“Qumdaryo” davlat oʻrmon fondi yerlarida yongʻin xavfini oldini olish chora-tadbirlari toʻgʻrisida (X-595/08-son)

03.08.2015

qashqadaryo viloyati Chiroqchi tumani hokimining

Qarori

2015-yilda Davlat oʻrmon fondi yerlarida yongʻin kelib chiqishining oldini olish, tabiatga va oʻsimlik dunyosiga zarar yetkazilishining oldini olish maqsadida, “Qumdaryo” davlat oʻrmon xoʻjaligining 2015-yil 6-iyundagi 426-sonli xatini inobatga olib, Oʻzbekiston Respublikasining “Oʻrmon toʻgʻrisida”gi Qonun (Oʻzbekiston Respublikasi Oliy Majlisining Axborotnomasi, 1999-y., 5-son, 122-modda) va Oʻzbekiston Respublikasi Vazirlar Mahkamasining 1999-yil 22-noyabrdagi “Respublika oʻrmonlarini himoya qilish boʻyicha ayrim meʼyoriy hujjatlarni tasdiqlash toʻgʻrisida”gi 506-sonli qarori (Oʻzbekiston Respublikasi Hukumatining qarorlar toʻplami, 1999-y., 11-son, 68-modda)ga hamda “Mahalliy davlat hokimiyati toʻgʻrisida”gi Qonunning 6-moddasiga asosan qaror qilaman:

1. 2015-yilning yoz, kuz fasllarida “Qumdaryo” davlat oʻrmon fondi yerlarida va qoʻshni fermer xoʻjaliklari hamda fuqarolar yigʻinlari hududida joylashgan oʻrmonlarda tamaki maxsulotlari chekish, ov qilish hamda gulxan yoqish qatʼiyan man qilinsin.

2. “Qumdaryo” davlat oʻrmon xoʻjaligi boʻlimlarida favqulodda holatlarda yongʻinni oʻchirish boʻyicha chora-tadbirlar rejasi ilovaga muvofiq tasdiqlansin.

3. “Qumdaryo” davlat oʻrmon xoʻjaligi direktori (B. Mirzayev), Qalqama, Koʻkdala, Ettitom oʻrmon boʻlimlari (S. Islomov, Gʻ. Joʻrayev, Sh. Rajabov) “Langar” QFY (I. Muxammadiyev), “Quruqsoy” MFY (Sh. Jamolov), “Taragʻay” MFY (A. Xushvaqov), “Qoʻqdala” QFY (X. Boyqulov), “Chuvulloq” MFY (E. Pardayev) raislari yongʻin xavfini oldini olish boʻyicha barcha tadbirlarni oʻtkazish boʻyicha shaxsan masʼulligi belgilab qoʻyilsin.

4. “Qumdaryo” davlat oʻrmon xoʻjaligi direktori (B. Mirzayev), tuman IIB YoXB (N. Muxammadiyev), tuman tibbiyot birlashmasi (E. Arziyev), “Oʻztelekom” AK Chiroqchi tuman filiali (Q. Toʻrayev), Qalqama, Koʻkdala, Ettitom oʻrmon boʻlimlari (S. Islomov, Gʻ. Joʻrayev, Sh. Rajabov) “Langar” QFY (I. Muxammadiyev), “Quruqsoy” MFY (Sh. Jamolov), “Taragʻay” MFY (A. Xushvaqov), “Qoʻqdala” QFY (X. Boyqulov), “Chuvulloq” MFY (E. Pardayev) raislari birgalikda Davlat oʻrmon fondida yongʻin sodir boʻlganda tezda kechiktirmasdan yongʻinni oʻchirish uchun yetarli odamlarni jalb qilish va ularni asbob-uskunalar va oziq-ovqatlar bilan taʼminlash hamda tez tibbiy yordam koʻrsatish choralarini koʻrish vazifalari yuklatilsin.

5. “Qumdaryo” davlat oʻrmon xoʻjaligi direktori (B. Mirzayev), tuman Tabiatni muhofaza qilish inspeksiyasi (I. Boboyev), tumandagi “Langar” QFY (I. Muxammadiyev), “Quruqsoy” MFY (Sh. Jamolov), “Taragʻay” MFY (A. Xushvaqov), “Qoʻqdala” QFY (X. Boyqulov), “Chuvulloq” MFY (E. Pardayev) raislari oʻrmon xoʻjaligi yer fondiga yaqin aholiga oʻrmon xoʻjaligi fondi yerlarida yongʻinni oldini olish boʻyicha tushuntirish ishlarini olib borish hamda oʻrmon toʻgʻrisidagi qonunlarni buzgan shaxslarga nisbatan tegishli hujjatlarni rasmiylashtirib tegishli organlarga taqdim etish vazifalari topshirilsin.

6.Ushbu qaror ijrosini nazorat qilish tuman hokimining birinchi oʻrinbosari Sh. Xusainov zimmasiga yuklatilsin.

7.Qaror rasman eʼlon qilingan kundan eʼtiboran kuchga kiradi.

Hokim R. KOMILOV

Chiroqchi t.,

2015-yil 3-avgust,

X-595/08-son

Tuman hokimining 2015-yil 3-avgustdagi X-595/08-sonli qaroriga ILOVA

2015-yilda “Qumdaryo” davlat oʻrmon xoʻjaligining Qalqama, Koʻkdala, Ettitom oʻrmon boʻlimlarida favqulodda holatlarda yongʻinni oʻchirish

REJASI

T/r Chiroqchi tumani Joylashgan aholi Yongʻinga qarshi oʻchirish asboblari Oʻrmon boʻlimlari-ning nomi Texnika-lar soni Shundan suv tashish mashinalari Jami Shundan yongʻin oʻchirishga qatnashadi Bolta Arra Belkurak 1 2 3 4 5 6 7 8 9 10 1. “Langar” QFY 5379 1614 2 5 8 Qalqama 1 2. “Quruqsoy” MFY 4534 1360 2 4 10 Qalqama 3. “Taragʻay” MFY 3586 1076 2 3 11 Qalqama 4. “Qoʻqdala” QFY 11211 3363 3 5 12 Koʻkdala 1 5. “Chuvulloq” MFY 8930 2679 3 5 13 Ettitom 1

Kerakli narsalar yuboriladigan joylar Tibbiy yordam koʻrsatilishini tashkil etishda javobgar shaxs Yongʻin boʻladigan joylarda aloqani tiklash boʻyicha javobgar shaxs Oʻrmon boʻlimi boshliqlarining I.F.O Yongʻinni oʻchirish boʻyicha javobgar shaxs Texnika va yongʻin oʻchirish asbob-uskunalarini olish joyi 11 12 13 14 15 16 Fuqarolar yigʻinlari, fermer xoʻjaliklari Tuman tibbiyot birlashmasi (E. Arziyev) Tuman elektr tarmoqlari korxonasi (O. Quvvatov) S. Islomov Oʻrmonni qoʻriqlash va himoya qilish muhandisi U. Jumanov Oʻrmon xoʻjaligi, mahalla va qishloq fuqarolar yigʻinlari hamda fermer xoʻjaliklari omborlari