Oʻzbekiston Respublikasi Oliy Majlisi Qonunchilik palatasi deputatlarining saylov okruglardagi faoliyatini tashkil etish toʻgʻrisida (52/1-III-son)

18.02.2015

Oʻzbekiston Respublikasi Oliy Majlisi Qonunchilik palatasi Kengashining

qarori

Oʻzbekiston Respublikasi Oliy Majlisi Qonunchilik palatasi Reglamenti 62-moddasining sakkizinchi qismiga muvofiq noyabr, fevral va may oylarining toʻliq oxirgi haftasi deputatlarning saylov okruglarida saylovchilar bilan ish olib borishlari uchun moʻljallanadi.

2014-yil dekabr oyida Oʻzbekiston Respublikasi Oliy Majlisi Qonunchilik palatasiga oʻtkazilgan saylovlarda yangi saylangan deputatlarning saylov okruglaridagi faol ishtirokini, shuningdek hozirgi vaqtda joriy yilning birinchi choragida qabul qilinishi nazarda tutilgan Oʻzbekiston Respublikasi Oliy Majlisi Qonunchilik palatasining 2015-yilga va undan keyingi yillarga moʻljallangan tashkiliy-huquqiy tadbirlari, qonun ijodkorligi va nazorat-tahlil faoliyati dasturi loyihasini ishlab chiqish dolzarbligini eʼtiborga olgan holda, Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Deputatlarning 2015-yil fevral oyiga moʻljallangan saylov okruglaridagi uchrashuvlari Oʻzbekiston Respublikasi Oliy Majlisi Qonunchilik palatasi Kengashi tomonidan belgilanadigan kechroq muddatga koʻchirilsin.

2. Ushbu qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2015-yil 18-fevral,

52/1-III-son