Fargʻona viloyati Oxunboboyev tumanining nomini oʻzgartirish toʻgʻrisida (97-II-son)

29.08.2010

Oʻzbekiston Respublikasi Oliy Majlisi Senatining

Qarori

“Oʻzbekiston Respublikasida maʼmuriy-hududiy tuzilish, toponimik obyektlarga nom berish va ularning nomlarini oʻzgartirish masalalarini hal etish tartibi toʻgʻrisida”gi Oʻzbekiston Respublikasi Qonunining 15-moddasiga muvofiq Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi qonunchilik palatasining “Fargʻona viloyati Oxunboboyev tumanining nomini oʻzgartirish toʻgʻrisida”gi 2010-yil 12-avgustdagi 138-II-sonli qarori maʼlumot uchun qabul qilinsin.

2. Fargʻona viloyati hokimining iltimosnomasi qanoatlantirilib, Fargʻona viloyati Oxunboboyev tumanining nomi Qoʻshtepa deb oʻzgartirilsin.

3. Ushbu qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi I. SOBIROV

Toshkent sh.,

2010-yil 29-avgust,

97-II-son