Banklarni roʻyxatga olish va ular faoliyatini litsenziyalash tartibi toʻgʻrisidagi nizomga oʻzgartirishlar kiritish haqida (2014-10-son)

15.09.2015

Oʻzbekiston Respublikasi Markaziy banki BOshqaruvining

Qarori

[Oʻzbekiston Respublikasi Adliya vazirligi tomonidan 2015-yil 15-sentabrda 2014-10-son bilan davlat roʻyxatidan oʻtkazilgan]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va 2015-yil 20-avgustdagi OʻRQ-391-son “Oʻzbekiston Respublikasining ayrim qonun hujjatlariga xususiy mulkni, tadbirkorlik subyektlarini ishonchli himoya qilishni yanada kuchaytirishga, ularni jadal rivojlantirish yoʻlidagi toʻsiqlarni bartaraf etishga qaratilgan oʻzgartish va qoʻshimchalar kiritish toʻgʻrisida”gi qonunlariga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2009-yil 15-avgustdagi 23/3-son qarori (roʻyxat raqami 2014, 2009-yil 8-oktabr) (Oʻzbekiston Respublikasi qonun hujjatlari toʻplami, 2009-y., 41-son, 447-modda) bilan tasdiqlangan Banklarni roʻyxatga olish va ular faoliyatini litsenziyalash tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Markaziy bank raisi F. MULLAJONOV

Toshkent sh.,

2015-yil 5-sentabr,

24/10-son

Oʻzbekiston Respublikasi Markaziy banki Boshqaruvining 2015-yil 5-sentabrdagi 24/10-son qaroriga ILOVA

Banklarni roʻyxatga olish va ular faoliyatini litsenziyalash tartibi toʻgʻrisidagi nizomga kiritilayotgan oʻzgartirishlar

1. 49-bandning 1-kichik bandidagi “(agar muassis yakka tartibdagi tadbirkor yoki yuridik shaxs boʻlsa)” degan soʻzlar “(muhrlar mavjud boʻlgan taqdirda)” degan soʻzlar bilan almashtirilsin.

2. 5-ilovada:

1-shakldagi “Ipoteka ssudalari” va “Tijorat ssudalari” degan soʻzlar tegishincha “Ipoteka kreditlari” va “Tijorat kreditlari” degan soʻzlar bilan almashtirilsin;

3-shakldagi “Ssudalar boʻyicha foizlar” degan soʻzlar “Kreditlar boʻyicha foizlar” degan soʻzlar bilan almashtirilsin.