Aksiyadorlik jamiyatlarida zamonaviy korporativ boshqaruv uslublarini joriy etish chora-tadbirlari toʻgʻrisida (PF-4720-son)

24.04.2015

Oʻzbekiston Respublikasi Prezidentining

Farmoni

Toʻgʻridan-toʻgʻri xorijiy investitsiyalarni keng jalb etish, aksiyadorlik jamiyatlari faoliyatining samaradorligini tubdan oshirish, boʻlajak investorlar uchun ularning ochiqligi va jozibadorligini taʼminlash, zamonaviy korporativ boshqaruv uslublarini joriy qilish, korxonalarni strategik boshqarishda aksiyadorlar rolini kuchaytirish uchun qulay sharoitlar yaratish maqsadida:

1. Quyidagilar korporativ boshqaruv tizimini yanada rivojlantirishning asosiy yoʻnalishlari etib belgilansin:

xalqaro tajribani chuqur tahlil qilish va shu asosda zamonaviy korporativ boshqaruv uslublarini joriy etish, ishlab chiqarish, investitsiya, moddiy-texnik, moliyaviy va mehnat resurslaridan foydalanish samaradorligini oshirish;

chet el kapitali ishtirokida aksiyadorlik jamiyatlarini tashkil etish, aksiyadorlik jamiyatlariga xorijiy investitsiyalarni keng jalb qilish uchun qulay sharoitlar yaratish;

eski boʻlinmalar va lavozimlarni tugatish, zamonaviy xalqaro standartlar va bozor iqtisodiyoti talablariga mos yangi boʻlinma va lavozimlarni joriy etishni inobatga olgan holda, aksiyadorlik jamiyatlarini boshqarish tuzilmasini tubdan qayta tashkil etish;

aksiyadorlik jamiyatlarini strategik boshqarish, boshqaruv xodimlarining samarali faoliyatini nazorat qilishni taʼminlashda aksiyadorlar, jumladan, minoritar aksiyadorlar rolini oshirish;

yetakchi xorijiy taʼlim muassasalari bilan hamkorlik asosida boshqaruv xodimlarini tayyorlash va ularning kasb darajasini oshirish, shuningdek, aksiyadorlik jamiyatlarida rahbarlik lavozimlariga chet ellik yuqori malakali menejerlarni jalb qilish.

2. Faoliyat koʻrsatayotgan aksiyadorlik jamiyatlarini tanqidiy oʻrganish natijalariga koʻra, 364 aksiyadorlik jamiyati nochor va tugatilishi yoki boshqa tashkiliy-huquqiy shaklga aylantirilishi lozim, deb topilgani maʼlumot uchun qabul qilinsin.

Oʻzbekiston Respublikasi Prezidentining 2015-yil 31-martdagi PQ-2327-sonli qarori bilan tashkil etilgan Aksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi (R. Azimov) qayd etilgan aksiyadorlik jamiyatlarini qayta tashkil etish jarayonini 2015-yilning 1-oktabriga qadar tugatish ustidan qatʼiy nazorat oʻrnatsin.

3. Yetakchi xorijiy kompaniyalarda boshqaruvni tashkil etish tizimini chuqur oʻrganish asosida ishlab chiqilgan aksiyadorlik jamiyatining namunaviy tashkiliy tuzilmasi 1-ilovaga muvofiq maʼqullansin.

Aksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi:

Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi, boshqa manfaatdor idoralar va aksiyadorlik jamiyatlarining kuzatuv kengashlari bilan hamkorlikda uch oy muddatda aksiyadorlik jamiyatlari tashkiliy tuzilmasini ularning tarmoq xususiyatlarini inobatga olgan holda, namunaviy tuzilmaga muvofiqlashtirishni taʼminlasin;

davlat ulushiga ega aksiyadorlik jamiyatlarining rahbarlari tarkibini uch oy muddatda korporativ boshqaruvning zamonaviy uslublari va prinsiplari, menejment va marketingni, axborot-kommunikatsiya texnologiyalari hamda ularni ishlab chiqarishni boshqarish tizimida qoʻllay bilishi boʻyicha attestatsiyadan oʻtkazsin;

attestatsiya yakunlari boʻyicha boʻshagan lavozimlarga yangicha fikrlaydigan, zamonaviy talablarga javob beradigan yuqori malakali rahbarlar, shuningdek, xorijiy menejerlarni jalb etish choralarini koʻrsin.

4. Oʻzbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligi bir oy muddatda Vazirlar Mahkamasiga “Xizmatchilarning asosiy lavozimlari va ishchi kasblari klassifikatori”ga aksiyadorlik jamiyatlarining yangi namunaviy tuzilmasidan kelib chiqadigan zarur oʻzgartishlar kiritish haqida takliflar taqdim etsin.

5. Aksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasining Germaniya hamda boshqa iqtisodiy rivojlangan davlatlarning yetakchi taʼlim muassasalarini jalb etgan holda, tugatiladigan Oliy biznes maktabi negizida Korporativ boshqaruv ilmiy-taʼlim markazini tashkil etish, uning zimmasiga korporativ boshqaruvning tashkiliy shakllari va zamonaviy uslublarini joriy qilishni metodik taʼminlash, shuningdek, xalqaro talab va standartlarga muvofiq ushbu sohada boshqaruv xodimlarini tayyorlash hamda ularning malakasini oshirish vazifasini yuklash toʻgʻrisidagi taklifi qabul qilinsin.

Vazirlar Mahkamasi bir oy muddatda Korporativ boshqaruv ilmiy-taʼlim markazini tashkil etish toʻgʻrisidagi qarorni belgilangan tartibda qabul qilsin va uning vazifalari, tuzilmasi, tinglovchilarni qabul qilish kvotasi, shuningdek, markazning samarali faoliyatini taʼminlash choralarini belgilasin.

6. Korporativ boshqaruv tizimini tubdan takomillashtirish boʻyicha chora-tadbirlar dasturi 2-ilovaga muvofiq tasdiqlansin.

Vazirlar Mahkamasi Dasturga kiritilgan tadbirlarning belgilangan muddatlarda sifatli amalga oshirilishini tizimli asosda nazorat qilinishini taʼminlasin.

7. Shunday tartib oʻrnatilsinki, unga koʻra, 2015-yil 1-iyuldan:

aksiyadorlik jamiyati ijro organining rahbarini tayinlash toʻgʻrisidagi qaror, odatda, xorijiy menejerlar ham ishtirok etishi mumkin boʻlgan tanlov asosida qabul qilinadi;

aksiyadorlar, jumladan, minoritar aksiyadorlar iqtisodiy sudga ularning huquqlari va qonuniy manfaatlari buzilgani haqida daʼvo arizasi bilan murojaat qilganda, ularga davlat bojini toʻlash muddati uzaytiriladi va bu boj aybdor tomonidan undiriladi.

8. Aksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi boshqa manfaatdor vazirlik va idoralar bilan hamkorlikda Germaniya hamda boshqa rivojlangan davlatlarning muvaffaqiyatli tajribasi asosida 2015-yil 1-avgustga qadar Korporativ boshqaruv kodeksini ishlab chiqsin va tasdiqlasin, xalqaro amaliyotni inobatga olgan holda yagona hujjatda:

korporativ boshqaruvning ilgʻor uslublarini joriy etish boʻyicha tavsiyalar, jumladan, uzoq muddatli istiqbolda rivojlanish strategiyasi va vazifalari, ichki nazorat tizimlari va ijro organining aksiyadorlar hamda investorlar bilan samarali oʻzaro hamkorlik mexanizmlarini belgilash;

aksiyadorlik jamiyatlari faoliyatining koʻlami, tarmoq xususiyatlari va yoʻnalishlarini inobatga olgan holda, namunaviy tashkiliy tuzilmani joriy qilish;

aksiyadorlik jamiyatlari faoliyatining ochiqligini oshirish, ular tomonidan xalqaro standartlar asosida audit va moliyaviy hisobot axborotini nashr qilish.

9. 2015-yilning 1-iyulidan aksiyadorlik va boshqa xoʻjalik jamiyatlari nomlarida ularning ustav kapitalida davlat ulushidan qatʼi nazar, “davlat” soʻzidan foydalanishga yoʻl qoʻyilmasligi;

2015 — 2018-yillarda barcha aksiyadorlik jamiyatlari yillik moliyaviy hisobotni nashr etishi va Xalqaro audit standartlari hamda Xalqaro moliyaviy hisobot standartlariga muvofiq tashqi auditni oʻtkazishi maʼlumot uchun qabul qilinsin.

Aksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi 2015-yilning 1-iyuliga qadar aksiyadorlik jamiyatlarining yillik moliyaviy hisobotini xalqaro standartlarga muvofiq nashr etish jadvalini tasdiqlasin.

11. Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi Adliya vazirligi, boshqa manfaatdor vazirlik va idoralar bilan hamkorlikda bir oy muddatda Vazirlar Mahkamasiga qonunchilikka mazkur Farmondan kelib chiqadigan oʻzgartish hamda qoʻshimchalar kiritish haqida takliflar taqdim etsin.

12. Ushbu Farmon ijrosini nazorat qilish Oʻzbekiston Respublikasi Bosh vaziri Sh. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2015-yil 24-aprel,

PF-4720

Oʻzbekiston Respublikasi Prezidentining 2015-yil 24-apreldagi PF-4720-son Farmoniga 1-ILOVA

AKSIYADORLIK JAMIYATINING NAMUNAVIY TASHKILIY TUZILMASI

Izoh. Korxonalarning tarmoq xususiyati va faoliyatlarining oʻziga xosligidan kelib chiqqan holda aksiyadorlik jamiyatlari namunaviy tashkiliy tuzilmalariga oʻzgartirish va qoʻshimchalar kiritishlari mumkin.

Oʻzbekiston Respublikasi Prezidentining 2015-yil 24-apreldagi PF-4720-son Farmoniga 2-ILOVA

Korporativ boshqaruv tizimini tubdan takomillashtirish boʻyicha chora-tadbirlar

DASTURI

T/rChora-tadbirlarning nomlanishiAmalga oshirish mexanizmiIjro muddatlariMasʼul ijrochilarI. XALQARO TAJRIBANI CHUQUR OʻRGANISH ASOSIDA KORPORATIV BOSHQARUVNING ZAMONAVIY USLUBLARINI JORIY ETISH1.Aksiyadorlik jamiyatlarida namunaviy tashkiliy tuzilmani ular faoliyatining tarmoq xususiyati va koʻlamini hisobga olgan holda joriy etish.Aksiyadorlarning umumiy yigʻilishlariqarorlari2015 yil avgustDavlat raqobat qoʻmitasi, xoʻjalik boshqaruvi organlari, aksiyadorlik jamiyatlari2.Aksiyadorlik jamiyatlarini umum qabul qilingan xalqaro amaliyot standartlari va talablariga muvofiqligi nuqtai nazaridan tanqidiy tahlil qilish, hamda tashkiliy tuzilmani takomillashtirish, chet el sarmoyasi ishtirokidagi korxonalar bundan mustasno.Komissiya qarori2015 yil iyulAksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi3.“Xizmatchilarning asosiy lavozimlari va ishchi kasblari klassifikatori”ga aksiyadorlik jamiyatlarining maʼqullangan namunaviy tuzilmasidan kelib chiqadigan oʻzgartirishlar kiritish.Normativ-huquqiy hujjat2015 yil mayMehnat vazirligi, Iqtisodiyot vazirligi, Adliya vazirligi4.Quyidagilarni nazarda tutuvchi Korporativ boshqaruv Kodeksini ishlab chiqish:korporativ boshqaruvning ilgʻor uslublarini joriy etish boʻyicha tavsiyalar, jumladan, uzoq muddatli istiqboldagi rivojlanish strategiyasi va vazifalari, ichki nazorat tizimlari va ijro organining aksiyadorlar hamda investorlar bilan samarali oʻzaro hamkorlik mexanizmlarini belgilash;aksiyadorlik jamiyatlari faoliyatining koʻlami, tarmoq xususiyatlari va yoʻnalishlarini inobatga olgan holda, namunaviy tashkiliy tuzilmani joriy qilish;aksiyadorlik jamiyatlari faoliyatining ochiqligini oshirish, ular tomonidan xalqaro standartlar asosida audit va moliyaviy hisobot axborotini nashr qilish.Komissiya qarori2015 yil avgustAksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi5.Belgilangan talablarga javob ber?aydigan aksiyadorlik jamiyatlarini tugatish yoki qayta tashkil etish choralarini koʻrish.Taʼsischilar va roʻyxatdan oʻtkazuvchi davlat organlari qarorlari, sud qarorlari2015 yil III chorakAksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi6.Davlat ulushi boʻlgan aksiyadorlik jamiyatlari va boshqa xoʻjalik yurituvchi subyektlari faoliyati samaradorligini baholash mezonlari toʻgʻrisidagi nizomni ishlab chiqish.Hukumat qarori loyihasi2015 yil iyunDavlat raqobat qoʻmitasi, Moliya vazirligi7.Davlat ulushi boʻlgan aksiyadorlik jamiyatlarining moliyaviy-iqtisodiy koʻrsatkichlarini chuqur tahlil qilish va boshqaruv xodimlari faoliyatining samaradorligi natijalari boʻyicha baholash.Komissiya qarori2015 yil iyulAksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi, tijorat banklari8.Raqobatbardosh mahsulot ishlab chiqarish, ishlab chiqariladigan mahsulotni sotish uchun yangi bozorlarni izlash va olib chiqishning muhim tamoyillariga asoslangan aksiyadorlik jamiyatlarining moliya va iqtisodiy samaradorligini oshirish dasturlarini ishlab chiqish.Dasturlar ishlab chiqish2015 yil oktabrAksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi, tijorat banklari9.Davlat ulushi boʻlgan aksiyadorlik jamiyatlarida korporativ boshqaruvni takomillashtirish boʻyicha Jahon banki va Xalqaro moliya korporatsiyasining texnik koʻmaklashish loyihasini amalga oshirish va ularga salohiyatli chet el investorlarini jalb qilish.Texnik koʻmak loyihasi2015-2016 yy.Davlat raqobat qoʻmitasi, Moliya vazirligi, Iqtisodiyot vazirligi10.Aksiyadorlik va boshqa xoʻjalik jamiyatlari tomonidan ular haqidagi axborotni oshkor qilishning belgilangan tartibi buzilgan holda amalga oshirilgan bitimlar va boshqa harakatlarni haqiqiy emas deb topish toʻgʻrisida talabni joriy qilish.Oliy xoʻjalik sudi plenumi qarori2015 yil IV chorakOliy xoʻjalik sudi, Davlat raqobat qoʻmitasi, Adliya vazirligi11.Shunday tartib oʻrnatilsinki, unga muvofiq aksiyadorlik jamiyatining ustav kapitalini koʻpaytirish faqatgina qoʻshimcha aksiyalarni chiqarish va joylashtirish orqali amalga oshiriladi.Qonunchilikka oʻzgartirishlar kiritish2016 yil I chorakDavlat raqobat qoʻmitasi, Qimmatli qogʻozlar bozorini muvofiqlashtirish va rivojlantirish markazi, Moliya vazirligi12.Respublikada korporativ hodisalarni muntazam yoritib boruvchi tele va radiokoʻrsatuvlarni (“Korporativ yangiliklar”), shu jumladan Internet tarmoqlarida tashkil qilish.Kompleks chora-tadbirlar2015 yil IV chorakdanOʻMTRK, Davlat raqobat qoʻmitasi, Qimmatli qogʻozlar bozorini muvofiqlashtirish va rivojlantirish markazi, “Toshkent” RFB13.Har yili tashkil etiladigan “Eng yaxshi korporativ boshqaruv”, “Eng yaxshi investitsiya vositachisi” va “Eng yaxshi investitsiya konsultanti” tanlovini amaliyotga joriy qilish.Kompleks chora-tadbirlar2016 yildan boshlabDavlat raqobat qoʻmitasi, Qimmatli qogʻozlar bozorini muvofiqlashtirish va rivojlantirish markazi, “Toshkent” RFB, Savdo-sanoat palatasiII. AKSIYADORLIK JAMIYATLARIGA CHET EL INVESTITSIYALARINI JALB QILISH UCHUN QULAY SHART-SHAROITLAR YARATISH, AKSIYADORLIK JAMIYATLARI FAOLIYATINING OCHIQLIGI VA SHAFFOFLIGINI OSHIRISH, HISOBGA OLISH VA HISOBOTNING XALQARO STANDARTLARINI JORIY ETISH14.Quyidagi yoʻllar orqali Aksiyadorlik jamiyatlarida xalqaro tajriba asosida boshqaruvning zamonaviy tizimlarini joriy etish:biznes-jarayonlarni takomillashtirish, asosiy ishlab chiqarish, maʼmuriy va operatsiya jarayonlarini optimallashtirish;xoʻjalik jamiyatlarida sifatni boshqarish tizimini, shu jumladan ISO joriy etishni kengaytirish;zamonaviy moliyaviy menejmentni joriy etish, moddiy, investitsiya va boshqa resurslarni boshqarish;tegishli yoʻnalishlar boʻyicha yuqori malakali xorijiy menejerlarni jalb qilish.Kompleks chora-tadbirlar2015 yil III chorakVazirlar Mahkamasi ATD, vazirlik va idoralar, “Oʻzstandart” agentligi, Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi15.Aksiyadorlik jamiyatlari tomonidan yillik moliyaviy hisobotlarni eʼlon qilish va ularni Xalqaro audit standartlari va Xalqaro moliyaviy hisobotlar standartlariga muvofiqligi yuzasidan tashqi auditdan oʻtkazishni joriy etish.Kompleks chora-tadbirlargrafik boʻyichaAksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi, aksiyadorlik jamiyatlari16.Ustav kapitallarida davlat ulushi boʻlgan, strategik xorijiy investorlarga sotiladigan aksiyadorlik jamiyatlari roʻyxatini belgilash.Davlat ulushi boʻlgan aksiyadorlik jamiyatlariga strategik xorijiy investorlarni jalb qilish boʻyicha kompleks chora-tadbirlarni amalga oshirish.Hukumat qarori Kompleks chora-tadbirlar2015 yil aprel2015-2016 yy.Davlat raqobat qoʻmitasi, Iqtisodiyot vazirligi, Moliya vazirligi,TIAISV, Iqtisodiyot vazirligi, Moliya vazirligi17.Davlat ulushi boʻlmagan aksiyadorlik jamiyatlariga strategik xorijiy investorlarni jalb qilishga koʻmaklashish.Kompleks chora-tadbirlar2015-2016 yy.TIAISV, Davlat raqobat qoʻmitasi, Iqtisodiyot vazirligi, Moliya vazirligi 18.“Toshkent” RFB valyuta savdo maydonchasi faoliyatini kengaytirish va faollashtirish, bunda xorijiy investorlar ishtirokidagi operatsiyalarga soliq solish tizimini soddalashtirish.Qonunchilikka oʻzgartirishlar kiritish2015 yil III chorakDavlat raqobat qoʻmitasi, Moliya vazirligi, DSQ, TIAISV, Qimmatli qogʻozlar bozorini muvofiqlashtirish va rivojlantirish markazi, “Toshkent” RFB19.Chet el investorlariga sotiladigan aksiyalar paketi toʻgʻrisidagi maʼlumotlarni xorijiy ommaviy axborot vositalarida, shu jumladan ixtisoslashtirilgan internet-saytlarda joylashtirish.Chora-tadbirlar rejasi2015-2016 yy.TIAISV, “Oʻzinfoinvest” agentligi, Moliya vazirligi20.Shunday tartib oʻrnatilsinki, unga muvofiq aksiyadorlik jamiyati tomonidan oddiy aksiyalar boʻyicha hisoblangan dividendlarni olishga boʻlgan teng huquqlariga rioya etilgan holda amalga oshiriladi.Qonunga oʻzgartirish kiritish2015 yil III chorakDavlat raqobat qoʻmitasi, Iqtisodiyot vazirligi, Adliya vazirligi21.Respublikada korporativ boshqaruv tizimi va fond bozorini rivojlantirish masalalari boʻyicha Qimmatli qogʻozlar komissiyalari xalqaro tashkiloti (IOSCO)bilan hamkorlikni rivojlantirish.Kompleks chora-tadbirlar2015 yil IV chorakDavlat raqobat qoʻmitasi, Qimmatli qogʻozlar bozorini muvofiqlashtirish va rivojlantirish markazi, TIAISV22.Ustav kapitalida 50 foizdan koʻp davlat ulushi boʻlgan sanoat sohasi va iqtisodiyotning real sektoriboʻlgan boshqa tarmoqlaridagi xoʻjalik jamiyatlariga ularning 10 foizdan kam boʻlmagan sof foydasini istiq?olli tadqiqotlarga, bozor talabidan kelib chiqib yangi mahsulotlarni ishlab chiqarish va marketingga yoʻnaltirish toʻgʻrisida tavsiyalar ishlab chiqish.Metodik tavsiyalar2015 yil IV chorakDavlat raqobat qoʻmitasi, Moliya vazirligiIII. AKSIYADORLIK JAMIYATLARI FAOLIYATIDA DAVLAT ORGANLARI, AKSIYADORLAR VA MENEJMENT OʻRTASIDA VAZIFA VA VAKOLATLARNI ANIQ CHEGARALASH23.Ustav kapitalida davlat ulushi boʻlishidan qatʼiy nazar xoʻjalik birlashmalari, aksiyadorlik va boshqa xoʻjalik jamiyatlari nomlanishidagi “davlat” soʻzlarini chiqarib tashlash.Taʼsis hujjatlariga oʻzgartirishlar kiritish2015 yil sentabrAdliya vazirligi, xoʻjalik boshqaruvi organlari24.Aksiyadorlik jamiyatlarining ijro organlari rahbarlarini tanlov orqali saralash amaliyotini joriy etish, chet el menejerlarini tayinlash mumkinligini nazarda tutish.Jamiyatlar ustavlariga oʻzgartirishlar kiritish2015 yil 1-iyulAdliya vazirligi, Davlat raqobat qoʻmitasi, TIAISV25.Soliqqa oid yoki davlat oldidagi boshqa qarzdorlik hisobiga aksiyadorlik jamiyatlari ustav kapitalidagi davlat ulushini shakllantirish yoki oshirishga xususiy aksiyadorlarning kamida uchdan ikki qismining roziligi boʻlmaganda taqiq qoʻyish.Qonunchilikka oʻzgartirishlar kiritish2016 yil I chorakDavlat raqobat qoʻmitasi, Moliya vazirligi, Adliya vazirligi26.Davlat ulushi boʻlgan aksiyadorlik yoki boshqa xoʻjalik subyektlariga nisbatan tijorat tashkilotlari tuzish talablarini takomillashtirish.Hukumat qarorlariga oʻzgartirishlar kiritish2016 yil I chorakDavlat raqobat qoʻmitasi, Iqtisodiyot vazirligi, Adliya vazirligi27.Huquqni muhofaza qiluvchi va boshqa davlat organlari, xoʻjalik boshqaruvi organlari va davlat hokimiyat organlari hamda ularning mansabdor shaxslariga:bitimlar boʻyicha normativ hujjatlar qabul qilishga, aksiyadorlik jamiyatlariga buyruqlar va boshqa koʻrsatmalar berishga, foydani boʻlishishga, boshqaruvchi xodimlarni yollashga va xoʻjalik jamiyatlarining boshqaruv organlari vakolatiga tegishli boshqa masalalar boʻyicha, qonunchilikda nazarda tutilgan alohida holatlar bundan mustasno;aksiyadorlik jamiyatlarining boshqaruv organlari aʼzolariga moliyaviy yoʻqotishlarga sabab boʻlgan biznes-xatarlarni qabul qilish asosida oʻz vakolatlari doirasida qabul qilgan qarorlari uchun javobgarlik choralari qoʻllashni taqiqlashni belgilash.Qonunchilikka oʻzgartirishlar kiritishdoimiyAdliya vazirligi, Boshprokuratura, Davlat raqobat qoʻmitasi,Iqtisodiyot vazirligi28.Investitsiya aktivlarini ishonchli boshqarish xizmatlariga haq toʻlashning amaldagi tartibini takomillashtirish, bunda davlat aktivlarini boshqarishga toʻlanadigan haq miqdori biznes-reja parametrlarini bajarganligiga yanada bogʻliqligini nazarda tutish.Normativ hujjatlarga oʻzgartirishlar kiritish2015 yil III chorakDavlat raqobat qoʻmitasi, Moliya vazirligi29.Jamiyatni boshqarishda aksiyadorlarning ishtirok etish huquqlari buzilganligi uchun davlat hokimiyati organlarining mansabdor shaxslari va aksiyadorlik jamiyatlari rahbarlariga maʼmuriy javobgarlikni joriy etish.Maʼmuriy javobgarlik toʻgʻrisidagi Kodeksga oʻzgartirishlar kiritish2015 yil IV chorakAdliya vazirligi, Davlat raqobat qoʻmitasi30.Energetika, neftgaz, kimyo, temir yoʻl, paxta tozalash, tegirmon, farmatsevtika sanoati, qurilish materiallarini ishlab chiqarish, qattiq metallarni qayta ishlash korxonalari va kommunikatsiya texnologiyalari sohasida davlat ulushini xoʻjalik boshqaruvi organlarining ustav kapitaliga berish.Vazirlar Mahkamasi qarori2015 yil III chorakDavlat raqobat qoʻmitasi, Moliya vazirligi, Iqtisodiyot vazirligiIV. AKSIYADORLIK JAMIYATLARINI STRATEGIK BOSHQARISH VA FAOLIYATI USTIDAN NAZORATNI TAʼMINLASHDA AKSIYADORLAR, SHU JUMLADAN MINORITAR AKSIYADORLARNING ROLINI OSHIRISH31.Aksiyadorlarga, shu jumladan minoritar aksiyadorlarga ularning huquqlari va qonuniy manfaatlari buzilganligi toʻgʻrisida xoʻjalik sudiga shikoyat kiritish bilan davlat boji toʻlash, shu jumladan keyinchalik uni aybdor tomonidan undirishbilan dividendlarni toʻlash boʻyicha kechiktirishlarni taqdim etish.Qonunchilikka oʻzgartirishlar kiritish2015 yil III chorakAdliya vazirligi, Oliy xoʻjalik sudi, Davlat raqobat qoʻmitasi32.Paketlarni lotlarga boʻlishni optimallashtirishni nazarda tutgan holda tashkil etilgan savdolarda aksiyalar paketini joylashtirish va muomalaga kiritish tartibini takomillashtirish.Savdolar tashkilotchilarining qoidalariga oʻzgartirishlar kiritish2015 yil III chorakDavlat raqobat qoʻmitasi, Qimmatli qogʻozlar bozorini muvofiqlashtirish va rivojlantirish markazi, “Toshkent” RFB33.Tashkil etilgan savdolarda jismoniy shaxslar oʻrtasida aksiyalarning oldi-sotdi kelishuvlariga toʻgʻridan-toʻgʻri oʻzaro hisob-kitobni nazarda tutgan holda hisob-kitob kliring xizmat koʻrsatishning soddalashtirilgan tartibini joriy etish.Savdolar tashkilotchilarining qoidalariga oʻzgartirishlar kiritish2015 yil IV chorakDavlat raqobat qoʻmitasi, “Toshkent” RFB, Qimmatli qogʻozlar bozorini muvofiqlashtirish va rivojlantirish markazi34.Aksiyadorlarning biri 50 va undan ortiq foizda jamiyatning aksiyalarini sotib olganda boshqa aksiyadorlar unga bozor narxida oʻzlarining aksiyalarini belgilangan tartibda sotish huquqiga ega boʻlish tartibini joriy etish.Qonunchilikka oʻzgartirishlar va qoʻshimchalar kiritish2016 yil II chorakDavlat raqobat qoʻmitasi, Iqtisodiyot vazirligi, Adliya vazirligiV. KORPORATIV BOSHQARUV SOHASIDA ZAMONAVIY AXBOROT TEXNOLOGIYALARINI JORIY ETISH35.Qimmatli qogʻozlar bozorini muvofiqlashtirish va rivojlantirish markazi veb-sayti negizida Korporativ axborot yagona portalini yaratish, bunda xalqaro normalarni hisobga olgan holda quyidagilarni joylashtirish:moliya hisoboti va auditorlik xulosalari;aksiyadorlik jamiyatlari faoliyatidagi muhim faktlar toʻgʻrisida maʼlumot;emissiyalar prospekti, joylashtiriladigan aksiyalar, aksiyadorlik kapitali miqdori va salohiyatli investorlar uchun boshqa maʼlumotlar;korporativ boshqaruv va qimmatli qogʻozlar bozori masalalari boʻyicha normativ-huquqiy bazadagi oʻzgarishlar.Korporativ axborotning yagona portalini yaratish2015 yil IV chorakAxborot texnologiyalari va kommunikatsiyalarini rivojlantirish vazirligi, Qimmatli qogʻozlar bozorini muvofiqlashtirish va rivojlantirish markazi, Davlat raqobat qoʻmitasi36.Xalqaro tajriba asosida aksiyadorlik jamiyatlarida investitsiya va ishlab chiqarish jarayonlarini, moddiy va moliyaviy resurslarni (ERP va boshqa dasturiy mahsulotlar) boshqarishning zamonaviy axborot tizimlarini joriy etish.Loyihalarni amalga oshirishgrafiklar boʻyichaVazirlar Mahkamasi ATD, Axborot texnologiyalari va kommunikatsiyalarini rivojlantirish vazirligi, vazirlik va idoralar37.Quyidagilarni nazarda tutgan holda davlat aktivlarini hisoblash tizimini takomillashtirish:interaktiv oʻzaro hamkorlik qilish imkonini yaratgan holda davlat aktivlarini boshqarishning elektron maʼlumotlar bazasini yaratish;xoʻjalik jamiyatlari va davlat korxonalarida davlat ulushining markazlashtirilgan hisobini yuritish;Vazirlar Mahkamasi qarori dasturiy mahsulot ishlab chiqish2016 yil I chorak 2016yil III chorakDavlat raqobat qoʻmitasi,Axborot texnologiyalari va kommunikatsiyalarini rivojlantirish vazirligi, Qimmatli qogʻozlar markaziy depozitariysidavlat aktivlarining yagona roʻyxatini investorlarga sotish uchun taklif qilinadigan obyektlar (ulushlar, aksiyalar, DUK) koʻrsatilgan holda shakllantirish va Internet tarmogʻida eʼlon qilish.VI. QIMMATLI QOGʻOZLAR BOZORINI, AYNIQSA IKKILAMCHI BOZORNI YANADA RIVOJLANTIRISH, UNING AXBOROT-TEXNIKA BAZASINI MUSTAHKAMLASH38.Qimmatli qogʻozlar bozorini modernizatsiya qilish boʻyicha Koreya fond birjasi bilan hamkorlikni kengaytirish, bunda fond bozori uchun zamonaviy Yagona dasturiy-texnik kompleksini joriy etishni nazarda tutish.Kompleksni joriy qilish2016 yil IV chorakDavlat raqobat qoʻmitasi, Moliya vazirligi, Markaziy bank39.Koreya fond birjasi tomonidan joriy etiladigan Yagona dasturiy-texnik kompleksi negizidagi qimmatli qogʻozlar bozorini muvofiqlashtirish va rivojlantirish markazi qoshida axborot-resurs markazini tashkil etish.Axborot-resurs markazini tashkil etish2016 yil I chorakQimmatli qogʻozlar bozorini muvofiqlashtirish va rivojlantirish markazi, Moliya vazirligi, Adliya vazirligi40.Fond bozorida investitsiya xatarlarida tegishli cheklovlarni koʻrib chiqqan holda qimmatli qogʻozlar bozori likvidligini taʼminlash boʻyicha majburiyatlarni oʻziga oladigan market-meyker investitsion vositachilarni yaratish.Kompleks chora-tadbirlar2016 yil II chorakTijorat banklari va sugʻurta kompaniyalari, Davlat raqobat qoʻmitasi, Markaziy bank, Moliya vazirligi41.Qimmatli qogʻozlar savdolari tashkilotchilari maʼlumotlar bazalari va zaxira savdolarni axborot tahliliy kuzatib borishning texnologik jihatdan yangilab boriladigan axborot tizimini yaratish hamda respublika birja markazini modernizatsiya qilish.Kompleks chora-tadbirlar2016 yil III chorakDavlat raqobat qoʻmitasi, “Toshkent” RFB, Toshkent shahar hokimligi, Moliya vazirligi42.Qimmatli qogʻozlar boʻyicha komissiyalar xalqaro tashkiloti, xorijiy davlatlarning qimmatli qogʻozlar bozori va fond birjalarini tartibga soluvchi vakillari, korporativ boshqaruv va moliya bozori sohasidagi tadqiqot markazlari bilan birgalikda xalqaro konferensiyalar, davra suhbatlari va seminarlar oʻtkazish.Kompleks chora-tadbirlar2016 yildan boshlab har yiliDavlat raqobat qoʻmitasi, Qimmatli qogʻozlar bozorini muvofiqlashtirish va rivojlantirish markazi, Banklar Assotsiatsiyasi, Moliya vazirligiVII. KORPORATIV BOSHQARUV SOHASIDA KADRLAR TAYYORLASH VA MALAKASINI OSHIRISH43.Davlatulushiga ega aksiyadorlik jamiyatlari, xoʻjalik birlashmalari rahbarlari tarkibini bozor iqtisodiyoti va korporativ boshqaruvning asoslari, menejment va marketing, zamonaviy ishlab chiqarish prinsiplari va axborot-kommunikatsiya texnologiyalari, shuningdek, ular boshqarayotgan korxonalarning amaldagi holatini attestatsiyadan oʻtkazish.Komissiya qarorigrafik boʻyichaAksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi44.Attestatsiyayakunlari boʻyicha vakant lavozimlarga yangicha fikrlaydigan, belgilangan talablarga javob beradigan yuqori malakali rahbarlar, shuningdek, xo?ijiy menejerlarni jalb etish choralarini koʻrish.Kompleks chora-tadbirlar2015 yil IV chorakVazirlar Mahkamasi ATD, vazirlik va idoralar, aksiyadorlik jamiyatlari45.Germaniya hamda boshqa iqtisodiy rivojlangan davlatlarning yetakchi taʼlim muassasalarini jalb etgan holda, tugatiladigan Oliy biznes maktabi negizida Korporativ boshqaruv ilmiy-taʼlim markazini tashkil etish.Vazirlar Mahkamasi qarori2015 yil 1-iyunga qadarDavlat raqobat qoʻmitasi, Moliya vazirligi, Iqtisodiyot vazirligi46.Korporativ boshqaruvchi malakasiga ega attestati mavjud shaxslardan davlatning ishonchli va davlat ulushi boʻyicha xoʻjalik jamiyatlarining kuzatuv kengashi aʼzolarini tayinlashni amaliyotga joriy etish.Normativ-huquqiy hujjat2016 yil 1 yanvardanDavlat raqobat qoʻmitasi, Moliya vazirligi, Iqtisodiyot vazirligi