“Muvofiqlikni baholash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida (292-son)

14.10.2015

Oʻzbekiston Respublikasi Vazirlar Mahkamasining

qarori

“Muvofiqlikni baholash toʻgʻrisida”gi Oʻzbekiston Respublikasi Qonunini amalga oshirishni davom ettirish maqsadida Vazirlar Mahkamasi qaror qiladi:

1. Quyidagilar

Oʻzbekiston Respublikasi tashqarisida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizom 2-ilovaga muvofiq tasdiqlansin.

2. “Oʻzstandart” agentligi belgilangan tartibda:

2014-yil 5-aprelgacha akkreditatsiya qilingan muvofiqlikni baholash organlari va metrologiya xizmatlari faoliyatini inspeksiya nazoratidan oʻtkazish natijalariga koʻra akkreditatsiya qilish toʻgʻrisidagi guvohnomani tasdiqlash haqida qaror qabul qilishda yangi guvohnomalar ularni tasdiqlash toʻgʻrisida qaror qabul qilingan sanadan boshlab rasmiylashtirilishini;

muvofiqlikni baholash sohasi xodimi sifatida qatnashishga talabgor boʻlgan mutaxassislarni sertifikatlash tartibi toʻgʻrisidagi nizomning ikki oy muddatda ishlab chiqilishini va Oʻzbekiston Respublikasi Adliya vazirligida roʻyxatdan oʻtkazilishini;

manfaatdor vazirliklar va idoralar bilan birgalikda oʻzlarining idoraviy normativ-huquqiy hujjatlarini bir oy muddatda ushbu qarorga muvofiqlashtirilishini taʼminlasin.

3. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2015-yil 14-oktabr,

292-son

Vazirlar Mahkamasining 2015-yil 14-oktabrdagi 292-son qaroriga 2-ILOVA

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisida

NIZOM

I bob. Umumiy qoidalar

1. Ushbu Nizom Oʻzbekiston Respublikasidan tashqarida amalga oshirilgan hamda xorijiy mamlakatlarning muvofiqlikni baholash organlari tomonidan berilgan muvofiqlik sertifikatlarini, muvofiqlik toʻgʻrisidagi deklaratsiyalarni, sinovlar protokollarini va metrologiya tekshiruvi natijalarini (turini tasdiqlash, tekshirish, metrologik attestatsiyadan oʻtkazish va oʻlchash maqsadidagi sinovlar natijalarini), oʻlchash vositalarini, sinov vositalarini, moddalar va materiallarning tarkibi va xossalarining standart namunalarini (keyingi oʻrinlarda standart namunalar deb ataladi), shuningdek oʻlchashlarni bajarish uslubiyotlarini eʼtirof etish tartibini belgilaydi.

2. Ushbu Nizom Oʻzbekiston Respublikasiga import qilinadigan mahsulotlar, oʻlchash vositalari, sinov vositalari va standartlar namunalariga, shuningdek metrologiya tekshiruvini tatbiq etish sohasida qoʻllash mumkin boʻlgan oʻlchashlarni bajarish uslubiyotiga tatbiq etiladi.

3. Muvofiqlik sertifikatlarini, muvofiqlik toʻgʻrisidagi deklaratsiyalarni, sinov protokollarini va metrologik nazorat natijalarini eʼtirof etish import qiluvchilar uchun qulay sharoitlar yaratish, tadbirkorlikni rivojlantirish va savdodagi texnik toʻsiqlarni bartaraf etish maqsadida amalga oshiriladi.

4. Muvofiqlik sertifikatlarini, muvofiqlik toʻgʻrisidagi deklaratsiyalarni va sinov protokollarini eʼtirof etishni akkreditatsiya qilingan sertifikatlashtirish organlari (keyingi oʻrinlarda sertifikatlashtirish organlari deb ataladi) belgilangan tartibda amalga oshiradi.

5. Oʻzbekiston Respublikasidan tashqarida oʻtkazilgan metrologik nazorat natijalarini eʼtirof etishni akkreditatsiya qilingan davlat metrologik xizmati organlari (keyingi oʻrinlarda vakolatli organ deb ataladi) taqdim etiladigan hujjatlarni ekspertiza qilish yoʻli bilan amalga oshiradi.

6. Oʻzbekiston Respublikasidan tashqarida berilgan muvofiqlik sertifikatlari, muvofiqlik toʻgʻrisidagi deklaratsiyalar va sinov protokollari quyidagi holatlarning birida eʼtirof etiladi:

muvofiqlik sertifikatlarini, muvofiqlik toʻgʻrisidagi deklaratsiyalarni va sinov protokollarini oʻzaro eʼtirof etish toʻgʻrisida xalqaro bitim mavjud boʻlganda;

mahalliy va xorijiy muvofiqlikni baholash organlari oʻrtasida imzolangan qoʻshma (ixtiyoriy) bitim mavjud boʻlganda;

Xalqaro laboratoriyalarni akkreditatsiya qilish tashkilotiga (ILAC) aʼzo boʻlgan xorijiy davlatlarning akkreditatsiya tashkilotlaridan akkreditatsiyadan oʻtgan muvofiqlikni baholash organlari tomonidan xalqaro standartlarga asoslangan sinov metodlari (uslublari) asosida rasmiylashtirilgan sinov bayonnomalari taqdim etilganda. Bunda Oʻzbekiston Respublikasida amalda boʻlgan texnik reglamentlar talablariga muvofiq boʻlishi sharti bilan bir tomonlama eʼtirof etiladi;

olib kirilayotgan yoki ishlab chiqarilayotgan mahsulotlarning sertifikatlashtirish sinovlarini oʻtkazish uchun Oʻzbekiston Respublikasida akkreditatsiya qilingan sinov laboratoriyasi mavjud boʻlmaganda.

7. Oʻlchash vositalarini, sinov vositalarini va standart namunalarni (shu jumladan texnologik asbob-uskunalar komplektiga kiradiganlarni), muvofiqlik sertifikatlarini va muvofiqlik toʻgʻrisidagi deklaratsiyalarni eʼtirof etish faqat oʻlchov vositalarining davlat reyestriga kiritilgan oʻlchov vositalari, sinov vositalari va standart namunalar uchun amalga oshiriladi.

II bob. Oʻzbekiston Respublikasidan tashqarida berilgan muvofiqlik sertifikatlarini, muvofiqlik toʻgʻrisidagi deklaratsiyalarni va sinov protokollarini eʼtirof etish tartibi

8. Muvofiqlik sertifikatlarini va muvofiqlik toʻgʻrisidagi deklaratsiyalarni eʼtirof etish ushbu Nizomga 2-ilovaga muvofiq sxema boʻyicha amalga oshiriladi.

9. Muvofiqlik toʻgʻrisidagi deklaratsiyalarni eʼtirof etish qonunchilikda belgilangan tartibga muvofiq muvofiqlikni baholash ularning muvofiqligini deklaratsiyalash yoʻli bilan amalga oshirilishi mumkin boʻlgan mahsulotlar turlariga nisbatan amalga oshiriladi.

10. Oʻzbekiston Respublikasidan tashqarida berilgan muvofiqlik sertifikatlarini, muvofiqlik toʻgʻrisidagi deklaratsiyalarini eʼtirof etish uchun ariza beruvchi (jismoniy yoki yuridik shaxs — import qiluvchi, ishlab chiqaruvchi, yetkazib beruvchi yoxud ularning vakili) tomonidan ushbu Nizomga 3 va 4-ilovalarga muvofiq shakl boʻyicha sertifikatlashtirish organiga buyurtmanoma beriladi.

11. Muvofiqlik sertifikatini yoki muvofiqlik toʻgʻrisidagi deklaratsiyani eʼtirof etish uchun buyurtmanomaga quyidagilar ilova qilinadi:

eʼtirof etilayotgan hujjatning asl nusxasi yoki uning tasdiqlangan nusxasi (sertifikatning nusxasi sertifikatning asl nusxasini saqlovchining, ishlab chiqaruvchining rasmiy vakilining yoki sertifikatni bergan organning muhri bilan tasdiqlanishi mumkin);

texnik jihatdan tartibga solish sohasidagi mahsulotga normativ hujjatning nusxasi (agar normativ hujjat xalqaro va/yoki davlatlararo standartlar toifasiga kirmasa yoki normativ hujjatlarning davlat fondida mavjud boʻlmasa);

vakolatli organ tomonidan berilgan oʻlchash vositalarining turini tasdiqlash sertifikatining nusxasi, oʻlchash vositalari turining tavsifi bilan birgalikda (sertifikatlashtirilgan mahsulot oʻlchash vositasi hisoblanganda yoki sertifikatlashtirilgan mahsulot tarkibida oʻlchash vositalari mavjud boʻlganda);

Oʻzbekiston Respublikasi hududida amal qiladigan normativ hujjatda sanitariya-epidemiologiya, veterinariya, fitosanitariya talablari yoki sertifikatda yoxud deklaratsiyada koʻrsatilgan mahsulotga nisbatan talablar mavjud boʻlganda sanitariya-epidemiologiya, veterinariya, fitosanitariya xulosalarining yoki ekologiya ekspertizasi xulosasining nusxasi (eʼtirof etilayotgan hujjatda ekspertizalarning ushbu turlarini oʻtkazish toʻgʻrisidagi axborot mavjud boʻlmaganda);

Tovarga ilova qilinadigan hujjatning nusxasi, unda tovarning Oʻzbekiston Respublikasi bojxona hududiga yetib kelishi toʻgʻrisidagi belgi qoʻyiladi (transport yuk xati, invoys, schyot-faktura).

12. Muvofiqlik toʻgʻrisidagi deklaratsiyani eʼtirof etish uchun buyurtmanomaga ishlab chiqaruvchi tashkilotda barqaror sifatli mahsulot ishlab chiqarish uchun shart-sharoitlarning mavjudligini tasdiqlaydigan quyidagi hujjatlar qoʻshimcha ravishda ilova qilinadi:

sinovlarni oʻtkazishning davriyligiga rioya etishning tasdiqnomasi bilan birgalikda zavodda yoki akkreditatsiya qilingan sinov laboratoriyalarida mahsulotni sinashning oxirgi protokollari nusxasi;

xom ashyo, materiallar, butlovchi buyumlarni sinash protokollari;

mahsulot ishlab chiqaruvchining sifat menejmenti tizimiga sertifikat.

13. Sertifikatlashtirish organi 2 ish kun mobaynida, tez buziladigan mahsulotlar uchun — 1 ish kuni mobaynida buyurtmanomani koʻrib chiqadi, taqdim etilgan hujjatlarning toʻliqligini va ularni toʻldirishning toʻgʻriligini tahlil qiladi, shuningdek mahsulotning tovarga qoʻshib yuborilgan hujjatlarining spetsifikatsiyasi va markirovkasining muvofiqligini tasdiqlash uchun yetarli boʻlgan belgilari, parametrlari, koʻrsatkichlari boʻyicha mahsulotni identifikatsiyalashni amalga oshiradi.

14. Eʼtirof etilayotgan hujjatda sanitariya-epidemiologiya, veterinariya, fitosanitariya xulosalari yoki ekologik ekspertizani oʻtkazish toʻgʻrisidagi maʼlumotlar mavjud boʻlgan taqdirda qoʻshimcha ravishda sanitariya-epidemiologiya, veterinariya, fitosanitariya sinovlarini va ekologik ekspertizalarni oʻtkazish talab qilinmaydi.

15. Taqdim etiladigan hujjatlar tahlilining natijalarini hisobga olgan holda muvofiqlik sertifikatini yoki muvofiqlik toʻgʻrisidagi deklaratsiyani eʼtirof etishni amalga oshirishda sertifikatlashtirish organi qoʻshimcha sinovlar oʻtkazishning zarurligini belgilashi mumkin, agar muvofiqligiga eʼtirof etilayotgan hujjat berilgan normativ hujjat talablari Oʻzbekiston Respublikasida amalda boʻlgan xuddi shunday talablarga toʻliq hajmda muvofiq boʻlmasa.

16. Hujjatlarni tahlil qilish va mahsulotni identifikatsiyalash natijalari boʻyicha sertifikatlashtirish organi 1 ish kuni mobaynida muvofiqlik sertifikatini, muvofiqlik toʻgʻrisidagi deklaratsiyani eʼtirof etish, qoʻshimcha sinovlar oʻtkazishning zarurligi toʻgʻrisida qaror qabul qiladi yoki eʼtirof etishni rad etishning rasman asoslangan hujjatini beradi.

17. Oʻzbekiston Respublikasidan tashqarida berilgan muvofiqlik sertifikatini yoki muvofiqlik toʻgʻrisidagi deklaratsiyani eʼtirof etish uni Oʻzbekiston Respublikasining muvofiqlik sertifikati yuzasidan qayta rasmiylashtirish va sertifikatlashtirilgan mahsulotlarning davlat reyestriga kiritish yoʻli bilan amalga oshiriladi.

18. Oʻzbekiston Respublikasidan tashqarida berilgan muvofiqlik sertifikatining, muvofiqlik toʻgʻrisidagi deklaratsiyaning amal qilish muddati va keng koʻlamda ishlab chiqarishga rasmiylashtirilgan hujjatning muddati oʻtgan boʻlsa, mahsulot esa uning amal qilish davrida ishlab chiqarilgan boʻlsa, u holda ushbu sertifikat eʼtirof etish uchun taqdim etilishi mumkin.

19. Xorijiy mamlakatlarning akkreditatsiya qilingan sinov laboratoriyalarida bajarilgan sinovlar natijalari toʻgʻrisidagi protokollar yoki shunga oʻxshash hujjatlar eʼtirof etiladi.

20. Sinov protokollarini eʼtirof etish mahsulotlarni sertifikatlashtirish yoki muvofiqlik toʻgʻrisidagi deklaratsiyani roʻyxatdan oʻtkazish tartib-taomillarini oʻtkazishda sertifikatlashtirish organlari tomonidan amalga oshiriladi.

21. Sinov protokollari ariza beruvchida ushbu hujjatlarning asl nusxalari yoki ularning xorijiy sinovlarni oʻtkazgan xorijiy sinov laboratoriyasining yoki saqlovchisi hisoblanadigan tashkilotning muhri bilan tasdiqlanadigan nusxalari mavjud boʻlgan taqdirda eʼtirof etiladi.

22. Sinov protokollarini eʼtirof etishda protokolda keltirilgan sinovlar talablari va natijalarining Oʻzbekiston Respublikasida amalda boʻlgan normativ hujjatlar talablariga muvofiqligi tahlil qilinadi.

23. Tahlil natijalari boʻyicha sertifikatlashtirish organi sertifikatlashtirishda yoki muvofiqlik toʻgʻrisidagi deklaratsiyani roʻyxatdan oʻtkazishda sinovlar protokolini hisobga oladi yoxud 1 ish kuni mobaynida ariza beruvchiga protokolni eʼtirof etishni rad etishning asoslangan sabablari koʻrsatilgan hujjatni yuboradi.

24. Muvofiqlik sertifikatini, muvofiqlik toʻgʻrisidagi deklaratsiyani va sinovlar protokolini eʼtirof etish maqsadida taqdim etiladigan hujjatlar davlat tilida yoki rus tilida boʻlishi kerak. Agar ular boshqa tillarda bayon qilingan boʻlsa, u holda hujjatlarga ishonchliligi uchun ariza beruvchi javob beradigan aynan oʻxshash tarjima ilova qilinadi.

III bob. Oʻlchash vositalarini, sinov vositalarini, standart namunalarni va oʻlchashlarni bajarish uslubiyotlarini metrologiya tekshiruvi natijalarini eʼtirof etish tartibi

25. Metrologiya tekshiruvi natijalarini eʼtirof etish ushbu Nizomga 5 — 7 va 71 ilovalarga muvofiq sxemalar boʻyicha amalga oshiriladi va quyidagi tartibda qoʻllanadi:

I sxema — Standartlashtirish, metrologiya va sertifikatlashtirish sohasida kelishilgan siyosatni oʻtkazish toʻgʻrisida 1992-yil 13-martdagi Hukumatlararo bitim doirasida Standartlashtirish, metrologiya va sertifikatlashtirish boʻyicha Davlatlararo kengashning (keyingi oʻrinlarda DK deb ataladi) davlatlararo standartlashtirish qoidalariga muvofiq;

II sxema — Metrologik nazorat natijalarini oʻzaro eʼtirof etish toʻgʻrisidagi ikki tomonlama hukumatlararo (idoralararo) bitimlar doirasida;

III sxema — Import qilinayotgan oʻlchash vositalarini, sinov vositalarini, standart namunalarni va oʻlchashlarni bajarish uslubiyotlarini Oʻzbekiston Respublikasida metrologiya tekshiruvi imkoniyati boʻlmagan taqdirda;

IV sxema — Milliy oʻlchash etalonlari, milliy metrologiya institutlari tomonidan beriladigan kalibrlash va oʻlchash sertifikatlarining oʻzaro eʼtirof etilishi toʻgʻrisidagi kelishuv (CIPM MRA) doirasida.

26. I va II sxemalar boʻyicha eʼtirof etish ishlab chiqaruvchi mamlakatda metrologik nazorat oʻtkazilgan taqdirda amalga oshiriladi.

27. Metrologik nazorat natijalarini eʼtirof etish uchun ariza beruvchi hujjatlarni davlat tilida yoki rus tilida taqdim etishi kerak. Agar hujjatlar boshqa tillarda bayon qilingan boʻlsa ariza beruvchi ularning davlat tilidagi yoki rus tilidagi aynan oʻxshash tarjimasini qoʻshimcha ravishda taqdim etishi kerak.

Tarjimaning ishonchliligi va taqdim etilgan hujjatlarning haqiqiyligi uchun ariza beruvchi javob beradi.

1-§. Metrologik nazorat natijalarini 1-sxema boʻyicha eʼtirof etish

28. Metrologik nazorat natijalarini eʼtirof etish DKning Davlatlararo standartlashtirish qoidalarida belgilangan shartlarga va tartibga muvofiq amalga oshiriladi.

29. Eksportdan va oʻlchash vositalari, sinov vositalari, standart namunalar va oʻlchashlarni bajarish uslubiyotlarining metrologik natijalarini eʼtirof etishdan manfaatdor boʻlgan tashkilot (ishlab chiqaruvchi yoki import qiluvchi) vakolatli organga ishlab chiqaruvchi mamlakatning metrologiya boʻyicha milliy organi orqali DKning Davlatlararo standartlashtirish qoidalarida belgilangan hujjatlarni taqdim etadi.

30. Vakolatli organ buyurtmanomani koʻrib chiqadi va taqdim etilgan hujjatlarni tahlil qiladi, ularning natijalari boʻyicha 3 ish kuni mobaynida eʼtirof etish ishlarini oʻtkazish yoki hujjatlar DKning Davlatlararo standartlashtirish qoidalari talablariga muvofiq boʻlmagan taqdirda ularni puxtalashtirish uchun qaytarish toʻgʻrisida qaror qabul qiladi.

31. Vakolatli organ DKning Davlatlararo standartlashtirish qoidalarida koʻrsatilgan metrologik nazoratni oʻtkazish shartlarining bajarilishini tekshirishga haqlidir.

32. Metrologik nazorat natijalarini eʼtirof etish toʻgʻrisida qaror qabul qilishda Oʻzbekiston texnik jihatdan tartibga solish agentligi 5 ish kuni mobaynida eʼtirof etishdan oʻlchash vositalari, sinov vositalari, standart namunalar va oʻlchashlarni bajarish uslubiyotlarini davlat reyestriga kiritadi, vakolatli organ ushbu Nizomga 9 — 14-ilovalarga muvofiq shakllar boʻyicha metrologiya tekshiruvi natijalarini eʼtirof etish sertifikatini rasmiylashtiradi.

33. Oʻlchash vositalari turini tasdiqlash maqsadida sinov natijalarini eʼtirof etishda, shuningdek ushbu oʻlchash vositalarining birlamchi qiyoslash natijalarini eʼtirof etish ham taʼminlanadi.

34. Vakolatli organ ularning metrologiya tekshiruvi natijalari quyidagi holatlarda eʼtirof etilgan oʻlchash vositalarini navbatdan tashqari tekshirishni tayinlashga haqlidir:

tekshirishlar orasida tuzatishlar kiritish zarur boʻlganda:

oʻlchash vositalarining qoʻllashga yaroqliligini tasdiqlash zarur boʻlganda (oʻlchash vositalarining foydalaniladigan idishi shikastlangan boʻlsa yoki oʻlchash vositalarining birlamchi qiyoslash vaqtidan keyin tekshirishlar oraligʻidagi muddatning yarmidan koʻpi oʻtgan boʻlsa);

tekshiruv tamgʻasining (plombaning) izi shikastlangan boʻlsa yoki oʻlchov vositalarining birlamchi qiyoslashdan oʻtganligini tasdiqlovchi hujjat mavjud boʻlmasa.

35. Import qilinadigan oʻlchash vositalari turkumi orasidan tanlab olingan oʻlchash vositalari navbatdan tashqari tekshiruvdan oʻtkaziladi. Tekshiruv natijalari salbiy boʻlgan taqdirda oʻlchash vositalarining import qilinayotgan barcha turkumlari tekshiruvdan oʻtkaziladi.

Barcha turkumlarni tekshirish natijalari salbiy boʻlgan taqdirda vakolatli organ metrologik nazorat natijalarini eʼtirof etish sertifikatining amal qilishini toʻxtatadi va ishlab chiqaruvchi mamlakatning metrologiya boʻyicha milliy organiga tegishli maʼlumotni 2 ish kuni mobaynida yuboradi.

2-§. Metrologik nazorat natijalarini II sxema boʻyicha eʼtirof etish

36. Metrologik nazorat natijalarini eʼtirof etish metrologik nazorat natijalarini oʻzaro eʼtirof etish toʻgʻrisida ikki tomonlama hukumatlararo (idoralararo) bitimlar mavjud boʻlgan taqdirda amalga oshiriladi.

37. Quyidagilar oʻlchash vositalarini, sinov vositalarini, standart namunalarni va oʻlchashlarni bajarish uslubiyotlarini metrologiya tekshiruvi natijalarini eʼtirof etish shartlari hisoblanadi:

metrologiya tekshiruvi akkreditatsiya qilingan laboratoriyalar (markazlar) yoki ishlab chiqaruvchi mamlakatdagi mazkur xizmat turlarini oʻtkazishga vakolatli boʻlgan organlar tomonidan oʻtkazilishi;

oʻlchash vositalari va standart namunalar xalqaro birliklar tizimining birliklariga qadar metrologik kuzatiluvchanlikni taʼminlashi;

oʻlchash vositalari, sinov vositalari, standart namunalar va oʻlchashlarni bajarish uslubiyotlarining Oʻzbekiston Respublikasida amalda boʻlgan texnik jihatdan tartibga solish sohasidagi normativ hujjatlar talablariga hamda ishlab chiqaruvchining foydalanish hujjatlariga muvofiqligi;

Oʻzbekiston Respublikasida ularning metrologik nazoratini oʻtkazish mavjud boʻlmagan holatlarda ariza beruvchining oʻlchash vositalari, sinov vositalari, standart namunalarning keyingi (davriy) metrologiya tekshiruvini taʼminlash boʻyicha majburiyatlari.

38. Ariza beruvchi vakolatli organga oʻlchash vositalarini, sinov vositalarini, standart namunalarni va oʻlchashlarni bajarish uslubiyotlarini metrologiya tekshiruvi natijalarini eʼtirof etish yuzasidan ushbu Nizomga 8-ilovaga muvofiq shakl boʻyicha buyurtmanoma taqdim etadi, unga quyidagi hujjatlarni ilova qiladi:

metrologiya tekshiruvi natijalarini tasdiqlovchi hujjatning asl nusxasi yoki uning ishlab chiqaruvchi mamlakatning metrologiya boʻyicha milliy organi tomonidan tasdiqlangan nusxasi;

oʻlchashlarni bajarish uslubiyotlarining asl nusxasi yoki ularning asl nusxasini saqlovchining muhri bilan tasdiqlangan nusxasi;

oʻlchash vositalarini, sinov vositalarini, standart namunalarini va oʻlchashlarni bajarish uslubiyotlarining metrologiya tekshiruvini oʻtkazgan organning akkreditatsiya qilinganligini yoki vakolatini tasdiqlovchi hujjatning nusxasi.

39. Vakolatli organ buyurtmanomani koʻrib chiqadi va taqdim etilgan hujjatlarni tahlil qiladi. Ularning natijalari boʻyicha 3 ish kuni mobaynida eʼtirof etish toʻgʻrisida qaror qabul qiladi yoki eʼtirof etishni rasman asoslangan holda rad etadi.

40. Oʻlchash vositalarining metrologiya tekshiruvi va navbatdan tashqari tekshiruvi natijalarini eʼtirof etish sertifikatini rasmiylashtirish ushbu Nizomning 32 — 35-bandlarida belgilangan tartibda amalga oshiriladi.

3-§. Metrologik nazorat natijalarini III sxema boʻyicha eʼtirof etish

41. Metrologiya tekshiruvi natijalarini III sxema boʻyicha eʼtirof etish import qilinayotgan oʻlchash vositalarini, sinov vositalarini, standart namunalarni va oʻlchashlarni bajarish uslubiyotlarini Oʻzbekiston Respublikasida metrologiya tekshiruvidan oʻtkazish imkoniyati boʻlmagan boshqa holatlarda amalga oshiriladi.

42. Metrologik nazorat natijalarini III sxema boʻyicha eʼtirof etish toʻgʻrisidagi qaror ariza beruvchi tomonidan taqdim etilgan hujjatlarni vakolatli organ tomonidan ekspertiza qilish natijalarini tahlil qilish asosida Oʻzbekiston texnik jihatdan tartibga solish agentligi tomonidan qabul qilinadi.

43. Quyidagilar oʻlchash vositalarini, sinov vositalarini, standart namunalarni va oʻlchashlarni bajarish uslubiyotlarini metrologiya tekshiruvi natijalarini eʼtirof etishning shartlari hisoblanadi:

metrologiya tekshiruvining akkreditatsiya qilingan laboratoriyalar (markazlar) yoki ishlab chiqaruvchi mamlakatning ushbu turdagi ishlarni bajarishga vakolatli organlar tomonidan oʻtkazilganligi;

oʻlchash vositalari va standart namunalar xalqaro birliklar tizimining birliklariga qadar metrologik kuzatiluvchanlikni taʼminlashi;

Oʻzbekiston Respublikasida ularning metrologiya tekshiruvini oʻtkazish imkoniyati mavjud boʻlmagan holatlarda, ariza beruvchining oʻlchash vositalari, sinov vositalari va standart namunalarni keyingi (davriy) metrologiya tekshiruvini taʼminlash boʻyicha majburiyatlari;

metrologiya tekshiruvi natijalarini oʻlchash vositalarini, sinov vositalarini, standart namunalarni yetkazib berish komplektiga kiradigan hujjatlar bilan tasdiqlash.

44. Ariza beruvchi vakolatli organga oʻlchash vositalari, sinov vositalari, standart namunalar va oʻlchashlarni bajarish uslubiyotlarining metrologiya tekshiruvi natijalarini eʼtirof etish yuzasidan ushbu Nizomga 8-ilovaga muvofiq shakl boʻyicha buyurtmanoma taqdim etadi hamda unga quyidagi hujjatlarni ilova qiladi:

metrologiya tekshiruvi natijalarini tasdiqlovchi hujjatning asl nusxasi yoki uning ishlab chiqaruvchi mamlakatning metrologiya boʻyicha milliy organi tomonidan tasdiqlangan nusxasi;

oʻlchashlarni bajarish uslubiyotlarining asl nusxasi yoki ularning asl nusxasini saqlovchi muhri bilan tasdiqlangan nusxasi;

oʻlchash vositalarini, sinov vositalarini, standart namunalarini va oʻlchashlarni bajarish uslubiyotlarining metrologiya tekshiruvini oʻtkazgan organning akkreditatsiya qilinganligini yoki vakolatini tasdiqlovchi hujjatning nusxasi;

oʻlchash vositalarini, sinov vositalarini, standart namunalarni va oʻlchashlarni bajarish uslubiyotlarining keyingi (davriy) metrologiya tekshiruvini oʻtkazish majburiyati toʻgʻrisidagi kafolat xati.

45. Vakolatli organ taqdim etilgan hujjatlarni 3 ish kuni mobaynida ekspertizadan oʻtkazadi va natijalarni metrologik nazorat ishlari natijalarini eʼtirof etish toʻgʻrisida qaror qabul qilish uchun Oʻzbekiston texnik jihatdan tartibga solish agentligiga yuboradi yoki ariza beruvchiga eʼtirof etishning rasman asoslangan holdagi hujjatini beradi.

46. Oʻzbekiston texnik jihatdan tartibga solish agentligi tomonidan vakolatli organ taqdim etgan hujjatlar puxta oʻrganib chiqiladi va 3 ish kuni mobaynida metrologik nazorat natijalarini eʼtirof etish toʻgʻrisida qaror qabul qilinadi yoki eʼtirof etish rasman asoslangan holda rad etiladi.

47. Metrologiya tekshiruvi natijalarini eʼtirof etish toʻgʻrisida qaror qabul qilingan taqdirda, Texnik jihatdan tartibga solish agentligi 5 ish kuni mobaynida eʼtirof etishdan oʻtgan oʻlchash vositalarini, sinov vositalarini, standart namunalarni va oʻlchashlarni bajarish uslubiyotlarini davlat reyestriga kiritadi, vakolatli organ ushbu Nizomga 9 — 14-ilovalarga muvofiq shakllar boʻyicha metrologiya tekshiruvi natijalarini eʼtirof etish sertifikatini rasmiylashtiradi.

§ 4. Metrologik nazorat natijalarini IV sxema boʻyicha eʼtirof etish

48. Xorijiy mamlakatlarning muvofiqlik sertifikatlarini, muvofiqlik toʻgʻrisidagi deklaratsiyalarini va sinov bayonnomalarini, shuningdek oʻlchash vositalari, sinov vositalari, standart namunalar va oʻlchashlarni bajarish uslubiyotlarining metrologiya tekshiruvi natijalarini eʼtirof etish tartib-taomillarini oʻtkazganlik uchun toʻlov qonun hujjatlarida belgilangan tartibda amalga oshiriladi.

49. Ariza beruvchi vakolatli organga oʻlchash vositalarini kalibrlash (qiyoslash) natijalarini eʼtirof etish yuzasidan ushbu Nizomga 81-ilovaga muvofiq shakl boʻyicha buyurtmanoma taqdim etadi, unga quyidagi hujjatlarni ilova qiladi:

amaldagi kalibrlash (qiyoslash) sertifikatining asl nusxasi yoki institut tomonidan tasdiqlangan nusxasi;

Oʻzbekiston Respublikasida oʻlchash vositalarining metrologik nazoratini oʻtkazish imkoniyati mavjud boʻlmagan hollarda, ularning keyingi (davriy) metrologik nazoratini taʼminlash boʻyicha ariza beruvchining majburiyatining kafolat xati.

50. Vakolatli organ buyurtmanomani koʻrib chiqadi va quyidagilarga taqdim etilgan hujjatlar tahlilini oʻtkazadi:

kalibrlash (qiyoslash) sertifikatida “CIPM MRA” logotipi mavjudligi;

kalibrlash (qiyoslash) sertifikatini bergan institutlarda kalibrlash (qiyoslash) sertifikatini qamrab oluvchi Xalqaro tarozi va oʻlchovlar byurosining asosiy solishtirishlar boʻyicha maʼlumotlar bazasida (KCDB) tasdiqlangan kalibrlash va oʻlchash imkoniyatlari (CMCs) mavjudligi.

51. Vakolatli organ 1 ish kuni mobaynida tahlil natijalariga koʻra, ushbu Nizomga 10-ilovaga muvofiq shakllar boʻyicha metrologik nazorat natijalarini eʼtirof etish toʻgʻrisida sertifikat beradi yoki eʼtirof etish rasman asoslangan holda rad etiladi.

IV-bob. Yakunlovchi qoidalar

52. Xorijiy mamlakatlarning muvofiqlik sertifikatlarini, muvofiqlik toʻgʻrisidagi deklaratsiyalarini va sinov protokollarini, shuningdek oʻlchov vositalarini, sinov vositalarini, standart namunalarini va oʻlchovlarni bajarish metodikalarini metrologik nazorat qilish natijalarini eʼtirof etish tartib-taomillarini oʻtkazganlik uchun toʻlov qonun hujjatlarida belgilangan tartibda amalga oshiriladi.

53. Oʻzbekiston Respublikasidan tashqarida amalga oshirilgan muvofiqlikni baholash natijalarini eʼtirof etish boʻyicha ishlarni oʻtkazishda qoʻshimcha hujjatlarni soʻrashga yoʻl qoʻyilmaydi, ushbu Nizomning 10, 11, 12, 27, 38, 44-bandlarida koʻrsatilganlar bundan mustasno.

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 2-ILOVA

Oʻzbekiston Respublikasidan tashqarida berilgan muvofiqlik sertifikatlarini, muvofiqlik toʻgʻrisidagi deklaratsiyalarini eʼtirof etish

SXEMASI

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 3-ILOVA

(3-ilova Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 4-ILOVA

(4-ilova Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 5-ILOVA

Oʻlchov vositalari, sinov vositalari, moddalar va materiallarning tarkibi va xossalarining standart namunalarini metrologik nazorat qilish natijalarini va oʻlchovlarni bajarish metodikalarini eʼtirof etishning

I SXEMASI

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 6-ILOVA

Oʻlchov vositalari, sinov vositalari, moddalar va materiallarning tarkibi va xossalarining standart namunalarini metrologik nazorat qilish natijalarini va oʻlchashlarni bajarish metodikalarini eʼtirof etishning

II SXEMASI

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 7-ILOVA

Oʻlchov vositalari, sinov vositalari, moddalar va materiallarning tarkibi va xossalarining standart namunalarini metrologik nazorat qilish natijalarini va oʻlchashlarni bajarish metodikalarini eʼtirof etishning

III SXEMASI

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 71-ILOVA

IV SXEMA

Milliy oʻlchash etalonlari, milliy metrologiya institutlari tomonidan beriladigan kalibrlash va oʻlchash sertifikatlarining oʻzaro eʼtirof etilishi toʻgʻrisidagi kelishuv (CIPM MRA) doirasida oʻlchash vositalarini metrologik tekshiruvdan oʻtkazish natijalarini eʼtirof etish

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 8-ILOVA

‎ ‎ Oʻzbekiston texnik jihatdan tartibga solish agentligi rahbariga ‎___________________________________ ‎ Oʻlchov vositalari, sinov vositalari, moddalarning tarkibi va xossalari standart namunalarining metrologik nazoratini eʼtirof etishga ARIZA ‎ Ariza beruvchi ________________________________________________________________ ‎ (ariza beruvchining nomi, manzili, telefoni, elektron pochtasi)‎ ‎‎ __________________________________________ tomonidan tayyorlangan (ishlab chiqilgan), (ishlab chiqaruvchi (ishlab chiquvchi) tashkilotning nomi) ‎ ______________________________________________________ tomonidan tasdiqlangan va (metrologik nazorat natijalarini tasdiqlagan tashkilotning nomi)‎‎ ‎ ______________ raqami bilan _________________________ning davlat reyestrida roʻyxatdan ‎ (mamlakatning nomi) ‎‎ ‎ oʻtkazilgan _______________________________________________________________ning ‎‎(oʻlchov vositalari, sinov vositalari, moddalarning tarkibi va xossalari ‎___________________________________________________________________ ‎standart namunalarining hamda oʻlchovlarni bajarish metodikalarining nomi va ‎‎____________________________________________________________________________ belgilanishi, zavod ‎raqami yoki boshqa identifikatsiyalovchi belgisi, ishlab chiqarilgan yili) ‎ metrologik nazoratini eʼtirof etish toʻgʻrisida sertifikat berish uchun hujjatlarni ekspertizadan oʻtkazishni iltimos qiladi. ‎Oʻlchov vositalari turi ________________________________________________ga muvofiq ‎ (normativ hujjatning belgilanishi) ‎‎ ‎ ‎ Arizaga quyidagi hujjatlar ilova qilinadi: _______________________________________ (hujjatlar roʻyxati) ‎ ‎‎Ariza beruvchining nomi, manzili va STIR ________________________________________ ‎ ‎‎Ariza beruvchining telefoni/faksi ______________________________________________ ‎ ‎Ijro etuvchi xodimning F.I.O., ‎ lavozimi va telefoni _________________________________________________________ ‎ _______________________________ ‎‎‎(rahbar/u vakolat bergan shaxs) _______________ ‎(imzo) __________________ ‎(F.I.O.) ‎ ‎ ‎‎20___ yil “____” _______________

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 81-ILOVA

(81-ilova Oʻzbekiston Respublikasi Vazirlar Mahkamasining 2019-yil 24-apreldagi 348-sonli qaroriga asosan kiritilgan — Qonun hujjatlari maʼlumotlari milliy bazasi, 25.04.2019-y., 09/19/348/3006-son)

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 9-ILOVA

(9-ilova Oʻzbekiston Respublikasi Vazirlar Mahkamasining 2024-yil 1-iyuldagi 371-sonli qarori tahririda — Qonunchilik maʼlumotlari milliy bazasi, 12.07.2024-y., 09/24/371/0499-son)

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 10-ILOVA

(10-ilova Oʻzbekiston Respublikasi Vazirlar Mahkamasining 2024-yil 1-iyuldagi 371-sonli qarori tahririda — Qonunchilik maʼlumotlari milliy bazasi, 12.07.2024-y., 09/24/371/0499-son)

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 11-ILOVA

(11-ilova Oʻzbekiston Respublikasi Vazirlar Mahkamasining 2024-yil 1-iyuldagi 371-sonli qarori tahririda — Qonunchilik maʼlumotlari milliy bazasi, 12.07.2024-y., 09/24/371/0499-son)

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 12-ILOVA

(12-ilova Oʻzbekiston Respublikasi Vazirlar Mahkamasining 2024-yil 1-iyuldagi 371-sonli qarori tahririda — Qonunchilik maʼlumotlari milliy bazasi, 12.07.2024-y., 09/24/371/0499-son)

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 13-ILOVA

(13-ilova Oʻzbekiston Respublikasi Vazirlar Mahkamasining 2024-yil 1-iyuldagi 371-sonli qarori tahririda — Qonunchilik maʼlumotlari milliy bazasi, 12.07.2024-y., 09/24/371/0499-son)

Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisidagi nizomga 14-ILOVA

(14-ilova Oʻzbekiston Respublikasi Vazirlar Mahkamasining 2024-yil 1-iyuldagi 371-sonli qarori tahririda — Qonunchilik maʼlumotlari milliy bazasi, 12.07.2024-y., 09/24/371/0499-son)

Vazirlar Mahkamasining 2015-yil 14-oktabrdagi 292-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

4. Vazirlar Mahkamasining “Sertifikatlashtirish tartibotlarini va sifat menejmenti tizimlarini joriy etishni takomillashtirishga doir qoʻshimcha chora-tadbirlar toʻgʻrisida” 2011-yil 28-apreldagi 122-son qarorida (Oʻzbekiston Respublikasi QT, 2011-y., 4-son, 30-modda) 2-bandning uchinchi xatboshi, shuningdek qarorga 2-ilova oʻz kuchini yoʻqotgan deb hisoblansin.