Oʻzbekiston Respublikasining 2002-yilgi Davlat budjeti toʻgʻrisida (305-II-son)

06.12.2001

Oʻzbekiston Respublikasi Oliy Majlisining

Qarori

Oʻzbekiston Respublikasi Vazirlar Mahkamasi tomonidan taqdim etilgan, uni muhokama qilish mobaynida Oliy Majlis deputatlari bildirgan taklif va mulohazalarni hisobga olgan holda maromiga yetkazilgan Oʻzbekiston Respublikasining 2002-yilgi Davlat budjeti loyihasini koʻrib chiqib, Oʻzbekiston Respublikasi Oliy Majlisi qaror qiladi:

1. Oʻzbekiston Respublikasining 2002-yilgi Davlat budjeti budjet taqchilligining eng yuqori darajasi (davlat maqsadli jamgʻarmalari bunga kirmaydi) yalpi ichki mahsulot hajmiga nisbatan 2,0 foiz miqdorida belgilangan holda maʼqullansin.

2. Oʻzbekiston Respublikasi Vazirlar Mahkamasi:

valyuta bozorini va tashqi iqtisodiy faoliyatni yanada erkinlashtirish sharoitida Aholining ijtimoiy himoyaga muhtoj qatlamlarini aniq yoʻnaltirilgan tarzda qoʻllab-quvvatlash dasturini, iqtisodiy oʻsish, tuzilmaviy oʻzgarishlarni ragʻbatlantirishga va ijtimoiy infratuzilmani rivojlantirishga qaratilgan investitsiya dasturini, mamlakatimiz mudofaa qobiliyatini va havfsizligini mustahkamlash chora-tadbirlarini amalga oshirishni taʼminlansin;

Davlat budjetini taqchilligini qoplash uchun davlat mol-mulkini xususiylashtirishdan, davlat xazina majburiyatlarini joylashtirishdan tushadigan daromadlar va boshqa inflatsiyaga taʼsir etmaydigan manbaalar, shuningdek Oʻzbekiston Respublikasi Markaziy banki kreditlari jalb qilinishini nazarda tutsin.

3. Mahalliy davlat hokimiyati organlari budjetga toʻlovlar toʻliq tushishini, xarajatlar mahalliy budjetlardan oʻz vaqtida moliyalashtirilishini va davlat mablagʻlaridan belgilangan maqsadda foydalanish ustidan jiddiy nazorat qilinishini taʼminlasinlar.

4. Oʻzbekiston Respublikasi Markaziy banki:

2002-yil 1-yanvar holatiga koʻra Davlat budjeti taqchilligini moliyalashtirishga beriladigan Markaziy bank kreditlarini Oʻzbekiston Respublikasi Hukumatining ichki qarzi hisobiga kiritilsin;

Moliya vazirligiga 2002-yilda Davlat budjeti taqchilligini moliyalashtirish uchun yalpi ichki mahsulot hajmiga nisbatan 0,5 foiz miqdorida kreditlar ajratsin.

Oʻzbekiston Respublikasi Oliy Majlisining Raisi E. XALILOV

Toshkent sh.,

2001-yil 6-dekabr,

305-II-son