Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasini qaytarish toʻgʻrisidagi nizomga oʻzgartirishlar kiritish haqida (1807-4-son)

18.06.2015

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASINING

Qarori

[Oʻzbekiston Respublikasi Adliya vazirligi tomonidan 2015-yil 18-iyunda roʻyxatdan oʻtkazildi, roʻyxat raqami 1807-4]

Oʻzbekiston Respublikasi Soliq kodeksi va Oʻzbekiston Respublikasi Prezidentining 2014-yil 4-dekabrdagi PQ-2270-son “Oʻzbekiston Respublikasining 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladi:

1. Oʻzbekiston Respublikasi Moliya vazirligi va Davlat soliq qoʻmitasining 2008-yil 30-apreldagi 44, 2008-23-son qarori (roʻyxat raqami 1807, 2008-yil 16-may) (Oʻzbekiston Respublikasi qonun hujjatlari toʻplami, 2008-y., 20-21-son, 180-modda) bilan tasdiqlangan Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasini qaytarish toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Moliya vaziri R. AZIMOV

Toshkent sh.,

2015-yil 8-iyun,

51-son

Davlat soliq qoʻmitasi raisi B. PARPIYEV

Toshkent sh.,

2015-yil 8-iyun,

2015-18-son

Oʻzbekiston Respublikasi Moliya vazirligi va Davlat soliq qoʻmitasining 2015-yil 8-iyundagi 51, 2015-18-son qaroriga ILOVA

Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasini qaytarish toʻgʻrisidagi nizomga kiritilayotgan oʻzgartirishlar

1. 7-bandda:

“g” kichik bandda:

birinchi xatboshidan “yarim tayyor mahsulotlardan ishlab chiqarilgan mahsulotlarni kamida 80 foizi eksportga yoʻnaltirilishi nazarda tutib” degan soʻzlar chiqarib tashlansin;

uchinchi xatboshidagi “eksportyor-korxonaga” degan soʻzlar “sotib oluvchiga” degan soʻzlar bilan almashtirilsin;

toʻrtinchi xatboshi chiqarib tashlansin;

“d” kichik bandda:

birinchi xatboshidagi “, sanitariya tozalash va gaz taʼminoti” degan soʻzlar “va sanitariya tozalash” degan soʻzlar bilan almashtirilsin;

toʻrtinchi xatboshi chiqarib tashlansin;

beshinchi xatboshi toʻrtinchi xatboshi deb hisoblansin.

2. 3-ilovaning nomidagi “, sanitariya tozalash va gaz taʼminoti” degan soʻzlar “va sanitariya tozalash” degan soʻzlar bilan almashtirilsin.

3. 5-ilova oʻz kuchini yoʻqotgan deb hisoblansin.