Tuman iqtisodiyoti tarmoqlarini 2015/2016-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida (530-q-son)

13.08.2015

Samarqand viloyati Tayloq tumani hokimining

Qarori

Camarqand viloyat hokimining 2015-yil 11-iyuldagi 147-q sonli “Oʻzbekiston Respublikasi Prezidentining 2015-yil 7-iyuldagi PQ–2367-sonli “Respublika iqtisodiyoti tarmoqlari va ijtimoiy sohalarini 2015/2016-yillar kuz-qish davrida barqaror ishlashga kompleks tayyorlashni taʼminlash chora-tadbirlari toʻgʻrisida”gi qarori ijrosini taʼminlash hamda tuman iqtisodiyoti tarmoqlari, korxonalari va muassasalarini hamda uy-joy fondini 2015/2016-yillar kuz-qish davrida barqaror ishlashga oʻz vaqtida tayyorlashni taʼminlash maqsadida qaror qilaman:

1. Camarqand viloyat hokimining 2015-yil 11-iyuldagi 147-Q-sonli Oʻzbekiston Respublikasi Prezidentining 2015-yil 7-iyuldagi PQ–2367-sonli “Respublika iqtisodiyoti tarmoqlari va ijtimoiy sohalarini 2015/2016-yillar kuz-qish davrida barqaror ishlashga kompleks tayyorlashni taʼminlash chora-tadbirlari toʻgʻrisida”gi qarori rahbarlik va ijro uchun qabul qilinsin.

2. Mazkur qaror bilan 2015-yilning 18-martida Oʻzbekiston Respublikasi Vazirlar Mahkamasi tomonidan Oʻzbekiston Respublikasi Bosh vazirining oʻrinbosarlari rahbarligida uchta ishchi guruhning tarkibi quyidagi yoʻnalishlar boʻyicha tasdiqlanganligi maʼlumot uchun qabul qilinganligi;

koʻp xonadonli uylarni kuz-qish mavsumida ishlashga tayyorlash, umumiy foydalanish joylarini, lift uskunalarini tartibga keltirish va tegishli holda saqlash, mahalla hududida sanitariya holatini taʼminlash, obodonlashtirish ishlarini tashkil etish boʻyicha ishchi guruhi (B.I. Zakirov);

ijtimoiy soha obyektlarini, iqtisodiyot tarmoqlari va aholini yonilgʻi-energetika resurslari: tabiiy gaz, elektr va issiqlik energiyasi bilan oʻz vaqtida taʼminlash ishlarini tashkil etish boʻyicha ishchi guruhi (Gʻ.I. Ibragimov);

kuz-qish davrida ijtimoiy soha obyektlarini barqaror ishlashga tayyorlashni tashkil etish, obyektlarning sanitariya holatini va obodonlashtirish ishlarini taʼminlash boʻyicha ishchi guruhi (A.I. Ikramov);

Bunda:

2015/2016-yillar kuz-qish davrida iqtisodiyot tarmoqlari, ijtimoiy soha obyektlari va uy-joy fondining barqaror faoliyat yuritishi uchun har bir ishchi guruhining aniq vazifalari belgilanganligi;

har bir hudud doirasida, shu jumladan respublikaning 28 ta yirik shaharlari va tumanlarida qabul qilingan dasturlarni amalga oshirish boʻyicha chora-tadbirlar kompleksi, tarmoq jadvallari ishlab chiqilib, tasdiqlanganligi;

masʼul ijrochilar – vazirliklar, idoralar, tijorat banklari rahbarlari ularga biriktirib qoʻyilganligi maʼlumot uchun qabul qilinsin.

3. Tuman iqtisodiyoti tarmoqlarini 2015/2016-yil kuz-qish davrida barqaror ishlashiga tayyorlash boʻyicha tadbirlari 1-ilovaga* muvofiq;

asosiy muhandislik kommunikatsiyalari va texnologik uskunalarni, shuningdek ijtimoiy soha obyektlarini hududlar boʻyicha 2015/2016-yillar kuz-qish davrida barqaror ishlashga tayyorlash hamda mukammal va joriy taʼmirlash topshiriqlari, asosiy yoqilgʻi-energetika resurslari va texnik tuzni hududlar boʻyicha 2015/2016-yillar kuz-qish davri uchun tayyorlash topshiriqlari 2-ilovaga* muvofiq;

2015/2016-yil kuz-qish mavsumida hududlar boʻyicha aholi ehtiyojlari uchun koʻmir jamgʻarish va budjet sohasi uchun koʻmir yetkazib berish topshirigʻi 3 va 3a-ilovalarga* muvofiq;

tuman iqtisodiyot tarmoqlarini 2015/2016-yillar kuz-qish davrida barqaror ishlashga tayyorlashni muvofiqlashtirish boʻyicha tuman komissiyasi tarkibi 4-ilovaga* muvofiq;

tumanda muhandislik kommunikatsiyalar, texnologik asbob uskunalar, ijtimoiy soha obyektlarini 2015/2016-yil kuz-qish davrida ishlashga tayyorlab qoʻyish, kapital va joriy taʼmirlash topshiriqlari, asosiy yoqilgʻi energetika resurslarini kuz-qish davri uchun tayyorlash topshiriqlarining bajarilishi boʻyicha rejalashtirilayotgan tadbirlar 5-ilovaga* muvofiq tasdiqlansin.

* 1 — 5-ilovalar berilmaydi.

4. Qishloq va mahalla fuqarolar yigʻini raislari rahbarligida iqtisodiyot tarmoqlarini 2015/2016-yillar kuz-qish davrida barqaror ishlashga tayyorlashni muvofiqlashtiruvchi hududiy komissiyalari tuzilsin.

5. Tuman komissiyasi (A. Karimov) kommunal xizmat koʻrsatish korxonalari, qozonxonalar, maktabgacha tarbiya muassasalari, umumtaʼlim maktablari, oʻquv yurtlari, sogʻliqni saqlash muassasalari hamda boshqa ijtimoiy soha obyektlarini 2015/2016-yillar kuz-qish davrida barqaror ishlashga tayyorlash boʻyicha joylardagi ishlarning ahvolini tanqidiy oʻrganib chiqsin va shu yilning 30-iyulidan kechikmay ushbu masala boʻyicha komissiyasining maxsus majlisini oʻtkazsin.

6. Qishloq va mahalla fuqarolar yigʻini raislari, shuningdek masʼul tuman korxona va tashkilotlari rahbarlari zimmasiga iqtisodiyot tarmoqlarining 2015/2016-yillar kuz-qish davrida barqaror ishlashini taʼminlaydigan tadbirlar hamda ishlarning oʻz vaqtida va sifatli bajarilishi yuzasidan shaxsiy javobgarlik yuklansin.

7. Tuman komissiyasi (A. Karimov) tuman iktisodiyoti tarmoqlari va ijtimoiy soha muassasalarini 2015/2016-yil kuz-qish davriga tayyorlash va ularning barqaror ishlashini taʼminlash buyicha ushbu qaror bilan tasdiqlangan chora-tadbirlar va topshiriqlarni bajarish yuzasidan zarur tashkiliy tadbirlar kompleksi belgilangan muddatlarda amalga oshirilishini taʼminlasin.

8. Tuman hokimining 2014-yil 23-iyuldagi 416-Q-sonli “Tuman iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida”gi qarori oʻz kuchini yoʻqotgan deb hisoblansin.

9. Tuman hokimining oʻrinbosarlari (A. Karimov, D. Musinov) mazkur qaror ijrosini oʻz vaqtida va sifatli bajarilishi yuzasidan shaxsan javobgar ekanligi qayd qilinsin.

10. Mazkur qaror rasmiy eʼlon qilingan kundan boshlab kuchga kiradi.

Hokim P. AXMEDOV

Tayloq sh.,

2015-yil 13-avgust,

530-q-son