinbosari, komissiya raisining oʻrinbosari 4. S. Poʻlatov Tuman hokimligi iqtisodiyot boʻlimi boshligʻi 5. B. Normatov Tuman moliya boʻlimi boshligʻi 6. V. Xasanov Tuman XTMFMT va TE boʻlimi mudiri 7. X. Sadiyev Tuman tibbiyot birlashmasi bosh vrachi 8. U. Bekmurotov Yangiobod agroiqtisodiyot kasb-hunar kolleji direktori 9. B. Ergashev Qishloq xoʻjaligi va xizmat koʻrsatish kasb- hunar kolleji direktori 10. B. Shermatov Tuman Davlat sanitariya-epidemiologiya nazorat markazi bosh vrachi 11. A. Xolmurodov Tuman IIB Yongʻin xavfsizligi guruhi boshligʻi 12. A. Nurmatov “Yangiobodtumangaz” filiali boshligʻi 13. J. Isroilov “Yangiobod tuman elektr taʼminoti” korxonasi rahbari 14. U. Normaxmatov Tuman obodonlashtirish boshqarmasi boshligʻi 15. O. Turdiqulov Tuman hokimligi qurilish boʻlimi mutaxassisi, komissiya kotibi