Don yetishtiruvchi xoʻjaliklarni sifatli boshoqli don urugʻligi bilan taʼminlash toʻgʻrisidagi nizomga oʻzgartirishlar kiritish haqida (2130-1-son)

13.05.2015

Oʻzbekiston Respublikasi Qishloq va suv xoʻjaligi vazirligi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2015-yil 13-mayda roʻyxatdan oʻtkazildi, roʻyxat raqami 2130-1]

Oʻzbekiston Respublikasi Prezidentining 2011-yil 27-sentabrdagi PQ–1621-son “2012-yil hosili uchun kuzgi boshoqli don ekinlarini ekish, navlarni joylashtirish va xarid qilishning tashkiliy chora-tadbirlari toʻgʻrisida”gi qaroriga muvofiq, Oʻzbekiston Respublikasi Qishloq va suv xoʻjaligi vazirligi va Moliya vazirligi qaror qiladi:

1. Oʻzbekiston Respublikasi Qishloq va suv xoʻjaligi vazirligi va Moliya vazirligining 2010-yil 11-maydagi 7 va 42-son qarori (roʻyxat raqami 2130, 2010-yil 6-avgust) (Oʻzbekiston Respublikasi qonun hujjatlari toʻplami, 2010-y., 32-son, 274-modda) bilan tasdiqlangan Don yetishtiruvchi xoʻjaliklarni sifatli boshoqli don urugʻligi bilan taʼminlash toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Qishloq va suv xoʻjaligi vaziri Sh. TEShAYEV

Toshkent sh.,

2015-yil 30-aprel,

12-son

Moliya vaziri R. AZIMOV

Toshkent sh.,

2015-yil 30-aprel,

35-son

Oʻzbekiston Respublikasi Qishloq va suv xoʻjaligi vazirligi va Moliya vazirligining 2015-yil 30-apreldagi 12, 35-sonli qaroriga ILOVA

Don yetishtiruvchi xoʻjaliklarni sifatli boshoqli don urugʻligi bilan taʼminlash toʻgʻrisidagi nizomga kiritilayotgan

oʻzgartirishlar

1. 11-band quyidagi tahrirda bayon etilsin:

“11. Don yetishtiruvchi xoʻjaliklarni ragʻbatlantirish Don va dukkakli don ekinlari ilmiy-tadqiqot instituti va uning filiallariga urugʻchilik hamda boshqa xoʻjaliklardan davlat resursiga xarid qilinadigan urugʻlik don uchun nav ustamalaridan 3 foizgacha ajratish tartibi toʻgʻrisidagi nizomga (roʻyxat raqami 2382, 2012-yil 25-iyul) muvofiq amalga oshiriladi.”.

2. 12-band oʻz kuchini yoʻqotgan deb hisoblansin.

3. Mazkur oʻzgartirishlar Oʻzbekiston Respublikasi Iqtisodiyot vazirligi, “Oʻzdonmahsulot” aksiyadorlik kompaniyasi, Oʻzbekiston qishloq xoʻjaligi ilmiy-ishlab chiqarish markazi va Vazirlar Mahkamasi huzuridagi Davlat don inspeksiyasi bilan kelishilgan.

Iqtisodiyot vaziri G. SAIDOVA

2015-yil 24-aprel

“Oʻzdonmahsulot” aksiyadorlik kompaniyasi raisi E. QUDRATOV

2015-yil 17-aprel

Oʻzbekiston qishloq xoʻjaligi ilmiy-ishlab chiqarish markazi bosh direktori B. SULAYMONOV

2015-yil 15-aprel

Vazirlar Mahkamasi huzuridagi Davlat don inspeksiyasi boshligʻi Z. ABIDOV

2015-yil 21-aprel