2016-2020-yillarda gidroenergetikani rivojlantirish dasturi toʻgʻrisida (331-son)

16.11.2015

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining 2015-yil 5-maydagi “2015 — 2019-yillarda iqtisodiyot tarmoqlari va ijtimoiy sohaga energiya sarfini kamaytirish, energiya tejovchi texnologiyalarni joriy etish chora-tadbirlari dasturi toʻgʻrisida”gi PQ-2343-son qarori ijrosi yuzasidan respublika yoqilgʻi balansini yanada chuqur diversifikatsiya qilish, jahon amaliyotining ilgʻor yutuqlarini hisobga olgan holda zamonaviy energiya tejamkor texnologiyalardan foydalanish negizida gidroenergetikada mavjud yangi texnik va texnologik qayta jihozlash hamda yangi ishlab chiqarish quvvatlarini yaratish orqali uglevodorod resurslarini tejashni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Iqtisodiyot vazirligi, Qishloq va suv xoʻjaligi vazirligi va “Oʻzbekenergo” AJ tomonidan ishlab chiqilgan quyidagilarni nazarda tutuvchi 2016 — 2020-yillarda gidroenergetikani rivojlantirish dasturi maʼqullansin:

2016 — 2020-yillarda respublikaning tabiiy suv oqimlari va suv xoʻjaligi obyektlarida “Oʻzbekenergo” AJ tizimida yangi gidroelektrstansiyalar qurish va mavjudlarini modernizatsiya qilish, 1-ilovaga muvofiq;

2016 — 2020-yillarda respublikaning tabiiy suv oqimlari va suv xoʻjaligi obyektlarida Qishloq va suv xoʻjaligi vazirligi tizimida yangi gidroelektrstansiyalar qurish va mavjudlarini modernizatsiya qilish, 2-ilovaga muvofiq.

2. “Oʻzbekenergo” AJ va “Oʻzbekiston Respublikasi Qishloq va suv xoʻjaligi vazirligi rahbarlariga 2016 — 2020-yillarda gidroenergetikani rivojlantirish dasturi parametrlarining oʻz vaqtida va sifatli bajarilishi hamda zamonaviy resurslarni tejaydigan texnologik yechimlarni joriy etish sohasida jahon amaliyotining ilgʻor yutuqlarini hisobga olgan holda ilmiy va texnik asoslangan qidiruv ishlari asosida loyiha hujjatlari ishlab chiqilishini taʼminlash yuzasidan shaxsiy javobgarlik yuklansin.

4. Belgilansinki:

Oʻzbekiston Respublikasi Qishloq va suv xoʻjaligi vazirligining gidroelektrstansiyalarida ishlab chiqarilgan elektr energiyasini sotishdan tushgan mablagʻlar qayta investitsiyalash yoʻli bilan amaldagi gidroelektrstansiyalarni modernizatsiya qilish va yangilarini qurishga yoʻnaltiriladi;

Oʻzbekiston Respublikasi Qishloq va suv xoʻjaligi vazirligining gidroelektrstansiyalarida ishlab chiqariladigan elektr energiyasi uchun toʻlov “Oʻzsuvenergo” birlashmasi tizimi boʻyicha hisoblangan tarifda, lekin qoʻshilgan qiymat soligʻisiz isteʼmolchilar uchun yakuniy tarifning 75 foizidan koʻp boʻlmagan miqdorida amalga oshiriladi.

5. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi har yili Oʻzbekiston Respublikasining investitsiya dasturini shakllantirishda ushbu qaror bilan maʼqullangan dasturda nazarda tutilgan investitsiya loyihalarini belgilangan tartibda kiritsin.

6. Vazirliklar va idoralar bir oy muddatda oʻz normativ-huquqiy hujjatlarini mazkur qarorga asosan muvofiqlashtirsin.

7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari G.I. Ibragimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2015-yil 16-noyabr,

331-son

Vazirlar Mahkamasining 2015-yil 16-noyabrdagi 331-son qaroriga 1-ILOVA

2016 — 2020-yillarda respublikaning tabiiy suv oqimlari va suv xoʻjaligi obyektlarida “Oʻzbekenergo” AJ tizimida yangi gidroelektrstansiyalar qurish va mavjudlarini modernizatsiya qilish

* Loyihalarning yakuniy qiymati va moliyalashtirish manbalari loyihalarning dastlabki texnik-iqtisodiy asoslarini tasdiqlash va tender savdolarini oʻtkazish natijalariga koʻra aniqlanishi lozim.

Vazirlar Mahkamasining 2015-yil 16-noyabrdagi 331-son qaroriga 2-ILOVA

2016 — 2020-yillarda Qishloq va suv xoʻjaligi vazirligi tizimida respublikaning tabiiy suv oqimlari va suv xoʻjaligi obyektlarida yangi gidroelektr stansiyalarini qurish va mavjudlarini modernizatsiya qilish

* Loyihalarning yakuniy qiymati va moliyalashtirish manbalari loyihalarning dastlabki texnik-iqtisodiy asoslarini/texnik-iqtisodiy asoslarini tasdiqlash va tender savdolarini oʻtkazish natijalariga koʻra aniqlanishi lozim.