Mehnatga layoqatsizlik varaqalarini berish tartibi toʻgʻrisidagi yoʻriqnomani tasdiqlash haqida (2667-son)

17.04.2015

OʻZBEKISTON RESPUBLIKASI SOGʻLIQNI SAQLASH VAZIRINING

buyrugʻi

[Oʻzbekiston Respublikasi Adliya vazirligi tomonidan 2015-yil 17-aprelda roʻyxatdan oʻtkazildi, roʻyxat raqami 2667]

Oʻzbekiston Respublikasining Mehnat kodeksi hamda “Fuqarolar sogʻligʻini saqlash toʻgʻrisida”gi Qonuniga muvofiq buyuraman:

1. Mehnatga layoqatsizlik varaqalarini berish tartibi toʻgʻrisidagi yoʻriqnoma ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. ALIMOV

Toshkent sh.,

2015-yil 20-mart,

25-son

Oʻzbekiston Respublikasi sogʻliqni saqlash vazirining 2015-yil 20-martdagi 25-son buyrugʻiga ILOVA

Mehnatga layoqatsizlik varaqalarini berish tartibi toʻgʻrisidagi

YOʻRIQNOMA

Mazkur Yoʻriqnoma mehnatga layoqatsizlik varaqalari va mehnatga layoqatsizlik maʼlumotnomalarini berish tartibini belgilaydi.

1-bob. Umumiy qoidalar

1. Mehnatga layoqatsizlik varaqasi shaxsni ishdan ozod qilish, vaqtincha mehnatga qobiliyatsizlik nafaqasi yoki homiladorlik va tugʻish nafaqasi toʻlash uchun asos boʻladigan hamda vaqtincha mehnatga layoqatsizlik bilan kechadigan kasallanishning hisobi yuritiladigan hujjat hisoblanadi.

Fuqarolarning kasalligi, shikastlanganligi, homiladorligi, tuqqanligi, oilaning betob aʼzosini parvarishlaganligi, protez qoʻydirganligi, sanatoriy-kurortda davolanganligi, shuningdek sogʻligʻi holatiga koʻra boshqa ishga oʻtkazish uchun va karantin tufayli mehnatga vaqtincha layoqatsizligini ekspertiza qilish natijalariga koʻra aniqlangan mehnatga vaqtincha layoqatsizligi mehnatga layoqatsizlik varaqasi bilan tasdiqlanadi.

2. Mehnatga layoqatsizlik maʼlumotnomasi shaxsni ishdan (oʻqishdan) ozod qilish uchun asos boʻladigan hamda vaqtincha mehnatga layoqatsizlik bilan kechadigan kasallanishning hisobi yuritiladigan hujjat hisoblanadi.

3. Quyidagilar mehnatga layoqatsizlik maʼlumotnomasi bilan tasdiqlanadi:

oʻquvchi, talaba, magistrant, klinik ordinator va katta ilmiy xodim-izlanuvchilarning oʻqishga vaqtincha layoqatsizligi;

alkogolga qaramlik natijasidagi kasalliklar va jarohatlar, shuningdek mastlik natijasida olingan jarohatlar;

xodimlarni davriy profilaktik tibbiy koʻrikdan oʻtkazilganligi;

harbiy xizmatga chaqiriluvchilarni ambulatoriya yoki statsionar sharoitda tibbiy koʻrikdan oʻtkazilganligi;

kasallikning kelib chiqishi kasb bilan bogʻliqligini aniqlash yuzasidan tekshiruv oʻtkazilganligi;

ayblanuvchi yoki sudlanuvchining sud ajrimi bilan tibbiy muassasaga joylashtirilganligi;

ambulatoriya sharoitida oʻn toʻrt yoshga toʻlmagan bolaning parvarishga muhtojlik davri oʻn toʻrt kalendar kundan oshganligi.

4. Mehnatga layoqatsizlik varaqalari va mehnatga layoqatsizlik maʼlumotnomalari, qoida tariqasida, davlat sogʻliqni saqlash tizimi, shu jumladan, vazirliklar, idoralar va boshqa davlat tashkilotlariga qarashli davolash-profilaktika muassasalarining davolovchi shifokorlari tomonidan Oʻzbekiston Respublikasi Sogʻliqni saqlash vazirligining Yagona tibbiy axborot tizimida (bundan buyon matnda tibbiy axborot tizimi deb yuritiladi) rasmiylashtiriladi.

5. Sogʻliqni saqlashning xususiy va boshqa xil tizimlariga tegishli davolash-profilaktika muassasalari mehnatga vaqtincha layoqatsizlikni ekspertiza qilish yoki tibbiy-ijtimoiy ekspertiza boʻyicha yetarli malakali xodimga ega boʻlgan taqdirda, mehnatga layoqatsizlik varaqalari va mehnatga layoqatsizlik maʼlumotnomalarini tibbiy axborot tizimida rasmiylashtirishga haqli. Bunda sogʻliqni saqlashning xususiy tizimidagi davolash-profilaktika muassasasi statsionar sharoitda faoliyat yuritayotgan boʻlishi zarur.

51. Rasmiylashtirilgan mehnatga layoqatsizlik varaqalari va mehnatga layoqatsizlik maʼlumotnomalari real vaqt rejimida Oʻzbekiston Respublikasi Yagona interaktiv davlat xizmatlari portaliga uzatiladi.

52. Fuqaro mehnatga layoqatsizlik varaqasini yoki mehnatga layoqatsizlik maʼlumotnomasini Oʻzbekiston Respublikasi Yagona interaktiv davlat xizmatlari portalidagi shaxsiy kabineti orqali yuklab olish imkoniyatiga ega.

Voyaga yetmagan shaxslarga beriladigan mehnatga layoqatsizlik varaqasi yoki mehnatga layoqatsizlik maʼlumotnomasi rasmiylashtirilgan kunning oʻzida davolash-profilaktika muassasalari tomonidan ushbu shaxslarga yoki ota-onasi yoxud oilasining boshqa aʼzolaridan biriga hamda oʻqish (ish) joyiga beriladi.

6. Quyidagi muassasalarning shifokorlari mehnatga layoqatsizlik varaqasi berishga haqli emas:

tez tibbiy yordam va qon bilan ishlash xizmati;

shifoxonalarning qabul boʻlimlari;

sud-tibbiy ekspertiza muassasalari;

pansionat va sanatoriy-kurortlar, sil kasalliklari sanatoriyalari bundan mustasno;

fizioterapiya, davolash fizkulturasi va sport tibbiyoti ixtisosliklari boʻyicha tibbiy muassasalar.

7. Olis hududlardagi davolash profilaktika muassasalarida bitta davolovchi shifokor faoliyat koʻrsatgan taqdirda, ushbu shifokor Qoraqalpogʻiston Respublikasi sogʻliqni saqlash vaziri, Toshkent shahar sogʻliqni saqlash boshqarmasi va viloyat sogʻliqni saqlash boshqarmalari (bundan buyon matnda sogʻliqni saqlash boshqarmalari deb yuritiladi) boshliqlarining buyrugʻiga asosan bir oygacha boʻlgan muddatga mehnatga layoqatsizlik varaqasi yoki mehnatga layoqatsizlik maʼlumotnomasini elektron axborot dasturida rasmiylashtirishi mumkin.

Kasallik bir oydan oshiq davom etgan holatlarda, olis hududlardagi davolash profilaktika muassasasining davolovchi shifokori bemorni tuman koʻp tarmoqli markaziy poliklinikasidagi tor soha mutaxassisi koʻrigi yoki statsionar davolanish uchun yoʻnaltiradi.

8. Mehnatga layoqatsizlik varaqalari ishlamaydigan shaxslarga, ish haqi saqlanmagan holda mehnat taʼtilida boʻlgan shaxslarga (mazkur Yoʻriqnomaning 29-bandi uchinchi xatboshisida nazarda tutilgan hollardan tashqari) va harbiy xizmatchilarga berilmaydi.

Mehnat shartnomasi Oʻzbekiston Respublikasi Mehnat kodeksining 100-moddasida nazarda tutilgan hollarda bekor qilingandan, harbiy xizmatchi muddatli harbiy xizmat safidan boʻshatilgandan keyin bir oy ichida mehnatga vaqtincha layoqatsizlik vujudga kelgan boʻlsa, mehnatga layoqatsizlik varaqasi beriladi.

2-bob. Kasallik va shikastlanganlik boʻyicha mehnatga layoqatsizlik varaqalari yoki mehnatga layoqatsizlik maʼlumotnomalari berish

9. Kasallik va shikastlanganlik boʻyicha mehnatga layoqatsizlik varaqasi yoki mehnatga layoqatsizlik maʼlumotnomasi mehnatga layoqatsiz shaxs murojaat qilgan yoxud davolangan davolash-profilaktika muassasasi tomonidan mehnatga layoqatsizlik aniqlangan kundan boshlab beriladi.

Mehnatga layoqatsizlik varaqasi yoki mehnatga layoqatsizlik maʼlumotnomasi oʻtkazib yuborilgan kunlarga berilmaydi. Mazkur Yoʻriqnomaning 14-bandi, 15-bandining birinchi xatboshisi, 25-bandi, 37-bandi hamda 46-bandida nazarda tutilgan hollar bundan mustasno.

Ish kuni yoki oʻqish tugaganidan soʻng murojaat qilinganda mehnatga layoqatsizlik aniqlansa, mehnatga layoqatsizlik varaqasi yoki mehnatga layoqatsizlik maʼlumotnomasi murojaat qilingan kuni, lekin ish yoki oʻqishdan keyingi kalendar kunidan ozod etilgan holda rasmiylashtiriladi.

Mehnatga layoqatsizlik varaqasi yoki mehnatga layoqatsizlik maʼlumotnomasi bemor shifokor tomonidan shaxsan koʻrikdan oʻtkazilgandan soʻng mehnatga layoqatsizlik aniqlanganda beriladi. Tashxis klinik va obyektiv maʼlumotlar (shikoyatlar, obyektiv holat) hamda laborator-instrumental tekshiruvlar natijalari bilan tasdiqlanadi va tibbiy hujjatlarda qayd qilinadi.

10. Ambulatoriya sharoitida davolanishda davolovchi shifokor yakka oʻzi besh kalendar kunigacha mehnatga layoqatsizlik varaqasi yoki mehnatga layoqatsizlik maʼlumotnomasi berish huquqiga ega.

Vaqtincha mehnatga layoqatsizlik besh kalendar kunidan oshganda mehnatga layoqatsizlik varaqasi yoki mehnatga layoqatsizlik maʼlumotnomasining muddati davolovchi shifokor va boʻlim mudiri tomonidan har safar oʻn kalendar kundan ortiq boʻlmagan muddatga uzaytiriladi.

11. Mehnatga layoqatli shaxslarga tekshiruv va davo muolajalari ishdan (oʻqishdan) boʻsh vaqtlarda amalga oshiriladi. Ushbu holatda mehnatga layoqatsizlik varaqasi yoki mehnatga layoqatsizlik maʼlumotnomasi berilmaydi.

Ish (oʻqish) vaqtida ayrim tekshiruvni kechiktirib boʻlmaydigan holatlarda yoki murakkab tekshiruvlar (endoskopiya, kolonoskopiya va boshqalar) oʻtkazilganda mehnatga layoqatsizlik varaqasi tekshiruv oʻtkazilgan kunga (kunlarga) beriladi.

12. Xizmat safari, mehnat taʼtili va boshqa sabablarga koʻra yashash joyida boʻlmagan shaxslarga mehnatga layoqatsizlik varaqasi yoki mehnatga layoqatsizlik maʼlumotnomasi bemor vaqtincha boʻlgan joydagi davolash-profilaktika muassasasi tomonidan bosh shifokor ruxsati bilan beriladi. Bemorning ahvoli yaxshilangach, davolanganligi toʻgʻrisida ambulator kartasidan koʻchirma berilgan holda yashash joyiga yuboriladi.

13. Travmatologik va shoshilinch tibbiy yordam punktlari, shuningdek vazirliklar, idoralar va boshqa tashkilotlardagi tibbiy vrachlik punktlari shifokorlari uch kalendar kunigacha mehnatga layoqatsizlik varaqasi yoki mehnatga layoqatsizlik maʼlumotnomasi berish huquqiga ega. Ushbu shifokorlar tomonidan berilgan mehnatga layoqatsizlik varaqasi yoki mehnatga layoqatsizlik maʼlumotnomasi hududiy yoki mazkur tashkilotga xizmat koʻrsatuvchi davolash-profilaktika muassasasi tomonidan uzaytirilishi mumkin.

14. Bemor tungi vaqtda tibbiy punktdagi feldsherga murojaat qilganda, unga birlamchi tibbiy yordam koʻrsatilganligi toʻgʻrisida erkin shaklda maʼlumotnoma beriladi va tegishli davolash-profilaktika muassasasiga yuboriladi. Ushbu holatda vaqtincha mehnatga layoqatsizlik holati aniqlanganda, tegishli davolash-profilaktika muassasasi tomonidan bemor tibbiy punktga murojaat qilgan kundan boshlab mehnatga layoqatsizlik varaqasi yoki mehnatga layoqatsizlik maʼlumotnomasi beriladi.

15. Statsionar yoki uning qoshidagi kunduzgi statsionarda davolangan bemorlarga mehnatga layoqatsizlik varaqasi yoki mehnatga layoqatsizlik maʼlumotnomasi davolovchi shifokor hamda boʻlim mudiri tomonidan davolanishning barcha davri uchun bemorning shifoxonadan chiqish paytida bir yoʻla beriladi.

Statsionar yoki uning qoshidagi kunduzgi statsionarda davolangan bemorning mehnat qobiliyati tiklanmagan taqdirda davolovchi shifokor hamda boʻlim mudiri tomonidan bemorga hududiy yoki boshqa davolash-profilaktika muassasalariga murojaat qilishi uchun uch kalendar kunidan ortiq boʻlmagan muddatga uzaytirilgan va yopilmagan holda mehnatga layoqatsizlik varaqasi yoki mehnatga layoqatsizlik maʼlumotnomasi beriladi.

Poliklinika qoshidagi kunduzgi hamda uydagi statsionarda vaqtincha mehnatga layoqatsizlik varaqasi umumiy asosda rasmiylashtiriladi.

16. Tez-tez va uzoq kasallanuvchi bemorlarga mehnatga layoqatsizlik varaqasi yoki mehnatga layoqatsizlik maʼlumotnomasi davolash-profilaktika muassasasi bosh shifokorining buyrugʻi asosida biriktirilgan shifokor tomonidan beriladi va bu haqda bemorga va uning ish (oʻqish) joyiga maʼlum qilinadi. Biriktirilgan shifokorning sohasiga tegishli boʻlmagan kasallik aniqlanganda, mehnatga layoqatsizlik varaqasi yoki mehnatga layoqatsizlik maʼlumotnomasi tegishli mutaxassis bilan birgalikda beriladi (uzaytiriladi).

Biriktirilgan shifokor ishda boʻlmaganda bemorga mehnatga layoqatsizlik varaqasi yoki mehnatga layoqatsizlik maʼlumotnomasi boshqa shifokor tomonidan boʻlim mudiri yoki bosh shifokor bilan birgalikda beriladi.

17. OITSga qarshi kurashish markazlari va sil, ruhiy-asab, narkologiya, teri-tanosil kasalliklari dispanserlari shifokorlari tomonidan mehnatga layoqatsizlik varaqalari vaqtincha mehnatga layoqatsizlikning barcha davriga beriladi.

OIV infeksiyasi, sil, ruhiy-asab, narkologiya, teri-tanosil kasalliklariga chalingan bemorlar umumiy yoʻnalishdagi davolash-profilaktika muassasalariga murojaat qilganda, mehnatga layoqatsizlik varaqasi uch kalendar kunigacha rasmiylashtiriladi va ixtisosligi boʻyicha tegishli davolash-profilaktika muassasasiga yuboriladi.

18. Yillik asosiy va qoʻshimcha taʼtillar, oʻqish bilan bogʻliq taʼtillar va ijodiy taʼtillar vaqtida, shuningdek ishlaydigan pensionerlarning vaqtincha mehnatga layoqatsizlik davri uchun mehnatga layoqatsizlik varaqasi umumiy asoslarda beriladi.

Ishdan ajralmagan holda oʻqiyotgan yoki oʻqishdan boʻsh vaqtda ishlayotgan shaxslarga bir vaqtning oʻzida mehnatga layoqatsizlik varaqasi va taʼlim olayotgan shaxslar uchun mehnatga layoqatsizlik maʼlumotnomasi beriladi.

20. Alkogolga qaramlik natijasida kelib chiqadigan kasalliklar va jarohatlarda, shuningdek bemorning mastligi natijasida olingan jarohatlarda mastlik holati boʻyicha mehnatga layoqatsizlik maʼlumotnomasi rasmiylashtiriladi.

Jarohat bemorning mastligiga bogʻliq boʻlmagan holda olinganligi (yetkazilganligi) sudning qonuniy kuchga kirgan qarori bilan tasdiqlanganda mastlik holati boʻyicha mehnatga layoqatsizlik maʼlumotnomasi mehnatga layoqatsizlik varaqasiga almashtiriladi.

Mastlik holati boʻyicha mehnatga layoqatsizlik maʼlumotnomasining amal qilish davrida oʻz xususiyatiga koʻra ogʻirroq boshqa kasallik (miokard infarkti, xavfli oʻsma kasalligi, sil va boshqalar) vujudga kelganda, yangi kasallik aniqlangan kundan boshlab mehnatga layoqatsizlik varaqasi rasmiylashtiriladi.

21. Alkogol mahsulotlarini isteʼmol qilish mehnatga vaqtincha layoqatsizlikning davom etishiga sabab boʻlayotganligi aniqlanganda, mehnatga layoqatsizlik varaqasining “Tartib buzilganligi toʻgʻrisida qaydlar” satriga tegishli yozuv kiritilgan holda uning muddati shu kundan boshlab toʻxtatiladi va bemorga mastlik holati boʻyicha mehnatga layoqatsizlik maʼlumotnomasi rasmiylashtiriladi.

22. Oʻzbekiston Respublikasi Vazirlar Mahkamasining 2022-yil 8-fevraldagi 62-son qarori bilan tasdiqlangan Tibbiy-ijtimoiy ekspert komissiyalari toʻgʻrisidagi nizomning 11-ilovasidagi Fuqarolarni tibbiy-ijtimoiy ekspert komissiyalariga yoʻllashdan oldin davolanish lozim boʻlgan muddatlar, nogironlikka olib keluvchi asosiy kasalliklar roʻyxati va ushbu kasalliklarda nogironlikni elektron belgilash mezonlari asosida bemor tegishli tibbiy-ijtimoiy ekspert komissiyasiga (bundan buyon matnda TIEK deb yuritiladi) yuboriladi.

Nogironlik belgilari aniq koʻrinib turgan shaxslar, anatomik nuqsonlari boʻlgan, shuningdek noxush klinik prognozli bemorlar yuqoridagi Fuqarolarni tibbiy-ijtimoiy ekspert komissiyalariga yoʻllashdan oldin davolanish lozim boʻlgan muddatlar, nogironlikka olib keluvchi asosiy kasalliklar roʻyxati va ushbu kasalliklarda nogironlikni elektron belgilash mezonlarida koʻrsatib oʻtilgan muddatlar oʻtmasdan turib ham tibbiy-ijtimoiy ekspert komissiyasiga yuborilishi mumkin. Ushbu shaxslarni tibbiy koʻrikdan oʻtkazishga qabul qilish toʻgʻrisidagi qaror TIEK raisi tomonidan qabul qilinadi.

23. Ishlaydigan nogironligi boʻlgan shaxslarga mehnatga layoqatsizlik varaqasi kasallik uzluksiz kechganda ikki oygacha, tanaffus bilan kechganda oʻn ikki oy mobaynida jami uch oygacha boʻlgan muddatga beriladi.

Oʻzbekiston Respublikasi Oliy Kengashi Rayosati va Vazirlar Mahkamasining 1992-yil 6-apreldagi 170-son “Chernobil halokatidan ziyon koʻrgan Oʻzbekiston Respublikasida istiqomat qiluvchi fuqarolarni ijtimoiy himoyalash haqida”gi qaroriga asosan, ishlovchi Chernobil AESdagi halokat oqibatini bartaraf etish bilan bogʻliq holda nogiron boʻlganlarga mehnatga layoqatsizlik varaqasi yoki mehnatga layoqatsizlik maʼlumotnomasi uzluksiz toʻrt oygacha, tanaffus bilan oʻn ikki oy mobaynida jami besh oygacha beriladi.

24. Bemor TIEKga yuborilganda mehnatga layoqatsizlik varaqasi yoki mehnatga layoqatsizlik maʼlumotnomasining muddati bemor TIEKga yuborilgan kundan boshlab toʻxtatiladi. Mazkur bemorlar hujjatlari TIEKda qabul qilingan kundan boshlab yigirma kalendar kun muddat ichida tibbiy koʻrik oʻtkaziladi.

TIEK tomonidan nogironlik belgilanmagan, lekin vaqtincha mehnatga layoqatsiz deb topilgan shaxslarning mehnatga layoqatsizlik varaqasi davolash-profilaktika muassasasi tomonidan bemorning hujjatlari TIEKda qabul qilingan kundan boshlab uning mehnat qobiliyati tiklangunga qadar, ammo ikki oydan ortiq boʻlmagan muddatga uzaytiriladi.

25. Chet elda vaqtincha boʻlgan vaqtda kasallanganlik yoki chet elda davolanganlik toʻgʻrisidagi hujjatlarning davlat yoki rus tilidagi notarial tasdiqlangan tarjimasi taqdim qilinganda, mehnatga layoqatsizlikni tasdiqlovchi asoslarni inobatga olib, bemorning yashash yoki ish joyidagi davolash-profilaktika muassasasining vrachlik maslahat komissiyasi tomonidan mehnatga layoqatsizlik varaqasi rasmiylashtiriladi.

26. Oʻzbekiston Respublikasida ishlaydigan yoki oʻqiydigan chet el fuqarolariga mehnatga layoqatsizlik varaqasi yoki mehnatga layoqatsizlik maʼlumotnomasi umumiy asosda beriladi. Ishlamaydigan yoki oʻqimaydigan chet el fuqarolariga tibbiy xizmat koʻrsatilganda, ularga davolash-profilaktika muassasasi rahbari tomonidan imzolangan va muhrlangan kasallik tarixi yoki ambulator kartadan batafsil koʻchirma beriladi.

3-bob. Homiladorlik va tugʻish boʻyicha mehnatga layoqatsizlik varaqalari berish

27. Homiladorlik va tugʻish boʻyicha mehnatga layoqatsizlik varaqasi homiladorlikning oʻttizinchi haftasidan boshlab hududiy ambulator-poliklinikalarning, akusher-ginekolog (umumiy amaliyot shifokori) tomonidan bosh shifokor oʻrinbosari bilan birgalikda bir yoʻla bir yuz yigirma olti kalendar kuniga beriladi.

Tugʻish qiyin kechgan yoki ikki va undan ortiq bola tugʻilgan hollarda homiladorlik va tugʻish taʼtilini uzaytirish uchun tugʻruq muassasasi tomonidan yana oʻn toʻrt kalendar kuniga mehnatga layoqatsizlik varaqasi beriladi.

28. Homiladorlikning oʻttizinchi haftasidan ilgari tugʻish holatlarida mehnatga layoqatsizlik varaqasi tugʻruq muassasasi tomonidan bola tugʻilgan kundan boshlab quyidagi muddatlarga beriladi:

bola tirik tugʻilganda — bir yuz yigirma olti kalendar kunga;

bola oʻlik tugʻilgan yoki tugʻruq muassasasidan chiqqunga qadar nobud boʻlganda — yetmish kalendar kunga.

Homiladorlikning oʻttizinchi haftasidan keyin murojaat qilinganda tugʻishga qadar necha kun qolganidan qatʼi nazar, mehnatga layoqatsizlik varaqasi murojaat qilgan kundan toʻliq bir yuz yigirma olti kalendar kuniga beriladi.

29. Tugʻish vaqtida yoki tugʻishdan keyingi davrda ona vafot etgan kundan boshlab, tugʻilgan bolani (bolalarni) parvarish qiluvchi shaxsga, bola tugʻilgan kunidan eʼtiboran ellik olti kalendar kuni, ikki yoki undan ortiq bola tugʻilganda yetmish kalendar kunigacha hududiy ambulator poliklinikasi tomonidan mehnatga layoqatsizlik varaqasi beriladi.

Bevosita tugʻruq muassasasi yoki boshqa muassasadan yangi tugʻilgan bolani farzandlikka olgan yoki bolaga vasiy qilib belgilangan shaxsga bola farzandlikka olingan (vasiylik belgilangan) kundan boshlab bola tugʻilgan kundan eʼtiboran ellik olti kalendar kungacha, ikki yoki undan ortiq bola asrab olingan taqdirda esa, yetmish kalendar kungacha hududiy ambulator poliklinika tomonidan mehnatga layoqatsizlik varaqasi beriladi.

Bola ikki va uch yoshga toʻlgunga qadar parvarishlash uchun beriladigan taʼtil yoki ish haqi saqlanmagan holda qoʻshimcha taʼtilda boʻlgan ayollarning takroriy homiladorligi uchun mehnatga layoqatsizlik varaqasi umumiy asosda beriladi.

30. Davolash-profilaktika muassasasida homila sunʼiy tushirilganda, shuningdek homila tushganda mehnatga layoqatsizlik varaqasi mehnatga layoqatsizlikning butun davriga beriladi.

4-bob. Oilaning betob aʼzosini parvarishlaganlik boʻyicha mehnatga layoqatsizlik varaqalari va mehnatga layoqatsizlik maʼlumotnomalari berish

31. Ambulatoriya sharoitida parvarishga muhtoj boʻlgan oʻn toʻrt yoshdan katta bemorni parvarishlash uchun yetti kalendar kunidan oshmagan muddatga mehnatga layoqatsizlik varaqasi beriladi.

Ushbu holatda mehnatga layoqatsizlik varaqasi bemor bilan birga yashash yoki yashamasligi hamda mehnat taʼtilida ekanligidan qatʼi nazar, bemorning oila aʼzolari yoki qarindoshlaridan biriga beriladi.

32. Ambulatoriya sharoitida parvarishga muhtoj boʻlgan oʻn toʻrt yoshga yetmagan bemor bolani parvarishlash uchun uning onasiga oʻn toʻrt kalendar kunidan oshmagan muddatga mehnatga layoqatsizlik varaqasi beriladi.

Ona boʻlmagan yoki betob boʻlganda mehnatga layoqatsizlik varaqasi bemor bilan birga yashash yoki yashamasligidan qatʼi nazar, boshqa oila aʼzolariga beriladi.

33. Ambulatoriya sharoitida oʻn toʻrt yoshga toʻlmagan bolaning parvarishga muhtojlik davri oʻn toʻrt kalendar kunidan oshganda bola sogʻaygan yoki surunkali kasallikning remissiya davriga oʻtganga qadar bemor bolani parvarishlaganlik boʻyicha mehnatga layoqatsizlik maʼlumotnomasi beriladi.

Ushbu holatda bolaning oldingi kasalligiga bogʻliq boʻlmagan yangi kasallik yuzaga kelsa yoki oilaning boshqa farzandi kasal boʻlib qolsa, umumiy asoslarda mehnatga layoqatsizlik varaqasi rasmiylashtiriladi.

34. Bola statsionarga yuborilganda mehnatga layoqatsizlik varaqasi yoki bemor bolani parvarishlaganlik boʻyicha mehnatga layoqatsizlik maʼlumotnomasi bola statsionarga qabul qilingan kundan yopiladi. Agarda bola statsionardan chiqqandan keyin uning parvarishga muhtojligi davom etsa, statsionarga qabul qilingan kunga qadar berilgan mehnatga layoqatsizlik varaqasining kunlari chegirilgan holda mehnatga layoqatsizlik varaqasi yoki bemor bolani parvarishlaganlik boʻyicha mehnatga layoqatsizlik maʼlumotnomasi beriladi.

341. Statsionar sharoitda faoliyat yuritayotgan davolash-profilaktika muassasalarida nogironligi boʻlgan bolani parvarishlayotgan uning otasi yoki onasiga (ularning oʻrnini bosuvchi shaxsga) yoxud oilaning boshqa aʼzosiga mazkur davr uchun mehnatga layoqatsizlik varaqasi beriladi.

35. Oilada bir vaqtning oʻzida ikki va undan ortiq oʻn toʻrt yoshga toʻlmagan bola kasallikka chalinsa, ularni ambulatoriya sharoitida parvarish qilish boʻyicha bitta mehnatga layoqatsizlik varaqasi yoki bemor bolani parvarishlaganlik boʻyicha mehnatga layoqatsizlik maʼlumotnomasi beriladi.

Oilada ikki va undan ortiq oʻn toʻrt yoshga toʻlmagan bola navbatma-navbat kasallikka chalinsa, mehnatga layoqatsizlik varaqasi yoki bemor bolani parvarishlaganlik boʻyicha mehnatga layoqatsizlik maʼlumotnomasi ularning har biri boʻyicha alohida beriladi.

Agar birinchi bolaning kasalligi davrida boshqa bola kasallikka chalinsa, keyingi bolani parvarish qilish boʻyicha mehnatga layoqatsizlik varaqasi birinchi bola uchun berilgan mehnatga layoqatsizlik varaqasi yopilganidan keyin, ushbu varaqa boʻyicha mos tushgan kunlar chiqarib tashlangan holda beriladi.

36. Ona yoki uning oʻrnini bosuvchi shaxs kasal boʻlganda yoki boshqa farzandi bilan statsionarda boʻlganda uch yoshga toʻlmagan sogʻlom bolani parvarishlash uchun qarindoshlariga hududiy poliklinikasi vrachlik maslahat komissiyasi tomonidan ona boʻlmagan muddat uchun bir yoʻla oʻn toʻrt kungacha mehnatga layoqatsizlik varaqasi beriladi.

37. Maktabgacha taʼlim tashkilotida yoki olti yoshga toʻlmagan bolaga oʻrnatilgan karantin davrida bolaga qarash uchun ota-onasidan biriga yoki oilaning boshqa aʼzosiga karantin belgilangan muddatga Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining hududiy boʻlinmalari tomonidan mehnatga layoqatsizlik varaqasi beriladi.

38. Statsionar sharoitda uch yoshga toʻlmagan bolani parvarishlash uchun qarovni taʼminlaydigan shaxsga davolashning barcha davriga mehnatga layoqatsizlik varaqasi beriladi.

Statsionarda davolanish vaqtida bolaning kasalligi ogʻir kechgan hollarda davolovchi shifokor hamda boʻlim mudirining bemor bola qoʻshimcha parvarishga muhtojligi toʻgʻrisidagi xulosasiga asosan, ota-onasidan biriga yoki oilaning boshqa aʼzosiga qarovni taʼminlash uchun mehnatga layoqatsizlik varaqasi beriladi.

OIV infeksiyasini yuqtirgan bolaning ota-onasidan biriga yoki oilaning boshqa aʼzosiga bola shifoxonada yotgan barcha davr uchun bir yoʻla mehnatga layoqatsizlik varaqasi beriladi.

39. Oilaning betob aʼzosini parvarishlash boʻyicha mehnatga layoqatsizlik varaqasi xodim mehnat taʼtilida boʻlgan davrda ham umumiy asosda beriladi.

5-bob. Protez qoʻydirganlik uchun mehnatga layoqatsizlik varaqalari berish

40. Oʻzbekiston Respublikasi Prezidenti huzurida Ijtimoiy himoya milliy agentligining Nogironligi boʻlgan shaxslarni reabilitatsiya qilish va protezlash milliy markazi, nogironligi boʻlgan shaxslarni reabilititsiya qilish va protezlash hududiy markazlarida protez qoʻydirgan shaxslarga bemorning markazda boʻlgan barcha davri uchun mehnatga layoqatsizlik varaqasi beriladi.

6-bob. Sanatoriy-kurortda davolanganlik uchun mehnatga layoqatsizlik varaqalari berish

41. 1941 — 1945-yillardagi urush qatnashchilari va urushdan nogironligi boʻlgan shaxslarga, sobiq baynalminalchi jangchilariga, Chernobil AES halokati oqibatlarini tugatishda qatnashgan shaxslarga, sil kasalligi bilan ogʻrigan bemorlarga, shuningdek davolanish va yakka parvarishga muhtojligi toʻgʻrisida tibbiy xulosa mavjud boʻlganda oʻn olti yoshga toʻlmagan nogironligi boʻlgan bolaga hamroh boʻlib boradigan ishlovchi ota-onalaridan biriga (vasiyga) vrachlik maslahat komissiyasi tomonidan sanatoriy-kurortda davolanishning barcha davriga (borish-kelish vaqtini hisobga olgan holda) mehnatga layoqatsizlik varaqasi beriladi.

42. Sanatoriy-kurortda davolanish davrida kasallik (jarohat) tufayli vaqtincha mehnatga layoqatsizlik yuzaga kelsa, ushbu muassasa shifokorining tavsiyasi asosida sanatoriy joylashgan hududdagi davolash-profilaktika muassasasi tomonidan vaqtincha layoqatsizlikning barcha davriga mehnatga layoqatsizlik varaqasi beriladi.

7-bob. Sogʻligʻi holatiga koʻra boshqa ishga oʻtkazish uchun mehnatga layoqatsizlik varaqalari berish

43. Sil kasalligi yoki kasb kasalligiga chalinganligi sababli mehnat qobiliyatini vaqtincha yoʻqotgan shaxs davolanish tartibini buzmagan holda boshqa ishni bajarish imkoniga ega boʻlsa, unga vrachlik maslahat komissiyasi tomonidan Oʻzbekiston Respublikasi Mehnat kodeksining 364-moddasiga asosan ikki oydan ortiq boʻlmagan muddatga mehnatga layoqatsizlik varaqasi beriladi.

44. Chernobil AES halokatidan ziyon koʻrgan mehnat qobiliyatini vaqtincha yoʻqotgan shaxs davolanish tartibini buzmagan holda boshqa ishni bajarish imkoniga ega boʻlsa, vrachlik maslahat komissiyasi tomonidan bemorning ish qobiliyati tiklangan yoki nogironlik belgilangan kungacha boʻlgan muddatga mehnatga layoqatsizlik varaqasi beriladi.

8-bob. Karantinda vaqtincha mehnatga layoqatsizlik varaqalari berish

45. Bajarayotgan ishining xususiyatiga koʻra yuqumli, parazitar kasalliklarni tarqatish xavfini tugʻdiradigan shaxslar ishdan chetlashtirilib, ish beruvchi tomonidan mumkin boʻlgan ish bilan taʼminlanmaganda, davolanish davriga mehnatga layoqatsizlik varaqasi beriladi.

46. Bajarayotgan ishining xususiyatiga koʻra yuqumli, parazitar kasalliklarni tarqatish xavfini tugʻdiradigan shaxslar ishdan chetlashtirilganda yoki atrofdagilar uchun xavfli boʻlgan yuqumli va parazitar kasalliklar bilan ogʻrigan bemorlarga, parazitar kasalliklar bilan zararlangan deb gumon qilinishi munosabati bilan tibbiyot muassasasida karantinga olingan shaxslarga mehnatga layoqatsizlik varaqasi karantinda boʻlgan toʻliq kunlariga tegishli davolash-profilaktika muassasasi tomonidan beriladi.

Yuqumli, parazitar kasalliklar bilan zararlanishi yoki zararlangan deb gumon qilinishi munosabati bilan vaqtinchalik karantinda saqlashga moslashtirilgan majmuada karantinga olingan shaxslarga mehnatga layoqatsizlik varaqasi karantinda boʻlgan toʻliq kunlariga Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining hududiy boʻlinmalari epidemiologi yoki sanitar vrachi tomonidan beriladi.

Uy sharoitida karantinga olingan shaxslarga hamda karantinga olingan shaxslarning 14 yoshgacha boʻlgan bolasini parvarish qilayotgan shaxslarga mehnatga layoqatsizlik varaqasi karantinda boʻlgan toʻliq kunlariga ularning yashash joyidagi poliklinika tomonidan beriladi.

47. Karantin davrida mazkur Yoʻriknomaning 46-bandida nazarda tutilgan shaxslar tomonidan mehnatga layokatsizlik varaqasi ish beruvchiga elektron shaklda yuborilishi mumkin.

9-bob. Mehnatga layoqatsizlik varaqalari hamda mehnatga layoqatsizlik maʼlumotnomalarini rasmiylashtirish

48. Mehnatga layoqatsizlik varaqalari mazkur Yoʻriqnomaning 1-ilovasiga muvofiq shaklda rasmiylashtiriladi.

Mastlik holati boʻyicha mehnatga layoqatsizlik maʼlumotnomasi mazkur Yoʻriqnomaning 2-ilovasiga, taʼlim olayotgan shaxslar uchun mehnatga layoqatsizlik maʼlumotnomasi 3-ilovasiga, bemor bolani parvarishlash uchun mehnatga layoqatsizlik maʼlumotnomasi 4-ilovasiga muvofiq shaklda rasmiylashtiriladi. Ushbu Yoʻriqnomaning2-bandida nazarda tutilgan boshqa holatlar boʻyicha mehnatga layoqatsizlik maʼlumotnomalari tibbiy hujjatlar asosida erkin shaklda beriladi.

49. Mehnatga layoqatsizlik varaqalari va mehnatga layoqatsizlik maʼlumotnomalari pasport yoki identifikatsiya ID-kartasi, tugʻilganlik guvohnomasi (voyaga yetmagan shaxslar uchun) asosida qisqartirishlarsiz rasmiylashtiriladi.

50. Yakuniy tashxis (Nomi va KXT-10 kodi) satrida mehnatga vaqtincha layoqatsizlikka sabab boʻluvchi kasallik sindrom va simptomlarsiz koʻrsatilishi lozim.

Mehnatga layoqatsizlik varaqasi va mehnatga layoqatsizlik maʼlumotnomasining shifr raqamining ketma-ketligi har yili yangidan boshlanadi va Tibbiy axborot tizimiga quyidagi koʻrinishda kiritiladi:

1) Toshkent shahri — 01TSN XXXXXX25 (shrift oxiridagi ikkita son mehnatga layoqatsizlik varaqasi rasmiylashtirilgan yil);

2) Qoraqalpogʻiston Respublikasi — 02QR XXXXXX25;

3) Andijon viloyati — 03AV XXXXXX25;

4) Buxoro viloyati — 04BV XXXXXX25;

5) Jizzax viloyati — 05JV XXXXXX25;

6) Qashqadaryo viloyati — 06QV XXXXXX25;

7) Navoiy viloyati — 07NvV XXXXXX25;

8) Namangan viloyati — 08NmV XXXXXX25;

9) Samarqand viloyati — 09SaV XXXXXX25;

10) Sirdaryo viloyati — 10SiV XXXXXX25;

11) Surxondaryo viloyati — 11SuV XXXXXX25;

12) Toshkent viloyati — 12TV XXXXXX25;

13) Fargʻona viloyati — 13FV XXXXXX25;

14) Xorazm viloyati — 14XV XXXXXX25.

“Tartib” satrida bemor davolanayotgan tegishli tartib (ambulator, statsionar, sanator va boshqa) koʻrsatiladi.

Tartib buzilganligi toʻgʻrisidagi qaydlar satrida belgilangan tartib buzilganligi (qabulga belgilangan vaqtda kelmaslik, mastlik, man etilgan ishni bajarish, vaqtincha mehnatga layoqatsizlik davrida ruxsatsiz boshqa joyga joʻnab ketish yoki ishga chiqish va boshqalar) haqidagi maʼlumotlar, tartibning buzilishining sababi va sanasi qayd qilinadi.

Mehnatga vaqtincha layoqatsizligi davom etayotgan bemor shifokor tomonidan belgilangan muddatda uning qabuliga kelmasa, mehnatga layoqatsizlik varaqasi yoki mehnatga layoqatsizlik maʼlumotnomasi oʻtkazib yuborilgan kunlar hisobga olinmagan holda murojaat qilgan kundan uzaytiriladi.

Bemor shifokor qabuliga kelmagan kunlarda uning mehnat qobiliyati tiklangan boʻlsa, mehnatga layoqatsizlik varaqasi yoki mehnatga layoqatsizlik maʼlumotnomasi u qabulga kelgan sana bilan yopiladi.

51. Mehnatga layoqatsizlik varaqasi va mehnatga layoqatsizlik maʼlumotnomasi davolovchi shifokor tomonidan rasmiylashtirilganidan soʻng, davolash-profilaktika muassasasining vakolatli shaxsi (bosh shifokor, bosh shifokor oʻrinbosari yoki mudir) tomonidan elektron imzo bilan tasdiqlanadi.

Mehnatga vaqtincha layoqatsizlik davri uzaytirilganda tibbiy axborot tizimi orqali mehnatga vaqtincha layoqatsizlik davri ham uzaytiriladi hamda uzaytirishning sabablari koʻrsatiladi.

Fuqaro shaxsiy maʼlumotlar yoki unga qoʻyilgan tashxisdagi texnik xatolik yuzasidan mazkur mehnatga layoqatsizlik varaqalari va mehnatga layoqatsizlik maʼlumotnomalari rasmiylashtirilgan davolash-profilaktika muassasasiga yozma yoki elektron tarzda murojaat qilganda, mazkur murojaat davolash-profilaktika muassasasiga kelib tushgan kundan eʼtiboran bir ish kuni ichida tibbiy axborot tizimi orqali mehnatga layoqatsizlik varaqalari va mehnatga layoqatsizlik maʼlumotnomalariga tuzatishlar kiritiladi hamda bu haqda tibbiy axborot tizimiga tegishli maʼlumotlar kiritiladi.

53. Mehnatga layoqatsizlik varaqasi yoki mehnatga layoqatsizlik maʼlumotnomasining rekvizitlari bolaning rivojlanish tarixida, bemorning kasallik tarixida hamda mehnatga layoqatsizlik varaqalarini roʻyxatga olish va vrachlik maslahat komissiyasi xulosalarini qayd qilish kitobida qayd etiladi.

11-bob. Shifokorlarning javobgarligi va ularning faoliyati ustidan shikoyat qilish

59. Mehnatga layoqatsizlik varaqasi yoki mehnatga layoqatsizlik maʼlumotnomasini notoʻgʻri rasmiylashtirgan, asossiz bergan xodimlar qonunchilik hujjatlarida belgilangan tartibda javobgarlikka tortiladi.

60. Mehnatga vaqtincha layoqatsizlikni ekspertiza qilishda qonunchilik hujjatlari talablariga rioya etilishi uchun javobgarlik davolash-profilaktika muassasalari rahbarlariga yuklatiladi.

61. Sogʻliqni saqlash vazirligi barcha davolash profilaktika muassasalari tomonidan mehnatga vaqtincha layoqatsizlikni ekspertiza qilishda qonunchilik hujjatlari talablariga rioya etilishi ustidan nazoratni amalga oshiradi.

62. Mehnatga layoqatsizlik varaqasi yoki mehnatga layoqatsizlik maʼlumotnomasini berish masalalari boʻyicha shikoyat qonunchilik hujjatlarida belgilangan tartibda yuqori turuvchi tashkilot yoki sud tomonidan koʻrib chiqiladi.

12-bob. Yakuniy qoida

63. Mazkur Yoʻriqnoma Oʻzbekiston Respublikasi Moliya vazirligi hamda Mehnat va aholini ijtimoiy muhofaza qilish vazirligi bilan kelishilgan.

Moliya vaziri R. AZIMOV

2015-yil 20-mart

Mehnat va aholini ijtimoiy muhofaza qilish vaziri A. ABDUHAKIMOV

2015-yil 20-mart

Mehnatga layoqatsizlik varaqalarini berish tartibi toʻgʻrisidagi yoʻriqnomaga 1-ILOVA

Oʻzbekiston RespublikasiSogʻliqni saqlash vazirligiOʻzbekiston RespublikasiSogʻliqni saqlash vazirligiMehnatga layoqatsizlik varaqasiRoʻyxatga olingan sana: __-_____ 20___-yil№ __XXXXXX__Tibbiy muassasa nomi: ___________________________________________________________________ (qaysi muassasa tomonidan berilgan)1.Vaqtincha mehnatga layoqatsiz fuqaro haqidagi maʼlumotlar: __________________________F.I.O: ________________________________Jinsi: _________________________________JSHSHIR: ____________________________Yoshi: ________________________________Bemorga qarindoshligi: __________________1a.Bemor bola haqidagi maʼlumotlar:F.I.O: ________________________________Jinsi: _________________________________Tugʻilganlik haqidagi guvohnomaning seriyasi va raqami: ______________________________Yoshi: _________________________________2.Yashash manzili: _______________________3.Ish/oʻqish joyi: ___________________________4.Biriktirilgan tibbiy muassasa: ____________5.Mehnatga layoqatsizlik sababi: _____________6.Tashxis (KXT-10 kodi va nomi):________________________________________________________________________________________________________________________________________________________7.Davolovchi shifokor F.I.O:_______________________________________Boʻlim boshligʻi (masʼul shaxs) F.I.O:_______________________________________8.Yakuniy tashxis (KXT-10 kodi va nomi):________________________________________________________________________________________________________________________________________________________9.VMK raisining F.I.O:_______________________________________10.Yuqumli kasalliklarga chalingan bemorlar bilan kontaktda boʻlganligi haqidagi maʼlumotlar:__________________________________________________________________________________________________________________11.TIEK maʼlumotlari: ______________________Koʻrikdan oʻtgan sanasi: __________________Xulosa: ________________________________________________________________________TIEK raisi F.I.O:________________________12.Tartib: _______________________________Tartib buzilganligi toʻgʻrisida qaydlar:______________________________________13.Ishdan ozod etilgan kunlar: ________________________________________________________________________________________________________________________________________14.Vaqtincha boshqa ishga oʻtkazilsin: __________________________________________________________________________15.Boshqa davlatdan kelgan bemorga mehnatga layoqatsizlik varaqasini berish uchun ruxsat etiladi:Hujjat Yagona tibbiy axborot tizimida yaratilgan. Hujjatning haqqoniyligini https://docs.dmed.uz saytida hujjatning ID kodini kiritish, yoki QR-kod orqali tekshirish mumkin.HujjatninghaqqoniyliginitasdiqlovchiQR-kod

Mehnatga layoqatsizlik varaqalarini berish tartibi toʻgʻrisidagi yoʻriqnomaga 2-ILOVA

Oʻzbekiston RespublikasiSogʻliqni saqlash vazirligiOʻzbekiston RespublikasiSogʻliqni saqlash vazirligiMastlik holati boʻyicha mehnatga layoqatsizlik maʼlumotnomasiRoʻyxatga olingan sana: __-_____ 20___-yil№ __XXXXXX__Tibbiy muassasa nomi: ______________________________________________________________________ (qaysi muassasa tomonidan berilgan)1.Vaqtincha mehnatga layoqatsiz fuqaro haqidagi maʼlumotlar: __________________________F.I.O: ________________________________Jinsi: _________________________________JSHSHIR: ____________________________Yoshi: ________________________________Bemorga qarindoshligi: __________________1a.Bemor bola haqidagi maʼlumotlar:F.I.O: ________________________________Jinsi: _________________________________Tugʻilganlik haqidagi guvohnomaning seriyasi va raqami: ______________________________Yoshi: _________________________________2.Yashash manzili: _______________________3.Ish/oʻqish joyi: ___________________________4.Biriktirilgan tibbiy muassasa: ____________5.Mehnatga layoqatsizlik sababi: _____________6.Tashxis (KXT-10 kodi va nomi):________________________________________________________________________________________________________________________________________________________7.Davolovchi shifokor F.I.O:_______________________________________Boʻlim boshligʻi (masʼul shaxs) F.I.O:_______________________________________8.Yakuniy tashxis (KXT-10 kodi va nomi):________________________________________________________________________________________________________________________________________________________9.VMK raisining F.I.O:_______________________________________10.Yuqumli kasalliklarga chalingan bemorlar bilan kontaktda boʻlganligi haqidagi maʼlumotlar:__________________________________________________________________________________________________________________11.TIEK maʼlumotlari: ______________________Koʻrikdan oʻtgan sanasi: __________________Xulosa: ________________________________________________________________________TIEK raisi F.I.O: ________________________12.Tartib: _______________________________Tartib buzilganligi toʻgʻrisida qaydlar:______________________________________13.Ishdan ozod etilgan kunlar: ________________________________________________________________________________________________________________________________________14.Vaqtincha boshqa ishga oʻtkazilsin: __________________________________________________________________________15.Boshqa shahardan kelgan bemorga mehnatga layoqatsizlik varaqasini berish uchun ruxsat etiladi:Hujjat Yagona tibbiy axborot tizimida yaratilgan. Hujjatning haqqoniyligini https://docs.dmed.uz saytida hujjatning ID kodini kiritish, yoki QR-kod orqali tekshirish mumkin.HujjatninghaqqoniyliginitasdiqlovchiQR-kod

Mehnatga layoqatsizlik varaqalarini berish tartibi toʻgʻrisidagi yoʻriqnomaga 3-ILOVA

Oʻzbekiston RespublikasiSogʻliqni saqlash vazirligiOʻzbekiston RespublikasiSogʻliqni saqlash vazirligiTaʼlim olayotgan shaxslar uchun mehnatga layoqatsizlik maʼlumotnomasiRoʻyxatga olingan sana: __-_____ 20___-yil№ __XXXXXX__Tibbiy muassasa nomi: ________________________________________________________________________ (qaysi muassasa tomonidan berilgan)1.Vaqtincha mehnatga layoqatsiz fuqaro haqidagi maʼlumotlar: __________________________F.I.O: ________________________________Jinsi: _________________________________JSHSHIR: ____________________________Yoshi: ________________________________Bemorga qarindoshligi: __________________1a.Bemor bola haqidagi maʼlumotlar:F.I.O: ________________________________Jinsi: _________________________________Tugʻilganlik haqidagi guvohnomaning seriyasi va raqami: ______________________________Yoshi: _________________________________2.Yashash manzili: _______________________3.Ish/oʻqish joyi: ___________________________4.Biriktirilgan tibbiy muassasa: ___________5.Mehnatga layoqatsizlik sababi: _____________6.Tashxis (KXT-10 kodi va nomi):________________________________________________________________________________________________________________________________________________________7.Davolovchi shifokor F.I.O:_______________________________________Boʻlim boshligʻi (masʼul shaxs) F.I.O:_______________________________________8.Yakuniy tashxis (KXT-10 kodi va nomi):________________________________________________________________________________________________________________________________________________________9.VMK raisining F.I.O:_______________________________________10.Yuqumli kasalliklarga chalingan bemorlar bilan kontaktda boʻlganligi haqidagi maʼlumotlar:__________________________________________________________________________________________________________________11.TIEK maʼlumotlari: ______________________Koʻrikdan oʻtgan sanasi: __________________Xulosa: ________________________________________________________________________TIEK raisi F.I.O: ________________________12.Tartib: _______________________________Tartib buzilganligi toʻgʻrisida qaydlar:______________________________________ 13.Taʼlimdan ozod etilgan kunlar: ________________________________________________________________________________________________________________________________________14.Vaqtincha boshqa ishga oʻtkazilsin: __________________________________________________________________________15.Boshqa davlatdan kelgan bemorga mehnatga layoqatsizlik varaqasini berish uchun ruxsat etiladi:16.Ushbu maʼlumotnoma berilgan muassasa:____________________________________17.Muassasa nomi:_______________________________________Hujjat Yagona tibbiy axborot tizimida yaratilgan. Hujjatning haqqoniyligini https://docs.dmed.uz saytida hujjatning ID kodini kiritish, yoki QR-kod orqali tekshirish mumkin.HujjatninghaqqoniyliginitasdiqlovchiQR-kod

Mehnatga layoqatsizlik varaqalarini berish tartibi toʻgʻrisidagi yoʻriqnomaga 4-ILOVA

Oʻzbekiston RespublikasiSogʻliqni saqlash vazirligiOʻzbekiston RespublikasiSogʻliqni saqlash vazirligiBemor bolani parvarishlash uchun mehnatga layoqatsizlik maʼlumotnomasiRoʻyxatga olingan sana: __-_____ 20___-yil№ __XXXXXX__Tibbiy muassasa nomi: ________________________________________________________________________ (qaysi muassasa tomonidan berilgan)1.Vaqtincha mehnatga layoqatsiz fuqaro haqidagi maʼlumotlar: __________________________F.I.O: ________________________________Jinsi: _________________________________JSHSHIR: ____________________________Yoshi: ________________________________Bemorga qarindoshligi: __________________1a.Bemor bola haqidagi maʼlumotlar:F.I.O: ________________________________Jinsi: _________________________________Tugʻilganlik haqidagi guvohnomaning seriyasi va raqami: ______________________________Yoshi: _________________________________2.Yashash manzili: _______________________3.Ish/oʻqish joyi: ___________________________4.Biriktirilgan tibbiy muassasa: ____________5.Mehnatga layoqatsizlik sababi: _____________6.Tashxis (KXT-10 kodi va nomi):________________________________________________________________________________________________________________________________________________________7.Davolovchi shifokor F.I.O:_______________________________________Boʻlim boshligʻi (masʼul shaxs) F.I.O:_______________________________________8.Yakuniy tashxis (KXT-10 kodi va nomi):________________________________________________________________________________________________________________________________________________________9.VMK raisining F.I.O:_______________________________________10.Yuqumli kasalliklarga chalingan bemorlar bilan kontaktda boʻlganligi haqidagi maʼlumotlar:__________________________________________________________________________________________________________________11.TIEK maʼlumotlari: ______________________Koʻrikdan oʻtgan sanasi: __________________Xulosa:________________________________________________________________________TIEK raisi F.I.O: ________________________12.Tartib: _______________________________Tartib buzilganligi toʻgʻrisida qaydlar:______________________________________13.Ishdan ozod etilgan kunlar: ________________________________________________________________________________________________________________________________________14.Vaqtincha boshqa ishga oʻtkazilsin: __________________________________________________________________________15.Boshqa davlatdan kelgan bemorga mehnatga layoqatsizlik varaqasini berish uchun ruxsat etiladi:Hujjat Yagona tibbiy axborot tizimida yaratilgan. Hujjatning haqqoniyligini https://docs.dmed.uz saytida hujjatning ID kodini kiritish, yoki QR-kod orqali tekshirish mumkin.HujjatninghaqqoniyliginitasdiqlovchiQR-kod