Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasining “Qimmatli qogʻozlar bozori toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2015-yil 3-iyundagi OʻRQ-387-son hamda “Investitsiya va pay fondlari toʻgʻrisida” 2015-yil 25-avgustdagi OʻRQ-392-son qonunlari) (274-son)

23.09.2015

Oʻzbekiston Respublikasi Vazirlar Mahkamasining

qarori

Oʻzbekiston Respublikasining “Qimmatli qogʻozlar bozori toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2015-yil 3-iyundagi OʻRQ-387-son hamda “Investitsiya va pay fondlari toʻgʻrisida” 2015-yil 25-avgustdagi OʻRQ-392-son qonunlariga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Vazirliklar va idoralar bir oy muddatda oʻzlarining idoraviy normativ-huquqiy hujjatlarini ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2015-yil 23-sentabr,

274-son

Vazirlar Mahkamasining 2015-yil 23-sentabrdagi 274-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining 1994-yil 8-iyundagi 285-son qarori bilan tasdiqlangan Oʻzbekiston Respublikasi hududida qimmatli qogʻozlar bilan bitishuvlar tuzish va ularni roʻyxatdan oʻtkazish tartibi toʻgʻrisidagi nizomda:

a) 1-banddagi “qimmatli qogʻozlarning muomalada boʻlishi” soʻzlari “qimmatli qogʻozlarni joylashtirish va ularning muomalada boʻlishi” soʻzlari bilan almashtirilsin;

b) 5-bandda:

birinchi xatboshidagi “qimmatli qogʻozlarning birja bozorida va uyushgan birjadan tashqari bozorda” soʻzlari “qimmatli qogʻozlarning uyushgan savdolarida” soʻzlari bilan almashtirilsin;

uchinchi xatboshidagi “Investor” soʻzi “Aksiyalar egasi” soʻzlari bilan almashtirilsin;

v) 51-banddagi “investorlar” soʻzi “sotuvchi” soʻzi bilan almashtirilsin;

g) 6-band quyidagi tahrirda bayon etilsin:

“6. Qimmatli qogʻozlarni xarid qilish va (yoki) sotish narxini ommaviy eʼlon qilish yoʻli bilan oʻz nomidan va oʻz hisobidan qimmatli qogʻozlarning oldi-sotdi bitimlarini sodir etadigan market-meyker oldindan eʼlon qilingan oxirgi qatʼiy (qatʼiy belgilangan) narxlarga va qimmatli qogʻozlar soniga aniq muvofiq ravishda unga qimmatli qogʻozlar xarid qilish yoki sotish toʻgʻrisidagi takliflar bilan murojaat qilgan shaxslar bilan bitimlar tuzishi va bunday bitimlar tuzishdan bosh tortmasligi shart.

Market-meyker qimmatli qogʻozlar oldi-sotdi shartnomasining boshqa muhim shartlarini: xarid qilinadigan va (yoki) sotiladigan qimmatli qogʻozlarning eng kam va eng koʻp sonini, shuningdek eʼlon qilingan narxlar amal qiladigan muddatni ommaviy eʼlon qilish huquqiga ega. Ushbu eʼlonda qimmatli qogʻozlar oldi-sotdi shartnomasining boshqa muhim shartlariga koʻrsatma mavjud boʻlmagan taqdirda, market-meyker unga mijoz tomonidan taklif qilingan muhim shartlarda shartnoma tuzishga majbur. Market-meyker qimmatli qogʻozlar oldi-sotdi shartnomasini tuzishdan bosh tortgan taqdirda unga nisbatan bunday shartnomani majburiy tuzish va (yoki) mijozga yetkazilgan zararlarni qoplash toʻgʻrisida daʼvo taqdim etilishi mumkin.

Market-meyker tomonidan muayyan qiymatli qogʻozlarga boʻlgan narxlar, talab va taklif darajasini saqlab turish uchun qimmatli qogʻozlarga doir bitimlar tuzish qimmatli qogʻozlar bozorida hiyla-nayrang ishlatish hisoblanmaydi”.

d) 8-bandning birinchi xatboshidagi “mutaxassislarini qayta tayyorlaydigan” soʻzlari “mutaxassislarini qayta tayyorlaydigan va ularning malakasini oshiradigan” soʻzlari bilan almashtirilsin;

e) 10-band quyidagi tahrirda bayon etilsin:

“10. Investitsiya vositachilari mijozning hisobidan bitimlarni faqat uzaytirish imkoniyati bilan bir yil uchun tuziladigan brokerlik va depozitar xizmatlarini koʻrsatish shartnomasiga muvofiq tuzishlari mumkin.

Mijoz shartnoma bajarilgunga qadar uning amal qilishini bir tomonlama toʻxtatish huquqiga ega”;

j) 18-bandning ikkinchi va uchinchi xatboshilari quyidagi tahrirda bayon etilsin:

“ularning savdo maydonchalarida sodir etilgan bitimlar boʻyicha — qimmatli qogʻozlarning birjadan tashqari savdo tashkilotchilari, fond birjasi va valyuta birjalarning fond boʻlimlari tomonidan;

qimmatli qogʻozlar bilan boshqa bitimlar boʻyicha — qimmatli qogʻozlarni begonalashtiruvchiga xizmat koʻrsatadigan Markaziy depozitariy va investitsiya vositachilari tomonidan amalga oshiriladi”;

z) 21-band oʻz kuchini yoʻqotgan deb hisoblansin;

i) 251-bandda:

birinchi xatboshidagi “Depozitariy” soʻzi “Investitsiya vositachisi” soʻzlari bilan almashtirilsin;

quyidagi mazmundagi xatboshi qoʻshilsin:

“Mazkur bandning talabi Qimmatli qogʻozlar markaziy depozitariysiga ham tatbiq qilinadi”.

5. Vazirlar Mahkamasining “Qimmatli qogʻozlarning markaziy depozitariysini tashkil etish va uning faoliyati masalalari toʻgʻrisida” 1999-yil 21-maydagi 263-son qarorida (Oʻzbekiston Respublikasi QT, 1999-y., 5-son, 27-modda):

a) 2-band quyidagi tahrirda bayon etilsin:

“2. Belgilansinki, quyidagilar Markaziy depozitariyning mutlaq funksiyalari hisoblanadi:

qimmatli qogʻozlarni hisobga qoʻyish;

hujjatli qimmatli qogʻozlarni saqlash;

qimmatli qogʻozlar chiqarilganligini tasdiqlovchi hujjatlarni saqlash;

qimmatli qogʻozlar egalarining reyestrlarini yuritish;

davlatning qimmatli qogʻozlarga boʻlgan huquqlarini, shuningdek qimmatli qogʻozlarni boshqarish boʻyicha davlat vakolat bergan shaxslarning qimmatli qogʻozlarga boʻlgan huquqlarini hisobga olish;

investitsiya vositachilarining depo hisobvaraqlarini yuritish;

qimmatli qogʻozlardagi hisob-kitoblarni belgilangan tartibda amalga oshirish;

Oʻzbekiston Respublikasining norezidentlari tomonidan chiqarilgan Oʻzbekiston Respublikasi hududida muomalaga kiritilgan qimmatli qogʻozlarni hisobga olish;

Oʻzbekiston Respublikasining rezidentlari tomonidan chiqarilgan Oʻzbekiston Respublikasi hududidan tashqarida muomalaga kiritilgan qimmatli qogʻozlarni hisobga olish;

agar qonun hujjatlarida boshqacha qoida belgilanmagan boʻlsa, investitsiya fondlari tomonidan chiqarilgan va ularga tegishli qimmatli qogʻozlarga boʻlgan huquqlarni hisobga olish;

Deponentlarning yagona bazasini yuritish;

Oʻzbekiston Respublikasining rezidentlari tomonidan chiqarilgan emissiyaviy qimmatli qogʻozlarga xalqaro kodlar berish;

depo hisobvaraqlari boʻyicha emissiyaviy qimmatli qogʻozlar harakati toʻgʻrisidagi axborotni toʻplash va tizimlashtirish”;

b) 21-band quyidagi tahrirda bayon etilsin:

“21. Markaziy depozitariy qimmatli qogʻozlar egalarining reyestrlarini yuritishga doir vazifalarini bajarayotganda investitsiya vositachilaridan mazkur reyestrlarni shakllantirish uchun zarur maʼlumotlarni soʻrash va olishga haqli.

Markaziy depozitariy qimmatli qogʻozlar egalarining reyestrlarini yuritish funksiyalarini bajarayotganda qonun hujjatlariga muvofiq boshqa huquqlarga ham ega boʻlishi mumkin.

Qimmatli qogʻozlar markaziy depozitariysi qimmatli qogʻozlar egalarining reyestrlarini yuritish funksiyalarini bajarayotganda:

qimmatli qogʻozlar egalarining belgilangan sanadagi holatga koʻra shakllantirilgan reyestrlarini saqlashi;

qimmatli qogʻozlar egalarining reyestrlaridagi mavjud axborotni “Qimmatli qogʻozlar bozori toʻgʻrisida”gi Oʻzbekiston Respublikasi Qonuniga muvofiq taqdim etishi;

qimmatli qogʻozlar egalarining reyestrlaridagi mavjud axborotning maxfiyligini taʼminlashi shart.

Qimmatli qogʻozlar markaziy depozitariysi qimmatli qogʻozlar egalarining reyestrlarini yuritish funksiyalarini bajarayotganda qonun hujjatlariga muvofiq boshqa majburiyatlarga ham ega boʻlishi mumkin”.

6. Vazirlar Mahkamasining “Qimmatli qogʻozlar ikkilamchi bozorini yanada rivojlantirish chora-tadbirlari toʻgʻrisida” 2003-yil 29-apreldagi 196-son qarorida (Oʻzbekiston Respublikasi QT, 2003-y., 4-son, 33-modda):

a) 1-ilovada:

1-banddagi “davlatning qimmatli qogʻozlari bozori bundan mustasno” soʻzlari chiqarib tashlansin;

2-bandda:

toʻqqizinchi xatboshidagi “xizmatlar koʻrsatuvchi bank” soʻzlari “xizmatlar koʻrsatuvchi Oʻzbekiston Respublikasi Tashqi iqtisodiy faoliyat milliy banki” soʻzlari bilan almashtirilsin;

quyidagi mazmundagi xatboshi qoʻshilsin:

“netting — mijozning barcha pul talablarini uning barcha pul majburiyatlariga nisbatan hisobga olish orqali amalga oshiriladigan kliring usuli”;

3-banddagi “depozitariylar” soʻzi “investitsiya vositachilari” soʻzlari bilan almashtirilsin;

5-bandning yettinchi xatboshidagi “kafolat fondidan mablagʻlarni shartnoma asosida berish yoʻli bilan” soʻzlari chiqarib tashlansin;

7-band quyidagi tahrirda bayon etilsin:

“7. Hisob-kitob-kliring palatasi quyidagilarga haqlidir:

hisob-kitob-kliring operatsiyalarini amalga oshirish uchun Markaziy depozitariy, investitsiya vositachilari va tijorat banklari bilan shartnomalar tuzish;

investitsiya vositachilaridan hisob-kitob-kliring operatsiyalarini amalga oshirish uchun zarur boʻlgan axborotni olish;

hisob-kitob-kliring palatasi aʼzosi fond birjasi, Markaziy depozitariy va savdolarning boshqa qatnashchilaridan qarzdor boʻlgan taqdirda unga xizmat koʻrsatishni toʻxtatish;

hisob-kitob-kliring palatasi aʼzolaridan, Markaziy depozitariy va (yoki) vakolatli bankdan savdo yakunlari boʻyicha operatsiyalar oʻtkazishga topshiriq va (yoki) boshqa hujjatlarni qabul qilish;

har xil turdagi solishtirish tizimlarini va kliring usullarini, shu jumladan nettingni oʻz xohishiga koʻra qoʻllash”;

9-bandda:

uchinchi va toʻrtinchi xatboshilardagi “depozitariylar” soʻzi “investitsiya vositachilari” soʻzlari bilan almashtirilsin;

oʻn yettinchi xatboshi chiqarib tashlansin;

10-band oʻz kuchini yoʻqotgan deb hisoblansin;

V boʻlim quyidagi tahrirda bayon etilsin:

“V. Kafolat fondi

11. Investitsiya vositachisi tomonidan investorga yetkazilgan zararning oʻrnini qoplash uchun hisob-kitob-kliring palatasi investitsiya vositachisiga (keyingi oʻrinlarda — kafolat fondi qatnashchisi deb ataladi) tegadigan vositachilik haqining chegirib qolinadigan qismi hisobidan kafolat fondini shakllantiradi, bunda vositachilik haqining chegirib qolinadigan qismi bunday haqning 5 foizini tashkil etadi.

12. Hisob-kitob-kliring palatasi kafolatli fond qatnashchilarining mablagʻlarini hisobga olish va saqlash uchun ularga zaxira hisob raqamlari ochadi.

13. Kafolat fondi qatnashchisi mablagʻlarning kafolatli fondga tushishini taʼminlashi lozim. Bunda kafolat fondi qatnashchisi oʻzi tasdiqlagan xizmat koʻrsatish yagona tariflarini ular tasdiqlangan kundan boshlab ikki ish kuni mobaynida hisob-kitob-kliring palatasiga taqdim etadi.

14. Hisob-kitob-kliring palatasi kafolat fondi qatnashchisining topshirigʻisiz kafolat fondi qatnashchilarining qimmatli qogʻozlari bilan amalga oshmay qolgan bitishuvlar bajarilishini taʼminlash uchun ularning zaxira hisob raqamlaridan ushbu hisob raqamlarining miqdoriga mutanosib mablagʻlarni mustaqil ravishda olishi mumkin.

Kafolat fondi qatnashchisi aybi bilan investorga yetkazilgan boshqa zararlarning kafolat fondidan qoplanishi tomonlarning oʻzaro kelishuvi yoki sud qaroriga asosan amalga oshirilishi mumkin.

15. Kafolat fondi qatnashchisi hisob-kitob-kliring palatasi bilan tuzilgan shartnomada belgilangan muddatda hisob-kitob-kliring palatasining harakatlari yuzasidan sud tartibida shikoyat qilishga haqli.

16. Kafolat fondining mablagʻlari uning qatnashchilariga tegishli boʻlib, har bir qatnashchi boʻyicha alohida shakllantiriladi va hisobi yuritiladi.

17. Savdo tashkilotchilari va kafolat fondi qatnashchilari oʻzlarining rasmiy veb-saytlarida kafolat fondida toʻplangan pul mablagʻlarining miqdori toʻgʻrisidagi maʼlumotni har kuni yangilagan holda koʻrsatishlari shart.

18. Kafolat fondi qatnashchisi zaxira hisob raqamida hisob-kitob-kliring palatasi tomonidan ushlab qolinadigan summadan koʻproq summani saqlashga haqlidir.

19. Kafolat fondining mablagʻlaridan mazkur Nizomda belgilanmagan boshqa maqsadlarda foydalanilishi mumkin emas. Kafolat fondida qolgan mablagʻlar kafolat fondi qatnashchisiga u investitsiya vositachi sifatidagi faoliyatini tugatgan taqdirda qaytarilishi kerak”;

28-band quyidagi tahrirda bayon etilsin:

“28. Mazkur Nizomni buzganlikda aybdor boʻlgan shaxslar belgilangan tartibda javobgar boʻladi”;

b) 2-ilovada:

ilova nomidagi “depozitariylar tizimida” soʻzlari “depozitar tizimida” soʻzlari bilan almashtirilsin;

1-band quyidagi tahrirda bayon etilsin:

“1. Ushbu Nizom “Qimmatli qogʻozlar bozori toʻgʻrisida”gi Oʻzbekiston Respublikasi Qonuniga muvofiq ishlab chiqilgan va Oʻzbekiston Respublikasi depozitar tizimida deponentlarning yagona bazasiga talablarni belgilaydi. Bunda depozitar tizimi deganda Oʻzbekiston Respublikasi hududida qimmatli qogʻozlarni saqlash, ularga boʻlgan huquqlarni hisobga olish va oʻtish tizimi tushuniladi”;

2-bandda:

birinchi va ikkinchi xatboshilardagi “depozitariylar tizimida” soʻzlari “depozitar tizimida” soʻzlari bilan almashtirilsin;

toʻrtinchi xatboshidagi “depozitariylarning” soʻzi “investitsiya vositachilarining” soʻzlari bilan almashtirilsin;

6-band quyidagi tahrirda bayon etilsin:

“6. Yagona baza tizimida mavjud deponentlarni kodlashtirish qimmatli qogʻozlar bozorini tartibga solish boʻyicha vakolatli davlat organi bilan kelishilgan holda Markaziy depozitariy tomonidan belgilangan tartibda va muddatlarda amalga oshiriladi”;

7-banddagi “depozitariy” soʻzi “investitsiya vositachisi” soʻzlari bilan almashtirilsin;

8-band quyidagi tahrirda bayon etilsin:

“8. Markaziy depozitariy topshiriqnoma asosida bir ish kuni mobaynida yagona baza tizimida deponentni roʻyxatdan oʻtkazadi va unga kod beradi.

Deponent kodining tarkibi va uni shakllantirish tartibi qimmatli qogʻozlar bozorini tartibga solish boʻyicha vakolatli davlat organi bilan kelishilgan holda Markaziy depozitariy tomonidan belgilanadi”.

10 va 17-bandlardagi “depozitariyning” soʻzi “investitsiya vositachisining” soʻzlari bilan almashtirilsin;

11 va 18-bandlardagi “Depozitariy” soʻzi “Investitsiya vositachisi” soʻzlari bilan almashtirilsin;

13-band quyidagi tahrirda bayon etilsin:

“13. Deponent rekvizitlari oʻzgarganligi toʻgʻrisidagi tasdiqlovchi hujjatlarni Markaziy depozitariyga va (yoki) investitsiya vositachisiga quyidagi hollarda taqdim etadi:

jismoniy shaxs uchun — uning familiyasi, ismi, otasining ismi, soliq toʻlovchining identifikatsiya tartib raqami, jismoniy shaxsning shaxsini tasdiqlovchi hujjatning tartib raqami va seriyasi, shuningdek uning bogʻlanish va bank rekvizitlari oʻzgargan taqdirda;

yuridik shaxslar uchun — uning nomi, soliq toʻlovchining identifikatsiya tartib raqami, davlat roʻyxatidan oʻtkazilish tartib raqami va sanasi, shuningdek uning bogʻlanish va bank rekvizitlari oʻzgargan taqdirda.

Deponent rekvizitlari oʻzgarganda investitsiya vositachisi deponentning yangi anketasi maʼlumotlari asosida deponent rekvizitlarini oʻzgartirishga elektron topshiriqnoma tayyorlaydi va ularni deponentning oʻzgargan rekvizitlari olingan kundan eʼtiboran ikki ish kuni mobaynida Markaziy depozitariyga joʻnatadi”.

10. Vazirlar Mahkamasining 2006-yil 16-oktabrdagi 215-son qarori (Oʻzbekiston Respublikasi QT, 2006-y., 10-son, 77-modda) bilan tasdiqlangan Davlatga tegishli aksiyalar paketlarini (ulushlarni) ishonchli boshqaruvga berish tartibi toʻgʻrisidagi nizomning 11-bandi oʻz kuchini yoʻqotgan deb hisoblansin.

11. Vazirlar Mahkamasining “Qimmatli qogʻozlar bozori toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2008-yil 29-dekabrdagi 284-son qarorida (Oʻzbekiston Respublikasi QT, 2008-y., 12-son, 70-modda):

a) 1-ilovada:

toʻrtinchi qatordagi “(brokerlar, dilerlar)” soʻzlari chiqarib tashlansin;

beshinchi qator chiqarib tashlansin;

b) 2-ilovada:

5-bandning 1) — 9) kichik bandlari quyidagi tahrirda bayon etilsin:

“1) emitentning uning taʼsis hujjatlariga muvofiq toʻliq va qisqartirilgan nomi;

2) emitentning tashkiliy-huquqiy shakli;

3) yuridik shaxslarning davlat reyestriga emitentni tashkil etish toʻgʻrisida yozuv kiritilgan davlat roʻyxatidan oʻtkazish tartib raqami va bunday yozuv kiritilgan sana;

4) emitentning soliq toʻlovchining identifikatsiya tartib raqami (STIR);

5) emitentning joylashgan joyi (pochta manzili), emitentning xat-xabarlarni olish uchun boshqa manzillari mavjud boʻlgan taqdirda — ushbu manzillar, shu jumladan elektron pochta manzili va veb-sayt ham koʻrsatiladi;

6) emitentning roʻyxatdan oʻtkazuvchi organ tomonidan beriladigan yagona kodi;

7) emitentni tugatish yoki qayta tashkil etish toʻgʻrisidagi maʼlumotlar;

8) emissiyaviy qimmatli qogʻozlar chiqarish (qoʻshimcha chiqarish)ga berilgan davlat roʻyxatidan oʻtkazish tartib raqami va uning berilgan sanasi, roʻyxatdan oʻtkazuvchi organning nomi, davlat qimmatli qogʻozlari holatida esa bunday qimmatli qogʻozlar chiqarish (qoʻshimcha chiqarish)ning roʻyxatdan oʻtkazish (identifikatsiya) tartib raqami va uning berilgan sanasi, shuningdek roʻyxatdan oʻtkazish (identifikatsiya) tartib raqami bergan organning nomi;

9) emissiyaviy qimmatli qogʻozlarning toifasi (turi, tipi), seriyasi, shakli va boshqa identifikatsiya belgilari”.

12. Vazirlar Mahkamasining 2009-yil 8-maydagi 132-son qarori (Oʻzbekiston Respublikasi QT, 2009-y., 5-son, 36-modda) bilan tasdiqlangan Sud hujjatlari va boshqa organlar hujjatlarini majburiy ijro etishda xatlangan va olib qoʻyilgan mol-mulkni saqlash tartibi hamda shartlari toʻgʻrisidagi nizomda:

a) 15-banddagi “depozitariyga” soʻzi “Qimmatli qogʻozlar markaziy depozitariysiga yoki investitsiya vositachisiga” soʻzlari bilan almashtirilsin;

b) 21-banddagi “depozitariyga” soʻzi “Qimmatli qogʻozlar markaziy depozitariysiga yoki investitsiya vositachisiga” soʻzlari bilan almashtirilsin.

15. Vazirlar Mahkamasining 2014-yil 2-iyuldagi 176-son qarori (Oʻzbekiston Respublikasi QT, 2014-y., 7-son, 67-modda) bilan tasdiqlangan Aksiyadorlik jamiyatlarining korporativ veb-saytlariga qoʻyiladigan talablar toʻgʻrisidagi nizomning 3-bandi oʻn birinchi xatboshidagi “39” raqami “44” raqami bilan almashtirilsin.

16. Vazirlar Mahkamasining “Qimmatli qogʻozlarni muomalaga kiritish kvotalari va tartibi toʻgʻrisidagi nizomni tasdiqlash haqida” 2014-yil 20-avgustdagi 239-son qarorida (Oʻzbekiston Respublikasi QT, 2014-y., 8-son, 90-modda):

a) 1-banddagi “muomalaga kiritish” soʻzlari “joylashtirish va muomalaga kiritish” soʻzlari bilan almashtirilsin;

b) ilovada:

ilovaning nomi quyidagi tahrirda bayon etilsin:

“Qimmatli qogʻozlarni joylashtirish va muomalaga kiritish kvotalari va tartibi toʻgʻrisida nizom”;

v) 2-bandda:

ikkinchi xatboshi quyidagi tahrirda bayon etilsin:

“qimmatli qogʻozlarni nominal saqlovchi — qimmatli qogʻozlar egasining yoki u vakil qilgan shaxsning topshirigʻiga koʻra qimmatli qogʻozlarni hisobga olishni va ularga boʻlgan huquqlarni tasdiqlashni qimmatli qogʻozlarning egasi boʻlmagan holda amalga oshiruvchi investitsiya vositachisi, Qimmatli qogʻozlar markaziy depozitariysi”;

sakkizinchi xatboshidagi “depozitariylarda” soʻzi chiqarib tashlansin.

17. Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida” 2014-yil 6-oktabrdagi 279-son qarorida (Oʻzbekiston Respublikasi QT, 2014-y., 10-son, 104-modda):

a) 2-ilovada:

2-bandda:

ikkinchi xatboshidagi “boshqa birjalar” soʻzlari “valyuta birjalari” soʻzlari bilan almashtirilsin;

yigirma birinchi xatboshi quyidagi tahrirda bayon etilsin:

“birja savdolariga xizmat koʻrsatuvchi tashkilotlar — birja, sotuvchining (xaridorning) vositachisi, Markaziy depozitariy”;

51-bandning uchinchi xatboshi quyidagi tahrirda bayon etilsin:

“Davlat mulkini xususiylashtirishdan tushgan mablagʻlar jamgʻarmasiga pul mablagʻlari oʻtkazmalarini va vositachilik toʻlovlarini toʻlash boʻyicha BTST tashkilotchisi, Markaziy depozitariy va xaridor vositachisining hisob raqamlariga pul mablagʻlari oʻtkazmalarini amalga oshiradi”;

92-banddagi “xaridorga xizmat koʻrsatuvchi depozitariysidagi” soʻzlari chiqarib tashlansin;

b) 7-ilovaning 34-bandi ikkinchi xatboshidagi “xizmat koʻrsatuvchi depozitariysiga” soʻzlari “xizmat koʻrsatuvchi vositachisiga” soʻzlari bilan almashtirilsin.