Oʻzbekiston Respublikasi Oliy Majlisi Qonunchilik palatasida Kanada parlamentining Umum palatasi bilan parlamentlararo hamkorlik guruhini tashkil etish toʻgʻrisida (640-ΙΙ-son)

29.03.2013

Oʻzbekiston Respublikasi Oliy Majlisi Qonunchilik palatasi Kengashining

qarori

Oʻzbekiston Respublikasi va Kanada oʻrtasida parlamentlararo aloqalarni mustahkamlash, shuningdek qonun ijodkorligi sohasida tajriba almashish, ijtimoiy-siyosiy, savdo-iqtisodiy va gumanitar sohalarda oʻzaro samarali hamkorlikni chuqurlashtirishda ikki mamlakat parlamentlarining rolini oshirish maqsadida Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Oliy Majlisining Qonunchilik palatasida Kanada parlamentining Umum palatasi bilan parlamentlararo hamkorlik guruhi quyidagi tarkibda tashkil etilsin:

Mamatov Abdugʻofur Eshonqulovich — Fan, taʼlim, madaniyat va sport masalalari qoʻmitasi raisi (“Milliy tiklanish” DP fraksiyasi), guruh rahbari Rahimov Abdumannob Qoʻziyevich — Qonunchilik va sud-huquq masalalari qoʻmitasi raisi (OʻzXDP fraksiyasi) Aytjanova Nuriya Djalgasbayevna — Mehnat va ijtimoiy masalalar qoʻmitasi aʼzosi (Oʻzbekiston Ekologik harakati deputatlar guruhi) Akramov Alisher Xoldorboyevich — Agrar va suv xoʻjaligi masalalari qoʻmitasi aʼzosi (“Adolat” SDP fraksiyasi) Asqarov Ravshanjon Tursunboyevich — Xalqaro ishlar va parlamentlararo aloqalar qoʻmitasi aʼzosi (OʻzLiDeP fraksiyasi) Tursunov Muhammadjon Baxtiyorovich — Budjet va iqtisodiy islohotlar qoʻmitasi aʼzosi (OʻzLiDeP fraksiyasi) Xoliqova Dilbar Malikjonovna — Axborot va kommunikatsiya texnologiyalari masalalari qoʻmitasi aʼzosi (OʻzXDP fraksiyasi)

2. Ushbu qaror tegishli davlat organlariga maʼlumot uchun yuborilsin.

3. Ushbu qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri D. TOShMUHAMEDOVA

Toshkent sh.,

2013-yil 29-mart,

640-ΙΙ-son