Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasining Mahalliy hokimiyat vakillik organlari faoliyatini kuchaytirishga doir 2010 – 2014-yillarga moʻljallangan Harakat dasturi roʻyobga chiqarilishini taʼminlash boʻyicha 2010-yil uchun ish rejasi toʻgʻrisida (66-II-son)
20.05.2010
Oʻzbekicton Respublikasi Oliy Majlisi Senati Kengashining
qarori
Oʻzbekiston Respublikasi Oliy Majlisi Senati Kengashining 2010-yil 30-martdagi “Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi toʻgʻrisida”gi 30-II-qarorining 4-bandini ijro etish maqsadida Oʻzbekiston Respublikasi Oliy Majlisi Senatining Kengashi qaror qiladi:
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasining Mahalliy hokimiyat vakillik organlari faoliyatini kuchaytirishga doir 2010 — 2014-yillarga moʻljallangan Harakat dasturi roʻyobga chiqarilishini taʼminlash boʻyicha 2010-yil uchun ish rejasi tasdiqlansin (ilova qilinadi).
Oʻzbekiston Respublikasi Oliy Majlisi Senatining Raisi I. SOBIROV
Toshkent sh.,
2010-yil 20-may,
66-II-son
Oʻzbekiston Respublikasi Oliy Majlisi Senati Kengashining 2010-yil 20-maydagi 66-II-sonli qaroriga ILOVA
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasining Mahalliy hokimiyat vakillik organlari faoliyatini kuchaytirishga doir 2010 — 2014-yillarga moʻljallangan Harakat dasturi roʻyobga chiqarilishini taʼminlash boʻyicha 2010-yil uchun
ISh REJASI
I. Umumdavlat va mintaqaviy manfaatlar muvozanatini taʼminlash maqsadida Senat qoʻmitalarining xalq deputatlari mahalliy Kengashlari, ularning doimiy komissiyalari bilan oʻzaro hamkorlik mexanizmini takomillashtirish maqsadida oʻtkaziladigan tadbirlar.
1. Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari bilan birgalikda joylarda xalq deputatlari mahalliy Kengashlari deputatlari orasidan Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasiga yordam beruvchi ishchi guruhlar (bundan buyon matnda ishchi guruhlar deb yuritiladi) tuzish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi ikkinchi chorak
2. Ishchi guruhlar faoliyatini tashkil etish va ularning Mahalliy hokimiyat vakillik organlari faoliyatini kuchaytirishga doir 2010 — 2014-yillarga moʻljallangan Harakat dasturini ijro etish boʻyicha ish rejalarini tuzishda amaliy yordam koʻrsatish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi ikkinchi chorak
3. Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi majlisida “Andijon viloyati ishchi guruhining xalq deputatlari mahalliy Kengashlari va ularning doimiy komissiyalari ishlarini takomillashtirish boʻyicha faoliyati toʻgʻrisida”gi masalani koʻrib chiqish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi ikkinchi chorak
4. Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi majlisida “Buxoro viloyati ishchi guruhining turli darajadagi vakillik hokimiyati organlarining oʻzaro hamkorligini taʼminlash boʻyicha faoliyati toʻgʻrisida”gi masalani koʻrib chiqish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi uchinchi chorak
5. Oʻzbekiston Respublikasi Bosh prokuraturasi bilan birgalikda quyi turuvchi prokurorlarning qonuniylikning va jinoyatchilikka qarshi kurashning ahvoli toʻgʻrisidagi axboroti tegishli xalq deputatlari mahalliy Kengashlarida tinglanishini tashkil etish. Tinglash yakunlarini Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi majlisida muhokama qilish.
Qonunchilik va sud-huquq masalalari qoʻmitasi hamda Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi toʻrtinchi chorak
II. Xalq deputatlari mahalliy Kengashlarining faoliyati samarali tashkil etilishi uchun xalq deputatlari mahalliy Kengashlari, ularning doimiy komissiyalari rahbarlarining masʼuliyatini oshirish maqsadida oʻtkaziladigan tadbirlar.
1. Tinchlik va barqarorlikka transchegaraviy tahdidlarga qarshi kurashish vazifalarini muhokama qilish maqsadida Fargʻona vodiysining chegara oldi viloyatlarida xalq deputatlari mahalliy Kengashlari doimiy komissiyalari, fuqarolarning oʻzini oʻzi boshqarish organlari, shuningdek huquqni muhofaza qiluvchi tuzilmalar rahbarlarining ishtirokida “Ogohlik — davr talabi” mavzuida seminarlar oʻtkazish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Andijon, Namangan va Fargʻona viloyat xalq deputatlari Kengashlari bilan birgalikda ikkinchi chorak
2. Xalq deputatlari viloyat Kengashlarining tegishli doimiy komissiyalari rahbarlari ishtirokida nodavlat notijorat tashkilotlar va fuqarolik jamiyatining boshqa institutlari bilan hamkorlik masalalari yuzasidan davra suhbati oʻtkazish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi bilan birgalikda uchinchi chorak
3. “Oʻzbekiston Respublikasi Oliy Majlisi Senatining 2009-yil 5-dekabrdagi “Oʻzbekiston Respublikasi Oliy Majlisi Senatining 2009-yil 27-martdagi “Inqirozga qarshi choralarning 2009 — 2012-yillarga moʻljallangan dasturini soʻzsiz bajarish borasida mahalliy hokimiyat organlarining roli va masʼulligi toʻgʻrisida”gi 624-I-sonli qarorining ijro etilishi haqida”gi 709-I-sonli qarorining ijro etilishi toʻgʻrisida”gi masalani tayyorlash va Oʻzbekiston Respublikasi Oliy Majlisi Senatining Kengashi muhokamasiga kiritish.
Budjet va iqtisodiy islohotlar masalalari qoʻmitasi va Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi toʻrtinchi chorak
III. Xalq deputatlari mahalliy Kengashlari va ularning doimiy komissiyalari faoliyatini kuchaytirish maqsadida xalq deputatlari mahalliy Kengashlari deputatlarining huquqiy madaniyatini oshirish maqsadida oʻtkaziladigan tadbirlar.
1. Parlament aʼzolari hamda xalq deputatlari mahalliy Kengashlarining deputatlari uchun vakillik hokimiyatining vazifalari toʻgʻrisidagi bilimlarni shakllantirish va chuqurlashtirish maqsadida “Parlament faoliyatining asoslari” nomli qoʻllanma tayyorlash va nashr etish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Davlat va jamiyat qurilishi akademiyasi va Birlashgan Millatlar Tashkilotining Taraqqiyot Dasturi bilan birgalikda ikkinchi chorak
2. Xalq deputatlari mahalliy Kengashlari deputatlarining huquqiy va siyosiy savodxonligi darajasini oshirish maqsadida Jizzax va Namangan viloyatlarida hokimiyat vakillik organlari faoliyatining huquqiy asoslari masalalari boʻyicha va hozirgi sharoitda ular faoliyatining samaradorligini oshirish sohasidagi asosiy vazifalar yuzasidan mintaqaviy seminar-treninglar oʻtkazish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Davlat va jamiyat qurilishi akademiyasi va Birlashgan Millatlar Tashkilotining Taraqqiyot Dasturi bilan birgalikda ikkinchi chorak
3. “Birlashgan Millatlar Tashkilotining inson taraqqiyoti konsepsiyasi va oʻsib kelayotgan yosh avlodning barkamol rivojlanishini taʼminlashda xalq deputatlari mahalliy Kengashlarining roli” mavzuida mintaqaviy seminar-treninglar oʻtkazish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Davlat va jamiyat qurilishi akademiyasi va Birlashgan Millatlar Tashkilotining Taraqqiyot Dasturi bilan birgalikda toʻrtinchi chorak
4. “Barqaror ijtimoiy-iqtisodiy rivojlanishni taʼminlashda hokimiyat vakillik organlarining roli” uslubiy qoʻllanmasini tayyorlash va nashr etish hamda uni xalq deputatlari mahalliy Kengashlarining deputatlariga yetkazib berish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Davlat va jamiyat qurilishi akademiyasi va Birlashgan Millatlar Tashkilotining Taraqqiyot Dasturi bilan birgalikda toʻrtinchi chorak
IV. Xalq deputatlari mahalliy Kengashlari deputatlarining saylovchilar bilan aloqasini kuchaytirish uchun ommaviy axborot vositalari bilan oʻzaro hamkorlik mexanizmini takomillashtirish maqsadida oʻtkaziladigan tadbirlar.
1. “Xalq soʻzi”, “Narodnoye slovo” gazetalarining tahririyatlari bilan birgalikda markaziy davriy nashrlarda “Xalq deputatlari mahalliy Kengashlarida” ruknini tashkil etish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Senatning matbuot kotibi bilan birgalikda uchinchi chorak
2. Ochiq-oydinlik va oshkoralikni taʼminlash maqsadida senatorlar, xalq deputatlari mahalliy Kengashlari va ular doimiy komissiyalarining ommaviy axborot vositalari bilan hamkorligini faollashtirish masalalari boʻyicha seminar-trening oʻtkazish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Senatning matbuot kotibi bilan birgalikda toʻrtinchi chorak
3. Oʻzbekiston Respublikasi Oliy Majlisi Senatining veb-saytida xalq deputatlari mahalliy Kengashlari va ular doimiy komissiyalarining faoliyatiga bagʻishlangan, mahalliy Kengashlarning deputatlariga va ularning doimiy komissiyalariga yordam tariqasida hujjatlar va uslubiy qoʻllanmalardan iborat boʻlgan maxsus boʻlimni oʻz ichiga oladigan hammabop axborot bazasini yaratish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi Senatning matbuot kotibi bilan birgalikda toʻrtinchi chorak
V. Xalq deputatlari mahalliy Kengashlari va ularning doimiy komissiyalari faoliyatini tartibga soluvchi normativ-huquqiy bazani takomillashtirish maqsadida oʻtkaziladigan tadbirlar.
1. Xalq deputatlari mahalliy Kengashlari va ular doimiy komissiyalari faoliyatining normativ asosini birxillashtirish, ular zimmasiga yuklatilgan vazifalarni amalga oshirishga yagona va tizimli yondashuvga erishish maqsadida Xalq deputatlari mahalliy Kengashlarining namunaviy reglamentining yangi tahrirdagi loyihasini ishlab chiqish va uni Oʻzbekiston Respublikasi Oliy Majlisi Senatining Kengashi muhokamasiga kiritish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi uchinchi chorak
2. Xalq deputatlari mahalliy Kengashlari doimiy komissiyalari faoliyatining mazmuni va xususiyatini birxillashtirish, ularning vakolatlari, huquqlari va majburiyatlarini belgilash maqsadida Xalq deputatlari mahalliy Kengashining doimiy komissiyalari toʻgʻrisidagi namunaviy nizomning yangi tahrirdagi loyihasini ishlab chiqish.
Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi toʻrtinchi chorak