Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomni tasdiqlash haqida (2703-son)

30.07.2015

Oʻzbekiston Respublikasi temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi boshligʻining

buyrugʻi

[Oʻzbekiston Respublikasi Adliya vazirligi tomonidan 2015-yil 30-iyulda 2703-son bilan davlat roʻyxatidan oʻtkazilgan]

Oʻzbekiston Respublikasining “Temir yoʻl transporti toʻgʻrisida”gi Qonuni va Vazirlar Mahkamasining 2004-yil 2-martdagi 101-son “Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi faoliyatini takomillashtirish chora-tadbirlari toʻgʻrisida”gi qaroriga muvofiq buyuraman:

1. Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Boshliq R. IKRAMOV

Toshkent sh.,

2015-yil 3-iyul,

112-son

Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi boshligʻining 2015-yil 3-iyuldagi 112-sonli buyrugʻiga ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi

NIZOM

Mazkur Nizom Oʻzbekiston Respublikasining “Temir yoʻl transporti toʻgʻrisida”gi Qonuni va Vazirlar Mahkamasining 2004-yil 2-martdagi 101-son “Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi faoliyatini takomillashtirish chora-tadbirlari toʻgʻrisida”gi qaroriga muvofiq, Oʻzbekiston Respublikasi hududida temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibini belgilaydi.

1-bob. Harakat xavfsizligi buzilishlarini tasniflash

1. Temir yoʻl transportida harakat xavfsizligi buzilishlari quyidagicha tasniflanadi:

poyezdlar halokati;

avariyalar;

ishdagi alohida nuqson holatlar;

ishdagi nuqson holatlar.

2. Yuk yoki yoʻlovchilar tashish poyezdlari bilan boshqa poyezdlar yoki harakatdagi tarkib toʻqnashsa, bekat oraligʻi va bekatlarda yuk yoki yoʻlovchilar tashish poyezdlari izdan chiqsa hamda oqibatda insonlar halok boʻlsa, ogʻir tan jarohati olsa yoki lokomotiv yoxud vagonlar ularni hisobdan chiqarish darajasida shikastlangan boʻlsa, bular poyezdlar halokati sifatida tasniflanadi.

3. Quyidagi holatlar avariyalar sifatida tasniflanadi:

yoʻlovchilar tashish poyezdlari mazkur Nizomning 2-bandida koʻrsatilgan oqibatlarsiz boshqa poyezdlar yoki harakatdagi tarkib bilan toʻqnashsa, bekat oraligʻi va bekatlarda yoʻlovchi tashish poyezdlari izdan chiqsa hamda oqibatda lokomotivlar kapital taʼmirlash talab etiladigan darajada va (yoki) vagonlar depo yoki undan murakkabroq taʼmirlash talab etiladigan darajada shikastlangan boʻlsa;

yuk tashish poyezdlari mazkur Nizomning 2-bandida koʻrsatilgan oqibatlarsiz boshqa poyezdlar yoki temir yoʻlning harakatdagi tarkibi bilan toʻqnashsa, bekat oraligʻi va bekatlarda yuk tashish poyezdi izdan chiqsa hamda oqibatda lokomotivlar yoki vagonlar kapital taʼmirlash talab etiladigan darajada shikastlangan boʻlsa;

temir yoʻlning harakatdagi tarkibi manyovrlar, ekipirovkalash va boshqa qisqa harakatlar vaqtida boshqa poyezdlar yoki temir yoʻlning harakatdagi tarkibi bilan toʻqnashsa va izdan chiqsa hamda oqibatda insonlar halok boʻlsa, ogʻir tan jarohatlari olsa yoki lokomotiv yoxud vagonlar hisobdan chiqarish darajasida shikastlangan boʻlsa.

4. Quyidagilar ishdagi alohida nuqson holatlar sifatida tasniflanadi:

yuk yoki yoʻlovchi tashish poyezdlari mazkur Nizomning 2 va 3-bandlarida koʻrsatilgan oqibatlarsiz boshqa poyezdlar yoki temir yoʻlning harakatdagi tarkibi bilan toʻqnashsa, bekat oraligʻi va bekatlarda yuk yoki yoʻlovchi tashish poyezdlari izdan chiqsa;

poyezd band yoʻlga qabul qilinsa;

poyezd band bekat oraligʻiga joʻnatilsa;

poyezd tayyor boʻlmagan marshrut boʻyicha joʻnatilsa yoki qabul qilinsa;

poyezd taqiqlovchi ishoradan oʻtib ketsa;

poyezd yoki harakatdagi tarkib ostida yoʻl yoʻnaltirgichni oʻtkazish;

temir yoʻlning harakatdagi tarkibi poyezdni qabul qilish, joʻnatish marshrutiga yoki bekat oraligʻiga ketib qolsa;

ketish yoʻlida yuk qulasa (sochilib ketsa);

gʻildirak oʻqi, gʻildirak oʻq boʻyni yoki gʻildirak sinsa;

vagon aravachasining yon qismi yoki ressor ust balkasi sinsa;

temir yoʻlning harakatdagi tarkibining oʻrta balkasi uzilsa;

texnik nosozliklar sababli, harakatlanish yoʻlidagi yoʻlovchilar tashish poyezdidan vagon uzib qoldirilsa;

poyezdning chekka kranlari berk holatda joʻnatilsa;

yoʻlovchilar tashish poyezdida lokomotiv buzilishi oqibatida yordamchi lokomotiv talab qilinsa;

harakatlanish yoʻlida ishlar bajarilishi vaqtida poyezdlar harakati uchun xavfli boʻlgan joylar ishoralar bilan toʻsilmasa;

pol usti svetoforida taqiqlovchi ishora oʻrniga ruxsat ishorasi yanglish paydo boʻlsa yoki sekinlashish (toʻxtash) ishorasi oʻrniga ruxsat ishorasi paydo boʻlsa;

poyezdlar harakati xavfsizligiga masʼul boʻlgan temir yoʻl xodimlarining aybi bilan poyezd avtotransport vositasi yoki boshqa oʻzi yurar mashina bilan toʻqnashsa;

bekatda taqiqlovchi ishoradan oʻtib ketish holatini yuzaga keltirgan ruxsat ishorasi taqiqlovchi ishoraga almashib qolsa;

harakatlanayotgan poyezd ostida rels sinsa.

5. Quyidagilar ishdagi nuqson holatlar sifatida tasniflanadi:

buksa qizib ketsa yoki boshqa texnik nosozliklar sababli vagon harakatlanish yoʻlidagi yuk tashish poyezdidan uzib qoldirilsa;

poyezddagi avtoulagichlar oʻz oʻzidan ajralib ketsa;

yoʻnaltirgich kesilsa;

yuk ortish qoidalarining harakat xavfsizligiga tahdid soluvchi darajada buzilishi oqibatida oraliq bekatda poyezddan vagon uzib qoldirilsa;

temir yoʻlning harakatdagi tarkibining avtoulagichi sinib uzilsa;

temir yoʻlning harakatdagi tarkibi detallari yoʻlga tushib qolsa;

manyovrlarda, ekipirovkalashda va boshqa qisqa harakatlarda temir yoʻlning harakatdagi tarkibi mazkur Nizomning 3-bandi toʻrtinchi xatboshisida koʻrsatilgan oqibatlarsiz izdan chiqsa;

manyovrlarda, ekipirovkalashda va boshqa qisqa harakatlarda temir yoʻlning harakatdagi tarkibi mazkur Nizomning 3-bandi toʻrtinchi xatboshisida koʻrsatilgan oqibatlarsiz boshqa poyezdlar yoki temir yoʻlning harakatdagi tarkibi bilan toʻqnashsa, oqibatda lokomotivlar joriy taʼmir darajasida yoki vagonlarni uzib olgan holda joriy taʼmirlash yoxud temir yoʻlning harakatdagi tarkibi yanada murakkabroq taʼmirlash darajasida shikastlangan boʻlsa;

temir yoʻlning harakatdagi tarkibi qurilma, mexanizmlar, jihozlar va begona predmetlar ustiga yurib kelib urilsa;

bekatlar oraligʻi yoʻllarining birida yoki bekatda harakat grafigida belgilangan vaqtdan yoʻlovchilar tashish poyezdining bir soatdan koʻproq, boshqa poyezdlarning esa, uch soatdan koʻproq ushlanib qolishiga sabab boʻluvchi yoʻl, temir yoʻlning harakatdagi tarkibi, signallashtirish, markazlashtirish, blokirovkalash va aloqa, kontakt tarmogʻi, elektr taʼminoti qurilmalari va boshqa texnik vositalarning nosozliklari yuzaga kelsa.

2-bob. Xizmat tekshiruvini olib borish

6. Temir yoʻl transportida harakat xavfsizligi buzilishlari boʻyicha barcha holatlarni va harakat xavfsizligi buzilishlarining sabablari, oqibatlari, ularda aybdor boʻlgan shaxslarni aniqlash hamda kelgusida harakat xavfsizligi buzilishlari kelib chiqishining oldini olish maqsadida xizmat tekshiruvi oʻtkaziladi.

7. Umumiy foydalanishdagi temir yoʻllar va (yoki) idoralarga qarashli temir yoʻl shoxobcha yoʻllariga mulkka egalik qilish huquqi yoki boshqa mulkiy huquqlar asosida egalik qiluvchi (bundan buyon matnda temir yoʻlga egalik qiluvchi deb yuritiladi) tomonidan harakat xavfsizligi buzilishlari haqida maʼlumot olinganda, 5 soatdan kechiktirmasdan xizmat tekshiruvini oʻtkazish komissiyasi (bundan buyon matnda komissiya deb yuritiladi) tuziladi.

Komissiya tarkibiga “Oʻzdavtemiryoʻlnazorat” inspeksiyasi va (yoki) mintaqaviy filiali va harakatdagi tarkib mulkdorlarining vakillari, Oʻzbekiston Respublikasi Ichki ishlar vazirligi Davlat yoʻl harakati xavfsizligi xizmati vakillari (avtotransport vositalari bilan bogʻliq harakat xavfsizligi buzilishlari holatlarida) hamda boshqa shaxslar kelishuv asosida kiritilishi lozim.

8. Quyidagilar komissiyaning asosiy vazifalari hisoblanadi:

joyiga chiqqan holda harakat xavfsizligi buzilishlarining yuzaga kelish holatlari va sabablarini oʻrganish;

harakat xavfsizligi buzilishlarining oqibatlarini bartaraf etish boʻyicha zarur choralar koʻrish;

jabrlangan shaxslarga tegishli yordam koʻrsatish, temir yoʻl transporti harakatini tiklash;

temir yoʻlning harakatdagi tarkibining, umumiy foydalanishdagi temir yoʻllar va idoralarga qarashli temir yoʻl shoxobcha yoʻllarida temir yoʻl transporti infratuzilmasi obyektlarining amaldagi holatini temir yoʻl transportidan foydalanishni va harakat xavfsizligini tartibga soluvchi normativ hujjatlar talablariga muvofiqligini baholash;

harakat xavfsizligi buzilishlarini keltirib chiqargan yoki ularning yuzaga kelishiga sabab boʻlgan temir yoʻl transportida, shuningdek umumiy foydalanishdagi temir yoʻllarda va idoralarga qarashli temir yoʻl shoxobcha yoʻllarida ishlayotgan xodimlarning harakatlarini (harakatsizligini) baholash;

xizmat tekshiruvi natijalari boʻyicha shakllantirilgan yigʻmajildni 20 kun ichida tahlil qilish va saqlash uchun “Oʻzdavtemiryoʻlnazorat” inspeksiyasiga taqdim etish.

9. Harakat xavfsizligi buzilishlari sodir boʻlgan joyda komissiya tomonidan:

tezlikni oʻlchash tasmasi, xotira moduli yoki temir yoʻlning harakatdagi tarkibi harakati parametrlarini qayd etish kassetasi, poyezdning natur varagʻi, poyezdni tormozlar bilan taʼminlanganligi toʻgʻrisidagi maʼlumotnoma, harakat tezligini cheklash toʻgʻrisidagi ogohlantirishlar va lokomotivning bort jurnali olinadi (agar saqlanib qolgan boʻlsa);

harakatlanish yoʻlining buzilgan joyi va temir yoʻlning harakatdagi tarkibining joylashishi, kilometr va piketga bogʻlagan holda uning relsdan chiqish izlari, temir yoʻlning harakatdagi tarkibining izdan chiqishi boshlangan va toʻxtagan joyi koʻrsatilgan sxema chiziladi;

umumiy foydalanishdagi temir yoʻl transporti infratuzilmasi va (yoki) idoralarga qarashli temir yoʻl shoxobcha yoʻllariga tegishli obyektlarning hamda temir yoʻlning harakatdagi tarkibining shikastlanishi va oqibatlari, aniqlangan begona predmetlar, temir yoʻlning harakatdagi tarkibining detallari va uzellari joylashishining umumiy koʻrinishi fotosuratga tushiriladi, temir yoʻl transporti infratuzilmasi va temir yoʻlning harakatdagi tarkibiga yetgan talofat oqibatlari videotasvirga tushiriladi;

umumiy foydalanishdagi temir yoʻllar va (yoki) idoralarga qarashli temir yoʻl shoxobcha yoʻllariga tegishli obyektlarning texnik holati va ishi toʻgʻrisida dalolatnoma tuziladi;

harakat xavfsizligi buzilishlariga daxldor va voqeaga guvoh boʻlgan shaxslarni aniqlaydi;

harakat xavfsizligi buzilishlari sodir boʻlgan vaqtdagi ob-havo sharoitlari qayd qilinadi.

10. Hududida harakat xavfsizligi buzilishlari sodir boʻlgan temir yoʻlga egalik qiluvchi xizmat tekshiruvini oʻtkazish muddati davomida harakat xavfsizligi buzilishi sabablarini aniqlashga xizmat qiluvchi hujjatlar, temir yoʻlning yuqori koʻtarmasi elementlari, temir yoʻlning harakatdagi tarkibining detallari va boshqa predmetlarning saqlanishini taʼminlashi shart. Zarur hollarda, komissiya tegishli hujjatlar, detallar va predmetlarni maxsus tekshiruv yoki sinovlarga yuborishi mumkin.

11. Xizmat tekshiruvini oʻtkazish muddati 15 kundan ortiq boʻlmasligi kerak.

3-bob. Xizmat tekshiruvi natijalarini rasmiylashtirish

12. Xizmat tekshiruvi natijalariga koʻra poyezdlar halokati va avariyalar boʻyicha mazkur Nizomning 1-ilovasiga muvofiq, ishdagi alohida nuqson holatlar va ishdagi nuqson holatlar boʻyicha mazkur Nizomning 2-ilovasiga muvofiq shaklda dalolatnoma tuziladi.

13. Komissiya aʼzolari komissiya zimmasiga yuklatilgan barcha vazifalarning toʻliq va oʻz vaqtida bajarilishi, xizmat tekshiruvi natijalarining toʻgʻri rasmiylashtirilishi, xulosalarning asosliligi, materiallarning sifati uchun masʼuldir.

14. Xizmat tekshiruvi natijalari boʻyicha komissiya tomonidan barcha materiallarni oʻz ichiga olgan 3 ta asl nusxada yigʻmajild shakllantiriladi.

15. Yigʻmajildda quyidagi hujjatlar boʻlishi shart:

tegishli xizmat tekshiruvi dalolatnomasi;

komissiya tomonidan tuzilgan harakat xavfsizligi buzilishlarining kelib chiqish sabablari koʻrsatilgan texnik xulosa;

mazkur Nizomning 3-ilovasiga muvofiq shakldagi jabrlangan shaxslar haqidagi maʼlumotlar va dastlabki tashxislar;

mazkur Nizomning 4 va (yoki) 5-ilovalariga muvofiq shakldagi umumiy foydalanishdagi temir yoʻllar yoki idoralarga qarashli temir yoʻl shoxobcha yoʻllariga mansub boʻlgan vagon va (yoki) lokomotivning shikastlanganligi (nosozligi) toʻgʻrisida dalolatnoma;

umumiy foydalanishdagi temir yoʻllar yoki idoralarga qarashli temir yoʻl shoxobcha yoʻllariga tegishli boʻlgan texnik qurilmalar, obyektlar hamda temir yoʻlning harakatdagi tarkibining harakat xavfsizligi buzilishida yuzaga kelgan saqlanish meʼyorlaridan chekinishlar va shikastlanishlar koʻrsatilgan sxemalar (foto, videotasvir va boshqa qayd qilish usullaridan foydalanib tasvirga tushirilgan harakat xavfsizligi buzilishi sabablarini tasdiqlovchi materiallar asosida);

harakat xavfsizligi buzilishiga daxldor boʻlgan temir yoʻlning harakatdagi tarkibining tezlikni oʻlchash tasmasi, xotira moduli yoki temir yoʻlning harakatdagi tarkibi harakati parametrlarini qayd etish kassetasi tahlili natijalari;

mazkur Nizomning 6-ilovasiga muvofiq shakldagi umumiy foydalanishdagi temir yoʻllar va (yoki) idoralarga qarashli temir yoʻl shoxobcha yoʻllariga tegishli obyektlarning texnik holati va ishi toʻgʻrisida dalolatnoma;

poyezdlarning natur varaqlari;

oʻtkazilgan maxsus tekshiruv va sinovlarning natijalari (agar oʻtkazilgan boʻlsa);

poyezdlar harakatining ijro etilgan grafigi nusxasi;

harakat xavfsizligi buzilishi sodir boʻlgunga qadar umumiy foydalanishdagi temir yoʻllar va (yoki) idoralarga qarashli temir yoʻl shoxobcha yoʻllariga tegishli obyektlardan hamda temir yoʻlning harakatdagi tarkibidan foydalanish toʻgʻrisidagi maʼlumotlardan koʻchirmalar;

meteorologik maʼlumotnoma;

harakat xavfsizligi buzilishiga daxldor boʻlgan harakat xavfsizligi uchun masʼul boʻlgan temir yoʻl xodimlari haqidagi tegishli maʼlumotlar, ularning tushuntirishlari, mehnat va dam olish rejimi, texnik foydalanish qoidalari, normativ hujjatlar va lavozim yoʻriqnomalarini bilish darajasi yuzasidan oʻtkazilgan oxirgi sinov maʼlumotlari, tibbiy koʻrik xulosasi.

16. Yigʻmajildning asl nusxalari “Oʻzdavtemiryoʻlnazorat” inspeksiyasi, temir yoʻlga egalik qiluvchi va temir yoʻlning harakatdagi tarkibi mulkdorlariga beriladi va 10 yil davomida saqlanadi.

17. Harakat xavfsizligi buzilishi boʻyicha temir yoʻlga egalik qiluvchi tomonidan harakat xavfsizligi buzilishlari takrorlanishining oldini olish choralari ishlab chiqiladi va amalga oshiriladi.

4-bob. Harakat xavfsizligi buzilishlarini hisobga olish

18. Poyezdlar halokati yoki avariyalarning har bir holati boʻyicha temir yoʻlga egalik qiluvchi tomonidan tegishli dalolatnomaga asosan bir nusxada mazkur Nizomning 7-ilovasiga muvofiq shaklda poyezdlar halokati yoki avariyalarni hisobga olish kartochkasi toʻldiriladi va saqlanadi.

Ushbu kartochka maʼlumotlari temir yoʻlga egalik qiluvchining poyezdlar harakati xavfsizligini taʼminlash boʻyicha masʼul xodimlari tomonidan “Oʻzdavtemiryoʻlnazorat” inspeksiyasiga 15 kun ichida taqdim etiladi.

19. Har bir ishdagi alohida nuqson va ishdagi nuqson holatlar boʻyicha zarur maʼlumotlar tegishli dalolatnomaga asosan temir yoʻlga egalik qiluvchi va “Oʻzdavtemiryoʻlnazorat” inspeksiyasi tomonidan mazkur Nizomning 8-ilovasiga muvofiq shakldagi harakat xavfsizligi buzilishlarini hisobga olish jurnaliga kiritiladi.

20. Yoʻl qoʻyilgan harakat xavfsizligi buzilishlari boʻyicha maʼlumotlar temir yoʻlga egalik qiluvchi tomonidan mazkur Nizomning 9-ilovasiga muvofiq shaklda “Oʻzdavtemiryoʻlnazorat” inspeksiyasi va uning mintaqaviy filialiga taqdim etiladi.

21. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgarlikka tortiladi.

5-bob.Yakuniy qoida

22. Mazkur Nizom Oʻzbekiston Respublikasi Ichki ishlar vazirligi, Favqulodda vaziyatlar vazirligi, Savdo-sanoat palatasi, “Oʻzbekiston temir yoʻllari” aksiyadorlik jamiyati bilan kelishilgan.

Ichki ishlar vaziri A. AXMEDBAYEV

2015-yil 29-iyun

Favqulodda vaziyatlar vaziri T. XUDAYBERGENOV

2015-yil 30-iyun

Savdo-sanoat palatasi raisi A. ShAYXOV

2015-yil 1-iyul

“Oʻzbekiston temir yoʻllari” aksiyadorlik jamiyati boshqaruvi raisi A. RAMATOV

2015-yil 2-iyul

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 1-ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 2-ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 3-ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 4-ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 5-ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 6-ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 7-ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 8-ILOVA

Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomga 9-ILOVA

20___ yilning __________ oyi va oʻtgan ____ oy davomida _________________________________________________ yoʻllarida yoʻl qoʻyilgan harakat xavfsizligi buzilishlari boʻyicha

maʼlumotlar

(temir yoʻlga egalik qiluvchining nomi) Harakat xavfsizligi buzilishi turlari Yanvar Fevral Mart Aprel May Iyun Iyul Avgust Sentyabr Oktyabr Noyabr Dekabr 20__ yilning oʻtgan ___ oyi davomida jami Poyezdlar halokati Yuk yoki yoʻlovchilar tashish poyezdlari bilan boshqa poyezdlar yoki harakatdagi tarkib toʻqnashsa, bekat oraligʻi va bekatlarda yuk yoki yoʻlovchilar tashish poyezdlari izdan chiqsa hamda oqibatda insonlar halok boʻlsa, ogʻir tan jarohati olsa yoki lokomotiv yoxud vagonlar ularni hisobdan chiqarish darajasida shikastlangan boʻlsa. Avariyalar yoʻlovchilar tashish poyezdlari Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomning 2-bandida koʻrsatilgan oqibatlarsiz boshqa poyezdlar yoki harakatdagi tarkib bilan toʻqnashsa, bekat oraligʻi va bekatlarda yoʻlovchi tashish poyezdlari izdan chiqsa hamda oqibatda lokomotivlar kapital taʼmirlash talab etiladigan darajada va (yoki) vagonlar depo yoki undan murakkabroq taʼmirlash talab etiladigan darajada shikastlangan boʻlsa; yuk tashish poyezdlari Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomning 2-bandida koʻrsatilgan oqibatlarsiz boshqa poyezdlar yoki temir yoʻlning harakatdagi tarkibi bilan toʻqnashsa, bekat oraligʻi va bekatlarda yuk tashish poyezdlari izdan chiqsa hamda oqibatda lokomotivlar yoki vagonlar kapital taʼmirlash talab etiladigan darajada shikastlangan boʻlsa; temir yoʻlning harakatdagi tarkibi manyovrlar, ekipirovkalash va boshqa qisqa harakatlar vaqtida boshqa poyezdlar yoki temir yoʻlning harakatdagi tarkibi bilan toʻqnashsa va izdan chiqsa hamda oqibatda insonlar halok boʻlsa, ogʻir tan jarohatlari olsa yoki lokomotiv yoxud vagonlar hisobdan chiqarish darajasida shikastlangan boʻlsa. Ishdagi alohida nuqson holatlar yuk yoki yoʻlovchi tashish poyezdlari Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomning 2 va 3-bandlarida koʻrsatilgan oqibatlarsiz boshqa poyezdlar yoki temir yoʻlning harakatdagi tarkibi bilan toʻqnashsa, bekat oraligʻi va bekatlarda yuk va yoʻlovchilar tashish poyezdlari izdan chiqsa; poyezd band yoʻlga qabul qilinsa; poyezd band bekat oraligʻiga joʻnatilsa; poyezd tayyor boʻlmagan marshrut boʻyicha joʻnatilsa yoki qabul qilinsa; poyezd taqiqlovchi ishoradan oʻtib ketsa; poyezd yoki harakatdagi tarkib ostida yoʻl yoʻnaltirgichni oʻtkazish; temir yoʻlning harakatdagi tarkibi poyezdni qabul qilish, joʻnatish marshrutiga yoki bekat oraligʻiga ketib qolsa; ketish yoʻlida yuk qulasa (sochilib ketsa); gʻildirak oʻqi, gʻildirak oʻq boʻyni yoki gʻildirak sinsa; vagon aravachasining yon qismi yoki ressor ust balkasi sinsa; temir yoʻlning harakatdagi tarkibining oʻrta balkasi uzilsa; texnik nosozliklar sababli, harakatlanish yoʻlidagi yoʻlovchilar tashish poyezdidan vagon uzib qoldirilsa; poyezdning chekka kranlari berk holatda joʻnatilsa; yoʻlovchilar tashish poyezdida lokomotiv buzilishi oqibatida yordamchi lokomotiv talab qilinsa; harakatlanish yoʻlida ishlar bajarilishi vaqtida poyezdlar harakati uchun xavfli boʻlgan joylar ishoralar bilan toʻsilmasa; pol usti svetoforida taqiqlovchi ishora oʻrniga ruxsat ishorasi yanglish paydo boʻlsa yoki sekinlashish (toʻxtash) ishorasi oʻrniga ruxsat ishorasi paydo boʻlsa; poyezdlar harakati xavfsizligiga masʼul boʻlgan temir yoʻl xodimlarining aybi bilan poyezd avtotransport vositasi yoki boshqa oʻzi yurar mashina bilan toʻqnashsa; bekatda taqiqlovchi ishoradan oʻtib ketish holatini yuzaga keltirgan ruxsat ishorasi taqiqlovchi ishoraga almashib qolsa; harakatlanayotgan poyezd ostida rels sinsa. Ishdagi nuqson holatlar buksa qizib ketsa yoki boshqa texnik nosozliklar sababli vagon harakatlanish yoʻlidagi yuk tashish poyezdidan uzib qoldirilsa; poyezddagi avtoulagichlar oʻz oʻzidan ajralib ketsa; yoʻnaltirgich kesilsa; yuk ortish qoidalarining harakat xavfsizligiga tahdid soluvchi darajada buzilishi oqibatida oraliq bekatda poyezddan vagon uzib qoldirilsa; temir yoʻlning harakatdagi tarkibining avtoulagichi sinib uzilsa; temir yoʻlning harakatdagi tarkibi detallari yoʻlga tushib qolsa; manyovrlarda, ekipirovkalashda va boshqa qisqa harakatlarda temir yoʻlning harakatdagi tarkibi Temir yoʻl transportida harakat xavfsizligi buzilishlarini tasniflash, �izmat tekshiruvini olib borish va hisobga olish tartibi toʻgʻrisidagi nizomning 3-bandi toʻrtinchi xatboshisida koʻrsatilgan oqibatlarsiz izdan chiqsa; manyovrlarda, ekipirovkalashda va boshqa qisqa harakatlarda temir yoʻlning harakatdagi tarkibi Temir yoʻl transportida harakat xavfsizligi buzilishlarini tasniflash, xizmat tekshiruvini olib borish va hisobga olish tartibi toʻgʻrisidagi nizomning 3-bandi toʻrtinchi xatboshisida koʻrsatilgan oqibatlarsiz boshqa poyezdlar yoki temir yoʻlning harakatdagi tarkibi bilan toʻqnashsa, oqibatda lokomotivlar joriy taʼmir darajasida yokivagonlarni uzib olgan holda joriy taʼmirlash yoxud temir yoʻlning harakatdagi tarkibi yanada murakkabroq taʼmirlash darajasida shikastlangan boʻlsa; temir yoʻlning harakatdagi tarkibi qurilma, mexanizmlar, jihozlar va begona predmetlar ustiga yurib kelib urilsa; bekatlar oraligʻi yoʻllarining birida yoki bekatda harakat grafigida belgilangan vaqtdan yoʻlovchilar tashish poyezdining bir soatdan koʻproq, boshqa poyezdlarning esa, uch soatdan koʻproq ushlanib qolishiga sabab boʻluvchi yoʻl, temir yoʻlning harakatdagi tarkibi, signallashtirish, markazlashtirish, blokirovkalash va aloqa, kontakt tarmogʻi, elektr taʼminoti qurilmalari va boshqa texnik vositalarning nosozliklari yuzaga kelsa. Harakat xavfsizligi buzilishlarining umumiy soni Shundan poyezdlar halokati avariyalar ishdagi alohida nuqson holatlar ishdagi nuqson holatlar Izoh: mazkur maʼlumotlar har oyning 10-sanasigacha taqdim etiladi. Temir yoʻlga egalik qiluvchining rahbari _____________________ ______________________________________ (imzo) (F.I.O.)