Korxonalar (tashkilotlar)ga faoliyatning ayrim turlari bilan shugʻullanish huquqini beradigan maxsus ruxsatnomalar (litsenziyalar) berish tartibi toʻgʻrisidagi nizomga oʻzgartirish kiritish haqida (52-son)

24.01.2001

Oʻzbekiston Respublikasi Vazirlar Mahkamasining

qarori

“Advokatura toʻgʻrisida”gi Oʻzbekiston Respublikasi Qonuniga, Vazirlar Mahkamasining 1997-yil 13-martdagi 139-son qarori bilan tasdiqlangan, Advokatlik byurolari, hayʼatlari, firmalarini davlat roʻyxatidan oʻtkazish hamda Oʻzbekiston Respublikasi fuqarolariga advokatlik faoliyati bilan shugʻullanish huquqini beruvchi litsenziyalarni berish tartibi toʻgʻrisidagi nizomga muvofiq, shuningdek “Fuqarolar va yuridik shaxslarga huquqiy yordam koʻrsatish bilan bogʻliq ishlarni amalga oshirish” faoliyat turi Oʻzbekiston Respublikasining 1997-yil 30-avgustdagi Qonuni bilan mulkchilikning barcha shakllaridagi korxonalar (tashkilotlar) shu jumladan xorijiy va qoʻshma korxonalar (tashkilotlar) faqat maxsus ruxsatnoma (litsenziya) asosida shugʻullanishga haqli boʻlgan faoliyat turlari roʻyxatidan chiqarilganligi munosabati bilan Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining 1994-yil 19-apreldagi 215-son qarori (Oʻzbekiston Respublikasi QT., 1994-y., 4-son, 23-modda) bilan tasdiqlangan Korxonalar (tashkilotlar)ga faoliyatning ayrim turlari bilan shugʻullanish huquqini beradigan maxsus ruxsatnomalar (litsenziyalar) berish tartibi toʻgʻrisidagi nizomning 2-bandidan yigirma toʻqqizinchi xatboshi (“Fuqarolar va yuridik shaxslarga huquqiy yordam koʻrsatish bilan bogʻliq ishlarni amalga oshirish. Adliya vazirligi”) chiqarib tashlansin.

Oʻzbekiston Respublikasi Bosh vaziri Oʻ.SULTONOV

Toshkent sh.,

2001-yil 24-yanvar,

52-son