Tuman mahalliy budjetining 2014-yildagi kutilayotgan ijrosi hamda 2015-yilgi budjeti parametrlari toʻgʻrisida (IV-33/73-son)

19.12.2014

Qashqadaryo viloyati xalq deputatlari Yakkabogʻ tumani Kengashining

qarori

Oʻzbekiston Respublikasi Budjet kodeksining 99-moddasi, Oʻzbekiston Respublikasi Oliy Majlisi Senatining 2014-yil 13-noyabrdagi SQ-453-II-sonli “Oʻzbekiston Respublikasining 2015-yilgi Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi hamda Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasi 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2270-sonli hamda Xalq deputatlari viloyat Kengashining 2014-yil 11-dekabrdagi IV\44-143-sonli qarorlariga muvofiq “Mahalliy davlat hokimiyati toʻgʻrisida”gi Qonunining 24-moddasiga asosan Xalq deputatlari tuman Kengashi qaror qiladi:

1. Oʻzbekiston Respublikasi Oliy Majlisi Senatining 2014-yil 13-noyabrdagi SQ-453-P-sonli “Oʻzbekiston Respublikasining 2015-yilgi Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi hamda Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasi 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2270-sonli hamda Xalq deputatlari viloyat Kengashining 2014-yil 11-dekabrdagi IV\44-143 -sonli qarorlari rahbarlik va ijro uchun qabul qilinsin.

2. 2014-yil tuman mahalliy budjetining kutilayotgan ijrosi boʻyicha Yakkabogʻ tuman moliya boʻlimi (N. Moʻminov)ning axboroti tasdiqlansin.

3. 2015-yil tuman mahalliy budjetining daromadlari viloyatdan beriladigan maqsadli subvensiyalar bilan birgalikda 92 mlrd 67.1 mln soʻm va xarajatlari 92 mlrd 67.1 mln soʻm miqdorida ilovaga asosan tasdiqlansin.

4. Tuman hokimining oʻrinbosari, tuman hokimligi boʻlim boshliqlariga:

tumanda moliyaviy barqarorlikni taʼminlash, aholining daromadlari darajasini va turmush farovonligini oshirish yuzasidan choralar koʻrsinlar;

iqtisodiyot va aholi daromadlariga tushayotgan soliq yukini yanada kamaytirish, soliq solish tizimini soddalashtirish, soliq maʼmuriyatchiligini takomillashtirish, yangi korxonalar barpo etish va ishlab chiqarish hajmini oshirish hisobiga soliq bazasini koʻpaytirish boʻyicha choralar amalga oshirilishini taʼminlasinlar;

ijtimoiy sohaga yoʻnaltiriladigan budjet xarajatlarini, shu jumladan taʼlimni rivojlantirish, tibbiy xizmatlar sifatini yaxshilash, ijtimoiy infratuzilmani rivojlantirish xarajatlarini yanada koʻpaytirish yoʻli bilan aholi turmush farovonligini oshirish boʻyicha choralarni roʻyobga chiqarishni tashkil etsinlar;

tumanda ishlab chiqarilayotgan tovarlar va koʻrsatilayotgan xizmatlarning ichki hamda tashqi bozorlarda raqobatbardoshligini taʼminlash maqsadida iqtisodiyotda yangi yuqori texnologik korxonalar va ishlab chiqarishlar ildam rivojlantirilishini taʼminlashga, ishlab turgan quvvatlarni modernizatsiyalash va texnik yangilash jarayonlarini tezlashtirishga qaratilgan tarkibiy oʻzgartishlar dasturlarini amalga oshirishni, ishbilarmonlik muhitini hamda xoʻjalik yurituvchi subyektlarning moliyaviy barqarorligini davom ettirsinlar;

qishloq aholisining uy-joy sharoitlarini tubdan yaxshilash maqsadida qishloq joylarda tasdiqlangan namunaviy loyihalar asosida xususiy uy-joy qurilishi koʻlamini kengaytirish va sifatini oshirish boʻyicha choralar koʻrsinlar;

budjetlararo munosabatlarni takomillashtirish va birinchi navbatdagi xarajatlarni mahalliy budjetlardan oʻz vaqtida va toʻliq moliyalanishini taʼminlash boʻyicha ishlarni davom ettirsinlar;

budjet mablagʻlaridan va budjetdan tashqari mablagʻlardan maqsadli, manzilli va samarali foydalanilishi ustidan qatʼiy nazoratni oʻrnatsinlar.

5. Mazkur qarorning ijrosini nazorat qilish xalq deputatlari tuman Kengashining mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari boʻyicha doimiy komissiyasi hamda tuman hokimining iqtisodiyot va ijtimoiy rivojlantirish masalalari boʻyicha oʻrinbosari B. Doverov zimmasiga yuklatilsin.

6. Xalq deputatlari tuman Kengashining 2014-yil 3-fevraldagi IV/25-68-sonli qarori 2015-yil 1-yanvardan oʻz kuchini yoʻqotgan deb hisoblansin.

7. Mazkur qaror rasman eʼlon qilingan kundan boshlab kuchga kiradi.

Xalq deputatlari tuman Kengashining raisi A. JOʻRAYEV

Yakkabogʻ t.,

2014-yil 19-dekabr,

IV-33/73-son

Xalq deputatlari tuman Kengashining 2014-yil 19-dekabrdagi IV-33/73-sonli qaroriga ILOVA

Yakkabogʻ tuman mahalliy budjetining 2015-yilgi daromad va xarajatlarining

asosiy koʻrsatkichlari

I. Daromad turlari (ming soʻmda) 1. Yuridik shaxslardan olinadigan foyda soligʻi 500,1 2. Savdo va umumiy ovqatlanish korxonalari uchun yagona soliq toʻlovidan Davlat budjetiga ajratmalar 2404,4 3. Yagona soliq toʻlovidan Davlat budjetiga ajratmalar, shu jumladan kichik korxona va mikrofirmalar boʻyicha 2021,6 4. Jismoniy shaxslardan olinadigan daromad soligʻi 9956,3 5. Tadbirkorlik faoliyati bilan shugʻullanuvchi yuridik va jismoniy shaxslardan olinadigan qatʼiy belgilangan daromad soligʻi 2762,3 6. Qoʻshilgan qiymat soligʻi 3338,8 7. Aksiz soligʻi, jami 0 shu jumladan: aroq 0 boshqa vinolar 0 pivo 0 oʻsimlik (paxta) yogʻi 0 8. Yuridik shaxslarning mol-mulkiga solinadigan soliq 1447,8 9. Jismoniy shaxslarning mol-mulkiga solinadigan soliq 2014,0 10. Er soligʻi (yagona yer soligʻidan tashqari) 3051,2 11. Yagona yer soligʻi 1661,9 12. Er osti boyliklaridan foydalanganlik uchun soliq 13. Suv resurslaridan foydalanganlik uchun soliq 105,6 14. Obodonlashtirish va ijtimoiy infratuzilmani rivojlantirish soligʻi 280,5 15. Davlat boji 1634,7 16. Jarimalar 1441,0 17. OʻzR IIV Yoʻl harakati xavfsizligi Bosh boshqarmasi va uning hududiy boʻlin�alari tomonidan undiriladigan yigʻimlar 0 18. Bozorlar daromadidan tushum 281,5 19. Mahalliy yigʻimlar 146,3 20. Jismoniy shaxslardan transport vositalari uchun benzin, dizel yoqilgʻisi va gaz isteʼmol qilganlik uchun soliq 3803,8 21. Boshqa tushumlar 441,7 JAMI 37293,5 22. Viloyat budjetidan tuman mahalliy budjetiga beriladigan daromadlar 3543,7 23. Viloyat budjetidan tuman mahalliy budjetiga beriladigan subvensiyalar jami: 51229,9 shundan: xalq taʼlimi muassasalari ish haqisiga 27526,1 xalq taʼlimi muassasalari ish haqi ajratmasiga 8126,4 14 yoshgacha nafaqaga 6935,6 2 yoshgacha nafaqaga 8641,8 Kam taʼminlanganlik nafaqasiga 0 JAMI 92067,1 Yakkabogʻ tuman mahalliy budjetining 2015-yil asosiy koʻrsatkichlari (ming.soʻmda) Koʻrsatkichlar Budjet hajmi I. Xarajatlar — jami 92 067 124,0 1. Ijtimoiy soha va aholini ijtimoiy qoʻllab-quvvatlashga xarajatlar — jami 84 832 192,0 shu jumladan: 1.1. Maorif 45 526 779,0 umumiy taʼlim 45 526 779,0 kadrlar tayyorlash 0,0 1.2. Sogʻliqni saqlash 22 369 363,0 1.3. Madaniyat va sport, ommaviy axborot vositalari 264 998,0 madaniyat va ommaviy axborot vositalari 261 323,0 sport 3 675,0 1.4. Fan 0,0 1.5. Ijtimoiy taʼminot 164 718,0 1.6. Bolali oilalarga va kam taʼminlangan oilalarga nafaqalar 16 468 128,0 1.7. Davlat mukofotlarini toʻlash boʻyicha xarajatlar 0,0 1.8. Ijtimoiy koʻnikma markazlari 38 206,0 1.9. Isitish qozonxonalari va kommunal xoʻjalikning isitish tizimlarini kapital taʼmirlash 0,0 2. Iqtisodiyotga xarajatlar 4 382 571,0 shu jumladan: 2.1. Qishloq xoʻjaligi vazirligi tashkilotlari 467 833,0 2.2. Obodonlashtirish 3 914 738,0 3. Markazlashtirilgan investitsiyalarni moliyalashtirishga xarajatlar 0,0 4. Davlat boshqaruv organlarini saqlash 786 953,0 5. Fuqarolarning oʻzini oʻzi boshqarish organlarini saqlash 2 065 408,0 6. Zaxira jamgʻarmasi 0,0 7. Boshqa xarajatlar 0,0 shu jumladan: 7.1. Mahalliy budjetdan moliyalashtiriladigan boshqa muassasalar va tadbirlar 0,0 7.2. Qabullar uyini saqlash xarajatlari 0,0