Ikki tomonlama soliq solishga yoʻl qoʻymaslik hamda daromad va sarmoyadan soliq toʻlashdan bosh tortishning oldini olish toʻgʻrisida

29.07.1993

Oʻzbekiston Respublikasi Hukumati bilan Hindiston Respublikasi Hukumati oʻrtasida

Bitim

Oʻzbekiston Respublikasi Hukumati va Hindiston Respublikasi Hukumati,

ikki tomonlama soliq solishga yoʻl qoʻymaslik hamda daromad va sarmoyadan soliq toʻlashdan bosh tortishning oldini olish toʻgʻrisida bitim tuzish istagida,

quyidagilar toʻgʻrisida ahdlashib oldilar:

1-modda Bitim tatbiq etiladigan shaxslar

Ushbu Bitim Ahdlashuvchi Davlatlardan birining yoki har ikkisining rezidenti hisoblangan shaxslarga nisbatan qoʻllaniladi.

2-modda Bitim tatbiq etiladigan soliqlar

1. Ushbu Bitim tatbiq etiladigan soliqlar:

a) Oʻzbekistonga tatbiqan:

daromadlarga solinadigan soliq;

mol-mulkka boʻlgan soliq;

yuridik va jismoniy shaxslardan olinadigan daromad soligʻi;

(bundan keyin “Oʻzbekiston soliqlari” deb ataladi)

b) Hindistonga tatbiqan:

daromad soligʻi, shu jumladan, har qanday qoʻshimcha soliqlar;

mol-mulkka solinadigan soliq;

(bundan keyin “Hindiston soliqlari” deb ataladi).

2. Ushbu Bitim, shuningdek u imzolangan kundan keyin Ahdlashuvchi Davlatlar tomonidan 1-bandda koʻrsatilgan mavjud soliqlarga qoʻshimcha ravishda yoki ularning oʻrniga undiriladigan mohiyatan oʻxshash boʻlgan har qanday soliqlarga nisbatan ham qoʻllaniladi:

Ahdlashuvchi Davlatlarning vakolatli organlari soliqlarga doir qonunlaridagi jiddiy oʻzgarishlar toʻgʻrisida bir-birlarini xabardor qiladilar.

3-modda Umumiy taʼriflar

1. Basharti, matn mazmunidan oʻzga maʼno anglashilmasa, ushbu Bitimda:

a) “Oʻzbekiston” atamasi jugʻrofiy maʼnoda yerni, hududiy suvlarni va boshqa zonalarni anglatadi, ularga nisbatan Oʻzbekiston Respublikasining xalqaro huquqqa va Oʻzbekiston Respublikasining soliq qonunchiligiga muvofiq suveren huquqlarga va yurisdiksiyaga ega;

b) “Hindiston” atamasi Hindiston hududini anglatadi va Hindiston yurisdiksiyasida boʻlgan uning qonunlari hamda xalqaro huquqqa muvofiq oʻz hududida suveren huquqlari va boshqa huquqlar boʻlgan hududiy suvlar, havo fazosi, shuningdek boshqa dengiz chegaralarini qamrab oladi;

v) “Ahdlashuvchi Davlat” va boshqa “Ahdlashuvchi Davlat” atamalari matn mazmuniga qarab Oʻzbekiston Respublikasi yoki Hindiston Respublikasini anglatadi;

g) “Shirkat” atamasi Ahdlashuvchi Davlatning amaldagi qonunlariga va soliq solinishiga muvofiq shirkat yoki har qanday yuridik shaxs yoʻsinida qaraladigan har qanday yuridik shaxs yoki subyektni anglatadi;

d) “vakolatli organ” atamasi:

Oʻzbekiston Respublikasiga nisbatan — Oʻzbekiston Respublikasi Vazirlar Mahkamasi huzuridagi davlat soliq Bosh boshqarmasini anglatadi;

Hindiston Respublikasiga nisbatan — Hindiston Respublikasining Davlat moliya vazirligi yoki u tomonidan vakolat berilgan vakilni anglatadi (Daromad Departamenti);

e) “Ahdlashuvchi Davlatning korxonasi” va “boshqa Ahdlashuvchi Davlatning korxonasi” degan atamalar tegishincha Ahdlashuvchi Davlat rezidenti boshqaruvi ostida ishlab turgan korxona va boshqa Ahdlashuvchi Davlat rezidenti boshqaruvi ostida ishlab turgan korxonani anglatadi;

j) “soliq yili” atamasi:

Oʻzbekistonga nisbatan kalendar yilining 1-yanvaridan 31-dekabrigacha hisobot yilini anglatadi;

Hindistonga nisbatan 1961-yil daromad soligʻi toʻgʻrisidagi Aktning 3-bandida taʼriflangan “oʻtgan yilni”;

z) xalqaro koʻlamda yuk (yoʻlovchi) tashish atamasi Ahdlashuvchi Davlatning korxonasi foydalanayotgan dengiz yoki havo kemalarida har qanday yuk (yoʻlovchi) tashishni (turli Ahdlashuvchi Davlatlarning hududida joylashgan alohida manzillar oʻrtasida foydalanayotgan dengiz yoki havo kemalari bundan mustasno) anglatadi;

i) “fuqaro” atamasi Ahdlashuvchi Davlatning millatiga mansub har qanday jismoniy shaxsni yoki Ahdlashuvchi Davlatning amaldagi qonunlariga muvofiq oʻz maqomiga ega boʻlgan har qanday yuridik shaxs, sherikchilik yoki assotsiatsiyani anglatadi;

k) “shaxs” atamasi jismoniy shaxsni, shirkatni, organni yoki Ahdlashuvchi Davlatlarda soliq solish maqsadlarida yuridik shaxs sifatida qaraladigan boshqa subyektni anglatadi;

l) “soliq” atamasi matn boʻyicha Oʻzbekiston soligʻini yoki Hindiston soligʻini anglatadi, lekin ushbu Bitim joriy etiladigan soliqlarga nisbatan yoki xato qilish sababli toʻlash moʻljallangan jarima soliqlarini oʻz ichiga olmaydi.

2. Ushbu Bitim Ahdlashuvchi Davlat tomonidan qoʻllanilganda, unda taʼriflanmagan har qanday atama, basharti matn mazmunidan oʻzga maʼno kelib chiqmasa, ushbu Bitim shu Davlat qonunlarida qaysi mazmunda talqin etilgan soliqlarga taalluqli boʻlgan maʼnoga ega boʻladi.

4-modda Rezident

1. Ushbu Bitim maqsadlari yoʻlida “Ahdlashuvchi Davlat rezidenti” degan atama ana shu Davlatning qonunlari boʻyicha oʻzining yashash joyi, boshqaruv organi joyi va shunga oʻxshash har qanday mezonlar asosida soliq toʻlashi lozim boʻlgan har qanday shaxsni anglatadi.

2. 1-bandning qoidalariga muvofiq jismoniy shaxs basharti, agar ikkala Ahdlashuvchi Davlatning rezidenti hisoblansa, bunday holda uning maqomi quyidagi tarzda belgilanadi:

a) u qaysi Davlatda doimiy yashash joyiga ega boʻlsa, ana shu Davlatning rezidenti hisoblanadi; basharti u har ikkala Ahdlashuvchi Davlatda doimiy yashash joyiga ega boʻlsa, qaysi davlatda shaxsiy va iqtisodiy aloqalari (hayotiy manfaatlar markazi) jipsroq boʻlsa, ana shu Davlatning rezidenti hisoblanadi;

b) basharti, uning hayotiy manfaatlar markazi joylashgan davlatni aniqlab boʻlmasa yoki u Ahdlashuvchi Davlatlardan hech birida doimiy yashash joyiga ega boʻlmasa, odatda u qaysi Davlatda turgan boʻlsa, shu Davlatning rezidenti hisoblanadi;

v) basharti, u odatda har ikkala Ahdlashuvchi Davlatda yashasa yoki odatda ularning hech birida yashamasa, u qaysi Ahdlashuvchi Davlatning fuqarosi boʻlsa, shu Davlatning rezidenti hisoblanadi;

g) basharti, Ahdlashuvchi Davlatlardan har biri uni oʻz fuqarosi deb bilsa yoki ulardan hech biri uni oʻz fuqarosi deb hisoblamasa, Ahdlashuvchi Davlatlarning vakolatli organlari mazkur masalani oʻzaro kelishib hal etadilar.

3. Basharti, 1-band qoidalariga muvofiq jismoniy shaxs hisoblanmagan shaxs har ikkala Ahdlashuvchi Davlatning rezidenti boʻlsa, u oʻzining faoliyat koʻrsatayotgan ish joyi joylashgan Ahdlashuvchi Davlatning rezidenti hisoblanadi.

5-modda Doimiy vakolatxona

1. Ushbu Bitim maqsadlarida “doimiy vakolatxona” atamasi korxonaning faoliyati toʻliq yoki qisman amalga oshiriladigan doimiy faoliyat joyini anglatadi.

2. “Doimiy vakolatxona” atamasi xususan quyidagilarni qamrab oladi:

a) ish joyi;

b) boʻlim;

v) idora;

g) fabrika;

d) ustaxona;

e) kon, neft va gaz qudugʻi, tabiiy resurslar qazib olinadigan karyer, har qanday boshqa joy;

j) qurilish maydonchasi, qurilish, montaj, yigʻuv proyekti yoki ular bilan bogʻliq nazorat faoliyati; basharti qurilish maydonchasi, loyiha yoki faoliyat 12 oydan ortiq davom etgan taqdirdagina.

3. Ushbu atamaning avvalgi qoidalariga qaramay, “doimiy vakolatxona” atamasi quyidagilarni oʻz ichiga olmaydi:

a) inshootlardan shu korxonaga tegishli mollar yoki mahsulotlarni faqat saqlash, namoyish qilish yoki ortish maqsadlaridagina foydalanish;

b) shu korxonaga tegishli mollar yoki mahsulotlarni faqat saqlash, namoyish qilish yoki yetkazib berish maqsadlaridagina asrab turish;

v) shu korxonaga tegishli mollar yoki mahsulotlar zaxirasini faqat boshqa korxonalarda qayta ishlov berish maqsadlaridagina asrab turish;

g) mustahkam faoliyat joyini mazkur korxona uchun mollar yoki mahsulotlar sotib olish yoki axborot yigʻish maqsadlarida saqlab turish;

d) mustahkam faoliyat joyini yolgʻiz shu korxona manfaatlarni koʻzlab, tayyorgarlik yoki yordamchi ish yoʻsinidagi boshqa har qanday faoliyatni amalga oshirish maqsadlaridagina asrab turish.

4. 1 va 2-bandlardagi qoidalarga qaramay, 5-band tatbiq etiladigan mustaqillik maqomiga ega boʻlgan gumashta hisoblanmaydigan shaxs korxona nomidan Ahdlashuvchi Davlatda doimo bitimlar tuzishga boʻlgan huquqdan foydalansa, basharti mazkur shaxsning faoliyati 3-band qoidalari bilan cheklanmasa va doimiy vakolatxona maqomi berilmay, doimiy faoliyat joyi orqali amalga oshirilsa, ushbu shaxs korxona uchun amalga oshirayotgan har qanday faoliyatga nisbatan bunday korxona oʻsha Davlatda doimiy vakolatxonaga ega deb hisoblanadi.

5. Bir Ahdlashuvchi Davlatning korxonasi boshqa Ahdlashuvchi Davlatda broker, komissioner yoki mustaqillik maqomiga ega boʻlgan boshqa har qanday gumashta orqali tijorat faoliyatini amalga oshirsa, bu shaxslar oʻzlarining odatdagi tijorat faoliyati doirasida ish yuritganlari taqdirda, boshqa Ahdlashuvchi davlatda doimiy vakolatxonaga ega emas deb hisoblanadi. Biroq, basharti bunday gumashta faoliyati toʻliq yoki deyarli toʻliq korxona nomidan amalga oshirilsa, ushbu paragraf maʼnosi doirasida u mustaqil maqomga ega boʻlgan gumashta deb hisoblanmaydi.

6. Bir Ahdlashuvchi Davlatning rezidenti boʻlsa-yu, oʻzi nazorat qilsa yoki boshqa Ahdlashuvchi Davlatning rezidenti boʻlgan shirkat tomonidan nazorat etsa yoki u mazkur boshqa Davlatda tijorat faoliyatini amalga oshirsa (doimiy vakolatxona orqali yoki boshqacha tarzda), mazkur hol shirkatdan birini boshqasining doimiy vakolatxonasiga aylantirib qoʻymaydi.

6-modda Koʻchmas mulkdan olinadigan daromadlar

1. Bir Ahdlashuvchi Davlat rezidentining boshqa Davlatda joylashgan koʻchmas mulkidan olayotgan daromadiga (qishloq xoʻjaligi yoki oʻrmon xoʻjaligidan olinadigan daromadlar ham shular jumlasiga kiradi) shu boshqa Davlatda soliq solinishi mumkin.

2. “Koʻchmas mulk” atamasi nazarda tutilgan mol-mulk joylashgan Ahdlashuvchi Davlat qonunlarida ifodalangan tushunchaga ega. Ushbu atama har qanday holatda koʻchmas mulkka tutash boʻlgan mulkni, uy hayvonlarini, qishloq xoʻjaligi va mulk xoʻjaligida ishlatiladigan anjomlarni, yerdagi mulkka taalluqan umumiy qonunlarning qoidalarida belgilab berilgan huquqlarni, koʻchmas mulkdan tushgan daromadning uzufruktini, oʻzgaruvchan va belgilab qoʻyilgan daromadlarga boʻlgan huquqni, qazib olishga boʻlgan huquqni, minerallar konlari, manbalar va boshqa tabiiy resurslarini oʻz ichiga oladi. Dengiz, daryo, havo kemalari koʻchmas mulk sifatida qaralmaydi.

3. 1-band qoidalari koʻchmas mulkdan bevosita foydalanish har qanday shaklda tijorat maqsadlarida foydalanish yoʻli bilan olingan daromadga nisbatan (ijaraga, garovga berish va boshqalar) qoʻllaniladi.

4. 1 va 3-bandlarning qoidalari korxonaning mustaqil shaxsiy xizmatlar koʻrsatishida ishlatiladigan koʻchmas mulkidan tushgan daromadga ham tatbiq etiladi.

7-modda Tijorat faoliyatidan olinadigan daromad

1. Ahdlashuvchi Davlatlardan birining korxonasi olgan daromadga basharti, ushbu korxona tijorat faoliyatini boshqa Ahdlashuvchi Davlatda joylashgan doimiy vakolatxona orqali ana shu Davlatda amalga oshirmayotgan boʻlsa, faqatgina oʻsha Ahdlashuvchi Davlatda soliq solinishi mumkin. Basharti, korxona oʻz faoliyatini yuqorida aytib oʻtilgan tarzda amalga oshirayotgan boʻlsa, u holda korxona olgan daromadga ana shu boshqa Davlatda soliq solinishi mumkin, biroq bu soliq daromadning doimiy vakolatxona faoliyatiga bevosita yoki bilvosita taalluqli qismigagina daxl qiladi.

Ushbu modda maqsadlarida “bevosita yoki bilvosita” soʻzi doimiy vakolatxona muzokaralarda, bitimlar tuzishda va ularni amalga oshirishda faol ishtirok etganda, shuningdek korxonaning boshqa qismlari ushbu operatsiyalarda qatnashsa, ular korxona toʻliq amalga oshirayotgan operatsiyalarda doimiy vakolatxonaning ulushi sifatida bitimlardan korxona olayotgan foydaga mutanosib tarzda doimiy vakolatxonaga tegishli boʻlishi mumkin.

2. 3-band qoidalari inobatga olinishi, agar Ahdlashuvchi Davlatlardan birining rezidenti boshqa Ahdlashuvchi Davlatda joylashgan doimiy vakolatxonasi orqali ana shu davlatda tijorat faoliyatini amalga oshirsa, basharti doimiy vakolatxona ayni bir xil sharoitlarda ayni bir xildagi faoliyatini amalga oshiruvchi alohida mustaqil shaxs boʻlib, mutlaqo mustaqil ravishda faoliyat olib borganda olishi mumkin boʻlgan daromad har bir Ahdlashuvchi Davlatda shunday doimiy vakolatxonaga tegishli boʻladi.

3. Doimiy vakolatxonaning daromadini aniqlash chogʻida ana shu doimiy vakolatxona faoliyati uchun ketgan xarajatlarni chegirib tashlashga yoʻl qoʻyiladi. Bunday xarajatlar jumlasiga doimiy vakolatxona joylashgan Davlatda hamda har qanday boshqa joyda ushbu Davlatning qoidalariga muvofiq va soliq qonunlariga boʻysunib sarf etilgan boshqaruv va umumiy-maʼmuriy xarajatlar kiradi.

4. Kelgusida Ahdlashuvchi Davlatga odat boʻlgan qabilada u doimiy vakolatxonaga tegishli boʻlgan foydani korxona va uning turli qismlarining toʻliq foydasini mutanosib ravishda taqsimlash asosida belgilasada, 2-band qoidalari bu Ahdlashuvchi Davlatga soliq solinadigan foydani shu qabilada mutanosib va odatdagidek taqsimlashni belgilamaslik majburiyatini yuklamaydi, lekin mutanosib tarzda taqsimlashning qabul qilingan uslubi mazkur modda prinsiplariga zid boʻlmasligi lozim.

5. Doimiy vakolatxona korxona uchun xarid qilgan mollar yoki mahsulotlargagina asoslanib, doimiy vakolatxona hisobiga qandaydir daromad qoʻshib qoʻyilmaydi.

6. Doimiy vakolatxonaga tegishli daromad, basharti oʻzgartirish uchun sanoqli va yetarli asoslar boʻlmasa, har yili bir xil boʻlgan bir uslub asosida aniqlanadi.

7. Basharti, foyda ushbu Bitimning boshqa moddalarida alohida gap borgan turlarini oʻz ichiga olsa, u holda bu moddalarning qoidalari ushbu modda qoidalariga daxl qilmaydi.

8-modda Havo transporti

1. Ahdlashuvchi Davlat korxonasining xalqaro koʻlamda yuk (yoʻlovchi) tashishdan oladigan daromadlariga ushbu Davlatda soliq solinadi.

2. 1-band qoidalari, shuningdek transport vositalaridan foydalanuvchi qoʻshma korxonalarda yoki xalqaro tashkilotda qatnashishdan olinadigan daromadlarga nisbatan ham tatbiq qilinadi.

3. Ushbu modda maqsadlari yoʻlida xalqaro koʻlamda yuk (yoʻlovchi) tashishda havo transportidan foydalanish bilan bogʻliq fondlarda foiz shunday transport vositalaridan foydalanish natijasida olingan daromad (foyda) sifatida qaraladi va 12-modda qoidalari bunday foizga nisbatan tatbiq etilmaydi.

4. “Xalqaro koʻlamda yuk (yoʻlovchi) tashish” atamasi havo orqali yoʻlovchilar, pochta, hayvonlar yoki mollarni havo kemasi egasi yoki ijaraga olgan yoki kira qilgan shaxslar tomonidan amalga oshirilayotgan tashish bilan bogʻliq faoliyatni, shu jumladan, boshqa korxonalar nomidan bunday tashish uchun pattalar sotish, kemani bir marta ijaraga olish va shunday tashish bilan bogʻliq har qanday boshqa faoliyatni anglatadi.

5. Korxonaning dengiz kemasidan foydalanib olgan daromadiga, Ahdlashuvchi Davlatlarda ularning milliy qonunlariga asoslanib soliq solinadi.

9-modda Birlashgan korxonalar

Qachonki:

a) Ahdlashuvchi Davlatning korxonasi boshqa Ahdlashuvchi Davlatning korxonasini boshqarishda, nazorat etishda yoki uning sarmoyasida bevosita yoki bilvosita ishtirok etsa, yoki

b) bir Ahdlashuvchi Davlatning va boshqa Ahdlashuvchi Davlatning korxonasini boshqarishda, nazorat etishda yoki uning sarmoyasida bevosita yoki bilvosita bir xil shaxslar ishtirok etsa, korxonalar oʻrtasida mustaqil korxonalar oʻrtasida mavjud munosabatlar orqali maxsus tijoriy va moliyaviy munosabatlar oʻrnatilganligi sharti bilan bunday munosabatlar natijasida, biron-bir korxona toʻplagan daromad, bu munosabatlar sababli, korxonaning daromadiga bunday hajmda qoʻshilmaydi va umumiy miqdoriga soliq solinadi.

10-modda Dividendlar

1. Ahdlashuvchi Davlatlardan birining rezidenti hisoblangan shirkat tomonidan boshqa Ahdlashuvchi Davlatning rezidentiga toʻlangan dividendlarga ana shu boshqa Davlatda soliq solinishi mumkin.

2. Biroq, shirkat rezidenti boʻlgan, mazkur davlatning qonunlariga muvofiq dividendlar toʻlayotgan dividendlarga Ahdlashuvchi Davlat tomonidan ham soliq solinishi mumkin, lekin basharti, daromadgir foyda oluvchi sohib — dividend hisoblansa, olinadigan soliq miqdori yalpi summa foizining 10 foizidan oshmasligi kerak. Ushbu band shirkatning dividendlar toʻlanadigan foydalariga soliq solinishiga taʼsir qilmaydi.

3. Ushbu moddada ishlatiladigan “dividend” atamasi aksiyalardan, foydada ishtirok etish huquqini beruvchi, biroq qarz talablari hisoblanmagan boshqa huquqlardan keladigan daromadni, shuningdek foydani taqsimlovchi shirkat rezidenti hisoblangan Davlatning qonunlariga muvofiq aksiyalardan keladigan daromad kabi soliqlar bilan tartibga solinishi lozim boʻlgan boshqa korporotiv huquqlardan keladigan daromadlarni anglatadi.

4. Basharti, haqiqatan dividendlarga huquqli boʻlgan uchinchi shaxs bir Ahdlashuvchi Davlatning rezidenti boʻlgani holda boshqa Ahdlashuvchi Davlatda joylashgan doimiy vakolatxona orqali rezident hisoblanuvchi dividendlar toʻlovchi shirkat boshqa Ahdlashuvchi Davlatda tijorat faoliyatini amalga oshirayotgan yoki oshirgan boʻlsa yoki ana shu boshqa Davlatda u yerda joylashgan doimiy bazalaridan mustaqil shaxsiy xizmatlar koʻrsatayotgan yoki koʻrsatgan boʻlsa hamda dividendlar bunday doimiy vakolatxonaga yoki doimiy bazaga tegishli boʻlsa, 1 va 2-bandlarning qoidalari qoʻllanilmaydi. Bunday holda ushbu Bitim 7 yoki 15-moddalarining qoidalari qoʻllaniladi.

5. Boshqa Ahdlashuvchi Davlat birinchi Ahdlashuvchi Davlatning rezidenti boʻlgan shirkat tomonidan toʻlanadigan dividendlarga soliq solishi mumkin emas. Ushbu, basharti bunday dividendlar boshqa Davlat rezidentiga toʻlanganda yoki boshqa Davlatda doimiy vakolatxona yoki doimiy baza bilan haqiqatan bogʻlangan dividendlar taqsimlanmagan foydaga solinadigan soliqlarga boʻysunmasa, hatto dividendlar yoki taqsimlanmagan foydalar toʻliq yoki qisman bunday boshqa Davlatda hosil boʻladigan foydalar yoki daromaddan iborat boʻlsa, yuqoridagi holat mustasnodir.

11-modda Foizlar

1. Ahdlashuvchi Davlatlardan birida hosil boʻladigan va boshqa Ahdlashuvchi Davlatning rezidentiga toʻlanadigan foizlarga ana shu boshqa Davlatda soliq solinishi mumkin.

2. Biroq, bunday foizlarga foizlar toʻlayotgan shirkat rezidenti hisoblangan Ahdlashuvchi Davlatda uning qonunlariga muvofiq ham soliq solinishi mumkin, basharti foizlar oluvchi daromadgir sohib soliq foizlari oluvchi hisoblansa, soliq miqdori dividendlar yalpi summasining 10 foizidan oshmasligi kerak.

3. 2-bandning qoidalariga qaramay:

a) Ahdlashuvchi Davlatlarning birida hosil boʻladigan foizlar, basharti ularni olishga haqiqatan:

boshqa Ahdlashuvchi Davlatning Hukumati siyosiy boʻlinmasi yoki mahalliy organlari; yoki

ana shu boshqa Davlatning Markaziy banki huquqli boʻlsa, ana shu Davlatda soliq solishdan ozod qilinadi;

b) Ahdlashuvchi Davlatning hosil boʻladigan foizlari boshqa davlatning rezidenti boʻlgan, agarda bu operatsiyalar qarz majburiyatlaridan kelib chiqib, dastlab eslatilgan Ahdlashuvchi Davlatning Hukumati tomonidan maʼqullangan boʻlsa, shu Davlat Hukumatining roziligi boʻlganda soliqdan ozod qilinishi, basharti ular hosil boʻlganda a) bandda eslatilgandan tashqari xohlagan shaxs ularga amalda ega boʻlish huquqiga ega.

4. Ushbu moddada ishlatiladigan “foizlar” atamasi har qanday turdagi qarz talablaridan, xususan Hukumat qimmatli qogʻozlari — obligatsiyalar va qarz majburiyatlari, qarzdorlarning foydalarida ishtirok etish huquqidan, shu jumladan, ana shunday qimmatli qogʻozlar, obligatsiyalar va qarz majburiyatlariga daxldor mukofotlar va yutuqlardan kelgan daromadni anglatadi. Toʻlash kechiktirilganligi sababli jarima toʻlovlari ushbu Bitim maqsadlarida foiz sifatida qaralmaydi.

5. Foizlarga haqiqatan huquqi boʻlgan shaxs Ahdlashuvchi Davlatlardan birining rezidenti boʻlsa, foizlar hosil boʻladigan boshqa Ahdlashuvchi Davlatda joylashgan doimiy vakolatxona orqali tijorat faoliyatini amalga oshirayotgan boʻlsa, yoki shu boshqa Davlatda joylashgan doimiy bazasidan mustaqil shaxsiy xizmatlar koʻrsatayotgan boʻlsa va foizlar toʻlanayotgan qarz talablari ana shu doimiy vakolatxonaga yoki doimiy bazaga tegishli boʻlsa, 1 va 2-bandlarning qoidalari qoʻllanilmaydi. Bunday holda 7 yoki 15-moddalarning qoidalari tatbiq etiladi.

6. Basharti, Davlatning oʻzi, siyosiy boʻlinmasi, mahalliy hokimiyati yoki mazkur Davlatning rezidenti (foiz) toʻlovchi boʻlsa, foizlar ana shu Ahdlashuvchi Davlatda hosil boʻlgan hisoblanadi. Biroq foizlar toʻlovchi shaxs Ahdlashuvchi Davlatning rezidenti ekanligi yoki rezidenti emasligidan qatʼi nazar, qarzlar boʻyicha toʻlanayotgan foizlar hosil boʻlib hamda bunday foizlarni zimmasiga olgan doimiy vakolatxona yoki doimiy baza Ahdlashuvchi Davlatda boʻlsa, foizlar doimiy vakolatxona yoki doimiy baza joylashgan Ahdlashuvchi Davlatda hosil boʻlgan hisoblanadi.

7. Basharti, toʻlovchi bilan haqiqatan foizlar olish huquqiga ega shaxs yoxud ularning har ikkalasi bilan boshqa shaxs oʻrtasidagi alohida munosabatlar oqibatida foiz toʻlanayotgan qarz talablariga daxldor foizlar summasi toʻlovchi va haqiqatan foizlar olish huquqiga ega shaxs oʻrtasida kelishilishi mumkin boʻlgandagi summadan oshib ketsa va bunday munosabatlar mavjud boʻlmagan taqdirda, ushbu moddaning qoidalari faqatgina soʻnggi koʻrsatilgan summaga tatbiq etiladi. Bunday holda oldingidek har bir Ahdlashuvchi Davlatning qonunlariga muvofiq ushbu Bitimning boshqa qoidalari inobatga olinib, toʻlovning oshiqcha qismiga soliq solinadi.

12-modda Royalti

1. Ahdlashuvchi Davlatning birida hosil boʻladigan va boshqa Ahdlashuvchi Davlat rezidentiga toʻlanadigan royaltiga shu boshqa Ahdlashuvchi Davlatda soliq solinishi mumkin.

2. Biroq bunday royaltiga u hosil boʻladigan Ahdlashuvchi Davlatda va hududi shu Davlat qonunlariga muvofiq soliq solinishi mumkin, ammo daromad oluvchi haqiqatan shunday royalti olishga haqli shaxs boʻlsa, bu holda olinadigan soliq tushumlari yalpi miqdorining 10 foizdan oshib ketmasligi lozim.

3. Ushbu moddada ishlatiladigan “royalti” atamasi har qanday adabiyot, sanʼat va fan asarlarining, xususan kinofilmlar hamda radioeshittirish va televideniye yozuvlari, videokassetalar, har qanday patent, mahsulot belgisi, chizma yoki model, sxemalar, kompyuter dasturi, maxoriy formula yoki jarayonga mualliflik huquqidan foydalanish huquqidan foydalanganlik yoki shu huquqni berganlik uchun yoxud ishlab chiqarish yoki sanoat, tijorat yoki ilmiy qurilmadan foydalanish huquqidan foydalanganlik yoki shu huquqni berganlik uchun yoki sanoat, tijorat yoki ilmiy tajribaga taalluqli axborot uchun haq sifatida olingan har qanday toʻlovlarni bildiradi.

4. Agar royaltiga amalda huquqi boʻlgan shaxs Ahdlashuvchi Davlatlardan birining rezidenti boʻlib, doimiy vakolatxona orqali royalti hosil boʻlayotgan boshqa Ahdlashuvchi Davlatda tijorat faoliyatini amalga oshirayotgan boʻlsa yoki ana shu boshqa Davlatda joylashgan doimiy baza orqali mustaqil shaxsiy xizmatlar koʻrsatsa, royalti toʻlanadigan huquq yoki mulk chindan ham bunday doimiy vakolatxona yoki doimiy bazaga bogʻliq boʻlsa, 1 va 2-bandlarning qoidalari qoʻllanilmaydi. Bu holda 7 va 15-moddalarning qoidalari tatbiq etiladi.

5. Agar toʻlovchi tomon shu Ahdlashuvchi Davlat Hukumati, uning siyosiy boʻlinmasi, mahalliy hokimiyat organi yoki shu Ahdlashuvchi Davlat rezidenti boʻlsa, royalti shu Ahdlashuvchi Davlatda hosil boʻlgan, deb hisoblanadi. Agar royalti toʻlovchi shaxs Ahdlashuvchi Davlatning rezidenti boʻlishi yoki boʻlmasligidan qatʼi nazar, Ahdlashuvchi Davlatda royalti toʻlash va toʻlov xarajatlari zimmasida boʻlgan doimiy vakolatxonaga ega boʻlsa, bunday royalti doimiy vakolatxona yoki doimiy baza joylashgan shu Ahdlashuvchi Davlatda hosil boʻlgan, deb hisoblanadi.

6. Agar alohida munosabatlar tufayli toʻlovchi va daromadga amaliy huquqi boʻlgan shaxs oʻrtasida ularning ikkisi va biron-bir shaxs oʻrtasida toʻlanadigan foydalanish, foydalanish huquqi yoki maʼlumotga oid toʻlangan royalti toʻlovchi va shu royaltiga huquqi boʻlgan shaxs oʻrtasida kelishilishi mumkin boʻlgandagi summasidan oshiqroq boʻlsa va bunday munosabatlar mavjud boʻlmagan taqdirda, u holda mazkur modda qoidalari faqat oxirgi koʻrsatilgan summaga nisbatan qoʻllaniladi. Bunday holda oldingidek har bir Ahdlashuvchi Davlatning qonunlariga muvofiq ushbu Bitimning boshqa qoidalari inobatga olinib, toʻlovning oshiqcha qismiga soliq solinadi.

13-modda Texnik xizmatlar uchun toʻlovlar toʻlash

1. Bir Ahdlashuvchi Davlat hosil boʻladigan va boshqa Ahdlashuvchi Davlatning rezidentiga toʻlanadigan texnik xizmatlar uchun toʻlovlarga shu boshqa Ahdlashuvchi Davlatda soliq solinishi mumkin.

2. Biroq bunday texnik xizmatlar uchun toʻlovlarga u hosil boʻladigan Ahdlashuvchi Davlatda va hududi shu Davlat qonunlariga muvofiq ham soliq solinishi mumkin, ammo daromad oluvchi shunday toʻlovlarga huquqqa amaliy ega shaxs boʻlsa, solingan soliq miqdori tushumlar summasining 10 foizidan oshmasligi kerak.

3. Ushbu moddada ishlatiladigan “texnik xizmatlar uchun toʻlovlar” atamasi har qanday texnikaviy boshqaruv yoki maslahatlar yoʻsinidagi xizmatlarga nisbatan texnik xizmatlar uchun toʻlayotgan shaxsning xizmatchisi boʻlmagan har qanday shaxsga har qanday shaklda toʻlanadigan toʻlovlarni anglatadi.

4. Basharti, texnik xizmatlar uchun toʻlovlarga amaliy huquqi boʻlgan shaxs bir Ahdlashuvchi Davlatning rezidenti boʻlgani holda, doimiy vakolatxona orqali texnik xizmatlar uchun toʻlovlar hosil boʻlayotgan boshqa Ahdlashuvchi Davlatda faoliyat olib borsa, yoki ana shu boshqa Davlatda joylashgan doimiy baza orqali mustaqil shaxsiy xizmatlar koʻrsatsa, toʻlovlar chindan ham bunday doimiy vakolatxona yoki shunday xizmatlarga bogʻliq boʻlsa, 1 va 2-bandlarning qoidalari qoʻllanilmaydi. Bu holda 7 va 16-moddalarning qoidalari tatbiq etiladi.

5. Agar toʻlovchi tomon shu Ahdlashuvchi Davlat hukumati, uning siyosiy boʻlinmasi, mahalliy hokimiyat organi yoki shu Ahdlashuvchi Davlat rezidenti boʻlsa, texnik xizmatlar uchun toʻlovlar shu Davlatda hosil boʻlgan, deb hisoblanadi. Agar texnik xizmatlar uchun toʻlovchi shaxs Ahdlashuvchi Davlatning rezidenti boʻlish yoki boʻlmasligidan qatʼi nazar, Ahdlashuvchi Davlatda texnik xizmatlar uchun toʻlovlar toʻlash va toʻlov xarajatlari zimmasida boʻlgan doimiy vakolatxonaga ega boʻlsa, bunday toʻlovlar doimiy vakolatxona yoki doimiy baza joylashgan shu Ahdlashuvchi Davlatda hosil boʻlgan hisoblanadi.

6. Agar alohida munosabatlar tufayli toʻlovchi va toʻlovga amaliy huquqi boʻlgan shaxs oʻrtasida yoki ularning ikkisi va biron-bir shaxs oʻrtasida texnik xizmatlar uchun toʻlangan mablagʻlar toʻlovchi va shu toʻlovlarga huquqi boʻlgan shaxs oʻrtasida kelishilishi mumkin boʻlgandagi mablagʻdan oshiqroq boʻlsa va bunday munosabatlar mavjud boʻlmasa, u holda mazkur modda qoidalari faqat oxirgi koʻrsatilgan mablagʻga nisbatan qoʻllaniladi. Bunday holda oldingidek har bir Ahdlashuvchi Davlatning qonunlariga muvofiq ushbu Bitimning boshqa qoidalari inobatga olinib, toʻlovning oshiqcha qismiga soliq solinadi.

14-modda Koʻchmas va koʻchar mulkni sotishdan tushgan daromadlar

1. Bir Ahdlashuvchi Davlat rezidentining boshqa Ahdlashuvchi Davlatda joylashgan 6-moddada qayd etilgan koʻchmas mulk sotilishidan tushayotgan daromadlariga shu boshqa Ahdlashuvchi Davlatda soliq solinishi mumkin.

2. Bir Ahdlashuvchi Davlat korxonasi boshqa Ahdlashuvchi Davlatda doimiy vakolatxonasining qismini tashkil etuvchi koʻchar mulkni tortib olishdan yoki boshqa Ahdlashuvchi Davlatda mustaqil shaxsiy xizmatlar koʻrsatish maqsadida Ahdlashuvchi Davlat rezidenti boʻlgan doimiy bazaga tegishli koʻchar mulkdan olinadigan daromadlarga, jumladan mazkur doimiy vakolatxonani (alohida yoki korxona bilan birga) tortib olishdan yoki shunday doimiy bazadan olinadigan daromadlarga ana shu boshqa Ahdlashuvchi Davlatda soliq solinishi mumkin.

3. Xalqaro yuk (yoʻlovchi) tashishda foydalaniladigan kemalar yoki samolyotlarni sotishdan yoki shu naqliyot vositalaridan foydalanish uchun ishlatiladigan koʻchar mulkni sotishdan olinadigan daromadlarga mulkni oʻz ixtiyoriga oʻtkazayotgan shaxs rezident boʻlgan faqat shu Ahdlashuvchi Davlatdagina soliq solinishi mumkin.

4. Ahdlashuvchi Davlatda joylashgan koʻchar mulkdan bevosita yoki bilvosita iborat boʻlgan shirkatning aksionerlik sarmoyasidagi hissani sotishdan olinadigan daromadlarga faqat shu Ahdlashuvchi Davlatdagina soliq solinishi mumkin.

5. Ahdlashuvchi Davlatning rezidenti boʻlgan shirkatning 4-bandda qayd etilgan boshqa aksiyalarining olinishidan tushadigan daromadlarga shu Davlatda soliq solinishi mumkin.

6. 1, 2, 3, 4 va 5-bandlarda koʻrsatilmagan har qanday boshqa mulkning olinishidan tushadigan daromadlarga mulkni oʻz ixtiyoriga oʻtkazayotgan shaxs rezident boʻlgan Davlatdagina soliq solinishi mumkin.

15-modda Mustaqil shaxsiy xizmatlar

1. Bir Ahdlashuvchi Davlat rezidentining koʻrsatgan kasb xizmati yoki amalga oshirgan boshqa mustaqil faoliyatidan oladigan daromadiga faqat shu Ahdlashuvchi Davlatda soliq solinishi mumkin. Bu kabi daromadga boshqa Ahdlashuvchi Davlatda quyidagi holatlarda solinadigan soliqlar bundan mustasnodir:

a) agar u oʻz faoliyatini amalga oshirish maqsadida boshqa Ahdlashuvchi Davlatda uning uchun muntazam tarzda erkin boʻlgan doimiy bazaga ega boʻlsa; bu holda uning daromadiga ushbu doimiy bazaga tegishli hajmdagina soliq solinishi mumkin; yoki

b) agar u shu boshqa Ahdlashuvchi Davlatda tegishli soliq yilida jami boʻlib 183 kundan oshiqroq turadigan boʻlsa; bu holda ushbu boshqa Davlatda amalga oshirgan faoliyatidan keladigan daromadga tegishli hajmdagina boshqa Ahdlashuvchi Davlatda soliq solinishi mumkin.

2. “Mustaqil shaxsiy xizmatlar” atamasi, xususan mustaqil ilmiy, adabiy, sanʼatkorlik, maʼrifiy yoki oʻqituvchilik faoliyatini, shuningdek vrachlar, huquqshunoslar, muhandislar, meʼmorlar, stomatologlar va hisobchilarning mustaqil shaxsiy faoliyatlarini qamrab oladi.

16-modda Bogʻliq shaxsiy xizmatlar

1. 18, 19, 20, 21 va 22-moddalarning qoidalari inobatga olinib, yollanma ishga nisbatan bir Ahdlashuvchi Davlatning rezidenti oladigan ish haqi va boshqa shu yoʻsindagi mukofotlarga, agar yollanma ish boshqa Ahdlashuvchi Davlatda amalga oshirilmayotgan boʻlsagina, faqat shu Davlatda soliq solinadi. Agar yollanma ish shu tariqa amalga oshirilsa, shu munosabat bilan olingan mukofotga shu Ahdlashuvchi Davlatda soliq solinadi.

2. 1-band qoidalariga qaramay, bir Ahdlashuvchi Davlat rezidenti boshqa Ahdlashuvchi Davlatda amalga oshirilayotgan yollanma ishga nisbatan olayotgan mukofotga faqat nomi birinchi boʻlib zikr etilgan Davlatda soliq solinadi, basharti buning uchun bir paytning oʻzida:

a) daromad orttiruvchi boshqa Ahdlashuvchi Davlatda tegishli soliq yoʻlida jamlanganda 183 kundan oshmaydigan davr yoki davrlar mobaynida istiqomat qilsa;

b) mukofot boshqa Ahdlashuvchi Davlat rezidenti boʻlmagan yollovchi yoki yollovchi nomidan topshirilsa; va

v) mukofotni toʻlash boʻyicha xarajatlarni boshqa Ahdlashuvchi Davlatdagi doimiy bazasi koʻtarmasa.

3. Mazkur moddaning oldingi qoidalariga qaramay Ahdlashuvchi Davlat korxonasi xalqaro yuk (yoʻlovchi) tashishda foydalanayotgan dengiz yoki havo kemasi bortida amalga oshiradigan yollanma ishga oladigan mukofotlarga nisbatan shu Davlatdagina soliq solinadi.

17-modda Direktorlarning gonorarlari

Bir Ahdlashuvchi Davlatda doimiy yashash joyiga ega shaxs direktorlar kengashi yoki boshqa Ahdlashuvchi Davlatda doimiy yashash joyiga ega kompaniyaning shunga oʻxshash organi aʼzosi sifatida oladigan direktorlik gonorarlari va boshqa shunga oʻxshash toʻlovlariga shu boshqa Ahdlashuvchi Davlatda soliq solinishi mumkin.

18-modda Sanʼat xodimlari va sportchilar

1. Mazkur Bitimning 15 va 16-moddalari qoidalariga qaramay, bir Ahdlashuvchi Davlat rezidentining teatr, kino, radio yoki televideniye artisti yoki musiqachi kabi sanʼat xodimi yoki sportchi sifatida boshqa Ahdlashuvchi Davlatdagi shaxsiy faoliyati tufayli oladigan daromadiga shu boshqa Ahdlashuvchi Davlatda soliq solinishi mumkin.

2. Sanʼat xodimi yoki sportchi amalga oshirayotgan shaxsiy faoliyatiga nisbatan daromad sanʼat xodimi yoki sportchining oʻziga emas, balki boshqa shaxsga hisoblansa, mazkur Bitimning 7, 15 va 17-moddalari qoidalariga qaramay, ushbu daromadga sanʼat xodimi yoki sportchi faoliyat koʻrsatgan oʻsha Ahdlashuvchi Davlatda soliq solinishi mumkin.

3. 1-band qoidalarga qaramay, bir Ahdlashuvchi Davlatda rezident boʻlgan sanʼat xodimi yoki sportchi Ahdlashuvchi Davlatda amalga oshirayotgan shaxsiy faoliyati natijasida olgan daromadiga, basharti boshqa Ahdlashuvchi Davlatdagi faoliyat dastlab zikr etilgan Davlatning jamoat fondlari, jumladan uning siyosiy boʻlinmalari yoki mahalliy hokimiyati tomonidan toʻligʻicha va astoydil qoʻllab-quvvatlansa, faqat birinchi koʻrsatilgan Davlatdagina soliq solinadi.

4. Basharti, sanʼat xodimi yoki sportchi shunday yoʻsinda amalga oshirgan shaxsiy faoliyatdan olingan daromad sanʼat xodimi yoki sportchiga emas, boshqa shaxsga yozilsa, 2-bandning hamda 6, 16, 17-moddalarning qoidalariga muvofiq bunday daromadga sanʼat xodimi yoki sportchi faoliyatini amalga oshirayotgan Ahdlashuvchi Davlatda soliq solinadi.

19-modda Davlat xizmatiga taalluqli daromadlar va pensiyalar

1. (a) har qanday jismoniy shaxsga uning Ahdlashuvchi Davlat yoki boʻlinmasi yoki mahalliy hokimiyatiga koʻrsatgan xizmatlari uchun bir Ahdlashuvchi Davlat yoki uning siyosiy boʻlinmasi yoki mahalliy hokimiyati tomonidan toʻlanadigan pensiya hisoblanmaydigan mukofotga faqat shu Davlatda soliq solinadi;

(b) Lekin, basharti, xizmatlar ana shu boshqa Ahdlashuvchi Davlatda amalga oshirilayotgan boʻlsa va Ahdlashuvchi Davlatning rezidenti boʻlgan jismoniy shaxs bir vaqtning oʻzida:

I) ushbu Davlatning fuqarosi; yoki

II) mazkur xizmatlarni koʻrsatish maqsadida ushbu Davlatning rezidenti boʻlmagan boʻlsa, bunday mukofotlarga soliq solinishi lozim.

2. (a) Jismoniy shaxsga uning Ahdlashuvchi Davlatda yoki siyosiy boʻlimida muqaddam amalga oshirgan faoliyati uchun Ahdlashuvchi Davlat yoki uning siyosiy boʻlinmasi yoki mahalliy hokimiyat tomonidan tuzilgan fondlardan pensiyalar toʻlansa, ularga shu Ahdlashuvchi Davlatdagina soliq solinadi;

(b) Basharti jismoniy shaxs bir vaqtda boshqa Ahdlashuvchi Davlatning fuqarosi hisoblansa, bunday pensiyalarga faqat ana boshqa Ahdlashuvchi Davlatdagina soliq solinishi mumkin.

3. Ahdlashuvchi Davlat yoki uning siyosiy boʻlimi yoki mahalliy hokimiyat amalga oshirayotgan faoliyat bilan bogʻliq koʻrsatilgan xizmatlar uchun toʻlanadigan va faqat boshqa Ahdlashuvchi Davlatda soliq solinadigan mukofot va pensiyalarga nisbatan, basharti boshqa shaxs shu boshqa Davlatning jamoat fondi, jumladan uning siyosiy boʻlinmasi yoki mahalliy hokimiyati tomonidan toʻliq va astoydil qoʻllansa, bu holda 17, 18 va 20-moddalarning qoidalari qoʻllaniladi.

20-modda Nohukumat pensiyalar va rentalar

1. 19-moddada qayd etilgan har qanday pensiyaga yoki Ahdlashuvchi Davlat rezidenti boshqa Ahdlashuvchi Davlat doirasidagi manbalaridan olayotgan rentaga faqat birinchi zikr etilgan Davlatdagina soliq solinishi mumkin.

2. “Pensiya” atamasi muqaddam koʻrsatilgan xizmatlarga nisbatan yoki xizmatlar koʻrsatish chogʻida olingan jarohatlar uchun tovon shaklidagi davriy toʻlovlarni anglatadi.

3. “Renta” atamasi pul oʻlchovida munosib va toʻliq tovon toʻlashga nisbatan majburiyat boʻyicha hayotning muayyan davri yoki muayyan vaqt davri uchun belgilangan vaqtda belgilangan toʻlovlarni anglatadi.

21-modda Talaba va praktikantlar oladigan toʻlovlar

1. Boshqa Ahdlashuvchi Davlatga kelish arafasida talaba yoki praktikant Ahdlashuvchi Davlatdan birining rezidenti boʻlsa yoki hisoblangan boʻlsa, nomi birinchi boʻlib zikr etilgan Davlat hududida faqat taʼlim olish yoki praktika oʻtash maqsadlaridagina boʻlgan vaqtda oladigan toʻlovlarga quyidagi shartlarga muvofiq soliq solinmaydi:

a) basharti bu toʻlovlar shu boshqa Ahdlashuvchi Davlat tashqarisida boʻlgan shaxslar tomonidan taʼminlash, oʻqitish yoki praktika oʻtash uchun amalga oshirilayotgan boʻlsa;

b) shu boshqa Davlatda bajarilgan ishlar uchun qilinadigan daromadlar soliq yilida 700 AQSh dollaridan oshmasa yoki ekvivalent tarzida, agar bu ishlar oʻqitish yoki shu maqsadda taʼminlash bilan toʻgʻridan toʻgʻri bogʻliq boʻlsa.

2. Mazkur modda imtiyozlari oʻqish yoki amaliyotni tugatish uchun zarur boʻlgan davrigagina joriy etiladi, biroq hech bir holda jismoniy shaxs shu boshqa Ahdlashuvchi Davlatga birinchi bor kelgan kunidan boshlab muttasil uch yildan oshiq ushbu moddaning imtiyozlaridan foydalana olmaydi.

22-modda Professorlar, oʻqituvchilar va tadqiqotchilar oladigan toʻlovlar

1. Bir Ahdlashuvchi Davlatga kelish arafasida oʻqituvchi yoki ilmiy xodim boshqa Ahdlashuvchi Davlatning rezidenti boʻlib va birinchi zikr etilgan Davlatda oʻqitish yoki ilmiy tadqiqotlar oʻtqazish yoki har ikki faoliyat turini dorilfununida, kollejida, maktabida yoki shu boshqa Ahdlashuvchi Davlatdagi tegishli tashkilotlarida amalga oshirish uchun muhim boʻlib turgan boʻlsa, agar uning ilk bor kelgan kunidan boshlab ikki yildan oshmasa, bunday oʻqitish yoki tadqiqotlardan olinadigan har qanday daromadlar shu Ahdlashuvchi Davlatda soliq solishdan ozod qilinadilar.

2. Basharti tadqiqot ishlari muayyan shaxs yoki shaxslarning shaxsiy manfaatlari yoʻlida amalga oshirilayotgan boʻlsa, bunday ishlardan olinadigan daromadlarga ushbu modda qoidalari tatbiq etilmaydi.

3. Ushbu moddaning va 21-moddaning maqsadlarida jismoniy shaxs, basharti “oʻtgan yil” yoki “daromad yili”da Ahdlashuvchi Davlatning rezidenti boʻlib hisoblanadi.

4. 1-band maqsadlarida “tegishli korxona” tegishli Ahdlashuvchi Davlatlarning vakolatli organlari maʼqullagan tashkilotni anglatadi.

23-modda Boshqa daromadlar

1. 2-band qoidalariga koʻra bir Ahdlashuvchi Davlat rezidentining ushbu Bitim oldingi moddalarida qayd etilmagan daromad turlariga ularning qayerda hosil boʻlishidan qatʼi nazar, faqat shu Ahdlashuvchi Davlatda soliq solinadi.

2. Basharti, koʻchmas mulkdan olinadigan daromad hisoblangan daromadini oluvchi Ahdlashuvchi Davlatning rezidenti boʻlgani holda boshqa Ahdlashuvchi Davlatda u yerda joylashgan doimiy vakolatxona orqali faoliyat olib borsa yoki u yerda joylashgan doimiy bazadan mustaqil shaxsiy xizmatlar koʻrsatsa va daromad toʻlanayotgan mulkiy huquq haqiqatan shunday doimiy vakolatxona yoki doimiy baza bilan boʻlsa, 6-moddaning 2-bandida taʼriflangan koʻchmas mulkdan olinadigan daromad hisoblanmagan daromadga 1-band qoidalari tatbiq etilmaydi. Bunday hollarda 7-modda yoki 15-moddaning qoidalari qoʻllanilishi mumkin.

3. 1-band va 2-band qoidalariga qaramay, ushbu Ahdlashuvchi Davlat rezidentining ushbu Bitimning oldingi moddalarida koʻrsatilmagan va boshqa Ahdlashuvchi Davlatda hosil boʻladigan daromadlari turiga ana shu boshqa Davlatda ham soliq solinishi mumkin.

24-modda Sarmoya

1. Ushbu Bitimning 6-moddasida qayd etiladigan Ahdlashuvchi Davlat rezidentining mulki boʻlib, boshqa Ahdlashuvchi Davlatda joylashgan koʻchmas mulkdan iborat sarmoyaga shu boshqa Davlatda soliq solinadi.

2. Ahdlashuvchi Davlatning korxonasi boshqa Ahdlashuvchi Davlatda ega boʻlgan doimiy vakolatxona mulkining bir qismini tashkil etgan koʻchar mulkdan iborat sarmoyaga yoki Ahdlashuvchi Davlatda mustaqil shaxsiy faoliyat olib borish maqsadida Ahdlashuvchi Davlat rezidenti foydalanishi mumkin boʻlgan doimiy bazaga tegishli koʻchar mulkdan iborat boʻlgan sarmoyaga shu boshqa Davlatda soliq solinishi mumkin.

3. Xalqaro koʻlamda yuk (yoʻlovchi) tashishda foydalaniladigan kema va samolyotlar hamda shunday kema va samolyotlarni ishlatishga mansub koʻchar mulk yoʻsinidagi sarmoyaga faqat bunday mulkning egasi hisoblangan korxona rezident boʻlgan Ahdlashuvchi Davlatga soliq solinishi mumkin.

4. Ahdlashuvchi Davlatning rezidenti sarmoyasining barcha qolgan tarkibiy qismlariga faqat shu Davlatdagina soliq solinishi mumkin.

25-modda Ikki tomonlama soliq solinishiga yoʻl qoʻymaslik

1. Ahdlashuvchi Davlatlar har birining amaldagi qonunlari Ahdlashuvchi Davlatlarda daromadlariga soliq solinishiga nisbatan tatbiq etilaveradi, ushbu Bitimning qoidalari qonunlarga zid kelgan hollar bundan mustasno.

2. Oʻzbekiston Respublikasiga tatbiqan ikki tomonlama soliq solinishiga yoʻl qoʻymaslik 2-bandda qayd etilgan tartibda amalga oshiriladi.

3. Agarda Hindiston rezidenti ushbu Bitimning qoidalariga muvofiq Oʻzbekiston Respublikasida soliq solinishi mumkin boʻlgan daromad olsa yoki sarmoyaga ega boʻlsa, Hindiston, bevosita yoki qisqartirish yoʻli bilan shu rezidentning daromadiga soliq solishni Oʻzbekiston Respublikasida toʻlanadigan daromad soligʻi yoki sarmoyaga solingan soliq summasiga teng barobarda qisqartiradi. Biroq bunday qisqartirish (qisqartirilgunga qadar toʻlangan) daromad soligʻining yoki sarmoyaga nisbatan soliqning Oʻzbekiston Respublikasida soliq solinishi lozim boʻlgan daromadiga tegishli qismidan koʻp boʻlmasligi kerak.

4. Ahdlashuvchi Davlatda toʻlanishi kerak boʻlgan, ushbu moddaning 2 va 3-bandlarida qayd etilgan soliq iqtisodiy hamkorlik iqtisodiyotlarini rivojlantirish istagida boʻlgan Ahdlashuvchi Davlatlarning qonunlari doirasida ragʻbatlantirish maqsadida toʻlanishi mumkin boʻlgan soliqni oʻz ichiga oladi.

5. Ushbu Bitim qoidalariga muvofiq, soliq solinmaydigan daromad boshqa Ahdlashuvchi Davlat solayotgan soliq miqdorini hisoblab chiqishda eʼtiborga olinishi mumkin.

26-modda Kamsitishni istisno etish

1. Bir Davlat fuqarolari boshqa Ahdlashuvchi Davlatda shu boshqa Ahdlashuvchi Davlatning fuqarolari bilan barobar sharoitlarda duchor qilinayotgan yoki duchor qilinishi mumkin boʻlgan har qanday soliq toʻlovi yoki shu bilan bogʻliq majburiyatga boshqa yoki ogʻirroq soliq toʻlovi va majburiyatga duchor qilinishi mumkin emas.

2. Bir Ahdlashuvchi Davlat korxonasining boshqa Ahdlashuvchi Davlatdagi doimiy vakolatxonasiga soliq solinishi qulaylik jihatidan shu boshqa Davlatning ayni bir xildagi faoliyatini ayni bir xil sharoitda amalga oshirayotgan korxonasiga soliq solishdan kam boʻlmaydi. Ushbu qoida boshqa Ahdlashuvchi Davlatning nomi birinchi zikr etilgan Ahdlashuvchi Davlatdagi doimiy vakolatxonasi oladigan foydaga shu Davlatning ayni bir xildagi korxonalari oladigan foydaga solinadigan soliqlardan yuqoriroq miqdorda soliq solishni Ahdlashuvchi Davlatlarga taqiqlab qoʻyish sifatida yoki Ushbu Bitimning 7-moddasi 3-bandiga zid deb qaralmasligi lozim.

3. Ushbu moddaning hech bir qoidasi Ahdlashuvchi Davlatning zimmasiga Ahdlashuvchi Davlat rezidentlari boʻlmagan shaxslarga soliq solishda qonunlarga koʻra rezident shaxslargagina daxldor boʻlgan biron-bir imtiyoz, yengillatish yoki qisqartirish yaratish majburiyatini yuklamaydi.

4. Bir Ahdlashuvchi Davlat korxonasiga, basharti uning sarmoyasi toʻliq yoki qisman boshqa Ahdlashuvchi Davlatning bir yoki bir necha rezidentiga tegishli boʻlsa yoki ular tomonidan bevosita yoki bilvosita nazorat etilsa, u nomi birinchi zikr etilgan Davlatda uning korxonalari ayni bir xil sharoitlarda duchor boʻlayotgan yoki duchor boʻlishi mumkin boʻlgan soliq solish va uning bilan bogʻliq majburiyatdan oʻzgacha yoki ogʻirroq har qanday soliq solish yoki uning bilan bogʻliq majburiyat yuklanmaydi.

5. Ushbu moddadagi “soliq solish” atamasi ushbu Bitimda qayd etilgan soliqlarni anglatadi.

27-modda Oʻzaro kelishuvchilik tartibi

1. Agar Ahdlashuvchi Davlatning rezidenti Ahdlashuvchi Davlatlarning bittasi yoki har ikkalasining harakatini ushbu Bitimga nomuvofiq tarzda unga soliq solinishiga olib kelayotgan yoki olib keladigan sabab deb bilsa, shu Davlatlarning ichki qonunlaridagi himoya vositalaridan qatʼi nazar, oʻzi rezident boʻlgan Ahdlashuvchi Davlatning vakolatli organiga oʻz arizasini berishi mumkin. Ariza Bitim qoidalariga muvofiq boʻlmagan soliq solinishiga olib kelayotgan harakatlarga doir birinchi xabar berilgan paytdan boshlab uch yil ichida taqdim etilishi lozim.

2. Vakolatli organ agar arizani asosli deb topsa yoki oʻzi qoniqarli bir qarorga kela olmasa, Bitimga nomuvofiq tarzda soliq solinishiga yoʻl qoʻymaslik maqsadida masalani boshqa Ahdlashuvchi Davlatning vakolatli organi bilan oʻzaro kelishib hal qilishga intiladi. Tomonlar erishgan har qanday kelishuv Ahdlashuvchi Davlatlarning muvaqqat doiralari va fuqaro qonunlariga qaramay tatbiq etiladi.

3. Ahdlashuvchi Davlatlarning vakolatli organlari Bitimni sharhlashda yoki qoʻllashda kelib chiqadigan har qanday qiyinchilik yoki shubhalarni oʻzaro kelishuv asosida hal etishga intiladilar. Ular, shuningdek Bitimda koʻzda tutilmagan hollarda ikki tomonlama soliq solinishiga yoʻl qoʻymaslik maqsadlarida maslahatlashib olishlari mumkin.

4. Ahdlashuvchi Davlatlarning vakolatli organlari qayd etilgan bandlar maʼnosida bir bitimga kelish maqsadida belgilangan tartibda bir-birlari bilan bevosita muloqot qilishlari mumkin. Bu tadbir bir bitimga kelish maqsadida fikr almashish tarzida oʻtqazishni taqozo etsa, bunday fikr almashuv Komissiya tuzish orqali amalga oshirilishi mumkin, bu komissiya Ahdlashuvchi Davlatlarning vakolatli organlari vakillaridan tuziladi.

28-modda Axborot almashish

1. Ahdlashuvchi Davlatlarning vakolatli organlari ushbu Bitim qoidalari bajarilishi yoki maʼmuriyatchilik yoki Ahdlashuvchi Davlatlar yoki ularning siyosiy boʻlinmalari yoki mahalliy hokimiyat organlari nomidan undiriladigan, istalgan turdagi va taʼrifdagi soliqlarga taalluqli, bunday soliq solish ushbu Bitimga zid kelmagan darajada ichki qonunchilik qoʻllanishi uchun muhimligi oldindan maʼlum boʻlgan axborotni (jumladan, hujjatlar va ularning tasdiqlangan nusxalarini) almashadilar. Axborot almashish 1 va 2-moddalar bilan cheklanmaydi.

2. Ahdlashuvchi Davlatlardan biri tomonidan olingan har qanday axborot 1-bandga muvofiq, ushbu Davlatning ichki qonunchiligiga muvofiq olingan axborot darajasidagi kabi maxfiy hisoblanadi hamda faqat 1-bandda zikr etilgan soliqlarni baholash yoki yigʻish, majburiy undirish yoki sud tomonidan taʼqib qilish yoki apellatsiyalarni qoʻrib chiqish, shuningdek qayd etilganlarning barchasi ustidan nazorat qilish bilan band boʻlgan shaxslar yoki organlarga (jumladan, sudlar va maʼmuriy organlarga) maʼlum qilinadi. Bunday shaxs yoki organlar ushbu axborotdan faqat qayd etilgan maqsadlarda foydalanishlari lozim. Ular ushbu axborotni ochiq sud yigʻilishi davomida yoki sud qarorlarida oshkor etishlari mumkin. Yuqorida qayd etilganlardan qatʼiy nazar, Ahdlashuvchi Davlat tomonidan olingan axborot ikkala davlatning qonunlariga muvofiq, bunday axborot boshqa maqsadlarda foydalanilishi mumkin boʻlgan hamda axborotni taqdim etayotgan Davlatning vakolatli hokimlik organlari bunday foydalanishni ruxsat etgan taqdirda, bunday boshqa maqsadlarda foydalanilishi mumkin.

3. 1 va 2-bandning qoidalari hech qaysi holatda Ahdlashuvchi Davlatga quyidagi majburiyatlarni yuklaydigan etib izohlanmaydi:

(a) ushbu yoki boshqa Ahdlashuvchi Davlatning qonunchiligi va maʼmuriy amaliyotiga zid boʻlgan maʼmuriy chora-tadbirlar oʻtkazish;

(b) ushbu yoki boshqa Ahdlashuvchi Davlatning qonunchiligi boʻyicha yoki oddiy maʼmuriyatchilik davomida olib boʻlmaydigan axborotni taqdim etish;

(s) savdo, tadbirkorlik, sanoat, tijorat yoki kasb sirini yoki savdo jarayonini oshkor etadigan yoki oshkor etilishi davlat siyosatiga zid boʻlgan axborotni (ogdge rublis) taqdim etish.

4. Agar axborot ushbu moddaga muvofiq tarzda Ahdlashuvchi Davlatlarning biri tomonidan soʻralgan boʻlsa, boshqa Ahdlashuvchi Davlat hatto bunday axborot oʻzining soliq maqsadlari uchun kerak boʻlmaganda ham soʻralgan axborotni olish uchun oʻzining axborot yigʻish boʻyicha chora-tadbirlaridan foydalanishi lozim. Avvalgi jumlada koʻrsatilgan majburiyat 3-bandning qoidalari bilan cheklangan, biroq, bunday cheklovlar hech qanday holatda Ahdlashuvchi Davlatning axborotdan ichki manfaatdorligi yoʻqligi sababli, unga ushbu axborotni taqdim qilishni rad etishga ruxsat beradigan deb, izohlanmasligi kerak.

5. 3-bandning qoidalari axborotning egasi bank, boshqa moliyaviy tashkilot, nominal egasi yoki agent yoki vakolatli shaxs hisoblanganligi, yoki maʼlumot boshqa shaxsning mulkchilik huquqiga taalluqli boʻlgani sababli, Ahdlashuvchi Davlatga hech qanday holatda axborotni taqdim etishni rad etishga ruxsat beradigan deb, izohlanmaydi.

28A-modda Soliqlarni undirishda yordam

1. Ahdlashuvchi Davlatlar soliqni toʻlash toʻgʻrisidagi talablarni bajarishda bir-birlariga yordam koʻrsatadi. Bunday yordam 1 va 2-moddalar bilan cheklanmaydi. Ahdlashuvchi Davlatlarning vakolatli organlari oʻzaro kelishib ushbu moddaning qoʻllanish usulini belgilashlari mumkin.

2. Ushbu moddada qoʻllaniladigan “soliqni toʻlash toʻgʻrisidagi talab” atamasi Ahdlashuvchi Davlatlar yoki ularning siyosiy boʻlinmalari yoki mahalliy hokimiyat organlarining nomidan solinadigan istalgan tur va taʼrifdagi soliqlarga nisbatan, bunday soliq solish amaldagi Bitimga yoki Ahdlashuvchi Davlatlar tomonlari hisoblangan istalgan boshqa hujjatga zid kelmagan darajadagi qarz summasini, jumladan foizlar, maʼmuriy jarimalar hamda bunday summaga taalluqli boʻlgan taʼminlash choralarini solish yuzasidan xarajatlarni bildiradi.

3. Ahdlashuvchi Davlatlardan birining soliqni toʻlash toʻgʻrisidagi talabi ushbu Davlatning qonunchiligiga muvofiq bajarilishi majburiy boʻlgan hamda u boʻyicha qarzdor hisoblangan shaxs, bir vaqtning oʻzida, ushbu Davlatning qonunchiligiga muvofiq, ushbu talab bajarilishining oldini ololmaydigan shaxs hisoblangan taqdirda, soliqni toʻlash toʻgʻrisidagi bunday talab, ushbu Davlatning vakolatli organining rasmiy talabiga koʻra, boshqa Ahdlashuvchi Davlatning vakolatli organi tomonidan bajarish maqsadlari uchun qabul qilinadi. Qarzni toʻlash toʻgʻrisidagi bunday bitim ushbu boshqa Davlat tomonidan oʻzining soliqlarini bajarilishi va undirilishi majburiyligiga nisbatan qoʻllaniladigan, uning qonunchiligi qoidalariga muvofiq bajariladi, xuddi ushbu soliqni toʻlash toʻgʻrisidagi talab ushbu boshqa Davlatning soliq toʻlash toʻgʻrisidagi talab boʻlgani kabi.

4. Ahdlashuvchi Davlatlardan birining soliqni toʻlash toʻgʻrisidagi talabi ushbu Davlat oʻzining qonunchiligiga muvofiq, ushbu talabni bajarish maqsadida taʼminlash choralarini qoʻllashi mumkin boʻlgan talab hisoblangan taqdirda, ushbu soliqni toʻlash toʻgʻrisidagi talab, ushbu Davlatning vakolatli organining rasmiy talabiga koʻra, boshqa Ahdlashuvchi Davlatning vakolatli organi tomonidan taʼminlash choralarini qoʻllash maqsadlari uchun qabul qilinadi. Ushbu boshqa Davlat oʻzining qonunchiligi qoidalariga muvofiq, ushbu soliqni toʻlash toʻgʻrisidagi talabga nisbatan taʼminlash choralarini koʻllaydi, xuddi ushbu soliqni toʻlash toʻgʻrisidagi talab ushbu boshqa Davlatning soliqni toʻlash toʻgʻrisidagi talabi boʻlgani kabi, hatto bunday choralarni qoʻllash paytida birinchi zikr etilgan Davlatda ushbu soliqni toʻlash toʻgʻrisidagi talabning bajarilishi majburiy hisoblanmagan yoki uning boʻyicha qarzdor hisoblangan shaxs uning bajarilishining oldini olishga haqli boʻlgan holda ham.

5. 3 va 4-bandlar qoidalaridan qatʼiy nazar, Ahdlashuvchi Davlat tomonidan 3 yoki 4-bandning maqsadlari uchun qabul qilinadigan soliqni toʻlash toʻgʻrisidagi talabga ushbu davlatda vaqtinchalik cheklovlar qoʻllanilmaydi, shuningdek, unga ushbu Davlatning qonunchiligiga muvofiq qoʻllaniladigan soliqni toʻlash toʻgʻrisidagi talabga nisbatan, uning tabiatiga koʻra ustuvorlik taqdim etilmaydi. Bundan tashqari, Ahdlashuvchi Davlat tomonidan 3 yoki 4-bandning maqsadlari uchun qabul qilingan soliq toʻlash toʻgʻrisidagi talab boshqa Ahdlashuvchi Davlatning qonunchiligiga muvofiq, soliqni toʻlash toʻgʻrisidagi talabga nisbatan ushbu Davlatda qoʻllaniladigan ustuvorlikka ega boʻlmaydi.

6. Ahdlashuvchi Davlatning soliqlarni toʻlash toʻgʻrisidagi talablari ularning mavjudligi, haqiqiyligi yoki summasi xususida ushbu Davlatning sudlari yoki maʼmuriy organlaridan oldin koʻrib chiqish predmeti hisoblanadi.

Ushbu moddaning hech qaysi qoidasi bunday harakatlarga suddan oldin biron-bir huquqni yaratib berish yoki taʼminlash yoki boshqa Ahdlashuvchi Davlatning maʼmuriy organlari tomonidan koʻrib chiqilishi sifatida qaralmaydi.

7. Ahdlashuvchi Davlat tomonidan 3 yoki 4-bandga muvofiq amalga oshirilgan rasmiy talabdan keyin istalgan paytda hamda boshqa Ahdlashuvchi Davlat birinchi zikr etilgan Davlatning soliqni toʻlash toʻgʻrisidagi talabini bajargan va tegishli soliq summasini unga oʻtkazganidan oldin, ushbu soliqni toʻlash toʻgʻrisidagi talab quyidagilarni toʻxtatadi:

(a) 3-bandga muvofiq rasmiy talab berilgan taqdirda birinchi zikr etilgan Davlatning soliq toʻlash toʻgʻrisidagi talabi boʻlishni, ushbu Davlatning qonunchiligiga muvofiq bajarilishi majburiy hisoblangan hamda uning boʻyicha qarzdor boʻlib, ushbu Davlatning qonunchiligiga muvofiq, bir vaqtning oʻzida uning bajarilishining oldini ololmaydigan shaxs hisoblanganida, yoki

(b) 4-bandga muvofiq rasmiy talab berilgan taqdirda — birinchi zikr etilgan Davlatning soliq toʻlash toʻgʻrisidagi talabi boʻlishni, ushbu Davlat oʻzining qonunchiligiga muvofiq, ushbu talab yuzasidan, uning bajarilishi maqsadida taʼminlash choralarini qoʻllashi mumkin boʻlganida.

Birinchi zikr etilgan Davlatning vakolatli organlari boshqa Davlatning vakolatli organlarini darhol xabardor qiladilar va, boshqa Davlatning tanloviga koʻra, birinchi zikr etilgan Davlat oʻzining rasmiy talabini toʻxtatib qoʻyadi yoki chaqirib oladi.

8. Ushbu moddaning hech qaysi qoidasi Ahdlashuvchi Davlatga quyidagi majburiyatlarni yuklaydigan deb, izohlanmaydi:

(a) ushbu yoki boshqa Ahdlashuvchi Davlatning qonunchiligi va maʼmuriy amaliyotiga zid boʻlgan maʼmuriy chora-tadbirlarni amalga oshirish;

(b) davlat siyosatiga zid boʻladigan chora-tadbirlarni (ogdre rublis) koʻrish;

(s) boshqa Ahdlashuvchi Davlat uning qonunchiligi yoki maʼmuriy amaliyotiga muvofiq koʻllanishi mumkin boʻlgan barcha mantiqiy chora-tadbirlarni bajarish yoki, vaziyatdan kelib chiqqan holda, taʼminlash choralarini qoʻllashni amalga oshirmagan taqdirda, yordam koʻrsatish;

(d) ushbu Davlat uchun maʼmuriy xarajatlar boshqa Ahdlashuvchi Davlat oladigan manfaatga nomutanosibligi yaqqol boʻlgan holatlarda yordam koʻrsatish.

28V-modda Imtiyozlarning cheklanganligi

1. Ushbu Bitimning qoidalari, Ahdlashuvchi Davlatga soliq solishdan qochish yoki boʻyin tovlashga nisbatan, hozircha bular qanday taʼriflanishidan qatʼi nazar, ichki qonunchilik qoidalarini qoʻllashda toʻsqinlik qilmaydi.

2. Bir Ahdlashuvchi Davlatning rezidentiga nisbatan ushbu Bitimning imtiyozlari qoʻllanilmaydi, basharti, uning ishi ushbu Bitimning imtiyozlaridan foydalanishning bosh maqsadi yoki bosh maqsadlaridan biri hisoblangan tarzda koʻrilgan boʻlsa.

3. Imtiyozli tadbirkorlik faoliyati boʻlmagan yuridik shaxslar ushbu moddaning qoidalaridan foydalanishadi.

29-modda Diplomatik vakolatxona xodimlari va konsullik muassasalari xizmatchilari

Ushbu Bitimning biron-bir qoidasi diplomatik vakolatxonalar xodimlari va konsullik muassasalari xizmatchilariga xalqaro huquqning umumiy normalari yoki maxsus bitimlar qoidalariga muvofiq belgilab qoʻyilgan soliq imtiyozlariga daxl qilmaydi.

30-modda Bitimning kuchga kirishi

1. Ahdlashuvchi Davlatlar ushbu Bitimning kuchga kirishi uchun lozim boʻlgan zarur davlat ichki rasmiyatchiliklari tugaganligi haqida bir-birlarini diplomatik kanallar orqali xabardor qiladilar. Ushbu Bitim qayd etilgan xabarlarning eng soʻnggisi yuborilgan sanadan boshlab kuchga kirdi va uning qoidalari:

(a) Oʻzbekistonda — soʻnggi xabar yuborilgan yildan keyingi kalendar yilining 1993-yil 1-yanvaridan yoki undan soʻng boshlanadigan oʻtgan yilda 1993-yil 1-yanvaridan soʻng hosil boʻlgan sarmoyaga nisbatan qoʻllanila boshlanadi;

(b) Hindistonda — soʻnggi xabar yuborilgan yildan keyingi kalendar yilining 1-aprelidan eʼtiboran yoki undan soʻng 1993-yildan boshlanadigan oʻtgan yilda hosil boʻlgan 1993-yil 1-apreldan yoki undan soʻng hosil boʻlgan sarmoyaga nisbatan qoʻllaniladi.

31-modda Amal qilishining toʻxtatilishi

Ushbu Bitim nomuayyan muddatga kuchda qoladi, Ahdlashuvchi Davlatlardan har biri Bitim kuchga kirgan paytdan boshlab besh yillik muddat tugagandan soʻng istagan kalendar yilining 30-iyuniga qadar boshqa Ahdlashuvchi Davlatga diplomatik kanallar orqali denonsatsiya haqida yozma ogohlantirish berib, Bitimni denonsatsiya qilishi mumkin. Bunday holda Bitim:

a) Oʻzbekistonga tatbiqan denonsatsiya toʻgʻrisidagi nota berilgan sanadan soʻng kalendar yilining 1-yanvarida yoki undan keyin har qanday yil uchun hisoblangan daromadga nisbatan oʻz kuchini yoʻqotadi;

b) Hindistonga tatbiqan denonsatsiya toʻgʻrisidagi nota berilgan sanadan soʻng oʻtgan kalendar yilining 1-aprelida yoki undan keyin hisoblangan daromadga nisbatan oʻz kuchini yoʻqotadi.

Mazkur Bitim imzolash vakolati boʻlib imzolanganligi guvohlantiriladi.

Nyu-Deli shahrida 1993-yil 29-iyul kuni, ikki nusxada, hind, oʻzbek va ingliz tilida imzolandi. Barcha matnlar kuchga ega, oʻzbek va hind tillardagi matnlarni sharhlashda tafovut tugʻilsa, ingliz tilidagi matn ustunlik qiladi.

(imzolar)