Oʻzbekiston Respublikasining “Xizmat koʻrsatgan sportchi” faxriy unvonini taʼsis etish toʻgʻrisida (684-XII-son)

11.08.1992

Oʻzbekiston Respublikasi Oliy Kengashi RAYoSATINING

Qarori

Oʻzbekiston Respublikasi Oliy Kengashi Rayosati qaror qiladi:

1. Oʻzbekiston Respublikasining “Xizmat koʻrsatgan sportchi” faxriy unvoni taʼsis etilsin.

2. “Xizmat koʻrsatgan sportchi” faxriy unvoni toʻgʻrisidagi Nizom hamda koʻkrak nishonining tavsifi tasdiqlansin (ilova qilinmoqda).

3. Ushbu qaror tasdiq uchun Oʻzbekiston Respublikasi Oliy Kengashiga kiritilsin.

Oʻzbekiston Respublikasi Oliy Kengashining Raisi Sh. YOʻLDOShEV

Toshkent sh.,

1992-yil 11-avgust,

684-XII-son

Oʻzbekiston Respublikasi Oliy Kengashi Rayosatining 1992-yil 11-avgustdagi № 684-XII qarori bilan tasdiqlangan

“Xizmat koʻrsatgan sportchi” faxriy unvoni toʻgʻrisidagi

NIZOM

1. “Xizmat koʻrsatgan sportchi” faxriy unvoni jahon va Olimpiyada oʻyinlarining chempionlari hamda rekordchilariga, shuningdek ulkan sport yutuqlariga erishgan boshqa sportchilarga beriladi.

2. “Xizmat koʻrsatgan sportchi” faxriy unvoni Oʻzbekiston Respublikasi Vazirlar Mahkamasining taqdimiga binoan Oʻzbekiston Respublikasi Prezidenti tomonidan beriladi.

4. “Xizmat koʻrsatgan sportchi” faxriy unvoni berilgan shaxslarga belgilangan namunadagi guvohnoma va koʻkrakka taqiladigan nishon beriladi.

5. “Xizmat koʻrsatgan sportchi” guvohnomasi va koʻkrakka taqiladigan nishoni tantanali va keng oshkoralik vaziyatida Oʻzbekiston Respublikasi Prezidenti nomidan topshiriladi.

6. “Xizmat koʻrsatgan sportchi” nishoni koʻkrakning oʻng tomoniga taqiladi.

7. “Xizmat koʻrsatgan sportchi” faxriy unvonidan faqatgina Oʻzbekiston Respublikasi Prezidenti mahrum etishi mumkin.

Oʻzbekiston Respublikasi Oliy Kengashi Rayosatining 1992-yil 11-avgustdagi № 684-XII qarori bilan tasdiqlangan

“Xizmat koʻrsatgan sportchi” koʻkrakka taqiladigan nishonining

TAVSIFI

Koʻkrakka taqiladigan nishon diametri 30 millimetrga teng doira shaklida boʻlib, neyzilberdan (kumush suvi yuritilgan) tayyorlanadi.

Nishon yuz tomonining yuqori qismida tikkasiga olimpiada mashʼalasi yonib turgan jom tasvirlangan. Jom yuqori qismining markazida olimpiada ramziy beshta halqasining tasviri ifodalangan. Nishonning quyi qismida simmetrik ravishda joylashtirilgan ikki dafna shoxining tasviri bor.

Nishonning aylanasi boʻylab: “Xizmat koʻrsatgan sportchi” degan yozuv bor.

Tasvirlar va yozuv boʻrtma. Koʻkrak nishonining chekkasi 2-3 millimetr tenglikda qabariqdir.

Nishonning orqa tomonida, yuqori aylanma boʻylab “Oʻzbekiston Respublikasi” soʻzlari yozilgan, markazida kiyimga Oʻzbekiston Respublikasi Davlat gerbining tasviri, pastida — nishon raqami yozilgan.

Nishon orqa tomonining chekkasi 2-3 millimetr kenglikda qabariqdir.

Koʻkrak nishoni ilgak va halqa yordamida kolodkaga ulangan boʻlib, kolodkaning uchki qismi Oʻzbekiston Respublikasi Davlat bayrogʻining ranglaridagi muhayyar lenta bilan qoplangan.

Kolodkaning orqa tomonida kiyimga qadaladigan toʻgʻnogʻich bor.