Tumanda 2015-yilda ish oʻrinlari tashkil etish va aholi bandligini taʼminlash dasturi toʻgʻrisida (34/152-son)

22.12.2014

Jizzax viloyati xalq deputatlari Forish tumani Kengashining

Qarori

Oʻzbekiston Respublikasi Oliy Majlisi Qonunchilik palatasining “2015-yilda ish oʻrinlari tashkil etish va aholi bandligini taʼminlash dasturi toʻgʻrisida”gi 2014-yil 22-oktabrdagi 992-II-sonli va Oʻzbekiston Respublikasi Oliy Majlisi Senatining “2015-yilda ish oʻrinlari tashkil etish va aholi bandligini taʼminlash dasturi toʻgʻrisida”gi 2014-yil 13-noyabrdagi SQ-454-II-sonli va xalq deputatlari Jizzax viloyat Kengashining “Viloyatda 2015-yilda ish oʻrinlari tashkil etish va aholi bandligini taʼminlash dasturi toʻgʻrisida”gi 2014-yil 11-dekabrdagi 186/35-sonli qarorlari ijrosini taʼminlash maqsadida tumanda 2015-yilda ish oʻrinlari tashkil etish va aholi bandligini taʼminlash dasturini atroflicha muhokama etib, Oʻzbekiston Respublikasining “Mahalliy davlat hokimiyati toʻgʻrisida”gi Qonuni 24-moddasiga binoan, xalq deputatlari tuman Kengashi qaror qiladi:

1. Oʻzbekiston Respublikasi Oliy Majlisi Qonunchilik palatasining 2014-yil 22-oktabrdagi 992-II-sonli, Oʻzbekiston Respublikasi Oliy Majlisi Senatining 2014-yil 13-noyabrdagi SQ-454-II-sonli va xalq deputatlari viloyat Kengashining 2014-yil 11-dekabrdagi 186/35-sonli qarorlari ijro uchun qabul qilinsin.

2. Tumanda 2015-yilda ish oʻrinlari tashkil etish va aholi bandligini taʼminlash dasturining asosiy maqsadi va mohiyati toʻgʻrisida tuman Bandlikka koʻmaklashish va aholini ijtimoiy muhofaza qilish markazi direktori Oʻ. Kamolovning axboroti maʼlumot uchun qabul qilinsin.

3. Tumanda 2015-yilda ish oʻrinlari tashkil etish va aholi bandligini taʼminlash dasturi ilovaga* muvofiq tasdiqlansin.

* Ilova berilmaydi.

4. Tuman hokimi oʻrinbosarlari, tegishli mutasaddi tashkilotlar rahbarlariga:

2013 — 2016-yillarga moʻljallangan dasturlar ijrosini toʻliq bajarish hisobiga ish oʻrinlari tashkil etish va aholi bandligini taʼminlash dasturining asosiy yoʻnalishlari va parametrlari ijrosini taʼminlash;

ish oʻrinlarini tashkil etish va aholi bandligini taʼminlashda kichik biznesning rolini yanada oshirish, qulay ishchanlik muhitini yaratishga, kichik biznes subyektlarining kredit va moddiy-xomashyo resurslaridan foydalanishini kengaytirishga qaratilgan qabul qilingan qonun hujjatlariga muvofiq oilaviy tadbirkorlikni, anʼanaviy milliy hunarmandchilikni rivojlantirish hisobiga yanada oshirish;

ishsizlarni va ishda band boʻlmagan aholini, ayollar, nogironlar hamda aholining ijtimoiy qoʻllab-quvvatlashga muhtoj boʻlgan boshqa toifalarini ishga joylashtirish;

2014-2015 oʻquv yilida kasb-hunar bitiruvchilarining toʻliq bandligini taʼminlash vazifalari topshirilsin hamda ushbu topshiriqlarning ijrosini taʼminlash borasida amalga oshirilayotgan ishlar yuzasidan har oyda tuman hokimligiga axborot berib borilsin.

5. Tijorat banklariga kasb-hunar kollejlari va oliy oʻquv yurtlarining bitiruvchilariga olgan ixtisosligiga muvofiq ravishda ishga joylashish bilan bir qatorda oʻz ishini tashkil etish va yuritish uchun imtiyozli mikrokreditlar ajratish amaliyotini davom ettirish tavsiya etilsin.

6. Ushbu qaror “Forish tongi” gazetasida eʼlon qilinsin.

7. Mazkur qarorning ijrosini nazorat qilish xalq deputatlari tuman Kengashi mahalliy budjetini shakllantirish va ijro etish, iqtisodiy islohotlarni amalga oshirish hamda tadbirkorlikni rivojlantirish masalalari doimiy komissiyasi hamda tuman hokimining oʻrinbosarlari zimmasiga yuklatilsin.

8. Ushbu qaror 2015-yil 1-yanvardan eʼtiboran kuchga kiradi.

Xalq deputatlari tuman Kengashi raisi P. MAXATOV

Forish t.,

2014-yil 22-dekabr,

34/152-son