Oʻzbekiston Respublikasi Vazirlar Mahkamasining “Xizmat turar joylari berish tartibi toʻgʻrisidagi nizomni tasdiqlash haqida” 2000-yil 27-yanvardagi 24-son qaroriga oʻzgartirish va qoʻshimchalar kiritish toʻgʻrisida (178-son)

24.05.2002

Oʻzbekiston Respublikasi Vazirlar Mahkamasining

qarori

Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining “Xizmat turar joylari berish tartibi toʻgʻrisidagi Nizomni tasdiqlash haqida” 2000-yil 27-yanvardagi 24-son qaroriga (Oʻzbekiston Respublikasi QT, 2000-y., 1-son, 7-modda) ilovaga muvofiq oʻzgartirishlar va qoʻshimcha kiritilsin.

Oʻzbekiston Respublikasining Bosh vaziri Oʻ. SULTONOV

Toshkent sh.,

2002-yil 24-may,

178-son

Vazirlar Mahkamasining 2002-yil 24-maydagi 178-son qaroriga ILOVA

Oʻzbekiston Respublikasi Vazirlar Mahkamasining “Xizmat turar joylari berish tartibi toʻgʻrisidagi Nizomni tasdiqlash haqida” 2000-yil 27-yanvardagi 24-son qaroriga kiritilayotgan oʻzgartirishlar va qoʻshimcha

1. Qarorning 4-bandidagi “Oʻzbekiston Respublikasi Bosh vazirining oʻrinbosari B.S.Hamidov” soʻzlari “Oʻzbekiston Respublikasi Bosh vazirining birinchi oʻrinbosari K.N.Toʻlaganov” soʻzlari bilan almashtirilsin.

2. 2-ilovada:

— 14-banddagi “va professional yongʻindan saqlash” soʻzlari “qoʻriqlash va professional yongʻin xavfsizligi” soʻzlari bilan almashtirilsin;

— 16 va 17-bandlar quyidagi tahrirda bayon qilinsin:

“16. Oʻzbekiston Respublikasi ichki ishlar organlarining jazolarni ijro etish muassasalarining boshliqlari va boshliq oʻrinbosarlari.

17. Ichki ishlar organlarining xizmat koʻrsatiladigan uchastka hududidagi profilaktika boʻyicha inspektorlari”.

— ilovaga quyidagi mazmundagi 22-band qoʻshilsin:

“22. Qishloq joylardagi aloqa boʻlimlarining boshliqlari va boshliq oʻrinbosarlari”.