Oʻzbekiston Respublikasi pochta toʻlovining davlat belgilari toʻgʻrisidagi nizomga oʻzgartirishlar kiritish haqida (2529-1-son)

10.06.2015

OʻZBEKISTON RESPUBLIKASI AXBOROT TEXNOLOGIYALARI VA KOMMUNIKATSIYALARINI RIVOJLANTIRISh VAZIRINING

buyrugʻi

[Oʻzbekiston Respublikasi Adliya vazirligi tomonidan 2015-yil 10-iyunda roʻyxatdan oʻtkazildi, roʻyxat raqami 2529-1]

Oʻzbekiston Respublikasi Prezidentining 2015-yil 4-fevraldagi PF-4702-son “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligini tashkil etish toʻgʻrisida”gi Farmoniga, Oʻzbekiston Respublikasi Prezidentining 2015-yil 4-fevraldagi PQ-2293-son “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining faoliyatini tashkil etish toʻgʻrisida”gi qaroriga va Oʻzbekiston Respublikasi Vazirlar Mahkamasining 2015-yil 10-apreldagi 87-son “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi toʻgʻrisidagi nizomni tasdiqlash haqida”gi qaroriga muvofiq buyuraman:

1. Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasining 2013-yil 21-oktabrdagi 58-mh-son qarori (roʻyxat raqami 2529, 2013-yil 22-noyabr) (Oʻzbekiston Respublikasi qonun hujjatlari toʻplami, 2013-y., 47-son, 624-modda) bilan tasdiqlangan Oʻzbekiston Respublikasi pochta toʻlovining davlat belgilari toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir X. MIRZAXIDOV

Toshkent sh.,

2015-yil 29-may,

125-mh-son

Oʻzbekiston Respublikasi Axborot texnologiyalari va kommunikatsiyalarini rivojlantirish vazirining 2015-yil 29-maydagi 125-mh-son buyrugʻiga ILOVA

Oʻzbekiston Respublikasi pochta toʻlovining davlat belgilari toʻgʻrisidagi nizomga kiritilayotgan oʻzgartirishlar

1. Muqaddima quyidagi tahrirda bayon etilsin:

“Ushbu Nizom Umumjahon pochta konvensiyasi, Yozma xat-xabarlar reglamenti, Oʻzbekiston Respublikasining “Pochta aloqasi toʻgʻrisida”gi Qonuni, Oʻzbekiston Respublikasi Vazirlar Mahkamasining 2004-yil 19-iyuldagi 339-son “Pochta aloqasi sohasidagi faoliyatni takomillashtirish toʻgʻrisida”gi va 2015-yil 10-apreldagi 87-son “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi toʻgʻrisidagi nizomni tasdiqlash haqida”gi qarorlariga muvofiq pochta markalarini nashr qilish, muomalaga kiritish va muomaladan chiqarish, buyurtma berish, tarqatish va sotish tartibini belgilaydi.”.

2. 1-banddagi “Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi (bundan buyon matnda Davlat qoʻmitasi deb yuritiladi)” degan soʻzlar “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (bundan buyon matnda Vazirlik deb yuritiladi)” degan soʻzlar bilan almashtirilsin.

3. 2-bandning oʻn birinchi xatboshisidagi “ochiq aksiyadorlik jamiyati” degan soʻzlar “aksiyadorlik jamiyati” degan soʻzlar bilan almashtirilsin.

4. 4-banddagi, 13-bandning birinchi, ikkinchi, toʻrtinchi xatboshilaridagi “Davlat qoʻmitasi” degan soʻzlar “Vazirlik” degan soʻz bilan almashtirilsin.

5. 6-banddagi “Davlat qoʻmitasi” degan soʻzlar “Vazirlik” degan soʻz bilan almashtirilsin.

6. 15-bandda:

birinchi xatboshisidagi “Qoʻmita” degan soʻz “Vazirlik” degan soʻz bilan almashtirilsin;

beshinchi xatboshi quyidagi tahrirda bayon etilsin:

“Pochta emissiyalari boʻyicha komissiya Axborot texnologiyalari va kommunikatsiyalarini rivojlantirish vazirining oʻrinbosarlaridan biri tomonidan boshqariladi, uning tarkibiga Vazirlik, milliy operator, Oʻzbekiston Respublikasi Madaniyat va sport ishlari vazirligi hamda boshqa tegishli vazirliklar va idoralarning mutaxassislari, Oʻzbekiston filatelistlari jamiyatining vakillari kiritilishi mumkin.”;

yettinchi xatboshisidagi “Davlat qoʻmitasi” degan soʻzlar “Vazirlik” degan soʻz bilan almashtirilsin;

sakkizinchi xatboshisidagi “Davlat qoʻmitasining raisi” degan soʻzlar “Axborot texnologiyalari va kommunikatsiyalarini rivojlantirish vaziri” degan soʻzlar bilan almashtirilsin.

7. 17-bandning “v” kichik bandidagi, 18-banddagi, 23-bandning birinchi xatboshisidagi, 37-bandning birinchi xatboshisidagi, 39-bandning birinchi xatboshisidagi, 46-banddagi, 50-bandning birinchi xatboshisidagi, 54-banddagi, 55-bandning ikkinchi xatboshisidagi “Davlat qoʻmitasining” degan soʻzlar “Vazirlikning” degan soʻzlar bilan almashtirilsin.

8. 19-bandning ikkinchi xatboshisidagi “Davlat qoʻmitasining raisiga” degan soʻzlar “Axborot texnologiyalari va kommunikatsiyalarini rivojlantirish vaziriga” degan soʻzlar bilan almashtirilsin.

9. 29-bandning birinchi xatboshisidagi, 51-bandning ikkinchi xatboshisidagi, 52-bandning birinchi xatboshisidagi “Davlat qoʻmitasining raisi” degan soʻzlar “Axborot texnologiyalari va kommunikatsiyalarini rivojlantirish vaziri” degan soʻzlar bilan almashtirilsin.

10. 32-bandning ikkinchi xatboshisidagi, 38-banddagi “Davlat qoʻmitasi” degan soʻzlar “Vazirlik” degan soʻz bilan almashtirilsin.

11. 57-bandda:

birinchi xatboshisidagi “Davlat qoʻmitasining” degan soʻzlar “Vazirlikning” degan soʻz bilan almashtirilsin;

ikkinchi xatboshisidagi “Davlat qoʻmitasi” degan soʻzlar “Vazirlik” degan soʻz bilan almashtirilsin.

12. Ushbu oʻzgartirishlar Oʻzbekiston Respublikasi Madaniyat va sport ishlari vazirligi, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, Oʻzbekiston Respublikasi Intellektual mulk agentligi bilan kelishilgan.

Madaniyat va sport ishlari vaziri v. v. b B. AXMEDOV

2015-yil 29-may

Xususiylashtirish, monopoliyadan chiqarish va raqobatni rivojlantirish davlat qoʻmitasi raisi D. XIDOYATOV

2015-yil 29-may

Intellektual mulk agentligi Bosh direktori v. v. b. M. BOBOJANOV

2015-yil 29-may