Oʻzbekiston Respublikasi va Qozogʻiston Respublikasi oʻrtasida ikki tomonlama hamkorlik boʻyicha hukumatlararo qoʻshma komissiyasi toʻgʻrisida

02.06.1997

nizom

Bundan keyin “Ahdlashuvchi Tomonlar” deb atalayotgan Oʻzbekiston Respublikasi Hukumati va Qozogʻiston Respublikasi Hukumati bundan keyin Qoʻshma komissiya deb atalayotgan Oʻzbekiston Respublikasi va Qozogʻiston Respublikasi oʻrtasida ikki tomonlama hamkorlik boʻyicha hukumatlararo qoʻshma komissiyasini taʼsis etdilar.

1. Qoʻshma komissiyaning vazifalari:

ikki tomonlama oʻzaro manfaatli siyosiy, savdo-iqtisodiy, ilmiy-texnikaviy, mudofaa va madaniy sohalarda hamkorlik qilishga koʻmaklashish;

kelishilgan bitimlar doirasida oʻzaro manfaatli hamkorlikning turli sohalarini faollashtirishga, birgalikda qabul qilingan qarorlarning bajarilishga koʻmaklashish, oʻzaro munosabatlarning turli sohalari boʻyicha Tomonlarning hukumatlariga takliflar kiritish.

2. Qoʻshma komissiya Oʻzbekiston Respublikasi va Qozogʻiston Respublikasi tomonidan bir miqdordagi aʼzolardan tuziladi.

3. Ahdlashuvchi Tomonlar Qoʻshma komissiyaning milliy qismlarining raislarini, raislar oʻrinbosarlari va masʼul kotiblarini tayinlaydilar.

Raislar Qoʻshma komissiyaning faoliyatini muvofiqlashtiradilar va tashkil etishni taʼminlaydilar, doim maslahatlashadilar va maʼlumot bilan almashadilar.

4. Qoʻshma komissiya muvofiqlashtirilgan muddatlarda, lekin kamida yilda ikki martda yigʻilishadi. Har bir yigʻilishning kun tartibi bir yilga tasdiqlangan tadbirlar istiqbol rejasidan kelib chiqqan holda belgilanadi.

Qoʻshma komissiya yigʻilishlari navbatma-navbat Oʻzbekiston Respublikasida va Qozogʻiston Respublikasida yigʻilishni oʻtkazayotgan davlatdan rais raisligida oʻtkaziladi.

Qoʻshma komissiya oʻz yigʻilishlarini raislarning oʻrtasidagi kelishuvi boʻyicha tasdiqlangan ish jadvaliga muvofiq oʻtkazadi.

Qoʻshma komissiya yigʻilishlari uchun materiallarni tayyorlashga davlat hokimiyati va boshqaruv organlari xodimlari, shuningdek Ahdlashuvchi Tomonlarning maslahatchilari va ekspertlari jalb etiladi.

Qoʻshma komissiya yigʻilishlarining ishchi tili rus tili boʻladi.

5. Navbatdagi yigʻilishlarning kun tartibi raislar maslahatlashishlar yoʻli bilan kelishiladi.

6. Raislardan birining iltimosiga koʻra Qoʻshma komissiyaning navbatsiz yigʻilishi chaqirilishi mumkin.

7. Qoʻshma komissiya qarorlari imzolangan vaqtdan kuchga kiradi, agar boshqa tartib koʻzda tutilmagan boʻlsa. Kelishish muddati Qoʻshma komissiya qarori qabul qilingan kundan boshlab oʻttiz kundan oshmasligi kerak.

Raislardan birining fikricha, tegishli Tomonning vakolatli organlari tomonidan maqullanishi kerak boʻlgan qarorlar ularni maʼqullash toʻgʻrisida tegishli rais tomonidan xabar bergan kunidan boshlab kuchga kiradi.

8. Qoʻshma komissiya yigʻilishlarining protokollari rus tilida olib boriladi va Qoʻshma komissiyaning raislari tomonidan imzolanadi.

9. Oʻz vazifalarini bajarish maqsadida Qoʻshma komissiya zarur boʻlgan holda doimiy va muvofaqqat qoʻshma podkomissiyalarini va ishchi guruhlarini tuzishi mumkin.

10. Qoʻshma komissiya yigʻilishlarini oʻtkazish, jumladan uning aʼzolarining yashashi, ovqatlanishi va transport xizmati boʻyicha xarajatlarni qabul qiluvchi Tomon va boshqa xarajatlarni yuboruvchi Tomon qoplaydi.

(imzolar)