Ikkiyoqlama soliq solishning oldini olish hamda daromad va sarmoya soliqlarini toʻlashdan bosh tortishni bartaraf qilish toʻgʻrisida

22.04.1996

Oʻzbekiston Respublikasi Hukumati va Fransiya Respublikasi Hukumati oʻrtasida

Konvensiya

Oʻzbekiston Respublikasi Hukumati bilan Fransiya Respublikasi Hukumati, ikkiyoqlama soliq solinishining oldini olish hamda daromad va sarmoya soliqlarini toʻlashdan bosh tortishni bartaraf qilish toʻgʻrisida Konvensiya tuzish istagini bildirib,

quyidagilar haqida ahdlashib oldilar:

1-modda Qoʻllanish doirasi

Mazkur Konvensiya Ahdlashuvchi Davlatlarning biri yoki har ikkisining rezidenti boʻlgan shaxslarga nisbatan qoʻllaniladi.

2-modda Konvensiya tatbiq etiladigan soliqlar

1. Mazkur Konvensiya Ahdlashuvchi Davlat yoki uning mahalliy hokimiyat organlari nomidan olinayotgan daromad va sarmoya soliqlariga nisbatan, ularni undirish uslubidan qatʼi nazar, tatbiq etiladi.

2. Daromad va sarmoya soliqlariga umumiy daromaddan yoki daromadning bir qismidan, butun sarmoyadan yoki uning bir qismidan olinadigan barcha soliqlar, shu jumladan koʻchar va koʻchmas mulkni sotishdan olingan daromadlardan, korxonalar tomonidan toʻlanadigan ish haqi yoki maoshning umumiy summasidan olinadigan soliqlar, shuningdek kapital qiymatining oshishidan olingan daromadlardan undiriladigan soliqlar kiradi.

3. Ushbu Konvensiya qoʻllaniladigan amaldagi soliqlar jumladan, quyidagilardir:

a) Oʻzbekiston Respublikasiga nisbatan:

I) korxonalar, birlashmalar va tashkilotlar daromadlaridan olinadigan daromad soligʻi;

II) jismoniy shaxslardan olinadigan daromad soligʻi; va

III) mol-mulk soligʻi;

(bundan keyin “Oʻzbekiston soliqlari” deb ataladi);

b) Fransiyaga nisbatan:

I) daromad soligʻi;

II) korporativ soliq;

III) ish haqidan olinadigan soliq;

IV) boylik soligʻi;

(bundan keyin “Fransiya soliqlari” deb ataladi).

4. Ushbu Konvensiya imzolangandan soʻng soliqlarga qoʻshimcha yoki mavjudlari oʻrniga kiritilgan har qanday munosib yoki aslida oʻxshash soliqlarga nisbatan ham qoʻllaniladi. Ahdlashuvchi Davlatlarning vakolatli tashkilotlari oʻzlarining tegishli soliq qonunchiligida boʻlgan muhim oʻzgarishlar haqida bir-birlariga xabar beradilar.

3-modda Umumiy taʼriflar

1. Ushbu Konvensiyaning maqsadlari uchun, agar matnning mazmunidan oʻzga maʼno chiqmasa:

a) “Ahdlashuvchi Davlat” va “oʻzga Ahdlashuvchi Davlat” atamalari matnda ishlatilish oʻrniga qarab Oʻzbekiston Respublikasini yoki Fransiyani anglatadi;

b) “Oʻzbekiston” atamasi Oʻzbekiston Respublikasini bildiradi va jugʻrofiy maʼnoda ishlatilganda uning hududini, hududiy suvlarini va osmon kengliklarini oʻz ichiga oladi, ana shu hududlarda Oʻzbekiston Respublikasi qonunlariga muvofiq, oʻzining suveren huquqlari va yurisdiksiyasini, shu jumladan, yer osti boyliklaridan va tabiiy resurslardan foydalanish huquqini oshirishi mumkin;

c) “Fransiya” atamasi Fransiya Respublikasining Evropa va dengiz orti departamentlarini, shu jumladan, hududiy suvlarini, hududiy suvlaridan tashqaridagi har qanday zonani anglatadi, va shuning doirasida Fransiya Respublikasi xalqaro huquqqa muvofiq dengiz tubi tabiiy resurslarini va uning yer ostini tadqiq qilish va ishlab chiqish va yondosh suvlardan foydalanish maqsadida suveren huquqlarga ega boʻladi;

d) “shaxs” atamasi jismoniy shaxsni, kompaniya yoki shaxslarning har qanday boshqa birlashmasini oʻz ichiga oladi;

e) “kompaniya” atamasi har qanday korporativ birlashmani yoki soliqqa tortish maqsadlarida korporativ birlashma sifatida qaraladigan har qanday tashkilotni anglatadi;

f) “Ahdlashuvchi Davlat korxonasi” va “oʻzga Ahdlashuvchi Davlat korxonasi” atamalari mos ravishda Ahdlashuvchi Davlat rezidenti boshqaruvi ostida ish yuritayotgan korxonani va oʻzga Ahdlashuvchi Davlatning rezidenti boshqaruvi ostida ish yuritayotgan korxonani anglatadi;

g) “xalqaro tashish” atamasi Ahdlashuvchi Davlat korxonasi tomonidan foydalaniladigan dengiz, havo kemasida, temir yoʻl yoki avtomobil transporti vositalarida har qanday tashishni anglatadi, dengiz, havo kemasining, temir yoʻl yoki avtomobil transporti vositalarining oʻzga Ahdlashuvchi Davlat hududida joylashgan punktlar oʻrtasidagina foydalanilishi bundan mustasno;

h) “vakolatli organ” atamasi:

I) Oʻzbekistonga nisbatan — Oʻzbekiston Respublikasi Davlat soliq qoʻmitasini anglatadi;

II) Fransiyaga nisbatan — budjet uchun masʼul boʻlgan Vazirni yoki uning vakolatli vakilini anglatadi.

i) “milliy shaxs” atamasi:

I) Ahdlashuvchi Davlat fuqaroligiga ega boʻlgan har qanday jismoniy shaxsni;

II) Ahdlashuvchi Davlatning amaldagi qonunlariga muvofiq oʻz maqomini olgan har qanday yuridik shaxsni, hamjamiyat yoki assotsiatsiyani anglatadi.

2. Ushbu Konvensiyani Ahdlashuvchi Davlat qoʻllaganda, unda har qanday belgilanmagan ibora, ushbu Konvensiya tatbiq etilgan soliqlarga nisbatan shu Davlatning qonunlariga muvofiq maʼnoni anglatadi. Ana shu Davlat qonunchiligi atamasining mohiyati shu Davlatning boshqa sohalari qonunlarida ana shu atama uchun koʻzda tutilgan mohiyatidan ustun boʻladi.

4-modda Rezident

1. Ushbu Konvensiyaning maqsadlari uchun “Ahdlashuvchi Davlat rezidenti” atamasi shu Davlatning qonunchiligi boʻyicha oʻzining turar joyi, doimiy istiqomat qilishi, samarali boshqaruv joyi yoki shunga oʻxshash har qanday mezonlarga koʻra mazkur Davlatda soliq toʻlovchi hisoblangan har qanday shaxsni anglatadi. Biroq bu atama ushbu Ahdlashuvchi Davlatda faqat mazkur Davlatda joylashgan manbalardan yoki sarmoyadan daromad olayotgani uchun soliqqa tortiladigan har qanday shaxsni oʻz ichiga qamramaydi.

2. Agar 1-band qoidalariga muvofiq jismoniy shaxs Ahdlashuvchi Davlatlardan har ikkisining rezidenti boʻlsa, uning maqomi quyidagi tarzda belgilanadi:

a) jismoniy shaxs toʻsiqsiz yashashi mumkin boʻlgan doimiy turar joyi joylashgan Ahdlashuvchi Davlatning rezidenti hisoblanadi; agar u har ikki Davlatda toʻsiqsiz yashashi mumkin boʻlgan doimiy turar joyga ega boʻlsa, shaxsiy va iqtisodiy aloqalari qalinroq boʻlgan (hayotiy manfaatlari markazi) Davlatning rezidenti hisoblanadi;

b) agar uning hayotiy manfaatlari markazi joylashgan Davlatni aniqlab boʻlmasa, yoki Ahdlashuvchi Davlatlarning hech birida toʻsiqsiz yashashi mumkin boʻlgan doimiy turar joyi boʻlmasa, u odatda yashaydigan Davlatning rezidenti hisoblanadi;

c) agar shaxs odatda har ikki Davlatda yashasa yoki ularning hech birida yashamasa, u Ahdlashuvchi Davlatlarning qay birining fuqarosi boʻlsa, shu Davlatning rezidenti hisoblanadi;

d) agar u har ikkala Ahdlashuvchi Davlatning rezidenti boʻlsa, yoki hech birining rezidenti boʻlmasa Ahdlashuvchi Davlatlarning vakolatli organlari bu masalani oʻzaro kelishuv yoʻli bilan hal qiladilar.

3. Agar 1-band qoidalariga muvofiq jismoniy shaxs boʻlmagan shaxs Ahdlashuvchi Davlatlardan har ikkisining rezidenti boʻlsa, u oʻzining amaldagi boshqaruv joyi joylashgan Davlatning rezidenti hisoblanadi.

4. “Ahdlashuvchi Davlat rezidenti” atamasi quyidagilarni qamrab oladi:

a) bu Davlat, uning mahalliy hokimiyat organlari, shuningdek ularning qonunga koʻra belgilangan organlari; va

b) ushbu Ahdlashuvchi Davlatning qonunlariga muvofiq soliqlar orqali tartibga solinishi lozim boʻlgan, oʻz mohiyatiga koʻra amaldagi boshqaruv joyi joylashgan ushbu Ahdlashuvchi Davlatda shirkatlari kabi soliqlar orqali tartibga solinadigan va unda korporativ soliqqa tortilmaydigan har qanday shirkat yoki shaxslar guruhini.

5-modda Doimiy muassasa

1. Mazkur Konvensiya maqsadlari uchun “doimiy muassasa” atamasi korxona toʻliq yoki qisman tadbirkorlik faoliyatini olib boradigan doimiy faoliyat joyini bildiradi.

2. “Doimiy muassasa” atamasi, jumladan, quyidagilarni oʻz ichiga oladi:

a) boshqaruv joyi;

b) boʻlim;

c) ofis;

d) fabrika;

e) ustaxona; va

f) shaxta, neft yoki gaz qudugʻi, karyer yoki tabiiy resurslar qazib olinadigan har qanday boshqa joy;

3. Qurilish maydonchasi yoki montaj yoki yigʻish obyekti oʻn ikki oydan koʻproq mavjud boʻlib turgan boʻlsagina doimiy muassasa deb hisoblanadi.

4. Ushbu moddaning avvalgi qoidalariga qaramay, “doimiy muassasa” atamasi quyidagilarni oʻz ichiga olmaydi:

a) inshootlardan shu korxonaga tegishli tovarlar yoki buyumlarni saqlash, namoyish qilish yoki yetkazib berish maqsadlaridagina foydalanish;

b) shu korxonaga tegishli tovarlar yoki buyumlar zaxirasining faqat saqlash, namoyish qilish yoki yetkazib berish maqsadlarida ushlab turilishi;

c) shu korxonaga tegishli tovarlar yoki mahsulotlar zaxirasini faqat boshqa korxona tomonidan qayta ishlov berilishi maqsadlarida ushlab turilishi;

d) doimiy faoliyat joyining faqat tovarlar yoki buyumlar sotib olish yoki mazkur korxona uchun axborot yigʻish maqsadlari uchun ushlab turilishi;

e) doimiy faoliyat joyining faqat ushbu korxona uchun boshqa har qanday tayyorgarlik yoki yordamchi tusdagi faoliyatni amalga oshirish maqsadlari yoʻlidagina ushlab turilishi.

f) a — e-kichik bandlarida eslatib oʻtilgan faoliyat turlarini har qanday kombinatsiyalashni amalga oshirish uchungina butun faoliyati ana shu kombinatsiya natijasi boʻlgan va tayyorgarlik hamda yordamchi tusda boʻlgan taqdirda doimiy faoliyat joyining saqlab turilishi.

5. 1 va 2-bandlar qoidalariga qaramay, agar 6-band tegishli boʻlgan mustaqil maqomli agentdan boshqa shaxs korxona nomidan faoliyat yuritsa, unda bu korxona ushbu Davlatda, mazkur shaxs agar Ahdlashuvchi Davlatda korxona nomidan shartnomalarni tuzish vakolatlariga ega boʻlsa va odatdan bundan foydalansa, bu korxona uchun amalga oshiradigan har qanday faoliyatga nisbatan doimiy muassasaga ega korxona sifatida koʻrib chiqiladi, agar ushbu shaxsning faoliyati 4-bandda koʻrsatilgan va mabodo doimiy faoliyat joyi orqali amalga oshiriladigan faoliyat bilan cheklanadigan boʻlsa, ushbu band qoidalariga muvofiq mazkur doimiy faoliyat joyini doimiy muassasaga aylantirmaydigan hol bundan mustasnodir.

6. Korxona, agar Ahdlashuvchi Davlatda broker, komissioner yoki har qanday boshqa mustaqil maqomli agent orqali tadbirkorlik faoliyatini amalga oshirsa va bu shaxslar oʻzining odatdagi faoliyati chegarasida ish yuritgan taqdirda, shu Davlatda doimiy muassasaga ega deb qaralmaydi.

7. Ahdlashuvchi Davlatlardan birining rezidenti boʻlgan kompaniyaning oʻzga Ahdlashuvchi Davlatning rezidenti boʻlgan kompaniyani nazorat qilishi yoki kompaniya tomonidan nazorat qilinishi yoki mazkur kompaniya oʻzga Davlatda tadbirkorlik faoliyatini amalga oshirishi (doimiy muassasa orqali yoki boshqa tarzda) oʻz-oʻzidan bu kompaniyalarning birini boshqasi uchun doimiy muassasaga aylantirib qoʻymaydi.

6-modda Koʻchmas mulkdan olinadigan daromadlar

1. Koʻchmas mulkdan olinadigan daromadlar (qishloq yoki oʻrmon xoʻjaligidan olinadigan daromadlar ham shu jumlaga kiradi) koʻchmas mulk joylashgan Davlatda soliqqa tortilishi mumkin.

2. “Koʻchmas mulk” atamasi koʻrib chiqilayotgan mulk joylashgan Ahdlashuvchi Davlat qonunchiligida ifodalangan tushuncha boʻyicha qabul qilinadi. Har qanday holda ham ushbu atama yer ustidagi mulk haqidagi umumiy qonunchilikning qoidalari bilan haq-huquqi belgilangan koʻchmas mulkka tegishli boʻlgan mulkni, chorva mollari, qishloq xoʻjaligi va oʻrmon xoʻjaligi vositalari, koʻchmas mulk natijasi boʻlgan atrof mulkni (uzufrukt), ishlatganlik uchun badal sifatida toʻlanadigan oʻzgaruvchan yoki qatʼiy belgilangan toʻlovlarga boʻlgan huquq yoki minerallar joylashgan yerga va boshqa tabiiy resurslarni ishlashga boʻlgan huquqni oʻz ichiga qamraydi; va havo kemalari koʻchmas mulk sifatida qaralmaydi.

3. 1-band qoidalari koʻchmas mulkdan toʻgʻridan toʻgʻrifoydalanish, ijaraga berish yoki oʻzga har qanday shaklda foydalanib olingan daromadga nisbatan qoʻllaniladi.

4. 1 va 3-band qoidalari korxonaning koʻchmas mulkdan olgan daromadiga va mustaqil xususiy xizmatlarni amalga oshirishda ishlatiladigan koʻchmas mulkdan olgan daromadlariga ham qoʻllaniladi.

5. Agar kompaniyadagi, trastdagi yoki shunga oʻxshash har qanday muassasadagi aksiyalar, yoki boshqa huquqlar Ahdlashuvchi Davlatda joylashgan va kompaniya, trast yoki shunga oʻxshash muassasa tasarrufida boʻlgan koʻchmas mulkdan foyda olish huquqini bersa, koʻchmas mulkdan toʻgʻridan toʻgʻrifoydalanishdan, uni ijaraga berishdan yoki foyda olish huquqi doirasida har qanday boshqa shaklda foydalanishdan olinadigan daromadlar 7 va 14-moddalarning qoidalaridan qatʼi nazar, shu Davlatda soliqqa tortilishi mumkin.

7-modda Tadbirkorlik faoliyatidan olinadigan foyda

1. Agar bir Ahdlashuvchi Davlatning korxonasi oʻz tadbirkorlik faoliyatini oʻzga Ahdlashuvchi Davlatda joylashgan doimiy muassasa orqali amalga oshirmayotgan boʻlsa, faqat shu Ahdlashuvchi Davlatda soliqqa tortiladi. Agar korxona yuqorida aytilganidek oʻz tadbirkorlik faoliyatini amalga oshirayotgan boʻlsa, korxonaning foydasi oʻzga Ahdlashuvchi Davlatda soliqqa tortilishi mumkin, ammo shu doimiy muassasaga tegishli boʻlgan qismidagina soliqqa tortiladi.

2. 3-band qoidalariga muvofiq, agar Ahdlashuvchi Davlatlardan birining korxonasi tadbirkorlik faoliyatini oʻzga Ahdlashuvchi Davlatda u yerda joylashgan doimiy muassasa orqali amalga oshirayotgan boʻlsa, doimiy muassasa ushbu foydani, alohida va mustaqil korxona sifatida xuddi shunday yoki shunga oʻxshash faoliyatni amalga oshirayotgan boʻlib, xuddi shunday yoki shunga oʻxshash shartlar asosida va doimiy muassasasi hisoblangan korxonadan mutlaqo mustaqil ravishda ish koʻrib olishi mumkin boʻlgan foyda har bir Ahdlashuvchi Davlatda shu doimiy muassasaga oʻtkaziladi.

3. Doimiy muassasa foydasini aniqlashda mazkur doimiy muassasa faoliyati maqsadlari uchun sarflangan xarajatlar doimiy muassasa joylashgan Davlatda hamda har qanday oʻzga yerda faoliyati maqsadlari uchun sarflangan boshqaruv va umumiy maʼmuriy xarajatlarni ham chiqarib tashlashga yoʻl qoʻyiladi.

Biroq doimiy muassasa tomonidan korxonaning bosh ofisi yoki uning boshqa ofislaridan biriga 12-moddada belgilangan royalti toʻlash, yoki koʻrsatilgan aniq xizmatlar yoki menejmentlik uchun komission toʻlovlar toʻlash yoʻli bilan yoki bank muassasasidan tashqari, 11-moddada belgilangan, ushbu doimiy muassasaga berilgan qarz summasiga foizlarni toʻlash yoʻli bilan toʻlangan summalarni, (haqiqiy xarajatlarni qoplashdan tashqari), chegirib tashlanishiga yoʻl qoʻyilmaydi. Shu tarzda doimiy muassasa tomonidan korxonaning bosh ofisiga yoki boshqa ofislardan birisiga 12-moddada belgilangan royalti toʻlash, yoki koʻrsatilgan aniq xizmatlar yoki menejmentlik uchun komission toʻlovlar toʻlash yoʻli bilan yoki bank muassasasidan tashqari, korxonaning bosh ofisiga yoki boshqa ofislardan birisiga berilgan qarz summasiga 11-moddada belgilab berilgan foizlar toʻlash yoʻli bilan toʻlangan summalar (haqiqiy xarajatlarni qoplashdan tashqari) doimiy muassasaning foydalarini aniqlashda eʼtiborga olinmaydi.

4. Ahdlashuvchi Davlatda korxona foydasining umumiy summasini uning turli boʻlinmalariga mutanosib tarzda taqsimlash negizida doimiy muassasaga tegishli foydani belgilash oddiy hol boʻlsa, 2-banddagi hech narsa bu Ahdlashuvchi Davlatga soliqqa tortiladigan foydani amaldagi shunday taqsimot vositasida aniqlashga xalaqit bermaydi; lekin tanlangan taqsimot uslubi ushbu moddaga tegishli tamoyillarga munosib natijalar berishi lozim.

5. Korxona uchun doimiy muassasa tomonidan tovarlar yoki buyumlarni xarid qilinishigagina asoslanib doimiy muassasaga biron-bir foyda yozilmaydi.

6. Ushbu moddaning avvalgi bandlari maqsadlari uchun doimiy muassasaga mansub foyda, agar boshqasi uchun salmoqli va yetarli sabablar boʻlmasa, har yili bir xil uslubda aniqlanadi.

7. Agar foyda, mazkur Konvensiyaning boshqa moddalarida alohida aytib oʻtilgan daromad turlarini qamrab oladigan boʻlsa, ana shu boshqa moddalar qoidalariga ushbu modda qoidalari taʼsir etmaydi.

8-modda Xalqaro transport

1. Ahdlashuvchi Davlatlardan birining korxonasi kemalar, samolyotlardan, avtomobil yoki temir yoʻl transporti vositalaridan foydalanishdan olingan foydasi faqat shu Ahdlashuvchi Davlatda soliqqa tortiladi. Bunday foydalar korxonaning boshqa faoliyatidan, jumladan xalqaro tashishlarda tovarlar va buyumlarni tashish uchun foydalanadigan konteynerlarni ishlatish, saqlash yoki ijaraga berishdan olgan foydalarini ham bunday faoliyat xalqaro tashishlarda kemalar, samolyotlar, avtomobil yoki temir yoʻl transporti vositalaridan foydalanishda qoʻshimcha boʻlgan taqdirda, oʻz ichiga olishi kerak.

2. Agar kemachilik korxonasining samarali boshqaruv joyi kema borti boʻlsa shu kema turgan port Ahdlashuvchi Davlatda joylashgan deb hisoblanadi. Agar bunday port Ahdlashuvchi Davlatda, mavjud boʻlmasa, shu kema komandiri rezident boʻlgan Ahdlashuvchi Davlatda joylashgan deb hisoblanadi.

3. Ushbu moddaning 1-bandi qoidalari transport vositalaridan foydalanish boʻyicha xalqaro tashkilotlarda yoki qoʻshma korxonalarda, pulda (umumiy jamgʻarmada) ishtirok etishdan olgan foydalariga ham qoʻllaniladi.

9-modda Birlashgan korxonalar

1. Agar:

a) Ahdlashuvchi Davlatning korxonasi oʻzga Ahdlashuvchi Davlat korxonasini boshqarishda, nazorat qilishda yoki uning kapitalida bevosita yoki bilvosita qatnashsa, yoki

b) oʻsha shaxslar Ahdlashuvchi Davlatlarning unisining ham korxonasini, bunisining ham korxonasini boshqarishda, nazorat qilishda yoki uning kapitalida bevosita yoki bilvosita qatnashsa, ikki korxona oʻrtasida ularning tijorat va moliyaviy munosabatlarida mutlaqo mustaqil boʻlgan korxonalar oʻrtasida boʻladigandan farqli sharoitlar vujudga keltirilsa yoki belgilansa, ularning birortasiga hisoblanishi mumkin boʻlgan, lekin yuqoridagi sharoitlar tufayli hisoblanmagan har qanday foyda ushbu korxona foydasiga qoʻshilishi va tegishli darajada soliqqa tortilishi mumkin.

2. Ahdlashuvchi Davlatlardan biri shu Davlat korxonasi foydasiga oʻzga Ahdlashuvchi Davlat korxonasi boʻyicha ana shu oʻzga Davlatda soliqqa tortiladigan foydani, shuningdek soliqlarni kiritsa, birinchi eslatilgan Davlat tomonidan shu tariqa kiritilgan va birinchi eslatilgan Davlat korxonasi toʻplagan foydalar deb hisoblanuvchi foydalar, agar ikkala korxona oʻrtasida vujudga keltirilgan munosabatlar ikki mustaqil korxona oʻrtasidagi munosabatlar kabi boʻlsa, u holda ana shu oʻzga Davlat shu Davlatga tegishli foydadan soliqlar summasini muvofiqlashtiradi, agar bunday muvofiqlashtirishni ana shu boshqa Davlat asosli deb hisoblasa ana shunday tuzatishlarni belgilashda ushbu Konvensiyaning boshqa qoidalariga tegishlicha eʼtibor qaratish kerak va Ahdlashuvchi Davlatlarning vakolatli organlari, zarur boʻlsa, oʻzaro maslahatlashuvlarni boshlashlari lozim.

10-modda Dividendlar

1. Ahdlashuvchi Davlatlardan birining rezidenti boʻlgan kompaniya tomonidan oʻzga Ahdlashuvchi Davlat rezidentiga toʻlangan dividendlar ana shu oʻzga Davlatda soliqqa tortilishi mumkin.

2. Biroq bunday dividendlar ularni toʻlayotgan qaysi Ahdlashuvchi Davlatning rezidenti boʻlsa, mazkur Davlatning qonunlariga binoan ham soliqqa tortilishi mumkin, ammo dividendlarni oluvchi shaxs ularning haqiqiy egasi boʻlsa, soliqning miqdori quyidagilardan ortiq boʻlmasligi kerak:

a) dividendlarning haqiqiy egasi boʻlgan kompaniya dividendni toʻlayotgan kompaniya sarmoyasining kamida 10 foiziga bevosita yoki bilvosita egalik qilsa, dividendlar yalpi summasining 5 foizidan;

b) boshqa hamma hollarda dividendlar yalpi summasining 10 foizidan.

Bu band qoidasi dividendlar toʻlanadigan foydaga nisbatan kompaniyani soliqqa tortishga taalluqli emas.

3. Fransiya rezidenti hisoblangan kompaniya toʻlaydigan dividendlarni oluvchi Oʻzbekiston rezidenti shunday dividendlarga nisbatan amalda kompaniya tomonidan toʻlanadigan miqdorda oldindan toʻlov haqini olishi mumkin. Oldindan toʻlanadigan toʻlov haqi umumiy miqdori ushbu shartnoma maqsadlari uchun dividendlar hisoblanadi. Ular Fransiyada 2-band qoidalariga muvofiq, soliqqa tortilishi kerak.

4. “Dividendlar” iborasi mazkur moddada qoʻllanilganda aksiyalardan yoki aksiyalardan foydalanishdan, togʻ-kon sanoati aksiyalaridan, taʼsischilar aksiyalaridan yoki foydada ishtirok etish huquqini beruvchi, qarz talabnomalari boʻlmagan boshqa huquqlardan olinadigan daromadni, shoningdek: foydani taqsimlovchi kompaniya rezidenti boʻlgan Davlatning qonunlariga muvofiq taqsimlash tarzida koʻrib chiqiladigan daromadni anglatadi. Shunisi tushunarliki, “dividendlar” iborasi 16-moddada eslatilgan daromadni oʻz ichiga olmaydi.

5. Agar dividendlarning manfaatdor egasi Ahdlashuvchi Davlatning rezidenti boʻlgani holda ana shu dividendlarni toʻlayotgan kompaniya rezidenti boʻlgan oʻzga Ahdlashuvchi Davlatda tadbirkorlik faoliyatini unda joylashgan doimiy muassasa orqali amalga oshirsa yoki ushbu oʻzga Davlatda u yerda joylashgan doimiy bazadan mustaqil xususiy xizmatlar koʻrsatsa va xolding (dividendlar unga nisbatan toʻlanadi) aslida shu doimiy muassasa yoki doimiy baza bilan bogʻliq boʻlsa, mazkur moddaning 1, 2 va 3-bandlaridagi qoidalar qoʻllanilmaydi. Bunday holda vaziyatga qarab 7-modda yoki 14-modda qoidalari qoʻllaniladi.

6. Agar Ahdlashuvchi Davlatning rezidenti boʻlgan kompaniya oʻzga Ahdlashuvchi Davlatdan foyda yoki daromad olayotgan boʻlsa, bu oʻzga Ahdlashuvchi Davlat kompaniya toʻlayotgan dividendlardan soliq olmasligi kerak, ana shu oʻzga Davlat rezidentiga toʻlanadigan bunday dividendlar yoki xolding (dividendlar unga nisbatan toʻlanadi) shu oʻzga Ahdlashuvchi Davlatda joylashgan doimiy muassasa yoki doimiy baza bilan haqiqatda bogʻliq boʻlgan hollar bundan mustasnodir, shuningdek hatto-ki toʻlanayotgan dividendlar yoki taqsimlanmagan foyda ana shu oʻzga Davlatda toʻla yoki qisman hosil boʻlgan foyda yoki daromaddan tashkil topgan boʻlsa ham, kompaniyaning taqsimlanmagan foydasidan soliqlar olinmaydi.

11-modda Foizlar

1. Ahdlashuvchi Davlatlarning birida hosil boʻlgan va oʻzga Ahdlashuvchi Davlatning rezidentiga toʻlanadigan foizlar ana shu oʻzga Davlatda soliqqa tortilishi mumkin.

2. Ammo bunday foizlar ular hosil boʻlgan mazkur Ahdlashuvchi Davlatda shu Davlatning qonunlariga binoan ham soliqqa tortilishi mumkin, ammo dividendlarni oluvchi foizlarning amaldagi egasi boʻlsa soliqning miqdori foizlar yalpi summasining 5 foizidan oshmasligi kerak.

3. 2-bandning qoidalariga qaramay, 1-bandda qayd etilganidek, har qanday bunday foizlar uni oluvchi rezidenti boʻlgan Ahdlashuvchi Davlatdagina soliqqa tortilishi mumkin, agar oluvchi foizlarning amaldagi egasi boʻlsa yoki quyidagi shartlardan birini bajarsa:

a) Foizlarni oluvchi Ahdlashuvchi Davlat, yoki uning mahalliy hokimiyat tuzilmalaridan biri, yoki qonunda belgilangan organlaridan biri, shu jumladan ana shu Davlatning Markaziy Banki boʻlsa; yoki bunday foizlar Ahdlashuvchi Davlatlardan biri, mahalliy hokimiyat organlaridan biri yoki qonunda belgilangan organlaridan biri tomonidan toʻlansa;

b) bunday foizlar Ahdlashuvchi Davlat yoki Ahdlashuvchi Davlat nomidan ish koʻradigan boshqa shaxs tomonidan kafolatlangan, sugʻurtalangan yoki saqlab turilgan har qanday qarz majburiyatiga yoki zayomga nisbatan toʻlansa;

c) bunday foizlar har qanday sanoat, tijorat yoki ilmiy uskunalarni qarzga sotish munosabati bilan yoki har qanday buyumni kreditga sotish yoki bir korxona ikkinchisiga har qanday xizmat koʻrsatish munosabati bilan toʻlansa; yoki

d) bunday foizlar bank tomonidan kafolatlangan har qanday turdagi zayom uchun toʻlansa.

4. “Foizlar” iborasi mazkur moddada qoʻllanilganda qarzdor foydasida qatnashishga huquq beradigan yoki bermaydigan, badal bilan taʼminlangan yoki taʼminlanmagan har qanday turdagi qarz talablaridan olinadigan daromadni va, xususan, hukumat qimmatbaho qogʻozlari, obligatsiyalar va qarz majburiyatlaridan olinadigan daromadni, shu jumladan ushbu qimmatbaho qogʻozlar, obligatsiyalar va qarz majburiyatlari boʻyicha olinadigan mukofotlar va yutuqlarni bildiradi. Oʻz vaqtida toʻlanmagan toʻlovlar uchun jarimalar ushbu modda maqsadlarida foizlar sifatida koʻrib chiqilmaydi. “Foizlar” iborasi 10-modda qoidalariga muvofiq dividend sifatida koʻrib chiqiladigan daromadning hech qanday turini oʻz ichiga olmaydi.

5. Agar foizlarning amaldagi egasi Ahdlashuvchi Davlatlardan birining rezidenti boʻla turib, foizlar hosil boʻlayotgan oʻzga Ahdlashuvchi Davlatda u yerda joylashgan doimiy muassasa orqali tadbirkorlik faoliyati olib borayotgan boʻlsa, yoki mazkur oʻzga Davlatda joylashgan doimiy baza orqali mustaqil shaxsiy xizmatlar koʻrsatayotgan boʻlsa va foizlar toʻlanayotgan qarz talabnomalari shunday doimiy muassasaga yoki doimiy bazaga haqiqatan mansub boʻlsa, 1, 2 va 3-band qoidalari qoʻllanilmaydi. Bu holda vaziyatga qarab 7 yoki 14-moddalar qoidalari qoʻllaniladi.

6. Foizlarni toʻlovchi Ahdlashuvchi Davlatning rezidenti boʻlsa, foizlar mazkur Davlatda hosil boʻlgan deb hisoblanadi. Lekin foizlarni toʻlovchi shaxs, Ahdlashuvchi Davlatning rezidenti boʻlishi yoki boʻlmasligidan qatʼi nazar, Ahdlashuvchi Davlatda doimiy muassasaga yoki doimiy bazaga ega boʻlib, shu tufayli foizlarni toʻlash majburiyati vujudga kelgan boʻlsa, va bunday foizlar toʻlash xarajatlarini doimiy muassasa yoki doimiy baza zimmasiga olsa, bunday holda foizlar doimiy muassasa yoki doimiy baza joylashgan Ahdlashuvchi Davlatda vujudga kelgan, deb hisoblanadi.

7. Agar toʻlovchi va amalda foizlar huquqiga ega boʻlgan shaxs oʻrtasidagi, yoki ular ikkalasi va qandaydir oʻzga shaxs oʻrtasidagi alohida munosabatlar oqibatida qarz talabnomasiga nisbatan toʻlanayotgan foizlar miqdori toʻlovchi va amalda foizlar huquqiga ega shaxs oʻrtasida kelishilgan miqdordan oshiq boʻlsa, bunday munosabatlar yoʻq boʻlgan taqdirda mazkur modda qoidalari faqat oxirgi eslatilgan miqdorga nisbatan qoʻllaniladi. Bunday holda toʻlovlarning ortiqcha qismidan mazkur Konvensiyaning boshqa qoidalari inobatga olingan holda, har bir Ahdlashuvchi Davlat qonunchiligiga muvofiq avvalgidek soliq olinadi.

8. Konvensiya qoidalari foizlar toʻlanadigan qarz talabnomasi asosan ana shu moddadan foyda olish maqsadida vujudga kelgan yoki belgilangan boʻlsa, qoʻllanilmaydi.

12-modda Royalti

1. Ahdlashuvchi Davlatlardan birida hosil boʻladigan va oʻzga Ahdlashuvchi Davlatning rezidentiga tegishli boʻlgan royaltilar faqat ushbu oʻzga Davlatda soliqqa tortilishi mumkin.

2. “Royalti” atamasi mazkur moddada qoʻllanilganda har qanday mualliflik huquqi yoki shunga oʻxshash huquqdan foydalanganlik uchun yoki ulardan foydalanish huquqi, har qanday patent, savdo markasi, chizma yoki model, sxema, maxfiy formula yoki jarayon yoki sanoat, tijorat yoki ilmiy tajribaga mansub axborot uchun (“nou-xau”) mukofot tarzida olingan har qanday koʻrinishdagi toʻlovlarni bildiradi.

3. Ahdlashuvchi Davlatlardan birining rezidenti boʻlib, royaltiga nisbatan amalda huquqqa ega boʻlgan shaxsga nisbatan, agar shaxs royalti hosil boʻlayotgan oʻzga Ahdlashuvchi Davlatda u yerda joylashgan doimiy muassasa orqali tadbirkorlik faoliyatini yuritayotgan boʻlsa, yoki ushbu oʻzga Davlatda u yerda joylashgan doimiy baza orqali mustaqil shaxsiy xizmatlarni amalga oshirsa va royalti toʻlanayotgan huquq yoki mulk amalda shunday doimiy muassasa yoki doimiy baza bilan bogʻliq boʻlsa, 1-band qoidalari qoʻllanilmaydi. Bunday holda 7 yoki 14-moddalarning qoidalari vaziyatga qarab qoʻllaniladi.

4. Agar toʻlovchi Ahdlashuvchi Davlatning rezidenti boʻlsa, royalti shu Davlatda hosil boʻlgan deb hisoblanadi. Biroq, agar, royaltini toʻlovchi shaxs Ahdlashuvchi Davlatning rezidenti boʻlishi yoki boʻlmasligidan qatʼi nazar, Ahdlashuvchi Davlatda royaltini toʻlash majburiyati zimmasiga tushgan doimiy muassasaga yoki doimiy bazaga ega boʻlsa va bu doimiy muassasa yoki doimiy baza toʻlov xarajatlarini toʻlasa, bunday royaltilar doimiy muassasa yoki doimiy baza joylashgan shu Ahdlashuvchi Davlatda hosil boʻlgan, deb hisoblanadi.

5. Agar toʻlovchi bilan amalda royalti huquqiga ega shaxs oʻrtasidagi, yoki ularning ikkovi va boshqa biron bir shaxs oʻrtasidagi alohida munosabatlar oqibatida toʻlanadigan xizmatga yoki majburiyatga taalluqli royaltining toʻlangan miqdori toʻlovchi va amaldagi shu daromadlar huquqiga ega shaxs oʻrtasida kelishilgan miqdordan oshiq boʻlsa, bunday munosabatlar yoʻq boʻlgan taqdirda, mazkur modda qoidalari faqat oxirgi eslatilgan miqdorga nisbatan qoʻllaniladi. Bunday holda toʻlovning ortiqcha qismiga mazkur Konvensiyaning boshqa qoidalari inobatga olingan holda, har bir Ahdlashuvchi Davlat qonunchiligiga muvofiq avvalgidek soliq solinadi.

6. Agar royalti toʻlanadigan huquqlarni yaratish yoki oʻzgaga oʻtkazish bilan bogʻliq boʻlgan har qanday shaxsning asosiy maqsadi yoki asosiy maqsadlaridan biri mazkur modda qoidalaridan majburiyatni yaratish yoki oʻzgaga oʻtkazish orqali foyda olish boʻlsa, mazkur moddaning qoidalari qoʻllanilmaydi.

13-modda Sarmoya qiymatining oʻsishidan olinadigan daromadlar

1. 6-moddada eslatib oʻtilgan koʻchmas mulkni begonalashtirishdan olinadigan daromadlarga shunday mol-mulk joylashgan oʻsha Ahdlashuvchi Davlatda soliq solinishi mumkin.

2. Aktivlari asosan, bevosita yoki bitta yoki undan koʻproq kompaniya, trast yoki unga oʻxshash muassasa vositachiligi orqali Ahdlashuvchi Davlatda joylashgan koʻchmas mol-mulkdan yoki ana shunday koʻchmas mol-mulk bilan bogʻliq huquqlardan iborat boʻlgan kompaniya, trast yoki har qanday shunga oʻxshash muassasaning aksiyalari yoki boshqa huquqlarini begonalashtirishdan olingan daromadlar shu Davlatda soliqqa tortilishi mumkin. Mazkur qoida maqsadlari uchun shunday kompaniya, trast yoki unga tenglashtirilgan muassasa tomonidan sanoat, tijorat yoki qishloq xoʻjaligida foydalanishga yoxud uning mustaqil shaxsiy xizmatlarini amalga oshirishga taalluqli koʻchmas mol-mulki eʼtiborga olinmaydi.

3. Ahdlashuvchi Davlatlardan birining korxonasi boshqa Ahdlashuvchi Davlatda ega boʻlgan doimiy muassasa tijorat mulkining bir qismini tashkil etuvchi koʻchar mulkni begonalashtirishdan olingan yoki Ahdlashuvchi Davlatlardan birining rezidenti boshqa Ahdlashuvchi Davlatda mustaqil shaxsiy xizmatlarni amalga oshirishida bemalol foydalanishi mumkin boʻlgan doimiy bazaga taalluqli koʻchar mulkni begonalashtirishdan olingan daromadlarga, bunga shu doimiy muassasani (alohida yoki korxona bilan birgalikda) yoki shunday doimiy bazani begonalashtirishdan olingan daromadni ham qoʻshib, mana shu boshqa Davlatda soliq solinishi mumkin.

4. Ahdlashuvchi Davlat korxonasi tijorat mulkining bir qismini tashkil etuvchi va ana shu korxona xalqaro tashishlarda foydalanadigan kemalar, samolyotlar, temir yoʻl yoki avtomobil transporti vositalaridan iborat boʻlgan mol-mulkni begonalashtirish yoki shunday kemalar, samolyotlar, temir yoʻl yoki avtomobil transporti vositalaridan foydalanishga taalluqli koʻchar mol-mulkni sotishdan olingan daromadlar shu Ahdlashuvchi Davlatdagina soliqqa tortilishi mumkin.

5. 1, 2, 3 va 4-bandlarda eslatilgan mol-mulkdan boshqa har qanday mol-mulkni begonalashtirishdan olingan daromadlar faqat mol-mulkni begonalashtiruvchi shaxs rezidenti hisoblanadigan Ahdlashuvchi Davlatda soliqqa tortilishi lozim boʻladi.

14-modda Mustaqil shaxsiy xizmatlar

1. Ahdlashuvchi Davlatlardan birining rezidenti kasbiy xizmatlarni koʻrsatish yoki mustaqil tusdagi boshqa shunga oʻxshash xizmatlardan olgan daromadiga, agar u oʻz xizmati maqsadlari uchun boshqa Ahdlashuvchi Davlatda oʻzi uchun muntazam qulay boʻlgan doimiy bazaga ega boʻlmasa, faqat mana shu Davlatda soliq solinishi mumkin. Agar uning shunday doimiy bazasi boʻlsa, daromad soligʻi boshqa Davlatda, faqat ana shu doimiy bazaga taalluqli hajmdagina olinadi.

2. “Kasbiy xizmatlar” atamasi jumladan, mustaqil ilmiy, adabiy, artistlik, maʼrifiy yoki oʻqituvchilik faoliyatlarini, shuningdek vrachlar, yuristlar, muhandislar, meʼmorlar, stomatologlar va buxgalterlarning mustaqil faoliyatini qamrab oladi.

15-modda Yollanma shaxsiy xizmatlar

1. 16, 18, 19 va 20-moddalar qoidalarini hisobga olib, Ahdlashuvchi Davlatlardan birining rezidenti yollanma xizmatlariga nisbatan oladigan maoshi, ish haqi va shunga oʻxshash boshqa taqdirlash pullariga, agar shu yollanish bilan bogʻliq ish boshqa Ahdlashuvchi Davlatda amalga oshirilmayotgan boʻlsa, mana shu Ahdlashuvchi Davlatda soliq solinishi mumkin. Agar yollanma ish shu tariqa bajariladigan boʻlsa, unda shu munosabat bilan olingan ragʻbatlantirish puliga ana shu oʻzga Davlatda soliq solinishi mumkin.

2. 1-bandning qoidalariga qaramay, bir Ahdlashuvchi Davlat rezidenti boshqa Ahdlashuvchi Davlatda amalga oshiradigan yollanma xizmatlari uchun oladigan taqdirlash pullariga faqat birinchi eslatilgan Davlatda soliq solinadi, bunda agar:

a) taqdirlash puli oluvchi boshqa Ahdlashuvchi Davlatda koʻrib chiqilayotgan moliyaviy yilda boshlanayotgan yoki tugayotgan keyingi har qanday 12 oylik davrga tegishli davr mobaynida jami 183 kundan oshmaydigan davr yoki davrlar mobaynida yashayotgan boʻlsa; va

b) taqdirlash puli yollovchi tomonidan yoki boshqa Ahdlashuvchi Davlat rezidenti boʻlmagan yollovchi nomidan toʻlansa; va

c) taqdirlash puli boʻyicha xarajatlarni yollovchi boshqa Ahdlashuvchi Davlatda ega boʻlgan doimiy muassasa yoki doimiy baza oʻz zimmasiga olmaydigan boʻlsa, shunday boʻladi.

3. Mazkur moddaning avvalgi qoidalariga qaramay, Ahdlashuvchi Davlat korxonasi xalqaro yuk tashishlarda foydalanadigan dengiz, havo kemalari bortida, temir yoʻl yoki avtomobil transporti vositalarida amalga oshiriladigan yollanma ish uchun olinadigan taqdirlash pullariga ana shu Davlatda soliq solinishi mumkin.

16-modda Direktorlar gonorarlari

Direktorlarning gonorarlari va Ahdlashuvchi Davlatlardan birining rezidenti boshqa Ahdlashuvchi Davlat rezidenti boʻlgan kompaniyaning direktorlar kengashi aʼzosi sifatida oladigan boshqa shu kabi ragʻbatlantirish haqlari ana shu boshqa Davlatda soliqqa tortilishi mumkin.

17-modda Sanʼat xodimlari va sportchilar

1. 14 va 15-moddalar qoidalariga qaramay, Ahdlashuvchi Davlatlardan birining rezidenti teatr, kino, radio yoki televideniye artisti yoki musiqachi kabi sanʼat xodimi sifatida yoki sportchi sifatida boshqa Ahdlashuvchi Davlatda amalga oshirayotgan shaxsiy faoliyati tufayli oladigan daromadiga shu boshqa Ahdlashuvchi Davlatda soliq solinishi mumkin.

2. Sanʼat xodimi yoki sportchi amalga oshirgan shaxsiy faoliyatida olinadigan daromad sanʼat xodimi yoki sportchining oʻziga emas, boshqa shaxsga yozilsa, 7, 14 va 15-moddalar qoidalariga qaramay, ushbu daromadga sanʼat xodimi yoki sportchi faoliyat koʻrsatayotgan oʻsha Ahdlashuvchi Davlatda soliq solinishi mumkin.

3. 1-band qoidalariga qaramay, Ahdlashuvchi Davlat rezidenti sanʼat xodimi yoki sportchi sifatida boshqa Ahdlashuvchi Davlatda amalga oshiradigan shaxsiy faoliyatidan oladigan daromad faqat birinchi eslatilgan Davlatda soliqqa tortilishi kerak, agar boshqa Davlatdagi bu faoliyat asosan birinchi eslatilgan Davlatning jamoat fondlari tomonidan yoki shu Davlatning mahalliy hokimiyat organlari yoki ularning qonunda belgilangan organlari tomonidan mablagʻ bilan taʼminlab turilsa.

4. 2-band qoidalariga qaramay Ahdlashuvchi Davlatlardan birining rezidentining boshqa Ahdlashuvchi Davlatda artist yoki sportchi sifatidagi shaxsiy faoliyatidan daromadi artistning yoki sportchining oʻziga emas, balki boshqa shaxsga toʻlansa, bu daromad 7, 14 va 15- moddalarning qoidalariga qaramay, agar bu shaxs, asosan shu Davlatning jamoat fondlari, uning mahalliy hokimiyat organlari yoki ularning qonunda belgilangan organlari tomonidan mablagʻ bilan taʼminlab turilsa, faqat birinchi eslatilgan Davlatda soliqqa tortilishi kerak.

18-modda Pensiyalar

19-moddaning 2-bandi qoidalariga muvofiq Ahdlashuvchi Davlatning rezidentiga uning ilgarigi yollanish boʻyicha ishlagan ishi uchun tovon sifatida toʻlanadigan pensiyalar va boshqa shu singari ragʻbatlantirish pullariga, agar bunday rezident ana shu Davlatda daromadning ushbu turlariga nisbatan soliqqa tortilsa, faqat ushbu Davlatda soliq solinadi.

19-modda Davlat xizmati

1. a) Ahdlashuvchi Davlat yoki uning hokimiyat organlari yoki davlat yuridik shaxslari biri tomonidan shu Davlatga, uning mahalliy hokimiyat organlariga yoki uning qonunga muvofiq belgilangan organlariga koʻrsatgan xizmatlariga nisbatan har qanday jismoniy shaxsga toʻlanadigan pensiyadan tashqari taqdirlash puliga faqat ushbu Davlatdagina soliq solinadi.

b) Biroq bunday taqdirlash puliga agar xizmatlar mana shu Davlatda amalga oshirilsa va jismoniy shaxs shu Davlatning rezidenti yoki milliy shaxsi boʻlsa, ayni shu vaqtda birinchi eslatilgan Davlatning milliy shaxsi boʻlmasa, faqat ana shu boshqa Ahdlashuvchi Davlatda soliq solinadi.

2. a) Ahdlashuvchi Davlat yoki mahalliy hokimiyat organlaridan biri yoki uning qonunga muvofiq belgilangan organlaridan shu Davlatga yoki uning hokimiyat organiga yoki qonunga muvofiq belgilangan organlariga koʻrsatgan xizmatlariga nisbatan har qanday jismoniy shaxsga toʻlanadigan pensiyaga faqat ushbu Davlatda soliq solinadi.

b) Biroq agar jismoniy shaxs shu Davlatning rezidenti va milliy shaxsi boʻlsa, va u ayni bir paytda birinchi eslatilgan Davlatning milliy shaxsi ham boʻlmasa, bunday pensiyaga faqat boshqa Ahdlashuvchi Davlatda soliq solinadi.

3. 15, 16 va 18-moddalarning qoidalari Ahdlashuvchi Davlat yoki uning mahalliy hokimiyat organlaridan biri yoki qonunga muvofiq belgilangan organlaridan biri amalga oshiradigan tadbirkorlik faoliyati munosabati bilan koʻrsatiladigan xizmatlarga nisbatan toʻlanadigan taqdirlash pullari va pensiyalariga nisbatan qoʻllaniladi.

20-modda Studentlar, oʻqituvchilar va tadqiqotchilar

1. Ahdlashuvchi Davlatlardan biriga kelgunga qadar boshqa Ahdlashuvchi Davlatning hozirda rezidenti hisoblanib turgan yoki boʻlgan va birinchi eslatilgan Davlatda faqat oʻqish yoki maʼlumot olish maqsadlaridagina yashab turgan student yoki praktikantning yashash, oʻqish va maʼlumot olish uchun moʻljallanib oladigan toʻlovlariga mana shu birinchi eslatilgan Davlatda, agarda bunday toʻlovlar shu Davlat hududidan tashqaridagi manbalardan paydo boʻlsa, soliq solinmaydi.

2. 14 va 15-moddalarning qoidalariga qaramay, Ahdlashuvchi Davlat yoki uning mahalliy hokimiyat organlaridan biri yoki uning qonunga muvofiq belgilangan organlaridan biri tomonidan jismoniy shaxsga oʻqituvchi yoki tadqiqotchi sifatida toʻlanadigan taqdirlash puliga 2 yildan oshmaydigan davr mobaynida faqat shu Davlatda soliq solinishi kerak.

21-modda Boshqa daromadlar

1. Ahdlashuvchi Davlatlardan birining rezidentining mazkur Konvensiyaning oldingi moddalarida tilga olinmagan daromad turlariga daromadlarning qayerda paydo boʻlishidan qatʼi nazar, faqat mana shu Davlatda soliq solinadi.

2. Mazkur modda 1-bandining qoidalari 6-moddaning 2-bandida belgilanganidek koʻchmas mulkdan olingan daromad hisoblanmaydigan daromadga nisbatan, agarda bunday daromad egasi bir Ahdlashuvchi Davlat rezidenti boʻla turib, boshqa Ahdlashuvchi Davlatda u yerda joylashgan doimiy muassasa orqali oʻz faoliyatini amalga oshirsa yoki u yerda joylashgan doimiy baza orqali ushbu boshqa Davlatda mustaqil shaxsiy xizmatlarni amalga oshirsa va daromad toʻlanadigan huquq yoki mulk haqiqatan ham bunday doimiy muassasa yoki baza bilan bogʻlangan boʻlsa, qoʻllanilmaydi. Bu holatda 7 yoki 14-moddalarning qoidalari vaziyatga qarab qoʻllaniladi.

3. Agar har qanday shaxsning daromad toʻlanadigan huquqlarini yaratish yoki topshirish bilan bogʻliq asosiy maqsadi yoki asosiy maqsadlaridan biri shunday majburiyatni yaratish yoki topshirish yoʻli bilan ana shu moddadagi afzalliklarni olish boʻlsa ushbu moddaning 1 va 2-bandlari qoidalari qoʻllanilmaydi.

22-modda Sarmoya

1. a) Ahdlashuvchi Davlat rezidentiga tegishli boʻlgan va boshqa Ahdlashuvchi Davlatda joylashgan, 6-moddada eslatib oʻtilgan koʻchmas mol-mulk tarzidagi sarmoya ana shu boshqa Davlatda soliqqa tortilishi mumkin.

b) kompaniya, trast yoki aktivlari asosan, bevosita yoki bitta yoxud undan koʻproq boshqa kompaniya, trast yoki shunga oʻxshash muassasalar orqali Ahdlashuvchi Davlatda boʻlgan koʻchmas mol-mulkni tashkil etadigan har qanday muassasaning aksiyalari yoki boshqa huquqlari tarzidagi sarmoya yoki ana shu koʻchmas mulk bilan bogʻliq huquqlar ana shu Davlatda soliqqa tortilishi mumkin. Ushbu qoida maqsadlarini amalga oshirishda shunday kompaniya, trast yoki shunga oʻxshash muassasaning sanoat, tijorat yoki qishloq xoʻjaligida foydalanishiga yoki ularning mustaqil shaxsiy xizmatlarni amalga oshirishga taalluqli koʻchmas mol-mulki hisobga olinmasligi kerak.

2. 1-bandning b-kichik bandida eslatib oʻtilmagan, aksiyalar yoki boshqa huquqlar tarzidagi hamda Ahdlashuvchi Davlat rezidenti boʻlgan kompaniyadagi katta ulushning bir qismini tashkil etuvchi sarmoya shu Davlatda soliqqa tortilishi mumkin. Shaxs, uning oʻzi yoki boshqa shaxslar bilan birgalikda umumiy miqdori kompaniya foydasining kamida 25 foizini olish huquqini beradigan aksiyalar yoki huquqlarga bevosita yoki bilvosita egalik qilganda katta ulush mavjud boʻladi, deb hisoblanadi.

3. Koʻchmas mol-mulk tarzidagi va Ahdlashuvchi Davlatlardan birining korxonasi boshqa Ahdlashuvchi Davlatda ega boʻlgan doimiy muassasa tijorat mulkining bir qismini tashkil etuvchi, yoxud mustaqil shaxsiy xizmatlarni bajarish maqsadida Ahdlashuvchi Davlatlardan birining rezidenti boshqa Ahdlashuvchi Davlatda foydalanadigan doimiy bazaga taalluqli koʻchmas mol-mulk tarzidagi sarmoyaga ana shu boshqa Davlatda soliq solinishi mumkin.

4. Korxona tijorat mulkining bir qismini tashkil etuvchi mol-mulk tarzidagi va shunday korxona xalqaro yuk tashishlarda foydalanadigan kemalar, samolyotlar, avtomobil va temir yoʻl transporti vositalaridan hamda shunday kemalar, samolyotlar, avtomobil va temir yoʻl transporti vositalaridan foydalanishga taalluqli koʻchar mulkdan iborat sarmoya ana shu korxonaning samarali boshqaruv joyi joylashgan Ahdlashuvchi Davlatdagina soliqqa tortiladi.

5. Ahdlashuvchi Davlat rezidenti sarmoyasining barcha boshqa elementlari faqat shu Davlatdagina soliqqa tortiladi.

23-modda Ikki tomonlama soliqqa tortishni bartaraf etish

1. Fransiyaga nisbatan ikki tomonlama soliqqa tortishni bartaraf etish quyidagicha amalga oshiriladi:

a) Ushbu Konvensiyaning har qanday boshqa qoidalaridan qatʼi nazar, ushbu Konvensiyaning qoidalariga muvofiq faqat Oʻzbekistonda soliq solinishi mumkin va lozim boʻlgan daromad Fransiya soligʻini hisoblashda eʼtiborga olinishi kerak, Fransiyada bunday daromad Fransiyaning ichki qonunlariga muvofiq korporativ soliqdan ozod qilinmaydi. Bunday holda Oʻzbekiston soligʻi bunday daromaddan chegirib tashlanmaydi. Biroq, Fransiya rezidenti I va II-kichik bandlarda koʻzda tutilgan shartlar va cheklashlarni hisobga olganda Fransiya soligʻi hisobiga soliq krediti uchun huquqqa ega boʻlishi kerak. Bunday soliq krediti quyidagilarga teng boʻlishi kerak:

I) II-kichik bandda eslatilganidan farq qiladigan daromadga, Fransiya soligʻi summasiga tatbiqan dividendlarning manfaatdor egasi Oʻzbekistonda shu daromadga nisbatan soliqqa tortiladigan daromadga;

II) 7-moddada va 13-moddaning 3-bandida eslatib oʻtilgan Fransiya korporativ soligʻini hisobga olgan holda daromadga nisbatan hamda 10-modda, 11-moddaning 2-bandida, 13-moddaning 1 va 2-bandlarida, 15-moddaning 3-bandida, 16-moddada va 17-moddaning 1 va 2-bandlarida eslatilgan daromadga nisbatan, ana shu moddalarning qoidalariga muvofiq Oʻzbekistonda toʻlangan soliq summasiga; biroq bunday soliq krediti shunday daromadga taalluqli boʻlgan Fransiya soligʻi summasidan oshmasligi lozim.

b) 22-moddaning 1, 2 yoki 3-bandlariga muvofiq Oʻzbekistonda soliqqa tortiladigan sarmoya egasi boʻlgan Fransiya rezidenti shunday sarmoyaga nisbatan Fransiyada ham soliqqa tortiladi. Fransiya soligʻi Oʻzbekistonda shunday sarmoyadan toʻlangan soliq summasiga teng boʻlgan soliq kreditini hisobga olish bilan hisoblanadi. Biroq, bunday soliq krediti shunday sarmoyaga taalluqli Fransiya soligʻi summasidan oshmasligi kerak.

c) I) Mutlaqo tushunarliki, a-kichik bandida ishlatilgan “shunday daromadga taalluqli Fransiya soligʻi summasi” atamasi quyidagilarni bildiradi:

shunday daromadga nisbatan soliq teng stavkani qoʻllab hisoblaganda, koʻrib chiqilayotgan sof daromad summasi shunday daromadga nisbatan amalda qoʻllaniladigan stavkaga koʻpaytiriladi;

bunday daromadga soliq oʻsib boruvchi shkalani qoʻllab hisoblanganda Fransiya qonunlariga muvofiq soliqqa tortiladigan va amalda umumiy sof daromaddan toʻlanadigan soliq nisbatidan olinadigan stavkaga koʻpaytiriladi. Bunday talqin b-kichik bandida foydalanilganidek sarmoyaga nisbatan “Fransiya soligʻi summasi” atamasiga nisbatan qoʻllanishi kerak.

II) Shunisi mutlaqo tushunarliki, a va b-kichik bandlarida ishlatilganidek, “Oʻzbekistonda toʻlanadigan soliq summasi” atamasi ushbu Konvensiyaning qoidalariga muvofiq Fransiya rezidenti boʻlgan dividendlarning manfaatdor egasi yoki sarmoya egasi tomonidan koʻrib chiqilayotgan daromad yoki sarmoya turlariga nisbatan haqiqatan va soʻzsiz toʻlanadigan Oʻzbekiston soligʻi summasini bildiradi.

2. Oʻzbekistonga nisbatan ikki tomonlama soliqqa tortishni bartaraf etish quyidagicha amalga oshiriladi:

a) Oʻzbekiston rezidenti ushbu Konvensiya qoidalariga muvofiq, Fransiyada soliq solinishi mumkin boʻlgan daromadni olsa yoki sarmoyaga ega boʻlsa Oʻzbekiston:

I) shu rezidentning daromad soligʻidan Fransiyada toʻlangan daromad soligʻiga teng summani chegirib tashlashga;

II) shu rezidentning sarmoyasiga solinadigan soliqdan Fransiyada toʻlanadigan sarmoya soligʻiga teng summani chegirib tashlashga imkon berishi kerak.

Bunday chegirib tashlashlar har qanday holda ham vaziyatga bogʻliq ravishda Fransiyada soliq solinishi mumkin boʻlgan daromadga yoki sarmoyaga taalluqli chegirib tashlangungacha hisoblangan daromad yoki sarmoya soligʻidan oshib ketmasligi kerak.

b) Ushbu Konvensiyaning biron bir qoidasiga muvofiq olingan daromad yoki Oʻzbekiston rezidenti ega boʻlgan sarmoya Oʻzbekistonda soliqqa tortilishdan ozod qilingan boʻlsa, Oʻzbekiston shu rezident daromadi yoki sarmoyasining qolgan qismiga soliq summasini hisoblashda soliq solishdan ozod qilingan daromad yoki sarmoya summasini hisobga olishi mumkin.

c) Ushbu modda a va b-bandlarining maqsadlari uchun Oʻzbekiston rezidenti olgan va ushbu Konvensiyaga muvofiq Fransiyada soliqqa tortilishi mumkin boʻlgan daromad, foyda va sarmoya Fransiyadagi manbalardan olingan, deb hisoblanadi.

24-modda Kamsitmaslik

1. Ahdlashuvchi Davlatlardan birining milliy shaxslari boshqa Ahdlashuvchi Davlatda boshqa Davlat milliy shaxslariga ayni bir xil sharoitlarda, jumladan rezidensiyaga nisbatan solinishi mumkin boʻlgandan ortiq har qanday soliq yoki unga aloqador majburiyatlarga, soliq solishdan koʻra mushkulroq yoki unga aloqador holatlarga duchor qilinmaydilar. Bunday qoida 1-modda qoidalaridan qatʼi nazar, bitta yoki ikkala Ahdlashuvchi Davlat rezidentlari boʻlmagan shaxslarga nisbatan ham qoʻllaniladi.

2. Ahdlashuvchi Davlatlardan birining korxonasining boshqa Ahdlashuvchi Davlatdagi doimiy muassasasiga soliq solish ana shu boshqa Ahdlashuvchi Davlatda ushbu boshqa Ahdlashuvchi Davlatning aynan shunday faoliyatni amalga oshiruvchi korxonalariga soliq solishdan koʻra yomonroq boʻlmaydi. Mazkur qoida bir Ahdlashuvchi Davlatni boshqa Ahdlashuvchi Davlat rezidentiga soliq solish maqsadlarida oʻz rezidentlariga ularning fuqarolik mavqei yoki oilaviy majburiyatlari asosida beradigan har qanday yakka tartibdagi imtiyozlar, ozod qilishlar yoki chegirmalar berishga majburlovchi tarzida talqin qilinmasligi lozim.

3. Ushbu Konvensiya 9-moddasining 1-bandi, 11-moddasining 5-bandi yoki 12-moddasining 5-bandi qoidalari qoʻllanganidan tashqari hollarda, Ahdlashuvchi Davlat korxonasi boshqa Ahdlashuvchi Davlatlardan birining rezidentiga bunday korxonaning soliqqa tortiladigan foydasini aniqlash maqsadida toʻlaydigan foizlar, royaltilar va boshqa toʻlovlar bunday toʻlovlar birinchi eslatilgan Davlat rezidentiga toʻlanishi mumkin boʻlgan holdagi kabi sharoitda chegirib tashlanadi. Shu singari bitta Ahdlashuvchi Davlat korxonasining boshqa Ahdlashuvchi Davlat rezidentiga har qanday qarzlari shu korxonaning soliqqa tortiladigan kapitalini aniqlash maqsadida birinchi eslatilgan Davlat rezidentining qarzi chegirilgani singari shartlar asosida chegirib tashlanishi kerak.

4. Ahdlashuvchi Davlatlardan birining korxonalari, qaysiki ularning sarmoyasi toʻliq yoki qisman boshqa Ahdlashuvchi Davlatga tegishli boʻlsa yoki bir yoki bir necha rezidentlari tomonidan bevosita yoki bilvosita nazorat qilinsa birinchi eslatilgan Davlatda birinchi eslatilgan Davlatning shunday korxonalariga solinadigan yoki solinishi mumkin boʻlgan har qanday soliq yoki unga aloqador holatlar, boshqa yoki soliq solishdan koʻra mushkulroq holatlarga duchor qilinmaydi.

5. a) Bir Ahdlashuvchi Davlatda yollanma ishni amalga oshirayotgan jismoniy shaxs belgilangan pensiya tizimiga qoʻshadigan va boshqa Ahdlashuvchi Davlatda soliqqa tortish maqsadida eʼtirof etilgan ulushlar jismoniy shaxsning soliqqa tortiladigan daromadini aniqlashda birinchi eslatilgan Davlatda chegirib tashlanadi. Jismoniy shaxslarning shu Davlatda va xuddi shunday usulda soliqqa tortiladigan daromadini aniqlashda birinchi eslatilgan Davlatda soliqqa solinishi eʼtirof etilgan pensiya tizimiga qoʻshiladigan ulushlar singari usulda shartlar va cheklashlarga muvofiq shu Davlatda tartibga solib turiladi. Lekin shu Davlatning vakolatli organlari tomonidan mazkur pensiya tizimi shu Davlatda soliqqa tortish maqsadida tan olingan tegishli pensiya tizimi sifatida qabul qilinadi.

b) a-kichik bandi maqsadlari uchun:

I) “pensiya tizimi” atamasi a-bandida eslatib oʻtiladigan yollanma ishga toʻlanadigan pensiya yoki qarilik nafaqasiga kafolat berish uchun jismoniy shaxs qatnashadigan tuzilmani bildiradi, va

II) pensiya tizimi, agar ushbu tizimdagi mablagʻlar shu Davlatda soliq toʻlashda chegirma talablariga javob beradigan boʻlsa, shu Davlatda soliqqa tortilish maqsadida eʼtirof etiladi.

6. Bir Ahdlashuvchi Davlatda soliqlar toʻlashdan ozod boʻlish va soliq qonunchiligida tavsiya etilgan boshqa imtiyozlar tadbirkorlik boʻlmagan va notijorat ishlarini amalga oshirayotgan shu Davlat, uning mahalliy hokimiyat organlari yoki qonunda belgilangan organlarining foydasi uchun boshqa Ahdlashuvchi Davlat yoki uning mahalliy hokimiyat organlariga yoki qonunda belgilangan organlar oʻrtasida oʻzaro kelishuv vaziyatini hisobga olib tegishli shartlarda yoki shunday yoxud oʻxshash faoliyat olib borayotgan tegishli vakolatli yuridik shaxslarga nisbatan qoʻllanilishi kerak. 7-band qoidalariga qaramay, mazkur band qoidalari koʻrsatilgan xizmatlar uchun oʻrnini qoplash sifatida toʻlanadigan soliqlar va yigʻimlarga nisbatan qoʻllanilmasligi kerak.

7. Mazkur moddaning qoidalari 2-modda qoidalariga qaramay, turli xil va nomdagi soliqlarga nisbatan qoʻllanilishi kerak.

8. Agar Ahdlashuvchi Davlatlar ushbu Konvensiyada koʻrsatilganidan farqli ravishda tomonlar deb hisoblangan har qanday shartnoma, bitim yoki konvensiya va kamsitmaslik shartlarini yoki bir muncha maqbul shartlarni oʻz ichiga olsa, bunday shartlar soliq masalalariga nisbatan qoʻllanilmaydi.

25-modda Oʻzaro kelishuv tartiblari

1. Agarda Ahdlashuvchi Davlat rezidenti Davlatlardan biri yoki har ikkalasining xatti-harakatlari unga mazkur Konvensiyada nazarda tutilganga muvofiq kelmaydigan soliq solinishiga olib keladi yoki olib kelishi mumkin deb hisoblasa, u mazkur Davlatlarning ichki qonunchiligida nazarda tutilgan himoya vositalaridan qatʼi nazar, oʻz arizasini oʻzi rezident boʻlgan Ahdlashuvchi Davlatning vakolatli organiga, yoki agarda uning holati Konvensiyaning 24-modda 1-bandiga muvofiq kelsa, oʻz milliy shaxsi boʻlgan Ahdlashuvchi Davlatga taqdim etishi mumkin. Ariza mazkur Konvensiya qoidalariga nomuvofiq soliq solinishiga olib keluvchi xatti-harakatlar toʻgʻrisida birinchi bor bildirilgan vaqtdan boshlab uch yil mobaynida berilishi kerak.

2. Boshqa Ahdlashuvchi Davlatning vakolatli organi uning arizasini asosli deb topsa va uning oʻzi qoniqtiradigan qarorga kela olmasa, masalani Konvensiyaga muvofiq kelmaydigan soliq solinishidan qochish maqsadlarida Ahdlashuvchi boshqa Davlatning vakolatli organi bilan oʻzaro kelishib hal qilishga harakat qiladi. Erishilgan har qanday kelishuv Ahdlashuvchi Davlat ichki qonunchiligida nazarda tutilgan har qanday vaqtincha cheklashlardan qatʼi nazar, bajarilishi kerak.

3. Ahdlashuvchi Davlatning vakolatli organlari Konvensiyani talqin qilish yoki qoʻllashda yuzaga keladigan har qanday qiyinchilik va ikkilanishlarni oʻzaro kelishuv asosida hal qilishga harakat qiladilar. Jumladan, ular 9-moddada koʻrsatilgan birlashgan korxonalar oʻrtasida daromadlarni bir xil taqsimlash boʻyicha ahdlashib olish uchun maslahatlashishlari mumkin. Ular mazkur Konvensiyada nazarda tutilmagan holatlarda ham ikki tomonlama soliq solinishiga yoʻl qoʻymaslik maqsadida bir-birlari bilan maslahatlashishlari mumkin.

4. Ahdlashuvchi Davlatlarning vakolatli organlari yoki ularning vakillari oldingi bandlar maʼnolarini tushunishida hamfikrlikka erishish maqsadida bir-birlari bilan bevosita aloqada boʻlib turadilar. Agar kelishuvga erishish uchun ogʻzaki fikr almashishni tashkil qilish maqsadga muvofiq boʻlsa, unda bunday fikr almashuv Ahdlashuvchi Davlatlarning vakolatli organlari yoki ularning vakillaridan iborat komissiyaning majlisi doirasida oʻtkazilishi mumkin.

5. Ahdlashuvchi Davlatlar tomonlar deb hisoblanuvchi har qanday boshqa bitim, shartnoma yoki konvensiyaga qaramay, Ahdlashuvchi Davlatlar oʻrtasidagi har qanday soliq (mazkur Konvensiyani qoʻllash boʻyicha tortishuvlar ham shunga kiradi) masalasi faqat shu moddaga muvofiq hal etilishi kerak.

26-modda Axborot almashish

1. Ahdlashuvchi Davlatlarning vakolatli organlari mazkur Konvensiya qoidalarini qoʻllash uchun yoki Ahdlashuvchi Davlatlarning mazkur Konvensiya tatbiq etiladigan soliqlariga tegishli ichki qonunchiligi ushbu qonunchilikdan mazkur Konvensiyaga zid tushmaydigan darajada foydalanish uchun zarur axborotlar bilan almashib turadilar. Axborot almashish 1-modda bilan cheklanmaydi. Ahdlashuvchi Davlat olayotgan har qanday axborot, mazkur Davlatning ichki qonunlari haqida olingan maʼlumot kabi maxfiy hisoblanadi, hamda faqat aniqlash, olib qoʻyish, majburiy chora koʻrish, sud orqali taʼqib etish bilan bogʻliq yoki mazkur Konvensiya taalluqli boʻlgan soliqlarga nisbatan apellyatsiyalarni koʻrib chiquvchi shaxslar va organlargagina (sudlar va maʼmuriy organlarga ham) ochiladi. Bu shaxslar yoki organlar axborotdan faqat shunday maqsadlarda foydalanadilar. Ular ushbu axborotni ochiq sud majlisida yoki yuridik qarorlar qabul qilish chogʻida ochishlari mumkin.

2. Hech qanday holatda ham 1-band qoidalari Ahdlashuvchi Davlatlar vakolatli organlari zimmasiga quyidagi majburiyatlarni yuklovchi qoidalar sifatida talqin qilinmaydi:

a) u yoki bu Ahdlashuvchi Davlatlar qonunchiligi yoki maʼmuriy amaliyotiga zid maʼmuriy choralar oʻtkazish;

b) u yoki bu Ahdlashuvchi Davlatlar qonunchiligiga koʻra yoki odatdagi maʼmuriy amaliyotga muvofiq olinishi mumkin boʻlmagan axborotni taqdim etish;

c) savdo, sanoat, tijorat yoki xizmat siri yoki savdo jarayonini fosh etuvchi axborotni yoki ochilishi davlat siyosatiga zid keluvchi axborotni taqdim etish.

27-modda Etkazilgan zararni qoplashda yordam koʻrsatish

1. Ahdlashuvchi Davlatlardan birining vakolatli idorasi (bundan keyin “Talabnoma beruvchi Davlat” deyiladi) iltimosiga koʻra boshqa Ahdlashuvchi Davlat (bundan keyin “Talabnomani olgan Davlat” deyiladi) 7 va 9-bandlarning qoidalariga binoan birinchi eslatilgan Davlatning vakolatli idorasining soliqqa doir talabini oʻrnini qoplash uchun goʻyo bu talab uning oʻziga tegishli soliqqa doir talab singari zarur chora-tadbirlarni koʻrishi lozim. Tushunarliki, “soliqqa doir talab” atamasi har qanday soliq summasini, shuningdek ularning foizlarini, ular bilan bogʻliq soliq penyalari yoki jarimalarni va toʻlanishi kerak boʻlgan, lekin hali toʻlanmagan qarzdorlik toʻlovlarini anglatadi.

2. 1-bandning qoidalari Talabnoma beruvchi Davlatda agar bunday talablar vakolatli idoralar oʻrtasida boshqacha kelishib olinmagan boʻlsa va ular bunga qarshilik qilmasalar, majburiy tartibda undirilishga imkon beruvchi huquqiy hujjat boʻlgan soliqqa doir talablarga nisbatan qoʻllaniladi.

3. Vafot etgan shaxs yoki uning mulkiga tegishli soliqqa doir talablarni oʻrnini qoplashda yordam koʻrsatishga majburiyat talab mulkdan yoki dividendlarning manfaatdor egasidan undirilishi kerakligiga qarab, mulkning har bir benefitsiari xarid qilgan mol-mulk yoki bisotning qiymati bilan cheklanadi.

4. Talabnoma beruvchi Davlat vakolatli organining iltimosiga binoan talabnomani olgan Davlat, hatto talab munozarali boʻlsa yoki hozircha talabning majburiy tarzda undirilishiga imkon beradigan huquqiy hujjat uchun predmet boʻlmagan boʻlsa ham soliq summasining oʻrnini qoplash maqsadida uning saqlanishiga oid chora-tadbirlarni koʻrishi zarur.

5. Maʼmuriy yordam haqidagi iltimosga quyidagilar ilova qilinishi lozim:

a) soliqqa doir talabning tusi koʻrsatilgan deklaratsiya va bunday talab qondiriladigan holatda 2-bandda nazarda tutilgan shartlarning bajarilganligi koʻrsatiladi;

b) talabnomani olgan Davlatda soliqqa doir talabning majburiy tartibda undirilishiga imkon beradigan huquqiy hujjatning rasmiy koʻchirilgan nusxasi, shuningdek

c) talabning qondirilishi yoki soliq summasining saqlab turilishi uchun zarur boʻlgan boshqa har qanday hujjat.

6. Agar maqsadga muvofiq deb topilsa, Talabnomani beruvchi Davlatda soliqning majburiy tartibda undirilishiga imkon beradigan huquqiy hujjat Talabnomani olgan Davlatda amal qiladigan qoidalarga binoan yordam koʻrsatish haqidagi iltimos olingan sanadan boshlab iloji boricha tez vaqt ichida qabul qilinishi, eʼtirof etilishi, qoʻshimchalar kiritilishi yoki Talabnomani olgan Davlatda soliqning majburiy tarzda undirilishiga imkon beradigan huquqiy hujjat bilan almashtirilishi kerak.

7. Soliqqa doir talabning oʻrni majburiy tartibda qoplanishi mumkin boʻlmagan har qanday davrga tegishli masalalar talabnomani beruvchi Davlatning qonunlariga muvofiq hal qilinishi lozim, yordam haqidagi iltimos ana shu davrga tegishli oʻziga xos xususiyatlarni va batafsil hisobotni oʻz ichiga olishi kerak.

8. Talabnomani olgan Davlatning yordam haqidagi iltimosga binoan amalga oshiradigan talabning oʻrnini qoplashga oid aktlarining ushbu Davlatning ichki qonunlariga muvofiq 7-bandda qayd qilingan davrni toʻxtatib turadigan yoki uzadigan kuchga ega boʻlgan taʼsiri, shuningdek, talabnoma beruvchi Davlatning qonunlariga muvofiq ham shunday taʼsir kuchiga ega boʻlishi kerak boʻladi. Talabnomani olgan Davlat Talabnoma beruvchi Davlatni ana shunday aktlar haqida xabardor qilishi lozim.

9. Talabnomani olgan Davlat soliq summasining majburiy tarzda undirilishiga imkon beradigan haqiqiy huquqiy hujjat paydo boʻlgan kundan soʻng 15 yillik muddat oʻtganidan keyin taqdim etilgan yordam haqidagi iltimosni har qanday holatda ham ijro etishi shart emas.

10. Talabnomani olgan Davlat, mabodo uning qonunlari ana shunday vaziyatlarda imkon bersa, toʻlovni keyinga qoldirishi yoki uni boʻlib-boʻlib toʻlashi mumkin, lekin u bu toʻgʻrisida oldin Talabnoma beruvchi Davlatni xabardor qilishi kerak.

11. Mazkur moddaning qoidalari, 2-moddaning qoidalariga qaramasdan, har qanday turdagi va nomdagi soliqqa tortishga nisbatan qoʻllanilishi lozim.

28-modda Diplomatik vakolatxonalar xodimlari va konsullik muassasalari xizmatchilari

1. Mazkur Konvensiyaning hech bir qoidasi diplomatik vakolatxonalar xodimlari va konsullik muassasalari hamda xalqaro tashkilotlarning doimiy vakolatxonalari xodimlarining xalqaro huquq umumiy normalariga yoki maxsus bitimlar qoidalariga muvofiq belgilab qoʻyilgan soliq imtiyozlariga daxl qilmaydi.

2. 4-modda qoidalariga qaramay, boshqa Ahdlashuvchi Davlatda yoki uchinchi Davlatda boʻlgan Ahdlashuvchi Davlatning diplomatik vakolatxonasi, konsullik muassasasi yoki doimiy vakolatxonasining aʼzolari boʻlmish jismoniy shaxs agar jismoniy shaxs yuborayotgan Davlatda butun daromadi va kapital soliq solinishida shu Davlat rezidenti singari majburiyatli boʻlsa, ushbu Konvensiya maqsadlarida yuborilayotgan Davlat rezidenti deb hisoblanishi kerak.

3. Konvensiya Ahdlashuvchi Davlatda joylashgan uchinchi Davlatning diplomatik vakolatxonasi, konsullik muassasasi yoki doimiy vakolatxonasi aʼzolari boʻlgan oʻzlarining butun daromadlari va kapital soliqqa tortilishiga nisbatan biron bir Ahdlashuvchi Davlatda shu Davlat rezidenti singari majburiyatlarga ega boʻlmagan shaxslarga hamda xalqaro tashkilotlar, ularning organlari yoki ularning rasmiy shaxslariga nisbatan qoʻllanilmasligi kerak.

29-modda Qoʻllanish usuli

1. Ahdlashuvchi Davlatlarning vakolatli organlari ushbu Konvensiyani qoʻllanish usulini belgilab olishlari mumkin.

2. Ahdlashuvchi Davlatlardan biridagi mazkur Konvensiyada koʻzda tutilgan foydalarni undirish uchun boshqa Ahdlashuvchi Davlat rezidentlari, agar vakolatli organlar bunga rozi boʻlsalar, uning rezident sifatidagi vakolatini, jumladan unga daxldor boʻlgan daromad yoki kapital umumiy summasini yoki qiymatini koʻzda tutuvchi va ana shu boshqa Davlat soliq maʼmuriyatidan beriladigan sertifikatni oʻz ichiga oluvchi sertifikat shaklini taqdim etish kerak.

3. Ahdlashuvchi Davlatlardan biri oʻzining ichki qonunlariga muvofiq, agar shu Davlatda vujudga kelgan va olingan yoki boshqa Ahdlashuvchi Davlat rezidenti amalga oshirgan daromaddan soliq olishi mumkin boʻlsa va agar mazkur Konvensiya ushbu soliqqa tortishni qisqartirsa yoki ozod qilsa, u holda soliqqa tortishni qisqartirish yoki undan ozod qilish vazifasi birinchi eslatilgan Davlatga qoplash yoʻli bilan emas, balki tegishli soliqni solmaslik yoʻli bilan lekin bunday daromad dividendlarning manfaatdor egasi soliq hisoblangunga qadar soliqqa tortishni qisqartirish yoki undan ozod qilish uchun oʻz huquqini koʻrsatishi sharti bilan topshirilishi kerak.

30-modda Konvensiyaning kuchga kirishi

1. Ahdlashuvchi Davlatlarning har biri mazkur Konvensiyaning kuchga kirishi uchun talab qilinadigan zarur rusum-qoidalarning tugaganligi toʻgʻrisida bir-birlariga maʼlum qilishi kerak. Mazkur Konvensiya aytib oʻtilgan xabar olingan sanadan keyingi ikkinchi oyning birinchi kunidan kuchga kirishi kerak.

2. Mazkur Konvensiya qoidalari:

a) Konvensiya kuchga kirgan taqvimiy yildan keyingi yilning birinchi yanvaridan boshlab yoki shu sanadan keyin soliqqa tortiladigan daromadlar manbalaridan undiriladigan soliqlarga nisbatan;

b) manbadan undirilmaydigan daromad soliqlariga va Konvensiya kuchga kirgan yildan keyingi taqvimiy yilning birinchi yanvari va bundan keyingi sanadan boshlab har qanday taqvimiy yilga yoki hisobot davriga tegishli daromadlarga nisbatan;

c) Konvensiya kuchga kirgan yildan keyingi yilning birinchi yanvari yoki bundan keyingi sanadan boshlab har bir soliq solinadigan voqea uchun boshqa soliqlarga nisbatan qoʻllaniladi.

3. Fransiya Respublikasi Hukumati bilan Sovet Sotsialistik Respublikalari Ittifoqi Hukumati oʻrtasida ikki yoqlama soliq solinishining oldini olish toʻgʻrisidagi 1985-yil 4-oktabrda imzolangan Konvensiyaning daromad soliqlariga tegishli qoidalari, shuningdek 1967-yil 14-martda imzolangan xat almashishlarning royalti soligʻiga tegishli qoidalari va Fransiya Respublikasi Hukumati bilan SSSR Hukumati oʻrtasida ikkiyoqlama soliq solinishining oldini olish toʻgʻrisidagi 1970-yil 4-martda imzolangan Bitimning havo va dengiz transportiga tegishli qoidalari va Fransiya Respublikasi Hukumati bilan SSSR Hukumati oʻrtasida imzolangan har qanday bitim yoki shartnomaga kiritilgan boshqa har qanday soliqqa doir qoida mazkur Konvensiya qoidalari birinchi marta kuchga kiradigan sanadan boshlab Oʻzbekiston va Fransiya oʻrtasida oʻz taʼsirini toʻxtatishi kerak.

31-modda Konvensiyaning amal qilishini toʻxtatish

1. Mazkur Konvensiya nomaʼlum muddatgacha oʻz kuchida qoladi. Biroq har bir Ahdlashuvchi Davlat Konvensiyaning amal qilishini Konvensiya kuchga kirgan kundan keyin besh yil oʻtgach boshlanadigan har qanday taqvimiy yil tugaguncha kamida olti oy oldin diplomatik yoʻl orqali xabar berib toʻxtatishi mumkin.

2. Mazkur holatda Konvensiyaning amal qilishi:

a) denonsatsiya haqida xabardor qilingan taqvimiy yildan keyin bevosita keladigan yilning birinchi yanvaridan yoki undan soʻnggi sanadan boshlab olinadigan manbadan undirilgan soliqlarga nisbatan;

b) denonsatsiya haqida xabardor qilingan taqvimiy yildan keyin bevosita keladigan yilning birinchi yanvaridan yoki bundan keyingi sanadan boshlanadigan har qanday taqvimiy yilga yoki hisobot davriga taalluqli daromadga, yaʼni manbadan undirilmaydigan, daromad soligʻiga nisbatan;

s) denonsatsiya haqida xabardor qilingan taqvimiy yildan keyin bevosita keladigan yilning birinchi yanvarida yoki bundan keyingi sanada roʻy beradigan shunday soliqqa tortiladigan boshqa soliqlarga nisbatan toʻxtatiladi.

Tegishli tartibda vakolat berilgan quyidagi imzo chekuvchilar shunga guvohlik berib mazkur Konvensiyani imzoladilar.

Parij shahrida 1996-yil 22-aprelda ikki nusxada, har bir matn oʻzbek va fransuz tillarida tuzildi, ikkala matn ham bir xil kuchga ega.

(imzolar)

PROTOKOL

Oʻzbekiston Respublikasi Hukumati bilan Fransiya Respublikasi Hukumati oʻrtasida daromadlarga ikkiyoqlama soliqqa tortilishini oldini olish hamda daromad va sarmoya soliqlarini toʻlashdan bosh tortishni bartaraf qilish toʻgʻrisidagi ushbu Konvensiyani imzolash paytida quyida imzo chekuvchilar mazkur Konvensiyaning ajralmas qismi boʻlgan quyidagi moddalar boʻyicha kelishuvga erishdilar.

1. 2-modda 3-bandining a-kichik bandiga nisbatani: ish haqidan soliq olish mazkur Konvensiyaning tadbirkorlik faoliyatidan olinadigan foydaga yoki mustaqil shaxsiy xizmatlardan keladigan daromadga nisbatan qoʻllaniladigan qoidalariga muvofiq vaziyatga qarab amalga oshiriladi.

2. 6-moddaga nisbatan: koʻrinib turibdiki, 2-bandda belgilab berilganidek “koʻchmas mulk” iborasi tanlash huquqini, sotish hajmi boʻyicha majburiyatni va shunday mol-mulk munosabati bilan shunga oʻxshash huquqlarni oʻz ichiga oladi.

3. 7-moddaga nisbatan:

a) agar Ahdlashuvchi Davlatlardan birining korxonasi boshqa Ahdlashuvchi Davlatda u yerda mavjud boʻlgan doimiy muassasa orqali tovarlar va buyumlarini sotsa yoki tadbirkorlik faoliyatini amalga oshirsa, ana shu doimiy muassasaning foydasi mazkur korxona olgan umumiy summa asosida emas, balki ana shu doimiy muassasaning sotish va tadbirkorlik boʻyicha haqiqiy faoliyatiga taalluqli ragʻbatlantirishlar asosidagina belgilanishi kerak;

b) kontraktlar tuzish, ayniqsa korxona doimiy muassasaga ega boʻlgan Davlatda sanoat, tijorat yoki ilmiy uskunalarni yoki binolarni taqdim etish, taʼminlash, montaj qilish yoki qurish yoxud jamoat ishlarini bajarish boʻyicha kontraktlar tuzish paytida bunday doimiy muassasaning foydasi kontrakt toʻla summasi asosida emas, balki uning doimiy muassasa tomonidan samarasi tarzda amalga oshiriladigan qismi asosidagina belgilanishi kerak. Korxonaning amaldagi rahbar idorasi joylashgan Ahdlashuvchi Davlatda olingan kontraktning bir qismi boʻyicha olingan foyda shu Davlatda soliqqa tortilishi kerak.

4. Iqtisodiy hamkorlik va Taraqqiyot Tashkilotiga aʼzo boʻlgan uchinchi Davlatlar bilan bitta yoki undan koʻproq bitimlar, shartnomalar yoki konvensiyalar tuzadigan boʻlsa Oʻzbekiston dividendlar, foizlar yoki royaltilar manbaidan soliqqa tortish boʻyicha Konvensiyaga koʻra past soliq stavkasi (nul stavkasi ham)ga yoki soliqqa tortishining ushbu Konvensiyada koʻzda tutilganidan koʻra bir muncha cheklangan sohasida qoʻllanishiga boʻlgan huquqini cheklab oladi. Bunday holda shu tariqa kelishib olingan eng past soliq stavkalari va uni qoʻllanishning eng cheklangan sohasi ana shu uchinchi Davlatlar bilan tuzilgan bitimlar, shartnomalar yoki konvensiyalar vaziyatga qarab kuchga kirgan sanadan boshlab mazkur Konvensiyaga muvofiq oʻz-oʻzidan qoʻllanishi kerak.

5. 10 va 11-moddalarga nisbatan: Ahdlashuvchi Davlatda joylashgan va 2-moddaning 3-bandi a I yoki II yoki b-kichik bandlarida qayd etilgan soliqqa tortilmaydigan va boshqa Ahdlashuvchi Davlatda vujudga kelgan dividendlar yoki foizlarni oladigan investitsiya kompaniyasi yoki fond soliq qisqartmalarining yalpi miqdorini yoki soliqqa tortishdan ozod qilishlarni iltimos qilishlari mumkin. Bu esa egalari birinchi eslatilgan Davlat rezidentlari boʻlgan kompaniya yoki fonddagi huquqlariga mos keladigan va ana shu rezidentlar qoʻlida soliqqa tortilishi lozim boʻlgan shunday daromadga teng ravishda ushbu Konvensiyada koʻzda tutilgan.

6. 12-moddaga nisbatan: texnikaviy yordam koʻrsatganlik, jumladan ilmiy, geologik yoki texnikaviy tusdagi tadqiqotlar yoki izlanishlar uchun yoki ana shu tadqiqotlarga taalluqli injiniring, asosiy chizmalar boʻyicha kontraktlar uchun, maslahat yoki nazorat xizmatlari uchun, kompensatsiya tarzida olingan toʻlovlar sanoat, tijorat yoki ilmiy tajribaga taalluqli axborotlar uchun, tovon tarzida olingan toʻlovlar deb hisoblanmasligi kerak.

7. 24-moddaning 1-bandiga nisbatan: koʻrinib turubdiki, Ahdlashuvchi Davlatning rezidentlari boʻlgan jismoniy shaxs, yuridik shaxs, shirkat yoki uyushma bir xil vaziyatlarda shu Davlatning rezidentlari boʻlmagan jismoniy shaxs, yuridik shaxs, shirkat yoki uyushma sifatida koʻrib chiqilmaydi. Hatto 3-modda 1-bandining i-kichik bandi qoʻllanganda bunday tuzilmalar-yuridik shaxs, shirkat yoki uyushma oʻzlari rezident boʻlgan oʻsha Ahdlashuvchi Davlatning milliy shaxslari deb hisoblangan taqdirda ham.

8. Mazkur Konvensiya qoidalari tor kapitalizatsiya yoki mazkur modda qoidalarini toʻldira yoki oʻzgartira oladigan aslida oʻxshash boshqa qoidalarga nisbatan Fransiya soliq kodeksning 212-moddasi qoidalarini qoʻllanishda Fransiyaga mutlaqo toʻsqinlik qilmasligi kerak.

9. Ahdlashuvchi har bir Davlat oʻzining ichki qonunlariga muvofiq oʻz rezidentlarning daromadlarini soliqqa tortish huquqini saqlab olishi kerak.

Rezidentlarning soliqqa tortilishi boshqa Ahdlashuvchi Davlatga taalluqli boʻlib, lekin shu Davlatda soliqqa tortish bazasida eʼtiborga olinmaydi. Agar bunday soliq toʻlashdan ikki tomonlama ozod qilish koʻrib chiqilayotgan daromadni turlicha talqin qilish natijasi boʻlsa.

10. a) Kompaniya yoki Oʻzbekiston rezidenti boʻlgan va kompaniyaning kamida 10 foizi Fransiya rezidenti yoki rezidentlariga taalluqli boʻlgan yoki ular tomonidan bevosita yoki bilvosita nazorat qilinadigan boshqa soliqqa tortiluvchi tuzilma daromadi yoki foydasidan soliqni hisoblaganda quyidagilarga ruxsat etiladi:

I) kompaniya yoki boshqa birlashmaning tadbirkorlik faoliyati maqsadlarida amalga oshirilayotgan foizlar yoki royaltilar boʻyicha ushlab olishga (ular bankka yoki boshqa shaxsga toʻlanganidan qatʼi nazar va ssuda davriga qaramay), lekin bunday ushlab qolish toʻlovchi bilan ushbu daromadning haqiqiy egasi oʻrtasida alohida munosabatlar boʻlmaganda daromadning kelishish mumkin boʻlgan summasidan oshadigan darajada amalga oshirilmasligi lozim;

II) amaldagi ish haqidan, maoshdan va shaxsiy xizmatlar uchun boshqa taqdirlash pulidan va kompaniya yoki boshqa tuzilma toʻlaydigan hamda uning tadbirkorlik faoliyati maqsadlarida amalga oshiriladigan har qanday boshqa toʻlovlardan ushlab qolishga.

b) a-kichik bandining qoidalari har qanday foizlarga, royaltilarga, maoshlarga, ish haqiga va shaxsiy xizmatlar uchun boshqa mukofot pullariga va Fransiya korxonasining doimiy muassasasi yoki Fransiya rezidentining doimiy bazasi amalga oshirgan boshqa har qanday toʻlovlarga nisbatan qoʻllanilishi kerak.

Tegishli tartibda vakolat berilgan quyidagi imzo chekuvchilar shunga guvohlik berib, mazkur Protokolni imzoladilar.

Parij shahrida 1996-yil 22-aprelda ikki asl nusxada tuzildi.

(imzolar)