Tuman hududidagi yuridik va jismoniy shaxslarga tegishli avtomototransport vositalari va ularga tirkamalarni 2015-yilda majburiy texnik koʻrikdan oʻtkazish toʻgʻrisida (159-son)
17.03.2015
Jizzax viloyati Doʻstlik tumani hokimining
qarori
Oʻzbekiston Respublikasining “Yoʻl harakati xavfsizligi toʻgʻrisida”gi Qonuni (Oʻzbekiston Respublikasi qonun hujjatlar toʻplami, 2013-y., 15-son, 197-modda) 17-moddasi va Oʻzbekiston Respublikasi Vazirlar Mahkamasining 2003-yil 31-yanvardagi 54-sonli qarori bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida”gi nizomiga (Oʻzbekiston Respublikasi qonun hujjatlari toʻplami, 2003-y., 1-2-son, 17-modda) muvofiq, transport vositalarining 2015-yilgi texnik koʻrigini tashkil qilish maqsadida, Oʻzbekiston Respublikasining “Mahalliy davlat hokimiyati toʻgʻrisida”gi Qonuni 6-moddasiga (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) asosan qaror qilaman:
1. Tuman hududidagi barcha yuridik va jismoniy shaxslarga tegishli boʻlgan avtomototransport vositalari va ularga tirkamalar majburiy texnik koʻrikdan oʻtkazilsin.
2. Majburiy texnik koʻrikdan oʻtkazish boʻyicha tuman komissiyasining tarkibi 1-ilovaga, majburiy texnik koʻrikdan oʻtkazish jadvali 2-ilovaga muvofiq tasdiqlansin.
3. Tumandagi barcha transport vositalari egalari boʻlgan yuridik va jismoniy shaxslarga transport vositalarini texnik pasporti bilan birgalikda, oʻz vaqtida reja, jadval asosida koʻrikdan oʻtkazish majburiyati yuklatilsin.
4. Transport vositalari quyidagi davriylikka muvofiq texnik koʻrikdan oʻtkazilsin:
a) tijorat asosida yoʻlovchilar tashish uchun foydalaniladigan yengil avtomobillar, avtobuslar va oʻtiriladigan joylar soni 8 ta va undan ortiq boʻlgan (haydovchining oʻrnidan tashqari), odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari va ularga tirkamalar — bir yilda ikki marta;
b) ishlab chiqarilganligiga besh yildan koʻp boʻlmagan (ishlab chiqarilgan yili ham shu jumlaga kiradi) transport vositalari (mazkur bandning “a” kichik bandida koʻrsatilgan transport vositalaridan tashqari) — ikki yilda bir marta;
v) ishlab chiqarilgan yilini hisobga olgan holda ishlab chiqarilganligiga besh yildan ortiq boʻlgan transport vositalari, shuningdek ishlab chiqarilgan vaqti aniqlanmagan transport vositalari (mazkur bandning “a” kichik bandida koʻrsatilgan transport vositalaridan tashqari) — bir yilda bir marta;
g) tirkamalar koʻrikka transport vositasi — shatakchi uchun belgilangan muddatlarda taqdim etiladi.
5. Qarorning 4-bandi “a” kichik bandida koʻrsatilgan transport vositalarning texnik koʻrigi:
birinchi marta — 1-mart — 30-iyunda;
ikkinchi marta — 1-sentabr — 31-oktabrda oʻtkazilishi inobatga olinsin.
Yuridik shaxslarga qarashli boʻlgan transport vositalarining texnik koʻrigi 17-mart — 30-iyunga qadar;
Jismoniy shaxslarga qarashli boʻlgan transport vositalarining texnik koʻrigi 17-martdan — 31-avgustga qadar oʻtkazilsin.
6. Transport vositalarini majburiy texnik koʻrikdan oʻtkazish tuman komissiyasi (Sh. Sodiqov)ga:
transport vositalarining texnik holati, ulardan foydalanish normalari va qoidalariga rioya etilishi ustidan samarali nazoratni tashkil etish;
transport vositalarining texnik holati va uskunalari yoʻl harakati xavfsizligi standartlari, qoidalari, normalariga muvofiqligini baholash vazifasi yuklatilsin.
7. Belgilansinki, Oʻzbekiston Respublikasi Vazirlar Mahkamasining 2003-yil 31-yanvardagi 54-son “Transport vositalarini majburiy texnik koʻrikdan oʻtkazish tartibi toʻgʻrisidagi nizomni tasdiqlash haqida”gi qarori 3-bandiga koʻra, Oʻzbekiston Respublikasi Mudofaa vazirligi, Ichki ishlar vazirligining ichki va soqchilik qoʻshinlari, Milliy xavfsizlik xizmatining harbiy boʻlinmalari transport vositalari koʻrsatib oʻtilgan idoralar tomonidan belgilangan tartibda majburiy texnik koʻrikdan oʻtkazilishi inobatga olinsin.
8. Transport vositalari texnik koʻrikdan oʻtkazilganligi uchun Oʻzbekiston Respublikasi Vazirlar Mahkamasining 2003-yil 31-yanvardagi 54-son qarori bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida”gi nizomga muvofiq yigʻim undirilsin.
9. Tuman ichki ishlar boʻlimi (D. Qarshiyev) majburiy texnik koʻrik yakuni toʻgʻrisida tuman hokimligiga axborot taqdim etsin.
10 Ushbu qaror qabul qilinishi munosabati bilan tuman hokimining 2014-yil 20-fevraldagi 147-sonli qarori oʻz kuchini yoʻqotgan deb hisoblansin.
11. Mazkur qarorning ijrosini nazorat qilish tuman hokimining birinchi oʻrinbosari Gʻ. Saydiyev zimmasiga, ijrosini tashkil etish tuman ichki ishlar boʻlimi boshligʻi D. Qarshiyev zimmasiga yuklatilsin.
12. Ushbu qaror rasmiy eʼlon qilingan kundan eʼtiboran kuchga kiradi.
Hokim A. BABABEKOV
Doʻstlik t.,
2015-yil 17-mart,
159-son
Tuman hokimining 2015-yil 17-martdagi 159-sonli qaroriga 1-ILOVA
Majburiy texnik koʻrikdan oʻtkazish boʻyicha tuman komissiyasi
TARKIBI
T/r Familiyasi va ismi Lavozimi 1. Sh. Sodiqov — Tuman IIB YHXB katta inspektori – komissiya raisi 2. B. Nurqobilov — Tuman Davlat soliq inspeksiyasi inspektori 3. B. Safarov — “Agrosugʻurta” DASK tuman boʻlimi boshligʻi 4. I. Baxromov — Tuman mudofaa boʻlimi boshligʻi 5. D. Qodirqulov — Tuman tabiatni muhofaza qilish inspeksiyasi boshligʻi
Tuman hokimining 2015-yil 17-martdagi 159-sonli qaroriga 2-ILOVA
Majburiy texnik koʻrikdan oʻtkazish
JADVALI
T/r Xoʻjalik va tashkilotlar nomi t/v soni Texnik koʻrik oʻtkazish sanasi Texnik koʻrik oʻtkazish joyi 1. “Jaxongir-Kamoltrans avto” MChJ 69 19.03.2015-y “Ali-Oil” KTXF avtogarajida 2. Uchtom irrigatsiya tizimi 7 23.03.2015-y “Ali-Oil” KTXF avtogarajida 3. Arnasoy nasos SKB 12 23.03.2015-y “Ali-Oil” KTXF avtogarajida 4. Tibbiyot kolleji 1 24.03.2015-y “Ali-Oil” KTXF avtogarajida 5. Neftbaza UK 29 25.03.2015-y “Ali-Oil” KTXF avtogarajida 6. Don mahsulotlari korxonasi 1 26.03.2015-y “Ali-Oil” KTXF avtogarajida 7. Suvoqova korxonasi 1 27.03.2015-y “Ali-Oil” KTXF avtogarajida 8. Markaziy kasalxona 7 28.03.2015-y “Ali-Oil” KTXF avtogarajida 9. Obodonlashtirish markazi 3 30.03.2015-y “Ali-Oil” KTXF avtogarajida 10. Tuman DSENM 1 30.03.2015-y “Ali-Oil” KTXF avtogarajida 11. MK Vatanparvar tashkiloti 2 30.03.2015-y “Ali-Oil” KTXF avtogarajida 12. Avtomobil yoʻllari DRSU 4 02.04.2015-y “Ali-Oil” KTXF avtogarajida 13. Moliya boʻlimi 1 05.04.2015-y “Ali-Oil” KTXF avtogarajida 14. Xalq taʼlimi boʻlimi 1 07.04.2015-y “Ali-Oil” KTXF avtogarajida 15. Kasb-hunar kolleji 2 10.04.2015-y “Ali-Oil” KTXF avtogarajida 16. Tuman hokimligi 4 11.04.2015-y “Ali-Oil” KTXF avtogarajida 17. TIChT va TTXJ 8 13.04.2015-y “Ali-Oil” KTXF avtogarajida 18. Qishloq xoʻjalik boʻlimi 3 15.04.2015-y “Ali-Oil” KTXF avtogarajida 19. Tuman MTP 1 16.04.2015-y “Ali-Oil” KTXF avtogarajida 20. Qishloqxoʻjalikkimyo 1 18.04.2015-y “Ali-Oil” KTXF avtogarajida 21. Paxta tozalash korxonasi 2 20.04.2015-y “Ali-Oil” KTXF avtogarajida 22. Veterinariya boʻlimi 1 23.04.2015-y “Ali-Oil” KTXF avtogarajida 23. Tuman Matlubot savdo 2 25.04.2015-y “Ali-Oil” KTXF avtogarajida 24. Davlat Soliq inspeksiyasi 1 26.04.2015-y “Ali-Oil” KTXF avtogarajida 25. Tuman elektr tarmoqlari 1 27.04.2015-y “Ali-Oil” KTXF avtogarajida 26. Tuman gaz filiali 3 28.04.2015-y “Ali-Oil” KTXF avtogarajida 27. “Nurli-DON” MChJ 5 30.04.2015-y “Ali-Oil” KTXF avtogarajida 28. “El-Erk-Nur” XK 2 01.05.2015-y “Ali-Oil” KTXF avtogarajida 29. “Karavan” MChJ 7 03.05.2015-y “Ali-Oil” KTXF avtogarajida 30. “Oq-yoʻl” XK 2 05.05.2015-y “Ali-Oil” KTXF avtogarajida 31. Tuman fermer xoʻjaliklari 58 06.05.2015-y “Ali-Oil” KTXF avtogarajida 32. “Qoraobdollik Orzusi” MChJ 1 12.05.2015-y “Ali-Oil” KTXF avtogarajida 33. JQSh kichik korxona 1 13.05.2015-y “Ali-Oil” KTXF avtogarajida 34. “FORA SEAFOODS”MChJ 5 14.05.2015-y “Ali-Oil” KTXF avtogarajida 35. “Gulnora” XF 1 16.05.2015-y “Ali-Oil” KTXF avtogarajida 36. “Sitora” XK 1 17.05.2015-y “Ali-Oil” KTXF avtogarajida 37. “Bexzod” XF 1 18.05.2015-y “Ali-Oil” KTXF avtogarajida 38. “Orzular fasli” MChJ 1 19.05.2015-y “Ali-Oil” KTXF avtogarajida 39. “Doʻstlik oʻquv sport TK” UK 1 20.05.2015-y “Ali-Oil” KTXF avtogarajida 40. “Nazar-Murodzoda” KK 5 21.05.2015-y “Ali-Oil” KTXF avtogarajida 41. M.Dadajonov SIU 1 23.05.2015-y “Ali-Oil” KTXF avtogarajida 42. Xalqobod SIU 1 24.05.2015-y “Ali-Oil” KTXF avtogarajida 43. X.Isroilov SIU 2 25.05.2015-y “Ali-Oil” KTXF avtogarajida 44. Tuman Agro bank 1 27.05.2015-y “Ali-Oil” KTXF avtogarajida 45. Savdogar bank 1 29.05.2015-y “Ali-Oil” KTXF avtogarajida Jami 269
Eslatma: tuman hududidagi SIUlar, xoʻjaliklar, tashkilotlar, kichik korxonalar, xususiy firmalar va dehqon fermer xoʻjaliklari rahbarlari belgilangan jadval asosida transport vositalarini tuman IIB YHXB roʻyxat boʻyicha taqdim etishlari uchun shaxsan masʼuldirlar.