Oʻzbekiston Respublikasining Konstitutsiyasini qayta nashr qilish boʻyicha komissiya toʻgʻrisida (533-II-son)

07.09.2012

Oʻzbekiston Respublikasi Oliy Majlisi Qonunchilik palatasi Kengashining vaOʻzbekicton Respublikasi Oliy Majlisi Senati Kengashining

qoʻshma qarori

2011-yil 18-apreldagi “Oʻzbekiston Respublikasi Konstitutsiyasining ayrim moddalariga oʻzgartish va qoʻshimchalar kiritish toʻgʻrisida (78, 80, 93, 96 va 98-moddalariga)”gi OʻRQ–284-sonli hamda 2011-yil 12-dekabrdagi “Oʻzbekiston Respublikasi Konstitutsiyasining 90-moddasiga tuzatish kiritish toʻgʻrisida”gi OʻRQ–305-sonli Oʻzbekiston Respublikasi qonunlari qabul qilinganligi munosabati bilan Oʻzbekiston Respublikasining Konstitutsiyasi matni kiritilgan oʻzgartish va qoʻshimchalarga toʻla muvofiq holda nashr etilishini taʼminlash maqsadida Oʻzbekiston Respublikasi Oliy Majlisi Qonunchilik palatasining Kengashi va Oʻzbekiston Respublikasi Oliy Majlisi Senatining Kengashi qaror qiladilar:

1. Oʻzbekiston Respublikasining Konstitutsiyasini qayta nashr qilish boʻyicha komissiya tarkibi ilovaga muvofiq tasdiqlansin.

2. Komissiya ikki haftalik muddatda Oʻzbekiston Respublikasining Konstitutsiyasini qayta nashr qilishga tayyorlasin.

3. Oʻzbekiston Matbuot va axborot agentligi (B.Sh. Alimov) ikki oylik muddatda kiritilgan tuzatishlarni hisobga olgan holda Komissiya tomonidan tayyorlangan Oʻzbekiston Respublikasi Konstitutsiyasining matni qayta nashr qilinishini taʼminlasin.

4. Oʻzbekiston Respublikasi Konstitutsiyasining matnini qayta nashr qilish hamda tirajini belgilash faqat Oʻzbekiston Matbuot va axborot agentligi tomonidan amalga oshirilishi belgilab qoʻyilsin.

Oʻzbekiston Respublikasi Oliy Majlisi Qonunchilik palatasining Spikeri D. TOShMUHAMEDOVA

Toshkent sh.,

2012-yil 7-sentabr,

533-II-son

Oʻzbekiston Respublikasi Oliy Majlisi Senatining Raisi I. SOBIROV

Toshkent sh.,

2012-yil 7-sentabr,

KQ-35-II-son

Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2012-yil 7-sentabrdagi 533–II/KQ–35–II-sonli Qoʻshma Qaroriga ILOVA

Oʻzbekiston Respublikasining Konstitutsiyasini qayta nashr qilish boʻyicha komissiya

TARKIBI

Komissiya raisi Ortiqova Svetlana Boymirzayevna — Oʻzbekiston Respublikasi Oliy Majlisi Senatining Qonunchilik va sud-huquq masalalari qoʻmitasi raisi Komissiya aʼzolari: Mirboboyev Baxtiyor Shamsutdinovich — Oʻzbekiston Respublikasi Konstitutsiyaviy sudi raisining oʻrinbosari Tursunov Toʻlqin Mirzayevich — Oʻzbekiston Respublikasi Oliy Majlisi Qonunchilik palatasining Qonunchilik va sud-huquq masalalari qoʻmitasi raisining oʻrinbosari Safayeva Mashkura — Oʻzbekiston Respublikasi Oliy Majlisi Qonunchilik palatasining normativ-huquqiy atamalar boʻyicha komissiyasi raisi Alimov Bobur Shuhratovich — Oʻzbekiston Matbuot va axborot agentligi bosh direktori Kokanbayev Fozil Rustamovich — “Jahon” axborot agentligi direktori Kanyazov Esemurat Sultamuratovich — Oʻzbekiston Respublikasi adliya vazirining birinchi oʻrinbosari Ruzmetov Erkin — Oʻzbekiston Respublikasi Oliy Majlisi Senatining Qonunchilik va sud-huquq masalalari qoʻmitasida doimiy asosda ishlovchi senator Choʻlliyev Shuhrat Asqarovich — Oʻzbekiston Respublikasi Oliy Majlisi Senati Devoni yuridik boʻlimining mudiri Normuxamedov Zaxid Kadirovich — Oʻzbekiston Respublikasi Oliy Majlisi Senati Devoni matbuot va tarjima boʻlimining mudiri Shoxnazarov Toxir Tuxtamuradovich — Oʻzbekiston Respublikasi Oliy Majlisi Qonunchilik palatasi Devoni yuridik boʻlimining mudiri Djurayeva Saida Abdukamilovna — Oʻzbekiston Respublikasi Oliy Majlisi Qonunchilik palatasi Devoni matbuot va tahririyat boʻlimi mudiri