Mamlakatimizda demokratik islohotlarni yanada chuqurlashtirish va fuqarolik jamiyatini shakllantirishning dolzarb masalalarini muhokama qilish yuzasidan 2015-yilda oʻtkaziladigan xalqaro konferensiyalar, davra suhbatlari va seminarlarning samaradorligi hamda natijadorligini oshirishga doir qoʻshimcha chora-tadbirlar toʻgʻrisida (137/1-III-son)

18.05.2015

Oʻzbekiston Respublikasi Oliy Majlisi Qonunchilik palatasi Kengashining

Qarori

Oʻtkaziladigan tadbirlarning samaradorligini, taʼsirchanligini oshirishga doir birinchi navbatdagi chora-tadbirlar rejasiga (№ 03-861, 2015-yil 6-may) muvofiq, shuningdek mamlakatimizda demokratik islohotlarni yanada chuqurlashtirish va fuqarolik jamiyatini shakllantirishning dolzarb masalalarini muhokama qilish yuzasidan 2015-yilda oʻtkaziladigan xalqaro konferensiyalar, davra suhbatlari va seminarlarni (bundan buyon matnda xalqaro tadbirlar deb yuritiladi) sifatli tashkil etish maqsadida Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Mamlakatimizda demokratik islohotlarni yanada chuqurlashtirish va fuqarolik jamiyatini shakllantirishning dolzarb masalalarini muhokama qilish yuzasidan 2015-yilda xalqaro konferensiyalar, davra suhbatlari va seminarlar tashkil etish hamda oʻtkazilishini monitoring qilish boʻyicha ishchi guruh (bundan buyon matnda Ishchi guruh deb yuritiladi) 1-ilovaga muvofiq tashkil etilsin.

2. Quyidagilar Ishchi guruhning asosiy vazifalari etib belgilansin:

xalqaro tadbirlarga tayyorgarlik koʻrish, ularni tashkil etish va oʻtkazishda masʼul vazirliklar va idoralarga koʻmaklashish;

xalqaro tadbirlarda ishtirok etish uchun taklif etiladigan chet el ekspertlarini tanlab olishga doir aniq takliflar ishlab chiqish;

mahalliy Kengashlar deputatlarini, NNTlarning va fuqarolik jamiyati boshqa institutlarining vakillarini taklif etish;

oʻtkaziladigan xalqaro tadbirlarni OAVlarda keng yoritish;

xalqaro tadbirlar ishtirokchilari uchun tarqatma materiallar tayyorlash;

xalqaro tadbirlarga tayyorgarlik koʻrish, ularni tashkil etish va oʻtkazish mexanizmini yanada takomillashtirish hamda ushbu tadbirlar samaradorligini oshirish yuzasidan amaliy tavsiyalar va takliflar ishlab chiqish;

zarurat boʻlganda xalqaro tadbirlar yakunlariga doir materiallarni nashr etish;

oʻtkaziladigan xalqaro tadbirlarning tizimli tahlilini amalga oshirish.

3. Mamlakatimizda demokratik islohotlarni yanada chuqurlashtirish va fuqarolik jamiyatini shakllantirishning dolzarb masalalarini muhokama qilish yuzasidan 2015-yilda xalqaro konferensiyalar, davra suhbatlari va seminarlar tashkil etish hamda oʻtkazilishini monitoring qilish boʻyicha ishchi guruhning Ish rejasi 2-ilovaga* muvofiq tasdiqlansin.

* 2-ilova berilmaydi.

4. Ishchi guruhning masʼul aʼzolari xalqaro tadbir oʻtkazilganidan keyin uch ish kuni ichida Oʻzbekiston Respublikasi Oliy Majlisi Qonunchilik palatasining Xalqaro ishlar va parlamentlararo aloqalar qoʻmitasiga oʻtkazilgan xalqaro tadbir yakunlari toʻgʻrisidagi tahliliy maʼlumotnomani taqdim etsinlar.

5. Mazkur qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining oʻrinbosari S. Otamuratov va Qonunchilik palatasi Devonining rahbari A. Irkaxodjayev zimmasiga yuklatilsin.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2015-yil 18-may,

137/1-III-son

Oliy Majlis Qonunchilik palatasi Kengashining 2015-yil 18-maydagi 137/1-III-sonli qaroriga 1-ILOVA

Mamlakatimizda demokratik islohotlarni yanada chuqurlashtirish va fuqarolik jamiyatini shakllantirishning dolzarb masalalarini muhokama qilish yuzasidan 2015-yilda xalqaro konferensiyalar, davra suhbatlari va seminarlar tashkil etish hamda oʻtkazilishini monitoring qilish boʻyicha ishchi guruhning

TARKIBI

Otamuratov Sarvar Sadullayevich — Oʻzbekiston Respublikasi Oliy Majlisi Qonunchilik palatasi Spikerining oʻrinbosari (Ishchi guruh rahbari) lavozimi boʻyicha — Oʻzbekiston Respublikasi Oliy Majlisi Qonunchilik palatasining Xalqaro ishlar va parlamentlararo aloqalar qoʻmitasi raisi (Ishchi guruh rahbarining oʻrinbosari) Alixanov Boriy Botirovich — Oʻzbekiston Respublikasi Oliy Majlisi Qonunchilik palatasi Spikerining oʻrinbosari, Ekologiya va atrof muhitni muhofaza qilish masalalari qoʻmitasining raisi Saidov Akmal Xolmatovich — Oʻzbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotlar va fuqarolarning oʻzini oʻzi boshqarish organlari qoʻmitasi raisi Abduqodirov Doniyor Husanovich — Oʻzbekiston Respublikasi Oliy Majlisi Qonunchi­lik palatasining Qonunchilik va sud-huquq masalalari qoʻmitasi raisi Abdullayev Ilhom Zoirovich — Oʻzbekiston Respublikasi Oliy Majlisi Qonunchilik palatasining Axborot va kommunikatsiya texnologiyalari masalalari qoʻmitasi raisi Umarov Yoqub Doniyorovich — Oʻzbekiston Respublikasi Oliy Majlisi Qonunchilik palatasining Mehnat va ijtimoiy masalalar qoʻmitasi raisi Umarov Zokir Sobirjonovich — Oʻzbekiston Respublikasi Oliy Majlisi Qonunchilik palatasining Xalqaro ishlar va parlamentlararo aloqalar qoʻmitasi raisining oʻrinbosari (Ishchi guruh kotibi) Irkaxoʻjayev Anvar Kamalovich — Oʻzbekiston Respublikasi Oliy Majlisi Qonunchilik palatasi Devonining Rahbari Abdurahmonov Fayzullo Abduvakilovich — Oʻzbekiston Respublikasi Oliy Majlisi Qonunchilik palatasi Devonining Xalqaro aloqalar boʻlimi mudiri.