Urush qurbonlarini himoya qilish toʻgʻrisidagi Jeneva konvensiyalariga hamda xalqaro tusdagi va xalqaro boʻlmagan tusdagi qurolli mojarolar qurbonlarini himoya qilish toʻgʻrisidagi Jeneva konvensiyalariga doir qoʻshimcha protokollarga qoʻshilish haqida (946-XII-son)

03.09.1993

Oʻzbekiston Respublikasi Oliy Kengashining

Qarori

Oʻzbekiston Respublikasi Oliy Kengashi qaror qiladi:

“Harakatdagi armiyalardagi yaradorlar va bemorlarning qismatlarini yengillashtirish toʻgʻrisida” 1949-yil 12-avgustda qabul qilingan Jeneva konvensiyasiga;

“Halokatga uchragan kemalarning dengizdagi qurolli kuchlar tarkibidan boʻlmish yaradorlari, bemorlari va shaxslarining qismatlarini yengillashtirish toʻgʻrisida” 1949-yil 12-avgustda qabul qilingan Jeneva konvensiyasiga;

“Harbiy asirlar bilan qilinadigan muomala toʻgʻrisida” 1949-yil 12-avgustda qabul qilingan Jeneva konvensiyasiga;

“Urush vaqtida fuqaro aholini himoya qilish toʻgʻrisida” 1949-yil 12-avgustda qabul qilingan Jeneva konvensiyasiga;

Xalqaro qurolli mojarolar qurbonlarini himoya qilishga taalluqli, 1949-yil 12-avgustda qabul qilingan Jeneva konvensiyasiga doir 1977-yil 26-sentabrdagi qoʻshimcha protokolga (1 protokol);

Xalqaro boʻlmagan tusdagi qurolli mojarolar qurbonlarini himoya qilishga taalluqli, 1949-yil 12-avgustda qabul qilingan Jeneva konvensiyasiga doir 1977-yil 26-sentabrdagi qoʻshimcha protokolga (II protokol) qoʻshilinsin.

Oʻzbekiston Respublikasi Oliy Kengashining Raisi Sh. YOʻLDOShEV

Toshkent sh.,

1993-yil 3-sentabr,

946-XII-son