Gʻuzor tumani mahalliy budjetning 2014-yildagi kutilayotgan ijrosi hamda 2015-yilgi budjeti parametrlari toʻgʻrisida (IV/35-113-son)

13.12.2014

Qashqadaryo viloyati Xalq deputatlari Gʻuzor tuman Kengashining

qarori

Oʻzbekiston Respublikasi Budjet kodeksining 27-moddasi, Oʻzbekiston Respublikasi Oliy Majlisi Senatining 2014-yil 13-noyabrdagi SQ-453-II-sonli “Oʻzbekiston Respublikasining 2015-yilgi Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi hamda Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasi 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2270-sonli va xalq deputatlari Qashqadaryo viloyat Kengashining 2014-yil 11-dekabrdagi “Viloyat mahalliy budjetining 2014-yildagi kutilayotgan ijrosi hamda 2015-yilgi budjeti parametrlari toʻgʻrisida”gi IV/44-143-sonli qarorlariga muvofiq “Mahalliy davlat hokimiyati toʻgʻrisida”gi Qonunining 24-moddasiga asosan Xalq deputatlari Gʻuzor tuman Kengashi qaror qiladi:

1. Oʻzbekiston Respublikasi Oliy Majlisi Senatining 2014-yil 13-noyabrdagi SQ-453-II-sonli “Oʻzbekiston Respublikasining 2015-yilgi Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi hamda Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasi 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2270-sonli, xalq deputatlari Qashqadaryo viloyat Kengashining 2014-yil 11-dekabrdagi “Viloyat mahalliy budjetining 2014-yildagi kutilayotgan ijrosi hamda 2015-yilgi budjeti parametrlari toʻgʻrisida”gi IV/44-143-sonli qarorlari rahbarlik va ijro uchun qabul qilinsin.

2. 2014-yil tuman mahalliy budjetining kutilayotgan ijrosi boʻyicha Gʻuzor tumani moliya boʻlimi mudiri A. Oymuradovning axboroti tasdiqlansin.

3. 2015-yil tuman mahalliy budjetining daromadlari 95 mlrd 26 mln 278 ming soʻm va xarajatlari 95 mlrd 26 mln 278 ming soʻm miqdorida ilovaga asosan tasdiqlansin.

4. Tuman hokimining iqtisodiyot va ijtimoiy rivojlantirish masalalari boʻyicha oʻrinbosari S. Gʻaniyev, mutasaddi tashkilotlar bilan birgalikda:

tumanda moliyaviy barqarorlikni taʼminlash, aholining daromadlari darajasini va turmush farovonligini oshirish yuzasidan choralar koʻrsinlar;

iqtisodiyot va aholi daromadlariga tushayotgan soliq yukini yanada kamaytirish, soliq solish tizimini soddalashtirish, soliq maʼmuriyatchiligini takomillashtirish, yangi korxonalar barpo etish va ishlab chiqarish hajmini oshirish hisobiga soliq bazasini koʻpaytirish boʻyicha choralar amalga oshirilishini taʼminlasinlar;

ijtimoiy sohaga yoʻnaltiriladigan budjet xarajatlarini, shu jumladan taʼlimni rivojlantirish, tibbiy xizmatlar sifatini yaxshilash, ijtimoiy infratuzilmani rivojlantirish xarajatlarini yanada koʻpaytirish yoʻli bilan aholi turmush farovonligini oshirish boʻyicha choralarni roʻyobga chiqarishni tashkil etsinlar;

tumanda ishlab chiqarilayotgan tovarlar va koʻrsatilayotgan xizmatlarning ichki hamda tashqi bozorlarda raqobatbardoshligini taʼminlash maqsadida iqtisodiyotda yangi yuqori texnologik korxonalar va ishlab chiqarishlar ildam rivojlantirilishini taʼminlashga, ishlab turgan quvvatlarni modernizatsiyalash va texnik yangilash jarayonlarini tezlashtirishga qaratilgan tarkibiy oʻzgartishlar dasturlarini amalga oshirishni, ishbilarmonlik muhitini hamda xoʻjalik yurituvchi subyektlarning moliyaviy barqarorligini davom ettirsinlar;

qishloq aholisining uy-joy sharoitlarini tubdan yaxshilash maqsadida qishloq joylarda tasdiqlangan namunaviy loyihalar asosida xususiy uy-joy qurilishi koʻlamini kengaytirish va sifatini oshirish boʻyicha choralar koʻrsinlar;

budjetlararo munosabatlarni takomillashtirish va birinchi navbatdagi xarajatlarni mahalliy budjetlardan oʻz vaqtida va toʻliq moliyalanishini taʼminlash boʻyicha ishlarni davom ettirsinlar;

budjet mablagʻlaridan va budjetdan tashqari mablagʻlardan maqsadli, manzilli va samarali foydalanilishi ustidan qatʼiy nazoratni oʻrnatsinlar.

5. Ushbu qarorning ijrosini nazorat qilish xalq deputatlari tuman Kengashining mahalliy budjetni shakllantirish va ijro etish, mahalliy soliqlar, yigʻimlarni belgilash, budjetdan tashqari fondlarni shakllantirish, iqtisodiy islohotlarni amalga oshirish va tadbirkorlikni rivojlantirish masalalari boʻyicha doimiy komissiyasi hamda tuman hokimining iqtisodiyot va ijtimoiy rivojlantirish masalalari boʻyicha oʻrinbosari S. Gʻaniyev zimmasiga yuklatilsin.

6. Xalq deputatlari Gʻuzor tuman Kengashining 2013-yil 30-dekabrdagi IV/28-81-sonli qarori 2015-yil 1-yanvardan oʻz kuchini yoʻqotgan deb hisoblansin.

7. Mazkur qaror rasman eʼlon qilingan kundan boshlab kuchga kiradi.

Xalq deputatlari tuman Kengashining raisi Sh. DONAYEV

Gʻuzor t.,

2014-yil 13-dekabr,

IV/35-113-son

Xalq deputatlari tuman kengashining 2014-yil 13-dekabrdagi IV/35-113-sonli qaroriga ILOVA

2015-yil uchun Gʻuzor tumani boʻyicha budjet daromadlarining reja

koʻrsatkichlari

(ming soʻmda) T/r Daromad turlari Gʻuzor tumani 1. Yuridik shaxslardan olinadigan foyda soligʻi 2. Savdo va umumiy ovqatlanish korxonalari uchun yagona soliq toʻlovidan Davlat budjetiga ajratmalar 2096835 3. Yagona soliq toʻlovidan Davlat budjetiga ajratmalar, shu jumladan kichik korxona va mikrofirmalar boʻyicha 1068108 4. Jismoniy shaxslardan olinadigan daromad soligʻi 42276919 5. Tadbirkorlik faoliyati bilan shugʻullanuvchi yuridik va jismoniy shaxslardan olinadigan qatʼiy belgilangan daromad soligʻi 1705088 6. Qoʻshilgan qiymat soligʻi 7. Aksiz soligʻi, jami shu jumladan: aroq boshqa vinolar pivo oʻsimlik (paxta) yogʻi 8. Yuridik shaxslarning mol-mulkiga solinadigan soliq 9. Jismoniy shaxslarning mol-mulkiga solinadigan soliq 1676573 10. Er soligʻi (yagona yer soligʻidan tashqari) 4802567 11. Yagona yer soligʻi 949194 12. Er osti boyliklaridan foydalanganlik uchun soliq 13. Suv resurslaridan foydalanganlik uchun soliq 2170922 14. Obodonlashtirish va ijtimoiy infratuzilmani rivojlantirish soligʻi 25077673 15. Davlat boji 1299576 16. Jarimalar 1632032 17. UzR IIV Yoʻl harakati xavfsizligi bosh boshqarmasi va uning hududiy boʻlinmalari tomonidan undiriladigan yigʻimlar 1722217 18. Bozorlar daromadidan tushum 411255 19. Mahalliy yigʻimlar 166012 20. Jismoniy shaxslardan transport vositalari uchun benzin, dizel yoqilgʻisi va gaz isteʼmol qilganlik uchun soliq 6037335 21. Boshqa tushumlar 1933972 Jami 95026278 Gʻuzor tuman mahalliy budjetining 2015-yilgi asosiy xarajat koʻrsatkichlari Xarajat turlarining Gʻuzor A 4 1. Qishloq va suv xoʻjaligi vazirligi 370413 2. Issiqlik energiyasi bilan taʼminlovchi tashkilotlar va korxonalar 3. Obodonlashtirish xarajatlari 2711316 Iqtisodiyot boʻyicha xarajatlar JAMI 3081729 1. Maorif 52298323 2. Madaniyat va ommaviy axborot vositalari 230995 3. Fan 4. Sogʻliqni saqlash 23372608 5. Jismoniy tarbiya 3675 6. Kadrlar tayyorlash 7. Ijtimoiy taʼminot 204604 Ijtimoiy-madaniy tadbir xarajatlarining JAMI 76110205 1. Davlat boshqaruv idoralarini saqlash xarajatlari 746228 2. Fuqarolarni oʻzini-oʻzi boshqarish idoralarini saqlash xarajatlari 1786599 3. Zaxira jamgʻarmalari 4. Boshqa sarf-xarajatlar 39460 Shundan: Koʻnikma xarajati 39460 Qabullar uyi xarajati 5. Mukofotlash xarajatlari 6. Kapital qoʻyilmalar xarajatlari Voyaga etmagan bolalari boʻlgan oilalarga nafaqalar 5489483 Ishlamaydigan onalarga bolasi 2 yoshga etkunga qadar parvarish uchun nafaqa 6626935 Kam taʼminlangan oilalarga moddiy yordam 1145639 Jami 250 boʻlim 13262057 1. Maxsus omborxona va chegara posbonlari xarajatlari 0 XARAJATLARNING JAMI 95026278