Oʻzbekiston Respublikasining 2004-yilgi Davlat budjeti ijrosi toʻgʻrisida (65-I-son)

14.06.2005

Oʻzbekiston Respublikasi Oliy Majlisi Qonunchilik palatasining

Qarori

Oʻzbekiston Respublikasi Vazirlar Mahkamasi tomonidan taqdim etilgan Oʻzbekiston Respublikasining 2004-yilgi Davlat budjeti ijrosi toʻgʻrisidagi hisobotni koʻrib chiqib, Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasining 2004-yilgi Davlat budjeti ijrosi toʻgʻrisidagi hisobot tasdiqlansin.

Taʼkidlab oʻtilsinki, 2004-yilda Davlat budjeti yalpi ichki mahsulotga nisbatan Oʻzbekiston Respublikasi Oliy Majlisi tomonidan tasdiqlangan 1,0 foiz oʻrniga 0,4 foiz miqdorida taqchillik bilan ijro etildi.

2. 2004-yilda Davlat budjetining xarajatlari aholini ijtimoiy qoʻllab-quvvatlash, budjet mablagʻlari samaradorligi va maqbulligini taʼminlashga, ish haqi, pensiyalar, stipendiyalar va boshqa toʻlovlarni toʻliq va oʻz vaqtida moliyalashtirishga, iqtisodiyotni rivojlantirish va budjetlararo munosabatlarni takomillashtirishga qaratilgan investitsiyalash loyihalarini moliyaviy jihatdan qoʻllab-quvvatlashga yoʻnaltirilganligi maʼlumot uchun qabul qilinsin.

3. Ushbu qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri E. XALILOV

Toshkent sh.,

2005-yil 14-iyun,

65-I-son