“Oʻzkimyosanoat” davlat-aksiyadorlik kompaniyasi raisi Gʻ.I. Ibrohimovga “Oʻzkimyosanoat” davlat-aksiyadorlik kompaniyasining innovatsion faoliyati toʻgʻrisida” Oʻzbekiston Respublikasi Oliy Majlisi Qonunchilik palatasining parlament soʻrovi haqida (1079-I-son)

08.10.2009

Oʻzbekiston Respublikasi Oliy Majlisi Qonunchilik palatasining

Qarori

“Oʻzbekiston Respublikasi Oliy Majlisining Qonunchilik palatasi toʻgʻrisida”gi Oʻzbekiston Respublikasi Konstitutsiyaviy Qonunining 12-moddasiga muvofiq Oʻzbekiston Respublikasi Oliy Majlisining Qonunchilik palatasi qaror qiladi:

1. “Oʻzkimyosanoat” davlat-aksiyadorlik kompaniyasi raisi Gʻ.I. Ibrohimovga Oʻzbekiston Respublikasi Oliy Majlisi Qonunchilik palatasidagi Oʻzbekiston “Adolat” sotsial-demokratik partiyasi fraksiyasining aʼzolari A. Abdunazarov, Z. Botirova va X. Mamatov tomonidan kiritilgan “Oʻzkimyosanoat” davlat-aksiyadorlik kompaniyasining innovatsion faoliyati toʻgʻrisida” Oʻzbekiston Respublikasi Oliy Majlisi Qonunchilik palatasining parlament soʻrovi qabul qilinsin.

2. Ushbu qaror va koʻrsatilgan parlament soʻrovi “Oʻzkimyosanoat” davlat-aksiyadorlik kompaniyasi raisi Gʻ.I. Ibrohimovga yuborilsin.

3. Ushbu qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri D. TOSHMUHAMEDOVA

Toshkent sh.,

2009-yil 8-oktabr,

1079-I-son